صباح الخير

بما اننا قاعدين في البيت طيلة ال21 يوم دي خلونا نطلع منها ونحن إتعلمنا حاجات جديدة تفيدنا سوى في حياتنا او في مجال الشغل او مجال التعليم

في البوست ده حا اقترح ليكم روابط في مجال معين، وإن شاء الله حاتكون في بوستات تانية مخصصة لمجالات أخرى

نبدا بإسم الله أولًا ثم بأول هاجس او مشكلة تلاقي الخريجين او الناس الببحثو عن وظائف وهي تعلم اللغة الإنجليزية

اول رابط أنا بقترحو ليك هو لتطبيق إسمو zamrican English

ده تقريبًا أفضل تطبيق ممكن تتعلم فيه لغة إنجليزية، فبنصحك إذا مبتدئ او مستواك ضعيف في اللغة الانجليزية تبدا بالتطبيق ده

فيه عدة كورسات منها كورس القواعد والصوتيات والمخاطبة والقراءة والكتابة والإستماع، ولو انت مبتدئ انصحك تبدا اول شي بكورس " إبدأ من الصفر "

وده رابط تحميل التطبيق للاندرويد
https://bit.ly/34Kp4SF

وده تطبيق تاني بساعدك على حفظ الجمل والمفردات الانجليزية، وحسب وصف اصحاب التطبيق فهو يستخدم حاجة أسمهت التكرار المتباعد، ودي بتساعدك على حفظ الجمل وعدم نسيانها

رابط التحميل https://bit.ly/2vE8IOh

التطبيق التالت في المجموعة دي اسمو sayhi، وده بطور ليك مهارة الكتابة والتحدث باللغة الانجليزية

https://bit.ly/37ncqtq

التطبيق الاخير في المجموعة دي هو تطبيق خاص بالترجمة، وبنصحك تنزلو، وبيدعم اكتر من 90 لغة، وممكن يشتغل بدون إنترنت في حالة حملت ملفات الترجمة من داخل التطبيق

http://bit.ly/2T2IFcA

حملو التطبيقات دي وابدوا إتعلموا وما تخلو فترة الإجازة دي تضيع ساي

وبإذن الله وزي ما وعدتكم حا انشر ليكم بوستات اخرى في مجالات تانية

#يلا_ننجز

#يلا_ننجز

في البوست الفات إتكلمنا عن تطبيقات بتساعدك في تعلم اللغة الإنجليزية، وفي البوست ده حانتكلم عن تطبيقات بتساعدك في تعلم لغات البرمجة في مجالاتها المختلفة

في البداية خليني اقول ليك إنو كل لغة مختصة في مجال معين، يعني بالعربي البسيط اي منصة عندها لغات معينة، فتصميم الويب عندو لغات محددة، وتصميم التطبيقات برضو، فإنت لازم تحدد اولًا اي مسار عايز تمشي عليه، وهنا بجي دور تطبيقنا الأول في البوست ده

التطبيق بساعدك في اختيار المسار العايزو سوى كان مسار مصمم ويب او تطوير الويب او التطبيقات، وفيه دورات لكل مجال وكتب خاصة بيه

وده الرابط https://bit.ly/3brxX6r

التطبيق التاني وهو شبيه بالاول، بتقدر تتعلم عن طريقه 18 لغة برمجة مختلفة

رابط التحميل
https://bit.ly/2wTui20

التطبيق التالت هي تطبيقات شركة solo learn ودي بتعتبر من اشهر تطبيقات تعلم البرمجة

بعد تسجل في التطبيق بيعرض ليك دروس في البرمجة، وفي نهاية كل درس في إختبار لازم تجتازو عشان تمشي للدرس البعديه
لما تخلص الدروس بدوك شهادة إتمام التعليم من التطبيق

وده الرابط https://bit.ly/2Kj8rUB

التطبيق الأخير في المجموعة هو تطبيق mimo، بحتوي على نفس مميزات التطبيقات الفاتت، بس صنف كأفضل تطبيق في المجال

للتحميل

https://bit.ly/2KfVF9F
وبكدة نكون وصلنا لنهاية البوست، وإن شاء الله في بوست تاني حا اقترح ليكم تطبيقات تانية في مجالات مختلفة، بحيث انو كل البوستات الجاية حاتكون محتواها عن الكورسات، بعدها حا نتطرق لمواقع وتطبيقات بتساعدك على كتابة سيرة ذاتية لنفسك عشان تقدر تقدمها لاي جهة طالباها، بعدها حا نتطرق لمجال على الإنترنت وكيف تحقق دخل مالي في فترة قعادنا في البيت، بس المهم نكون قاعدين في البيت✌️⁩

ماتنسوا تعملو تشيرو البوست وتعملو تاق لاصحابكم عشان يستفيدو

#يلا_ننجز
#خليك_في_البيت

صباح الخير

لو في زول مهتم بمجال التسويق بالمحتوى او كتابة المحتوى عمومًا، خشو الصفحة دي وسجل في الكورس ده

https://bit.ly/2P5WEif

الكورس بعلمك طريقة واساليب كتابة المحتوى باللغة العربية ومجانًا

صاحب الكورس حايرسل ليك كل يوم رسالة في الايميل فيها درس عن التسويق

لو مافتحت ليك الرابط شغل VPN

شارك البوست عشان تفيد غيرك 💙

ماتنسى تشترك في قناة التلجرام

t.me/yalla_nnjez
#يلا_ننجز