شهر المصايب     گرّب يغايب
الله يعينك
كلشي بمحرم    بعيونك اضلم  
الله يعينك

*

كَرَّب شهر نحيبك    البيه ينذبح حبيبك
هذا الشهر يابو الجروح يألمك هواي
بيه انته تكضي ليلك    دمعك تَرس شليلك
و المشهد كبالك تشوفه نعرف بهاي

بعينك تشوف الجره    و المشاهد بالسره

ويلي تنظر جم مصيبه تشيب الراس
الله اليعينك عليهن يابو الاحساس

تشوف بعيونك مصيبه و جم مصيبه
جدك تشوفه طلع برموشه شيبه
و يم اخيته زينب يفرغ نحيبه


تبدي بصباحك     تلجم جراحك   
الله يعينك
كلشي بمحرم      بعيونك اضلم
الله يعينك

*

محني و تصب دمعتك    لمن شفتها عمتك
كلمن تودعه يروح و الها ميعود
بيك المأسي كثره    الدمعه التهلها حمره
و انته ابو فاضل تشوفه بلايه الزنود

عينه طفاها السهم     و حيل ابو اليمه انهدم

يمه يكعد يحني ظهره و شعره شيب
يكله يا خويه بخيامك تبجي زينب

ها يمهدي تشوفه ابو الاكبر يكعده
يخلي راسه بحضنه كلساع و يرده
سايم الله اعليك حيلي لا تهده

تشاهد حسرته    تنزل دمعته 
الله يعينك
كلشي بمحرم     بعيونك اضلم
الله يعينك

*

بلحظاتك الاليمه     عبدالله يا هضيمه    
من تشوف العطش يبس جبده و شفاه
تشوف الابو يطلبه    للمعركه يشربه   
لاجن يرد سهم طر بركبته احاه

يرجع كماطه حَمر     كلبه جن خشبه انكسر

تشوف زينب من تجي و تكله جبته
تريد تسأل ها شرب تنظر ركبته

يكلها اخذيه مني يا زينب ذبحني
من اجته النبله فك ايده و شبكني
دمه شافه اميه حسابله و قهرني

هاي المصيبه    و الله عجيبه
الله يعينك
كلشي بمحرم    بعيونك اضلم
الله يعينك

*

مشهد بعد يمردك      لمن تشوفه جدك
وحده باقي بلا عشيره تحيطه الالوف
هذا اليصوبه حربه      ذاك برمح يجهبه
بالحجر واحد يصيبه بجبهته تشوف

واحد يصيبه بسهم   و عينه تنظر ع الخيم

زينب تباوعله وحده بلايه خوان
يقاتل تشوفه اويلي و هو عطشان

امن المهر يوكع يجي واحد يجرحه
و الشمر يكعد على صدره و يذبحه
و الخيول تطش ضلوعه جنه سبحه

مكطع تنظره    مهشمينه صدره
الله يعينك
كلشي بمحرم    بعيونك اظلم
الله يعينك

*

بعد الذبح و الاعظم    تشاهد حرك مخيم
تنظر شجم حرمه تركض تلهب بنار
تشوف الحرك و الادهه    جم طفله دامي خدهه
وين ما تشرد سياط تلوح الزغار

عمتك تلم بالحرم    كلبك بهايه انهظم

ماكو عباس اليجها و يحمي الاطفال
عمتك بلا رحمه بيهه تشتم ارجال

و تنوخذ زينب سبي و ما الها حامي
امن التعب كالت بعد ماشوف امامي
و الضرب ورم متنها و خله دامي

شمر النهايه      يحدي السبايه
الله يعينك
كلشي بمحرم     بعيونك اظلم
الله يعينك

*

حسام العيساوي

ياشيخ العشيره المايذب ربعه
يالگلبك چبير وتقبل ابدمعه
☆☆☆☆☆☆
يخالد وبخلودك ضارب المقياس
مضيفك سفرته تعزِّب ترف واحساس
مثلك ماأشوف ولا شفت بالناس
ميِّت وبمضيفه الوادم امربعه
☆☆☆☆☆☆
ياراعي المضيف المايسد بابه
فريضه انته وتحلها بساع الطلابه
سلاطين وملوك الشخصك اتهابه
يابحر الكرم يالمانشف نبعه
☆☆☆☆☆☆
مو مثل الشيوخ بشيختك مولاي
مامحتاج واحد الك يبدي ابراي
افضالك يبو اليمه علينه هواي
وبهذا الأمر تشهدلك السبعه
☆☆☆☆☆
معروفه اليزل عن الدرب ينهان
وتذبَّه العشيره وماله بيها امچان
بس انته اليزل اتقابله بأحسان
واتعِدله ويصير امعدَّل السُمعه
☆☆☆☆☆☆
عشيرتنه الخدم وانته المسمِّيها
وعلى روس الخلگ بأسمك امعليها
بحر والناس تغرف يم سواجيها
يمن بحرك يزود ومايقل طبعه
☆☆☆☆☆☆
ابن اجوادنه ومنك ثلث تنعام
خدامك اشيوخ وموش اي خدام
واحدهم گليط امعدَّل الهندام
كاشخ بالخدامه ويضوي چل شمعه
☆☆☆☆☆☆
خلف الله اعله عطفك يالملفينه
لاشيئ احنه بس انته المسوينه
انعم الله عليك خدامك امخلينه
ابونه انته وشملنه ابيتك اتجمعه
☆☆☆☆☆☆
خادم الحسين ع
سيد غالب الرضوي الكربلائي

ابوذيات


لمولاتي العليله ع
مشيت وروحي بيه اشكثر لاميت
يبويه بهل هجر راح اظل لاميت
انه شعندي صبر يحسين لاميت
ونطرتك ترجع و ماجيت اليه
۞۞۞۞۞۞۞

لسان حال العليله ع

لون اندل حبي احبي وراهم
شكثر اتمنه الاگيهم وراهم
عليه الحزن ما لايگ وراهم
ولا متعوده اون صبح ومسيه

۞۞۞۞۞۞۞
الك مرسال ويه الريح وديت
يصل يمك يبويه حسين وديت
دعيت الله بصلاتي ترد واديت
الك فرض انتظارك كل مسيه

۞۞۞۞۞۞۞
عله وداعك كبرت سنين ماتان
وصحت بالضعن تاني حيف ماتان
رجليه اعله باب الدار ماتان
وردت اركض ومات الحيل بيه


۞۞۞۞۞۞۞

خادم الحسين ع
سيد غالب الرضوي الكربلائي

ليلة ١ محرّم:

نَاحَ جُرْحُ الشَّوْقِ فِي قَلْبٍ جَرِيحْ
طَالَ لَيْلُ الْهَجْرِ وَالْفَجْرُ يَصِيحْ
قُمْ وَنَادِي يَا لِثَارَاتِ الذَّبِيحْ
أَيُّهَا الْمَوْعُودُ هَلْ آنَ الْأَوَانْ؟

أَيُّهَا الْمَوْعُودُ طَالَ الْإِنْتِظَارْ
فَمَتَى تُشْرِقُ يَا شَمْسَ النَّهَارْ
لَسْتُ أَنْسَاكَ شَرِيدَاً بِالْقِفَارْ
نَادِبَاً وَيْلَاهُ فِي كُلِّ مَكَانْ

نَادِبَاً وَيْلَاهُ بِالدَّمْعِ الْهَطُولْ
ذَا حَبِيبُ اللهِ مَا بَيْنَ الْخُيُولْ
ظَامِئَ الْقَلْبِ قَضَى سِبْطُ الرَّسُولْ
وَالنِّسَا مِنْ بَعْدِهِ قَسْرَاً تُهَانْ

زَيْنَبٌ مِنْ بَعْدِهِ بَيْنَ الرِّجَالْ
قَدْ مَشَتْ مَسْبِيَّةً فَخْرُ الْكَمَالْ
بَضْعَةُ الْكَرَّارِ جُرَّتْ بِالْحِبَالْ
مُذْ هَوَى الْعَبَّاسُ نَامُوسُ الْأَمَانْ

كَرْبَلَا جُرْحٌ عَلَى وَجْهِ التُّرَابْ
أَصْلُهُ ضِلْعٌ وَمِسْمَارٌ وَبَابْ
نَزْفُهُ الْجَارِي عَلَى طُولِ الْغِيَابْ
يَرْتَجِي كَفَّكَ يَا مُحْيِي الزَّمَانْ

قُمْ رَعَاكَ اللهُ يَا فُلْكَ النَّجَاةْ
قَدْ سَئِمْنَا الْعَيْشَ مَا بَيْنَ الطُّغَاةْ
أَيُّهَا الْمَهْدِيُّ مَا مَعْنَى الْحَيَاةْ؟
دُونَ لُقْيَاكَ أَيَا بَابَ الْجِنَانْ

حسن خنافر العاملي

قصائد محرم
لسان حال ام علي الاكبر ع

حلمي جان بعيني يكبر
حلمي اشوف ابنك يالاكبر
بس شفت جسمك توذر… ياحبيبي
ــــــــــــ…  ــــــــــــ
ه̷̷َـَْـُذآ حلمي الما تحقق ما شفت بزرة ضناي
كتلي عطشان وكلتلك اشرب من عيوني ماي
لْـۆ متت جــان بخيالي اخــذ اوليدك معاي
يبني وي راسك مشيت وجسمك موذر وراي

أبني راح ومات حلمي
ردت موتي وانتة يمي
رسمك بعيني تطشر… ياحبيبي
ــــــــــــ… ــــــــــــ
لٱ أبن عندك واشمة خاطر يذكرني بيك
الطف خذاك وما بقالي حيل اليوصلني ليك
لٱ اني أگدر انسة طولك لٱ اني أندل حتى أجيك
روحي لْـۆ تنباع أبيعن وأجي الموتك واشتريك

م̷ـــِْن حياتي ما بقالي
لٱ أبن لٱ طاري غالي
حگي باقي ايامي أسهر… ياحبيبي
ــــــــــــ…. ــــــــــــ
ليلي يگظي بلا حبايب باقي بس الذكريات
حلمي اشوف ابنك يغالي ماردت شي بالحياة
صوتة يند۵ جدة جدة للأسف بس حلمي مات
أبني مات وهوة ضامي عطشاه نهر الفرات

ضامي مات أكبال عيني
سافر وضل بس ونيني
كلشي كام بعيني يزغر… ياحبيبي
ــــــــــــ… ــــــــــــ
بالسبي وراسك أشبگة ويكبر بروحي الحنين
أشبگ برمحك ييمة والرمح ماعندة أدين
كلشي صا ومانسيتك والدمع ماخلة عين
مرة اصيحن أه يالأكبر مرة اصيحن ياحسين

راح أبوك وانتة رايح
كلبي ضل بس للنوايح
دمعي صاير لونة أحمر… ياحبيبي
ــــــــــــ… ــــــــــــ
م̷ـــِْن  بعد غربة يسرنة للوطن ردينة تالي
غـِْاليّے جان حسين عدنة هسة اجينة بلاية غالي
بس بقاية امن الضعينة والضعن يايمة خالي
رحت وية ضعون اهلنة تالي اجيت انة وخيالي

أكبالي وام عبدالله تنعة
ذبحو ابني شلون ارضعة
ويلي يبني شلون منظر… ياحبيبي
ــــــــــــ… ــــــــــــ
يبني وامنيتي الأخيرة كون اموتن فوڰ لحدك
خدي مو فوڰ الترايب خدي اوسدنة اعلة خدك
لٱ حظيت بولدي تالي ولا شفت ياييمة ولدك
لٱ أبوك الظل ولاانتة شنهو طعم العيشة بعدك

لْـۆ يــرد الحــيل بــية
الــة ارد للــغاضــرية
يمك اسكن وأبني مهجر… ياحبيبي
ــــــــــــ… ــــــــــــ
تمت
الْحٍمَدٍ للـّہ
كلمات الخادم… حسين حمدان الدلفي

منهاج محرم الحرام 1442 هـ
عبد الله الرضيع (عليه السلام)

امـن القـوس لـلمـنـحـر سـهـم جــاي
مــوت انــــت رايـــد لــو ردت مــاي
مـا عـنـده مــاي انـﮔــول ﭽـﺎ لـيــش
مـا حِـضّــن نـحــــرك يُـمّــه بـهــداي

يمشي السهم..والـ بالخيم..كـلهـم حـﭽـو ويه السهـم ﮔـلـولـه رد
لا يوصلّـك..ﮔـتلـه وإلك..ابـدال النحر ﮔـلب ونحر مني وﭽـبـد
لا يـسـتـمع..لا يـقــتـنــع..كـلـمـا بـﭽـيـنـه يـقـتـرب مـا يـبـتـعـد
يـمّه وعُـبَر..ﮔـبل النحـر..بضلوعـي كلهـن ما تـرك منهن فرد

وبـلكي الـله ﮔـلت اتـلـزمه الاضلـوع
لـــو يـنـكـسـر ﮔـلـبـه امـن الادمــوع
لا هـــاي فـــــادت بـــــي ولا هــــاي
مـــا حِـضّــن نـحــرك يُـمّــه بـهــداي
ـــــــــــــــــــــــــــــــــــــــ1ــــــــــــــــــــــــــــــــــــــــــ

سهمك وصـل..ومدري شحصل..فرفـح زراﮔ البالسمه من شوغـتَّـك
لـيّه ارجـعـت..بـس شـرجـعـت..مـا بينـك وبين الدفن بس حَضنِـتَّـك
وشفـتك ضوه..وشـﮔــد هــــوه..بـلكـت تعـيـش اجمع واخلي بريـتَّـك
ﮔـﺎلــو مـتــت..لـكــــن ردت..لـو وانـت مـيــت بــس ابـلــل شِـفِـتَّـك

واركــضــت يــمّــه ودورت جــــود
وامــن النـهــــر واتـعـــذرَن ازنـــود
وﮔـلـتـلـهــن اعـله السـهـم شـكـواي
مـا حِـضّــن نـحــرك يُـمّــه بـهــداي
ـــــــــــــــــــــــــــــــــــــــ2ــــــــــــــــــــــــــــــــــــــــــ

هـا يـالــولـــد..يُـمّـه اشـبـعَــد..ﭽـﺎ مهـدك شبـيه والتـراب اتفـضِلَّـه
ومهدك خشب..مـا حَس تعب..بـس آنـه من شيـلَـك امتوني امهدِلَّـه
واشحـصـلـت..مـن اتعـبـت..شفـته يذبحـك واهـوه يضحك حـرملَّـه
وفـعـله عِـلَــن..خـايف لأن..ضي وجهك من الله إعـله هيئة بسملـه

وهــنـــا الـنــاس شـﮔــد يـحــيـــروّن
لـكـلـمــن يـحـــب الــلــه يـذبـحـــون
وحـتـى السـهــم شـاطَــرَهــم الــراي
مـــا حِـضّــن نـحــرك يُـمّــه بـهــداي
ــــــــــــــــــــــــــــــــــــــــ3ـــــــــــــــــــــــــــــــــــــــــ

شلونه الصـبـر..وبهـالعـمـر..يُـمّه اعلـه شربـة ماي أنه وياك أفتـرﮔ
يـالتخـتلـف..ﮔـدما ترف..امن النظره الاولى أوليدي أعرفك تنعشـﮔ
الصابـك شنو..بـﮔـلبـه شكـو..وانـت الهــوه لـومـا يـمــرّك يـخـتـنـﮔ
وكـونـه حلـم..يـمّـه إبـتـسـم..وبلكي الـله يطلع هالسهم مو من صدﮔ

بـس يـﭽـوي هـذا اهـوه السـهـم حـار
يــرتــــاح ﭽــنَّــــه بــنــحـــر الازغـــار
والهـــاضـمـتــنــي هـــــواي وهــــواي
مـــا حِـضّــــن نـحــرك يُـمّــه بـهــداي
ــــــــــــــــــــــــــــــــــــــــ4ـــــــــــــــــــــــــــــــــــــــــ

عدهـم سهـل..ذبح الطفـل..ﮔـبـل الطـفــل يبـنـي أمـه لازم تـنـذبـح
إنـت اطلعـت..يمه وشفت..شمـطـلوب ولنحري سهم مثـلـك يصـح
مجـروحه إي..ما ظَـلَّي شي..وفـرﮔـﺎك يـمّـه المـا يّـكـفـيّـهـا جـرح
بيه النِـفــس..بس إنغرس..من إرجعت بالروح مدري شـﭽـم رمـح


لـنــحـــــرك يـيـمّـــه الصـــــار ذبـــاح
خـلـه اعـله طـولـي اسـهـام وارمــاح
وراد أكـــثـــــر أيـــزودهـــا بــلـــواي
مـــا حِـضّــن نـحـــرك يُـمّــه بـهــداي
ـــــــــــــــــــــــــــــــــــــــ5ــــــــــــــــــــــــــــــــــــــــــ

مـا أوَدِعّـك..لا أسـمِعَّـك..كـلـمـة وداع وبـلــكــت وتــرجـعـلـي حـيّ
إرجـع إلـي..وأنه وعلي..بـﮔـلـب الشمـس لو عِـشت أحِـسَّن بيها فـيّ
بـدونـك تره..كلشي أخسرّه..شمس الضحه بدونك تصير بلايه ضـيّ
مـتـعـجـبـه..مسـتـغـربــه..يـذبـحـون نور الـلـه ويدورون إعـلـه ريّ

ويُمّه إعـله مـلـك الـري هـالازمـــاط
وألـفـيــن ري مـا يـســـوّن إﮔــمــاط
والـرمــح تـــالــي يـمــشــي ويـــاي
مـا حِـضّــن نـحــرك يُـمّــه بـهــداي
ـــــــــــــــــــــــــــــــــــــــ6ــــــــــــــــــــــــــــــــــــــــــ

أحمد البصراوي العبادي

لسان حال الامام الحسين ع يخاطب الانصار

أناديكــم و لا اســــمع
جواب يسَّكت المدمع
بچيتلكم دمع غالــــــــي لفگـــــد غالي
و نَحَّب ميموني مـن هضم و بچه لحالي
يالانصار يالانصار
ـــــــــــــــــــــــــــــــــــــــــــــــــــ
رحتوا و راحـــــت انفاسي
كسرتوا ظهري و احساسي
طيحتكـم مثـــــل طيحت
راعــــــــي الكلفة عباسي

يعــــــز و حيل يجرحني انادي و مــــــا تردون
يمـــــن چنتولي واحـدكــم شايلــــني بالعيون
يفرسان الصَفه اتـــنـــخه و لا چنكم تسمعون
و تسمعون اطلب الناصر عجيبة و ما تفزعون

باساميكــم أون و الهَج
و جثثهم عالارض ترتَج
حِنيت و ضلـــــــــعي مَحني الكــم اگبالي
و نَحَّب ميموني من هضمي و بچه لحالي
يالانصار يالانصار
ـــــــــــــــــــــــــــــــــــــــــــــــــــ
دمعـــــــتي صارت ابطـولي
دريتــــــوا بيـَّه گلـــــــــولي
نحبت اعليكـم لحــــــــدما
سيفي و درعـي ناحـــــولي

حتى العِمَّة البراسي لكســــرتي صَبَّت ادموع
و لا حاسبكم اصحابي چنت حاسبكم اضلوع
لو واحد وگع منكـــــم اركــض لجــله مفزوع
اشوفه يلوع و استشعــر گلــبي بداخلي يلوع

جمر دهـــري ايا ويلي
حِرَّگ بيكم خيم حيلي
قبل لا نارهم تسعـــــــــر عله اعيـــــــــالي
و نَحَّب ميموني من هضمي و بچه لحالي
يالانصار يالانصار
ـــــــــــــــــــــــــــــــــــــــــــــــــــ
مثلكم عنده مِنْ مثلي
ماشيتوني چــــن ظِلي
لبستوا گلوبكم بالطف
فوگ دروعكـــم لجـلي

دوه جروحي و نظر عيني و نعم مــــن عدكم انصار
ابــــوذر بيكـــــم أتفاخر و سلمــــــــــان أويه عمار
بسالة مالـــك الاشتـــر تجــــــــــــري بدمكم الحار
غِيـــرة سيوفكم تلمـــع مثــــــــــــل لمـــعة الفقار

كسرتوني أشـــــد كسرة
و فجعتوا فاطمة الزهرة
بوجهي الحسرة بانْت حــــــــــــتى بخيالي
و نَحَّب ميموني من هضمي و بچه لحالي
يالانصار يالانصار
ـــــــــــــــــــــــــــــــــــــــــــــــــــ
مـــن رحتـــــــــوا ياسبعيني
وِذَر لَمّـــــــيتها ابنيـــــــــني
الاكبر ياهـــــــــو مـن جاسم
بعـد مـــا فَـــــــــرزِنت عيني

ثگيل إبني علي و شفته من كثر السحگ خاف
اشيلن بيدي خاصـــرته يـــــوگع مني الاچتاف
ابساعة زفته القاســـم آجاله المــــــوت زَفَّاف
بعده بأول اسنينه و لَسَه كلــــــشي مــا شـاف

بدمــــع رمــلة تحنيله
و عله الاكبر عمت ليلة
عليهن دمعي مــــــــــاي و دم صفه يلالي
و نحب ميموني من هضمي و بچه لحالي
يالانصار. يالانصار
ـــــــــــــــــــــــــــــــــــــــــــــــــــ
عضيدي الهـــــــــزلي راياته
مــــا رد اعــله خيمـــــــــاته
تِاخَر و الهـــــــــوى العـــالي.
رد اعلـــيَّه ريـــــــــشـــــاتـه

رحت صـوب الشريعة انزف فاگد روح الاحساس
شفتها اعمامـــــــــتي انسلبت لمــن طاح عباس
نعمة شلون تتگطـع كـــون اچفــــــــــوفه تنباس
واحدهن مثل صـــدري عليه بالحـــــــافر انداس

صرت يَمَّه ادگ و انحب
شگللها بعــــــــد زينــب
عَمود الخيمة من عامــــــــوده إجه ابالي
و نَحَّب ميموني من هضمي و بچه لحالي
ـــــــــــــــــــــــــــــــــــــــــــــــــــ
و الاكلـــف عليَّ و اصعب
على اعيالي الخيم تنشب
و انه اعـــــله الرمح راسي
ابنيتي ارقـــــــية تتسلب

الحوافر نامت ابضلعي مــــــن نمتوا يالاصحاب
سلبـوا محـــــبسي منايدي و سلبوا مني الاثياب
لحيتي ابدمي خضـــبوها و رمل ترسوها و تراب
و زينب ركبــت الهَزلة و حِدَّه ناگتها ســــــــلاب

بناتي فزعـــــن بهيمة
عليهن ما بقت خيمة
سنابك خيلـــهم سحگـــــــت عله اطفالي
و نَحَّب ميموني من هضمي و بچه لحالي
ـــــــــــــــــــــــــــــــــــــــــــــــــــ
الحمدلله
علي حسين الكناني

گلبي مجمور .. جاني عاشور
وانته ماجيت
يابوصالح
*
يلي اتلامس الريه / مر بيه /
دونــك دنيــتي خــنگه
السبعة تطبگ عليه / ليليه /
وحياتي خلصت شهكه

يعــنبر يــمــتى اشـــتمك .. يالعگـبك يبس عودي
عليك ادموعي من اطيح .. چنها خيول بخدودي

المثلي معذور .. جاني عاشور
وانته ماجيت
يابوصالح

*

اليبچي هواي هم يتعب/ويتعذب /
الحد ما تنعمي عيونه
ورمشي وداعتك شيب/عالمسلب /
مثل رمشك گلب لونه

تمـــنــيــتـــك تـــگابــلــــني .. ابجـــيك وتبجيني
اعله جدك كون اوج روحي .. وكونك ماتطفيني

الهذي منذور .. جاني عاشور
وانته ماجيت
يابوصالح

*

اريد أتأذة باهاتك / وعبراتك /
وشـم ادمـوعك الطاحن
توجع ادري نشغاتك / العماتك /
جيف ويه الغرب راحن

احركني بعد اكثر .. يمهدي بجمرة اخيامك
بلـكت يابــوصالح .. احــس اللـــيلة بالامك

جبدتي تفور .. جاني عاشور
وانته ماجيت
يابوصالح

*

متني سيدي هادل /چــي شايـل /
الغيبة وأدري موسهله
عليك بدمعك الهامل/اعله ابوفاضل/
الطفوا عينه بالنبله

عزيز اعليه يالمهدي .. وشوگك بالحشاش يهيج
بلكت هالسنة مولاي .. تجينه بركضة اطويريج

جفني ناطور .. جاني عاشور
وانته ماجيت
يابوصالح

*

بعدك قذيت عيني / يسنيني /
عايــش عگـبك بغـــربه
الك ياهو اليوديني / ويدليني /
وصل عاشورك اشقربه

على الي منذبح ضامي .. السنــة ياريت اقرالك
عبد مو قاري احسبني .. يمهدي من اكعد اكبالك

حسرتي ادور ..جاني عاشور
وانته ماجيت
يابوصالح

*

ادري بدمعتك تلهب /من تنحب /
على البحبال مچتوفه
اول تالي لن زينب /هزل تركب /
سبيه وتدخل الكوفه

اجرحك خاف اعذرني .. الهذي ياهو يتحمل
الاخوها گــاد محمـلهه .. اخذوها بــلا محمل

تبجي مأجور .. جاني عاشور
وانته ماجيت
يابوصالح
*
حيدر تركي الكربلائي

ليلة الوداع

طوّل وإذا طوّلت عالخيام ياظلام
وجه إخوتي اينگّط ضوه باچر افـارگهم سوه
ياظلام
ــــــــــــــــــــــــــــــــــــ
ياليل المفروض انجومك مايضْوَن بالطف كالعاده
منّا وادم غربه واحنه علـويّات أبيت الســــاده
عباس ايردّك لو يزعل يالمالــك وادم ردّاده
قرآن الله اعتبره الخيمه اشلون النار اتمس اجلاده

عندك گمر بس گمر عندي صار راسه حار
وچفه وجربته ابنينوه باچر افــارگهم سوه
ياظلام
ــــــــــــــــــــــــــــــــــــ
ياليل ابمحراب الزهــره مو انته الچنت امصلاّيه
امكيّف عندك نجمه وغيمه يسوه انجومك عطر الرايه
هاي الگاع احسن من طبعك باچر بيهه انسوي اقرايه
وتتشرف بنعال الزاير ومحروم انته أمن المشّايه

باچر اروح ابيسر والثواب بالحجاب
واللي يگلولي الگوه باچر افارگهم سوه
ياظلام
ــــــــــــــــــــــــــــــــــــ
ياليل وما تمطر باچر لمّن تعطش بيك الشيمه
ومايكسر گلبك مذبوحي واتودّيله افياي ابغيمه
وتلتذ بصرخات أطفالي باچر لو نامو بالهيمه
بيت الله الصيوان اشمالك واليوم انودع ابراهيمه

صبحك يليل اقترب والأمان بلا مكان
والحمد وي القـل هوه باچر افارگهم سوه
ياظـلام
ــــــــــــــــــــــــــــــــــــ
ياليل اسكت خلي اسكينه ابعبد الله القرآن اتحفّض
ورمله اتحني بخيمة جاسم والسجاد استوه امغمض
ذاكه الشمر ابليس الثاني ايجهز بخيوله ويستعرض
والعباس ابدمه الغيره ركضت حيدر گاعد يركض

واحسين توه ابتده بالدعاء للنساء
الــمتوضي هسه والنوه باچر افارگهم سوه
ياظـلام
ــــــــــــــــــــــــــــــــــــ
ياليل الحَجّه البالكعبه عفناهه وبالطف حجّينه
وكل شيعي ابهالليله ايساهر من الله وما تغمض عينه
باچر اگلب قصر الظالم وافضح كل أفعاله الشينه
زينب مو خيمه ويحرگهه ولا رگبه اتموت ابسچينه

راح انه أودع اخوتي والمصير خل ايصير
وتبقه الجروح ابلادوه باچر افـارگهم سوه
ياظلام
ــــــــــــــــــــــــــــــــــــ
ياليل اعذرني واذّيتك وانته المابإمكانك اي شي
ساعاتك الله امخليهن عندك قانون وبي تمشي
باچر تبدي الحرب العظمى بين الحمزه وبين الوحشي
لو عرش الشام احنه انطيحه لو تاجي ايطيحونه وعرشي

وتصرخ رقيه ابحزن انته وين ياحسين
والبيهم الدين ارتوه باچر افـارگهم سوه
ياظلام


#العبدالحسيني_محمدالجماسي

الليلة السادسه

يشوف غيرك مستحيل الي يشوفك
عفنه كلشي وخطوه ما نخطي ونعوفك

احنه خدامك. نموت كدامك

*********************

يابوعلي وداعت علي. كل حيف بينه لحيفك
بالطف اجينه وهم نچي. لوردت حتى بطيفك
بيدك الزمنه سيدي. وشلون تلزم سيفك
بكيفك نعيش احنه تره. ونموت هم بكيفك

ياحسين نموت ردنه احنه اعله حبك
نلكه مثلك وين احنه ومثل كلبك

فدوه ليامك. نموت كدامك

*********************

لا تحسب انصار احنه الك. احنه تره خدامك
بس فقط اشر بصبعك. كل الركب كدامك
ايروح العمر مو مشكله. فدوه لتراب اجدامك
ما نسلم احنه من الذبح. تسلم نريد اخيامك

انطيح فدوه ونترس الميدان بالدم
وكون محد يوصل اطراف المخيم

غاليه خيامك نموت كدامك

*********************

لو نفرض نعيش ومتت شنهو الحلو بدنيانه
ما تملي العيون البشر. وحسين مو ويانه
ما ردنه فركاك ابحلم يلماردت فركانه
مو سهله عدنه محبتك. بس سهله ننطي ادمانه

وياك عدنه ماكو احله من المنيه
عدنه موعد نلتقي وي الزجيه

موعد احلامك. نموت كدامك

*********************

صاحب فضل يابو علي. جيت وجبتنه لطفك
جا ضعنه تاليت العمر. لو ما لزمنه جفك
نعوفك حسافه بيا وجه. يلما عفتنه نعرفك
خلينه گبلك ننذبح. بضلع الزجيه انحلفك

الموت واحد وانته واحد من مثيلك
حبك اوله فدوه احنه في سبيلك

غالي ما دامك. نموت كدامك

*********************

ماكو مثل گلبك گلب. يلعيشتنه ابگلبك
يلشوفتك زينة عقل. والمرض يشفه بحبك
دربك خلاص بهالعمر. ونموت ردنه بدربك
خطوة عشك خل ننحسب بيها نلاكي ربك

خطوه منك النه محسوبه شهاده
جنه عندك وانته بيدك كل سعاده

وداعة الامك. نموت كدامك


علي حسين المياحي

(((شجاعة ورجولةّ ابي الفضل) ))



طلع وانتـرست الدنـيا بساتـين
حي الله ابو فاضل نخوةّ حسين
_________________
راكب عالمهر مدري بسفينه
هذا شراع لو رايه بيمينه
ماجت واطبگ الطف بالمدينه

الهوه والگاع مدري الناس ميتين
حي الله ابو فاضل نخوة حسين
_________________
تهب الريح مدري مهرته تهب
تنگب والگمر ياناس محرِب
ضل يشيل بيده الخيل ويذب

حاصرهم ودگ سور وحياطين
حي الله ابو فاضل نخوة حسين
__________________
عنوان البطوله والرجوله
هوهَ الراح موهمه الأجوله
شو گدامه ركضو شنهي ذوله

الفوارس گامت تنادي الدرب وين
حي الله ابو فاضل نخوة حسين
________________
الهوه ضل ينبعث من ريشةّ الطاس
الريشه تميل مدري يميل عباس
بجربته ضل يعبي النهر والناس

مو بس نهر واحد جاب نهرين
حي الله ابو فاضل نخوة حسين
__________________
نوبه يصفهم ويحسبهم انوب
على صفحه يروح الثوبه مذبوب
الماتايب گبل ميفيد ويتوب

قيامه وضل يحاسب بالقوانين
حي الله ابو فاضل نخوة حسين
_____________
موبس موت شايل قمةّ الموت
ومن يحجي تخضر الگاع ياقوت
كلها مدنگه ياهو اليگدر يفوت

سلطان وطلع من السلاطين
حي الله ابو فاضل نخوة حسين
_____________
مبهوره السمه من يصدر احكام
يحكمه اعدام كلمن شاف الخيام
النخل خايف ودنگ من الاعدام

حرب راضعته يمكن أم البنين
حي الله ابو فاضل نخوة حسين
_______________



عبد زينب
محمد الابراهيمي

#شور_للحجه
#الليلة_الثانية

شلون ايامك يخلصن..ومحرم ماخذ احبابك
السنه نعدل قصايدنه..ايا يالمهدي ومصابك
فاتحتك محرم صار..تموت شما حچو عالنار
تذكرك بالخيم موالي..وتذكرك بالحرگ بابك

انه شحچي!! شناسي ويذكرونك
الطف رمش ما مره عاف عيونك
الماي چتالك و گوه تشربه
اشما شربته تستحي امن ضعونك
____________
غريب الوحدك عايش..وضيمك تارس عيونك
گلتها وراح اعيدنها..ياهو يگلك اشلونك
لبيتك من ترد متعوب..وارد لبيتي كلي اذنوب
اخاف امن القصور اوياك..اصير امن اليبچونك

تبچي مشتاگلنه واحنه نبعدك
بابنه ادگه و نجيك انردك
وجذَب من گال الوطن بي نهرين
نهر ثالث عدنه يجري بخدك
______________
رسايل ما اوديلك..اگولن خاف اج ّرحنه
ابيته ويا حالته حسين..الرسايل هنه ذبحنه
القلم شد حيله صار ارماح..الختم حافر عليه من طاح
اخاف الطف يرد اردود..اذا اگلك تعالنه

مدري منه اتنوح مدري لطفك
ترتبك اوفه صديق بصفك
خايف تالگيني ودري بطبعي
غيبتك اخذها چي ما عرفك
_________________
اسولفلك على عمتك..بگبرها وعاشت الغربه
يمهدي وحده للمغرب..يسدونه ضوه الگبه
شي ّضرهم ضوه الگبه..ميته وعدله متغربه
السبو للشام عماته..نار و تحرگ بگلبه

ذنوبنه الحاجوز عن عماتك
الشام اسود بس ترس شيباتك
كافي نسمع بس سوالف دمعك
يمته وجهك يكشخ بضحكاتك


مصطفى صادق اللامي

گعده لــ ام البنين

(لــن تَــنالوا البِــرَ حــتى تُنــفِقـوا ممــا تُحِـــبون)
وانه اعز ماعندي ولدي وفدوه الك يانور العيون
اويه اللبن من رضعتهم
عالتـــفـــاني علــمـــتهم
(لن تَنالو البِرَ حتى تُنفِقوا مما تُحِبون)

--------------------

بسم دمع اعـيوني ابدي واحچي عمَا صار بيه
الكــبرتهـم مالمــتاعـــب والمــصاعب والاذيه
محــلل ومُــهوب بيهــم كون بس ترضى عليه

اي وحق جفني ومدمعه .. اعرف قليل الاربعه
يـــرادلــــك للمـــشرعـــه .. اخـوه للــعباس ميه

عَشره من يرحون منهم هم يضل وياك تسعين
حتـى ماينكـسر ظهرك عالشـريعه يـمه يحسين

لون عندي جندتهم
وعالـتفاني علـمتهم
(لن تَنالو البِرَ حتى تُنفِقوا مما تُحِبون)

------------

(اتقــوا الـــنارَ بــشقِ )تمــره وانـه هـــواي عندي
ولــذلك مــو بتــمــره جــاي اتــصــدق ابـــولــدي
انچان تحسبهم شويه وياهم انه احسبني جندي

ابعامود اهد وموعجب .. بالمعركه مثل ام وهب
لاموعجب بس العجب .. شحچـي للزهره بلحدي

من تگلي وين اديچ وايدي كلشي ماكو بيهه
شراح اگلها يبو اليمه وزينـب مچوايه اديهه

إي وحق الي خذتهم
عالتــفاني علمــــتهم
(لن تَنالو البِرَ حتى تُنفِقوا مما تُحِبون)

--------------

امن ازرعت بذره محبتك خضر العباس ياسك
وگتله انفاسك حسين تمـوت انته ابلا انفاسك
تاج راسك ابو اليمــه وغــيره ماكو تاج راسك

ربيته هـيچ امن الزغر .. وشــربته خــدر ام الخــدر
بشيلتهه گمطته شكثر .. حتى يعرف شنو حساسك

علي چان ايصيح بسمه الكربلائي الكربلائي
وانه ماگــله ابو فاضل چــنت اگله يالفدائي

بهالطريقه هيئتهم
عالتــفاني علمــتهم
(لن تَنالو البِرَ حتى تُنفِقوا مما تُحِبون)

-------

وداعتــك يابو اليمــه باچر امــن ايصير عاشر
ومايضل عندك صديج ومايضل عندك مناصر
اربعتــهم تحت امــرك ولدي ســـويهـم گـناطر

بــس المهــم تــرجع الي .. يابو عــلي يابــو عـــلي
من تبطي تدريني ابتلي .. وابقه مكسورة الخاطر

الدنيه ريح وريح صرصر وانتَ تدري چني ريشه
العيشه عــگبك مستــحيله وراح ماسمــيها عيشه

واسأل اولادي اربعتهم
عــالتــــفــاني علمـــتهم
(لن تَنالو البِرَ حتى تُنفِقوا مما تُحِبون)

----------

مــن احــط بكفه ولــدي سيدي وحــبك بـكفه
حـبي يرجع عـلى اولادي مــن كـثر مابيه لهفه
اليوم حالي حال واحد عنده ميت وعنده زفه

كودن نطيت اربع ولد .. وچـي رايح انتهَ وماترد
دلالـي احــسه منمــرد .. ويبــني من هــسه توفه

ان شاء الله ترجعلي انتَ والولد لامومهمين
ولوتــرد سالم ييــمه بعــد شــتريد ام البنين

فدوه الك من قدمتهم
عالــــتفــاني علمتـــهم
لن تَنالو البِرَ حتى تُنفِقوا مما تُحِبون
--------------
حيدر تركي الكربلائي

#ويبقى_الحسين

العليله
كلمن متاعه اتحضر السفرهم
واني نسوني جني ماني بتهم

عمري بقاله ليله
ورويحتي عليله
------------------------------------------------------
حملن نوگ الفواطم ربي مدري اشحملن
ياهو انشده يدير وجهه گلبي من صدري انسحن
شفت ابوي ايلم خواتي وعمي اليشد بالضعن
اجويعده اويدي اعله خدي والهوه ويايه صفن


عيني اعله ابويه يگلي يلا گومي
مثل البنات اركض ولم اهدومي

نضراته الي ثجيله
ورويحتي عليه
------------------------------------------------------
اجويعده وعيني عليهم دمعتي ترحرگ حجر
امتاعي حضرته ابشليلي وعيني موتهه النضر
حسبوو اليمشون باجر قسموو ادوار السفر
وانه شو محد حسبني اومامش المنهم ذكر


اشفافي بيضه ولرجيف اخذني
من دون كل اخواني ماحسبني

عيني الدمع تسيله
ورويحتي عليله
-------------------------------------------------------
اجفوفي خلضن من فركهن والقلق بيه انتشر
بلحضه شفت حسين ابويه الشيب البراسه كثر
هضمه بعيونه شفتهه وگلبي حدق بالخطر
منهه وانه افهمت كلشي والهوه بريجي عثر


اعرفت انه ليه مامش روحه
موكب ابويه بينت جروحه

جفوني غدت نحيله
ورويحتي عليله

-------------------------------------------------------
صاح يلا الكل خواتي صوت ابوي انه اسمعت
ومن حجرتي لباب داري 100 عثره انه اعثرت
گتله بويه ولعليله طاري إلهه ماجيت
ناوي تمشي اتعوف بنتك بهاي ابد ماحسبت




بويه المن ابقه گلي لو تسافر
لو رحت عني شلون اعيشن باجر

جسمي نزف كل حيله
ورويحتي عليله
------------------------------------------------------
ناوي تمشي امودع الله بس تنفذ طلبتي
تعوف عبد الله الزغير يبقى ليه سلوتي
ادموع وفراگ وعليله شلون اخلص ليلتي
ليلي وحشه ابلايه اهلي بويه اموت بحسرتي


تدري العليل اينام ليله گاعد
مو بس عليله اعزاز گلبي فاگد

دروب السفر طويله
ورويحتي عليله

---------------------------------------------------
علي سليم الحسناوي


#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



____________________
لمن يجد صعوبة بالحن اطلبه من
@moatmed2

#ويبقى_الحسين


دليني صوب المشرعه وانه اعتنيلك
وسوالف بگلبي اشكثر خويه اشتكيلك

دليني ياكافل
وينك يبو فاضل
اتلم. حيلك وتگصد الي لو انه اجيلك
-------------------------------------------------
اشرلي من صوب النهر حتى انه اندل دربه
تيهت صوبك ياگمر وختك ولوهه الغربه
ارد اشتكيلك من شمر وثار صوطه وضربه
صوطه يطبعه اعله المتن والفرح تارس گلبه

اوصلك الصوب النهر وتشوف المتون
جيف اختك ايطگني ابحقد خويه ويضحكون

محد علي سائل
وينك يبو فاضل
اتلم. حيلك وتگصد الي لو انه اجيلك
------------------------------------------------------------
من المخيم للنهر خويه المسافه ابعيده
والدرب بي صوط وحبل وشلون اطره اوحيده
كل خطوه اخطيهه اب علي ولشمر اشر بيده
ايصيح هاي اخت الگمر بجفوفي خله الگيده


ارد اعتنيلك ولشمر گاطع طريجي
نضراته خوفتني اشكثر نشفلي ريجي

مودمعي دم سايل
وينك يبو فاضل
اتلم. حيلك وتگصد الي لو انه اجيلك
-------------------------------------------------------------
يلنايم وتنزف ضوه والسهم شابگ عينك
انزف نواضر علدرب ملتني جلمت وينك
بكل صوط عيني اعله النهر بلكت ترد جفينك
عباس شبعوني هضم عطشانه خويه الزينك

خويه حرگ گلبي الشمر من گلي وينه
كفالج اعله المشرعه مطفيه عينه

يتشمت العاذل
وينك يبو فاضل
اتلم. حيلك وتگصد الي لو انه اجيلك
---------------------------------------------------
يلتمسح اثاري جنت وتخاف حيل اعليه
عگدوو اجفوفي بالحبل ولحره شو مسببه
لو بيك باقي جم نفس عباس لحگ ليه
لا قدروو حرمت مره لا قدروو علويه


حرمه وحيده ابنص زلم وتخيل الحال
بذيالي ايتام ونسه وينك يكفال

يل علنهر نازل
وينك يبو فاضل
اتلم. حيلك وتگصد الي لو انه اجيلك
-------------------
ياكافل اهل الله صحت نسوان بالبر طشت
بالنار هجموو علخيم زينب بقت تتلفت
نار ويتامه امجلبه خويه بعباتي ولهبت
احمي اليتامه امن الحرگ لو طفي روحي الشبت


نار ويتامه والحرگ ولهبت عباتي
محتاره اشاگف بالضرب لو لم بناتي

گلبي قهر شايل
وينك يبو فاضل
اتلم. حيلك وتگصد الي لو انه اجيلك
---------------------------
علي سليم الحسناوي


#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



____________________
لمن يجد صعوبة بالحن اطلبه من
@moatmed2

#ويبقى_الحسين


خيول طبول والسيوف اتعاونت
عجيب غريب ع الحسين اتكاونت

ايحير هوه بالخيم لو بالجراح
والعطش هداله حيله وكلشي راح
----------------------------------------------
حاير بالجروح حسين لن زينب لفت يمه
تگله اهنا يبعد اختك اشوف الخيل ملتمه
وشوفن حافر بصدرك دايس حيل وبهمه
ياجرح الاعوفه حسين ياجرح اختك اتلمه


جراح رماح منطعن من كل كتر
سليب تريب جووته شمس الضهر

جسمه متخذم خذم من الرماح
والعطش هداله حيله وكلشي راح
-----------------------------------------------------
وصلت يم جسم خيهه مطروح بشمس دامي
بنفاسه العطش بين اخوهه امن الامس ضامي
جمع كل حيله صاح بصوت زينب رضوو اعضامي
حار الحافر وضك حيل بصدري وكثرت آلامي

يلوع الضلوع المنه امن السحگ
ابكثر العصر النسمه صعبه تنشهگ

آية الله اعله الارض دمه استباح
والعطش هداله حيله وكلشي راح
---------------------------------------------------
يخيل اشعدنج ويحسين صاحت زنيب ابنبره
عطشان وإجيت اسگي مهله انطني لو گطره
ماسمعن حجي زينب جني وداسن بصدره
صلفات الخيول اهواي طبگن صدره وي ضهره

تشوف سيوف صلت بنحره فرض
خيول تجول صارت بجسمه ترض

ناس هجمت ع الجسد صاحوو مباح
والعطش هداله حيله وكلشي راح
خيول خيول
------------------------------------------------------
ماهمه السحگ ولخيل گلهه گومي من يمي
ردي للخيم زينب جيتج زيدت همي
خليهه الزلم والخيل خويه تلتهي بجسمي
عينج ع البنات اهناك لو حرگوهن اخيمي

يون يحن عينه ضلت ع الخيم
سهام خيام ياجرح حاير يلم

گلهه ردي للخيم اسمع صياح
والعطش هداله حيله وكلشي راح
-------------------------------------------------------
ونت يمه ونت موت ابونتهه تفت صخره
مو شيبت محمد هاذ ليش اومحد امقدره
العلويه اصخرت جداه حسينك گطعوو نحره
تسعميه ولف لجروح والطبره ابأثر طبره

شمر غدر خنجره بنحره غفه
يصد بحقد راسه حزه امن الگفه

توه خلص من ذبح خل يستراح
والعطش هداله حيله كلشي راح
خيول خيول
-------------------------------

علي سليم الحسناوي

#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



____________________
لمن يجد صعوبة بالحن اطلبه من
@moatmed2