كلشي بغيابك ذبل..
من درت وجهك صدگ
دارت وجهه الشمس....
وماظل خلگ للنده
واهس الوردة انكسر…
ولاچنّك انتَ الگبل تجرحني وأنزف ضحك
من رحت كلشي أنطفه
بغيبتك حته الگمر ماسيّر عله الورد.....
يالعلمتني الدفو....
حته الدفو البلحچي غيّر لهجته البرد....
يالمدري شنهي چنت!
فراشة، مدري ورد…
حته اترف من الترف
لاتنسه چفي الگبل شد رايته اعله الزلف ..
وفراگك شگد صلف...
خلاّني بعدك جرح
وانت وضميرك بعد
من تضحك اعله النزف..
#ميثاق_الهلالي
🌴🌴🌴
#مرتضى

@alshoara

خل احسبك
انت وعـيونك وشعرك
والــبعد والمدري يمته
شكد تصير

لاتــخاف احچــيلي كـلشي
احچي واطيني على مايي

بلكي چم حچايه خــدرانه
على عــرفك بــــيها اطــير


#ميثاق_الهلالي

(العراق)

#مــஓــرتــضــى

@alshoara

لايگلبي كافي تحرگ روحك بشبّاچ منسي
تصير نكتة وسالفة بحلگ الستاير
آنا اريدك وحدك
تسولف ، تطير ، تموت وحدك
مثل دخّان الجگاير ...

#ميثاق_الهلالي
(الـعراقـ)
@alshoara

المهم سولفلي
عن هذا الجديد شلون
من يشرب عيونك يسكر وياهن؟؟
يخجل مثلي ..
لو كلش تماده وياك ،،
الماسويتهن وياك سواهن؟؟



- #ميثاق الهلالي
#العراق
@alshoara

خل احسبك
انته وعيونك وشعرك والبعد
والمدري يمته
شگد تصير
لاتخاف احچيلي كلشي
احچي واطيني اعله مايي
بلكي چم حچايه خدرانه اعله عرفك
بيها اطير





#ميثاق_الهلالي
(العراق)
@alshoara

مدري شمالني بلياك
يتكسر بـ ريجي الماي من تغيب



#ميثاق_الهلالي
(العراق)
@alshoara

°
شكثر سولفت للشمـعات
بـلكي تجـيب طـاريــهـم

شكثر وصيت
حتى المالهم خبرة وعرف بيهم

شكـثر فوگ النـهر خليت
چم دمعة ورسايل شوگ
واتعذرنـي سـاعـي الماي
مـــا يـندل شــواطـيـهـم


#ميثاق_الهلالي
#العراق
@alshoara

مو بس دمع ثورتك..
نهضة إصلاح وفكر..
نهضة محبة وسلم..
يالثورتك ثورة !

مرات ظلمة نجي..
نزورك ونرجع ضوة..
مدري إنت گلبك شمس..
مدري الشمس حضرة !


#ميثاق_الهلالي
#العراق
@alshoara

ليليّة الوجع يلتف على ضلوعي
وافك باب الصور
وتطيح منها طيور...
ليليّة الوطن يتسودن براسي
شمع و گبور…
ليليّة بخلگ نجمة
بوجه شبّاچ اتانيكم
وارد وجه الصبح مكسور…

#ميثاق الهلالي
#العراق
@alshoara