احيانا بنغلط او نسئ النظر لي ناس هم جزء اساسي في حياتنا...

بنغلط معاهم لاننا ما قدرنا نفهمهم او هم الما قدرو يستحملونا ما مهم...

او احتمال نكون نحن كترناهو معاهم من #عتاب .. #طلب_اهتمام ...الي اخره...

واحتمال كمان يكونو هم ملو مننا ما الانسان بطبيعتو ملول وبحب التغيـيـر...
ومع اننا بنحبهم وشايفين الدنيا في عيونهم وبس....وما عايزين غيرهم
جا يوم وغلطنا في حقهم...
ومن هنا انا بعتزر لشخصيه ممكن تكون هي اخر زول انا وثقت فيهو وختيت كل امالي فيها...واعادت لي روح الحياه...شخصيه بالنسبه لي #فرحه و #ضحكه و #سعاده
#حقك_علي...

#الدكتوره

ما صح المقوله البتقول البعيد عن العين بعيد عن القلب

يااخ في ناس كلو ما بعدنا منهم حبهم بزيد بقدر المسافات البينا

لانو الريده الجوانا اكبر وكفيله بانها ما تخلي مسافات بيناتنا

كل ما قابلناهم بنلاقيهم بلهفه مهما كانت الفتره طويله

وكل ما سمعنا صوتهم بنستكييين ونحس براحه وشوقنا ليهم بزيد اكتر واكتر

وكتر خير الزول #الصوتو ملاني كتره #فرحه😍😘❤️

#Amira_Alshikh

م ف احلـي من احساس انكـ تكوون خريـج 🎓

اربـ4ـعه سنين مرت برمشه عين
مرت بدون ما احس بيها حتي
كانت احلي ايااام

بوجود احلي صحباات في الدنيااا😍😍

#كانت_احلي_ايااام

وفرحتي ما اكتملت الا مع اجمل اهل
ولو كااان ممكن الزول يختتار اهلو كنت اخترتكم انتو برضو لانكم احلي اهل ♥

الله يخليكم لي وما يحرمني منكم

#فرحه_امي😍
#ضحكه_ابوي😍
#وقفه_اخواني_و_اخواتي

#سند_اخواني_واخواتي_الولدتهم_لي_المواقف_والاياام

فرحتي كملت بيكم بوقفتكم معاي وبسعادتكم المن سعادتي

#Amona_Husain

#اخر_يوم_في_بيتها
اخر يوم وهي بتراقب تفاصيل البيت الاحتواها سنيـن
اخر يوم وهي بتتابع كل التفاصيل وكل العيون المليانه حنان وبتداري بالفرحه دموعها ..
وانا عارفه ومتاكده دي اصعب ليله واصعب يوم ح يكون مر عليها...

وم ح يهدالها بال ولا ح تنوم وكيف ح تنوم وهي منتظرها يوم تاريخي ...يوم #فرحه و #حزن و #رهبه و #ارتباك ...ومشاعر واحاسيس ملخبطه وما مفهومه..
ح تتامل ملامح اخواتها واخوانها الاعتادت علي انها تصحي كل يوم الصباح عليهم...
ومن ناحيه تانيه امها الدائما بتفضحها عيونها...كيف ح تفارق بتها الانتظرتها سنين لحدي م تكبر.. هي اخر العنقود والماليه عليها البيت وحته من قلبها ..كيف تصحي من الصباح من غير عيونها ..منو الح يونسها...ومنو الح يجوط البيت بصوت ضحكتها...دموع حزن مع دموع فرح واحساس هي #ام_العروس ..وهي من جواها بتقول الله يسعدك يا بتي ..

وشعور ابوها كيف ح يسلمها للعرييس ..وهو بفكر ح يكون حنين عليها! ! عايزها تبقي جمبي ومعاي عشان اخلي باالي منها وانا حبيتها اول ودي صغيرتي ودي السكره ...بس برجع ويقول دي سنه حيـاه ...والله #يسعدك_يا_سكره

ح تحاول تنوم عشان ما يظهر الحزن والتعب في عيونها ..وصبحان عليها يوم طويـل وهي ح تتوج #اميره لليوم دا ..

ح تكون ليله طويله بالنسبه ليها ح تتبدل وتتغير فيها حاجات كتيره.
وطوول يا ليل طولا كي تودع حياه العزوبيه ...

صعبه عليها وعلي #ميرو كمان لانها بعيده م معاها ...


ح يهونو عليها صحباتها الجوها ...ولويه وسرو وروان واثـار ....
وذي ما قلتا ليك يا #سرو خلي بالك من عروستي ..

#الله_يسعدك
#Amira_Alshikh