#ويبقى_الحسين







براء العبيدي:
ممنونك ياربيع آمالي
خليتني اخدمك يل غالي

عميه هل دنيه وبصيرتها خدمتك
مامصدك يا حسين اني عرفتك

مثلك أبد لا ماشفت
مهما أدور الدنيه
يحسين حبك بل كلب
منصغري نابت بيه
ضحيتلي الغالي وبعد
اختك مشت مسبيه
ابقه اون اني الك
وتلطم تضل ايديه

وابغيرك مايفكر بالي
خليتني اخدمك يلغالي


امين ما ابدي احير ابوصفك اني
كمت اصعد للسمه واني امكاني

فوك الكمر حسّيت انه
ابخدمتك يحسيني
غيرك يبوا الاكبر منو
ياهوا اليعليني
تفرحلي من افرح انه
ومن احزن اتواسيني
ماخذ عهد وي روحي الك
وياك اكضي اسنيني

وابفضلك انه صاير عالي
خليتني اخدمك يل غالي

شخصي هذا الحضرتك يبحث سلامه
ايكول لوا موا انته ما تصبح كرامه

جون اني احس ابخدمتك
وبل لطم عابس اسمي
لو ضاع كلشي ما أهم
المهم انته يمي
يحسين اني اخدم الك
من صغري هذا حلمي
انته ابويه وكل هلي
وحضنك احس حضن أمي

وحساسي ضَل بدونك خالي
خليتني اخدمك يل غالي

ياابو الاكبر لو اجه يوم المنيه
منهوا غيرك بل كبر يشفع اليه

لو دورت كل الارض
مثلك صعب اني الكه
دلالي هام ابخدمتك
كل يوم يكبر عشكه
الطم انه طول العمر
وضل الك هل حركه
شجرة انته لو عفتك انه
من شجره اوكع وركه

ارحمني هل زمن جتالي
خليتني اخدمك يل غالي


ممكن اتمرني ابحلم رايد اشوفك
كعبة انته واني مذنب أرد اطوفك


مرني بحلم ياريت انه
واشرف اني ابطيفك
يحسين اخذ روحي
الك ربيه انته ابكيفك
بل مجلس احسبني عبد
لا تحسب اني ضيفك
رايد ربيعك بي اضل
اعفيني من خريفك

ربيتني وأشكرك يل والي
خليتني اخدمك يل غالي

براء العبيدي





#لك_الفداء_سيدي_اباعبدالله
#خدر_الفواطم_لنشر_القصائد_الحسينيه
____

لمن يجد صعوبة بالحن اطلبه من
@muatmed

#ويبقى_الحسين





شور أو فتحت مجلس أو نزله

حسين من صغري عشكتك
حسين عالم ثاني شفتك

اشتسوا الدنيه اذا مو بيه انته
يا اول شخص صادق عرفته
اريد ابعالي صوت اصرخ ورتاح
اصيح حسين يا عالم عشكته

حسين ممصدك عرفتك
حسين عالم ثاني شفتك

بلد يُستقبل التائب لكيتك
ومنعده يبوا الاكبر هويتك
امان ومفخره وميضيع حقي وياك
وكل هذا وانا امشي ابزود صيتك

حسين كلي اني ابخدمتك
حسين عالم ثاني شفتك

مندخل حضرتك تشافه الاجروح
وحس غير ألهوا تتنفس الروح
اضل الطم وضل امشي اني كل عمري
وبل مجلس ابد ما بطل النوح

حسين ارتاح ابحضرتك
حسين عالم ثاني شفتك

كلشي ابلا ثمن يصبح بلاياك
أرخص اني اذا جربت انساك
شمحلها الخلك تندهلي عبد حسين
تسوا الدنيه اسمي ايصير وياك

حسين انذل لو تركتك
حسين عالم ثاني شفتك

خدمة الربعين انطره كل عام
اضل ابلهفه احسب اله ايّام
هذا اليطبخ وذاك اليوزع ماي
وعله الزاير ركض تركض الخدام

حسين ائمرني ابئمرتك
حسين عالم ثاني شفتك




الشاعر براءالعبيدي

براء العبيدي#لك_الفداء_سيدي_اباعبدالله
#خدر_الفواطم_لنشر_القصائد_الحسينيه
____

لمن يجد صعوبة بالحن اطلبه من
@muatmed

#ويبقى_الحسين






ليلة فاطمة العليله عليها السلام .
.....

هذا السفر مكتوب .. يا يوسفي المحجوب
بهجرك صرت يعگوب .. دلالي بالهمّ صاح
تمنيت اصير ابسفركم .. يابويه خيمه ابضعنكم
يا يوسفي المحجوب
.............
هودر الليل وبدت هالليله قصتي
گبالي چم بير انحفر والله بدمعتي
زغيره بس اعله الهظم أم لمحنتي
يشيب احساس الهجر تشهد حجرتي
..
على الحيطان ألي ذكرى
رسمتها بلوعه وابحسره
اسهما صورة الهجره
يبويه
..
صورة نحر بي صوت .. ودار الغرب تابوت
بكل لحظه اشوف الموت .. كلما يجيني اصباح
وگبل الممات امنياتي .. مشتاگه احضن خواتي
يا يوسفي المحجوب
....................١
اكسر الخاطر انه بحيرة زماني
عتبة الدار اصبحت حزني ومكاني
انشد اتراب الارض لو هب واجاني
اليمته اظل ياوالدي الحضنك اتاني
..
تجي لو ماتجي ليه
الزغير يتاني حنيه
تموت الورده يوميه
..
الاحبابه عنه بعيد .. يدري الگلب شيريد
شوفة ابوه الاعيد .. للعني بالهم راح
ومل الگلب من عتابي .. ودمعي النثرته اعله بابي
يا يوسفي المحجوب
....................٢
يل خذت دلالي وي ضعن المنيه
ألجره اعليكم جره ابنفس الأذيه
بويه اخبرك بالتراچي الهالقضيه
چنها مني اتسلبن مو من رقيه
..
الخواتي حرمله يصدهن
احس ابمتوني يضربهن
العبي اعله اچتافي مزگهن
يبويه
..
وكلما تغيب انفاس .. ادري الشمر جن داس
بصدر الگمر عباس .. عالشاطي لمن طاح
واچفوفي احس ابالمها .. چنه منديه گطعها
يا يوسفي المحجوب
......................٣
بويه بحلامي سره احساسي وتبعته
وانه بدموعي احس طفك وصلته
وينه صدرك بويه مشتاگه لحضنته
وجني احس ابمگبره لمن حضرته
..
اعله صدرك دافن اسهامك
واحسهن كثرن الآمك
الفرس من كسر اعظامك
يبويه
..
شفته الشمر من جاك .. يسحگ يبويه دماك
فوگ الارض خلاك .. مسلب كسير اجناح
وحيرني يابويه امرك .. عبد الله غافي اعله صدرك
يا يوسفي المحجوب
....................٤
هوايه بدموعي يبو اليمه نخيتك
ومن بعد طول انتظار شگد بچيتك
ما ردت ترجع عليِ انه الاجيتك
وريتها اعيوني انعمن لمن لگيتك
..
لگيتك والسمه حمره
الجسد ما ينعرف صدره
الفرس تارك اثر حفر
يبويه
..
وظليت اصيحن وين .. ضاع اصبعك يحسين
وليش السهم بالعين .. ظليت اعد اجراح
انه وعليله شبديه .. حمل جسد بين اديه
يا يوسفي المحجوب
.......................٥
اختم وياك الحچي بهاي المصيبه
بويه تدري بعمتي باچر غريبه
من يچيها حرمله وتمشي سليبه
ويمها باجر يشتم الزهره الحبيبه
..
و يبويه الموقف الاصعب
الشمر يم عمتي يگرب
ينادي شتموا زينب
يبويه
..
وبيها المصاب احتار .. بحال العقيلة اشصار
ابين الخيم والنار .. ويتبعها ظل ذباح
..
تنادي يشمعة حياتي .. يا خويه حرگو عباتي
يا يوسفي المحجوب
...................٦
كلمات الشاعر محمد صاحب النجفي
محرم الحرام ١٤٤٠هـ



#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



____
لمن يجد صعوبة بالحن اطلبه من
@muatmed

#ويبقى_الحسين





ليلة ابا الفضل العباس عليه السلام .
..........
بهذا ليلي .. ما تجيلي
خويه وينك ياكفيلي
عاين للخيم يا راعي العلم يا ريحة الياس
تانيت اشكثر .. وبدمع الصبر .. اصرخ يعباس
...................
مدمعي فار .. باختك اشصار
خويه غيرو اسمي سموني السبيه
من الخيم ليك .. خايفه اعليك
جيت اخبرك بالمصايب هالمسيه
من حضرتك .. ما عرفتك
وينه راسك وين چفك ردّ عليه
جسمك اشبي .. جيت اداوي
سهامك ألي بالصدر تنزف بديه
..
وفوگ الاتراب .. چفك الغاب
يا كفيلي زاد الأمصاب
وكسرولك ضلع .. واختك تنفجع .. وتسبها هالناس
تانيت اشكثر وبدمع الصبر اصرخ يعباس
.....................١
ظلمه وحدي .. ياهو عندي
وخاف اسولف بالجره ويزداد همك
يبو فاضل .. چفي شايل
رماد خيمه واجيت اطشه خويه يمك
بجدمي اعثر .. والله منظر
ليش يالغالي اصد عالگاع دمك
سولف وياي .. ها يوفاي
يا حناني الخذت مني احسبني امك
..
ردلي شوفك .. وي جفوفك
يالجبتني ما اعوف
عليك اتعلمت .. يا محلئ الاخت .. الاخوتها حراس
تانيت اشكثر وبدمع الصبر اصرخ يعباس
...................٢
خايفه اعليك .. جيت احاجيك
سمعتك تنادي يزينب لا تگربين
لا تجيني .. تشوفي عيني
السهم يا ذيني والله يخت الاحسين
وخايف اعليج .. خاف ابجيج
من تجرين السهم ودم تهمل العين
خويه خلها .. روحي شلها
هاك اخذ يابا الفضل من عندي چفين
..
و ويه نوحي .. عد جروحي
يا كفيلي ردلي روحي
ما ترضه انسلب واختك تنضرب ما بين الارجاس
تانيت اشكثر وبدمع الصبر اصرخ يعباس
...................٣
ومن وصلتك .. خويه شفتك
نايم وفاگد ضواه هالليله بدرك
جيتك اشچي .. خويه وابچي
والله حيرني زماني بحيرت امرك
حسره حسره .. بگلبي جمره
شفته هذا حرمله داس اعله صدرك
گتله عوفه .. و ردّ چفوفه
وجاني بالسوط النذل ذبني اعله نحرك
..
خويه يمي .. سوطه يدمي
يا كفيلي سبلي امي
وظل بيه يسب اصرخ وانتحب ومخنوگ الانفاس
تانيت اشكثر وبدمع الصبر اصرخ يعباس
.....................٤
كعدت يمك .. بيدي دمك
خويه وجهك يختلف من هالرزايا
من وصلتك .. خويه شفتك
عاري جسمك وافرشت فوگه العبايه
الدم تطشر .. اوجهك احمر
اللحيه حمره من نزف دمّ المنايه
واصعب امصاب .. من الاخضاب
من شفت هذا الشمر مزگ الرايه
..
وردت احاميك .. بجسمي اغطيك
والفرس جاي يسحگ اعليك
وبگلبي الجمر تاليها الشمر فوگ الصدر داس
تانيت اشكثر وبدمع الصبر اصرخ يعباس
.....................٥
كلمات الشاعر محمد صاحب النجفي
محرم الحرام ١٤٤٠هـ
#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



____
لمن يجد صعوبة بالحن اطلبه من
@muatmed

#ويبقى_الحسين




ليلة ابا الفضل العباس عليه السلام .
.........
اخر كلام من الخدر .. ياكافل اضعوني
ترضها اروحن لليسر .. يا كافل اضعوني
................
من خيميتي هاك استمع زينب بواچيها
من چلچل الليل ابتدت باختك مآسيها
عباس اخبرك بالزمن شوف اشعمل بيها
..
ما ظل دمع لا ظل صبر .. بالحسره عفتوني
ودمّ مو دمع مني يدر .. يا كافل اضعوني
................١
للشاطي جيتك خايفه شماله اختلف بدرك
دمك صبغ شيبك حمر من انگطع نحرك
يا خويه غافي والسهم شفته حضن صدرك

وانظر عليِ كلما امر .. حمره انظر امتوني
والذابحك بيه يجرُ .. يا كافل اضعوني
.................٢
مهومه جيتك وانتحب يلي اكسرت ظهري
يا ابا الفضل عالمشرعه ضيعت انه عمري
والتارك بصدرك اثر هو الحرگ خدري
..
وخلص عالشاطي العمر .. يالي نسيتوني
وظل يضربك چف الشمر .. يا كافل اضعوني
....................٣
مشتاگه جيتك للنهر يالحرگو اخيامك
بكترك ردت يا ابا الفضل اتوسد الامك
وصرت انظر بچدم الشمر من كسر اعظامك
..
وبچدمه داس اعله الصدر .. وانه الطم اعيوني
وجمرة دليلي تستعر .. يا كافل اضعوني
................٤
كلشي اختلف يا كافلي واختلفت الايه
تعذريني يا غيرة علي وتدريني وفايه
ليش الشمر يا ابا الفضل يسحگ علئ الرايه
..
والذابحك گتله انتظر .. و اسمع يشتموني
وشتّم علي ذلك الذخر .. يا كافل اضعوني
...................٥
واصعب مصيبه بكربله تسمحلي ارويها
طلعت رقية من الخيم تريدك تحاميها
لچن اجاها حرمله وسلب تَراچيها
..
گلب الصغيره المنكسر .. تصرخ ارحموني
ومچويه اديها بالچمر .. يا كافل اضعوني
...................٦
كلمات الشاعر محمد صاحب النجفي
محرم الحرام ١٤٤٠هـ


#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



____
لمن يجد صعوبة بالحن اطلبه من
@muatmed

#ويبقى_الحسين







ليلة ابا الفضل العباس عليه السلام .
..
خويه عباس .. جيت ادور وين طايح هالمسيه
خويه عباس .. لا تفارگ زينب وسكنه ورقيه
وينك .. شو نايم بعينك سهم
وينك .. ياهو أليّ يِطفيّها هالخيم
وانته مو چدامي
.......................
ويبدي الإمصاب .. فوگ الإتراب
مَنْ يِگطعون النحرّ وأختمّ حياتي
عالخيم لِيش .. تراكض الجِيش
وتضرب أسياط آل اُميّه كِل خواتي
وتنشد الناس .. وينه عباس؟
وحرمله بسوطه أعتنىَ هدّ أمنياتي
تفرّ الأيتام .. من الإخيام
ومن لَهبْ نار الخِيّم شبت عَباتي
..
صحت يا عباس خويه الحاله صعبه
جيت أدور جسمك و اگعد ابگربه
..
وين الآكيك .. خويه يا عباس انه بهايَ رتك
وين الآگيك .. يا كفيل العايله ضروبها لأختك
وينك .. يا خويه هدّ حيلي الألم
وينك .. ياهو إليّ يطفِيها الخيم
وانته مو چدامي
.................١
مَدمَعي فارّ .. بإختك أشصّار
خويه مو زينبّ أنه إسمي السبيه
مَنْ الخِيم ليك .. خايفه اعليك
جيت اخبرك بالمصايب هالمسيه
من حضرتك .. ما عرفتك
وينه راسك؟ وين چفك؟ ردّ عَليْه
جسمك أشبي .. جيت اداوي
سهامك أليّ بالصدر تِنزف بديه
..
صرت امسح صَدرك الغطْ بالدِمايه
وأنه اون مَنْ حَسرتي ومَنْ الرَزايه
..
عذري وياي .. سهم عينك خويه ما اگدر اشلعه
عذري وياي .. خاف عينك تشلع من هذا وضعه
وينك .. يالصدرك اگبالي انهشم
وينك .. ياهو الي يطفي هالخيم
وانته مو چدامي
...................٢
جلجل الليل .. ها يالاكفيل
حايره لمن وصلتك خويه بامرك
وجهك شبي .. جم جرح بي
شيبك احمر خويه راسك هذا كترك
فكري محتار .. بجسمك اشصار
من شفت ذلك الشمر داس اعله صدرك
وحرمله وياه .. لمن الفاه
بثنعش طبره ضرب يا خويه نحرك
..
خويه اسمعه من رماك اعله الوطيه
يسب ابوك المرتضئ وأمي الزچيه
..
ودمك السال .. ظل يفور اعله النهر من حزّ وريدك
ودمك السال .. كسر ظهري يالگمر وي طيحت ايدك
وينك .. بدلالي ما واحد رحم
وينك .. ياهو الي يطفيها الخيم
وانته مو چدامي
......................٣
بدمع الاحساس .. خويه عباس ... انه
زينب ويني و وين الرِزايه
بظلمة الليل .. تدري يكفيل .. امشي واعثر خويه بجساد الضحايه
لاجن الفيت .. وجسمك الگيت
شفته عاري وافرشت فوگه العبايه
واصعب مصاب .. فوگ الاتراب
بعيني اشاهد للشمر مزگ الرايه
..
صاح زينب صدي ليه و حوله ناسه
هذا عباسج يزينب بيدي راسه
..
وناده زينب .. حرمله يا ابا الفضل يضربلي متني
وناده زينب .. گبال اخوتي هالشمر وگاف يسبني
وينك .. بحالي ما واحد علم
وينك .. ياهو الي يطفيها الخيم
وانته مو جدامي
..........................٤
خوفي الاسهام .. تاذي الاعظام
ادري بضلوعك تكسرن يابو فاضل
صوت الاضلوع .. باذني مسموع
من سحگ صدرك شمر الله يكافل
گبالي ياذيك .. ساحك اعليك
وشفته حز راسك يخويه وبيده شايل
وصدّ علئ الراس .. آه يعباس
بلحيتك قابض اشوفه سمعته گايل
..
الليله ماكو مخدره يالكفاتهن
كل خواتك للسبب هالليله صدهن
..
وينه الايگول .. اختي زينب بالضعن هاي الاميره
وينه الايگول .. اليوم بسياط وزجر تشمي اسيره
وينك .. ظل يشتم بهذي الحرم
وينك .. ياهو الي يطفيها الخيم
وانته مو چدامي
....................٥
وتختم الروح .. چلمة النوح
من عگب عينك تره عيالك بخوفه
بحسره وهموم .. ها يمظلوم
سكنه تنشد وين ابو فاضل وشوفه
ادور اجواب .. والگلب ذاب
شلون اگلها عالنهر فاگد اچفوفه
وباجر اشلون .. بهاي الاضعون
من نمر يم النهر وجسمك تشوفه
..
من عالناگه تطيح اعله الشريعه
تنادي يمك هاك اخذ روحي صريعه
..
وباجر النوگ .. تحمل اعيالك واردّ بهموم دنياي
وباجر النوگ .. نرحل ونترك جسد بس راس وياي
وينك .. مسبيه ارحل بالحرم
وينك .. ياهو الي يطفيها الخيم
وانته مو چدامي
....................٦
كلمات الشاعر محمد النجفي
محرم الحرام ١٤٤٠هـ



#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



____
لمن يجد صعوبة بالحن اطلبه من
@muatmed

#ويبقى_الحسين






ام البنين

ريتك يحادي النوك وياهم خذتني
شعندب بعد بالدار والمن عفتني
ماردت الاخبار 0 واتلفت الانظار 0 محد رجع للدار 0 المن عفتني
-----------------------------
بكَيت الوحّدي وراحوا بنيني وكل اهل بيتي
وردت وياهم اني امشي وهذي جانت امنيتي
كَبالي من مشه الحادي واخذهم واخذ عافيتي
حسين ابني اللي ربيته وخدمته واكسبت صيتي
تمنيت اروح وياه وابكَه ابخدمته اشعر دليلي ايذوب بلوعة فركَته
وبكلبي اشعر نار 0 واتلفت الانظار 0 محد رجع للدار 0 المن عفتني
-------------------------------
مشوا وعيوني تبراهم لما غابوا عن الانظار
واظل امـتـانـيـه ترجع اليه منهم الاخبار
كل يوم ابصحن داري وادور اشبقه من الآثار
واعيش ابذكريات حسين الجان امضوي كل الدار
كل ليله اكول حسين باجر يجيني ويبقى الامل بالروح وما تغفه عيني
ما اغفه ليل انهار 0 واتلفت الانظار 0 محد رجع للدار 0 المن عفتني
-----------------------------
اشكثر ناديت يالحادي يالحادي فلا يسمع
واعوفه وارجع وكلبي يكلي ما اريد ارجع
اختنك بالعبره وعيوني مغمضه ويطفح المدمع
شصبّر عيني لو روحي لو كلبي الذي اتكطع
بس الجسد ظليت روحي ابظعنهم واتنطر الاخبار ترجعلي منهم
حتى الدليل احتار 0 واتلفت الانظار 0 محد رجع للدار 0 المن عفتني
-----------------------------
اصلي وادعي لحسيني ابحنان الأم انه ادعيله
والف مره اسبّـحله صلاة اعله النبي اهديله
واغمض اعيوني واتخيل اكبالي وكاعد اشكيله
واكله الليله بغيابك تمر بيه الف ليله
اقره ابكتاب الله يهوّد عذابي وبسورة الرحمن بين عذابي
وتوضح المشوار 0 واتلفت الانظار 0 محد رجع للدار 0 المن عفتني
-----------------------------
لو ماخذني حاديهم ماجان الكلب وجّر
ولا تتواله حسباتي واظل بظنوني اتحير
افكر سالم اوليدي لو منّه انكطع منحر
فدوه الاربعه ياريت ايظل سالم ابو الاكبر
اربع بنين انطيت ما همني دمهم بس لا ابو السجاد يظل مرمي يمهم
واتولته الاشفار 0 واتلفت الانظار 0 محد رجع للدار 0 المن عفتني
-----------------------------
خادم اهل البيت عليهم السلام
عمار العيساوي الكربلائي





#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



________________________
لمن يجد صعوبة بالحن اطلبه من
@moatmed1

#ويبقى_الحسين





للانصار ع

سيوفُنا قد هَتَفت 0 حي على المنايا
راياتُنا تزاحمت 0 عالموت رايه رايه
يحسين 0 من دونك اشيسوه العمر يحسين 0 بدمانه كحلنه النصر
------------------------------------
ياسيدي اوداعت علي قدمنه الك ارواحنه
من دونك الذل والظلم يا سيدي يجتاحنه
يحسين كل الدنيه الك بعناها
والدنيه فسّرنا وطلع معناها
ذله وهوان وكلنه ودعناها
وطالق ابصوت الوصي سمعناها
قُلنا بصوتِ المرتضى 0 للدنيه انتي طالق
لهُ الوفاءُ ذمةٌ 0 بالدم عهد نصادق
يحسين 0 سيوف ابسواعدنا السمر يحسين 0 بدمانه كحلنه النصر
------------------------------------
هاي السواعد تنبتر لو ما نصر تجيبه
واليخذلك يا سيدي مو طاهر ابحليبه
يحسين هاي اركابنه امقدميها
شنهو الحياة وشوفتك مو بيها
شلون الصلاة من دونك انصليها
ميته الضماير وانته بس تحييها
كالحمدِ في وقت الصلا 0 يا سيدي وجودك
والموتُ بالعزِ حيا 0 منطلق الخلودك
يحسين 0 من دمك يعيش الذكر يحسين 0 بدمانه كحلنه النصر
------------------------------------
ياسيدي اسمعنه خبر عن زينبك حزينه
لعيونها انخلي الدمه من الحومه للمدينه
يحسين أمّن زينب وعيالك
سبعين منحر جاهز ابّدالك
هذا الهوه النشتمه من خلالك
مادامه بينه من يصل خيالك
نحنُ اتينا كربلا 0 انصارك ونفاخر
سيوفُ اصحابَ الرِدا 0 نذبحها بالمناحر
يحسين 0 ونحرك يحزّ سيف الشمر يحسين 0 بدمانه كحلنه النصر
------------------------------------
ارخصنه من تبدي الحرب خلينه بالبدايه
وشيخ الانصار ابيمنته سيف ويساره رايه
يحسين كل الدنيه الك رهينه
وانصارك احنه الكربله اجينه
هاي الحرب بالبسمله ابتدينه
وسيوف جنها القارعه بأدينه
فَجرُكَ فجرُ النصرِ قد 0 بان وتجلّه نوره
وننتظر اشارةٌ 0 كلمن تسلمه دوره
يحسين 0 شتكول ابد ما نعتذر يحسين 0 بدمانه كحلنه النصر
------------------------------------
يا سيدي بسر هل اتى وبيا علي نقاتل
كل واحد الاشتر الك كل جندي بينه باسل
يا سيدي استلهمنه هذا الايثار
من مالك الاشتر تره ومن عمار
هاليوم لازم دمنه يكتب تذكار
حتى متخله الدنيه من هالانصار
اليومُ نحن وغداً 0 انصارك اشكثرها
ستنتظر موعودها 0 وثارك يجي ابنصرها
يحسين0 للمهدي ثارك ينتظر يحسين 0 بدمانه كحلنه النصر
-------------------------------------
خادم اهل البيت عليهم السلام
عمار العيساوي الكربلائي
------------------------------------

#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



________________________
لمن يجد صعوبة بالحن اطلبه من
@moatmed1

#ويبقى_الحسين






صفّوه بارينه اجتباهم 0 وفّوا و كفّوا 0 بالنفس ضحّوا 0 وي ولينه
ليتنا كنا معاهم 0 نكون انصاره 0 سيوف بتاره 0 بجف يمينه
نعم الانصار 00 لابو اليمه انصاره
--------------------------------------
الواحد وسبعين فارس كتبوا اكبر ملحمه
وسجلوا بالطف مواقف عَجبَت املاك السمه
صفوه كتبوا عالمناحر نذر خطّوا بالدمه
همهم يوافون بالدم حسين ظنوة فاطمه
وقّعوا عهد المنيه 0 وهذي غايتهم 0 تعله رايتهم 0 يوم عاشر
تشهد ارض الغاضريه 0 بكل مواقفهم 0 من هتف جفهم 0 بالبواتر
والفجر صار 00 غاره تتبع غاره
---------------------------------
من بزغ فجر المنيه وطلعت انصاره الاسود
لن حبيب ابن مظاهر صاح ما بين الحشود
يالله اخوتي يالله حيهم خطّوا صفحات الخلود
خل نفرّح كلب زينب ونمحي كل هاي الجنود
كبّر السيف ابيمينه 0 ورفّت الرايه 0 ابــ بسمله وآيه 0 معتنيهم
رابط اعصابه اعله عينه 0 من كُبُر سنه 0 بس اسد جنه 0 طب عليهم
العسكر احتار 00 بصولته البشاره
-------------------------------------
شيخ الانصار ابحملته ماترك ليهم رجه
طاح لكن بعده وصّه مسلم ابن َ عوسجه
من بعيد الجيش كله شرد من شافه اجه
الوكف بايع حياته والشرد منهم نجه
مسلم ابساحة قتاله 0 ما سلم واحد 0 الموت متواعد 0 وي فقاره
قاتل ابهمه وبساله 0 موقفه سامي 0 والجبد ضامي 0 وتجوي ناره
بسهم الاشرار 00 اتريد تخمد ناره
------------------------------------
وجن برير ابساحه وحده سجل اللي مايصير
داروا اعليه الاعادي وهوَّ ظل بيهم يدير
اجسادهم تهوى ابفقاره الروس من عدهم تطير
امنين ما شرّدوا يجيهم بالصوارم مستجير
من برير اتشوف قائد 0 مدرسة حيدر 0 للطف اتصدر 0 نِعم قائد
للجهاد ابعزم كاصد 0 لاجل ابو الاكبر 0 قدّم المنحر 0 هالمجاهد
بيده بتار 00 يريد ياخذ ثاره
---------------------------------
جون بالطف اله صوله والعده منّه تهاب
ونافع ابن اهلال بعده اتقدم السوح الحراب
ولن زهير اتقدم الهم بزوده راكب عالصعاب
طالع وسيفه بيمينه وقارعه ايصب عالركاب
بيا علي كل صوله تبدي 0 ومن اثر حبهم 0 لاجل سيدهم 0 هذا واضح
كل فرد بانصاره جندي 0 حسين قائدهم 0 وصار موعدهم 0 للمذابح
صفوه ابرار 00 كلمن ابأيثاره
-------------------------------------
الشاكري عابس تقدم والحرايب لعبته
ضربه تتبع ضربه منه وما يثنّي ابضربته
الهمداني ابحمله وحّده و وهب يشبه حملته
كل شهم منهم مناضل والحروب الربـّـته
قدموا لحسين كلشي 0 وكلشي وياهم 0 ونطوا ادماهم 0 لابو الاكبر
ما يجي اعله البال اي شي 0 بس ابواليمه 0 وكل شخص يمه 0 ينطي منحر
نعم الانصار 00 لابو اليمه انصاره
------------------------------------------
خادم اهل البيت عليهم السلام
عمار العيساوي الكربلائي





#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



________________________
لمن يجد صعوبة بالحن اطلبه من
@moatmed1

#ويبقى_الحسين






(حميده عليه السلام تخاطب مسلم)

الماي اذا طول غيابه صدّك ايموت الورد
بويه لو طولت اكثر عله روحي أقره الحمد
بُعدك بده ابجرح
ومن ماتجي انذبح


بيدي أعد ايامي واكثر
ماسهرت ولاجلك اسهر
بويه بعدك حالي يقهر
ماترد بتك وحيده

عمري اصغر من صفنتي
واكبر من الشيب علتي
بويه لو شايف دمعتي

جا كلت ماتت حميده

بويه من ايهب رحيلك يترك ادموعي ابكفاه
وعني من يبعد والاكثر كلشي بيه ايهب وراه
ليل وبلا صبح
من ماتجي انذبح
______________
احسب احسب بل ثواني
ايدي عَل خد واني اتاني
ها يبويه العيد اجاني

ونته ما رديت اليه

تلجم ابشفتي الحسافه
كلبي ضايع ياهو شافه
ارجع وإطوي المسافه

انه من بعدك خطيه

يا طبيب ايهدي وني وروحي معلوله ابجفاك
بالي من راسي اشيله بويه لو لحظة نساك
قسمه بلا طرح
ومن ماتجي انذبح
_______________
اليمته ترجع كلبي يسئل
من غبت يابويه تقبل
ثوبي بدمعوي تبلل

والفرح مات ابحياتي


من غبت ومشيت عني
شبه ميته بويه جني
اني منك ونته مني

بعدك يسبب مماتي

تمشي بيه الناكه وابجي وتلجم ابكلبي الجروح
الضلت ابلايه ابوهة اتعيش ورده ابلاية روح
ودمعي فلا يشح
ومن ماتجي انذبح
_______________
يلي ماخذ كلشي بيه
لايدك اشتاقت اديه
لشوكت تبعد عليه

كلبي بل حسره انجوه

مثلي يا هو الي تجوه
عشت وحدي وعمري توه
ابلا ابو وبلايه اخوه

عشت ميته ابلا هوه

روحي خضره ومن عفتني يبست افكد الهجر
الموت يا خذ عمر كامل راح اموت بنص عمر
ابَچي الرمش سرح
من ماتجي انذبح
______________
الخيم وجرت علينه
احتركت علينه عبينه
نركض ومجويه ادينه

وبل جدم نطفي الجمر

انتهت ذيج البدايه
تبقه ترجع بل نهايه
احنه يابويه سبايه

وعل ظهر صوط الشمر

الحزن عاش ابحياتي والفرح ما فكلي بابه
الجانت اتنام ابذراعك هسة نامت بل خرابه
يطَول تره الشرح
من ماتجي انذبح
_____________


براء العبيدي

#ويبقى_الحسين





يالغايب انوح
تهضمي الجروح
عكبك وين اروح
حبيبي.............حبيبي يامهدي
.............
ياملح الكون الكاك شلون
ماضل بيه لون كلبي المسجون
فراكك مولاي ماخله اعيون
انطيك الروح وانه الممنون
يبن الحسن
يابسمتي ولونلي
ياتجوة امتوني
يابلسم اعيوني
يبن الحسن
لعيوني طبيب
ما عندي حبيب
غيرك ياغريب
حبيبي .......حبيبي يامهدي
.........
كلبي المفطور ليليه يفور
يانور النور محتاج النور
يمته اتكلي يفلان مأجور
وتاخذني وياك ونروح نزور
يبن الحسن
هلبت تراوينه
نورك يمهدينه
يالغالي مر بينه
يبن الحسن
مو جار الزمان
ما عدنه امان
كلي بيا مكان
حبيبي ........حبيبي يامهدي
..........
كلي بياصوب يبن المسلوب
يالمهدي الثوب متروس اذنوب
بوجهك مولاي سديت البوب
تحطني بصفك واحلف ماتوب
يبن الحسن
صح كثرت اذنوبي
بس استر اعيوبي
اسف يمحبوبي
يبن الحسن
بيا صحره تنام
ياعشك الغرام
تدعي بياكلام
حبيبي ......حبيبي يامهدي
.........
كلي بيا يوم مولاي تكوم
ادريبك دوم مني مهضوم
انه المرتاح وانته الملجوم
عيونك مولاي ما شافت نوم
يبن الحسن
ليليه تدعيلي
تحرسني بليلي
بصوتك تناغيلي
يبن الحسن
تنومني وتصيح
نام واستريح
وانه ابقه جريح
حبيبي .....حبيبي يامهدي
...........
عكبك مولاي مشدوه الراي
صارت دنياي ما بيها فياي
لصوتك ملهوف محتاجك ناي
كلش عطشان يالكلك ماي
يبن الحسن
من حزنك وضميمه
هم عايش بهيمه
لا بيت لا خيمه
يبن الحسن
وين انته واجيك
دليني عليك
ارد اشتم اديك
حبيبي........حبيبي يامهدي
.
.
.
.
.
.
للعبد عباس الفرطوسي الكربلائي


#لك_الفداء_سيدي_ابا_عبد_الله
#خدر_الفواطم_لنشر_القصائد_الحسينيه
______
لمن يجد صعوبه بالحن اطلبه من
@Moatmed1

#ويبقى_الحسين

العليله
كلمن متاعه اتحضر السفرهم
واني نسوني جني ماني بتهم

عمري بقاله ليله
ورويحتي عليله
------------------------------------------------------
حملن نوگ الفواطم ربي مدري اشحملن
ياهو انشده يدير وجهه گلبي من صدري انسحن
شفت ابوي ايلم خواتي وعمي اليشد بالضعن
اجويعده اويدي اعله خدي والهوه ويايه صفن


عيني اعله ابويه يگلي يلا گومي
مثل البنات اركض ولم اهدومي

نضراته الي ثجيله
ورويحتي عليه
------------------------------------------------------
اجويعده وعيني عليهم دمعتي ترحرگ حجر
امتاعي حضرته ابشليلي وعيني موتهه النضر
حسبوو اليمشون باجر قسموو ادوار السفر
وانه شو محد حسبني اومامش المنهم ذكر


اشفافي بيضه ولرجيف اخذني
من دون كل اخواني ماحسبني

عيني الدمع تسيله
ورويحتي عليله
-------------------------------------------------------
اجفوفي خلضن من فركهن والقلق بيه انتشر
بلحضه شفت حسين ابويه الشيب البراسه كثر
هضمه بعيونه شفتهه وگلبي حدق بالخطر
منهه وانه افهمت كلشي والهوه بريجي عثر


اعرفت انه ليه مامش روحه
موكب ابويه بينت جروحه

جفوني غدت نحيله
ورويحتي عليله

-------------------------------------------------------
صاح يلا الكل خواتي صوت ابوي انه اسمعت
ومن حجرتي لباب داري 100 عثره انه اعثرت
گتله بويه ولعليله طاري إلهه ماجيت
ناوي تمشي اتعوف بنتك بهاي ابد ماحسبت




بويه المن ابقه گلي لو تسافر
لو رحت عني شلون اعيشن باجر

جسمي نزف كل حيله
ورويحتي عليله
------------------------------------------------------
ناوي تمشي امودع الله بس تنفذ طلبتي
تعوف عبد الله الزغير يبقى ليه سلوتي
ادموع وفراگ وعليله شلون اخلص ليلتي
ليلي وحشه ابلايه اهلي بويه اموت بحسرتي


تدري العليل اينام ليله گاعد
مو بس عليله اعزاز گلبي فاگد

دروب السفر طويله
ورويحتي عليله

---------------------------------------------------
علي سليم الحسناوي


#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



____________________
لمن يجد صعوبة بالحن اطلبه من
@moatmed2

#ويبقى_الحسين


دليني صوب المشرعه وانه اعتنيلك
وسوالف بگلبي اشكثر خويه اشتكيلك

دليني ياكافل
وينك يبو فاضل
اتلم. حيلك وتگصد الي لو انه اجيلك
-------------------------------------------------
اشرلي من صوب النهر حتى انه اندل دربه
تيهت صوبك ياگمر وختك ولوهه الغربه
ارد اشتكيلك من شمر وثار صوطه وضربه
صوطه يطبعه اعله المتن والفرح تارس گلبه

اوصلك الصوب النهر وتشوف المتون
جيف اختك ايطگني ابحقد خويه ويضحكون

محد علي سائل
وينك يبو فاضل
اتلم. حيلك وتگصد الي لو انه اجيلك
------------------------------------------------------------
من المخيم للنهر خويه المسافه ابعيده
والدرب بي صوط وحبل وشلون اطره اوحيده
كل خطوه اخطيهه اب علي ولشمر اشر بيده
ايصيح هاي اخت الگمر بجفوفي خله الگيده


ارد اعتنيلك ولشمر گاطع طريجي
نضراته خوفتني اشكثر نشفلي ريجي

مودمعي دم سايل
وينك يبو فاضل
اتلم. حيلك وتگصد الي لو انه اجيلك
-------------------------------------------------------------
يلنايم وتنزف ضوه والسهم شابگ عينك
انزف نواضر علدرب ملتني جلمت وينك
بكل صوط عيني اعله النهر بلكت ترد جفينك
عباس شبعوني هضم عطشانه خويه الزينك

خويه حرگ گلبي الشمر من گلي وينه
كفالج اعله المشرعه مطفيه عينه

يتشمت العاذل
وينك يبو فاضل
اتلم. حيلك وتگصد الي لو انه اجيلك
---------------------------------------------------
يلتمسح اثاري جنت وتخاف حيل اعليه
عگدوو اجفوفي بالحبل ولحره شو مسببه
لو بيك باقي جم نفس عباس لحگ ليه
لا قدروو حرمت مره لا قدروو علويه


حرمه وحيده ابنص زلم وتخيل الحال
بذيالي ايتام ونسه وينك يكفال

يل علنهر نازل
وينك يبو فاضل
اتلم. حيلك وتگصد الي لو انه اجيلك
-------------------
ياكافل اهل الله صحت نسوان بالبر طشت
بالنار هجموو علخيم زينب بقت تتلفت
نار ويتامه امجلبه خويه بعباتي ولهبت
احمي اليتامه امن الحرگ لو طفي روحي الشبت


نار ويتامه والحرگ ولهبت عباتي
محتاره اشاگف بالضرب لو لم بناتي

گلبي قهر شايل
وينك يبو فاضل
اتلم. حيلك وتگصد الي لو انه اجيلك
---------------------------
علي سليم الحسناوي


#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



____________________
لمن يجد صعوبة بالحن اطلبه من
@moatmed2

#ويبقى_الحسين


خيول طبول والسيوف اتعاونت
عجيب غريب ع الحسين اتكاونت

ايحير هوه بالخيم لو بالجراح
والعطش هداله حيله وكلشي راح
----------------------------------------------
حاير بالجروح حسين لن زينب لفت يمه
تگله اهنا يبعد اختك اشوف الخيل ملتمه
وشوفن حافر بصدرك دايس حيل وبهمه
ياجرح الاعوفه حسين ياجرح اختك اتلمه


جراح رماح منطعن من كل كتر
سليب تريب جووته شمس الضهر

جسمه متخذم خذم من الرماح
والعطش هداله حيله وكلشي راح
-----------------------------------------------------
وصلت يم جسم خيهه مطروح بشمس دامي
بنفاسه العطش بين اخوهه امن الامس ضامي
جمع كل حيله صاح بصوت زينب رضوو اعضامي
حار الحافر وضك حيل بصدري وكثرت آلامي

يلوع الضلوع المنه امن السحگ
ابكثر العصر النسمه صعبه تنشهگ

آية الله اعله الارض دمه استباح
والعطش هداله حيله وكلشي راح
---------------------------------------------------
يخيل اشعدنج ويحسين صاحت زنيب ابنبره
عطشان وإجيت اسگي مهله انطني لو گطره
ماسمعن حجي زينب جني وداسن بصدره
صلفات الخيول اهواي طبگن صدره وي ضهره

تشوف سيوف صلت بنحره فرض
خيول تجول صارت بجسمه ترض

ناس هجمت ع الجسد صاحوو مباح
والعطش هداله حيله وكلشي راح
خيول خيول
------------------------------------------------------
ماهمه السحگ ولخيل گلهه گومي من يمي
ردي للخيم زينب جيتج زيدت همي
خليهه الزلم والخيل خويه تلتهي بجسمي
عينج ع البنات اهناك لو حرگوهن اخيمي

يون يحن عينه ضلت ع الخيم
سهام خيام ياجرح حاير يلم

گلهه ردي للخيم اسمع صياح
والعطش هداله حيله وكلشي راح
-------------------------------------------------------
ونت يمه ونت موت ابونتهه تفت صخره
مو شيبت محمد هاذ ليش اومحد امقدره
العلويه اصخرت جداه حسينك گطعوو نحره
تسعميه ولف لجروح والطبره ابأثر طبره

شمر غدر خنجره بنحره غفه
يصد بحقد راسه حزه امن الگفه

توه خلص من ذبح خل يستراح
والعطش هداله حيله كلشي راح
خيول خيول
-------------------------------

علي سليم الحسناوي

#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



____________________
لمن يجد صعوبة بالحن اطلبه من
@moatmed2

#ويبقى_الحسين




القاسم عليه السلام


بسم الله الرحمن الرحيم

اه يبني. مو وكتهه اتعوفني وتمشي ييمه
اه يبني. ياضوه اعيوني ابغيابك دنيا ضلمه

يمه راحت العوافي
سهم هجرك بيه غافي
اه يبني
--------------------------------------------------
اه يعوجيت زماني
ياعمود البيت تاني ------بيتي ضلمه
اتعوف هل حرمه الجبيره
بالحزن ضلت اسيره ----بگلبي لجمه
حدبت الحاجب ييمه
ضهري حدب هيه جلمه.-----گلي يمه
مرلي لو طيف اعله امك
ولله منضرهه يألمك-------- بيه هضمه


يمه وينك. ساعه مر بمك تطيبلي جروحي
يمه وينك. كل مسيه اگعد ابابي ونعى روحي

بردت اعضايه يدافي
سهم هجرك بيه غافي
اه يبني
---------------------------------------------------
لو يمرني اغروب يمه
امگابله الباب وأكلمه------- بكلمه تجرح
ابني شو طول عليه
خنگت امك مغربيه ----------دمعي يفضح
يمه التفگد ضناهه
يعني تفگد كل ضواهه------ عميه تصبح
اتضل تسولف ويه دربه
عمر تكضيهه اعله عتبه ------بجيته تسرح

كل نهاري. يمه اخلصنه بنحيب ونوح يفجع
كل نهاري. امگابله بابي وگولن هسه يرجع

اه يگمره ابليل صافي
سهم هجرك بيه غافي
--------------------------------------------------
يمه التفگد ابنه
كل عضو ايشيب ابدنهه -----هذه مقياس
الفاجده ايبين عليهه
لونه ابيض كل حجيهه ------امشيبه لنفاس
كل حجيهه ايصير وونه
لاخبر فرحهه عنه --------------معصبة راس
جاي والرايح تسأله
ماتت امن النشد رمله------- تجرح احساس


لو تجيني. اشعل اسنيني شمع ودموعي حنه
لو تجيني. يفرح الشيب وترد ليه المحنه

وكل جرح بيه تشافي
سهم هجرك بيه غافي
اه يبني
---------------------------------------------------
اگعد ابابي وذكرك
وذكر الصار ويه نحرك ------ودمك الساح
والشباب الي تبده
حافر ودايسله ورده ----------وعطرك الفاح
زفتك صارت يجاسم
بين الخيول وصوارم --------اشموعك ارماح
الحنه ماهي يمه بيدك
حافر اتحنه بوريدك------------ بيه لنياح


انه اذكر. زفتك صارت بحومه وحنه من دم
انه اذكر. ضلت اسيوف المنايه اعليك تلتم

كل حلم بعيوني طافي
سهم هجرك بيه غافي
---------------------------------------------------
ليل من ايجل عليه
صور ذبحك يمه بيه -------تسهر وياي
گبالي جن طعنات صدرك
شلون لاگه اليسف نحرك ---ضامي للماي
وانه بعيوني الجريه
ادعي ربي للمنيه------------ ايعجل بهاي
وبدي اموتن يمه سكته
گلبي يتسارع ابدگته ----------اتألم هواي


الفاگده شاب. عمر كله اتخلصه بس تلهج بأسمه
الفاگده شاب. اتضل تدور بالسوالف على اليمه

اقره ايات التجافي
سهم هجرك بيه غافي
---------------------------------------------------------
علي سليم الحسناوي

#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



____________________
لمن يجد صعوبة بالحن اطلبه من
@moatmed2

#ويبقى_الحسين



سيد الماء العباس عليه السلام

ماردت ماي. لو ادري النهر يبعدك
ماردت ماي. عشنه بهضم خويه بعدك


يلطاحت جفوفك
محتاجه ارد اشوفك
خويه عباس
----------------------------------------------------------
ودعت الخوه ويه الجربه ميته اولا منطيتك جود
يلنايم ولسهم بعينك شمسوي ابراسك عامود
لو حشمك تگدر تنهضلي صاحوو بخيامك فرهود
من طاحن جفينك خويه اهواي اجفوف البيه تگود


طاحت اجفوف. ياريت الوكت يردهه
طاحت اجفوف. وجفوفي الشمر يشدهه


من فدوه الحروفك
محتاجه ارد اشوفك
خويه عباس
-------------------------------------------------------------
من الماي الحد الخيمه عشت احساس ايشيب الراس
من شافوو وگعت رايتنه. صاحو طلعو اخت العباس
يلضميت اختك من ضلهه اختك ركضت بين الناس
شافوو طولي المحد شافه. خجلانه بيه الانفاس


لو تجي اشوف. زينب من بعد گمره
لو تجي اشوف. بجفوفه النذل صطرهه

صعبه ادري ضروفك
محتاجه ارد اشوفك
خويه عباس
------------------------------------------------------
ماعطشانه الماي وجفك عطشانه للخوه اهواي
لو ادري الماي ايبهذلنه ميته اولا اگلك ع الماي
يابو اعيون التمطر الخوه توجع خزرات الحداي
كل جف مد السانه اعليه وصاحو ضربو اخت الوفاي


ايگطع النياط. بصوطه الشمر من يطگني
يگطع النياط. خويه بالأسم شتمني


موتني خسوفك
محتاجه ارد اشوفك
خويه عباس
------------------------------------------------------
كل هيبتنه بذيج الرايه صاحبهه اعله الماي اتلوه
انهض ياضي شوفي وخدري شوف الحادي بيه اشسوه
اركض صوبك صوط ايردني ارجع للخيمه اتجوه
بت حيدر وحتارت خويه بين اطفال وبين النسوه

انهض ابساع. خويه الشمر هد عليه
انهض ابساع. طگني وشتم الزجيه

عطشانه الجروفك
محتاجه ارد اشوفك
خويه عباس
------------------------------------------------
حرمه وصعبه اعليه الركضه خيل الگوم اعليه اطوف
يلعشت ابجالك مهيوبه ياخويه اختك شبعت خوف
حرگو ياخويه كل خيمه اوتدوي النار اومامش شوف
احمي اجدامي من الجمره الصوط ايورملي اجفوف


جابوو احبال. خويه لليسر يردوني
جابوو احبال. عنك غصب ايمشوني

شلون امشي وعوفك
محتاجه ارد اشوفك
خويه عباس
---------------------------------------------------
علي سليم الحسناوي


#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



____________________
لمن يجد صعوبة بالحن اطلبه من
@moatmed2

#ويبقى_الحسين


ليلة الحادي عشر

متعوده افك ريجي بگمر لو ويه الحسين
ابوجه الشمر شو صبحت ونطر دواوين

رحلت اميره
بروس العشيره
ونطر دواوين
-------------------------------
صبِحٌ عليّ صبح اهدعش امن الصوط مامش مگفه
سهرانه مانمت الامس النومه جانت وگفه
ايفززني بالصوط الشمر لو رت انام واغفه
تعبان جسمي امن الركض وجروحي كلش كلفه

ايفززني متعوده الگمر ونضر اعيونه
صابحني راسه اعله الرمح مخطوف لونه

وبگلبي حيره
بروس العشيره
ونطر دواوين
----------------------------------------------
حرمه جبيره والركض ماخله حيل اعليه
اعله اطرافي امشي لو ردت امحرگه رجليه
الماضاك لوعات الخيم مايحس بالمجويه
الشارد امن الخيل وحرگ يعرف شنو المسبيه

اللايحته جمره منالخيم يفهم عذابي
ولروحه متعلگه ابعلم يعرف مصابي

حيرت اسيره
بروس العشيره
ونطر دواوين
------------------------------------
مجتوفه ايدي الرگبتي والهزله مالت بيه
ابوجهي اتلگه الارض وامجتفات اديه
حشمت خواني لجن مامش اليفزع ليه
اشيفزع الباقي بس رمح وجسادهم مرميه


الناگه هزله ابلا سرج لو عثرت اشلون
ناديت حيهم يالاهل بس مايردون

وجهي اديره
بروس العشيره
ونطر دواوين
-------------------------------------
ماجانت ابالي ابد طولي تشوفه الغربه
لا حاسبه اليوم السبي لاحاسبه امشي ابدربه
بت حيدر انه امدلّهَ الضماني اخوي ابگلبه
تاليهه يحديني شمر من طاح راعي الجربه


فريت وجهي اعله الرمح لخواني اعاتب
وگفونه ياخوتي بسره فرجه الاجانب

شاهدت غيره
بروس العشيره
ونطر دواوين
-------------------------------
طبينه سوگ اهل الغدر وشلون جان الملگه
بحجار لاگونه وشتم وبعبرتي مختنگه
اتراب بينه امن السبي ابنار الهضم محترگه
شمات تكتل بالحجي مجتوفه اديه امدنگه


تتشمت الوادم. عليّ وين الاميره
كافلج هذه اعله الرمح ونتي اسيره

احزاني جثيره
بروس العشيره
ونطر دواين
---------------------------
علي سليم الحسناوي



#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



____________________
لمن يجد صعوبة بالحن اطلبه من
@moatmed2

#ويبقى_الحسين

.
.
.
وداع العليله مع والدها


عوف السفر يالغالي ارحم يبويه بحالي
تعودت كل ليله يم صدرك انام
شلون باچر تاخذ امچاني السهام
عوف السفر يالغالي
1
عمري حلم وزغر بعد انا العوافي بلا جرح
إتبَدِل مچاني ياوسف يابويه بسهام الذبح
اترف تراني امن الورد بخدودي نسمات الصبح
لا ترحل الذاك الوطن محظر تره الصدرك رمح

لو هاجرت تدريني تموت اعله بابي سنيني
دمعي بويه شگد الك شايل كلام
شلون باچر تاخ امچاني السهام
عوف السفر يالغالي
2
خليلي من صدرك دفو احتاجه بويه بغيبتك
وخليلي من وجهك شمس عمري ليالي بفرگتك
إنطيني دمعه بلا بچي اتوضه بيها دمعتك
ونطيني حنية عمر افرشها بمصلايتك

تسجد عمر احزاني فوگ الترب تلگاني
الدنيه بغيابك يبو اليمه ظلام
شلون باچر تاخذ امچاني السهام
عوف السفر يالغالي
3
رايح ونه بحاجة ابو استفحل عَلي هذا المرض
ترفضني يالغالي اجي بس خاطر احوالي اعترض
وياك اخذني بس نفس سويني بحساسك نبض
وفرشني برموشك هوه اشگف خطر كل ما عرض

مشدوده بيك انفاسي اشعر الم بحساسي
ما يطير بلا جنح بويه الحمام
شلون باچر تاخذ امچاني السهام
عوف السفر يالغالي
4
بيش الحنان اتعوضه تجرحني دگات الگلب
كلشي افهمت من دمعتك يالغالي بالطف تنخظب
إلغي يبويه رحلتك وضعك تره كلش صعب
ماكو عليله بكربله من خدك اتزيح الترب

ذيچ الطفوف ادريها بس المخاطر بيها
يحظن اخدودك تره ارماد الخيام
شلون باچر تاخ امچاني السهام
عوف السفر يالغالي
5
انا ادري مو بس السهم ياخذ مچاني بهل سفر
بوساتي ذني اعله الصدر ما يبقه الهن كل اثر
چم حافر بحافر يجي من صدرك ايطلّع ظهر
من يطحن ضلوعك يرد يابويه يسحگ عالنحر

والمنحر بيا حاله سيف الشمر يبراله
عل الوريد ايصير يابويه ازدحام
شلون باچر تاخذ امچاني السهام
عوف السفر يالغالي
6
ما ترجع ادري لو رحت تاخذ خواتي اليا وضع
ما تبقه انته للحرم وتدري الفواطم تنفجع
بگد دمك الينزف غداً يحتاجن اهناك الدمع
راسك يبو اليمه برمح يم المخيم يرتفع

خليلي بس رقيه ما تنسلب ترچيه
طفله اختي تنسلب والله حرام
شلون باچر تاخ امچاني السهام
****


الشاعر اياد الديراوي




#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



____________________
لمن يجد صعوبة بالحن اطلبه من
@moatmed2

#ويبقى_الحسين
.
.
.
.
حميده بنت مسلم ع




بعيوني دمعات الهجر ترسم ابوي اعله القصر
طاحت سمه مدري وگع جسمه
كل ما اون مرت علي نسمه
ترسم ابوي اعله القصر
1
صوتي اختفه وشوگي كبر من تخرس الچلمه انفجع
ثاري الهجر كلش صعب يفتهمه بس ماي الشمع
طفله اواحن الوالدي اندهله بس ما انسمع
شگد انتظرته وما اجه حد ما صرت قصة دمع

انتظره كل لحظه يرد وتمالك اضنوني البعد
صار الهوه يعكس الي رسمه
كل ما اون مرت علي نسمه
ترسم ابوي اعله القصر
2
كون العمر يخلص بچي حد ما يرد من سفرته
لاكن احاذر دمعتي ترسم مصيبه بغيبته
اتلافه هل موقف وحط بچفوفي ورده الجيته
والبسمله بشفتي حرز اقراها صرت بعتبته
خوفي الدمع يرسم خطر
واگف ابوي بلا نحر
اهمس صرت وكت الدمع اسمه
كل ما اون مرت علي نسمه
ترسم ابوي اعله القصر
3
خلاني وحدي بوحشتي والوحشه تحتاج الضوه
والماخذ اوياه الشمس ما ينفع اخلافه الهوه
چانت فرحتي وفرحته يلتمن بحظنه سوه
چنت انا ورده بناظره وهسه الورد ظهره التوه
بوجوده جنت املك وطن
هسه الوطن يملك محن
حگه النظر من فرگته يعمه
كل ما اون مرت علي نسمه
ترسم ابوي اعله القصر
4
ليل اليجن رايد حچي وانا الكلام اتوسله
كل ما صحت ياوالدي اتأشر عليه كربله
چنها تگلي والدچ بالكوفه يصبح مقتله
وانا اعله چفيني حبل اتيسر اويه العايله
راوتني صوره امن القتل
وصوره بكتر خيمه حبل
يصعب علي اتخيله ابدمه
كل ما اون مرت علي نسمه
ترسم ابوي اعله القصر
5
سهرانه ورموشي حلم وحلامي كلها اتوضحت
دفعو ابوي امن القصر والدنيه بعيوني انطفت
نزيت انه من طيحته وي طيحته ضلوعي التوت
عيني بغيابه اتوسلت تعمه وحسافه ما عمت
چا ما شفت كل الجره
والملتقه بالاخره
چا گلبي ما عاش بجرح همه
كل ما اون مرت علي نسمه
ترسم ابوي اعله القصر
6
ماخذني لا وين الدمع يرعبني صار بمنظره
بالكوفه چني ويم قصر ونظر ابيوي اعله الثره
من طيحته كلشي انكسر ودمومه يمه امطشره
من دمه كاتبلي سطر اه يا غربتي ابمنحره
بحساسي ما ظل كل صبر
طحت اعله صدره المنكسر
ماتت على طول الدهر بسمه
كل ما اون مرت علي نسمه
ترسم ابوي اعله القصر
****


الشاعر اياد الديراوي

#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



____________________
لمن يجد صعوبة بالحن اطلبه من
@moatmed2

#ويبقى_الحسين



شوط كربلائي
لمسلم ابن عقيل عليه السلام


رساله حسين واحد راد للكوفه يوديهه
ومسلم گال عد عيناك ابشر انه راعيهه
-----------------------------------------------------
كمش بيده الكتاب وگال خادم انه لبن الحيد
اوصلهه ونه الممنون اوبايع بيعت التجديد
تحزم بالدعى امن حسين يرتل سورة التوحيد


يشبه غريت العباس
من حط الدرع والطاس
مايرهم اله المقياس
اصيل وللشرف عنوان وللكلفات شاريهه
----------------------------------------------------
صعد والشگره طبلت زود كمش بالجامهه اوعجعج
ابگلب الگاع داس وفات ضل ضهر الارض يرتج
يشبهه عمه من يختاض ابوكت الموزمه اويحتج


اتربه بيت اهل همه
المره عدهم بالف زلمه
حيد اوينتخي ابعمه
طوَه امتون إلارض من غار جن صيده اويجاريهه
-----------------------------------------------------------
ابجفه البي ترافة غيض شايل كل سفينة نوح
شايل بيده اسم حسين. بس حسين مامذبوح
يسابگ بلزمن والريح وكاشف للمنيه الروح


سباق ايگول للجنه
ابكتاب حسين امنه
ابروحي اليوم اوصلنه
وعلمهه الوفاء اشلون ناس امتيهه تاليهه
--------------------------------------------------
تنگب من دخل كوفان جيش ابأمره ضل محتار
وادم صاحت العباس وادم صاحت الكرار
خزرهه والزلم صوبين خيرهم نسه المفرار

تنگب والحواجب موج
خلاهه إبأمرهه اتلوج
يطشرهه اويلم جن روج

شردت مدبره امن الخوف ضلت بس مواضيهه
----------------------------------------------------
شگ صف الزلم صفين حدِر جدمه الثنايه إدوس
صف ضلت بِلايه ارگاب وصف ضلت تلم الروس
غزِلهم طشره اولما وخلاهه الجموع اتحوس

راعي الملعب وطبهه
الزلم حارت ابمهربهه
ترخه الساحه ويضبهه

شَهم ولخلفوه إليوث گِلَب عاليهه ناصيهه
---------------------------------------------------------
واحد من بني هاشم اوصيته اعله المدينه شاع
ابوكت للغدر جان السان كَسّر للطواغي اشراع
المثل مسلم الف ياحيف ابدمه اتخضب اعله الگاع

صطح القصر عنده امتون
شال السبعه مدري اشلون
انشمر مسلم وهز الكون
اول تضحيه امن الطف مسلم جان باديهه
---------------------------------------------------------
علي سليم الحسناوي




#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



____________________
لمن يجد صعوبة بالحن اطلبه من
@moatmed2