#ጠላቴ

ጠላቴን ስፈልግ ከጎረቤቶቼ
ጠላቴን ስፈልግ ከባልደረቦቼ
ጠላቴን ስፈልግ ከሩቅ ከቅርቦቼ

ለካስ ክፉ ጠላት ደመኛዬ ያለው
ከገዛ እኔነቴ ከራሴ ውስጥ ነው !!

📚 የተለያዩ ድርሰቶችን ለማግኘት📚
👇👇👇👇👇👇👇👇👇👇

#እየጠበቀችው_ነው !

#በናትናኤል

የሆነ ቀን…
ከቤተክርስትያን ስትመለስ እንቅፋት መታት ። ነጠላ ጫማዋ ተገነጠለ ። መሀል መንገድ ላይ ስለነበረች ተጨነቀች ። እያነከሰች ወደ መንገዱ ዳር ሂዳ ስትቀመጥ አንድ ጀለቢያ የለበሰ ወጣት አንዲት ሱቅ ተደግፎ ተመለከታት። ወዲያው ከሱቁ መርፌ ገዝቶ ተከተላት ።
እንደ ደረሰ ፈገግታውን ለግሷት ከስሯ ተንበረከከ ። ምንም አልተነጋገሩም ።
እግሯ እየደማ መሆኑን ሲመለከት ሳያመንታ የለበሰውን ቀደደው ። ፊቱ ላይ ፅንፍ የለሽ ርህራሄ ይነበባል ። በቅዳጁ አውራ ጣቷን አሰረላት ። የገዛውን መርፌ በስር አስገብቶ ነጠላ ጫማዋን ጠገነው ።
እሷ እንባ ባቀረዘዙ አይኖቿ በግርምት እያየችው ነው ። ሲጨርስ አመሰግናለሁ እንኳ ሳትለው ወደ ቤቷ ገሰገሰች ። መፍጠን አለባት ።
…
በሌላ ቀን …
ያኔ ከቤተ ክርስትያን መልስ በመዘግየቷ ቁጡው የእንጀራ አባቷ በሽቦ ገርፈዋታል ። ጠበል እንድታመጣላቸው ከሰጧት ሰአት አንዲት ደቂቃ እንኳ እንድታረፍድ አይፈቅዱላትም ። ጀርባዋ ላይ የተጋደመው ሰንበር ትንንሽ የቆዳ መስኮቶችን ሰርቷል ። እንዲህ በሽቦ ተገርፋ ጀርባዋ ላይ ምልክት ሲወጣባት አክሱምን የተደገፈች ይመስላታል ። የአክሱም መስኮቶች ጀርባዋ ላይ የወጡ ይመስላታል። አሁንም ላለመገረፍ ከቤተክርስትያን ስትመለስ እየፈጠነች ነበር ። በሁለት ሊትሩ ሀይላንድ ጠበል ይዛለች ። ሱቁ አካባቢ ስትደርስ ግን ቆም አለች ። ጫማዋን ቀስ ብላ ገነጠለችው ። ልጁ በድጋሚ መጣ !
ጫማዋን ሲጠግንላት አሁንም ምንም አላወሩም ። እንደ ትንግርት ያያታል ። በፍቅር ታየዋለች ። ሲጨርስ አመሰግናለሁ እንኳ ሳትለው መንገዷን ቀጠለች… ከሄደች በኋላ ግን ዙራ ተመለከተችው ።
…
በሌ..ላ ቀን
ልጁ ሱቁን ተደግፎ እየጠበቃት ነው ። እንደምትመጣ ያውቃል ። ሱቁጋ ስትደርስ ጫማዋ እንደሚገነጠል ያውቃል ። እስከዛው እየሰገደ ይጠብቃታል ። ሱቁ ሱቅ ብቻ አይደለም። መስጊድም ጭምር ነው ። አክሱም ከተማ ውስጥ መስጊድ ስለሌለ ከሱቁ ጋር ከተያያዘው ጠባብ ቤት ውስጥ ብዙዎች ይሰግዳሉ ።
ድንገት የታመሙት አጎቱን አሰበ ። በጠና ደዌ ተመቶ ችፍ ያለ ፊታቸው ትውስ አለው ። ፊታቸው መስኮት በሚመስሉ ፍርግርጎች የተሞላ ነው። አጎቱ ተዳክመዋል ። እያንዳንዱን ቀን በስቃይ ነው የሚያሳልፉት ። ሀሳብ ውስጥ እያለ ልጅቷ መጣች ። ሄደ… ጫማዋን ለመጠገንና አይኖቿን ለማየት …ሄደ ።
…
ሁል ቀን :
ግርፋት ያሻከረው ጀርባዋ ከኋላ በነጠላ ተሸፍኖ ሲያዩት አያስታውቅም።
ባጎቱ ህመም የተጨነቀው ልቡ ለስግደት ሲደፋ አያስታውቅም ።
እንደተለመደው ስትፈጥን ትመጣና ሱቁ አካባቢ ስትደርስ ቆም ትላለች…
እንደተለመደው ሰግዶ ሲጨርስ ሱቁን ተደግፎ ባይኑ ይማትራል።
የተገነጠለ ጫማዋን አንጠልጥላ ከመንገዱ ዳር ትቀመጣለች ።
ፈገግ እያለ ይቀርባታል ። ምንም ሳያወሩ ጫማዋን ብቻ ጠግኖላት ይለያያሉ ።
…
የሆነ ቀን
ድክምክም ያለ ጀርባዋን በስስ ነጠላ እንደሸፈነች መጓዟን ቀጠለች ። ከቤተ/ክ እየተመለሰች ነው ። ሱቁ አካባቢ ስትደርስ እንደ ሁልጊዜው ነጠላ ጫማዋን ሆን ብላ ገነጠለችው ።
ከመንገዱ ዳር ተቀምጣ ልጁን መጠበቅ ጀመረች ።
ልጁ :
ታመው የነበሩት አጎቱ ስለሞቱ የቀብር ስነስርአታቸውን ለማስፈፀም ጉዞ ላይ ነው ። እዚያ አባካባቢ ሙስሊሞች መቀበር አይችሉም ። የመቀበርያ ቦታ የላቸውም ። ለዚህ ሲባል ረጅም ጉዞ ማድረግ አለባቸው ።
የእንጀራ አባቷ: እሷን ለመግረፍ እጅግ በቋመጠ ሁኔታ ሽቦ ይዘው እየጠበቋት ነው ። ዛሬ በጣም አርፍዳለች ። በተለየ ሁኔታ ነው የሚገርፏት ። ሽቧቸውን እየደራረቡ ከመጠን በላይ አወፈሩት ። ከወዲያ ወዲህ እየተንጎራደዱ እሳት አይናቸውን ማንቀልቀል ቀጠሉ ።
ልጁ ግን በጣም ዘገየ ። ለነገሩ ከዚያም በላይ ይዘገያል ። ምክንያቱም አጎቱን ለመቅበር ከሰአታት በላይ በእግሩ መጓዝ አለበት ።
እሬሳውን የተሸከሙ አራት ሰዎች ከፊት ሲመሩ እሱ ከኋላ ይከተላል ። በሀዘኑም ውስጥ ሁኖ እያሰባት ነው ። ለቅፅበት ህይወት የአክሱም ሀውልት መስኮቶችን መስላ ታየችው… የማያስገቡ ደግሞም የማያወስወጡ መስኮቶች ።
አባቷ የቅጣት ደረጃቸውን ከፍ ሊያደርጉት አስበዋል። ቀበቷቸውን እያላሉ አልጋቸውን ተመለከቱ ።
ልጁ ገና ያረፍዳል ምናልባትም ደግሞ ያመሻል ። ልጅቷ ግን እየጠበቀችው ነው…

💫አለቀ💫

ለአስተያየቶ @atronosebot ን ይጠቀሙ መልካም ቀን። 🙏

📚 የተለያዩ ድርሰቶችን ለማግኘት📚
👇👇👇👇👇👇👇👇👇👇

#የእሷ_እንቆቅልሽ !

#በናትናኤል

አፍቅራው ከሆነ ለምን እንዳፈቀረችው አይገባኝም። ሰው በበዛበት አካባቢ ሳይቀር በጥፊ ሲያጠናግራት ምንም አይመስለውም። የአፍንጫዋን ደም በሶፍት እየጠረገች ፀጥ ትላለች።
«ቱ! ሴት አይደለሽም አንቺ ዝፍዝፍ! እበት ነገር ነሽ! !ጥንብ!!» …እንደዚህ ከሰው ፊት ሲሰድባት ቅሬታዋን ውጣ አንገቷን ትሰብራለች እንጂ ምንም አትናገረውም።
.
ብዙ ጊዜ እየገላገልኩ ከደንዳና መዳፉ ላተርፋት ጥሬያለሁ። እየቆየ ሳስተውላት ግን ህይወቷ ላይ ለውጥ የሚያስከትል ምንም አይነት ውሳኔ አትወስንም። በዚህ ስለተገረምኩ ፣ ትዕግስቷ ምን ያህል እንደሆነ ለማየት ስለጓጓሁ፤ በጠፈጠፋትና ባሸማቀቃት ቁጥር እንደ ፊልም ተረጋግቼ ማየት ጀመርሁ።
.
ግን የያዛት ፍቅር ነው ? ለምን አፈቀረችው ?
እሱ ዝና አለው። ደራሲ ነኝ ይላል። ማህበራዊ ሚድያ ላይ እንደምንም ተንደፋድፎ ስሙን ሰቅሏል። ግን ስለ ሴት መከበር ይፅፋል እንጂ ሴትን የሚያከብር ቅንጣት ስብዕና እንደሌለው በአካል የምናውቀው እናውቀዋለን።
የገንዘብ ችግር ኑሮባት ይሆን ? ስል አስቤ አውቃለሁ። ከእሱ ጋር እንደዛ የሚያላትማት የሆዷ ጉዳይ ይሆንን? ግን አይደለም። አንዳንዴ ሲጣሉ ለቀናት ወደ ቤቷ ትሄዳለች። እሷ አኩርፋው ሳይሆን የእሱ ኩርፊያ እስኪለቀው። እና ምን ሁና ነው ? እንቆቅልሹን ልፈታ እታገላለሁ።
.
አንድ ቀን አምሽታ መጣች። ሲደውልላት «ቤት ነኝ» ብላው ነበር። ቤት እንዳልነበረች ግን አውቆባታል። ፀጉሯን ጨምድዶ ከግድግዳ ጋር ያጋጫት ጀመር።
«ልቀቀኝ ! ኡ ! ኡ !ኡ! …ኸረ ገደለኝ !» ጮኸች!
«አንቺም ሰው ሁነሽ እኔን ትዋሻለሽ ? አንቺ ጋለሞታ ! አንቺ ጥንብ አንሳ! »
« ኸረ ገደለኝ! ውውውውውውውይ!»
«ፀጥ በይ አህያ የአህያ ልጅ! ልጅሽን በስነ ስርአት አታሳድጊም ከመንዘላዘል? ሸርሙጣ!»
ጎረቤት መጥቶ እስኪገላግላት የተወሰኑ ደቂቃዎችን በስቃይ አሳለፈች።
« እሄዳለሁ» አለች።
«ሂጂ ጥርግ በይ !» …ሌሊት ስለነበር ማደር ግድ ይላታል። አደረች።
የመጨረሻዋ ነው ብዬ አሰብኩ። ወሲብ መፈፀማቸው ያስታውቃል። የመሰነባበቻ ይሆናል ወሲቡ። እንዲቆርጥላት !
.
ለ ሁለት ቀናት ከሱ ቤት ሳትመጣ ቀረች። በመጨረሻም ወሰነች ስል አሰብኩ። ግን ተሳስቼ ነበር። በሶስተኛው ቀን ማታ አቅፏት ሲገባ አየሁ።
« ልጅ አላት። ቤተሰቦቿ እያሳደጉላት ይሆናል። ለልጇ አታስብም? ከእሱ ጋር የምታባክነው ከንቱ ጊዜ ለልጇ የሚያስፈልግ ወርቃማ ሰአት አይደለም? ምን ሁና ነው ? » እላለሁ። እንቆቅልሹ ይገዝፍብኛል።
ብዙ ጊዜ ሲጣሉ የሚገላግላቸው ፣ ሁላችንንም የሚያውቀን ዮሀንስ ጋር ስንገናኝ እንዲህ አለኝ።
«ሴት ልጅ ታዋቂ ሰው ስታይ ብዙ ነገሯን ትረሳለች ። ከማይታወቅ ወርቅ ይልቅ የሚታወቅ መዳብ ለሴት ልጅ ትልቅ ዋጋ አለው። »
« ተው እንደሱ አትበል። ሀይለኛ ፍቅር ነው የያዛት! »
« ሃሃሃሃ! ባክህ ፍቅር አልያዛትም። ከእሱ ጋር መታየት የሚያስከብራት መስሏት ነው። ብታፈቅረው ኑሮ ላዩ ላይ አትደርብም። እኔም ጋር አድረናል» ሲለኝ በድንጋጤ እየጠጣሁ የነበረውን ሻይ ጠረንጴዛው ላይ ለቀኩት።
.
ከሁለት አመት በኋላ፤ ዛሬ ጠዋት የምሰራበት ድርጅት ውስጥ ፀሀፊ ለመቅጠር የቃል ፈተና እያደረኩ እያለ ፣ አንዲት ሴት መጣች። ራሷ ናት ፤ ብሩክቲ!
ስታየኝ ጥቂት እንደማፈር አለች። እንድትረጋጋ ነግሬያት ቃለመጠይቁን ጀመርኩ። የምጠይቃትን ጥያቄዎች ከግማሽ በላይ በትክክል መልሳለች። በዚያ ላይ ታሳዝናለች። የማውቃት ሰው ናት። ከእሷ የተሻሉ ቢኖሩም ያ የማውቀው ታሪክ ተፅዕኖ አሳድሮብኝ ላሳልፋት አሰብኩ።
«እሺ እንደውልልሻለን» ብያት መውጣት ጀመረች። በሩ ላይ ስትደርስ ዘወር ብላ በድጋሚ አየችኝ። ፊቷ ላይ የበለዘ ነገር ያየሁ መሰለኝ። ማመን አልቻልኩም። አሁንም በዚያ ሁኔታ ውስጥ ናት። የምሰራበት ድርጅት ጠንካራ ሴቶችን መቅጠር ይፈልጋል። ራሷን የማታከብር ሴት ለምንም አትሆንም ስል አሰብኩ። ጣልኳት !! ስለጣልኳት አዝናለሁ። ግን የወደቀችው በራሷ መሰለኝ!!

💫አለቀ💫

ለአስተያየቶ @atronosebot ን ይጠቀሙ። 🙏

#ጀግንነት_ካሉ

መቼም ቢሆን...
ያ'ንበሳ ድርሻ ኖሮህ
በጉልበትህ ብትመካም፣
ቁርጥ ቀን ሲመጣ
መሸሽ እንጂ
መጋፈጥ አያዋጣም !!

🧿ሀብታሙ ወዳጅ🧿

#በቃኝ

እሳት ሆኘ ስነድ፥ አንች ቆፈን ወርሶሽ
ሎሚ ብወረውር፥ እንቧይ ሆኖ ደርሶሽ
ዝምድና ሳያንሰን፥ እየቆየሽ ባዳ
መላመድ ሳይጎድለን፥ እያደርሽ እንግዳ፤

እንግዲህ ደህና ሁኝ

ምኞቴም በረደ፥ ቁጣየም አለፈ
ከእድሉ ጋር ታግሎ፥ ማነው-ያሸነፈ።

#ከአንዲት_ቦንቦሊኖ_መሀል
፡
፡
#በናትናኤል
.
የዘጠነኛ ክፍል ተማሪ በነበርኩበት ሰአት ከተማሪዎች ተገንጥዬ ብቻዬን መሆንን እመርጥ ነበር ። በተለይ ከሴቶች ጋር ምንም አይነት ቀረቤታ የለኝም ።
.
ሁሌም የእረፍት ሰአት ሲደወል ...ከግቢው መሀል ሜዳ ላይ የተጎነጎነ ሳር ተደግፌ እቀመጣለሁ ። የሚንጫጩ ተማሪዎች፣ ፈንጠር ብለው ለብቻቸው የሚቀመጡ ጥንዶች ፣ክብ ሰርተው የሚያወሩ ጉዋደኞች...ሜዳውን ይሞሉታል ። ከዚህ ሁሉ ግርግር መሀል ለብቻዬ ተቀምጬ አረንጓዴውን ሳር በተመስጦ እያየሁ የምተክዘው እኔ ነኝ ።
.
ዘወትር ከተማሪዎች ግርግር የሚመጣውን ጫጫታ ትኩረት ነፍጌ ወደ ሳሩ አቀረቅራለሁ ። ሜዳው ሰፊ ሲሆን ዙሪያውን በእንጨትና በሽቦ አጥር የተከበበ ነው ። ግቢው ውስጥ አዳዲስ ግንባታዎች በመጀመራቸው ፣ ከተማሪዎች ሌላ የቀን ሰራተኞችም በሜዳው ጥግ ሲርመሠመሡ ይስተዋላሉ ። ይሄ ሁሉ ነገር ግን ትኩረቴን አይስበኝም ። አቀርቅሬ ሳሩን እመለከታለሁ ። ብዙ ጊዜ አቀርቅሬ መተከዝና አይኔን ሳሩ ላይ መትከል ከጀመርኩ ቀና አልልም ።
.
ብቻዬን ስሆን ለብቻዬ የማውቀው እውነት ያለ ያህል ይሰማኛል ።ለብቻዬ የሚሰማኝ ስሜት ያለ ያህል ይሰማኛል ።... አንድ ቀን ተክዤ ካቀረቀርኩበት ቀና ስል አንዲት ሴት ወደ እኔ አተኩራ እያየች ሰብሰብ ወዳሉት ጉዋደኞቿ ስታንሾካሹክና በህብረት ጩኸው ሲስቁ አስተዋልኩ ። ምን እንዳለቻቸው መስማት ባልችልም እንዳፌዘችብኝ ግን ውስጤ ነገረኝ ። መጀመሪያ ነገሩን በቁም ነገር ስላላየሁት ይሁን ወይም ሳሩ ስለሚስበኝ አላውቅም... አንገቴን ወደ ሳሩ መልሼ አቀረቀርኩ ። በኃላ ግን እንደ አዲስ ይቆረቁረኝ ጀመር ።
.
ነገሩን እንደ አጋጣሚ ልቆጥረው ብፈልግም በቀጣዮቹ ቀናቶች ተደጋገመ...በተደጋጋሚ በእረፍት ሰአት እዛ እንደሚቀመጡና እንደዛ እንደሚያደርጉም አስተዋልኩ ። ሁሌ እንሚያሾፉብኝ ገባኝ ።..... አመቱን በሙሉ የትምህርት ቤቱ ሜዳ ላይ የተጎነጎነ ሳር እየተደግፍኩ ስቀመጥና ፊትለፊቴ የሚስቁብኝን ተማሪዎች ስታዘብ አሳለፍኩ ። በጣም እናደድና በጉዳዩ ከውስጤ ጋር እከራከር ነበር ።
የትምህርት ሰአት አልቆ ወደ ቤት ስሄድ በእኔ ላይ ለምን እንደሚያሾፉ ራሴን እጠይቅና መልስ አጣለሁ ። በአለባበሴ ይሆን የሚስቁብኝ?..ብቻዬን ስለምሆን እንደ ጅል ቆጥረውኝ ይሆን ?ወይስ ሰለ ራሴ ያላወኩት ነገር አለ?. እኔንጃ!
..
እየቆየ የትምህርት ቤቱ ግቢ ሳር ቀስ በቀስ እየጠፋና በአቧራ እየተተካ መሄድ ጀመረ ። ግቢው ውስጥ ያልነበሩ የተማሪ መገልገያ ካፌዎች ተከሰቱ ። የመማሪያ ክፍሎች ግድግዳ በሌላ ቀለም አሸበረቀ ። አጥሩ እየፈረሰ እንደገና ታጠረ... ትምህርት ቤቱ ሰፋ ። የትምህርት ቤቱ ብዙ ነገሮች ተለዋወጡ...እኔም ከትምህርት ቤቱ ይሄንን መጥፎ ትዝታ ብቻ ይዤ ተሰናበትኩ ።
.
ከተወሰኑ አመታት በኃላ ትምህርት ቤቱን አልፎ በሚገኝ በሚገኝ አንድ ህንጻ ውስጥ ስራ ተቀጠርኩ ። ህንጻው ትልቅ ሲሆን ሰፊ ቦታ የያዘና ዙሪያውን በሽቦ የታጠረ የመንግስት መስሪያ ቤት ነው ። ስራ መጀመሬን ተከትሎ በህይወቴና በአኗኗሬ ላይ ብዙ ለውጦች ተከስተዋል ። ትምህርት ቤት የነበረኝን መጥፎ ትዝታ ግን መርሳት አልቻልኩም ። ነገሮች አልሳካልኝ ብለው የውድቀትና የሽንፈት ስሜት ሲሰማኝ እንኳን...አንዲት ሴት ስታንሾካሹክና ሌሎቹም ተከትለዋት ሲስቁ በአይመሮዬ ይመጣብኛል። የተሳቀብኝ ይመስለኛል ። ተጽእኖው ቀላል አልነበረም ። መስሪያ ቤቴ ውስጥ ብዙ ሴት ጸሀፊዎችና ተላላኪዎች ሲኖሩ ከአንዳቸውም ጋር አልነጋገርም ነበር ።
ስድስት ሰአት ሲሆን የመስሪያ ቤቱ አባላት ለምሳ ወደ ቤታቸው ሲጣደፉ ፣ እኔ አንድ ወንበር ወደ ውጭ እስብና ከመስሪያ ቤቱ ቅጽር ውስጥ የበቀለውን ለምለም ሳር እየታዘብኩ የስራ ሰአት እስኪጀምር በትካዜ አሳልፋለሁ ።
.
በዚህ ሁኔታ ...የበጋው ወር ገፍቶ ክረምቱ እየገባ ...እኔ የምታዘበው ሳርም እያደገ መጣ ። አንድ ቀን ምሳ ሰአት ላይ ወንበር አውጥቼ ያደገውን ሳር እየታዘብኩ ያስመጣሁትን ቦንቦሊኖ እየበላሁ ነው ፥ ድንገት " ይቅርታ ..." የሚል የሴት ድምፅ ትዝብቴን አቋረጠኝና ቀና አልኩ ። ሳያት የሆነ ስሜት ወረረኝ....ደምስሬ ሲወጣጠርና የልብ ምቴ ሲፈጥን ታወቀኝ......ያኔ ዘጠነኛ ክፍል ለጉዋደኞቿ ስታስቅብኝ የነበረቺዋ ሴት ናት ። ጺሜ በጣም ስላደገና ፊቴ ስለጠቆረ ያወቀቺኝ አልመሠለኝም ። ታኮ የለለው ጫማ የለበሰች ሲሆን ሰፊ የእርጉዝ ልብስ ለብሳለች ።
.
አንድ ጉዳይ ልታስፈፅም እንደመጣችና ሰራተኞች እስኪገቡ እየጠበቀች እንደሆነ ነገረቺኝ ።..የማላውቀው ስሜት ውስጤን እየናጠኝ ተቋቁሜ ጸጥ ብዬ አየሇት። በጣቷ ወደ ሆዷ እየጠቆመችና ፈገግ እያለች..." እርጉዝ ነኝ ...እባክህ ቦንቦሊኖው ሸቶኝ ነው..ቆርሰህ ስጠኝ" አለቺኝ ። ..አይኖቿን እያየሁ አስተዋልኳት ። ግራ በመጋባት አየችኝ ። በመገረም ለጥቂት ሰከንዶች ካስተዋልኳት በኃላ ....እንቢታዬን ገለጽኩላት ። ፊቷ ሲቀላና ቅይርይር ሲል ግራ የሚያጋባ ስሜት ሲፈጠርባት በዝምታ እያየሇት ነበር ። ከአይኔ እየሸሸች እስክትሰወር ድረስ አስተዋልኳት ።...ምንድን ነው ግን ያደረኩት?...
.
ጥቂት አመታቶች እንደ ቀልድ አለፉ...ክረምቱ ያሳረፈው የዝናብ አለንጋ ተረሳ ፥መስሪያ ቤቱ ግቢ ውስጥ የነበረው ሳር ደረቀ ። እኔም ተንጨባሮ የነበረው ጸጉሬንና ጺሜን ስቆረጥ ሌላ ሰው መሠልኩ ። ....ምሳ ሰአት ላይ ወንበሬን ስቤ ከውጭ የተቀመጥኩ ቢሆንም በትዝታ ወደ ሁዋላ ተወርውሬአለሁ......ወደ ዘጠነኛ ክፍል ። ብቻውን ሳር ላይ ቁጭ የሚልና..ሴቶች የሚስቁበት ሁኖ አገኘሁት ራሴን ።ለምን እንደሆነ ባላውቅም ከጉዋደኞቿ ጋር ለምን ታሾፍብኝ እንደነበር ማወቅ ፈለኩ ። ምን ያደርግልሀል?...አልኩት ራሴን ። ለአሁን ሂዎትህ ይጠቅምሀል?..ለምን ማወቅ ፈለክ...ነው ወይስ ዘጠነኛ ክፍል ያሳቀብህ ጉዳይ አሁንም በስራ ባልደረባዎችህ እያሳቀብህ ነው ?...ጉጉቴ እየናረ ራሷን እንድጠይቃት ተማጸነኝ ።ብዙ አመነታሁ....ምንም አይጠቅመኝም አልኩ ።በኃላ ግን ላገኛት ወሰንኩ ።
.
እንደምንም ስልኳን አፈላልጌ አገኘሁና ስደውልላት በሁለተኛው ጥሪ አነሳችው ። ቀዝቀዝ ያለ ሰላምታ ሰጥቻት...ዘጠነኛ ክፍል አብረን እንደተማርንና...ምን አይነት ልጅ እንደሆንኩ ደግሞ ብቸኝነቴን ምልክት አድርጌ ስነግራት ሞቅ ያለ ሰላምታ ሰታኝ ስታበቃ ልታገኘኝ ተስማማች ።
.
ወደ ተቀጣጠርንበት ካፌ ስትመጣ ትልቅ የነበረው ሆዷ ወደ ውስጥ መግባቱን አስተዋልኩ ። እንደበፊቱ ሰፊ ልብስ አለበሰችም ። አንድ ህጻን ልጅ ከስሯ አስከትላለች ። አብዝሀኛዎቹ የከተማ እናቶች የሚለብሱትን አለባበስ የለበሰች ሲሆን ፤ አንገቷ ላይ ስካርፕ ጣል አድርጋለች።
.
እንዳየችኝ ደንግጣ የምትመለስ መስሎኝ ነበር ። እሷ ግን ጸጉሬንና ጺሜን ስለተስተካከልኩ ከዚ በፊት ያገኘችኝ አልመሰላትም ።
ለመጀመሪያ ጊዜ እንደተገናኘ ሰው ሞቅ ያለ ሰላምታ ሰጥታኝ ከፊት ለፊቴ ተቀመጠች ። ከጠበኩት በላይ ተግባቢ ሁና አገኘሇት ። ትምህርት ቤት ውስጥ ስለነበሩአት ጉዋደኞችና አሁን የት እንደ ደረሱ አወራን ። ስትስቅ ጉንጮቿ ይሰረጎዳሉ ። ለብዙ ደቂቃ በጨዋታ ይዛኝ እየሳኩ ጥያቄዬን የምጠይቅበትን አጋጣሚ በመጠበቅ ላይ ነበርኩ ........በመሀል እንደ ድንገት ጠየኳት ።
" ለምን ነበር የምታሾፉብኝ..?...ብዙ ጊዜ እያየሺኝ ታንሾካሽኪ ነበር"
.
በድንጋጤ ፊቷ ተቀያይሮ አስተዋለችኝ ።.አይን አይኗን እያየሁ ነው ። ጸጥታ በመሀከላችን ለጥቂት ደቂቃዎች ነገሰ ። የሚያስፈራ ጸጥታ

ትንሽ ቆይታ በመገረም እያየችኝ
" ጸጋዬን ታውቀዋለህኣ ? " አለችኝ ድክም ባለ ድምፅ
" አዎ " አልኳት በጥያቄዋ ግራ እየተጋባሁ ።
" ሁሌ በእረፍት ሰአት የሚቀመጠው ካንተ ጀርባ ነበር ። ስለምወደው እከታተለው ነበር ። ከጉዋደኞቼ ጋር ሁነን እየነገርኳቸው እንስቅ ነበር ። " ስትለኝ ድንግጥ አልኩ ። ጸጋዬን በአይምሮዬ ሳልኩት ...ድምጹ ስልል ያለ ልጅ...ሁሌ በእረፍት ሰአት ...ከኔ ጀርባ ነበር የሚቀመጠው ።
.
ስሜቴ ተቀያየረ....ድንጋጤ ዋጠኝ ።..ትኩስ ላብ ወደ ጀርባዬ እየወረደ ሲቀዘቅዝ ይታወቀኛል ። የምናገረው ጠፍቶብኝ አንገቴን ወደ ውስጥ ስቀብር ልጇን አስተዋልኩት ። አንገቱ አካባቢ ላይ ምልክት አለበት ።
" አንገቱን ምን ሆኖ ነው ..." ስል ጠየኳት ወሬ ለመቀየር
"...እ...ሽታ ነው .." አለችኝ ፈገግ እያለች ..."
" ሽታ ነው........እርጉዝ እያለው ቦንቦሊኖ አምሮኝ........."
.......ብዙ መቀመጥ አልቻልኩም። ..ቶሎ ተሰናብቻት ወደ ቢሮዬ ስመለስ ብዙ ነገሮችን እያወጣሁና እያወረድኩ ነው ። ህይወቴን ምን ያህል በተሳሳተ ስሜት እንደሞላሁት ሳስብ አዘንኩ ።.....ወይኔ ደግሞ..ልጇ!..ልጇ!... ቢሮዬ ስደርስ እንዲህ እያልኩ ይመስለኛል ። ከእያንዳንዷ ሽታ(ጠባሳ) ጀርባ የሆነ ስህተት አለ ። ከእያንዳንዱ ቦንቦሊኖ መሀል የሆነ ክፍተት አለ ...የሆነ ስህተት... ህይወቴ ከአንዲት ቦንቦሊኖ መሀል ያለው ክፍተት ሁኖ ተሰማኝ...

💫አለቀ💫

ለአስተያየቶ @atronosebot ን ይጠቀሙ መልካም ቀን። 🙏

#ሮዛ_2
፡
፡
#ክፍል_አስር(🔞)
፡
፡
#ከለብ_አሪዞና

ክለብ አሪዞና ሮማን ሕንጻ ስር የሚገኝ ቀውጢ ጭፈራ ቤት ነበር። በሩ ጠባብ ነው።ዉስጡ ግን በጣም ሰፊ ነው። ልክ እንደትዝታ “ባብሽ”።በአንድ ወቅት የትዙን “ባብሽ” ጠባብ ነው እያሉ ብዙ
ወንዶች ተዋደቁለት። እውነት ለመናገር ያን ሰሞን ከኛ ፊት ይልቅ የሷ ባብሽ ይበልጥ ዝነኛ ነበር።ዘልቀው እስኪያዩ ድረስ ነው ታድያ።

ስለሺ ዘ ጎንደር የትዙን ባብሽ ካልቀመስኩ ብሎ እሪ አለ። ተው ቢባል ምን ቢባል! በቃ እሷ ጭን ውስጥ
ቅበሩኝና ታፍኜ ልሙት አለ። እግር ስሞ፣ ደጅ ጠንቶ፣እጥፍ ከፍሎ፣ በስንት መከራ፣ከምሽታት በአንዱ ሌሊት ከፍታ ሰጠችው። አጥብባ ሰጠችው። አስነከሰችው። ስለሺ ደስ አለው። ደስታው ግን ብዙ አልዘለቀም። ዕቃው ገብቶ ጠፋ። ቢባል ቢፈለግ ከየት ይገኝ? የስለሺ ዕቃ የትዙ ባብሽ ውስጥ ገብቶ በቃ ጠፋ ጠፋ። በስንት ፍለጋ ለፖሊስ አመልክቶ ነው ያገኘው እየተባለ ተቀለደ።

በሌላ ቀን ስለሺን አግኝተነው “ምን ሆንክ?” ስንለው “ዉስጥ ገብታችሁ እኔ ያየሁትን ብታዩ እንዳሁኑ አትቀልዱም ነበር” አለን። እሱ እንደሚለው ባብሽዋ ውስጥ ሁሉም ብሔር ብሔረሰቦች አሉ-
በእኩልነት እየጨፈሩ ይኖራሉ። ብቻ በትዙ “ባብሽ” ዙርያ አንድ ዓመት ተቀለደ። ትዙ ከፋት። ይሄ ክፉ ጎንደሬ! ምነው ባልሰጠሁት ኖሮ” ብላ ተጸጸተች።

በርግጥ የትዙ “ባብሽ” በተፈጥሮ ሰፊ ነው፤ እሷም ይህንንም ስለምታውቅ ነው ዮጋ የጀመረችው። ዮጋ የምታሰራት አንዲት ህንዳዊት መነኩሲት ነበረች፡፡ ሳር ቤት አካባቢ። ትዙ ደንበኞቿ እቃሽ ሰፉብን እያሉ ሲነጫነጩባት ብድግ ብላ ህንዷ ሴትዮ ጋር ሄደችና ሰላም እንኳ ሳትላት “ይቅርታ ባብሼ"

ማስጠበብ ፈልጌ ነበር” አለቻት። ህንዷ እንገቷን በአዎንታ ነቅንቃው ዮጋ ከላስ መዘገበቻት። በደንብ እንዲጠብላት ብላ Pussy Contraction and Relaxation የሚባል ኮርስ ሰጠቻት።

ኮርሱ ለትዝታ ከባድ አልነበረም። ትልቅ የሚነፉ የፕላስቲክ ኳስ በእግሮቿ መሐል አድርጋ ቁጭ ትልበትና ትንፉሽ ወደ ውስጥና ወደ ዉጭ በማስገባትና በማስወጣት የባብሽዋን ጡንቻ መቆጣጠር ተማረች። ዘዴው ለተወሰነ ጊዜ ሰራላት። በአጭሩ ቁላ ሲገባባት በባብሿ ጡንቻ ነክሳ መያዝ ቻለችበት።
ወንዱን ሁሉ አሰለፈችው። ዋጋ እየቆለለችባቸው እንኳን ብዙ ወንዶች ከሷ ባብሽ ሌላ ወይ ፍንክች አሉ። እሷ ባብሽ ውስጥ ገብተን ስንወጣ ሌላ መቃብር ቆፍራችሁ ብትቀብሩን አይቆጨንም አሉ።

ትዝታ ቢዝነስ ቆመላት። በተማረችው መሰረት ሴክስ ማድረግ ስትጀምር ቶሎ ብላ ትንፋሽዋን ስባ ትይዘዋለች። ባብሽዋ ይጠብላታል። ይህን ጊዜ ወንዶቹ እቃቸውን ታግለው ስለሚከቱባት በደስታ ማበድ ይጀምራሉ"እቃዬ ትልቀቱን መቋቋም አቅቷት ልትሞት እሪ ነው ያለችው እያሉ ለወንድ ጓደኞቻቸው ጉራቸውን ይቸረችራሉ። ብለው ብለው ደግሞ 6 ዓመት ያለመታከት በሸሌነት ያገለገለችውን ትዙን “ድንግል ናት” ብለው መማል ያምራቸዋል። ወንድ ሲባል ጉረኛና ወረኛ ነው።

ኾኖም ትዙ በዚህ ጥበብ ብዙም አልዘለቀችም። ሴክስ የጉልበት ሥራ ሆነባት። ከወንድ በተኛች ቁጥር
ትንፋሽዋን ወደ ውስጥ ስባ ማቆየት ያቅታትና ትለቀው ጀመር። በዚህን ጊዜ ባብሸዋ ወደ ተፈጥሯዊ ስፋቱ ይመለሳል። ወንዶቹ ይሄኔ መደናገጥ ጀመሩ። አንዳንዶቹ የነሱ ዕቃ የተኮማተረ እንጂ የሷ ባብሽ የሰፋ ስለማይመስላቸው አፍረው ቢዝነስ ጨምረውላት ዉልቅ ይላሉ።

እንዲህ እንዲህ እያለች ለተወሰነ ጊዜ ሸቀለች፤ ቢያንስ ለዮጋ ክላስ ያወጣችውን ብር አስመልሳለች።አይቆጫትም።

#አሪዞና

ክለብ አሪዞናም እንዲሁ ነው፤ እንደትዙ ባብሽ። በሩ ጠባብ፤ ዉስጡ ሰፊ። ደግነቱ ስፋቱ ብዙም አያስታውቅም። በመስታወት ተከፋፍሏል። ለተራ ጠጪ(open Bar)፣ ለቋሚ ደምበኛ (Customefs Bar)፣ ለልዩ ደምበኛ (VP Bar)ና ለዲፕሎማቶች (Ambassador Bar) ተብለው ክፍሎቹ
ተሸንሽነዋል። አንድ ምንም የማይከፈት ሌላ ክፍልም አለ። ሁለት እጅግ የናጠጡ ባለሐብቶች ብቻ ሲመጡ ነው የሚከፈተው። ከነሱ ሌላ ማንም ሰው እዚያ መግባት አይችልም። እነሱ በዓመት አንዴ

ወይም ሁለቴ ሊሆን ይችላል የሚመጡት። ወይም ምንም ላይመጡ ይችላሉ። ቢኾንሞ በቀን በቀን ይፀዳል በቀን በቀን ይወለወላል።

የሁሉም ክፍሎች መስታወቶች በልዩ ትዕዛዝ የተሰሩና Tinted የተደረጉ በመሆናቸው አንዱ ሌላውን ክፍል እንዲያይ አያስቻሉም። ለምሳሌ የዲፕሎማቶች ከፍል ውስጥ የሚዝናኑ ሰዎች በልዩ ደምበኛ ክፍል VIP Bar) ያሉትን ሰዎች ማየት ይችላሉ። ነገር ግን VIP Bar ያሉ ደምበኞች
Arabassador bar ማን እንዳለ ማየት አይቻሉም። ሁሉም የበታቹን ማየት ግን ይችላል የብላዩን ማየት ነው የማይችለው ደስ የሚለው ግን ሁሉም ሰው ካለበት ቁጭ ብሎ ዋናውን የዳንስ ፍሎር ቁልቁል መመልከት መቻሉ ነው።

በክለብ አሪዞና “መኝታ ቤት” የሚባል ነገር የለም። ነገር ግን ለሾርት ብቻ የሚያገለግል ምድር ቤት የሚባል ቦታ አለ። አንድ አጭር ሶፋ፣ አንድ የብረት ምሶሶ፣ አንድ ደረቅ ወንበርና አንድ ጠረጴዛ ብቻ ነው ያለው። ፍራሽም ኾነ አልጋ የለውም። ልዩ ደምበኞች ብቻ ናቸው ከዚህ ከፍል መግባት የሚፈቀድላቸው። በፈለጉት ፖዚሽን ቶሎ ጣጣቸውን ጨርሰው እንዲወጡ ነው ዲዛይን የተደረገው ዲፕሎማቶች 50 ዶላር ይከፍላሉ። ሀበሻ በየ 15 ደቂቃው የሚጨምር 500 መቶ ብር ይከፍላል። ተራ ጠጪዎች ግን ይህን አያውቁም። ስለዚህ ምድር ቤት ምን እንደሆነ አያውቁም። ምን እንደሚሰራ
አያውቁም። ቢያውቁም መግባት አይችሉም፡፡ ለነሱ አልጋ የለም!” እንላቸዋለን፤ ሲጠይቁን። ከፍሉ
በር ላይ የተጻፈውም እነሱን ለማደናገር ኾን ተብሎ ነው- Warehouse!” ይላል በትላልቅ ፊደል።

#እዮኤል_ማነው?

ትዝ ይለኛል ለዚህ ቤት እንድንሰራ መጀመርያ የመለመለን እዮኤል ነበር። አንድ ምሸት ሴቶች ብቻ ሆነን ሜሞ ፐብ በግል እየተዝናናን አስተናጋጁ ሂሳብ ተከፍሏል!” አለን። ገርሞን ስንዞር አንድ ቀይ ጎልማሳ ሰው ወደኛ ሲመለከት አየን ። መላጣ ነው። ስናየው ፈገግ አለ። ፈገግታው ደስ ይላል። ተዋወቀን ። እዮኤል እባላለሁ፤I don't know why ሴቶች ብቻቸውን ሲዝናኑ ይማርኩኛል አለ
ከዚህ በፊት አይተነው ባናውቅም ወደድነው። አብሮን ትንሽ ደነሰ። የማይከብድ፣ ጫወታ አዋቂ ይመስላል። ትንሽ ቆይቶ “Ladies night ነው መሰለኝ፤ እንዳልረብሻችሁ ተዝናኑ” ብሎን ቢዝነስ ካርዱን ሰጥቶን ወጣ። ከሜሞ ወጥተን ላዳ ውስጥ ስንገባ ቶሎ ብለን ቢዝነስ ካርዱን አየነው። ሰሙ
የስልክ አድራሻው ብቻ ነበር የተጻፈው ። ካርዱን ገልብጠን ስናየው Private Consulart to Happiness ይላል። ነገሩ በጣም አሳቀኝ። ቆይ ግን እዮኤል ማን ነው?

መጀመርያ እንደ ኡስማን ዘ ፒምፕ ዓይነት ሰው መስሎን ነበር። ሦስታችንም ማንነቱን ለማወቅ ጉጉት ስላደረብን በሌላ ቀን ደወልንለት። ያለንበት ለንደን ካፌ ድረስ መጣ። እኛ በረንዳው ላይ ቁጭ ብለን ነበር። ሰማያዊ ግራንድ ቪታራ መኪናውን ፓርክ ሲያደርግ ለየነው። ቀይ መላጣ ነው። መላጣው የችጋር ሳይሆን የምቾት ነው። ያብረቀርቃል። ምቾት ያንገላታውን መላጣ ሲያብረቀርቅ ብዙም ሰው ላይ እያንጸባርቅም መሰለኝ። የመኪናውን ቁልፍ በቄንጥ እያሽከረከረ ወደኛ ጠረጴዛ መጥቶ ወንበር
ስቦ ተቀማጠ። ለሁላችንም ኬክ በምርጫችን ጋበዘን። ስናወራ ለብዙ ዓመት አብሮን የኖረ ጓደኛችን እንጂ ሁለተኛ ቀናችን አይመስልም ነበር።

የፈለኳችሁ ለአንድ ቀላል የቢዝነስ ስራ ነው ብሎ ጀመረ።አንድ የልብ

ጓደኛዬ ቆንጆ ክለብ ከፍቷል።ደመቀ ይባላል። እና እሱን እንድታግዙት አስቤ ነው…ምን ይመስላችኋል?” አለን። ሸሌነት ሊያስቀጥረን እየሞከረ ስለመሰለን ሦስታችንም ፊታችንን ከሰከስነው። እሱም ያስብነው ገባው መሰለኝ ሳቀ። “ኖኖ ፈፅሞ እንደዛ አይነት ነገር አይደለም ያሰብኩት። እ…ምን መሰላችሁ…እንደናንተ ዓይነት ቆንጆ ሴቶች አዲስ ክለብ ውስጥ ሲታዩ ደምበኞችን መሳባቸው አይቀርም። እኛ ደግሞ ታርጌት ያደረግናቸው ከስተመሮች ከፍ ያሉትን ብቻ ነው if you know what mean እና በማንኛውም ጊዜ መዝናናት
ስትፈልጉ ወደ ክለብ አሪዞና ትመጣላችሁ…የምትበሉት፣የምትጠጡት በሙሉ ይሸፈንላችኋል። እ…እያልኳችሁ ያለሁት እኛ ክለብ ተዝናኑ ነው ሌላ አይደለም፣ Alas! End of the story።”

ነገሩ ገርሞን እሺ ጣጣ የለውም” ብለነው ለጊዜው ተለያየን፡፡ እኔ ስምረት ቤቲና ትምኒት ነበርን ያን ቀን። ስምረት… "ለማየት ያብቃችሁ የሆነ ነገር ሊሸቅልብን አስቦ ነው.…እንዲያውም ኮፊ አናን ነው የላከው” አለችን። አልሰማናትም።

በቀጣዩ ዕሁድ እስኪ ይታይለት” ብለን ክለብ አሪዞና” ሄድን። በቤቱ ስፋትና ጥራት በጣም ተገረምን። ዱባይ እንጂ አዲስ አበባ ዉስጥ ያለን አይመስልም። ይሄን ቤት እስከዛሬ ባለማወቃችን
አፈርን። ለማንኛውም በላን፣ ጠጣን፣ ጨፈርን…እሱ ግን የለም። ሂሳብ ተባልን…ሂሳቡን ስናየው ሦስታችንም አፋችንን ከፍተንቀረን። ጉድ ፈላ! ሳምሪ ቢዝነስ ካርዱን ከቦርሳዋ አውጥታ ደወለችለት…፤
ከፎቅ እየከነፈ ወረደ። ሂሳቡን ያቀረበልን አስተናጋጅ ከእዮኤል ጋር ሲያየን ጭራውን እየቆላ መጥቶ ተከፍሏል! ይቅርታ፤ ልዩ እንግዳ እንደሆናቹ አላወቅኩም” ብሎን ቱር ብሎ ሄደ።

ያን ሌሊት ወደቤታችን ከመመለሳችን በፊት እዮኤል ፎቁ ላይ ወደሚገኘው ቢሮው በላፍት ይዞን ወጣ። የአይሪሾች ቸኮሌት ለሁላችንም አንድ አንድ ከሰጠን በኋላ ከደሜ ጋር አስተዋወቀን። "የምወደው ወንድሜ ነው ተንከባከቡልኝ ብሎ አደራ አለን እሺ ብለነው ልንወጣ ስንል እንዲያውም ልሽኛችሁ” ብሎን ተከትሎን ወጣ። ከዚያ እሱ ግራንድ ቪታራ ዉስጥ ተስገብግበን ከገባን በኋላ
ያልጠበቅነው ነገር ነገረን።

ሌዲስ! Now lets talk business! እዚህ ቤት በማንኛውም ቀንና ሰዓት መጥታችሁ በነጻ መዝናናታችሁ እንዳለ ኾኖ አልፎ አልፎ ግን ቅር ካላላችሁ ለአንዳንድ ወጪ የሚሆን ሳንቲም ልንሰጣችሁ እንፈልጋለን።እና ምን ይመስላችኋል..?

“ኸረ እንክብካቤ በዛብን! ሙድ የለውም” አለች ሳምሪ። እሷ ሁልጊዜም አፏ እንዳመጣላት ነው የምታወራው መሀላችን ስለነበረች ከስር ቆነጠጥናት እዩኤል አነዳዱ ሲያስፈራ!

"ኖ ኖ! መብዛት እንኳ አይበዛባችሁም፤ ለናንተ እንዲያውም ሲያንስ ነው። ባይኾን በምላሹ አንዳንድ ነገር ታግዙናላችሁ..." አለን ኮስተር ብሎ።

Like ምን አይነት ነገር?” አልነው።

እ..ዊል ብዙ አይደለም…ላይክ…ጥሩ ገቢ ያላቸውን ወንዶች ጥሩ ክለብ ተከፍቷል እያላችሁ እዚህ ይዛችኋቸው ብትመጡ፣ ማለቴ...ለናንተ እምቢ አይሏችሁም። እንደናንተ አይነት ቆንጆ ልጆችን
እምቢ የሚል ወንድ ይኖራል ብላችሁ ነው? እና ባመጣችሁት ሰው ልክ እንከፍላለን. ፤ ምን ይመስላችኋል?”

“Deal!”

"Deal!"

ከዚያን ቀን ጀምሮ ገንዘብ ያሰከረው ወንድ ስናገኝ…አንጠልጥለን “ክለብ አሪዞና” እያመጣን ማሳረድ ሆነ
ስራችን፡፡ አንድ ወንድ “አለሁ አለሁ” ካበዛ “ቄራ ይወሰድ” እንላለን በኮድ። ፋራ ከሆነ ቄራ አካባቢ ናይት ክለብ አለ እንዴ? ይላል። እንስቅበታለም። ክለብ አሪዞናን ማለታችን ነው እንለዋለን። በክለብ አሪዞና ከወንድ ጋር ስንጠቃጠቅ ብናድር የማናገኘውን አዱኛ በልተን፣ ጠጥተን፣ ተዝናንተን ማግኘት

ጀመርን። እዮኤል በሂደት አንዳንድ መከተል ያለብንን መመሪያዎች ነገረን።

እውነት ለመናገር ስራችን መተወን ነው። ልክ ፊልም ቀረጻ ላይ እንዳለ አክተር መተወን። ወይም በሌላ ቋንቋ በቀን አንድ በብር የሰከረ ወንድ እያመጡ ለካራ አንገቱን እንዲሰጥ ማድረግ።

መጀመርያ የምናመጣውን ወንድ እየካብን ገና አሪዞናን ሳይረግጥ አቅሉን እናስተዋለን። እዮኤል በነገረን መሠረት ያመጣነውን ወንድ ልዩ ደምበኞ ወደሚለው ክፍል እናስገባዋለን። ምንም ጥያቄ የለውም እዚያ ክፍል ሲገባ የሚደረግለት እከብካቤ ብቻ ልቡን ያጠፋዋል። የምታስተናግደው አንዲት ረዥም የኤምሬት ሆስተሶችን የሚመስል ዩኒፎርም የለበሰች ሴት ናት። የምትለብሰው ሚኒ ስከርት ብቻ ነው።
ጀርባዋ ሙሉ በሙሉ ክፍት ነው። ካፈነደደች ቂጧ ሦስት አራተኛ ይታያል። ጎንበስ ካለች የጡቷ ሁለት ሦስተኛ ይታያል። ምንም ጥያቄ የለውም እንግዳው ትኩሳቱ ይጨምራል። በሚያየው ነገር ሁሉ ዐይኑ ይጥበረበራል…ያኔ ሆስተሷን እንጠቅሳታለን።

ስውር ብላ ተመልሳ ትመጣና ብላክ ታወርዳለች። ዉስኪው የሚመጣው እንደ ፈረንጅ ሕጻን በትሮሊ እየተገፉ ነው። እንግዳው ገና የሚፈልገውን የመጠጥ ዓይነት ማሰብ ሳይጀምር “ሆስተሷ” ዉስኪውን በሚደንቅ ፍጥነት ከፍታ በቄንጥ ለቅምሻ መቅዳት ትጀምራለች። ጡቷን እያስከለመችው። ይሄን ጊዜ
የእንግዳው ለሀጭ መዝረክረክ ይጀምራል።

ክለብ አሪዞና ዉስጥ አንድም የረገበ ጡት የለም፤ አንድም። እዚያ በቋሚነት የምትሰራ አንዲት የሳምሪ ጓደኛ እንደነገረችን ሁሏም ሴት ስትቀጠር ጡቶቿን ያለምንም ማስያዣ ገልጣ እንድትንቀሳቀስ ይደረጋል። ጡቷ ያልተወደረ ሴት አትቀጠርም። ወዝወዝ የሚል ዳሌ የሌላት ሴትም አትቀጠርም።
እዩኤል ቂጥና ጡት የሌላትን ሴት ከሚቀጥር ቆንጆ ወንድ ቢቀጥር ይመርጣል።

ሆስተሷ አስተናጋጇ ዞር ስትል በተሰጠን ስክሪፕት መሠረት መተወን እንጀምራለን። ለምሳሌ ሰውየው ለሚናገረው ነገር በሙሉ እንስቅለታለን። ለካ መድረክ አላገኘሁም እንጂ ኮሜዲያን ነበርኩ” እስኪል ድረስ። ከስውነት ከፍሉ አንድ የሚያምር ነገር ፈልገን አቅሉን እስኪስት አድናቆት እናዘንብበታለን። እኔ በበኩሌ የሰው ልጅ እጅግ ደካማ ፍጡር መኾኑን ያየሁት በዚህ አጋጣሚ ነው። አድናቆት
ለካ ያሳውራል። አቅልን ያስታል። መላጣ የሆነውን ሰውዬ “አይገርምም? ጸጉርህ ሉጫ እንደነበር ያስታውቃል! ” ስንለው ፊቱ ይፈካል። “.እንዴት አወቃችሁ? ድሮ ሰፈር “ፍሪዛሙ ልጅ” እያሉ ነበር

የሚጠሩኝ፣ ማርያምን!” ይላል፤ በስሜት ተውጦ። ወይም ደግሞ አንድን የሚታረድ ወንድ "seriously መላጣህ ግን ከሰውነትህ ጋር ይሄዳል፣ አንዳንድ ወንድ ግን መላጣ ያምርበታል! ካልነው አያናችን እያየ ግንባሩ ጥርስ ይሆናል።መላጣው ሁሉ ያስቃል።

አድናቆት የሁሉም የሰው ልጅ ደካማ ጎን እንደሆነ ተረዳሁ። “አድናቆት የሰው ልጅን በቁሙ የሚያስከር ኦፒየም ነው ብዬ ጥቅስ የሚመስል ነገር ፃፍኩ።

ከኛ የአድናቆት ኦፒየም ሌላ…ሆስተሷ እየመጣች በላይ በላዩ ትቀዳለታለች። በዚህን ጊዜ ሞቅታ ይመጣል። እዮኤል ይቺን ሰዓት ጠብቆ በኛ ክፍል በኩል እኛን እንዳላየ ኾኖ ሲያልፍ ለእንግዳው
እየጠቆምነው “የዚህ ፎቅ ባለቤት እሱ ነው!” እንለዋለን። የኾነ የአውሮፓ አገር እንጠራና እዛም አገር የሐበሻ ሬስቶራንት አለው፤ አታውቀውም” እንለዋለን። ምንም ሀብታም ቢሆን በሰማው ነገር በርገግ ማለት ይጀምራል።ትንሽ ቆይቶ ደግሞ እዮኤል ይመጣና እንደምን አመሻትሁ! ምን አነሰ ታዲያ? ምን ይጨመር ብሎ ተራ በተራ ይጨብጠናል አቤት ሲችልበት!!

ሰውየው ብርክ ይይዘዋል።

እኛ ደግሞ ቀልጠፍ ብለን " አቶ እዮኤል! እሱ ታዋቂ የመርካቶ ነጋዴ ነው…የምንወደው ወንድማችን ነው…ምናምን” እንላለን። ወይም ደግሞ ስለሰውየው የምናውቀውን ተናግረን በገገማ እናስተዋውቃቸዋለን እዩኤል

በአድናቆት "Oh Oh Great! Great! አንተን በማወቄ ታላቅ ኩራት ይሰማኛል! Nice meeting you!”፣ አብረን የምንሰራባቸው ዘርፎች ሊኖሩ እንደሚችሉ እገምታለሁ ምናምን እያለ ይቀበጣጥራል። አቤት እዮኤል ማስመሰል ሲችልበት!!

ይሄኔ እንግዳው ሰው መርበትበት ይጀምራል። እዮኤል ለትውውቃችን” ብሎ ግማሽ ውስኪ ያስወርዳል። " For meeting such a great guy! ሂሳቡ በኔ ነው፤ ኦኬ!" ብሎ ሥራ እንደበዛበት ሰው ተጣድፎ ይሄዳል።

ይሄን ጊዜ ሰውዬያችን ሰማይ ምድሩ ይደበላለቅበታል። ከዚህች ቅጽበት ጀምሮ ራሱን ከፍ ያለ ዋጋ ያለው
ሰው አድርጎ ያስባል። ስለዚህ በምንም መልኩ ክብሩን ላለማስደፈር ይሟሟታል። አድናቆታችን በላይ በላይ እናዘንብለታለን። ሰማይ ምድሩ ይደበላለቅበታል። ሌሎች የቤቱ ቆንጆ ቆንጆ ሴቶች አውቀው እኛ በምንጠጣበት ክፍል ወዝወዝ እያሉ ያልፋሉ። ወይም መጥተው ሰላም ይሉናል። ከእንግዳው ጋር

አስተዋውቀን እንዲጠጡ እንጋብዛቸዋለን። ብዙዎቹ ሆን ብለው ፍቃደኛ አይሆኑም፡፡ አንዷ ብቻ ደስ
ያላትን ማጠጥ አመስግና ታዝና ወንበር ስባ ትንሽ ትቀመጥና ለበዓል ከውጭ እንደመጣች፣ እንዲህ የመገባበዝ ባህል በምዕራቡ አለም እየጠፋ እንደሆነ ጠቅሳ ጓደኞቿ ሌላ ሩም እየጠበቋት እንደሆነ
ጠቀሳ ያዘዘችውን ትንሽ ቀምሳለት ትሄዳለች። የምታዘው ሁልጊዜም የቤቱን ዉድ መጠጥ ነው ታዲያ።

ልክ እዚህ ደረጃ ሲደረስ “ሆስተሷን” እንጠቅሳታለን። ሂሳብ አምጪ ማለታችን ነው። የሂሳቡን ወረቀት በሚያማምሩ ጡቶቿ መሐል ወሽቃ ታመጣለች። ይሄ የቤቱ ስታይል ነው። VIP room ዉስጥ
የሚከፍለው!” ብሎ ለመናገር የሚያስችል አቅም አይኖረውም፡፡ ሼም ስለሚይዘው የተባለውን ሁሉ
ይከፍላል። የዋጋ ዝርዝሩን ማንበብ ሁሉ ያሳፍረዋል። ቶሎ ብሎ ድምሩን ነው የሚያየው። ድምሩ ላይ ደግሞ ሆን ተብሎ በእስክሪብቶ ይከበብበታል የቤቱ ስታይል ነው።

ሌላ ቦታ በ2500 ብር ብር የሚሸጥ ቦትል እዚህ አምስት ሺ ብር ያስከፍሉታል። ለምን አይልም፣
ምከንያቱም ሲጀመር አእምሮው ተጭበርብሯል። የሕንጻውን ባለቤት ተዋውቆ እንዴት ለአምስት ሺ
ብር ይከራከራል? ታዋቂ ነጋዴ ነው ተብሎ እንዴት ለአምስት ሺ ብር ይጨነቃል? ይህን ከሚያደርግ
ቢሞት ይሻለዋል። ስለዚህ ዉርደቱን ዋጥ አድርጎ ኪሱን ይበረብራል። ዐይናችን እያየ ከ5 እስከ 10 ሺ ብር ከፍሎ ይወጣል። በኪሱ ካልያዘም “መጣሁ ባዝሩም ደርሼ” ብሎ ከሽንት ቤት ደውሎ በሠራተኛ ወይም በጓደኛው በፍጥነት ብር ያስመጣል። ይሄ ሳይታለም የተፈታ ጉዳይ ነው።

እንግዳውን አብረነው በመውጣት እስከመንገድ ድረስ እንሸኘውና ታጥፈን መጥተን ሼራችንን ከደመቀ ቢሮ እንወስዳለን።

በዚህ መንገድ ስንቱን አረስነው። ስንቱን አሳረድነው። በተለይ ምድረ ጢባራም ዲያስፖራ! ምድረ ጡሩምባ ዲያስፖራ…ለነሱ ምህረት ኖሮን አያውቅም። አጭደን አጭደን ነው የምንለቃቸው። ሁሉንም
ሰው ደንቆሮ እነሱ ብቻ አዋቂ አድርገው ስለሚቆጥሩ አንወዳቸውም። ሦስት ወር ሳህን ያጠቡበትን
ዶላር በአንድ ሌሊት ዱቅ አድርገውት ሹልከ ይላሉ።

#የአሪዞና_ጋርዶች

ክለብ አሪዞና ሁለት በረኞች አሉት ተሺና ሳሚ ባርያው የሚባሉ። እውቅ ጋርዶች ናቸው ሳሚ የ 24 ቀበሌ ልጅ ነው። ድሮ ከሰፈሩ ልጆች ከሁሉም ተደባድቦ የሚችለው ስለጠፋ ከሌላ ሰፈር ጎበዝ ተደባዳቢ ላመጣለት ሰው 50 ብር ቲፕ ይሰጥ ነበር ይባላል። በቀን አንድ ሰው ሳይደበድብ ቤት ከገባ ልክ ቡና
ሳትጠጣ እንደዋለች ባልቴት ሲያዛጋ ይውላል። እንቅልፍ አይወስደውም። ቢገላበጥ፣ የእንቅልፍ ኪኒን ቢወስድ፣ ምን ቢል በቀን አንድ ሰው ካልደበደበ እንቅልፍ በዓይኑ ሳይዞር ሌሊቱ ይጋመሳል። ስለዚህ ከብርድ ልብሱም ቢኾን ወጥቶ ጎረቤትም ቢኾን ሄዶ፣ የተኛ ጎረምሳም ቢኾን ቀስቅሶ ይደበድበውና፣
“ይቅርታ እንቅልፍ እምቢ ስላለኝ ነው” ብሎት ቤቱ ተመልሶ ገብቶ ይተኛ ነበር ይባላል።

ህልሙ በኦሎምፒክ ኢትዮጵያን የሚወክል ቦክሰኛ ሆኖ አውስትራሊያ የሚባል አገር ሄዶ መጥፋት ነበር። ለዚህም ሲል ተከታታይ የቦክስ ስልጠና ወስዷል። ለምሳሌ በአንድ ምት ሰውን እንዴት ከመሬት ጋር ማደባየት እንደሚቻል፣ አፍንጫን የመስበርና የማጣመም ቴክኒኮት፣ በአንድ ቦክስ የኋላ ጥርስን ማርገፍ፣ በሁለት ቡጢ መንጋጋን ማጣመም፣ ወዘተ... ከወሰዳቸው ጥቂት ኮርሶች የሚጠቀሱለት ናቸው።ነገር ግን እሱ አውስትራሊያ ኦሎምፒክ እስከታዘጋጅ ሲጠብቅ እድሜው ቆሞ አልጠበቀውም
ለመካከለኛ ክብደት ቡጢኛ እድሜህ ገፍቷል ተብሎ ከክለብ ተቀነሰ። በንዴት የክለቡን ፕሬዝዳንት ሁለት የፊት ጥርስ ቀንሶ ጓንቱን ሰቀለ።

ከዚያ በኋላ ሁለት ዓመት ታስሮ ሲፈታ የቀድሞ አሰልጣኙ “ከሙያህ ጋር የሚሄድ ሥራ አግኝቼልካለዉ ብለው “ክለብ አሪዞና” አስቀጠሩት። እዚህ ጋርድ ኾኖ ተቀጠረ።

ችግሩ አሪዞና ብዙም ወጠጤ ስለማይመጣ ሳሚ ሥራ ፈታ። እንዲያውም መጀመርያ አካባቢ “ወይኔ
ሳሚ! ባጣ ባጣ የምደበድበው ወንድ ልጣ!” ብሎ በጣም ይብሰለሰል ነበር ብለውኛል ጓደኞቹ። የኋላ የኋላ በአሪዞና ያለአቅማቸው ጠጥተው የሰከሩ ሴቶችን አንከብክቦ አቅፎ መኪናቸው ዉስጥ መከተት ሲጀምር፣ መኪናቸውን እየነዳላቸው እነሱን ቤት ማድረስ ሲጀምር ምናምን ሥራውን እየወደደው መጣ። ያም ኾኖ ግን አገሬ ተሰጥኦዬን በሙሉ አቅሟ አልተጠቀመችበትም” እያለ መተከዙ አልቀረም።
አንዳንዴ ዉልፍ ሲልበት ሰው ሳያየው ጸብ የሚበዛባቸው ቤቶች እየሄደ አንድ አፍንጫ ሰብሮና ሁለት የፊት ጥርስ አውልቆ መምጣት ጀመረ። ከተማው ውስጥ ብዙ የጥርስ ክሊኒኮች የበዙት ሳሚ ባሪያው ባደረገላቸው አስተዋጽኦ ሳይሆን አይቀርም እየተባለ ተቀለደ።

ሳሚ ከጊዜ በኋላ እየሰከነ መጣ መሰለኝ ትሁት መኾን ጀመረ። ኾኖም አሁንም ድረስ ሥራ መፍታቱ ያብከነክነዋል ወንዱ ምን ነካው!” እያለ ይተክዛል።አሪዞና ዳንስ ፍሎር ላይ ደስ የማይል አደናነስ የሚደንስ ጎረምሳ ሲያጋጥመው ደስ ይለዋል። እንዳገለገለ ሶፍት በአንድ እጁ አንጠልጥሎ ያስወጣዋል።በዚህ ሁኔታ አንድ ወቅት ላይ አንድ ታዋቂ የሬጌ ዘፋኝን ከጭፈራ መድረክ አስወጥቶት ብዙ ጣጣ አምቶብን ነበር።

ሳሚ ባሪያው በተፈጥሮ ረዥም ስለሆነና ወንዳወንድ ሰውነቱ ስለሚያምር ሀብታም አሮጊት ሴቶች ከባላቸው እየደስቁ አንዳንድ የትርፍ ሰዓት ሥራ ያሠሩት ጀመር። ከሚያሰሩት ጥቃቅንና አነስተኛ ሥራዎት እንዱ እነሱ እላዩ ላይ ወጥተው፣ እሱ ደግሞ ከስር ሆኖ ፣ ዥዋዥዌ መጫወት ነበር።

ሳሚ ባሪያው በዚህ መልኩ ገቢውን ማሳደግ ጀመረ። ከዚህ ሌላ ደግሞ እጅግ ሞጃ የኾኑ የከተማዋ ኢንቨስተሮት እዚያው አሪዞና ውስጥ ተጨማሪ ሥራ እያሰሩት ጠቀም ያለ ሳንቲም ይሰጡት ነበር። ምን ያሰሩት እንደነበር መግለጽ ግን ትንሽ ሳይከብድ አይቀርም።

አሱ፣ እንደነገረኝ እኔም በከፊል እንዳየሁት Top VIP Room ውስጥ የሚጠጡ የመጨረሻዎቹ የከተማዋ ሀብታሞች ብዙዉን ጊዜ ጥሩ ተዝናናን የሚሉት ጥሩ ሲደንሱ ወይም ጥሩ በልተው ጥሩ.ሲጠጡ አይደለም። ያንንማ ማንም በሬ ያደርገዋል። ያንንማ የመኪና ደላላም ያደርገዋል። እነሱ
የሚዝናኑት ትንንሽ ሀብታሞችን በማንጓጠጥ ነው። ለምሳሌ ትንንሽ ሀብታሞች ኪስ ዉስጥ በትንሽ
ጠርሙስ ዉስኪ በማፍሰስ ሰውየው ሲደነግጥ መሳቅ አንዱ መዝናኛቸው ነው። ሁለተኛው ደግሞ የትንንሽ ሀብታሞችን ሚስቶች ወይም የያዟትን ሴት በገንዘብ ኃይል ማስከዳት ያስደስታቸዋል።

ከሚዝናናው “ተራ ሀብታም” ውስጥ ደስ ያላላቸውን ሰው “በባለሙያዎች” አማካኝነት እንዲዋረድ በማድረግ በሱ ላይ ቦርጫቸው እስኪረግፍ መሳቅ አጅግ

ያስደስተቻው። ባለሙያዎች ማለት በነዚህ ሀብታሞች ቋንቋ “ጋርዶች ማለት ነው።

የዳንስ ፍሎ ካሉበት Top VIP Room ቁልጭ ብሎ ስለሚታይ እንዲህ አይነት ድርጊቶችን ሞቅ ባላቸው ቁጥር ማድረግ ደስ ይላቸዋል።ለምሳሌ በምሽቱ ቀሽት የምትባል ሴት ይዞ የመጣ ወንድ ካለ
እሱን ታርጌት ውስጥ ያስገቡታል። ከዚያ ልጁ በደስታ ሰክሮ እየጨፈረ ሲያብድ ሀብታሙ ሰውዬ
“ይሄን ልጅ ቀልቤ አልወደደውም” ካለ አጃቢዎቹ ቶሎ ብለው፣ ችግር የለም በ“ባለሙያ” እንዲወጣ ይደረጋል” ይሉታል። ይሄኔ ሳሚ ባሪያው በልዩ ረዳቶቻቸው በኩል ይጠራና በጆሮው የኾነ ነገር ሹክ ይሉታል።

ሳሚ ልጁ ጋር ሄዶ "ወንድሜ በስነስርአት ተዝናና ይለዋል።ልጁ ጥፋቱ ግር ብሎት ምን አጠፋው ይላል።ሳሚ ኮስተር ብሎ በቃ ሥርአት ይዘህ ጠጣ ጠርሙስ አያያዝህ ቤቱን የሚመጥን መሆን አለበት ይሄ ጠላ ቤት አይደለም ይገባሃል? ይለዋል።በገርል ፍሬንዱ ፊት እንደዚህ መባሉ ያንገበገበዉ ወጣት በጣም ደፋር ከሆነ ሳሚን ካልደበደብኩ ይላል።ይሄን ግዜ ሳሚ ባርያው ጆሮውን ይዞ ውጭ አውጥቶ እንደ ጅራፍ ያስጮህዋል።

TOP VIP Room ቁጭ ብለው ይሄ እንዲሆን ያዘዙት ሀብታሞች "ካካካካ...ካካካካ..ካካካካ እያሉ ረጅም የሃብታም ሳቃቸውን ይለቁታል።ቦርጫቸው ለምን በሳቅ ብዛት ረግፎ እንደማይጠፋ አይገባኝም።የተዋረደውን ልጅ ገረል ፍሬንድ ከተቻለ "አንቺን መጋበዝ የሚፈልጉ ባለሀብቶች አሉ ፍቃድሽ ከሆነ .." ተብላ ትጠራለች።እምቢ ካለች ማንም አይነካትም በሰላም የጠጣችበት ተከፍሎላት ትሄዳለች።እሺ ካለችና ዕድለኛ ከሆነች ግን አንድ ኬክ ቤት ሊከፈትላት ይችላል ደግነቱ እነዚህ የናጠጡ ሃብታሞች ለሴት ልጅ ያላቸው ክብር ደስ ይላል።ፍቃደኛ ያልሆነች ሴት በፍፁም አይነኩም

ሳሚ እንደነገረኝ የሞጃዎቹ ፍላጎት ከሆነ ባለትዳርም ቢሆን በዚህ መልኩ ከቤቱ ተዋርዶ ሊወጣ ይችላል።ዋናው ነገር ድርጊቱ እነወዚያ ባለሃብቶች ያዝናናል ወይስ አያዝናናም የሚለው ነው።

አንድ ቅዳሜ ማታ ባለሃብቶቹ ከሚቀመጡበት ክፍል ቀጥሎ ባለው የዲፕሎማቶች ክፍል ነበር ከሁለት የአረብ ሊግ ዲፕሎማቶችና ከእዩኤል ጋር። አረቦቹ ይህን ሪያል ስለሚረጩት ነበር እዩኤል አብሮን ተቀምጦ የነበረው። ሳሚ ባርያው መጥቶ በጆሮው የሆነ ነገር ሹክ አለው። እዩኤል ቱር ብሎ ተነስቶ ለሁሉም ሰው ትእዛዝ መስጠት ጀመረ።ዲጄው በፍጥነት ሙዚቃዎቹን እንዲቀይር ተደረገ።በተለይ የሚመጡት ሁለቱ ባለሃብቶች የሚወዷቸው ቆየት ያሉ አማርኛ ዘፈኖች አሏቸው በቃ እነሱ ተደጋግመው መከፈት ጀመሩ።ቤቱ በአንድ ጊዜ በአንድ እግሩ ቆመ።

ከተወሰኑ ደቂቃዎች በኋላ ሰዎቹ ከአጃቢዎቻቸው ጋር ሆነው ወደ ልዩ ክፍላቸው አመሩ ይህ ክፍል ከነሱ ውጪ ማንም አይገባበትም።ለአንድ አመት ከፍለውበታል።ቢኖሩም ባይኖሩም በቀን በቀን እየተፀዳ ሽቶ ይርከፈከፍበታል።እኔ ገብቼበትም አላቅ።ገባን የሚሉ ሴቶች ግን አሉ በወርቅ የተለበጠ ጠረጴዛና ሶፋ ወንበር አለ ብለው ይ ነግሩናል።

እዩኤል ባለሐብቶቹ ገብተው ቦታቸውን እንደያዙና ነገሮች መልክ መልክ እንደያዙ ሲያረጋግጥ ተልሶ መጣ። ግርማ ነው ያለኝ። ሪያል እንደጠበል እየረጩ ከነበሩ ሁለት የአረብ ዲፕሎማቶች በላይ የሚያንቀጠቅጡት ምን እይነት ሀብታም ቢኾኑ ነው ብዬ አሰብኩ።

ተማልሶ መጥቶ እኛን ከተቀላቀለን በኋላ አንድ ሁለቴ ከመጠጡ ተጎነጨለት። ከዚያ ትንፋሹን ሰብስቦ እኝዲህ አለኝ።

ይሄ ሚስኪን ሕዝብ አዲስአባ የኔ ናት፣ የኔ ናት እያለ ይፋጃል፤ ልንገርሽ አይደል? ፊንፊኔ የኦሮሞም የኢትዮጵያም አይደለችም። የዚህ ሰውዬ ናት" አለ በአፍንጫው ጫፍ Top VIP Room እያመለከተኝ።
ያን ሰምን በአዲስ አበባ የባለቤትነት ጉዳይ ላይ በየዩኒቨርስቲው ረብሻ ተከስቶ ነበር።
የተናገረው ነገር ፖለቲካ ስለመሰለኝ ምንም አላልኩም። እሱም ቀልቡ ሁሉ ሁለቱ ባለሐብቶች ጋር ስለነበረ ተነስቶ ሄደ።

💫ይቀጥላል💫

Like 👍 እና #Share ማድረግ እንዳይረሳ

#ለሮዚ_መልክታችሁን
#ለማስተላለፍ_ከፈለጋችሁ #ከታችያለውን_email #መጠቀም_ትችላላችሁ👇

rozachichinia@gmail.com

ለኛ ደሞ ማንኛዉንም አስተያየት በ @atronosebot አድርሱን

#ወድሽ_ነበር_አለሁ

አሁን ደረስኩ ሲል ፥ ጓዙን አንጠልጥሎ
ቅድም ተብሎ ሊሸኝ ፥ ሊሄድ ተገንጥሎ፣
አሁን ከአሁን በፊት ፥ ከአፌ ላይ ቢበርም
በሚመጣው አሁን ፥ ሳልወድሽ አልቀርም።

#ጀማው_መሃል_ቆመው

ያጥላሉታል ምነው
የእምዬን ምስል
ተነስቶ ለምርጫ
የሚቀርብ ይመስል

❄️ኢዛና መስፍን❄️

#አኩራፊ_ሰው_ብዙ_ነገር_ያመልጠዋል

ባል እና ሚስቱ በመሀላቸው ግጭት ተፈጥሮ አይነጋገሩም፡፡ ሁለቱም በረጅም ትዝታ ተውጠዋል፡፡ መጀመሪያ ማውራት ሽንፈት መስሎ ስለታያቸው ሳይነጋገሩ መተኛ ሰዓታቸው ደረሰ፡፡
ድንገት ግን ባል የሆነ ነገር ትዝ አለው፡፡ ነገ በጠዋት የስራ ስብሰባ ለመታደም ወደ ሌላ ሀገር ለመሄድ በረራ አለው፡፡ ሁሌ ደሞ ወደ ስራ ሲሄድ እንቅልፋም በመሆኑ የምትቀሰቅሰው ሚስቱ ናት፡፡ እናም የነገው ስበሰባ እንዳያመልጠው ለሚስቱ "11 ሰዓት ቀስቅሽኝ" ብሎ በአፉ መናገር ሞት መስሎ ታየው፡፡ እና ወረቀት ላይ "ነገ የስራ ስብሰባ ስላለበኝ ወደ ሌላ ሀገር እበራለው፡፡ አደራ 11 ሰዓት ቀስቅሽኝ" ብሎ በወረቀት ፅፎ እሷ የምታየው ቦታ አስቀምጦላት ምንም ቃል ሳይተነፍስ ተኛ፡፡
ጠዋት ሰውየው ከእንቅልፉ ሲነቃ ከጠዋቱ 3ሰዓት ሆኖ በረራውም ስብሰባውም አምልጦታል፡፡ "እንዴት እንደዛ አስጠንቅቄ ነግሪያት አትቀሰቅሰኝም?" ብሎ በጣም ተበሳጨ፡፡ ከአልጋው ለመነሳት ሲሞክር አንድ ወረቀት ኮመዲኖ ላይ ተቀምጦ አየ፡፡ "11 ሰዓት ሆኗል ተነስ ስብሰባ እንዳያመልጥህ" የሚል ፁፍ ተፅፎበታል፡፡
ማነው ስህተት የሰራው? ማነው ልክ? ወዳጄ ሴትን ልጅ በተንኮልም ሆነ በፍቅር ልትበልጣት አትችልም፡፡ ዝምታ ደሞ መቼም መፍትሔ ሁኖ አያውቅም፡፡

ሃሳቡ ላይ ምን ትላላችሁ መልእክታችሁን በ @atronosebot አድርሱን

#እህትህ_በሆንኩኝ

ባትጠላኝ ባልጠላህ
ባትርቀኝ ባልርቅህ
ምስጢርህን ተካፋይ
ሚስትነትን ሽሮ
ቢያረገኝ እህትህ

ከእናትህ የወጣሁ ያባትህ አሻራ
ጠላትህ ባልመስልህ ባንሆን ባላጋራ
አላጣህም ነበር አስተሳስሮን ደሜ
እህትህ ተብዬ ብትባል ወንድሜ
ወደህ የማትፍቀው ጠልተህ የማትሽረው
በደም አስተሳስሮ ፈጣሪ ያኖረው
ፍቅርስ ይሄ ነው ቆርጠህ የማትጥለው።

#ሮዛ_2
፡
፡
#ክፍል_አስራ_አንድ(🔞)
፡
፡

#ሀያ_ዘጠነኛው_የሸዊት_ልደት_ለ3ኛ
#ጊዜ_ #ተከብሮ_ዋለ!

ሸዊት እድሜን እንደምትፈራው ፈጣሪን ብትፈራ መንግስተ ሰማያትን ትወርስ ነበር። ስለ ዕድሜ ሲነሳ ትበረግጋለች። ቴሌቪዥን የማታየውም አብዛኛዎቹ ዜናዎች እድሜዋን ስለሚያስታዉሷት
እንደሆነ ነግራኛለች። ለምሳሌ፡-
ባለፉት 20 ዓመታት ባስመዘገብነው ልማት…

ባለፈው 20 ዓመታት ባስመዘገብነው ልማት...

17 ዓመታት በፈጀ መራር ትግል የመጣውን ሰላምና ዲሞክራሲ..

የ5 ዓመቱ የእድገትና ትራንስፎርሜሽን እቅድ…

ከ5 ዓመታት በኋላ የሚደረገው ይህ ምርጫ እንደከዚህ ቀደሙ ሁሉ ፍጹም ነጻ፣ሰላማዊና...

ቲቪውን ትዘጋዋለች።

የዛሬ ስድስት ወር መስታወት ፊት ቆማ ሊፒስቲክ እየተቀባች ነበር። በጆሮ ግንዷ ስር በኩል አንዲት
ቅንጣት ነጭ ጸጉር በመስታወት አየች። ልክ አይጥ እንዳየች ቀበጥ ቤቱን በጩኸት አናጋችው።

ሦስት ቀን ከአልጋዋ ሳትወጣ ዋለች። እኛ “ፔሬድ” ላይ ሆና መስሎን፤ አጅሪት ለካስ ሀዘን ላይ ናት። የምሯን።

እናንተ ለቅሶ ደረሳችኋት”

“ማንን?”

"ሸዊትን ነዋ"

"ውይ! ምን ነው? ምን ሆነች? ማን ሞተባት?"

"አንዲት ፀጉር"

"ምን?"

"አንዲት ፀጉር አልኩሽ እኮ!"

አንድ በአንድ ሄደን ለቅሶ ደረስናት። አንዲት ጸጉር ስለሞተችባ ት ጠብ እርግፍ ብለን አስተዛዘናት።
ለቀስተኛው ሁሉ መካሪ ሆነ። ግማሹ” ቀለም ተቀቢው” ሲላት፣ ግማሹ “አትነጪውም እንዴ፤ ምን
ታካብጃለሽ” ሲላት፣ ሌላዋ ተቀብላ ኤ.ኤ.ኤ…መንጨት አይታሰብም…ከነጨሽውማ ራሱን በሺ ያባዛልሻል” ስትላት፣ ነገሩ ያልተዋጠለት ደግሞ ሸዊት የሸሌ ቀበጥ ብሎ በሆዱ ሲሰድባት ብቻ
የምታደርገው ጠፍቷት ስትብሰለሰል ቤቷ ሰነበተች። እውነት ለመናገር ቤቷ ደምበኛ ለቅሶ ቤት ለመሆን ድንኳንና ንፍሮ ብቻ ነበር የጎደለው።

"ከለቅሶው” ስትነሳ ሁሉም ሰው ሸበቷን የሚያይባትና ስለሽበቷ የሚያወራ ስለመሰላት ሻሽ ማሰር ጀመረች።

አንቺ ሰለምሽ እንዴ? ምነው መጠምጠም አበዛሽ” የሚላት ሲበዛ ደግሞ ሻሽዋን አወለቀችው።
ስለእድሜዋ ማሰብ ማቆም ግን አቃታት።

እና ይህ በሆነ በስድስት ወሩ ዛሬ ሚያዚያ 18 ቀን የሸዊትን 29ኛ ዓመት ለ3ኛ ጊዜ እያከበርነው ነው።
“31 ዓመት ሞላኝ ማለት ፈርታ ነው በዚህ አቆጣጠር የቀጠለችው።

"ዶናልድ ዱርዬው"

ሲስ ራስታ እንዲህ አለ

እናንተ ስሙኝማ፡ የሸዊትን ታናሽ እህት መቼ ለታ አግኝቻት ስንት ነው ዕድሜሽ ስላት 28 አለችኝ፤
እንዴ አንቺ ሁልጊዜ 28 ነሽ እንዴ፣ የዛሬ ዓመትም ስጠይቅሽ 28 ብለሽኝ ነበር እኮ ስላት… ምን

ብትለኝ ጥሩ ነው። በየት በኩል ልለፍ፡ ሸዊት ከፊት ቆማብኝ ሃሃሃሃ....ሃሃሃ”

አዲስ ጆክ የህም? ይሄን ሰምተነዋል! ሌላ የለህም” አለችው ሸዊት። ሲስና ሸዊት ሁልጊዜም እንደተበሻሸቁ ነው የሚኖሩት። ደሞ ይዋደዳሉ። “ሲስተርሊ ብራዘርሊ” ይዋደዳሉ ። እሷ ግን ከዚያም
በላይ ነው የምትወደው ይባላል።

ልደቷን ለማከበር ሁላችንም “ሴቶች ቤት” ተሰብስበናል። የሚቅመው ይቅማል፣ የሚያጨሰው ያጨሳል፣ እኔና ሲስ ግን እንደተለመደው ከወደ ሺሻው ነን። ሪች ክልስ፣ ትምኒት፣ ትዝታ፣ ዉቢት
ከወንዶች ደግሞ ሲስ ራስታና ዶናልድ” የሚባል ዱርዬ ፈረንጅ ተገኝተዋል።

ዶናልድ የገባው የሰፈራችን ልጅ ነው። የሰፈር ልጅ ብቻም ሳይሆን ጓደኛችንም ነው። ብዙ ሰው ዶናልድ ዱርዬው እያልን ነው የሚጠራው። ይህ ስም የወጣለት ፈረንጅ ኾኖ ሳለ ነገር ግን ብዙ ጊዜው
ባልተለመደ ሁኔታ ከኛ ጋር እየቃመ ስለሚያሳልፍ ነው። ከኛ ጋር ካልሆነ ደግሞ ከጎዳና ተዳዳሪዎች ጋር ነው የሚያሳልፈው። ሁልጊዜም ነጠላ ጫማ ነው የሚያደርገው። አለባበሱ የፈረንጅ አይመስልም። አማርኛ ጽድት አድርጎ ይሰማል፣ መናገር ላይ ግን እስከዚህም ነው። ስሎቬኒያ ከምትባል አገር ነው
የመጣው።” ለ3ኛ ዲግሪ ማሟያ የማኅበረሰብ ጥናት እያካሄድኩ ነው ይላል። እኛ ግን ምንም ይስራ ምን ግድ አልነበረንም በጣም ስለቀረብነው ከሲስ ራስታ ለይተን አናየውም።

ገንዘብ ላይ ጠንቃቃ ስለሆነ ሸዊት ዶናልድ ጉራጌው እያለች ነው የምትጠራው። አንድ “ሾርት አዉጥቷት ቢዝነስ በሀበሻ ዋጋ ካልከፈልኩ ሞቼ እገኛለሁ ብሎ ድርቅ ስላለባት ነው ዶናልድ ጉራጊው እያለች የምትጠራው። ብዙ ሰው እሱን ይበልጥ የሚያውቀው ግን ዶናልድ ዱርየው” በሚለው ስሙ ነው።

ፕሮግራማችን ሞቅ ሞቅ እያለ ሲሄድ የድሮ ጓደኛችን ሀና የቢሎስ ኬክ ይዛ ገባች። ሁላችንንም ሳመችንና ከዶናልድ ጎን በነበረው ፍራሽ ቁጭ አለች። ትንፋሽዋን ሰብስባ ስታስቃ፣ ስለሞቃት ጃኬቷን እያወለቀች - "ደግሞ ይሄን ነጫጭባ ከየት አግኝታችሁት ነው?” አለችን፤ ዶናልድ አማርኛ የማይሰማ
መስሏታል።

እዚህ መስቀል ፍላወር ፊትለፊት ካለው የቆሻሻ ገንዳ ወድቆ አግኝተነው ነው” አላት ሲስ ራስታ

ፈጠን ብሎ።

ዶናልድን ጨምሮ ሁላችንም ሳቅን፡፡

Nice meeting you! ሰሜ ዶናልድ ዱርዬ ነው እኔ፤ አንቺ ማን ኢባላል” አላት። ሃና ቅጽል ስሙም አማርኛውም ከጠበቀችው በላይ አስቋት ነው መሰለኝ ያን ረዥም ሳቋን ለቀቀችው።

ሳቋ ሲበርድላት እኔ ደግሞ ሃና ዱርዬ” እባላለሁ!” ብላ እየሳቀች ተዋወቀችው። ከዚያ በኋላ ማን ያላቃቸው። እኛን ሁሉ ረስተው አፍ ለአፍ ገጥመው ማውራት ጀመሩ። አያያዛቸው ያስፈራ ነበር።

ሲስ መደርደሪያው ጋ ሄዶ ቴፑን ይጎረጉራል። ለልደት በዓል የሚኾኑ ሙዚቃዎችን እየመራረጠ ነበር።
ድንገት ሲዲ ለማስገባት ቴፑን ሲነካካው በአጋጣሚ ኤፍ ኤም ላይ “የወባ ቀን በአገራችን ለ8ኛ ጊዜ ተከብሮ ዋለ” የሚል ዜና ሰምቶ በሳቅ መንፈራፈር ጀመረ። “ምን ሆንክ ስንለው?” የሬዲዮኑን ድምጽ ከፍ አድርጎ “ስሙማ፣ ስሙ በናታችሁ ይሄን ዜና” አለን። ምንም አዲስ ነገር አልሰማንም። እንዳጋጣሚ
ዜናው አልፎ ነበር መሰለኝ ተናደደ። የሰማውን ሲነግረን ግን አጋጣሚው እኛንም በጣም አሳቀን።

ሸዊት እንኳን ደስ አለሽ! የዘንድሮውን ልደትሽን ልዩ የሚያደርገው ከወባ ትንኞች ጋር በአገር አቀፍ
ደረጃ አብረሽ ማክበርሽ ነው…ሃሃሃ…ሃሃ” እንደተለመደው ሊያበሽቃት ሞከረ። የሲስ አሳሳቅ ሰውን ለማብሸቅ በትዕዛዝ የተሰራ ነው የሚመስለው። ሁላችንንም መተረብ ነው የትርፍ ጊዜ ሥራው።

"ሂ እዛ ሞዛዛ! ሲያስጠላ! በናትህ እስኪ አትሟዘዝ! ….ቢያንስ በዛሬው ቀን አከብረኝ እስኪ ፤ ልደቴ አይደል? አላሳዝንህም ሲስ” አለችው።

“ሸዊት ቆንጆ! ምን አልኩሽ እኔ፤ ሬዴዮኑ እኮ ነው ዛሬ የወባ ቀን በመላ አገሪቱ ተከብሮ ዋለ ያለው።
እኔ ነኝ?”

ፈገግታ መገበችው። ሸዊት ሲስ ራስታን ትወደዋለች። ለነገሩ ሲስን ማን የማይወደው አለ።

29 ቁጥር ያለበት ትልቅ ሻማ አምጥተን፣ ከሱ ስር ደግሞ ሦስት ትንንሽ ሻማዎችን ለኩሰን፣ ሃና ይዛው
የመጣቸውን የቢሎስ ኬክ ቆርሰን Happy birthday to you!” ብለን ዘመርንላት። ድንገት ሸዊት

እምባዋ መጣ! ሸዊት እንዲሁ ናት። አትችልም፤ በሆነ ባልሆነው እምባ ይቀድማታል።

ቴንኪው ሲስ! ቴንኪው ጓደኞቼ። ሁላችሁንም ዉድድድድ ነው የማረጋችሁ” ብላን ዱብ ዱብ እያሉ የነበሩ እንባዎቾን ጠረገች።እሷ ስታለቅስ ሁላችንም ሆዳችን እርብሽብሽ አለብን።

ቤቱ ለአፍታ በዝምታ ተዋጠ።

“አንቺ ገገማ! በልደትሽ ቀን ይለቀሳል?.የማትረቢ! " ብሎ ሲስ ተቆጣት። እንደዚያ ሲላት ደግሞ ባሰባት።
ከተቀመጠበት ተነስቶ ሄዶ አቀፋትና እምባዋን ጠረገላት።

እንደገና ቤቱ በዝምታ ተዋጠ።

"What is going on guys? Is that some kind of Ethiopian

tradition? Crying on a birthday party" ዶናልድ ግራ ገብቶት ጠየቀ። የመለሰለት ግን አልነበረም።

ለምን እንደሆነ አላውቅም ሁላችንም ስለ ሕይወታችን እያሰብን፣ በሆዳችን እያለቀስን ነበር። ሸሌ ሆነን ወጣትነታችን ፈጀነው፣ እንደ ሙሉ ሰው ትዳር መስርተን፣ ልጅ ወልደን፣ ለራሳችን ከብር ኖሮ ሰውም እንደሰው ቆጥሮን፣ የገላ ሳይሆን የልብ ፍቅር ሰጥቶን፣ አንድም ጊዜ ሳንኖር እድሚያችንን ቀረጠፍነው። ትምኒትም፣ ዉቢትም፣ ሃኒቾም፣ ትዙም እንደዚያ ስላሰብን ይመስለኛል ሸዊትን አጅበን ያለቀስነው። እንጂ የሸዊት ማልቀስ አይመስለኝም ያስለቀሰን። በሺዊት አሳበን ያለቀስነው ለራሳችን
ነው።

እኔ በበኩሌ ብቻዬን ስሆን ይህ ስሜት እየመጣ ብዙ ጊዜ አስለቅሶኛል፤ ለሰው ተናግሬው ግን አላውቅም። ቤት ከሆንኩዲጄ ዲከ የሰጠኝን ምርጥ ምርጥ የማሊ ሙዚቃ ኮሌክሽኖችን ከፍቼ እንባዬን አስቆመዋለሁ፤ ይሳካልኛል። ሙዚቃዎቹ እሩቅ አገር ወስደው ሐዘኔን አስረስተው ይመልሱኛል። የሸዊትን ለቅሶ ተከትሎ ሁሉም ሰው እምባውን በመጥረግ ቢዚ ሆኖ ነበር። ከዶናልድ በስተቀር!
ስለዚህ ቶሎ ጫወታ መቀየር ነበረብን። ትምኒት ነበረች ለዚህ ቀዳሚዋ።

የማልታው ሰውዬ!

እናንተ! የማታው ሰውዬ!”

"የቱ?”

ይሄ “ማልታ” ከምትባል አገር ነው የመጣሁት ሲለን የነበረው። ወይኔ በከርስቶስ (እያማተበች) እንደዚህ አይነት ነገር ያለማታ አይቼም ሰምቼም አላውቅም” ትምኒት ሀዘናችንን ለማስረሳት የጀመረቸው ወሬ እንደሆነ ብናውቅም በደንብ እንድትነግረን አበረታታናት።

"ማነው እሱ?

"ያእንኳ ማታ “ፕራይቬት ኮርነር” ጥግ ላይ አብሮን ሲጠጣ የነበረው ፈረንጅ ነዋ! "ማልታ የምትባል አገር እንዴት አታውቁም ብሎ የተበሳጨው እንኳ?”

እህ ማታ ከዉቢት ጋር ያየነው እንዳይሆን !! እኔ በደንብ አይቼዋለሁ፣ ረዥም መላጣ ሰውዬ አይደል?
አልኳት።

"አዉ! ሮዚ አውቀሽዋል! ማታ ከሱ ጋ ነበር “ዴ ሊዮፖል” ያደርነው። ጂኦግራፊ ሲያስጠናኝ አላደረ መሰለሽ? ሞባይሉን አውጥቶ የዓለም ካርታ ዘርግቶ በቁም ነገር ማልታ የት ቦታ እንደምትገኝ ያሳየኛል።አይገርምሽም? የሚያዋስኗትን አገሮች፣ ወደ ዉጭ የምትልካቸው ሸቀጦች፣ … እሱን እያስጠና ሲበዳኝ
አደረ…ሃሃሃሃሃ አይገርምሽም? ሃሃሃሃ”

“አንቺ እንዴት አታውቂም ማልታን…? ምድረ ኤርትራዊና ኢትዮጵያዊ ስደተኛ ጣሊያን የሚገባው በዛ በኩል አይደል እንዴ?” አልኳት።

“ሮዚ ሙች! አይገርምሽም ዛሬ ገና አደነቅኩሽ። እሱም ልክ እንደዚያ ሲለኝ ነበር። “የአገርሽን ስደተኞች እኛ ነን የምንቀበላቸው” ብሎ ጉራውን ሲቸረችር ነበር። የተባበሩት መንግስታት ስደተኛ ካምፕ ውስጥ ነው የምሰራው፤ ነው ያለኝ መሰለኝ።”

እና ምን ይጠበስ ነው የሚለው?” የነገሩ ጫፍ አልጨበጥ ያላት ሃና ጠየቀች።

“ምኑ ይጠበሳል በናትሽ! ይልቅ ልነግራቹ የነበረውን አስረሳሽኝ፡፡ እቃው በጣም በጣም በጣሞ ትንሽ ናት። በየሱስ ስም! (አማተበች) ወይኔ ጉዴ! በእጄ ልነካት ስል እንዴት እንደዘገነነችን። እናንተ
ለካስ ትልቅ እቃ ብቻ አይደለም የሚያስፈራው፤ ትንሽም ያስፈራል። የኾነች ጢኒጥ ቃሪያ እኮ ነው የምታከለው። ብታይዋት አኮ…አሁን የተወለደች አይጥ እኮ ነው የምትመስለው፡፡ ሃሃሃ…ወይኔ ጉዴ !
በየሱስ ስም (አማተበች)

እንዴ?እኔ አብሮሽ ሲጠጣ ያየሁት ሰውዬ ግን ግዙፍ ነው! ተሳስቼ እንዳይሆን? አማሩላ ሲጠጣ የነበረው ሰውዬ ነው አይደል? እንዲያውም "የሴት መጠጥ የሚጠጣ ፈረንጅ” ብዬ ገርሞኝ እያየሁት ነበር ማታ አልኳት።

“ሮዚ አንቺ አውቀሽዋል በቃ! እኔም ሰውነቱን አይቼ እቃው በጣም ትልቅ ነው የሚሆነው ብዬ ቢዝነስ እጥፍ ነው የጠየኩት። ይቅር ይበለኝ! (አማተበች) ውስጥ ከገባን በኋላ ግን በእውነት ነው ምልሽ…ሃኒቾ ሙች..ሮዚ..ሙች..ዋጋ ቀንሽለት ቀንሽለት የሚል ሃሳብ ሁሉ ነበር የመጣብኝ።

"So you gave him a discount?” አላት ዶናልድ ጣልቃ ገብቶ።

ሁላችንም ሳቅን።

“የሚገርምሽ እኮ ማልታ የሚላት አገሩ ራሷ ልክ የሱን ወሸላ ነው የምታከለው። ስታሳዝንም አለች ትምኒት ደጋግማ እያማተበች። ሀዘኗ ቅጥ አጣ፤ ለሱም ለአገሩም።

በድጋሚ ሳቅን። ጫወታችንም እየደራ መጣ። “የሴቶች ቤት” የምንላት ክፍል ትኩሳቷ እየጨመረ ነው።
ይበልጥ ሌላ ትኩሳት የሚፈጥር ጥያቄ ከዶናልድ ዱርዬው ተነሳ።

"But ladies, I have a question for you, if you don't mind! How big is "big" for you? ምሳሌ
is this size big or small ብሎ ረዥሙን የመሐል ጣቱን እያዟዟረ ለሁላችንም አሳየን።

በዚህን ጊዜ ሁላችንም ሳቅ አፍኖን ተፋጠጥን።

"It depends! ለምሳሌ...Your middle finger is big enough for Roza but.that may not be
the case or Tizeta…” ብሎ ሲስ መለሰለት።

አማስግናለሁ ሲስ!” አልኩት የተናገረው ውስጠ ወይራ ገብቶኝ። ትዙ ግን የማትወደው ርዕስ በመነሳቱ ሽምቅቅ ብላለች።

በዚህ ጉዳይ ላይ ማብራሪያ እንዲሰጡን እዚህ ስቱዲዮ ድረስ ወይዘሪት ትዝታን ጋብዘናል። ወይዘሪት ትዝታን ባድማጭ ተመልካቶቻትን ስም እናመሰግናለን.….…የመጀመርያው ጥያቄያቸን የሚኾነው…”

ትዙ ከዚህ በፊት ባብሽዋን ደምበኞቿ “ሰፊ ነው” እያሉ ሲያወሩባት ተማራ እሱን ለማስጠበብ ዮጋ ስልጠና ስለወሰደች ነው ሲስ ባገኘው አጋጣሚ ሁሉ የሚቀልድባት።

ተነፋ እሺ!! ባንተ ቤት ቀልደህ ሞተሃል…የምር ግን እናንተ ወንዶች ቁላቹ በከሳ ቁጥር እኛን ማማረር አይደብራችሁም? አንተ የኔ የትዙ ባብሽ ሰፋ ከምትል ቁላዬ ትንሽ ነው ለምን አትልም? ብሽቅ!
፤ ቆይ ያንቺ ሰፊ ነው ከማለትህ በፊት ሞክረከኛል? አንተን አኮ ነው? ወንዶች ስትባሉ ወሬ አለባችሁ!ሁላችሁም ተነፉ እሺ” ትዝታ በአንድ ጊዜ ሰይጣኗ ተነሳባት። ድሮም የምትፈራው ርዕሰ-ጉዳይ ነው የተቀሰቀሰባት።

I think that is a very good point” ብሎ ትዝታ የተናገረችውን ዶናልድ አደነቀ። ትዙ በተመጠነ ፈገግታ ምስጋናዋን ገለፀች።

እኔ እንዳነበብኩት አንድ የሴት ብልት ትልቅ ነው የሚባለው 3 በ4 ሲሆን ነው” አለች ሃና።

እንቺ ደሞ ኮንዶሚንየም አረግሽው እንዴ!” አለቻት ሸዊት።

ኖ ኖ 3 በ4 ሳንቲ ሜትር እኮ ነው ያልኩት!"

እና ኪሎ ሜትር ነው ማን አለሽ?” አለቻት ሸዊት።

ለሸዊት አጨበጨብንላት። ልደቷ ስለሆነ ሞራል መስጠት ነበረብን። ክርክሩ ግን ሳይታሰብ ጦፈ።

"In my country Slovenia, If you hear an echo when you eat her out, she has a big pusy" አለ ዶናልድ።ከዉቢት በስተቀር ሁላችንም ዶናልድ በተናገረው ነገር ዘለግ ላሉ ደቂቃዎች ሳቅን። ዉቢት የዶናልድ እንግሊዝኛ ስላልገባት ማብራሪያ ጠየቀች።

"በቃ ምን ብዬ ልንገርሽ እነሱ አገር የአንዲት ሴት ትልቅ ነው የሚባለው ወንዱ ጎንበስ ብሎ ባብሿ አካባቢ በአፉ ባለጌ ነገር እያረጋት እያለ የገደል ማሚቱ ከተሰማ ነው ያን ጊዜ ነው ሰፊ የሚሉት አያስጠሉም በናትሽ...

💫ይቀጥላል💫

Like 👍 እና #Share ማድረግ እንዳይረሳ

#ለሮዚ_መልክታችሁን
#ለማስተላለፍ_ከፈለጋችሁ #ከታችያለውን_email #መጠቀም_ትችላላችሁ👇

rozachichinia@gmail.com

ለኛ ደሞ ማንኛዉንም አስተያየት በ @atronosebot አድርሱን