هنيالنا وعدنا علي
هنيالنا وعدنا علي
ــــــــــــــــــــــــــــــــــــــ
دگيت بيبان الخلگ .. محد فتح بابه إلي
وبيبانك انته مفتحه .. وهسه آنه جيتك يا علي
وماي الوجه يمك كثر .. غيرك يبو الكافل شلي
أنته الهوه ومو أي هوه .. مو ذوله اهلي انته هلي

ياهو إلي ... بدنيا إلك والنه عدو
ياهو إلي ... آنه يتيم وانته ابو
ياهو إلي ... بس انته من ترحم كفو

هنيالنا وعدنا علي
هنيالنا وعدنا علي
ــــــــــــــــــــــــــــــــــــــ
مشكور يا عشگ النبي .. هذا النبض بسمك يدگ
واليسأل اعلينه منو .. صرنه نگله للعشگ
صرنه لحب حيدر بشر .. وعن حبه ابد ما نفترگ
وكل حب سراب من انولد .. بس حب علي حيدر صدگ

محله العشگ.... لمولانا لمن ينتسب
محله العشگ .... ايشيله حرز گلب المحب
محله العشگ .... الما تطفه ناره بس تشب

هنيالنا وعدنا علي
هنيالنا وعدنا علي
ــــــــــــــــــــــــــــــــــــــ
شما نعشگ بدنيا الوهم .. بالتالي هم يمك نرد
واللي نحبه يا علي .. يمك نسويله لحد
أكبر دليل أعله العشگ .. بالموت هم ما نبتعد
بأنفاسنه ؟؟ بگطع النفس .. درب النجف مأوى العبد

يم عتبتك ... ميت عدل يم عتبتك
يم عتبتك ... صك الأمان لحظرتك
يم عتبتك ... مركز دخول لرحمتك

هنيالنا وعدنا علي
هنيالنا وعدنا علي
ــــــــــــــــــــــــــــــــــــــ
آخر محطات الهوه .. يمك يحيدر تبتدي
ودين الله لو ما طاوعك .. چا ما صبح هلگد ندي
قانون اليبغضك كفر .. والحبك اجمل مُهتدي
مقياس اشوفك يا علي .. بين الموالي والردي

شيعي صرت ... أستحمد الله وأشكره
شيعي صرت ... أحچيها وبكل مفخره
شيعي صرت ... سلطان يوم الآخره

هنيالنا وعدنا علي
هنيالنا وعدنا علي
ــــــــــــــــــــــــــــــــــــــ
كرهونه چي حبك وشم .. بالروح مو فوگ الجسد
ونقسملك بحبك وعد .. وياك ما نشرك أحد
هنيالنا وعدنا علي .. ذكر اسمه أحله من الشهد
أنته علي ويكفي الأسم .. ماضن أكوا أكثر بعد

ذكرك وحي ... يقرالنه آيات العطف
ذكرك وحي ... معروف بس ما تنعرف
ذكرك وحي ... أنته اول وآخر حرف

هنيالنا وعدنا علي
هنيالنا وعدنا علي


عزت السماوي

مجموعة قصائد لعيد الغدير 👆

كل عام وانتم من السائرين
على صراط مولاي امير المؤمنين عليه السلام

متباركين 😍

كل گـلــب ودع خليله
ام الابنـين ويه العليله
وصرنه دمعه فرگه لمن عافنه
وعينه دمعه هضم لمن شافنه
وبدمعي حاچيته ابرحيله
ــــــــــــــــــــــــــــــــــــــ
اوداع عيون صار وسولفت عيني
ما احمل افــراگك يـــوم يحسيني
هواي انــته الاشــمه يمه تدريني
ادموع الفرگه بعـدك راح تعـميني

بيك احس وگلبي گلي
الراح يمشي ما يردلي
ابابه واتغيرت كل اوصافنه
ــــــــــــــــــــــــــــــــــــــ
يروح ام الابنيـــن وكـل نفس بيه
فرض شوفتك چانت عدي يوميه
نســيته اوداع ولدي ابصدتك ليه
وعلمـــودك اربعــتهم هانــو عليه

الولد وامهــم يمه يرحون
فدو الك ياشوف الاعيون
والك فدوه اتروح يمه سلافنه
ــــــــــــــــــــــــــــــــــــــ
الضعن حمل وگلبي حمل احزانه
وانه وابنيـته نبــدي راح الامتانه
مشة وذابت اگلوب ابوكت خلانه
و ورى ذبينه شـوف ابيوم عافانه

وابعتبه ماكـــفه نوحــي
وسيرن خاطر جروحي
والخواطر تجي شيب راسنه
ــــــــــــــــــــــــــــــــــــــ
كل خاطر ينشف دمعتــي ابدربه
هاا هسه تعب ها لو عطـش گلبه
گعدت ويه العليله ابابي ع العتبه
واحس اهناك خده اموسد التربه

ابكلبي خاطر جرح عشته
العطــش فــتت جـــبدته
البعد كبر بالجرح مارافنه
ــــــــــــــــــــــــــــــــــــــ
كل خاطر امصيــبه ياخـــذ ابروحي
والتربه دم صفت والچمت اجروحي
يعني اتفــسرت ع التــرب مذبوحي
ذبحو شيــخ ولدي وانـــولد نـوحي

حسين ماكو وماكو عباس
لمن طـاحو تهـــجم الناس
واشعر ارماد المخيم طافنه
ــــــــــــــــــــــــــــــــــــــ
وابطاري الاخيام انفاسي مخنوگه
وچم خيمه للساده اهنااك محروگه
اجه وكت اليـسر والهم اجت نوگه
وبلا راي وبلا رايــه الضــعن فوگه

والضعن يمشي اگبال وادم
واليــحدي ذبــاح الهـواشم
واحنه معرفين بين اعرافنه

علي الحميداوي الكربلائي

اصيح بصوت واركض وين ما ادري
حيهــم يــا ال هــاشم فرهدو خــدري
ــــــــــــــــــــــــــــــــــــــ
اصيح بلافكر مدري اتجه ياصوب
ونيران الخيم لاحت اذيال الثــوب
حيهم ياعلي يل بالشدد منــدوب
لحك طفي نــار البلخيم تســري
ــــــــــــــــــــــــــــــــــــــ
تعال منالنجف يــاحيدر بهمه
ولحك ع البكه منعيال ابو اليمه
نسوان انولت وبعازة الزلمه
مــاتندل دربهــا ولايذه بكتــــري
ــــــــــــــــــــــــــــــــــــــ
يـــاطلابـــة المــــايوس مطلبهــا
ويـــاركــابت المـــازلمه يركبهــا
يهل الصافيه الماخبط مشربهـــا
شوفو خلافكم بيه شعمل دهري
ــــــــــــــــــــــــــــــــــــــ
يــاخيــالة المـاتـذعن لخيــــال
طفلكم بلوغه ينعد بلف رجـــال
احشمكم صدك موجلمة التنكــال
تــاه منالخطر يهل الشيــم فكــري
ــــــــــــــــــــــــــــــــــــــ
واحدكم جمر تتجادح عيونه
ومن حلك السبع حكم تطلعونه
عادتكم الطارش ماتــانــونه
اسرجو خيولكم يعصابتي وذخري
ــــــــــــــــــــــــــــــــــــــ
حيهم يال هاشم كـون مــا تدرون
عدكــم شيخ بهدومه العده يسلبــون
بكل حافر ضلع محتاره المه شلون
سابح بالدمه ومن كل كتر يجري
ــــــــــــــــــــــــــــــــــــــ
فكدت الراي واركض ع الجمر حافي
الـوج وصوطهم يلتف علـى جتــافــي
الوديته اعلــى مــاي عللنهر غــافــي
ــــــــــــــــــــــــــــــــــــــ
طفت عينه بسهم وانه نهدم ستري
شلون بلاخدر وتشوفنـــي العــدوان
وانه زينب وابوي الموش ياهو الجان
بت خدور وامــي تشرف النســــوان
شلـــون سيـــاطهم تدنــه يــم ظهــري
ــــــــــــــــــــــــــــــــــــــ
اركض ونهطر وانهض واطيح اردود
والعــدوان صاحــو بالخيـــم فرهــــود
حامـــي ضعــونه براك النهـــر ممدود
يريت الموت كبله كون اخذ عمري
ــــــــــــــــــــــــــــــــــــــ
اريد اوصل لخوتي والشمر ردني
طكني بحيله كله وطحت من طكني
شما هم ارد اكوم الصوط يجعدني
يدري بهاي يو عباس مايدري
ــــــــــــــــــــــــــــــــــــــ
ريت يشوف حالي الجابني بيمنــا
حتــى الســوط يثغب من اصيح احا
عليه امسى المسه وعباس موش هنا
وبــاجر بالضعن وي الفجــر نسـري


رائد الناشي

نزّال للاگبر عليه السلام

كالولي .. علي برز
كالولي .. علي برز
____
شجّل اللامة .. واجدامة .. تجدح بالرمل
طب على الحومة .. وهدومة .. وازاها الثگل
يكظي الطلابة .. بگرابة .. والروس الفصل
علي طبّاهه .. بالهيمة .. شمّرها العگل

گالولي .. علي برز
گالولي .. علي برز
____
ظب خواچية .. ابچفية .. لمّاهم خرز
گبل طشرها .. وشمّرها .. وعالشگرة ارتجز
ما يهم بيها .. راعيها .. لاگاها وبرز
جدحت عيونة .. بمتونة .. والموت انحجز

گالولي .. علي برز
گالولي .. علي برز
_____
هذا اكبرها .. جمّرها .. واعيونة دوَت
كوّر القادة .. والسادة .. يمّة هوّست
صاگر البيدة .. حدر ايدة .. فرسان انچفت
ايطشهم بسيفة .. وبكيفة .. لو بيها چفت

گالولي .. علي برز
گالولي .. علي برز
_____
شاب ومعتبر .. ما تگدر .. كلمن لاگتة
وبنهار الله .. واسم الله .. توجع خزرتة
طگّتة اچبيرة .. بالغيرة .. تنگط گصتة
بزرة السادة .. كالعادة .. وجّر غيرتة

گالولي .. علي برز
گالولي .. علي برز
______
بيرغ رموشة .. بالحومة. .. وعيونة شهل
اليمشي من كيفة .. يم سيفة ... ظل يمشي عدل
تبرد الهوسة .. بچفوفة .. ترجع تشتعل
من يچهبونة .. بعيونة .. يكتلهم كتل

گالولي .. علي برز
گالولي .. علي برز
__
ثعولت نارة .. والشارة .. بالخد جمّرت
طايرة الغيرة .. والغيرة .. يمة حوّلت
تلمض الهامة… جدّامة .. عركتها حمت
شوروا بيها .. سادتها .. هذا ابن البخت

گالولي .. علي برز
گالولي .. علي برز
__
علي هادي الخزعلي

الله خالقني عبد لحسيني
وبس رقيه ابمجلسه تبجيني
......
انه كاسر كلبي موضوع السبي
وحركه زيدني بعد حرك العبي
مثل ماركضن ابنيات النبي
الدمعه تركض حافيه ابخديني
.........
خادم الناكة رقيه كون اصير
ثوبي الاسود اغله من خام الحرير
وافرش اعيوني ابخرابتها حصير
وبالنعل خليهه تسحك عيني
........
صوغه من احسين ترجيتهه هاي
اعليهه ابجي وباللطم اكسر گفاي
بلكي يحسبني علي امشربهه ماي
وبالمجالس خادم ايخليني
........
راح امثل دورهه ابمجلس يزيد
وبس رضا الزهراء من عدهم اريد
واشبگ المنبر واشم دم الوريد
اهواي هذا الموقف يبجيني
.......
ابلا حسين الدنيه ماتعرف صبح
ومستحي امن الشوك شو مامنذبح
ابجسمي راس وهوه راسه عالرمح
وين چا دمع السبايه او ويني
.........
الهسه بيه انفاس ما مگطوعه
والحسين امكسرات اضلوعه
ليش جاسم ما چوتني اشموعه
وليش الاكبر مافديته اسنيني
........
قرب عاشوراء يارب السمه
عمر ثاني انطيني ارد ابجي ابدمه
والمواساة العظيمة الفاطمة
حزن يعگوبين مايكفيني

محمد الجماسي

قصيده اساسيه للامام العباس ع

عباس عيني اعله نهر بس بالي مو يم الماي
مهنه يخويه ابنومتك ما ضنك اترد اوياي
شيحملهن افراك ويسر
جدامك يجرني الشمر
ــــــــــــــــــــــــــــــــــــــ
الليل خيم ياجفيلي وهاجت اجروح وكسر
ياكمر عازتك عازه وعيني مشتهيه الكمر
الشيب خضر فوك رمشي وموحش اعليك النضر
شلون يالعباس تبطي وبيك متعلك خدر

من شوكي رحت الخيمتك هلبت اشم انفاسك
واكعد على ارماد الحرك صوره بخيال احساسك
ميت اعرفك وانتضر @ جدامك يجرني الشمر
ــــــــــــــــــــــــــــــــــــــ
الليل اهاته اعله زينب يالخذت كلشي ورحت
يالنمت فوك الشريعه بحالي باجر حسبت
ما كلت تنطرني زينب شلون يالكافل نمت
يابو فاضل حيل زحمه شلون اذا يمهم طحت

عباس من زلم الشمر خلو حراسه اعلينه
ولا خيمه تسترنه بعد يابو الوفه حاجينه
اطفال عالخد تنصطر @ جدامك يجرني الشمر
ــــــــــــــــــــــــــــــــــــــ
شلون باجر ياجفيلي الحسبه تاخذني وترد
خاف انطك خاف اعثر خاف بالكيد انجهد
وانت تدري اطفال عندي الطاح منهم ينمرد
ياجفيلي انوك عرجه وكلفه باجر تنصعد

ياخويه باجر عالهزل ياهو يرجب زينب
كبل السبي يابو الفضل رمش النواضر شيب
الشماته ماتعرف خدر @ جدامك يجرني الشمر
ــــــــــــــــــــــــــــــــــــــ
صافنه وعيني اعله دربك هلبت اعليه تحن
كلها عمه اتصيح بعدك والدمع شك الجفن
يا جفيلي شلون توكع واختك اتضل للحزن
الهيبه راحت وي جفوفك واختك اخلافك تون

يالكافل المدمع نهر والنهر لجماته جروح
لو باجر اطلع للسبي بياعين اشوفك مطروح
والدمع يالكافل نهر @ جدامك يجرني الشمر
ــــــــــــــــــــــــــــــــــــــ
الحيره تكتل يابو فاضل والوداع اعله الهزل
ابالي اشبكك من اشوفك لاجن ابجفي حبل
ياجفيلي شلون بيه وباجر اثجيل الحمل
ثنين ماسيطر عليهن كلبي وعيوني التهل

كلبي اعله فكدك مختنك يالجنت دوم ويايه
وعيوني ما بطلت بچي يابعد هاي وهايه
فوضت للخالق امر @ جدامك يجرني الشمر


بسام قابل الياسري

👆👆👆👆👆
لمن يجد صعوبة بالحن اي قصيده
اطلبه من👇👇👇
@moatmed2

صحت العون حسبالي يفزعون
لمّه وماوراه ليّـــــــــــه يفزعون
خواله گلت اصيحلـــهم يفزعون
صحت والفزع سوط الشمر ليّه
ــــــــــــــــــــ
مگطع لادوه يفيدك ولالم
عفتني لاابو ليّه ولالم
الجروح البيك يبن امي ولالام
لحد مامتت كلها تفور يّه
ــــــــــــــــــــ ــــــــــــــــــــ
بلارحمه الشمر يحسين عتّل
اليتامه وخوفي مو عالراح عالتال
شبجت العشره فوك الراس عالتل
وصحت وابلايه راس وگمت ليه
ــــــــــــــــــــ ــــــــــــــــــــ
زاد اعله البله ماظن گلبلاي (قل بلائي)
ومدري شلون ظل بالطف گلبلاي
اخيي من رحت يمه گلبلي
اعله اثر حافر بگلبه يدلي بيه
😭😭😭😭😭😭
ــــــــــــــــــ ــــــــــــــــــ
بالي الجنت بي من رحت وين تاه
مدري وگلبي كلها اجروح ونّته
انه ام الخدر عالهزل وانته
راس اعله الرمح تبجي عليه
ــــــــــــــــــــ ــــــــــــــــــــ
يسايج بالضعن منواك هاون
اريد انشد هلي ابممشاك هاون
مثل گلبي صحت ياگلب هاون
بجو ماشفت واحد رد عليه
ــــــــــــــــــــ ــــــــــــــــــــ
گعد يم ابنه حط الاه يماه
وذب اعمامته وينوح يماه
وي كل بويه ليلى اتصيح يماه
انعي ايگلها وانه البجي اعليّه
ــــــــــــــــــــ ــــــــــــــــــــ
لسان حال السيده زينب ع تخاطب الشمر لعنه الله

گبل مجروحه والطف لاجمتني
تبسك لوج سوطك لاج متني
طبع تتحامه واتطگ لو جيمتني؟؟
طگ بس رخّي جفك يم رقيه

علي محسن الزيادي

عافيتي طاحت من قصر عكبة اشيظل بالعافية
وحسين يمسح هامتي ويكلي باجر حافية
طيحت ابوي من القصر
طيحت من عيني العمر
عگبة اشيظل بالعافية
ــــــــــــــــــــــــــــــــــــــ
بنص الطريج اتيتمت من شفت عمي امكدر
حاجيتة شنهو الي جرة ضمني وبجة وتحسر
جاوبني ابوج من القصر طايح وجسمة مكسر
كلي البكة براسج لجن راس الحنين مطشر

باد الحجي بية وقوة صوت الدمع والنايحة
ضليت مصدومة وصحت يا ريت بعدك طايحة
من البجي اعيوني حمر
طيحت من عيني العمر
عگبة اشيظل بالعافية
ــــــــــــــــــــــــــــــــــــــ
شفت الفرزدق من اجة من الكوفة گاصد عمي
كلت اجة مرسال الابو هسة يصيح بأسمي
ويكلي مشتاك الابو وافرح وازيحاً همي
تالي الرسالة من القصر مجتوف ابوي ومرمي

من اسمعت ضاج النفس وشحزن روح الفاگدة
بچالة جنت مثل الورد هسة حميدة الراگدة
وردة ويبس بيها الجذر
طيحت من عيني العمر
عكبة اشيظل بالعافية
ــــــــــــــــــــــــــــــــــــــ
خبروني بس ما صدكت يهوة ويطيح العالي
بس بالخبر جلمت غدر مغدور ابوي الغالي
مرُسَل حبيب المصطفى أفراگة فرهد حالي
حزن العزيز اشكد صعب ما يحملهّ دلالي

امفاركتة انه صار اشكثر متأملة احضى بشوفتة
وعيني اگرها بشوفتة مو تبجي عيني لموتة
جنت انتظر بس شنتظر
طيحت من عيني العمر
عكبة اشيظل بالعافية
ــــــــــــــــــــــــــــــــــــــ
عاشوري بلش من كبل ما ينكتل عمي حسين
ومن كبل ما اشبع ضرب من البجي عمية العين
يا بعد بتك ما ترد عكبك اروحن لاوين
طفلة اني واتيتم صعب يا ريت ويلفني البين

تمنيت موتي بفركتك ولا ابقى عكبك خايفة
ولا امشي للطف وشوف الي كبل ما شايفة
ركضتنة بالطف الظهر
طيحت من عيني العمر
عكبة شيظل بالعافية
ــــــــــــــــــــــــــــــــــــــ
الطف ثجيل اشكد صعب والعدها ابو محتارة
وال عودها ميت تظل مكسورة وبلا چارة
باجر يحركون الخيم وانه اركض ومنهارة
من البجي ومامش ولي حتة احتمي بكتارة

الخيل من تهجم غداً ومرعوبة انه وشايطة
اركض وهجن بالفلة وشلون ركض الفاحطة

من يركض بظهري الشمر
طيحت من عيني العمر
عگبة شيظل بالعافية

(عبدك وابن عبدك) يا با عبد الله
حسين حيدر الموسوي

اوصفك بيش يل ماشافتك عيني
احلفك بالزچيه اعليك دليني
**********
دليني اعله وصفك تاه مني الراي
اريد اقره قصيده وخاف اقصر بهاي
عطشان لخدمتك اشد من الماي
بعيد هواي عنك ليك دنّيني
**********
ياراعي المصيبه البچَّت الجلمود
ويبو گلب الحنين المايرد مچبود
من اقره واخدمك موش بيه الزود
انته اللي تمدني وانته تنطيني
*********
انته اللي تمدني وشادلي حزامي
امحزّمني لخدمتك سيدي الضامي
يل ماوين اروح الگاك جدامي
خليني بخدمتك دوم خليني
**********
خليني بخدمتك مرتفع شاني
ناصي ومنبرك يحسين علاني
علاني ويه نجم سهيل ساواني
صرح مهدّم وبيديك بانيني
*********
بين الناس عالي وبعلو النجمه
خلف الله اعله تربيتك يبو اليمه
انه نقمه چنت سويتني نعمه
وانه بكيفك لوين تريد ودِّيني
*********
وديني لضريحك خل اشم عطرك
يمن ريحة الجنه اتفوح من گبرك
قدرك ما نعرفه الله ايعرف قدرك
يقرآن العشگ يامذهبي وديني
*********
گمر مو من شمس من الله اخذ نوره
چريم وماغفت خبزته بتنوره
روحي بمجلسك يحسين مسروره
مريض ومنبرك هوّه اليعافيني
***********
خادم الحسين ع
سيد غالب الرضوي الكربلائي

امتانيه يرجع ضواها ضلت العين
منين اجيب الفارگاها انشـد منين
يومي گاضيته نحيب. من فجر حد المغيب
امتانيه. امتانيه
****"**********
امتانيه ترجعلي يمته... العمر سكته
يخلص ابساع
خاف اموت وماتجيني... وياحنيني
يهزني كلساع

مشتاگه الك.. وتدري باليشتاگ مايسكت ونينه
مشتاگه الك.. وتدري اليفارگ ابد ماتغفه عينه

بويه چا يمته تجون. راح تعمه هالعيون
حيل عذبني الحنين. ها يبو گلب الحنون

امگابله الباب واتاني دگت الباب
امناطره اتلـگه غالـي من الغياب
هذا حالي يالحبيب من فجر حد المغيب
امتانيه امتانيه
************
الطير لو مايلگه عشّه.... يشوف نعشه
ويبقى حزنان
وچان عشّي بويه حضنك. ومن احضنك.
ينطيني امان

آنه بنتك... نبض گلبي ودمي كله اليسري بيه
آنه بنتك...مـن عـفتـني ادري بالك ضل عليه

بلحضة العني مشيت. صرت ميته ومادريت
شلون من بعدك اعيش. الفاتحه الروحي قريت

الدنيا مـاريـدنها والله التـاخذ اعـزاز
شلي بيها الخذت مني دوم اله اعتاز
موتي انتضره قريب. من فجر حد المغيب
اماتنيه. امتانيه
******
امتانيه وانطر خبرهم... وين حدهم
يمته يجون
اعزاز كـلهم فارگـتهم.... وياعطرهم
تارس الكون

احباب الي... مشو عني ومن مشو وگفت حياتي
احباب الي... من فارگوني فارگت كل أمنياتي

من بعدهم وين اروح. منترس گلبي جروح
الليل يخلص ما انام. الليل گاضيته انوح

طـبع اليـفـارگ ابـد مايـعـرف النـوم
ماتغمض عينه لحضه الشابع اهموم
اجروحي بعده ماتطيب. من فجر حد المغيب
امتانيه. امتانيه
****
امتانيه وامـنيتي هـيه..... يردون اليه
الچانو ضواي
وافـتح البـاب ابئديه..... والرقيه. انطيها ماي

اعزاز عندي... واعز من روحي لچنهم فارگوني
اعزاز عندي... وليش الاعزاز الاحبهم عذبوني
حيل غـدار الزمـان. ابد مابي كل امان
ثاري متعود يخون. وفارگاني اويه الحنان

راحـو وعـافـولي ذكرى اتعذب الروح
حسين ضل ابداري عطره بعده اليفوح
موحش امچانه وكئيب. من فجر حد المغيب
امتانيه. امتانيه
**********
ابلا ابو ولا اخوَه صعبه.... انعيش غربه
ابأي مكان
افـراگكم يـعـني انـتكـسّر.... وانتحسّر.
اعله الاخوان

مَرني حلم..... والحلم انطاني شفته اشكم علامه
مَرني حلم.... چنه مذبوح الولي وحگرو خيامه

كل خيامه امحرگات. وإله بالهيمه بنات
شفت فوگ التله حرمه. اتنادي احنه امخدرات

بعد ماحـرگو خيّمهن جابو احبال
التمو اعليهن شفتهن بين الارجال
وعالرمح راس الغريب. من فجر حد المغيب
امتانيه. امتانيه
***************
عمار حسن الدراجي....١٤٤١

روح الله وياك. يبـرالـك عـلــي
مـحروس بالله. بويه انت وهلي
بالسلامه اتعودون. بالسفر لتطوّلون
بويه انت وهلي. بويه انت وهلي
**
بويه مليت السوالف وادري ماامشي معاك
هاك اخذ گلبي يبويه تدري مايحمل جِفاك
ادري ماامشي بسفركم المهم عندي رضاك
حمّلت كلشي بضعنكم بس عفتني ابچي وراك

حاچـيني يابوي. وتانـيـنـي گـلـي
حته ابقى اتناك. بناري اللي اتغلي
انتضر لمن تجون. بالسفر لتطوّلون
بويه انت وهلي. بويه انت وهلي
*********
بويه حاچيني بصـراحه ارد انـشـدك ياامام
هم ترد بويه بسلامه ونرجع انعيش ابسلام
ليش دمعاتك يصبّن من گلت جـهزو الخيام
وتنضر العمتي العقيله شفـت بـعيونك كلام

چن عينك اتگول. اتحضرن ياخيم
لا لا تـطـيـحـيـن. لو طـاح الـعـلـم
والمهم من تمشون. بالسفر لتطوّلون
بويه انت وهلي. بويه انت وهلي
*******
گـلي تانـيـني اعـاود چـلـمه منـّك بويه اريد
وعد تنطيني تردلي خلي روحي اشوي تهيد
ليش ماتحچي يبويه بكربله اشضملك يزيد
الكوفه صارت خاف بيده وعالحرب ناوي اكيد

لتروح يحسين . اجل سفرتك
لاســـامــح الله. لورادو رگبتك
واعليه لا ميهون. بالسفر لتطوّلون
بويه انت وهلي. بويه انت وهلي
*******
شگد حچيت اوياك بويه وچلمه وحده ماحچيت
ضهـرك انطـيته اليه واحس بيك انته بچيت
وارفعت راسك تعاين بالسمه مدري اشرأيت
روح بويه ايحرسك الله "ابهل اتى" انه دعيت

يـاربْ يــرحــمــن. اسألك الصبر
تحرسلي الحسين ويردلي بنصر
يانور الاعيون. بالسفر لتطوّلون
بويه انت وهلي. بويه انت وهلي
********
سـلّـمت للباري امري وراح اتانـيـكم تــجون
مااريـدن صوغه منـكم صوغتي انتم تكون
ومااريد اتصب دمعتك ادري بگليبك حنون
ياحُـسـين اللي يحبك يوصل الحد الجنون

عشاگك اهواي. يارب العشگ
چابنتك اشلون. عـنـها تفترگ
للعليله اترجعون. بالسفر لتطوّلون
بويه انت وهلي. بويه انت وهلي
********
عمار حسن الدراجي/١٤٤١

نِعــٌيِّ بِلََّـسأّنِ حٌـأّلَ أّلَربِـأّبِ


صٌوِبِـنِـيِّ أّلَدِهِـر وِأّلَبِـيِّنِ َّسهِمَيـِّنِ

صٌأّبِـنِ چبِـدِتّـيِّ وِتّـرأّدِهِ حٌأّلَــيِّ

صٌوِأّبِګ يِّأّلَوِلَدِ وِصٌوِأّبِ أّلَحٌَّسيِّنِ

عٌزِّيِّـزِّ أّنِتّـهِ وِبـِوِګ أّلَعٌلَــيِّ غٌأّلَــيِّ

لَأّ صٌبِـريِّ أّلَيِّفِّيِّـدِ وِدِمَعٌـةّ أّلَعٌيِّنِ

وِلَأّ نِوِحــٌيِّ وَِّسـهِر هـِمَ أّلَيـِّأّلـــَيِّ

يِّضّلَ رَّسمَګ يِّيمَهِ وِيِّأّيِّ ګلَ حٌيِّنِ

وِذّګـر حٌَّسيِّـنِ مَأّفــِّأّرګ خَيِّأّلــَيِّ
*****************
أّلَـوِجِ مَـنِ أّلَأّلَـــمَ صٌأّبِتّنِـيِّ عٌلَتّـګ

مَأّفـِّأّدِ أّلَصٌبـــِر يِّوِمَيــــِّةّ تّګبِــر

أّنِـوِحٌ وِبِأّلـــَګلَبِ تَّّســعٌر جِمَرتــّګ

أّصـٌبِ دِمَعٌيِّ عٌلَيِّهِهِ نِوِبِ تَّّسعٌر

ګــلَ ضّنِـيِّ تّبـِردِهِـــهِ عٌبِرتّــــــګ

ضّلَـتّ لَهــِبِ بِأّلــــــدِلَأّلَ وِجـــِر

حٌصٌرهِ أّبِګلَبِيِّ ضّلَتّ مَأّنِضّرتّــــګ

مـَنِ َّسهِمَګ ګطّعٌ مَنــِګ أّلَمَنِـحٌر
======================


كلمات الشاعر الحسيني
جاسم محمد الطائي الكربلائي

#نعي_ليلىٰ_ماذا_تقول_لولدها
    علي_الأكبر عليهم السلام



اه يبني سافرت بس للمنيه

انه ادري رحلتك ما منهه جيه

من فكدتك اسودت الدنيا عليه

ما اصدك رحت يوليدي من اديه

انسه برك كل صباح وكل مسيه

من تجيني تنحني وتبوس اديه

يا حياتي منين اجتك هالبليه

اني بعدك كمت اتمنى المنيه

===================

داري وحشه جيه مكانك بيها خالي

وين اصدن صورتك تظهر اكبالي

حتى صوتك ما يفاركني يغالي

لاني انسى ولا تنسيني الليالي

من أشاهد ربعك يزيد انفعالي

اصفك ايدي وانظر ايميني وشمالي

ودمعي يجري وتبجي الناس اعله حالي

دوهنتني ومنشده للدوم بالي

=====================


    كلمات الشاعر الحسيني
جاسم محمد الطائي

البچي اشينفع يتارس گلبي حنيه...
الحجر يبچيك وآنه احساس مابيّه

أذوب ابمستحاتي اعليك ما مجروح
واجروح اللي بيك الف وتسعميه...

اشما أنطيك احس ماخذ يضي العين
واخاف اوياك مامش صافيه النيه..

لئيم ابحالة الما ينحسد هيهات...
أحسْب اهوايه أنطي وتطلع اشويه..

شمسوي اويه أهلك..گلي بالله ارجوك
..وتروينيِ امقابل تعطش ارقيه..

وانا ابصفنات ليلي اليلّا بيه ابچيك..
اشتسوه ادموعي يم ونات مسبيه..

أحلفك..ماي وجهي اتبخرت مولاي..
الخاطر گصتي رد يا هيبتي الميه..

اشأسوي وياك..هم ظامي وأطلبك ماي!
وهم عاري وأنشدك بالشمس فيّه...

جرح خليني اعيشك مو تجاره اتصير
وعليك اتباچه وآخذلي اكراميه...!

إخنگني ابعبرتي وگلبي شَبعه آهات..
وهوه المو شهگه لجلك حَرمه عالريه..

طلگ بسمتي امن اشفافي لو حل ليل..
واخذ نوم الهنا امن اجفون عينيه....

وخرْس الساني عن كل چلمه غير الآه..
كون امن احچي بس اقرالي لطميه..

وظهري احنيه عليك الحد يغار القوس..
يمن أمك تفز كل ليله محنيه...

عليك ابهمها إمحي الروح..خلي اجروح..
بلچي اذنوبي احسها اوياهه ممحيه..

لأن هم لو متت حالف أظل اعليك..
أنوح وگبري يصفالك حسينيه...


#السلام_عليك_يااباعبدالله

يوسف صوفان

بين الخادم وامامه الحسين عليه السلام
.....
عدل مشيتي بخدمتك ماريد اتيه مشيتي
خليني اعيش بدنيتك ماريد اعيش بدنيتي
علمني احجي احجايه العدله
الما علمته ايظل امبهذل
علمني شلون اعدل روحي
الخدمه اتريد انسان امعدل
.......
افضالك اعليه شكثر يا ضاوي دنيانه برمح
شنطيك يامن قدمت الف وتسعمية جرح
يحسين وتدري بتقصيري
شلون اوكف كدامك باجر
اني الطم صدري بجفيني
وانته بصدرك يلطم حافر
......
ارزقني طيفك سيدي تبجي ارد اشوفك مبتسم
مو الا اشوفك بأكملك شوفني خيط امن الهدم
رايد منك نظرة الحالي
حسسني انك قابل بيه
يحسين تقبل دمعاتي
انته هواي واني شويه
.......
طوفان يحسين الوكت وانته التحامي امن الغرك
لتعوفني اغرك وانجرف شدني بشبابيجك علك
تيهني بس كون بصحنك
حدي امن اعتابك لعتابك
يحسين وتجلوبة اعمه
خليني مجلب بثيابك
.......
خادم الك يا سيدي واتمنه اصيرن عابسك
كل ما اموت بدنيتي الكاني حي بمجلسك
هواي دروب الدنيا وتدري
شفت الافضل منهن دربك
يالتقسملي لصحنك اوصل
اقسملي بيوم اوصل كبلك
....
خليت لك كلبي وقف واتشرف بهذا الفعل
ما عندي غيرك سيدي انت الاصل وانت الفصل
عبدك وتسيرني بأمرك
ضلمه وبس انت تدليني
كلما بيه ابين اجفوفك
شتريد بكيفك سويني
...
ميثاق الحمداني

الله يساعد قلب زينب //ع//

تميل الهزله مايرگد .. حملها
واصد الناگتي ماكو .. حملها
فرگتك گوه دلالي ... حملها

مشيت وگامو يشتمون بيه
÷÷÷÷÷÷÷÷÷÷÷÷÷÷

دليلي استعر ياعباس .. طفله
ودمع ودموم جفن العين ..طفله
اخبرنك بقت بالشام .. طفله

ادفنتها وجيتك اشكي الصار بيه
÷÷÷÷÷÷÷÷÷÷÷÷÷÷

امر كل المحن فكدك .. وشدها
ومثله ماجرح يحصل .. وشدها
عيني شافت الطفله .. وشدها

وماتت من عگب عينك رقيه
÷÷÷÷÷÷÷÷÷÷÷÷÷÷÷

((✍الشاعر رعد الجريخي✍))