#نصيحة_تلغرامية
في أجهزة أندرويد بعد تثبيت تطبيق تيليغرام وقمت بتنظيل فيديوهات او صور اي ملفات لن تجدها بالسهولة
لان تطبيق تيلغيرام يقوم بإنشاء مجلد بإسم telegram ويتم وضعه في ذاكرة الجهاز وكل الملفات والصور والفيديوهات المنزلة تخزن هناك
اذا اردت ان تجد ملفاتك اذهب الي ذلك المجلد
تذكر: الملفات مخفية و تأخذ هذه الملفات حجم كبير من الذاكرة .

إذا أردت الاحتفاظ ببعض الملفات او الصور او الفيديوهات فيفضل أن تذهب للمجلد وتقوم بالحذف يدويا.

#نصيحة 👆👆 الصورة

عندما تظهر لك هذه التنبيهات او تحذيرات تخبرك بوجود فايروس او اي شيء آخر ..
و يبدأ الجهاز بالرج او اصدار اصوات او اخذك لرابط تحميل لا تفعل اي شيء سوى إغلاق جميع النوافذ التي لا تعرفها ..
فإنها فقط #إعلانات و في بعض الأحيان #برمجيات_خبيثة..

#نصيحة لوجه الله

السلام عليكم اسعد الله اوقاتكم
بالخير
دي نصيحة بسيطة بقدمها ليكم ان شاء الله تفيدكم واتمني بعد ماتقرا النصيحة اعمل شير لـ غيرك يستفيد او اعمل تااق لصديق عزيز عليك



امس جاني واحد عندو جهاز جراند برايم كوبي 4.4.2 والجهاز فيهو مشكلة انو بينزل تطبيقات كتيرة وخبيثه وانا قعدت احاول اعالج المشكلة

بعد ساعة وصلني جهاز جالاكسي نوت3 جهاز اصلي بنظام اندرويد لولي بوب5.0 فيهو كمان نفس المشكلة



قعدت اليوم كلو احاول اعالج في المشكلة الحمد لله مشكلة النوت3 اتعالج بس مشكلة الجهاز الكوبي ما اتحلت والسبب انو الجهاز كوبي


عارفين سبب الفايروس شنو؟

ملحووظة قبل ماتعرفو السبب(حتي وان فعلت خيار تثبيت التطبيقات من مصارد غير معروفة التطبيق يثبت نفسه بشكل اجباري بدون علمك)


السبب هو تطبيق موبوقيني (و تطبيقات تانية ح اذكرها في الاسفل) تطبيق mobogenie بيدي الجهاز اوامر انو ينزل ليك تطبيقات بدون علمك بمجرد ماتفتح الشبكة حينزل تطبيق بشبه تطبيقات النظام في جهازك

التطبيق بتحكم في جهازك وبينزل ليك كمية تطبيقات اباحية وتطبيقات تانية انت في غني عنها ولو ماعندك خبرة مستحيل تقدر تتخلص من التطبيقات دي

التطبيقات البتنزل دي بتستهلك من جهازك الرام
والبطارية والبيانات
بتمنع تثبيت اي تطبيق
بتمنعك من عمل روت للجهاز
بتمنعك من تحديث جهازك
وفي كل 5 دقيقة بتنزل ليك تطبيق جديد
تلقي جهازك اتملا تطبيقات



الموضوع دا الناس مستهترة بيهو شديد وكل ماننصح الناس مابتسمع وفي الاخر يجي واحد يقول جهازو فيه فايروس



عشان كدا يا اخواني واخواتي نصيحة لوجه الله التطبيقات اللي ح اذكرها دي ماتنزلوها في اجهزتكم ولو موجودة احذفوها


1-تطبيق موبوقيني
2-تطبيق ون موبايل. ماركت
3-تطبيق apus
4-تطبيق hola launcher
5-تطبيق mobomarket
6-تطبيق vidmate

وفي غيرها تطبيقات كتيرة هي التطبيقات البتسمح للفايروس التطبيق الخبيث انو ينزل ويسيطر علي جهازك


يلا كدا انا نصحتكم والباقي عليكم



ملحووظة في امور تانية كتيرة او تطبيقات ممكن تنزل ليك فايروسات في جهازك زي مثلا الاعلانات البتظهر ليك في المتصفح انو جهازك فيهو فايروس او محتاج تحديث الاعلانات دي تتجاوزها طوالي لانها م حتفيدك


والباب مفتوح للنقاش والانتقاد الهادف وماتنسو شير للخير


تحياااتي😍✋


محمد فيصل

#نصيحة
القناة دي من اجمل قنوات #تيليجرام
انصحكم بالاشتراك
اضغط هنا واشترك
@Bou7khater