#العليله
خلصت عمري على بـابـي انتظـر
بيه كـل لحظه التجي تاخذ عمـر
الـيـاوكــت ابـقـه اتــانـــي
جـرحــي يكـبر بـالثـوانــي
.....................
هلي اترجعون ؟ تعبت حالتي اهواي
وصعبه المثلي لـمـن يـبقـه وحــده
يهالماشيـن اخــذتـو اويـاكــم ادواي
وصبـر روحـي مـثـل مــاي وتبـده
يالرحتو مني اشـلون وانـه عليله
يا اهلي لو حنيت ياهو اشتكيله
يا هـو اشكيله وانا داري خله
مااحس ابيت جني بنص فله
كـلـشي مـنكـم مـا اجـانـي
جـرحــي يكـبر بـالثـوانــي
.....................
هـلـي بلكت رسـاله اتطـيـب الــروح
جـرح گـلبـي بــرسايـلكــم علاجه
انتهت عافيتي من گلتولي مـا روح
انهدم بيت الصبر فوگي سياجه
طوحتـوا يالرجبان وانه وحيده
لا سكنه يمي ولا ضلت حميده
ويـن اروح ومالـي بالديره اهل
كلشي راح اوياك ومات الامل
كـلـشي مــا خـلـه زمـانــي
جـرحــي يكـبر بـالثـوانــي
.....................
هـلـي مـابيه اگـوم ابعازة اجفـوف
وفـوگ الـعلـه زادت بـيـه عله
الليل ايمـر عـليـه جـايـب الخـوف
وگلبي يريدكم يهلي شگله
يهلي بـأخير اوداع مـاتن اديـه
والهسه يم الباب منتظره جيه
حالي حال الفاجده لمن تحن
عاشرت ليل النوايب والحزن
حـزنـي مـالـحـظـه جـفاني
جـرحــي يكـبر بـالثـوانــي
.....................
مــاخليتو شي كلشي اخــذتــو
بس اگماط كل لحظه اشمه
جنـت امـحسبه عبدالله تخلـو
عادك من هواكم عندي نسمه
اصفـن واعــد ايـام يمتى تجولي
العبدالله مـن اشتاگ اگعد والولي
يا اخوي الخذو كاروكه ومشوا
لا الــي بعـثو رسـاله و لا اجـوا
الضيم وحدي استوحداني
جـرحــي يكـبر بـالثـوانــي
.....................
ابــوي الفارگاني ابــوحشـة اللـيل
منهدها وكـل صبح مامر عليه
الحسره تعوفني اتسلمني للويـل
بنص البيت عشت الغاضريه
بالغرفه صـوت اخيول بأذني سمعته
بــس لا ابــوي الـيـوم حــزوا رگبتـه
وصارت القاروره حمره امن الدمه
يـعني ابـوي اليـوم طـاح امخيمـه
والـحـزن لـلـطـف خـذانـي
جـرحــي يكـبر بـالثـوانــي
ابو حميدة الشويلي
خلصت عمري على بـابـي انتظـر
بيه كـل لحظه التجي تاخذ عمـر
الـيـاوكــت ابـقـه اتــانـــي
جـرحــي يكـبر بـالثـوانــي
.....................
هلي اترجعون ؟ تعبت حالتي اهواي
وصعبه المثلي لـمـن يـبقـه وحــده
يهالماشيـن اخــذتـو اويـاكــم ادواي
وصبـر روحـي مـثـل مــاي وتبـده
يالرحتو مني اشـلون وانـه عليله
يا اهلي لو حنيت ياهو اشتكيله
يا هـو اشكيله وانا داري خله
مااحس ابيت جني بنص فله
كـلـشي مـنكـم مـا اجـانـي
جـرحــي يكـبر بـالثـوانــي
.....................
هـلـي بلكت رسـاله اتطـيـب الــروح
جـرح گـلبـي بــرسايـلكــم علاجه
انتهت عافيتي من گلتولي مـا روح
انهدم بيت الصبر فوگي سياجه
طوحتـوا يالرجبان وانه وحيده
لا سكنه يمي ولا ضلت حميده
ويـن اروح ومالـي بالديره اهل
كلشي راح اوياك ومات الامل
كـلـشي مــا خـلـه زمـانــي
جـرحــي يكـبر بـالثـوانــي
.....................
هـلـي مـابيه اگـوم ابعازة اجفـوف
وفـوگ الـعلـه زادت بـيـه عله
الليل ايمـر عـليـه جـايـب الخـوف
وگلبي يريدكم يهلي شگله
يهلي بـأخير اوداع مـاتن اديـه
والهسه يم الباب منتظره جيه
حالي حال الفاجده لمن تحن
عاشرت ليل النوايب والحزن
حـزنـي مـالـحـظـه جـفاني
جـرحــي يكـبر بـالثـوانــي
.....................
مــاخليتو شي كلشي اخــذتــو
بس اگماط كل لحظه اشمه
جنـت امـحسبه عبدالله تخلـو
عادك من هواكم عندي نسمه
اصفـن واعــد ايـام يمتى تجولي
العبدالله مـن اشتاگ اگعد والولي
يا اخوي الخذو كاروكه ومشوا
لا الــي بعـثو رسـاله و لا اجـوا
الضيم وحدي استوحداني
جـرحــي يكـبر بـالثـوانــي
.....................
ابــوي الفارگاني ابــوحشـة اللـيل
منهدها وكـل صبح مامر عليه
الحسره تعوفني اتسلمني للويـل
بنص البيت عشت الغاضريه
بالغرفه صـوت اخيول بأذني سمعته
بــس لا ابــوي الـيـوم حــزوا رگبتـه
وصارت القاروره حمره امن الدمه
يـعني ابـوي اليـوم طـاح امخيمـه
والـحـزن لـلـطـف خـذانـي
جـرحــي يكـبر بـالثـوانــي
ابو حميدة الشويلي