#حقيقه مؤلمة 😔😔
جنت كاعد بمكان الانفجار والدمعه بعيني وگلبي معصور عصر وما ادري شسوي
اروح اتبرع بالدم ؟
لو نساعد الناس بشيل الجثث ؟
لو ادبر بطانيات وجياس حتى نشيل الجثث بيه ؟
لو اشوف اسامي المفقودين وادور عليهم بين الجثث !!
حيره !
تسمع ونين الزلم !! وتسمع صوت ايدينات الزلم من تضرب على راسه !
تشوف واحد ديشك بهدومه ويلطم لان ابنه استشهد !!
تشوف مره نازعه شيلته وتركض ادور على شهيده وين !!
تسمع صوت مره تصيح بأعله صوته بس اريد ابني حتى لو ميت بس اريد اشمه !!
فجأه اجه رجال جبير بالعمر يطلع عمره ستينات ويا زلم ثنين وهو بالنص ولازمي من ايديناته ويمشو كوه لان ما باقيله حيل !
عيونه حمره من وره البجي الدمعه مو تنزل لا دتجري جانت وتجوي بخده
يشوف بعيني كأنه يتمنى اكون اني ابنه وممستشهد ويرجع ابنه الي ربا حتى يكون اله سند بهالعمر الجبير
بعدين يغمض عينه بحسره لان طلعت مو ابنه !!
يشوف على الشاب الي بصفي يكلب تفاصيل وجه بلكت هو ابني وهم تنعاد نفس الحسره
وهكذا على باقي الشباب بلكت يلكي ابنه وما لكاه !
وراح من يمي وهو صوته بأذني ( وينك يحزام الظهر وينك يا شكه عمري ) !!!
وره شويه اجه ابو الدفاع المدني ويصيح بأعلى صوته بكر علي محمد .. بكررر علي محمدد .. بكرررر عليييي محمدددد !!!
الحجي كام يركض ع الاسعاف ركض ..!!
وصل يمه وخر البطانيه انتجه على الزلم الي ويا لان حيله راح لان لكه شكه عمره ملفوف ابطانيه ونص جسمه محترك !!
شك دشداشته لطم على صدره ضرب الاسعاف ضرب ابنه راشديات بلكت يصحى !!
وبعد ما أيس وأيقن انو روح ابنه حتعَيد بالجنه صعدت يم باريه سكت !!
وسكوته جان ورا حجي لو يسمعه الحجر يبجي !!
لك ليش يابه ليش تركتني ليشششش كسرت ظهري لك كوووم ارجع ويايه للبيت مو كلتلك خلي نتسحر سوه ليش ردت تتسحر برره لك والله انطيك ابدال ال ١٥ الف الاخذته حتى تتسحر بيه ويه جماعتك انطيك مليون بس كوم الخاطر امك الميته بس كوم لك كوووم خواتك يردوك لك كووووم !! لك خواتك ما عدهم غيرك لك وينه غيرتك على خواتك ليش تركتهم لك كوووم .. !!
وبعده صوته بأذني ودمعاته ونظراته مدتفارك عيني !!! موقف مديروح من بالي ولا حيروح
وطن ما بيك كلشي ونفتخر بيك !!!
مل مني القلم ومن القلم مليت
عمت عينة قلمنة ألما نفع شعرة
تعب حتى الشعر وية العراقيين
وصار بحال اهلنة وبالعراق ادرة
رسمت حروف العراق برسم فنان
وجمعت اربيل والانبار والبصرة
كلت لازم حروفي توحد الاخوان
ما معقولة هيج تصير فد مرة
على جثثنه تدور هالفضائيات
ياهو الي يصور يربح الاجره
معصوبة العيون مجتفه الايدين
وانواع الرصاص يجوب بصدره
لا اهلة اجوي وجفنوا بجفان
مجهولة الهوية ومنو درة بامره
اذا امه الحنونة الصايمة برمضان
ما اكلت اكلهة وبقت تنتظره
تنتظرة يرد وتريد تحجي وياه
اثاري اليوم لازم ينكطع مهرة
لان باعت ذهبهة الضمته من سنين
حتى اتزوج ابنه الي ما فرح عمرة
ما نامت بقت تنتظره طول الليل
مثل طلعت حمامة بعينهة العبرة
ما شافت ابنهة وجاهة ملك الموت
تعرف شنهي يعني تموت بالحسرة
معناهة الفرح صاير مثل عصفور
شايل وردة بيدة وخنجر بظهرة
معناهة عراقك كاتل ومكتول
سودة كلوبهم وعقول مفترة
القصيده للشاعر احمد هندي ..
جنت كاعد بمكان الانفجار والدمعه بعيني وگلبي معصور عصر وما ادري شسوي
اروح اتبرع بالدم ؟
لو نساعد الناس بشيل الجثث ؟
لو ادبر بطانيات وجياس حتى نشيل الجثث بيه ؟
لو اشوف اسامي المفقودين وادور عليهم بين الجثث !!
حيره !
تسمع ونين الزلم !! وتسمع صوت ايدينات الزلم من تضرب على راسه !
تشوف واحد ديشك بهدومه ويلطم لان ابنه استشهد !!
تشوف مره نازعه شيلته وتركض ادور على شهيده وين !!
تسمع صوت مره تصيح بأعله صوته بس اريد ابني حتى لو ميت بس اريد اشمه !!
فجأه اجه رجال جبير بالعمر يطلع عمره ستينات ويا زلم ثنين وهو بالنص ولازمي من ايديناته ويمشو كوه لان ما باقيله حيل !
عيونه حمره من وره البجي الدمعه مو تنزل لا دتجري جانت وتجوي بخده
يشوف بعيني كأنه يتمنى اكون اني ابنه وممستشهد ويرجع ابنه الي ربا حتى يكون اله سند بهالعمر الجبير
بعدين يغمض عينه بحسره لان طلعت مو ابنه !!
يشوف على الشاب الي بصفي يكلب تفاصيل وجه بلكت هو ابني وهم تنعاد نفس الحسره
وهكذا على باقي الشباب بلكت يلكي ابنه وما لكاه !
وراح من يمي وهو صوته بأذني ( وينك يحزام الظهر وينك يا شكه عمري ) !!!
وره شويه اجه ابو الدفاع المدني ويصيح بأعلى صوته بكر علي محمد .. بكررر علي محمدد .. بكرررر عليييي محمدددد !!!
الحجي كام يركض ع الاسعاف ركض ..!!
وصل يمه وخر البطانيه انتجه على الزلم الي ويا لان حيله راح لان لكه شكه عمره ملفوف ابطانيه ونص جسمه محترك !!
شك دشداشته لطم على صدره ضرب الاسعاف ضرب ابنه راشديات بلكت يصحى !!
وبعد ما أيس وأيقن انو روح ابنه حتعَيد بالجنه صعدت يم باريه سكت !!
وسكوته جان ورا حجي لو يسمعه الحجر يبجي !!
لك ليش يابه ليش تركتني ليشششش كسرت ظهري لك كوووم ارجع ويايه للبيت مو كلتلك خلي نتسحر سوه ليش ردت تتسحر برره لك والله انطيك ابدال ال ١٥ الف الاخذته حتى تتسحر بيه ويه جماعتك انطيك مليون بس كوم الخاطر امك الميته بس كوم لك كوووم خواتك يردوك لك كووووم !! لك خواتك ما عدهم غيرك لك وينه غيرتك على خواتك ليش تركتهم لك كوووم .. !!
وبعده صوته بأذني ودمعاته ونظراته مدتفارك عيني !!! موقف مديروح من بالي ولا حيروح
وطن ما بيك كلشي ونفتخر بيك !!!
مل مني القلم ومن القلم مليت
عمت عينة قلمنة ألما نفع شعرة
تعب حتى الشعر وية العراقيين
وصار بحال اهلنة وبالعراق ادرة
رسمت حروف العراق برسم فنان
وجمعت اربيل والانبار والبصرة
كلت لازم حروفي توحد الاخوان
ما معقولة هيج تصير فد مرة
على جثثنه تدور هالفضائيات
ياهو الي يصور يربح الاجره
معصوبة العيون مجتفه الايدين
وانواع الرصاص يجوب بصدره
لا اهلة اجوي وجفنوا بجفان
مجهولة الهوية ومنو درة بامره
اذا امه الحنونة الصايمة برمضان
ما اكلت اكلهة وبقت تنتظره
تنتظرة يرد وتريد تحجي وياه
اثاري اليوم لازم ينكطع مهرة
لان باعت ذهبهة الضمته من سنين
حتى اتزوج ابنه الي ما فرح عمرة
ما نامت بقت تنتظره طول الليل
مثل طلعت حمامة بعينهة العبرة
ما شافت ابنهة وجاهة ملك الموت
تعرف شنهي يعني تموت بالحسرة
معناهة الفرح صاير مثل عصفور
شايل وردة بيدة وخنجر بظهرة
معناهة عراقك كاتل ومكتول
سودة كلوبهم وعقول مفترة
القصيده للشاعر احمد هندي ..