#تراث

انده وارد اوجه انداي يم المرتضى حيدر
وحچيله اعله هظم الطف يسمع هالحچي يكدر
ــــــــــــــــــــــــــــــــــــــ
اريد احجي على هظم الطف واريد المرتضى يسمع
وگله عگب عين حسين العسكر عالفواطم دع
ولن بيــن الـزلــم والخيل زينب يــاعلي تطلع

تصيــح وتصفــج الجفين
يهل الله الـطــريــج منين
اريد اوصل لخوي حسين

واخد معصبي بيدي واكله راحت الخدر
ــــــــــــــــــــــــــــــــــــــ
اكله راحت الخدر لخويه وانتظر شيگول
واكله جيتك وخليتك على خيامك الخيل تجول
يكوم انشا الله وياي اخوي انچان مو مچتول

يحيــدر هــاي حــالتها
غريبه وفاجده اخوتها
تعال وشــوف مشيتها

تگوم وتوگع وتنده احظر ياعلي احظر
ــــــــــــــــــــــــــــــــــــــ
احظر ياعــلــي تــنــده ولا هــاشمي اليسمعها
اعله خوها تنشد العدوان زحمه الخـدر يمنعها
تالــي توجهت للتــل وجــمــر الهظــم يـدفعها

مشت زينب على كل حال
ولو ما چــانــت اعله البال
صــاحــت هــاي ما تنشال

كلفه طلعتي كلفه يبويه بين هالعسكر
ــــــــــــــــــــــــــــــــــــــ
مشت زينب تريد التل ولعيون العده بانت
عليها گلوبهم لانت وعليهــا هــاي ماهانت
زينب واجفه اعله التل (هاي ابالمن چـانت)

فــوگ التل تگـع وتــگــوم
وعلى مصرع وليها اتحوم
ول ول يازمــان الــشــوم

هاي ام الخدر والعز بالوديان تتعثر
ــــــــــــــــــــــــــــــــــــــ
يحيدر زينب على التل شدة حيلها او وگفت
الخيمها تلتفت نوبــه ولخــوهــا نوب تتلفت
تصد للخيم تلهب نار وبحسين العــده حفت

تعال وشوف بيها اشصار
تــصــد للخـيــم تلهب نار
تــصــد لعيالهــا طــشــار

وتصد لحسين راح حسين من هاي اشبعد شكثر
ــــــــــــــــــــــــــــــــــــــ
زينب بگت محتــاره لخــوها تــروح شيردها
ولو راحت لخوها تخــاف عن الحرم ينشدها
زينب بين اخوها حسين وعياله الدهر شدها

لاتــكــدر تــصــل لحسيـن
ومتدري الحرم هجت وين
ضـلــت بس تــديــر العين

مذهوله تشوف النار بخيام الحرم تسعر
ــــــــــــــــــــــــــــــــــــــ
زينب صاحت ابحرگه وغدت تعتب على ابن امها
تكله مخدراتــك هاي شــبوا نــار بخيمـها
يخوي اطفالها الهجت يبو السجاد شيلمها

واختك ركد منها الحيل
وتتــلــفــت ابين الخيل
والي اتريد گـبــل الليـل

يلم الخدر ويجمع اطفال التايهه بالبر
ــــــــــــــــــــــــــــــــــــــ
بجت وتصيح وين حسين اخوي انچانك حي گوم
على بختك يبو السجاد يبن امي ولتنه الگوم
ناداها بضعيف الصوت يختي الامر ليج اليوم

اعيالي توزمي بيها
والاطفال احفضيها
يزينب عينچ عليها

يختي ومن عگب عيني عينچ عالحرم تسهر
ــــــــــــــــــــــــــــــــــــــ
ومن چلچل عليها الليــل زينب جمعت العيله
وسكنه اگـعــدت يم رمله وام چلثوم يم ليله
اعله زينب ليلة المرت شكول آشمرت آشليله

تون زينب ومهضومه
گامت گصدت الحومه
صاحت يخوتي نومه

وعدكم حرم سهرانه وعليها العده تفتر


المرحوم الحاج
مُعين السباك

#اللهم_عجل_لوليك_الفرج

فزعة ..وميدان الرجولة ايريد اليوافي
فزعة ..والعزب نحر كلولة مو كافي
حبيب اطلق خطابة
وشعل جمر الصحابة
ــــــــــــــــــــــــــــــــــــــ
خطاب ..حبيب..شعل جمر الحرب وانطلقت الثورة
انطلاق ..مهيب ..والعلام الاهي زينب اتصورة
قتال ..مخيف.. حسب مانقلت اخبارية الحورة

اسود حسين ثارت
اشتباك سيوف صارت
اشكثر هامات طارت .. الارض روس انملت

عذاب الله نازل
على هيئة مقاتل
حسب قول ابو فاظل..الحرب توهة حلت

كلهم..دك بوق الحرب قد حانت الوكفة
كلهم..وين الي يعرف الموت ويعرفة
الحرب عجت ترابة
وشعل جمر الصحابة
ــــــــــــــــــــــــــــــــــــــ
رجال ..فحول..فزعتهم على الطف رفت شوارب
انقضاض ..اسود..ابميدان الزلم من نزلت اتحارب
اعلنوه ..شعار..يشرب دم عدوة الماي ماشارب

الحر حر ابنزالة
برير البر قتالة
وهب واهب حلالة..ترك مرتة وفزع

هنة بميدانة هاني
زهير ازهر لماني
فدة السبع المثاني ..ركبتة وماجزع

ثارو..بركاب الزلم ضل ياخذ الصارم
ثارو.. كلبوهة وبعد حصة كمر هاشم
بعد ماشن ضرابة
وشعل جمر الصحابة
ــــــــــــــــــــــــــــــــــــــ
شباب ..مشيب ..عمرو ابن جنادة وجون فد همة
اتفاق ..عقول..والنية فقط مرضات ابو اليمة
اخاء ..بحيث ..واحدهم لغة اسمة حسين ضل اسمة

زلم بيهة العجايب
فرح عدهة الحرايب
يطبوهة الطلايب..اذا دم اشتهت

زلم وكفت مناحر
ال الا هل من مناصر
يردون البشاير ..بعدهة وماخلت

ناصر ..لو نادة لحسين وراد الينصرة
ناصر ..يطلعلة بطل لبيكم ايبشرة
فتح للموت بابة
وشعل جمر الصحابة
ــــــــــــــــــــــــــــــــــــــ
ابزمان ..شحيح..بي غصن الرجولة من الزلم يابس
انسمع..زئير.. وطلع مثل الاسد يطلب اذن عابس
ابصليل.. سيوف ..مالابس درع كلبة درع لابس

ايعرف فن الميادين
ولا من المجانين
لجن من شاف الحسين .. يفّزع جننة

تصيح الوادم انجن
لجن عاشك تفرزن
دليلة للحرب حن ..الحرايب موطنة

عابس .. علية كالو تجنن مادرو هايم
عابس..وصل اعلى مراتب عشك ابن فاطم
عشك مزك ثيابة
وشعل جمر الصحابة
ــــــــــــــــــــــــــــــــــــــ
بدر ..حنين..ماشافت مثلهم اي حرب صحبة
طبع ..البشر..للركبة تصاحب همة بالركبة
الكصص ..ندة ..صارت وكت ماجانت تصح شربة

بشر تملك ارادة
مثلهم ماكو اعادة
يعشكون الشهادة..مدارس للوفة

شيوخ وعز عشائر
لجن رخصو مناحر
ابشحيح ارجال صاير..والزماط اختفة

طلعو..وفتحو مدرسة للتضحية الكبرة
طلعو.. وتوكلو على الله وفاطمة الزهرة
الطلع يعرف ثوابة
وشعل جمر الصحابة


ذوالفقار الزيدي

يا حسين....
انت بين اعيوني واكف
معبّر وبذنوبي عارف..
ياحسين...
انت مرسول الجلاله
وانت فضله وكل دلاله
ياحسين...
انت قربان المدينه الباعت الله ابليله غبره...
وانت قبطان السفينه البيها عبدالله انطه نحره!!
ياحسين...
ياهو يسوه وتحني جبدك بالعطش
ياهو يسوه وظهرك اعله الشط رعش
...........
ياحسين
انت مستقبل خواطر
وخنصرك يرسملي باجر
ياحسين....
اتخطط النه اباجي دمك
واحنه نسهو براحه يمك
ياحسين....
لا تسامح من بچينه لو عشكنه ابنزوه غيرك
احنه ندري جرحك اكبر من علونه وناصي خيرك
ياحسين....
ياهو يسوه يلوح خيرك بالبشر
وياهو يسوه اتخلي روحك بالخطر

ياحسين....
انت يم الله مجانك
يالفضت انت ابحنانك
ياحسين...
النيه من عندك عقدهه
روحي اخذهه ولا تردها
ياحسين..
هاك اخذ روحي رهينه وخلي بيها اليعجب الله
وشرب اسنيني متاهه وخلها تركض فوك رمله
ياحسين...
ولا اشوفك تنطي ظهرك بالعتب
استحي منك واروحن مو تعب.....


ياحسين...
انت قاموس الطلاسم
انت معجم بس بلاسم
ياحسين..
بلسَمّك يشفي المشانق
ويزهگ البسمك ينافق
ياحسين...
انت خليت الاسامي تحله من يسبقها خادم ...
وانت نفسك البقيت اهناكه تندب هااا يوادم....
ياحسين...
يا غربتك خلفت ديرة وطن
يا محنتك من تعاين عل الظعن
وراح الظعن..


علي قيس الوريد

رايح ينبضات العشگ
يا يمة باچر لو صدگ
من تمشي يا لون الندة
گبل الخيم ابدي احترگ
____
من گد الامتانة الصبح.… يتشگگن رجلية
ع الگاع باچر تنچفي………حنتنك والحنية

يمنشف انجوم سماي
شاغت محاچينة هواي
ما تنترك چنك ماي

گالوا زغير اعله العرس
بس تارس اعيوني ترس
بس اليعرفك يرغبك
هو انت هم مثل الصدگ
_
لا تترك اجفوفي الامس. عرگت بخت يم ايدك
وعيوني التصب مستحة . مو تدري بيها تريدك

توجعني دورة مگفاك
خذني ارد اطيحن وياك
لا تنسة ما اتناساك

وعيوني التنگط بچي
حدر الرمش نگعت حچي
دنگت والشيب انتچة
راس اليدنگ هم عثگ
__
بس انت عدي والوكت… طالبني بيك طلابة
يبني يجاسم لو متت … باچر اشد عصابة

باچر يوازيك الموت
واحنة بدواوين نفوت
باچر يخنگون الصوت

مامش عرس باچر سبي
وتدمّر اتراب العبي
باچر چفافيك الخضر
بالخيمة ينسحگن سحگ
_
باچر يخربون العرس…… وامك تكض عوچية
واشموعك تموت بهوة…… وتابوتها الصينية

باچر يدوسنها الخيل
وامك تدوّر ع الحيل
ايشور ترة بچيي الليل

يوليدي بي حوبة الدمع
ويعثر الطفة الشمع
شيلحگك انت لو طحت
طبع الدمع ما ينلحگ
__
باچر يعورني الهجر……… و ايد الحزن تچهبني
نيشانك وثوب العرس…… باچر ترة ايغثنّي

بسيوف طولك ينباگ
واهدومك اترسها اشباگ
حظني يرف من اشتاگ

يا بعد شوغات العمر
شيعوضة لو مات البزر
ماكو هلاهل لا فرح
عرسك ترة ضيجة خلگ
____
علي هادي الخزعلي

#تراث

ابوذيات


أنه أم الأربعه إلما خطو بالري
إو سيف إمصابهم بالضلع بـري
إو سهم الخامس المنچتم بري
حسين إو أعز من عدهم عليه

أنه أم ألأربعه إو تدرون منهم
بهاليل إو شمل عالناس منهم
ذخرهم خاطري وإنحرم منهم
بعت دمهم عله الزهره الزچيه

إلچ يم ابنين النوح والوان
إو دمعچ ما يسدّه الروف والوان
إشلون أربع إهروش إذبلن وألوان
من گلبچ إبوادي الغاضريه

آنه أم البنين الطاح مبناي
ضحيت الوجود حسين مبناي
إيروح ألأصل ويّه الفرع مبناي
وأظل إمحيره وأصفج بديه

النوايب بنت دار النوح يمنه
إو ارح الچان للدلال يمنه
سيف الگطع للعباس يمنه
گطع گلبي إو هدم بيتي عليه


المرحوم الحاج
كاظم المنظور الكربلائي

#اللهم_عجل_لوليك_الفرج

حيالله حيالله الانصار..
ــــــــــــــــــــ
دخنت روس الزلــم عالمــو زلــم..
خيل شبكت خيل من صارت ردم ..
عــركه والكايدهــه شيــال العلــم ..
ياهو منكــم يحلم يشوف الخيـم..

شيخ الانصار انتفض.... العطوة من عدهم رفض
يالي حته عمامته دخنت غضب...
ــــــــــــــــــــ ــــــــــــــــــــ ــــــــــــــــــــ
حيهــم ازلام الكلايــف والشــدد
حيهــم المابيهــم اكليبــه ارتعـــد
هـــدو اعله المالهـم بلخوفه حـــد
زلـــزلـــوهه ابقل هــو اللــه احــد

كلبو اعلوم الزمن.... والحرب صارت طحن
يالملچنين المراجل بالحرب
ــــــــــــــــــــ ــــــــــــــــــــ ــــــــــــــــــــ
غيمة سودة وترست اكتار السمه
شلون ينكحمون وكــت الموزمــه
صاحــو السبعين والموت احتمــه
احنــه المجانيـــن ببنــج فاطمـــة

احنه سودنه العشك.... لخاطرة الطف يحترك
نار احنه وجيشهم كله حطب
ــــــــــــــــــــ ــــــــــــــــــــ ــــــــــــــــــــ
ركضه صارت والزلم صارت شبك
وشدهه عابس والطبول اتضل تدك
نزع هدمة وصاح خبلني العشــك
والثجيل البيكم ابرجلي انسحك.

من الركض بجه الفرس.... صنطه صارت لا نفس
الخيل ماتت كرماهه امن التعب
ــــــــــــــــــــ ــــــــــــــــــــ ــــــــــــــــــــ
خنكه صارت سدو أبواب الهــوة
ذولـــة زلــم حسين بجو نينــوة
الطف مريض وسيفهم صاير دوة
حارين وكلشــي بالحومة  انجوة.

والعگل تنكط حمم.... شيله لبسوهه الزلم
َهاي فركة ذان مو غيض وغضب
ــــــــــــــــــــ ــــــــــــــــــــ ــــــــــــــــــــ
(يا زهراء)
✍️عباس أديب المالكي

الطاوية انسرجت يزينب..والحرب توهة حلت
عود سدوهة الشريعة...حسبي ليج اتسجلت
انه قاري القارعة
والفتح للمشرعة
ــــــــــــــــــــــــــــــــــــــ
اذن اذان المعركة ولبيت داعيهة ابشر
موهسة متحضر انة من الزغر متحضر
عشّاك حر المعركة وراح امشي ليهة تبختر
الشارة تسطر من جهة والسيف منا يسطر

الطلعة هاي من الزغر ناويهة
وانة بايع روح حتى اشريهة
خبطت ومحتاجة ليصفيهة

الحرب مشتهية سيفي..وراح اللبي المشتهة
بواهس السيف ويحيلي..الجيش راح انتيهة
حان دور الواقعة
والفتح للمشرعة
ــــــــــــــــــــــــــــــــــــــ
سبعين الفهم مو رقم عدج يفوق السبعين
ابسبابتج تارك امر وبكيفج انتي اتامرين
اشريلي بيمن ابتدي من جيشهم يسرة ايمين
وبحسابج اعتبري انفنت ياهي العليهة اتاشرين

مااهم بالجيش اهم بحاجتج
وعلكت عمرة بطرف سبابتج
وغايتي اطلع حتى احقق غايتج

انة فصلت المناية..بيا جهة اتاشرين اطب
دور عزرائيل ماخذ.. وراح اطبن للحرب
الزلزلة الهم طالعة
والفتح للمشرعة
ــــــــــــــــــــــــــــــــــــــ
صديلي من طرف الخيم بعيونج وشوفيني
شراي طبيت الحرب دافع ثمن جفيني
لو كطوعو اشمالي ابغدر شوفي شتسوي ايميني
دكيت صدري الحيدرة واليوم اوفي ابديني

داك صدري اكبال ابوي ابغيرة
واله اخلي الطف يعيش بحيرة
راح افطر الكاع بالتكبيرة

صاعدة الغيرة اعلة راسي..وخلت الشارب يرف
اليوم كاع الغاضرية..تنسكي من النزف
السيف رتل نازعة
والفتح للمشرعة
ــــــــــــــــــــــــــــــــــــــ
الروس اذبهن من جهة ومن جهة اتطيح الاجساد
نار ودخلت اعلة الحطب والحطب تاليتة ارماد
لوشفتي بيهم عامري الخندق اعتبري انعاد
لوهند خلفت شرذمة هم حيدر امخلف اولاد

لوهند ردت تطالب ثارهة
هم نرجّع للحرب كرارهة
وبدر ترجع للكفر بخبارهة

حيدر مخلف مراجل..زلم شراية ركب
ويبقة راعب ال امية..صيت قتال العرب
الطبع خلف طابعة
والفتح للمشرعة
ــــــــــــــــــــــــــــــــــــــ
راح اكوف اعلة المشرعة وخنك الماي ابجودي
ومناك اصيحج مبتشر زينب وفيت اوعودي
جفوف الميرولج عطش مايبقن اعلة زنودي
الماي صاير مكصدي وراح اوصل المكصودي

المايجيب الماي يروي سكينة
ثقي متضل علزند جفينة
وبعد يطفيلج يزينب عينة

خوية لو ما اروي سكنة..جفوف ميضلن علي
لو اجيب الماي بيد..لو بعد شلي ابأدي
اله اضيك الواسعة
والفتح للمشرعة


ذوالفقار الزيدي

إعلان (ويبقى الحسين)

***
إلى خدام سيد الشهداء ع
كافة في جميع محافظات
العراق وبغداد
سيتم وعلى بركة الله
وتوفيقات صاحب الزمان ع
توزيع ديوان عش ال محمد
للشاعر محمد الجماسي
بغداد / حسينية الحاج رحيم مجيسر
الاربعاء الساعه الثامنه مساءا
أما المحافظات والمندوبين عن التوزيع

محافظة كربلاء المقدسة

1..ملا معتمد الشمري/ 07735395200

،،،،،،،

محافظة النجف الاشرف

1..عدنان عبد سرحان الكرعاوي/ 07801441180
2..الكوفة/ ملا حاكم الشمري 07822576723
،،،،،

محافظة الكوت

1..الكوت..والحي/ ملا علاء العكيلي 07725272022
2..العزيزيه/ ملا محمد علي آل جعفر 07719300260
3..النعمانية..والشحيمية/ملا ضياء القريشي 07722294092
4..شيخ سعد/ ملا حبيب الكليبي 07717167952
،،،،،،،،،،،،،،،
محافظة السماوة

1.. الغربي الاول/ ملا ميثم السماوي 07801729739
2..الرميثة/ ملا محمد مردان التركماني 07725540799
3..قضاء السوير/ملا مناف السماوي 07725544514
،،،،،،،،،
محافظة الناصرية

1....قضاء النصر/ ملا محمد القره غولي 07830835048
2..قضاء الاصلاح/ ملا حيدر عباس الناصري 07723906959
3..سوق الشيوخ/ ملا علي الترابي 07822625306
4..الشطرة/ ملاسيف السنجري 07812163748
،،،،،،،
محافظة ديالى

1..جيزان الامام/ أستاذ جواد..07711272105
2..الخالص والخويلص/ ملا أحمد حكيم الخالدي 07706233244
،،،،،،،،،
محافظة بابل

1..سيد عامر ابورغيف/07733883676
2..قضاء الهاشمية/ سيد علي الموسوي 07803596390
3..ناحية الكفل/ ملا وسام العبادي 07723663276
......

محافظة ميسان
1..مصطفى المياحي/ 07826272000
،،،،
محافظة الديوانية

1..ملا حامد الشيباني/07714256252
2..المشخاب/ كلا حيدر الغزالي 07830889112
3..غماس/ملا علي الشهابي 07800723313
4..المهناوية والشامية/ملا منصور الوائلي 07827790712
5..الديوانية/محمد عبدالحسين الحميداوي 07825006352

محافظة سامراء

1..الدجيل وسامراء/ ملا منار الكناني 07725916261
،،،،،،،،
محافظة البصرة

1..الطويسه/ ملا وليد المنصوري 07712665335
2..قضاء الدير/ ملا حسين باهض الحلفي 07710865191
3..القرنه والمدينة/ ملا علاء سعد الكعبي 07703989278
،،،،،

يهدى ثواب هذا العمل
لتعجيل فرج مولانا
صاحب الزمان ع
ومن الله التوفيق...

منهاج محرم ١٤٤١

سـيـرنـي بـخــدمــتـك لا تخـيـرنـي
خـاف الدنـيـا تغـويـنـي وتغـيـرنـي
عليـك بشوغـة اطفـالـك
أريـد اخـويــدم ابـقـالـك
خـاف الدنـيـا تغـويـنـي وتغـيـرنـي

هـذا أنـه الـولا شـي وانـت كلـشـي انـته
رحـمـه وعافـيه وخـيـر
ﭽـنــت تـايـه وحـبــك لــمَّـن اعــرفـتـه
صـارت حـالتـي غـيـر
شـفـت الـراحـه يـمـك....وغِـنانـي بكلشـي اسـمـك
ويتعبـني حـﭽﻲالنـاس....وتجي الراحه امن اكلمك

ولا ﭽـنـك ولا يـنـعـدن اجـروحـك
لليـنخـاك تنطـيـه حتى مـن روحك
واجيت ابطلبتي اﮔبالـك
أريـد اخـويــدم ابـقـالـك
خـاف الدنـيـا تغـويـنـي وتغـيـرنـي
ـــــــــــــــــــــــــــــــ1ـــــــــــــــــــــــــــــــ

تـحـب النـاس هــذا وذاكــه بـس أنــه
امـأمــن قـافــل العـيــن
ويـلـومـونـي شكثـر ما صرت ويانـه
واﮔـلـهـم ويـه الحسيـن
لحـســيــن انـتـمــائـي....اجتـمـاعـاتـي بعـزائـي
مـا أمـلـي استمـارات....اسـتـمـاراتــي ابـكــائي

غـيـرك ما شفـت بالدنيـا شـي يـسـوه
كلـشـي البيهـا مُـر بس خدمتك حلـوه
وانْه الحيل الإلي بجالك
أريـد اخـويــدم ابـقـالـك
خـاف الدنـيـا تغـويـنـي وتغـيـرنـي
ـــــــــــــــــــــــــــــــ2ـــــــــــــــــــــــــــــــ

أخـدمـك ودي بـس ومـا أريـد أكـثـر
وشـﮔــد اليـخــدمـوك
خـاف بكلمـة احسنـت انسه واتغـيـر
لا تطـردنـي أرجـوك
مـن تطـردنـي يعـنـي....كلـشي انسـلـب مـنـي
عندي ليـوم الحسـاب....بــس كـلـمــاتـي ذنـي

أنْه الكـلش ضعـيـف وانتـه ابـو اليـمـه
النـار تـريـدنـي ومـنــك ردت رحـمـه
يالـمـا تـرفـض الجـالـك
أريـد اخـويــدم ابـقـالـك
خـاف الدنـيـا تغـويـنـي وتغـيـرنـي
ـــــــــــــــــــــــــــــــ3ـــــــــــــــــــــــــــــــ

أﮔـلبـهـن أيـامـي وكـلـشـي مــا أﻠـﮔـﻪ
عـالـدنـيـا العـمـر راح
ويطـمـني اﻠﮔـلب لحسـيـن بـي حرﮔـه
وأئـمَّـن وأهـده وارتـاح
ويـﮔـلـي شكثـر واهـس....عــنــدك بالمـجـالــس
عالاكـثر باﭽـﻲ لحسيـن....بـالـجـنــه الـتـنــافـس

وانْـه البـاﭽـيـلـك ومــا دورت شـهــره
كـل الردتـه والـله بس رضى الزهـره
وهاضـمني الجره لحالك
أريــد اخـويــدم ابـقـالـك
خـاف الدنـيـا تغـويـنـي وتغـيـرنـي
ــــــــــــــــــــــــــــــــ4ــــــــــــــــــــــــــــــ

تخَجـلـني وعـلي بـﮔـد ما تـداريـني
ومـا تنـسـانـي وانسـاك
بغـيـرك ألـتـهـي ولـمَّـن تـلاﮔـيـنـي
نـفـس الملـﮔـﻪ مـﻠـﮔـاك
ولا ﭽـنـي النـسـيـتـك....امـقصـر مـا اجـيـتـك
واﮔـلـك عذراً اتـﮔول....يبني الحضـره بـيـتـك

ومـن ﮔـدمـا نسـيـتـك حاسـب تذبـني
لـن أسـمع ضـريحـك يـا هـلا بأبنـي
وتطلب شعري واقرالك
أريـد اخـويــدم ابـقـالـك
خـاف الدنـيـا تغـويـنـي وتغـيـرنـي
ـــــــــــــــــــــــــــــــ5ـــــــــــــــــــــــــــــــ

عـبـدك سـيـدي ومـا اريـد تعتقـني
خـلـيـنـي عـبـــد دوم
بـس بخـدمــتـك مــولاي وفـقـنـي
ما اريد ابقى محروم
المـا ردتـه شـيفـيـده....ولا واحــد يــريـــده
ذليـل يعـيـش والـله....المــد لـغـيــرك أيـده

خـلـيـنـي اخـدمــك ويـن مــا تقـبــل
أنه بدونك وحـﮔ الزهره حيل انــذل
مــا مــش سيـد ابــدالـك
أريـد اخـويــدم ابـقـالـك
خـاف الدنـيـا تغـويـنـي وتغـيـرنـي
ـــــــــــــــــــــــــــــــ6ـــــــــــــــــــــــــــــــ

أحمد البصراوي العبادي

الضاگ ملحتكم كفر ينساكم
شحال المگضّي العمر وياكم
********
الماكل بماعونكم بخته چبير
ومايخون الزاد اذا صاحب ضمير
العنده والماعنده يم چفكم فقير
وهذا بس البي بخت يلفاكم
********
اليگصد لبيبانكم شانه الشرف
ومايچيل ابچفه بشليله غرف
ويرد رافع راسه جدام السلف
وابد ماخاب الذي ينخاكم
***********
عدكم الچانون مايوم انطفه
العنده عِلَّه وشرب گهوتكم شفه
الخابط اليوصل لعد حدكم صفه
المايل اتعدلونه من يدناكم
***********
يا اجاويد واهل للغانمه
الماعرفكم ماعرف رب السمه
الماشرب حبكم گضه سنينه بضمه
يالحويتو الزينه كلها احذاكم
************
بيتكم جدامه كل صرح انهدم
يالكرمكم عگب كل اهل الكرم
الحرف من السانكم ينگط حكم
فاز دنيا وآخره الوالاكم
*************
ياملاذ الخايف ومأوى اليتيم
لاملك يوصل فضلكم لاحكيم
ولانبي ابراهيم لاموسى الكليم
وغفر الله لآدم ابطرواكم
*************
ياسماحه المايمر بيها الغضب
انتم املوك وفرشكم من گصب
خالي مايرجع المن عدكم طلب
ولذلك الله كلشي انطاكم
***********

خادم اهل البيت ع
سيد غالب الرضوي الكربلائي

انـتـه مـعـذور يـخويه..... انته معذور
لحسين منذور يخويه.... الضهر عاشور
چنت حارس عالخيام. گمر تضوي بالظلام
الليل كلـه ماتـنـام والف مشكور
**********
شتعتذرلي يابو فاضل من عمت عيني عليك
الخاطري وخاطر رقيه گطّعت شو حته اديك
والعَتب ياخويه عفته وكلشي اعوفه واعتنيك
ياشـريچ الـروح امـوتن لـو اروح ومـااجـيـك

تبقى سبّاح الدِليل... يالچنت النه چفيل
راح اروحن عالهزيل وگلبي مكسور
********
انـتـه جـازيـت الاخـوّه وابـد لا مـاقـصـريـت
گبـل لاتـوگـع چـفـوفك انـتـه كفـيت اوفـيت
صاحب الغيره العضيمه والله مثلك مالگيت
تروح وتخـليني وحـدي بهاي ابد ماحسبيت

من عمت عين الزمان. فارگاني اويه الحنان
كون اموت ابهالمكان ابدمّي اليفور
*********
راح امشي وروحي تبقى اعله جثمانك تِطوف
خويه من بعدك عساها عيني عميه ولا تشوف
احبال مـشدوده بئديه وانته ماعندك چفوف
من طحت فوگ الشريعه الدنيا صارت چن خسوف

الليله اودعنك وروح.... والگلب ينزف جِروح
عمري يگضي كله نوح ودمعي مهدور
***********
انته اخوي وچنت احسبك ابني وتجازي رباي
وچنت اشوفك ماي زمزم شوفتك تروي ضماي
يابعـد عـيني ونـضـرها يـبو فاضـل ياضـواي
من عگـب عينك يـخويه والشمر گـطّع گفاي

راح كل ذاك الدلال... هسه مشدوده بحبال
خويه شافوني الرجال ابهدمت السور
*****
ليـش تـتـعذر يـخـويه مـثل خوتك الگه وين
آنه ربـيــتك بـديـه واعـرُفــك ياخـويـه زيـن
ابسـيدي اتـنادي عضيدك مـاتـگـله ياحُـسين
لإن راضـع لـبن طـاهر اشـكـر آنـه ام الـبـنين
جابتك ام الوفاء.... وانضخرت الكربلاء
تفدي سيد الشهداء. ولجله منحور
*********
لايـضـل بالـك عـليـه اخـتـك آنـه وبـنت امام
والنــبي جـدي مـحمد راح اشگ عين الظلام
لليـتامـه راح اصـيـرن كـافـلـه والـهـم خــيام
اويـن مـاوكّـر ضـعنّـه اصبح الـهم عش حمام

وحگ محزوز الوريد.... راح اذلـنّه يـزيـد
الشام عدهم هسه عيد وفرح واسرور
*********
عمار حسن الدراجي ١٤٤١

ام البنين ع

ما اجتني بشاره من اطفوفك
يمه طاحن لو بعدها چفوفك
انتظر منك خبر شصار گلي اعله النهر
يابو فاضل
1
يبني شگد تمنيت اسمع بهايه
عالشاطي البطل عباس دگ ثايه
ونهر العلگمي بالدم خبط مايه
وصار الجيش كله بسيفك احچايه

يمه عل باب انتظر بحزاني
خلصن ادموعي وخبر ماجاني
راح اتاني لو دهر شصار گلي اعله النهر
يابوفاضل
2
من عطشت ييمه زينب اشسويت
اريدن يبني اختك تعرف اشربيت
كونك للنهر متبختر اتعنيت
وذبيت الزلم فوگ الزلم ومشيت

يبني يم زينب اريد اتباها
رايده اسمع تبتسم خلاها
طمن امك يالگمر شصار گلي اعله النهر
يابوفاضل
3
كون الرايه يبني اترف عله اچتافك
النهر بجروفه يلبد كون لو شافك
عسن دنيت يبني مايه لشفافك
ورديته اعله جرفه وظحكت اوصافك

خله يفهم ما يمر بوريدك
ما تشربه ونته ضامي اعضيدك
من درت عنه النظر شصار گلي اعله النهر
يابوفاضل
4
كونك للمخيم يبني ردت اتعود
شلت العلگمي كله وترست الجود
وصوب اخيام زينب سرفنت لزنود
وتخيل تسبجلك ييمه جنود

انا ادري بالزلم تفنيها
والهوه اتمنعه يمر اعليها
انا منتظره القدر شصار گلي اعله النهر
يابوفاضل
5
القدر لمن تعنه الجودك بلهفه
اسمع كون ابني للخدر وفه
گبل لا طاح جوده ابنچ گطع چفه
ومن ادمومه عباسچ غرگ طفه

كونك ابدمك كتبت الغايه
طايح انته وفوگك ترف رايه
من كتب دمك فخر شصار گلي اعله النهر
يابوفاضل
6
كونك يبني طايح والسهم بالعين
ويم الشاطي كون امگطعه الچفين
ولونه بدمعته تعنالك ابني حسين
ويه الزهره معناها وفيت الدين

هل وفه للزهره يوصل ريته
لبنچ حسين الكفيل انطيته
ياللي قدمت النحر شصار گلي اعله النهر
يابوفاضل
****

اياد الديراوي

نزله لمولاي العباس ع.....

_نزل للحومه ابو فاضل
يا هلا بساس المراجل___


الاول......

من برز ليهم فحلهه...انعكد بالحومه الغَزل

بكيفه ظل بسيفه يعكد...وبنفس سيفه يحل

كمر والهيجاء ظلمه...منين مارايد يهل

موش بس ايمينه تكتل...خرزت عيونه كتل

كلشي ذاك اليوم جافل...يا هلا بساس المراجل
.........................
الثاني.....


صارت الصحراء عيّه...وانعدم بيهه النظر

زلم صارت بيهه فزّه...لو يمر طاري الكمر

الحرب كر وفر ولكن...الجش كله اكباله فر

النهر ما عبروا سباحه...فضلوا ركضه شهر

بجيشهم ماظل مقاتل...يا هلا بساس المراجل
..........................
الثالث.....

ظل يطك بالكاع خصمه...الف ويردفه بالف

بيهم الماعانه جدمه...وصارت الشرده زحف

أشجع الشجعان بيهم....سيفه ظل بيده يرف

وصلت الخوفه النهرهم...مايه ظل يرجف رجف

دخيل يصرخ ها يكافل...يا هلا بساس المراجل
..................
الرابع......

النهر من شافه وصلّه..الماي بجروفه وكف

سحك خشم الماي جدمه...وانا ابو الكلفه هتف

نزّل الجود اعله كيفه...تراب من عده غرف

والنهر من لامس ايده...بكثر ماخايف نشف

موت يم جروفه واصل...يا هلا بساس المراجل
.....................
الخامس......

جن صراط بجفه لازم...ياهو من يمه يمر

كمر بس ساعة شددهه...مو كمر يصبح جمر

يحرك الي يشيل شوفه...وينظر اخيام الخِدر

لو رفع صمصامه صاحو... الستر يارب الستر

ضربته تعادل زلازل...ياهلا بساس المراجل
.........................

السادس......

كبل لا يوصل خصومه..صيته كدامه وصل

انوخذنه الجيش يصرخ...سمعو الكافل زعل

الخيل والخياله صفنت... تكول صايبهم شلل

دنكوا حضروا ركبهم...بكيفه يختار الفحل

منجل وطب عالسنابل...ياهلا بساس المراجل
___________

احمد عواد البدري

هلا بالموت الأحلى من العسل
أنصر حسين وانا ابنك يالحسن
———————————-
يمه لبسيني ييمه. لامتي
وخلي اطلع كالقمر من خيمتي
أنصر الدين بطلعتي. غايتي
وارد اخلي كربله مثل المزن
——————————-
إله اسقي كربله من إدماهم
وأنه عودج ما أهاب إرجالهم
وما أهاب الموت أطب ميدانهم
وإله من روس العده السيفي مسن
——————————
أنه أترجاك عمي يا الحسين
إلك أرخص عمري وافديها السنين
مو وصيت الوالد اوبيها مدين
لجلك اهدي الروح والراس وبدن
———————————-
عمي بشفافي أنشف دمعتك
لسقي هاي الكاع بدم الخانتك
وبكتب أهل النفاق الجابتك
للعراق تسير عفت انت الوطن
—————————-
نزل للميدان شقة من القمر
كام يطرد خيلهم مد النظر
بصوت ناده عليها لاوين المفر
الْيَوْمَ افصل روسكم عن البدن
——————————
صاح أدركني قرب مني الأجل
مودع الله يالغريب ويالأهل
ابضربت الرأس انقطع مني الأمل
وهسه عند المصطفى صار السكن

ناجي العتبي

نسألكم الدعاء

اشوفك بالمهد صوره… يبني وقرة اعيوني
يعبد الله المهد خالي... مشيت وخابت اضنوني
…… .١
غصن عمري يعبدالله… احسب للعمر ايام
امد اذراعي الراسك… وبذاك الحنان اتنام
انفاسي تهفيلك… والوجهك تهب انسام
حليبك جنة الكوثر… راضع درة الاسلام

مشيت وحايرة ابممشاك… شجاوب لليسالوني
يبني وقرة اعيوني
…… .٢
جف صدري وطلبت الماي... ادري بالعطش جتال
حسين اجفوفه حظننك… صار الما يجي عالبال
اشفافك يمه ذبلانه… ورگبتك رووها انبال
نزف دمك يعبد الله… يبني والمنايا اشكال

كل ظني رويت الماي.. والراحو يبشروني
يبني وقرة اعيوني
…… .٣
تحل اگماطك المشدود… يمه وفرفحة روحك
صوت الماطلع منك… زغير وصعبه اجروحك
گلب امك يعبدالله… يظل ابنوحه اينوحك
ياوني العليك ايدوم… نيران العدا ابلوحك

مايبطل عليك النوح… خل خنسه يسموني
يبني وقرة اعيوني
…… .٤
ينشدني المهد عنك… محتاره اشأگلله
چن صوته يرن بذني… حبيبي وينه عبدالله
ياجرحك جرح بالروح.. جسمي بالالم شله
زيجي بالدموع اعليك… لتراب الارض بله

مهدك والخيم سكته… لجروحي يبيعوني
يبني وقرة اعيوني
…… .٥
مهدك يالولدخالي.. وحشه والمهد وحشه
يفراگ الولد جتال.. عنگود الكلب حشه
وعيوني دمعها امجيم.. من دمعي الوجن رشه
يعبدالله ردت تكبر… اشوفن بالجدم ممشه

من بعد الولي يبني… عالهزل يركبوني
يبني وقرة اعيوني

…… ابو علاء الدراجي

شسولفلك يغايب
دليلي بهمه ذايب
مته بثارك تطالب يغايب يغايب
........................
اليحب والفاكد احبابه عيونه عله الدرب تربه
شسولفلك يمن غايب وادري بحالتك صعبه
شلون العايش ويه اهله يحس بالعايش بغربه
انا المامنذبح جدي وعلى نحره اثنعش ضربه

و لا عماتي بالسوك
تطب ومشكفه النوك
وستار النسوه مبيوك يغايب يغايب
........................
شريد اكتب يبوصالح عليك واشرح اوضاعك
و انت الحته بالشيعه جثير الجامل وباعك
ماريد اجرحك اكثر وهيج بالحجي اوجاعك
خافن تنلجم بالاه وانت مكسره اضلاعك

ضلوعك ويه فاطم
كسرهن رفس ضالم
و عزائك لسه قائم يغايب يغايب
...........................
امشي عليك زينبكم وذيج امتونها الزركه
تعال وارحم بحالي دخيلك تكتل الفركه
امشي عليك شوغتها برَّض حسين وبسحكه
جزء من الثواني اقبل اذا تاذنلي بالملكه

هاي اغله الاماني
اشوفك لو ثواني
واموتن يوم ثاني يغايب يغايب
.....................
تعرف لو يحن فاكد صعب يتمالك احساسه
يعيش بشوغة حسينك من استبطه عباسه
ميت والله مو عايش كلمن فاركوا ناسه
يعيش بواهس الدمعه ويجبر روحه يتناسه

انا الما يوم ناسيك
تسامحني وااذيك
بيه العيب مو بيك يغايب يغايب
................
يمن مثل الابو حسابك فاكد واكسر الخاطر
عشت كل مغرب متاني وكضيت ايامي عالباجر
قسم بالابدع بخلقك هوايه انذور الك ناذر
ابسطهن الف موته اموت بسحك الف حافر

ولو ادري من الذنوب
لقائي وياك محجوب
يموت الفاكد غروب يغايب يغايب

محمد الشيخ صبري

تهنه ابضلام العدوان وكت الظهاري
لاخيمه ضلت لا هيل حركو خضاري

شريد احجي وكلب يبجي
سلبوهه الجانت هيبت الخيمه
لوين امشي نوخذ كلشي
صفيت انه غريبه وساكنه الهيمه

وتوالي اسنيني الركض ياذيني
يخويه الوادم تبجي ابعيني

بجوهه عيني يحسين بنص الصحاري
لا خيمة ضلت لا هيل حركو خضاري
============================

احترك ستري ودمع يجري
واتراب المخيم تارس الشيله
انجفه صبري وحرت ب امري
وي ميلت علمكم مالت العيله

وبقيت اوحيده بهذيج البيده
ادور طفله ابوهه اتريده

وتنشد عليك النسوان ومستعره ناري
لا خيمة ضلت لا هيل حركو خضاري
==========================

الهظم جلجل وبقيت أسأل
شتريد الناس تتراكض عله سكينه
وشفت منجل حقد يخجل
يهومش بالبنات او يزمخ اعلينه

افه وماصايره وبناتك حايره
يراعي الديره لفتنه الغايره

وغارت علينه العدوان والهيمه داري
لا خيمة ضلت لا هيل حركو خضاري
=======================

الكسر ظهري علم خدري
جابوه الشماتة اكبالي واترفه
وشفت يسري الضحك حدري
و ابكيفه عدونه ايرفه ويلفه

وتوجر كلبي وتبيين تعبي
ركضت اليمك ونسيته دربي

ما اندل ارجع لهناك مظلم نهاري
لا خيمه ضلت لا هيل حركو خضاري
===========================

حرت لاوين ادير العين
حركوهه الخيام اوطولك امدد
صحت يازين غزانه البين
واليعثر ابجدمه اعلينه يتهدد

اوبعد عباسك الشمر يم ناسك
اشتظنه ايسوي التعده اوجاسك

ولانه الما رحم بيك دسنه البراري
لاخيمة ضلت لاهيل حركو خضاري
========================
علي قيس الوريد

ادري بويه المن عفتني
شو مشيت وفاركتني
يلعايف بنيه.....يلعايف بنيه
ــــــــــــــــــــــــــــــــــــــ
من درت وجهك عرفتك....تحزمت بويه لفركتك
       ما كلت ابنيتي هاي تروح وين
شلون عيش ابين غربه......سالفه وبروحي صعبه
    مو عزيزه عندك اني كلي يحسين
اليرضع اليمشي اخذته......ليش جا كلبي مردته
   حسبت امشي الصبح وي النسواين
تالي راحو ما خذوني......كلهم اعزاز وجفوني
     ليله اتمنه بجفاهم تغمض العين

الغالي راح اكبال عيني
كام بس طيفه يجيني
يلعايف ابنيه....يلعايف ابنيه
ــــــــــــــــــــــــــــــــــــــ
اكبالي كاد ارقيه يمشي..... وخضر الشيب علرمشي
    وعافني بين الغرب والدار خنكه
بويه كلي شلون راضي......مشدشده ضلت غراضي
       مناطره علباب بلكي جف يدكه
فراك يعكوب انه عشته......مو شرط ترجعلي انت 
     ودلي لو ثوبك يبويه حته اشبكه
عادل اكولن ما نساني......ولو ترد ما تلكه اني
   تلكه وحده تكوم توكع جنهه وركه


بويه من عمري علعمرك
خل اعيشن ودلي عطرك
يلعايف ابنيه.....يلعايف بنيه
ــــــــــــــــــــــــــــــــــــــ
بويه من ادخل غرفتك........هنا كعدنه هنا شبكتك
       كمت اشم وين المجان البيه ذكرى
هنا كعدنه اني ورقيه .....هنانه نمنه احنه سويه
     والله جنه ازغار نغفه احنه علنحره
بلحظه وحده فاركتهم......راحو ولا جني بتهم
    خذوه حته ارقيه بس خلولي حسره
لا خبر منهم يجيني.....حته اسكت دمع عيني
  اكسر الخاطر صرت وعيوني حمره


خطاري كلش كسرته
جرحك جبير وحملته
يلعايف بنيه ....يلعايف بنيه
ــــــــــــــــــــــــــــــــــــــ
يا طيور الصاف حطن........بلكي يم احبابي ترحن
   راح احط دمعي بضرف بلكي يرجعون
بفركته كلله صارت .....فوك عتبة داره نامت
   بحضنه جنت مدلله اني انذل شلون
فراكهم ذلاني وسفه........بداعتي ضليت احلفه
     بويه بس خليني امشي ويه الضعون
شو خذتهه كلهه مني.......والمرض زاد وشربني
    ازغار وكبار وخذت حته اليرضعون

بويه اخذني بروح زينب
بفركتك الكلشي شيب
يلعايف ابنيه .....يلعايف ابنيه
ــــــــــــــــــــــــــــــــــــــ
زاعلت كلشي وراكم .....عوده خلاني جفاكم
الهوه لو مرني اطيحن وامشي بهداي
اجدامي احسنهه ثجيله....الماي ما شربه من اشيله
كثر ما ترجف جفوفي يخلص الماي
اتعكز بحيطان بيتي.......ناسيه حته مشيتي
فاكده ومتعوبه بويه عكبك هواي
رحتو عفتوني زغيره.......الشيب خلاني جبيره
الشيب احس صاحب فضل جي يركض وياي

اعجيز يصحولي اسمع
بداعتي يا بويه ارجع
يلعايف ابنيه ....يلعايف ابنيه


كرار فاهم الخفاجي

لمولاتي العليلة


جرعت إمن النوايب چاس مرهان
إو جسمي عله أشفار الموت مرهان
من يصعب عليّه المرض مرهان
إبدار أهلي إو غريبه إشلون بيّه

عله هونك يحادي النوگ تنواي
أ شوف إضعون أهلنه وين تنواي
عليله إو فوگ علتي إبنار تنواي
روحي من لهيب الغاضريه

ولها الـروح والعلّه وهلها
إو عيني نشف جاريها وهلها
عليله إبدارهـا ظلت وهلها
مشو عنها بميادين المنيه

الـدهر صوب كرامتنه وهنها
إو گواي المرض نحلها وهنها
روحي بيش أداويها وهنها
عگب ذيچ البدور الهاشميه

عليله والگلب مالوم بالهـام
إو جدمي ساير إعله الموت بالهـام
إو عگلي إيحوم عالغيّاب بالهام
عله الهامو إبشوگ الغاضريه

المرحوم الحاج
كاظم المنظور الكربلائي

للانصار دوت نار مثل خيط الشمع
مواقف تره الناس يقيسون الربع
____
وگفو ع الخيم .. وانهز العلم .. والغيرة بالراس
ثغبت كربلة .. وناس امشچلة .. بدروعه والطاس
هوستها حمت .. والحومة دوَت .. صاحو يعباس
ننجاس بسهم .. ننجاس برمح .. واختك متنجاس

على الگاع دمانة تيبسها الشمس
نموت واخيتك ابد ما تنلمس
____
من طر الصبح .. كلمن والرمح .. بيدة ويهوس
صاحو ياهلة .. بعركة كربلة .. والشگرة ترفس
هدم المرجلة .. احنة انفصلة .. واحنة النلبس
ازلام امعتبرة .. وهالقادة ترة .. خيّرها يخنس

حچي ازلام والاعلام ترفرف بالهوة
بالسيوف يخربون تفاصيل الضوة
___
شيخ المرجلة .. صاح ابكربلة .. حي ربع الحسين
شيخ وعالجفن .. شيباتة گطن .. يسواله جيلين
ذبوها العگل .. واحدهم ثگل .. وبحيلة حيلين
اليوصلهم شبر .. يرجع للشمر .. ماعده رجلين

هالابطال والثگال يظبون الفلت
بگصصهم ينگطون حچي وشارة وبخت
_____^
زلمتهم فعل .. بدبچات الرجل .. يخسفلة گيعان
لو هيچ الربع .. والباقي فشل .. تسّمة صحبان
واحدهم حچة .. وبنبرة خجل .. وبغيرة عرگان
گاللهم فشل .. گدام الگمر .. بچفوفي ذرعان

وعلي هنانة بالضيج يبينون الزلم
بالگلوب يشگون گبل شگ الهدم
_________
عابس بالعشگ .. بس هو الصدگ.. يتسمة مجنون
بهيل امهيّلة .. وبخد كربلة .. شامة عشگ جون
صح اسود وجه .. چن كحلة حدر . رمشين العيون
والاسمة اسم .. نافع بالربع .. ينفع صدگ كون

والخيول حدرهم صفت ما الها حس
زلم ولّي يختاض يعورها الشمس
______
علي هادي الخزعلي