يأول هَم...
دخل گلب الهواشم وبدمه اتلثم
يأول هَم...
والليش ابتدّت منك يطاري الدم
يأول هم....
گالوها وحجو واتسابگو بالذم
ينعمه وثالث الحسنين ماتسلم
يأول هم...

رسمت ابدمك ارجاء المدينه الما اجاها الحد
وفضحت السلموا للدين بس ضدو محمد
صرخت ابدمك وامك حزنها اشتّد

ودمك صرح واتمم
بس صاح بنزف تعبان
لا ترجه بخلك ركضت على الگيعان
ونبيها العافته امدّد..۔۔!
يأول حد...
اجه يوضح حدود الحد لچنه اُعدم

يأول هم....
زغير السمعو ابطوله وكبر عمره
وگالو چم مسه وينسونه وي گبره
ما يدرون الزغير ابدم ابوه يسره
وحيدر يختلف حزنه
عل الماتو بأثر ونه ..
جاشنهي لون ابنه؟؟
وعكس كلها ....
علي بأبنه كاعد ويحلم.... يأول هم

يأول هم....
جان احلى ابتسامه وشوگ و تالي ابهم اتسمه
واجه عكس التعرفه الناس ما طاح ابحظن امه
نزل من كاعه للسبعه...!! وماعافت اثر جدمه
وصار اول انس ماصار..!؟
بسبب زمره اجت للدار
وحچو بس ابلغة بسمار
والبسمه اختفت ...وانطو فاطمتنه الغم...

يأول هم..
ترك ام اعله عتبة دار
تدور عن بقايه آثار...؟!
وتغث بيها بقايه النار
حارت واليحير هناك يتعب خلگه وجفوفه؟!
تمسح بالجفوف ارماد بلكت دم اله اتشوفه..
وبعد نَشفت دمع واصوات..
لگت امه التريده وحظنته وتشتم...

يأول هم
اجه لزينب ( اخو رايح ) ما عاش و خذاه الموت!
بوكتها (الخويه) عد زينب بعدهي ازغيرة الصوت!
صاحتها وشعور انجاس..!
وضكت من بچيها انفاس
وبس هيه اليجيها حساس
حرمه بهيمه جاها الليل وبس جتال اهلها يفوت
هنا صاحت يخويه بصوت
وانحز الخشب كله...؟؟؟!
الباب الماحفظ اهله
الهوادج من مشت خله
الرماح الصايره العله
لجن وحده بقه التابوت..سالم...جه جسد ما لم

يأول هم
شرح اخر حزن للله
وشرح معنى السهم لو صاب عبدالله
وشرح كلشي يطيح اعله الخيم غفله...
لجن وحده؟؟؟
الشرحها بالدموع حسين
طريج الشام واهل الشام ذاك الماتريده العين
ذاك الحسرته بعمرين
تعب كله وچثيرة ايتام
ومجان الراحه ينگط گام
مخافه وسَم
يأول هم.....

علي قيس الوريد

وحك الي بقدرته السبعه _ تنشال
عندي جروح بس بالموت _ تنشال
دعيت اعله الصطرني اجفوفه _ تنشال
كمت ما وجد الثوب العليه

علاء الزيدي

انــه الگـاعــد ابيـــته ويحـــترگ بابه
وعلي ايشم الهـوه وانـداسـت اعتابه
ماكو ازغيره ابد كل سالفه اچبيره
لان كل الســوالف جــرحت الغيره
وجــرح الغيــره بـيه يـكـلف اصـوابه
ــــــــــــــــــــــــــــــــــــــ
حيدر الفازع كل شدد معروف اسمي وصيتي
اللاذو وراي ابكــل حـرب هدو ابنار البيـتي
طلعت الزهراء وگمت والگعدتني اوصيتي
يخنگني تفصيل الجره ونكسر ظلع ام بيتي

صاحت فظه الحگي ابساعت الكسره
وانه شــيبت راســي صيـحت الزهره
نگعت ابماي غيره ابساعت الحيره
ــــــــــــــــــــــــــــــــــــــ
امسرفن انه ابوكت الشدد ما نگبت فقاري
حماي جاري ابكل وكت وافعالي نفس اخباري
التهظمني بيتي من احترگ واگف يباوع جاري
وابيتي اخ من الغرب من تنهظم ام داري

بچيت ادموع گلبي ابهظمة ام بيتي
وما عـندي الوصــيه چات امنيــتي
والوسعه ابوكتها صارت ازغيره
ــــــــــــــــــــــــــــــــــــــ
يموت كل ساعه علي ابداره مو يوميه
ويحترگ گلبه من تمر يمه ام احسن محنيه
اشما تلچم انه انلچم اليوجعها يوجع بيه
يلچمها ظل شم الهوه وتلچمني ظلت هيه

انگسر كل ما اشوف الزهره جدامي
وعليـها ذني صــارت اثـــگل ايامي
واشوغ اشما اشوف الزهره متغيره
ــــــــــــــــــــــــــــــــــــــ
كلما اصد البابي ظل يلچمني گلبي وظلعي
واشما اصد عين ام حسن اسكت وينزل دمعي
فاطمة الذبلة الألم متعوبه ظلت تنعي
واتصلي ايد ع الكسر وابچفهه واحد تدعي

التچهــبني ابهـــلا للبــاب مــلگاهه
عشت كل الوجع متقاسمه وياهه
اچبير الحزن ما ينحمل تصويره
ــــــــــــــــــــــــــــــــــــــ
يغمظ علي ويفرك بديه كل يوم من يذكر
اهناك اثر نار وحرگ واهناك ظلع اتكسر
اتچت اهناك ام حسن من گامت او ماتگدر
وبنجاد سيفه ابيا زمن من بيته حيد ينجر


الدين الله والخاطر چلمته الباري
انظربو اعزازي وما شلت فقاري
ويعرفونه علي الفقار تفسيرة
ــــــــــــــــــــــــــــــــــــــ
يوم من الايام الحزن غطه ظواي ابظلمه
گلبه انعصر حيدرعلي وما بي يشم النسمه
لن يركظ حسين وحسن دخلو ابخنگة هظمه
صاحولي الحگ ياعلي والبيت ماتت امه

بعد ما بيه اوگف وامشي بجدامي
ونزل مااي الافراگ وظلم ايامي
ويسوف ظيم الگلبه حيدر البيره

علي الحميداوي الكربلائي

شوط كربلائي


قصة فاطمه ولباب اريد الليله احجيهه
اشلون اتلگت البسمار وسولف كل ماعنيهه
-------------------------------------------------
متروسه ابأمان الدار ولن باب الكدر يندگ
وراحت فاطمه للباب وسمع صوت لن تشهگ
وعاين امي خلف الباب ومزاود عليهه الطگ

لن دفعه وزلم طبت
سعت لاجنه ماگدرت
وزنه اثجيل ونطبگت
عليهه اولاگت البسمار ولباب انتجه اعليهه
-------------------------------------------------------
اسمع واحد اينادي حرگوهه اعله اهلهه الدار
وإن فاطم اضربوهه وحرگو گلبه حامي الجار
دفعوو باب إلمنيه ابضلع امي انثنه البسمار

وسمع شوغت الزهره
رن بذني الضلع كسره
كلفه جانت العصره
تريد اتصيح ماتگدر ثگل الباب ماذيهه
-------------------------------------------------------
بين الباب ولحايط سعت لاجنه ماگدرت
من اجذوع جان الباب اهواي الوادم الدفعت
حرمه اواگابلوهه ازلام من كثر العصر وگعت

رضوهه لحد ماصار
دمهه ولدمع مدرار
وهيه اتصيح شنهو الصار
ياذنب الجنيته اتصيح اولاواحد يهم ليهه
-------------------------------------------------------
اعاين ليهه حدر الباب تشهگ بالنفس گوه
ما واحد رحمهه اهناك مامش منهم امروه
اليرجف من اسم حيدر عليهه كام يتكوه

وعليهه دارت الوادم
بين الضارب وشاتم
مامش بيهم الغانم
يعين الزهره من الباب وتشم نسمه يخليهه
-------------------------------------------------------
ابياذنب اليصير اواياي اسمع امي مختنگه
جاوبهه ابصفع ع الخد اسكتي بيتج انحرگه
عصرهه ابن الدعي بالباب الهوه مالحگت اتشهگه

اشوف الناس ملتمه
اعله ام حسين متحزمه
ماجنهه مره وحرمه
المالحگ ابدفع الباب ابصوطه ضل يطگ بيهه
---------------------------------------------------
تلوذ ابياكتر حارت همه ابكل كتر بالدار
مره ابجف تشاگف صوط وجف الثاني يخمد نار
ياوسفه والف ياحيف تنطگ حرمة الكرار

اعاين ليهه مالومه
تغص بالعبره مهضومه
تريد الشايعه اعلومه
لاكن بالوصيه انگاد مايگدر يحاميهه
-------------------------------------------------------
علي سليم الحسناوي