غربة مولاتنا الزهراء( ص) في قبرها المخفي...


هلي كثرو الزياره
وحشه التخله داره....
وعگبكم مالي زاير...هلي ومكسوره خاطر
ء....................

جبت عمري لحد الموت ولا مره غبت عنكم
هلي اتعرفوني ما اكدر انهَ المتعوده اشوفنكم
كطع بيه الزمان و راح وقتي الينگضي يمكم
وحشه والظلام ايعيل ما متعوده اناطركم

هلي الينطر تجونه
يمكم ضم عيونه
وضلمه داره صاير.... وعگبكم مالي زاير
ء........................

غبت عن الخلك والصوت هلي اليندلني بس انتم
تعالو وجيبو عطر البيت شوگي شما غفه صحتم
يصيام الفرح والحيل بس عني ادري ماصمتم
وحدي ولا يمر عناي تعنّو اشما حزن صرتم

هلي المحزونه روحه
تسد احبابه نوحه
هلي واحزاني داير....عگبكم مالي زاير
ء.........................

هلي كثروهن الجيات وخلو الوحشه تتركني
هلي لو رحتو ما يبقى زاير جدمه يگصدني
يضل الي يحبني بشوك وضل بشوگي وي حزني
هلي لا فارگ الله احباب ولا صار ابشّر ونّي

هلي الوناته سكته
طاري احبابه علته
ويومي ايخوفه باجر....
ء........................

هلي ضايع عليه الصوت وانه الضايعلي صوتي
بحياتي بس ونين ابجي وانه بضلعي خذو قوتي
و الفرگه اجت چتال وخذت من عيني ياقوتي
هلي الفرگه جرت مرتين ابْموتي وعگب موتي

هلي الفارگتو نوره
باجر مَن يزوره...
وبيه الغربه عاشر....عگبكم مالي زاير
ء.........................

انه وسري خذانه البير هلي وليدي بطه عليه
ونس لا عندي واحجيله واناطر ياهلي الجيه
يطلع لابد ابفد يوم ابني وياخذ الديه
ويطلع كبري والكه الناس تنعى ابصحني مسبيه

هلي وابجي لختكم
هلي وحسراتي الكم
وللمهدي انه اناطر....عگبكم مالي زاير
ء..................


علي قيس الوريد