#الشاعر_نواف_جميدة_ابوحيدر

ماحدا من ردنا ذاليوم ناجي
لو دخل مليون في مليون ملجا

واليمن معروف في دهق المحاجي
ذي يسمح بالمذلق كل عوجا

#سياف_الضبيبي

في الــــملاجي فوق مــليونين ناجي
والمــطـــــارات والــقواعد دون ملجَا

من تناجي يــا يهــــــودي مــن تناجي
في سماكم غير فرط الصوت من?جا

#أبوصخر_الجوحمي

فرط صاب الصهينه بالارتجاجي
قوة الله مالها. منجا. ومحجى

باذن ربي بايجي صهيون راجي
مثلما الامريك للسيد. ترجا

#ابوحرب_العتب

اليهودي اليوم مخبوص المزاجي
اليماني دقدقه لاكل زنجا

المريكي قد ضرب بالارتجاجي
بعدها استسلم لنا كم قد ترجى

#الأشتر_هادي_الرزامي

ضربكم واجب علينا وانتهاجي
هو عقيدتنا نخج الكفر خجا

فالقريب اتصير لك كل الملاجي
ياليهودي قبر ما فيه اي محجا

#أمجد_المهدلي

بـايـجـيـكــم ردّنــــــــا رد ازدواجــي
يـومــها مـابـه لـكـــم مـحـجا ومنجـا

وبا يـسـوّي للـنــتـــن رجَّ ارتـجـاجـي
تـجعـل الصَّهيـونـيَـه عرجـا وصـنجـا

#محمد_صالح_ستان

انا اليماني من تسبب باأنزعاجي
زج نفسـه للــمهـــانة الف زجــــا

فرطنا لا ثـار ما تلـــقۑ خــراجي
لا ولا يجديك منــه الف ملـــجـئ

#أبوغلاب_همدان

عاد به معنا إنشطاري واندماجي
من دنيّنه يصبح الملجى مفجىٰ

والجبال الصُم يالبُـرج الزجاجـي
من رماها بالحجر هيهات ينجىٰ

#سليم_الراعي

يابني صهيون ماعاد به خراجي
غير الاستسلام لناء ولا الترجا

بأسنا فؤلاذ وأنتوا من زجاجي
والثقة بالله لناء مسلك ونهجا

#عصام_المقذَّل

لاهــربة اليـوم هاذا لا الملاجي
غد ياطـاغوت قـلي وين تلجى

ما حــدا مـن قـوة الله فرناجي
لانـــزل أمـرة يـرج الأرض رَجَّا

#ابتسام_شرف_المحطوري

ضربة الأنصار خلت الارتجاجي
لأن للأبطــال دستــورا ونهجــا

حال شعب العز عزة و انفراجي
والكلاب الشاردة  صورا وعوجا

#نصرالله_ابوحمراء

الـوسـادة شــل فرشـك والملاجي
يـايـهـودي ليس لك مأمن ومنجا

الدفـاعات لابتـحـمـي او تحاجي
لابتنـفع كـلـهـا عـمــيـاء وصنجاء

#نصار_المهلا

لا تراجم وانت بيتك.... من زجاجي
لليهود اليوم مابه............. اي ملجا

لامجير اليوم لك...... حتى الملاجي
فرط صوتي يجعل اسرائيل صنجى

#طارق_العويري

من تناجي يا (يهودي) من تناجي
لا زوالك وعد من ربي إذا جاء

من شظايا (الفرط صوتي)ما انت ناجي
والمسير بعدكم في كل الارجاء

#أبو_رمال_الرازحي

فرط صوتي ساقكم مثل النعاجي
في الملاجي بعضكم في بعض عجا

لجكم ما بين ضلمات اللجاجي
وانضمتكم كنها حولا وعرجا

#حيدر_البعجور

القلــق من حظهم والإ نزعاجـــي
والذليل يخاف حتّى وسط ملجَا

نصرنا حتمي قريب الإ نفراجي
المساكين الاذلـا دورهم جـــــى

#طارق_البحري

بشروا صهيون بالقصف المفاجي
با يشوف اهوالها وضروف حرجا

المريكي قال ما معنا خراجي
مالنا من هيمنتهم اي منجا

#عبدالقوي_البطل

من صواريخ اليمن ماعدت ناجي
دام وأنته في طريق الشر عوجاء

اليمن بايجعلك بين المراجي
منتظر للمرضعة تقبل وتعجا

#اصيل_الحسني

باتفروا مننا مثل النعاجي
للملاجئ تهربو باقدام عرجى

مامن الموت ياصهيون ناجي
مالكم مهرب من الحاطم اذا جا

#ذولفقار_قوزع

الفرط صوتي على اسرائيل واجي
يامطار اللد مابش اي منجا

لا امان اليوم من غضبي وانزعاجي
لو دخلتو مننا مليون ملجى

#غــيــث_عـمـران

فـرط صـوتي للمـلك سبّح وراجي
فرط صوتي لا مـفر مـنّه ومـنـجـا
 
يايهـودي فـرطـنـا مـافـيه نـاجـي
ون نجى منّه يموت الـيوم صـجّا

#الـشاعر_ٲبـو_محمد_الجعفري

للملـاجي يـا ڪيان الشّــر خـاجـي
فرط صوت الحق يسني كل عوجا

اليمن عــــــازم زوالك لـا تـراجــي
مالڪم من(بـدرنـا)الـا ضرب هجّا

#ابوالبتول_الكاضم

فرطنا لليهوده غاضب هياجي
لاوسط يافا يرجّ الأرض رجّا
 
هيّئه ربي لمستضعف يناجي
لاسرئ يملي صدور الكل بهجا

#محمد_صالح_الوايلي

بثقه بالله ذي مارد راجي
قد صنعنا الي تخلي الكفر فلجا

نحمد الله ذي عليه الانفراجي
ذي بفضله نلبج الطاغوت لبجا

#نصرالدين_الشعاب

با نجي في لُج ليل اسود وداجي
نمخج اخماج الوغى من كل فجا

موقف العالم حجج واحنا احتجاجي
والرجاء ماعاد يجدي من ترجا

https://tttttt.me/UnionofPoetsandMinstrels