صدِّقينى 💜
إنتى م محتاجة تغيرى من شكلك او شخصيتك لأي سبب كان -_-
لسببين😀
#أولاً..
لأنك جميييلة كما انتى🌸،كما خلقك أحسن الخالقين..جميلة ومُميزة فى كل ما يتعلق بك 🌸
ف أخلاقك،ف كمية الخير الجواك،ف طفولتك الما بتفارقك إلا ما ندّر،
ف لمعة عيونك وأنتى بتضحكى،طريقة كلامك،كمية التخّلفِ الجواك🙊😂
جميلة ف طُموحاتك الما ليها حدود✌،ف أحلام باكِر الشايلها جواك..ف شغفك،ف حاجات كتيرة محورها "أنتى"💜
خُلقّتى مُتميزة..ما عشان تقلدِى الأغلبية وتبقى مجرد نُسخة مكررة قد سئمنا منها!!
#ثانياً..😧
قالوا..(الما رادك مكتح ما تتمسح ليهو)
#فاا_شنوو🌚
م تتغيري عشان تعجبي زول✋😀..
ما تكونى زولة "fake"😧..بالعكس يااخ
#be_yourself 👏👏
بحيث إنه البنى آدم الح يختارك..يختارك وهو عارف تماما عيوبك وحافظها..وما فارقة معاه 💜💜
#يا_صديقة💜
#كلها_أرزاق☺ (مكتوبة ومسطرة👌)
فااا خليك مُؤمنة ومتأكدة تماماً إنه فى الوقت والمكان المناسب حسب توقيته عز وجل👌🌸
ح يرسل ليك البنى آدم الصَاح💜
#بنىّ_آدم ح يتقبّلك بكُل حالاتك وغبائك🌚 ونفسنتك وممكن جداً يتخّلف ويتهابل معاك ويكّمِل ليك فَهمك👊🌚😂
زول واااحد🌚..لكنه ح يكون لامىٌ كُل حاجة سمممحة ومهمة بالنسبة ليك 💓
#زول_سنَد🌸
الح يمسك يدك عشان يقّطعك الشارع وقد بلغتَمُ من العُمِر عتياً💜(غير آبهِ لأحدِ🙈)..
يااهو..ود الحلال الكان بدعو ليك بيهو كتييير..حبوباتك وأُمك #ذات_رضاً_عنكِ🌸،وملايكة الرحمن قالوا..آميييييين👐🌸💞
زول ح يكون معاك واضح من البداية..
ما ح يفشك ويعيشك فى وهم إنه حياتكم ح تكون #perfect
وح تكون خالية من المشاكل والهموم وبتااع -_-..
#بالعكس_ياااخ😀
لازم تتشاكلوا وتتناقروا وتضاربوا زاتوو👊😂،بحيث إنه الاختلاف ده مهما كان كبير👆
#لا_يفسد_فى_الود_قضية💜💜..
#فااا_المهم☺
(فأقنع بما قسم المليك فإنما.. قسم الخلائق بيننا علامها)✋
#end_of_text✌
#Ryan_Adil🏃

يُقال ان الزول الصاح غالبا بجى فى الوقت الغلط...ألخ
#يلا_شنو🌚💔
#نقطتين..
#أولا..
فى فرق شااسع بين #الإنبهار أو الإعجاب وبين #شى_إسمه_الحب..
#الإنبهار بحصل لما تلاقى بنى آدم فيه مواصفات متوافقة مع خريطة حبك✋وبسس،أما بالنسبة للعيوب😕 فاا ح تشوف البنى آدم ده بلا عيوب أو"عيوبه لا تذكر-_-"..
وتبدأ الدراما التركية😑والتى قد تنتهى بالزواج إذا حااالفك الحظ "حسب تفكيرك المحدود"..وبعدها بفترة ح تلاقيهم انفصلوا مع أول مشاكل قابلتهم بالرغم من الكان بيناتهم😑 أو ع أحسن الفروض واصلو مع بعض لكن البيناتهم#راااح✋ ببساطة لأنه دخلوا مرحلة #الصدمة_فى_عيوب_الآخر
وعدم القدرة ع التعايش معها
#ثانيا..
وخاصة نحن معشر حواء
إذا أنبهرتى يا آنسة😂😂..
عليك الله أتخارجى..
أتخارجى من آى حاجة بتذكرك بيه✋..
وقربى من ربك،أعرفى دينك،غضى بصرك،أقرى كتب،حققى طموحاتك،أبرزى فى مجالك💜
(بالمناسبة ديننا ده سممح ياااخ، فاا ما تظلمى نفسك وتخلى نصيبك منه القليل فقط)..
الحاجة السمحة الجواك ما تبعزيقها لأول زول،بطلى حنك الأفلام الهندية دى بالله😒
#الزيت💜
يكمن فى التفاصيل الصغيرة..فى إرتباك البدايات،تأتأة الكلام،زى لحظة العقد،زى أول مرة كان فيها إمامك،وتكتشفى أنه صوته سممح(حتى لو ما كان سمح💔😂😂)،زى صلاة قيام تجمعنا والناس نيام،زى قومتها من احلاها ف عز الشتاء  نومة عشان تسوى ليك كوباية شاي😒،زى كمارا😍 يجيبها ليك من الدكان وهو راجع من المسجد،زى فرحته لما يعرف أنه أول دقة كانت ليه،عن مرضك وخوفها عليك،عن البشتنة والعراقى والصلعة والكرشة ولسه زى م أنتا بالنسبة ليها🙈،زى شفع شايلين لماضته وهبالتك😻،
ف مناقشاتكم وشكلاتكم الما بتنتهى لحدى الخرف💙،عن ال 70 الوصلتوها مع بعض كان الله اداكم العمر،عن خجلها منك ف العمر ده.. زى جلسة قرآن لمتكم مع احفادكم💜💜
وعن زول يقربك لربك 😍..وعن حاجات كتيييرة💜💜
#finally☺
(كل القلوب بتدق ولكن أجملها من عف✌)
ما تبعزيقها..ابقى عشرة عليها خليك أمينة عليها لحدى ما يجى صاحب الخلق والدين😀،وحتى لو ما جاء..
#So_what!!!
قضيت ياا ربى ورضينا 💜✌
#وإلى_ذلك_الذى_لم_يأتى_بعد❤️❤️
خلى بالك منى فيك ❤️..
ومن قلب خايف عليك❤️❤️
#Ryan_Adil😊

#رساالة💌..
كلنا عندنا "بلاوى" بنعملها ومتأكدين إنها غلط لكن وصلنا مرحلة بعيدة من التعلق بها،وشايفين إستحالة الحياة ف عدم وجودها😔وربنا ساترها معانا.. صاح؟
#يلا_الرصّة_كالتالى 👏
ديننا ده سممح ياااخ 💜
ومن الحاجات الجميلة جداا فيهو #التجارة_مع_الملِك..
عن لذّة العوّض َ💜
البتحسها بعد المُعاناة،الضِيٌق لما تتخلى عن حاجة بتريدهاا شديييد..لوجه الله،كانك لسان قلبّك يقول..لتّرضي عني تركتها لاجلك يا الله😊
تخيّلُه وهو يُباهى بحِبُكَ ملائكتة ولست سوى عبداً💜
وملائِكتهُ تنُااادى فى السماء تهنئةً بإصطِّلاحك مع الله♡
#جاهد_نفسّك
اناا بعيييد شديد عنه وفى حاجات كتيرة عارف أنها غلط لكن بالنسبة لى هى الحياة😔،إستحالة أقدر أخليها 😔، وحتى لو خليتها بلقى نفسسي تلقائياً رجعتا ليها-_-
#أولاً😀
لازم لما تبدأ تعمل حاجة صاح تتعولق عليك😀،وكأنه العالم يتآمرون عليك ياا صديّك🌚
فااا..مثلاً يعنى قررتا تبطّل أغانى،تطلَع من البيت ح تلاقى الغنية البتريّدها شديييد شغالة محلّ ما تقبلّ..🌚
هنااي/ة داك😍.. القررتا تتخارج من آى حاجة بتذكّرك بيه✋ وتعفَّ نفسك 💜
كل يوم يجى ناطى ليك من حيث لا تحتسب وياا سبحان الله😂 فجأة كده بدأ يهتم بيك وبناءً عليه كلام الليل يمحوه النهار🌚
#غايتو_جنس_جهجهة🌚
الحاجات دى وغيرها ما هى إلا إمتحان ليك😊
عشان ربنا يتبيّن صدقَ نيتّك،بخُتّك ف حتة وهو عارف تماماً👌 إنك بتقدر تنجّح فيها #بسسسّ لو كنتا صادق😊
-منو القال??؟
قال تعالى:{لا يُكلف الله نفسا #إلا_وسعها}..
العبّرة ما ف إنك تكون #بِلا_أخطاء..
بل فى إنك مهما غلِطتا #قمّ_وقاوم😊..
فى إنك تندم أشدّ الندم لذنب أذنبته مع أنه كان زمان عادى بالنسبة ليك ..
الجميّل فى الموضوع غير انك ح تُثاب فى #شرفَ_المحاولة حتى لو سقطّتا ف الإمتحان..
إنه الفرصة"countless"
فبابُ الملِك دايماا مفتُوح قِدامك..
بسمعك مع أنه عارف الحوار كله بتفاصيل أنتا نفسك ما عارفها -_-
وبعد ده كله بغّفر ليك(التائب من الذنب كمن لا ذنب له😀)
#ثانيااً..
ما إلاّ تصل نهاية الطريق😊
المهم تموت وأنتا ماشي فيه 💜
#اللهم_توبة_نصوّح_لا_رُجوع_بعدها
فسُبحَان مَن نَحنُ بِدُونه لِسْنَا بشَيءٍ وَبه كُل شَيء ..! :)❤