بارت هدية الكم

#نقيب_قلبي

البارت 30

شفتهم سوا سديت الباب بسرعة..
رجعت للمطبخ محتار..
صعد الدم براسي..
هذا شلون هيج يسوي..
وبفراش اخوه...
وهاي الساقطة شلون تسلمه نفسها!!!!

صعدت رجعت السلاح ودخلت لغرفه شاهين انتظره..
ورا نص ساعه صعد..
تلازمت ويا ورزلته..
كتله انت شلون تدنالها وبغرفه اخوك..

شاهين..هههه لك بابا هي ساقطه شبيك..

_اي والساقطه تجيبها بغرفه اخوك؟؟
_ماجبتها هي صاحتلي..
واختها تدري..
خليها اكضي بيها وقت لتصير معقد براسي..
لك هاي مطلكة وملتهبة..
خليني افيدها واستفاد...

مرت فترة هو وياها وهي تبات يم اختها..
لان مقدام جان خفر..
اني عبالي بس اني ادري..
بس بعد هو ابو البيت ضابط عميد..
وولده ضباط ..شتتوقعين تفوتهم الشغلة!!

طلعو يدرون ومحاجين شاهين..
بس ميتوب..
الا ان لزمه الحجي وتعارك وياه وهد عليه بالمسدس..
كله اذا ماقطعت علاقتك بيها ..
اكتلك واخلص منك...

ضل شاهين يلتقي بيها برا البيت..
وبيوم اجت ايات وكلت لامي..
اختها حامل من شاهين..
لزمتها امي خزتها..
امي صح حنونه وطيبة..
بس شخصيتها قويه..
اني بهذا عمري اذا عاطت اختض..
كلتلها خل تجي اريدها..

اجت ميادة ومسويه روحها مظلومة..
لزمتها الوالده محاضرة..
سولفتنا جيان لان بس وحدهن كعدن..
كلتلها ملاعيبج انت واختج حافظتها..
مو عبالج تلوين ايدنا بطفل..
اعرف كلش زين انت مو حامل..
شاهين مو غبي حتى يسوي هالشي..
ومو شاهين الي ينضحك عليه..
واني لزمتج ونصحتج..
كتلج خاله عوفي ..
ميفيدج لعوبجي..
ودخلتج بيتي واكلتي من ماعوني..
وتالي الكاج وي ابني بفراش واحد..
جنت اكدر افضحج بس اخاف ربي..
والعرض غالي..
هذا بدل متعوفي ..
ضليتو تلتقون من ورانا..
يطبج موت..
اذا حامل فهذا ابن حرام..
روحي ذبي وخلصي..
لان ابن الحرام اول ما يأذي امه..
واذا مو حامل روحي شوفي دربج..
بالنسبه لشاهين لتتوقعين ياخذج..
هذا شايف الروسيه والهنديه..
يجي ع وحده مثلج..
رخصت روحها وذبت نفسها عليه..

من وقتها راحت بعد انسدت السالفه..
ومقدام كتل ابو جهل كتله..
خلاها تسقط طفلها..
هددها اذا انعاد الموضوع يطلكها..

_هذا كله وشاهين شنو موقفهم تجاهه؟؟
_شاهين ورا مصارت الشغله ..
طرده الوالد من البيت..
ضل شهرين ميحاجي شكد حاول..
لحد ماجاب واسطات وزلم..
يلا تصالحو..

والظاهر من تزوجتو هي رادت تحرك قلبه..
وسوت هالشي..
رغم هي اختها تزوجت بالناصرية ..
من اهل امها..

زينة..بعد الي سمعته..
ضليت ماعرف افكر..
يعني هذا شاهين شنو؟؟؟
ممخلي خطيئة تعتب عليه...
يعني شلون الله يحاسبه تالي..
جان ودي انفصل منه..
لان هيج بشر حرام يتعاشر..
واني مامسوية ذنب..
حتى هيج اتعاقب...
ذنبي الوحيد حبيت صقر..
يمكن هالشي عقاب ع حبه..
ويمكن لان ماعترضت من باسني..
ربي عاقبني بشخص ..
بايس الكرة الارضية نصها..

رحت لغرفتي بين تفكيري وقهري نمت..
يوم ثاني ام فهد كلت لمقدام..
ع السحر..كلتله السيد كال..
استغربت كلهم يعرفو..
طلع معرفه قديمه بين العوائل..
السيد جان مسجون ..
قبل السقوط ع تهمة دينيه..
ومساعده ابو فهد ومطلعه..
من وقتها هم علاقات..

كتل مقدام ايات وانكلب البيت..
وهي ناكرة ومتعترف..
اخذها ذبها عد اهلها ..
كلها من تريد تحجين يلا ترجعين..
تحلفت بيه وطلعت..
كلتلي مترتاحين ام الرجوله ..

جو البيت مشحون وضوجه..
بالليل جيان صار عدها ولادة..
اخذوها للفجر اني كاعده ولواء هم خطيه..
ومقدام وي فهد وامه بالمستشفى..
خابرو كالو جابت الحمدلله..
صار عدها ولد سمته محمد..
رجعت الفرحه شوي للبيت..

ورا يومين كال شاهين حيروح وي جماعته..
يودون مساعدات للحشد..
مثل كل مرة ياخذون امدادات الهم..
ودعنا كلنا وطلع..

للحكاية بقية..
_
سُئلَ عالم النفس المشهور كارل منينغر عما يجب على الشخص التعيس الذي يشعر بالوحدة أن يفعله.
‏فقال: "عليه أن يغلق الباب خلفه ويذهب عبر الشارع، ويبحث عن شخصٍ متألمٍ، ويقدم له يد المساعدة".
_

#نقيب_قلبي

البارت 31

ضل شاهين اسبوع هناك..
والوضع هادئ..
رحت حاجيت مقدام ..
كتله رجعها لخاطر تالا..
طفله خطيه ميصير تبقى بعيده عنكم..
وحاجيت ام فهد ترخصت منها..
عيب اتجاوزها ..وهي هم قبلت..

راح جابها واجت وجهه لابسته مكلوبي..
تعذرت من ام فهد ومني بالكوة..
واحنا ملتهين بين جيان..
والخطار يجون يتباركون..

اجه صقر من السفر..وشاهين بنفس اليوم..
صقر وصل الصبح ..
استقبلنا واجو بيت عمهم ع الغدا..
كلت بقلبي لا هلا..
ام وابوهم مريحين..
بس الولد اذيه..
البنيه مسيسة وي لواء ..
حتى من تجي تخلصها ختلات..
اما الولد لا عينهم زايغه..
وبالاخص ضياء..
لو يصحله والنظرات ياكلن جان اكلني..
كلش اتضايق منه مقزز..

تغدو وصقر طلع الهدايا..
انطاهم كل واحد هديته..
الاطفال جايبلهم سيتات ثنينهم..
واني جايبلي اسوارة ..
ذهب وبيها فصوص حمر..
تشكرته وكلت للأطفال يتشكروا ..
بعده نطقهم ممفهوم ..
وهم متونسين عليهم..

لليل اجه شاهين ...
سلم وحضن الجهال وباسني براسي..
راح سبح وحضرتله اكل وبعدين اجه يمنا..
كلنا متجمعين  والجهال بحضنه..
ضل يسولف ع الوضع ..
وشلون محتاجين معونه..
ومساعدين النازحين خطيه ..
شوفنا الصور..
كاعدين نسولف تقرب مني..
كال مشتاقلج كلش شوي ونصعد!!!!

هه هذا شبي ؟؟؟شنو مشتاقلي ..
هو شوكت انتبهلي اصلاً..
كتله اوكي ع راحتك شوكت متريد..
رجع يسولف وياهم ..
اني كمت جبت وي البنات الفاكهة ..
ومسوين جلي هم جبته..
وزعنا واشو هذا يباوع ويغمز!!!
لا اخاف شارب شي؟؟
كاعدين شفت الجهال نامت..
اجيت اصعدهم كال ام فهد ..
زينة خليهم بغرفتنا ..
اخذت صقر وهو اخذ ضرغام..
وديناهم ع سرير امه..
اجه قفل الباب...

زينة..صخام شاهين شبيك..
شاهين..اوووش خليني احضنج مشتاقلج!!!
لج شصايره ..اشو حليانه..
_بس مو هنا عيب غرفه امك وابوك ميصير..
ماكملت كلمتي ..
جرني وضل يبوس ويشم بيه..
دفعته كتله عيب مو بغرفتهم ميصير..
جرني للحمام ..كال هنا احلى..
ضل يبوس ويتغزل ..
تقربلي بس هالمرة اقوى..
موتني الالم توسلت بي كتله فضها واخذني..
ماقبل كال هيج احلى..استمتع..
كمل وياي ..
بس هم اخذ احتياط..؟؟
يلا بعد احسن..ماريد خلفه..

وفات جوا الدوش اني لبست ملابسي ..
حاولت ارتب نفسي ..
بس واضح شكلي..
ومنا الم موتني..
لملمت نفسي وطلعت..
كبل صعدت ماحجيت..
فتت للحمام سبحت واسترخيت..
شوي هدا الالم..
احس بطني انخبطت..
هم الم هم خجل هم استغراب..

صقر..طلعت زينه من الغرفه..
بس شكلها يوحي بوضعها..
لاحظت النظرات عليها ..
فتحت موضوع حتى الهيهم..
كتلهم شنو وايكم المرة الجايه نروح وي شاهين..
نودي امدادات ونساعد النازحين...
رحبو بالفكرة ..
وكال وميض حسبو حسابي..
ومقدام هم كال اروح..
حسيتهم تحمسو ..
واني هو عاجبتني الفكرة..
بين سوالفنا طلع شاهين..
جان ينشف بشعره..
كال للوالده حجية سبحت عدكم..
شنو الحجي مبدع بحمامه عمي..
بس احنا فقرا..
كلتله ولك انت حاط عينك ع حمامنا من قبل..
غمزلها حجيه السباحه بي الها طعم..
هي فهمت وضحكت ..
كلتله بالعافيه يمه كدامك شوكت متريد..
تقصدت اسوي نفسي ممنتبه..
حتى ليكول تضايق..
بس هو هذا الواقع ..
تضايقت واختنكت ..صح هذا حقه وماحسده..
اخوي هذا..بس تبقى غصه بقلبي..
فتحنا موضوع روحتنا وقررنا نروح ورا ٣ ايام..

زينة..شاهين من يوم تقربلي بغرفه اهله بعد ماتقرب ..
صارت معاملته بيها لين..
وعيونه نظراتها تغيرت..
بس هم يسهر برا ..
ويعاملني كغريبه مو اكثر..

ورا ٣ ايام حضرت  اغراضه ..
وطلع هو ومقدام ووميض ..
ودعناهم الفجر وراحو يودون اكل ومعونه ..
كالو بس نوصل نطمنكم..


للحكاية بقية...

#نقيب_قلبي

البارت 32

راحو الولد واتصلو علينا طمنونا...
مرء اليوم بهدوء وملل..
طلعتهم من البيت وحشة..
بيومها نمنا من وكت..
ثاني يوم جنا نسوي غدا ..
وكالت ايات..
هي حامل..

باركنالها وكالت حتتصل بزوجها..
اتصلت مغلق..
رجعت حاولت كنالها يجوز ماكو تغطيه..
لحد المغرب وهي تخابر ماكو..
خابرو ع البقية محد يدك..
ضلينا مخروعين للنص الليل واحنا ندك..
حصلناهم الحمدلله..
طمنونا كالو ماكو تغطية..
كالو باجر حيرجعون..

حضرنالهم الاكل والحلويات ..
وكلشي يحبوه..
خطيه ام فهد ممصدكة شوكت يوصلون..
صار العصر هم ماكو..
اتصلنا اجهزتهم مغلقة..
مقدام وميض صقر شاهين..
كلهم ماكو..
للمغرب وهم ماكو..
انكلب البيت..
كل واحد يسوي اتصالاته من جهة...
مر وقت واحنا هذا اليدعي وهذا اليسبح..

فزينا ع صوت ابو فهد عاط شنووووو!!!!
ركضنا عليه وكع ولازم صدره..
جبتله ماي وغسلت وجهه ..
ويفركون بيه..
وام فهد تكله فهمني شكوو..
وكلنا دايرين عليه..
كوة نطق ..
كال الولد متصوبين..
عزااا... عيطنا كلنا..
وكع الرجال اغمى عليه..
اخذه فهد للمستشفى ..
وكال للواء ابقى بالبيت..
خابر لواء وجابنا الخبر..

برجعتهم متعرضيلهم ومتصوبين..
بس وميض اصابته مو قوية..
وصقر بجتفه..
ومقدام وشاهين حالتهم خطره..
وحده كابلت الثانيه ونبجي..
والجهال مجلبين بينا ويبحون..
جيان ضلت محتاره بينا..
وتبجي ويانا مرة..
وتصير بينا مرة
تدمرت اعصابنا..

ام فهد خابرت ع ضياء..
اجه اخذها لابو فهد..
عنده بدايه ذبحه صايره..
وتلاحكوه خطيه..

ضلينا محتارين ونبجي..
لنص الليل كالو جابوهم للبصرة..
راحو الولد الهم..
كالت جيان حتصل واشوف ونطمن..
خابرت فهد ..
فهمنا مقدام اصابته بصدره..
وميسطرين ع وضعه..
وصقر اصابته بجتفه ..
بس مو خطرة..
وشاهين اصابته ببطنه..
ووضعه كلش حرج بالعناية المشددة
ووميض اصابه طفيفه..

ضلينا طول الليل نبجي وندعي..
اجت ام صقر متهسترة..
تدك وتلطم تصيح بيتي انهجم..
شبكتها حاولت اهدئها ..
شبكت الجهال وتبجي..
تكلي زينه ادعيلهم ..
انت فقيره وكلبج نظيف..
ومظلومه ادعيلهم يمه ادعيلهم

انت احس راسي ثكل من البجي..
كوة مفتحه عيوني..
مهما يكون شاهين قاسي والسواه وياي..
بس يبقى ابو ولدي..
وهم بعده شاب ومبتعد ع ربه..
لو صقر الي مشاف من حياته شي..
ومقدام عنده عائله خطيه..
تنميتها ازمة وتعدي..
الجهال نامو نيمتهم جوا..
وضليت كاعده وايدي ع خدي..
طلع الصبح لكيت نفسي غافيه واني كاعده..

وميض طلعو مابي شي..
وصقر معالجين جتفه وزين ..
بس مقدام وشاهين بعدهم..
اجه صقر وشافنا هيج حاول يسكنا..
وخصوصا امه متدمرة..
لزمته ضلت تعاتبه..
ليش يمه ماتعبت ماربيت..
انتم رفعه راسي..
طمنها وحاول يهديها..

مرت كم يوم وتحسن مقدام ..
راحو شافو بالمستشفى ويحجي الحمدلله..
وصقر هم تحسن وضعه..
وراها طلعو مقدام والبيت انخبص..
الاهل والناس كلها موجوده..
انقسمو نص عدنا ..
ونص يروح ويجي للمستشفى..
بس شاهين وضعه ميطمن..
امه متدمره عليه..
الاصابه بمعدته..
ووضعيته متأزمة..
ورا يوم كعد وكالو تحسن..
فرحنا كلش ورحنا واخذت الجهال اشوفه..

بسته من راسه وكتله كوم بسرعه محتاجيك كلنا..
حاجاني كال حبيبي مشتاقلج..
اول مرة اسمع هالكلمة..
كتله حتى اني اشتاقيت لخبالاتك..
ارجع كافي ترى ميلوكلك تصير ضعيف..
ضل يضحك..كال انتظري اطلع الا اشوفج الضعيف منو..
قربتله الجهال وبوسهم..
بس خطيه وضعه حرج وصوندات..
بوسته من راسه وباس ايدي وودعنا..
رجعنا اني وامه للبيت ..
للمغرب جاي اصلي بغرفتي..
وسمعت عياط رج البيت ..
اريد رجليه تشيلني ماكو..
كوة مشيت للدرج اباوع ..
ام فهد واكعه وتملخ بنفسها..
وجيان وايات وبناتهم يعيطون ولطم..
نزلت بلا وعي نص الدرج..
وتدحرجت للارض..

للحكاية بقية..

#نقيب_قلبي

البارت 33

اجت ام فهد وجيان كوموني وحضنوني!!
ويصرخون لج زينة رااااح..
راح شاهين راااااح..
رفعت راسي ممصدكة هزيتها ..
كتلها يمه وين راح شبيج ..
كالت ولج رجلج مااات..
ولج يمه ابني مات..
ولج شاهين ابو طول الحلو..
بعد ماشوف وجهك يا يمه..
اني صرخت حيل..
وضليت املخ بشعري واضرب ع وجهي..
يريد يهدوني ماكو..
الزم شعري من الاصل واملخ..
ادك ع خدودي الى ان تبنجت..
ماحس بالم ابد ..
جيان شابكتني وايات اخذت البنات اخترعن..
وام فهد تنعي وتصرخ من كلبها..

ضليت اضرب بنفسي الى ان فقدت..
فتحت عيوني بغرفه جيان ..
وبناتها كاعدات يمي ويبجن ..
اجيت اكوم غوشت عيوني..
لزمت الحايط وجريت نفسي كوه فتحت الباب ..
البيت متروس !!وبجي وعياط..
طلعت اسحل بنفسي سحل..
اجتلي عمتهم سندتني..
شبكتني وضلت تبجي ..
كتلها عمه مو كالو زين..
مو حاجاني وحاجه ولده وكال مشتاقلنا..
ليش مات ليش راح..
من بين بجيها فهمت منتكس العصر ..
ورايحين كلهم يمه ووضعه خطر بس ماحجو..
لحد ما متوفي..

كتلها ولدي وين..
كالت عد اختج ..اجت هي وامج..
مخابرهم صقر ..
واجو كاعدين يم امه هسه ..
دخلت يمهم نمت بحضن امي ..
ضليت ابجي واعيط..
شبكتني وتصبر بيه..
كتلها ولدي وين..
كالت عد خالتهم فوك يخافون من العياط..
رحت صعدت تلكتني سارة..

حضنتها ضليت ابجي واحجي..
ولج مارتاحيت من شفته لليوم..
لج سارة مات شاهين رااااح..
يتم ولده خلاهم بلا اب لييييش..
منو النا بعد منوووووو...
شبكت الجهال واحاجيهم..
ماكو بابا بعد..حتصيرون يتامى..
حتنذلووون...ابوكم راح..
هم يباعون بوجهي ومبرطمين..

جرتهم سارة كالت كافي لخاطرهم اهدي..
من يشوفوج هيج يخافون..
فكري بيهم زينه هذا قدر ربج..
ورجلج مات موت شرف..
رجلج يعتبر شهيد افتخري بي..
وولدج بيت جدهم ميعوفوهم..
واني موجوده مستعده ااجرلج بيت واكعدج..
اعرف شتفكرين اعرف محنتج هسه..
شبكتها ضليت ابجي بحضنها..

بعدين جابو تابوته للبيت..
اباوع لوجهه ما كأنه ميت..
وجهه مو شاحب ولا اصفر..
عيونه مو ذابله..
شاهين بالتابوت جان كشخه..

كعدنا يمه وحاجينا..
كلهم يكلولي سامحي..
كتلهم هذا ابو ولدي وخيمتي..
ماشايله عليه ومحلل وموهوب..
خطيه امه كوة جروها منه..

سوينا العزا و٣ ايام هلكنا ..
منا ناس هواي منا حزن...
خلصت وكفو الناس..
صارت وحشة وكآبه..
اني لميت ملابسي وحضرت نفسي ..
اروح لاهلي حتى الزم عدة يمهم..
كلتلي ام فهد ابقي يمنا ..
وابقي فوك حتى اكلج اني اجيبه الج..
كتلها مترهم شباب يتقبدون بيه..

خابرت امي كتلها خل يجي علي احد ياخذني..
كالت شكلج يا يمه..
ابقي هناك احسن!!!!
كتلها ليش يمه ابقى هنا..
كالت مازن كال لتجي هنا..
تلزم عده يم عيالها احسن..
كتلها هو كيف مازن بله!!
كالت اي حجه وي ابوج واخوانج..
وكالو تبقى هناك تضمن ورث زوجها احسن....

يعني تشمروني يم الناس ع مود ورث؟؟
بعدين امهم وابوهم عايشين ياورث؟؟
هسه شكلهم!
اهلي ميقبلون اجيهم بقوني يمكم...
اهلي خايفين تبوكون ورث ولدي!!
كالت ام ولدهم اكيد يردوج يمهم..
صفنت شحجي بعد ..
اذا بايعيني ومتفقين عليه..
واني بشدة..
بدل ميساندوني..
ميخفوون عليه..
واني مكسوره جنح وعندي ثنين ايتام..
ختمته وياها وكعدت حطيت راسي بي رجليه..
ضليت ابجي ابجي بلا توقف..
احس الدمعه تطلع من كلبي..
شسوي هسه وين اولي..
وشلون تطلع من حلكي وانطقها..
اكلهم ابقى يمكم..

رجعت خابرت سارة..
كتلها فهميني شسوي ..
شلون اكلهم اهلي ميخلوني اروحلهم..
استحي احجي..
كالت سارة هسه احاجي امي واشوف حل..
كعدت جنطتي يمي ولابسه عباتي ..
والولد اخذتهم ام فهد تشبع منهم شوي..
شوي واندك الباب..

زينة..منوو..
صقر..اني زينة..
_فتحت الباب ووكفت ورا..
تفضل صقر ماكدر اطلع اعذرني..
_لا لتطلعين ماحاجه ..
عندي كلمتين جاي احجيها واروح..
_تفضل اسمعك..
_زينه..من الاخير طلعه من البيت ماكو..
وولدج ولدنا ومن ريحه اخوي الشهيد..
مانكدر نبعد عنهم ..
خليهم نشم بيهم ريحته ..
ترى الوالد والوالدة منهارين..
وجودكم كلش يقوينا كلنا...
_صقر ميصير لاز...
_قاطعني..زينه هذا مو ترجي ..
هذا امر متطلعين من البيت فاهمة..
واني خابرت اهلج وترخصت منهم وقبلو..
يلا اني اترخص ام صقر..

للحكاية منحى جديد..

؛#نقيب_قلبي

البارت 35

صدمني بطلبه وجرأته!!شبيك مقدام؟؟
اني مرت شاهين لو نسيت..
_لا مانسيت..بس شاهين استشهد..
وانت هسه ارملة..
وولدج ولدنا..
قبلي بيه ومتخسرين..
صدكيني اعيشج ملكه..
_يعني انت واعي شتحجي؟؟
اني ماحاسبتك غير اخ وبس..
وزواج شايلته من راسي كلش..
وحتى لو اريد اتزوج..
مو انت الشخص المناسب..
انت عندك بيت وعائله مااخذك منهم...

_زينه اني بكل الاحوال اريد اتزوج..
ايات مو المرة المناسبة الي..
واني اريد ولد!!!
واريده منج..
_مقدام هواي اخذت راحتك بالكلام..
تريد تزوج شوف غيري..
تزوجها وتجيبلك ولد مو اني..
ولا تتوقع اي ظرف يجبرني ع زواجي منك..
وياريت متفتح هالموضوع ابد..
ولا كدام اي احد..
لان يمكن ساعتها يستضعفون موقفي او انجبر..
وانت اكيد متريد مرة تنجبر عليك صح..؟؟
_هذا هو ع راحتج..
بس لان اعرفج شريفه وخوش بنيه وصغيره..
حرامات تروحين للغريب..
صدكيني ماعندي غرض وياج لو نية سوء..
بس شفت هالقرار يناسبنا..
_اعذرني ميناسبني..
اريد ابقى هيج اريحلي..
اربي اطفالي وبس..
اني وياك منتراهم..
تبقى عم اطفالي وجبيرهم..
وحجايتك ع عيري وراسي..
ومعزتك بمعزة اخواني..
_هذا هو حسبي نفسج ماسمعتي شي..
واني اسف احرجتج..
_لا انت تمون خوووية..من رخصتك..

رحت لغرفتي كعدت شوي..
مخي مشوش..هذا شبي هيج يفكر..
تالي رجعت برا لكيته كاعد يمهم..
ويلعب وي ضرغام..
حاولت اتجنبه قدر الامكان..

خابرتني مينا كالت نقلت اغراضها واجت وي جواد..
ماسوو عرس مجرد رايحين جايبيها وجايين..
باركتلها كتلها تستاهلين كل خير..
وانشالله تعوضون وتسون احلى عرس..
فرحت لان حتصير تجينا هواي...
لان احتاجها واحسها قريبه وتفهمني..

بيوم جاي نلعب اني وصقر..
وضرغام يم بيبيته جوا..واندك الباب..
كمت فتحته ودخل يمنا لواء يسولف..
_هالج صار ساعه ادور جوا عبالي..
_لا صقري خبلني ..
يريد يلعب يا فاخته..
_هههه شكد احب هاللعبه ..
كون انزل للحجيه تلعبني..
_هههه حتى تدفرك..مسكينة وين بيها حيل..

جاي نحجي وصقر جب البيبسي ع الجربايه..
ركضت عليه..
خطيه خاف كال ماما مو قصدي..
بس انت متقبلين اشرب وعبالي متشوفيني..
وهو كلامه مكسر ويحجي..
تخبل كلماته..
شبكته وضليت ابوس بي.
كتله عادي ماما متدري..

عاد كلت للواء بس ساعدني انزع الدوشك الوجه مالته..
صدك فتحه وهو يجر بي ويشاقه وياي..
خرب يومج زينه..
اشتعلللو..هذا ثكيل كسر ظهري..
جره للنهايه وتوكع وياه خشبة..
اني شفتها عطت لان منظرها يخوف..

لواء..لج زينه شنو هذا!!!!
_ضليت ارجف منها ماااعرف لواء ماعرف..
عفيه خنوديها لامي..
_يووم تعالي شوفي هذا لكيناه..
بدوشك الجربايه مالت زينه..
ام فهد عزاا شنو هذا جيبه يمه ..
اخذته ام فهد وبسرعه دكت ع العلوية..
كلتلها اريد احاجي السيد..
حاجته كلتله لكينا بالدوشك خشبه مستطيلة..
وشكلها قديم..
ومرسوم عليها ولد وبنية..
واحد ناطي ظهر للثاني..
وكلمات مكتوبه موت هلاك عذاب ..
كلها جيبيها وتعالي بسرعه.. 7

راحت ام فهد واني ارجف من فوك لجوا..
اجت جيان يمي..
ولواء تهدئ بيه..
بس احس نفسي ماكدر اوكف انرعبت..
طلعت ايات وسمعت وجهها صار اصفر..
دخلت لغرفتها..
دخل صقر من برا ..
واني كاعده بالارض وراسي بحضني وارجف..
اجه يركض شبييج...
شبيكم شبيها زينه!!!
كلتله جيان هيج صار يبووو...

صقر..شنووووو؟؟؟؟يعني الطلع الكلام صدك..
ولك مقداام ..
طلع مقدام كال شكو..
_اليوم مرتك موتتها ع ايدي..

للحكايه بقيه..

#نقيب_قلبي

البارت 36

مقدام..شكوو شبيك صقر ؟؟
شبيها زينة...ليش تبجين !!
صقر..لك انت زلمة لو فرخ دجاج..
مرتك لاعبه لعب ومحاسبتلك حساب؟؟
مدام متعرف تربيها اني اربيها..
من كالت الحجيه ع السحر هي نكرت..
وماخلت قسم ما قسمته...
وهسه تطلع مخليته بغرفتهم..
روح طلعها لا ادخل عليها للغرفه..
بسرررررعه..
_لج ايااااات بت الكلبببب..
اليوم انتقم منج ..
اليوم ادمرج ولج..

صقر..تعالي بابت الناس..
تحجين كلشي والا قسم عظيم..
اخذج واشمرج بباب اهلج واكلبها فصول..
اخليهم يغسلون عارج وتصيرين عبره..
احجي شلون دخلتي وشوكت؟؟
وبس هذا لو اكو غيره؟؟؟
لج ساقطة ظالمه..
لج اخوي راااااح ..
اخ يا شاهين اخ..
لج كتلتي اخوي بقذارتج..

زينة..جانت بالارض كاعده ومقدام يرفس بيها..
ويكلها احجي لا اليوم افرغ سلاحي براسج..
المشكلة البيت متروس سلاح..
وذول دمهم حامي..
صدك خفت وقتها ضليت ارجف اكثر..
كلت ليروح يكتلها بسببي..
وخطيه عدها بنيه..
لزمتني رجفه ضليت اختض..
اجه صقر حاجاني شوي هدات..

كعدت  ايات عدل وكالت رح احجي ..
بس بالاول انطيني كلمة شرف ماتموتني..
رفسها كلها متطلعين منا الا جنازة..
اجت ع صقر ركضت ورا صارت..
صقر ابوس ايدك ..
ماريد اموت اريد بتي..
اريد افترق عنها ماريد اموت..
كلها صقر الج الامان احجي..
بس اذا جذبتي بحرف اسلمج اله..
والوالدة راحت للسيد..
يعني راح يحجيلها بالتفصيل..
اذا طلع كلامج عكس كلامه مالج عذر..
بيدي اسلمج لمقدام..
كلتله لا احجي احجي..

حجت شلون اول واحد ..
مشربته لشاهين بيوم العرس قبل ليروح للحلاق..
كالت ردتكم بس تتفرقون بالاول..
بس مافاد..
كالت المرة التسوي العمل هذا هاويها..
ماظن راح يعوفها بسهولة..
كالت اسويله واحد يعلك كلبه بالغانيات..
حتى تمل منه مرته..
بس انت ماعفتي وبقيتي..
تالي هذا الخشبة من رحتي تجيبين..
حطيته لان محد بالبيت..

بس مادري بي موت لو اذيه لشاهين..
اني ردتكم تفترقون..
مثل ماحرك كلب اختي..
ردت احرك كلبه..
كلها صقر واختج شريفه موووووو؟؟؟؟
لج اختج دارت علينا واحد واحد..
منو التشوفه تذل نفسها بس محد انطاها وجه..
لج اختج مرة صعدتلي نص الليل تدك بالباب..
طلعت خزرتها كتلها شعندج..
تكلي ضايجه اريد اسولف..
لو ماارزلها وكتلها ..
اذا شفتج عتبتي هذا الطابق اذبج من فوك..
احترمي نفسج ترى اعرف دروبج..
من وقتها خافت وكفت ..
بعد يااخت كاعده تدافعين عنها حضرتج..
كالة على راسج وراس اختج والخلفوجن هم..
كمللللي وبعدددددد...

كالت واحد كلتلي اقري ..
وجاي اقرا بوجه ضرغام وفز ..
ومن باوعلي خفت..
ماشفت وجه ضرغام..
لا شفت وجهه مشايفته بالدنيا كلها..
وبس باوعلي ضل يصرخ..
عفته وطلعت خفتت..
زينة..شنووو يمه ابنيييي...
الله يحرك قلبج..
الله ينتقم منج لج سااااااقطة...
كمزت عليها فقدت..
لزمت بشعرها وانا اجر بيها وجيان تجر بيه...
يصيحون ولج تولي احنا نحاسبها ماكو..
من وصلت لجهالي فقدت..

اخير شي لزمني صقر وكتفني..
ووخرني منها..
ضليت اعيط بيده..
وخرررر عوفني ابرد كلبي..
لك شعندي غير جهالي...
لك ذوله اطفال شنو ضررهم..
الله يااااخذج ..
ياربي يحرك قلبج ...
ضل يحجي باذني ع كيف..
اسكتي كافي كافي..
اني اخذلج حقج..
بس خل نعرف اذا اكو شي بعد نطلعه..
مو احسن ميبقى وتتاذون...
اهدي حبيبي اهدي بس اهدي..
جان يحجي بهدوء ويمسح ع جتفي..

سكتت وكلها كملي ترى مو متحملج فضيها..
كتلته بعد ما ضميت شي بس الخشبه..
اخير واحد رشيته رش ع حايطهم..
مثل التراب هذا..
كالت هيج رح يتفرقون مثل هالتراب..
كتلها بيوم شفتج فوك؟؟؟
كالت اي هو بيومها بس ماكملته ماكدرت..
لان سمعت صوتج وردت انزل..
بس هذني ماكو بعد..

كال مقدام من رخصتك صقر..
بس اخذها اريح قلبي بيها...
كتله ادبها بس لتاذيها..
لتنسى بنتك منها..
والسمعه غاليه مقدام فاهمني...
كال حجايتك سيف ابو عكاب بس جيبها..
اخذها للغرفه وطلع بته كل لجيان خلوها يمكم..
ومانسمع بس عياطها..
دكيت عليه الباب..
كتله اذا سمعت عياط ادخل اموتها بيدي..
صدك عاط بيها بعد ماسمعنا حسها..
عوذه شنو من مرة..
لو رجال ااااخ الا اطلع حياة شاهين من عيونه..
بس للاسف حرمة والها حرمة..

رحت اخذت صقر وضرغام..
_اني رح اخذ الجهال واجيب عشا..
دربالج ع نفسج زينه..
جيان ماوصيج بعد اخوج..
عينج عليها..
_بعيوني لا توصي..
اخذتهم جبنا عشا واشتريت حلويات الهم..
ماردتهم يحسون بالي يصير..
رجعنا كعدتهم يمي الاعبهم..
وزينه صاعده لغرفتها..
خابرت مقدام طلعلي..

مقدام ..صقراطلكها بعد ماريدها..
صقر.. لتتخبل عندك منها بنيه..
اكعد واسكت لتتسرع..
والمرة ماتستقوي الا من تأمن عقاب رجلها..
صير حوك وحط عينك ع بيتك..
مو عبالك السهر والعربده مالها ثمن..
ترى ثمنها غالي ..
وشفت شلون مرتك عوجه ومسوي كوارث..
وهجمت بيتنا..
لو ابنك المات وهو واصل خيره..
وذاك السقطته..
حاسب نفسك قبلها..
لان كله فعل ايدك..
شوف شاهين الله يرحمه..
اااخ ياخوي حتى ماكدر انطقها..
الله يرحمك..
شفت زينه شلون تخاف منه

#نقيب_قلبي

البارت 37

ام فهد تحجي واني مصدومه..
ضليت ارجف ومصفنه ما حسيت الا وكعت..
صقر..امي تحجي وعيني من زينه..
شكلها تغير شفايفها صارن بيض..
اخر شي وكعت ع وجهه..
ركضنا كلنا..
حاولنا نكعدها نضرب بيها..
جابت جيان ماي بارد ..
ذبيناها بوجهه فزت..
جانت متمدده بحضن امي..
ضلينا نهفي عليها..
كلت للواء جيب مقياس الضغط بسرعة..
قست ضغطها لكيتها هابط كلللش!!!
خفت تبقى وتسوء حالتها..
كتلها كومي اخذج للمستشفى ماقبلت..
كالت هسه اتحسن بس ماتحملت..
بس انطوني لبن اني ارتاح..
حاولت وياها مصرة..
سوالها مقدام لبن وجابه..
شربناها شويه..
كالت اريد ارتاح..
كتلها لتفوتين لغرفتج بعد..
كالت الوالدة اي لتنامين بيها بعد حنفرغها وننقل اغراضج للغرفة اليم غرفه لواء..
اعترضت كتلها ماكو اعتراض..
تاخذين الضروريات وتروحين لغرفتي..
وهسه اني والولد نتعشى ونفرغها ..
زينة..رحت لغرفة صقر..
جبت اغراض الجهال والشي الاحتاجه..
وغيارات لان ردت اسبح بلكي يروح تعبي..
الجهال متعشين وشافوني تعبانه..
كعدتهم واسولف وياهم..
شويه وغفو..
اخذت نظره ع غرفة صقر..
شكد شكلها فخم وراقي..
الاثاث تركواز وبيج ..
وكلش ضخمه..الكنتور مالتها جبير كلش..
والجربايه تشيل خمس نفرات ههه..

تجرأت وكمت اباوع ع اغراضه ع الميز..
هالشخص بكل شي مميز..
ماعرف هو فعلا هيج او اني اشوفه هيج..
شميت العطر نفسه..
الي بالكلينسه الي انطاها الي بيوم الحادث..
لحد هسه محتفظه بيها بين اغراضي..
ومافتحتها من تزوجت ..
خفت اخون شاهين..
وخفت ضميري يأنبني واذبها..
ضليت اتفرج جانت ساعته ومحبسه ع الميز ..

اخذت ملابسي وفتت للحمام ..
من نزل الماي ع راسي ارتااااحيت ..
احس نفسي افضل..
ع الاقل عرفت شنو الي شنو علي..
خلصت لبست ملابسي ولفيت شعري..
كعدت امشط واباوع لنفسي بالمراية..
اااه يازينة شصاير بيج..
وجهي اصفر وملامحي باهته..
حواجبي راجعه كأنها مشايفه الخيط..
يلا الحمدلله هذا الحال ولا اسوأ..

كملت تمشيط ورحت تمددت..
لزمت الفون شفت مسج من صقر..
اذا خلصتي انطيني خبر..
دزيتله خلصت ..
شوي واندك الباب ..
اجه لواء جايبلي صينيه..
بيها لبن وماعون مال مشويات ..
وماعون بي صاج ..
كال اوامر عليا يكولون اكلي..
كتله مسدوده نفسي كلش..

لواء..بطلي دلع حبابه..
اكو واحد كدامه هالاكل ويكول لا..
ترى لازم نفسي وماخمطت منها..
لتخليني اكتسحج اكتساح..
_هههه بالعافيه اكل..
_اوي دادا صايره فقيرة..
لعد وينها الي تلاويني حتى تاخذ الصاج من ايدي..
اكلي زيونه حتى ترجع خدودج..
صدكيني ماكو شي يسوى ..
انت بعدج بعمر الورد..
وانت شمعة البيت وفرحته..
_خجلتني يمعود..
_اووه ضلت تتكلب علينا..
يابه لا شمعه ولا دمعه..
انت صرصور ابو اللايت ارتاحيتي...
هههههههه...

اكلت شوي تالي راح لواء ونمت ..
وحلمت نفس الحلم ..
نفس المرة الطويلة وهم فتحت ايدي..
بس هالمرة حطت بيدي اقمار ووياهم هلال ..
وهم دفعتني ايات ووكع الهلال..
بس الاقمار جانو كبار ويضون مكتملات..
فزيت بس مو خايفه..
احس نفسيتي شوي ارتاحت..

الصبح لكيت اغراضي كلها بالغرفه الجديده..
واغراض شاهين كلها مموجوده ..
ماخذيها ينطوها لليحتاجها..

نزلت جوا صبحت على امي وجيان..
وسالوني كتلهم صرت احسن..
_لعد ايات وين وحدكم؟
_ختولي الحية الركطة..
بغرفتها حابسها مقدام..
محرم عليها الطلعه وهددها يطلكها..
تولي لو مابتنا منها الا احركها ومايرفلي قلب..
بس اني الها..
الا ازوجه اغاتها واكسر خشمها..

مرت الايام وايات متطلع من غرفتها ..
هجرها مقدام وميحاجيها..
الى ان عرفنا حامل..
كال تولي بعد ماريدها ولا اريد منها اطفال..
كلتله امه حرام هذا بزرك..
ضل ميحاجيها وهي اجت لام فهد اعتذرت..
كل مرة تعتذر ومترضى عنها..
الى ان اجتلي كالت اريد احاجيج..
كعدت وياها وضلت تبجي وتحلف..
اني مادري بي هيج يصير..
عبالي بس تفترقون..
وردته يرجع لاختي لان تحبه..
بس هو جان فرحان بيج..
واني كرهتج لان كلهم حبوج..
ويعاملوج غير عني..
وجبتي ولد وحبوج اكثر..
تمنيت اصير بمكانج..
بس ندمت..
واكلت اصابعي ندم..
من مات ابني تمنيت اعترف..
بس خفت ياذوني..
سامحيني الله يخليج..
اني ماجنت اعرف حيموت اختي هي التسوي ..
وتنطي الي واحطه..

كتلها الله يسامحج احنا البشر شبيدنا..
باجر حتدفعين الثمن كلشي بالدنيا دين..
واني احاجي امي اخليها تسامحج..
بس جري عدل ترى نجيتي باعجوبة..
شبكتني وضلت تبوس بيه وبيدي..
وتريد تبوس رجلي..
كتلها لتذلين نفسج الله يسامحج ويهديج..

كلت لامي وتوسلت بيها وكلتلي لخاطرج احاجيها..
حالها حال الغريب معليه بيها..
كتلها لخاطر مقدام خطيه ..
رجعن يتحاجن بس هي منبوذة..
البيت هدأ شوي وتحسنت النفسيات..
وهي متحجي بس تباوع بعيونها..
انوب حاجبها انطبر من الراس ..
من ضربها مقدام..
صنفها لواء تصنيف..

عشت وياهم شي ع شي هدوء..
غرفتي الجديدة حلوة وهادئة لان اخير غرفه بالممر ..
هالفترة بدت تظهر بطولات صقر...

للحكاية بقية..

#نقيب_قلبي

البارت 38

حاول صقر يتقرب مني ويلمح...
نظراته اختلفت ..
تصرفاته كلامه..
حتى من البيت ميطلع ..
بس اني اتهرب منه ..

جنت اشر الملابس بالممر..
هم ممسوين من ضمن المنزع مسافه ورا مثل البلكونة..
مخلين بيها حبال وتفتوتلها الشمس..
جنت اشر الملابس بيها ..
وانداريت شفته بوجهي..
انضربت بصدره وبعدت بسرعه..

افف خرعتني يمعود..احجي كول..
_ابتسمت..ليش اني اخرع؟؟لو انت حساسة..
_لا ماحسيت عليك جاي وراي..
_ليش تتهربين مني زينة؟
_اا لا ماتهرب غلطان..
_زينة اني صقر ترى حافظج عالغيب..
وجاي اشوفج تتهربين بلا مبرر..
الى متى تبقين هيج...
_صقر خلي انزل لا يجي احد عفيه..
تعصب دفعني ع جهة..
_لج شبيييج ؟؟شبيج خايفه..
زينة ماكافي عادي فكيها..
تعبت اريدج يمي ..
هذا شاهين رح تصير سنويته..
بعد شبيج خايفه؟
بس نسوي السنوية ونروح نزور..
احاجي الوالد من نرجع..
_صقر ماكدر ..
منو كال يقبلون..
اكيد يردولك بنيه ممتزوجة ويفرحون بيك..
مو تتزوج ارملة..
_زينة ترى هم يتمنون هالشي..
اذا مو لخاطرج لخاطر احفادهم..
_خلاص صقر انسى عفيه انسى..
عفته وفتت جوا بسرعه..

جنت كلش مترددة..
من جهة مقدام واخاف تصير مشكله..
ومنه اجه اهله اخاف ميقبلون لان بعده اعزب..
ماريد اخسر استقرار ولدي..
واخاف من الجاي..
الي شفته يكفي وزايد..
حاولت مااتصادم ويا..
مااخلي يشوفني ..
اخلص شغل اخابر ع لواء اسوي نفسي احاجي..
لو اطلب منه شغله واشرد من صقر..
جانت الدنيا ليل هيج قريب العشرة..
بهذا الوكت احنا نكعد جوا..
نتجمع العائلة كلنا وتصير كعده واكل خفايف..
طول مااحنا كاعدين هو يدز مسجات..
اخر شي سديت النت ..
شويه وكام صعد فوك..
كلت اي فكه..
ضلينا كاعدين لحد ما تفرقوا...

صقر جان بيدي نايم..
وضرغام كالت ام فهد خلي يمي..
خطيه دائما تطلب يبقون يمها..
بس يفزون بالليل وتحيبهم ميبقون..
لو تخابر لواء ويجيبهم الي..

صعدت فتحت الباب وخليت صقر بفراشه..
طلعتلي شورت وبدي طويل..
لبستهم وفتحت شعري..
اخذت ملابسي اذبها بالحمام..
اجيت افتحه مقفول!!!

جان يصيح صقر ها اطلع؟؟
لو يحتاج تلبسين شي!!!

للحكاية بقية..

#نقيب_قلبي

البارت 39

زينة ...ركضت ع زاوية طلعت الروب ولفيت نفسي..
فتح الباب ووكف بي..
صقر..تأخرتي صار ساعة انتظرج..
زين مانمت جوا..
_انت كل عقلك فايت هنا؟؟؟؟
شبيك صقر شهالتصرفات مالت الاطفال..
اليشوفك فايت لغرفتي شيكول؟؟؟
تقرب علي وكف كدامي اني دنكت..

_زينة رفعي راسج وباوعي بعيوني..
اريد اشوف عيونج مشتاقلها..
_بقيت مدنكه ومرتبكة ..
لزم وجهي بيدي اثنينهم ورفع راسي..
ماكدرت اباوع بوجهه استحي..
_اااااخ لج شكد مشتاق لهذا الخجل البيج...
تذكرت اول ماشفت عيونج بالجامعة..
وجنتي تبجين وخشمج احمر..
كلت هالعيون مصيرها الي ...
_عفيه صقر اطلع منا ميصير هيج..
انت محرم علي وغلط الي يصير..
اذا يكعد هسه صقر ويشوفك هنا ننشهر...
تقرب عليه رجعت ليورا..
صرت قريبه ع باب الحمام..
ضل يحجي همس ويتقرب..
_فراشتي تخاف مني..
لا لا مع الاسف..
لزم شعري ويلعب بي ..
غمضت عيوني ..احس جسمي فتر..
شعور محاسه بي قبل..
احس اول مرة يلمسني رجال..
ماحاسه بهالشي ..
من وقت باسني بالسيارة..
غمضت عيوني ..
ردت املي قلبي بهالاحساس..
ماحسيت الا شفته ع شفتي ..
شهكت حيل حاولت ادفعه..
لزمني قوي اجيت اعيط باسني قوي..
سديت حلكي حيل..
نزلت دموعي..
عافني هو استغرب من ردة فعلي..
كتله اطلع برااااااا..
وضليت ابجي..

صقر..من شفتها ذابت بيدي وارتخت اعصابها..
زادت رغبتي بيها اكثر..
بس من بستها قاومتني.
متوقعت هيج حتتصرف..
لان شفتها ذايبه وهالشي شجعني..
بس من بجت انقهرت ووعيت لنفسي..
طلعت بسرعة كعدت بالصالة..
كرهت نفسي اني شلون اتصرف هيج..
ليش هيج غصبتها..
بس هي ليش جاي تجافيني..
معقولة زينة مات حبي بقلبها..
معقول صدك مكالت..
ماتريد ترتبط بعد..
وانوثتها ماتت!!!
صحاني من تفكيري..
صوت لواء..

لواء..صقر شبيك..
_ماكو ولا شي ليش..
_دشوف النفاضه انترست دخان..
شبيك احجيلي يمكن اساعدك..
_لواء تعبان نفسيتي ممرتاحة..
_نفسها صاحبة الجفية؟؟؟
_شلوون!؟
_متعبتك صاحبة الجفية؟؟
_لك انت بعدك تتذكر ملعون..
معليك كوم ولي زعطوط..
_بشرفك كلي اي لو لا بسس..
_ولي روح كاعد يحقق وياي انوب..
امبينه نفسها من ابتسامك ..
شرگت حلكك بس ذكرتها..
هالكد تحبها..
اووووف يا لواء حبها بنص روحي..
لو اصير شايب يبقى حبها اخضر ..
اشو اني كاعد اسولفلك!!
كوم يلا كوم لا دوس ببطنك..
اروح انام بدل ممكابل هالجهرة...

زينة..ثاني يوم ماكدرت اباوع بوجهه..
مقهورة منه من تصرفه..
وخجلانه هم منه ومن نفسي..
احس البيت كله يعرف بالصار..
ضليتزطول اليوم منطوية..

بالليل كاعدين ع فلم توايلايت..
كلش احب هالفلم ..
هو سلسلة..
جان طالع الرابع يمكن ..
مندمجة واباوع لواء اجه جاب كرزات ..
جان متواعد وياي نشوفه سوا..
بس اني شغلته قبل ليجي ..
ب DvD.. 1
اجه ووكف يمي شوي يلا حسيت..
لواء..اي عيني صفنات وحركات..
الله يساعد قلبك لواء..
بس انت فقير طلعت..
_امشي عابت شنو هالبسامير..
تعرف بيه احب هالفلم..
_ترى حتى هو يحبج ع فكرة..
اني شفت حتى الجفية ضامها...

شهكت اني باوعت بوجهه وسكتت..
احس خدودي نار صارت..
ماعرفت شجاوبه..
هذا شمدري يؤ..
معقوله صقر حاجي؟؟
لا لا ميسويها..
_زينة لتخجلين مني تعرفيني شنو..
اني صح ماعرف تفاصيل..
بس الاعرفه صقر يحبج..
نصيحتي الج تزوجو واستقرو..
مدام يحبج وتحبي..
_الله كريم لواء سد السيرة..
ترى احرجتني بما فيه الكفايه..
سكتنا وكعدنا نباوع..
يوم ثاني كاعدين ورا الغدا..
واجت حور بت فهد..
كالت خالة يصيحلج بابا ..
يكول اخوانج اجو!!!!
معقوله ؟منو اجه وشذكرهم بيه؟؟

رحت لكيت مازن ومحمد!!!
كرصني قلبي..
كلت اكيد جيتهو وراها بلوة..
سلمت وكعدت..
ضلو يسولفون ..
شويه وعافونا وحدنا..
كال محمد..
شوفيلي زينة احنا اجينا نحاجيك ..
ترى مو عاجبنا وضعج هنا..
وانت كاعدة بين كومة زلم.!!!
باوعتله كتله بداخلي صدكتك..
لو مابنفسك كلت لتجي ولتوصل..

كال مازن زينة انت ارملة وعدج جهال..
مسؤوليتج جبيرة..
وباجر كلها تتزوج ومحد يريدج..
عديل محمد اخوه مطلك..
وخوش رجال عمره ٤٧..!!!!
وحالته زينة موظف وعنده معرض مال سجاد..
عنده  بس بنية متزوجة عمرها ٢٣!!!

كالو احسنلج من ماتبقين عالة ع اهل زوجج..
واطفالج انطيهم لاهلهم!!
عيشي شبابج وتونسي..
صفنت عليهم اباوع!!!
ذولة اخوان لو عدوان..
ذولة اكيد من نسل اخوه يوسف ..
لا لا ذولة اخوته اصلا..

كمت عفتهم كاعدين وطلعت بلا مااكول كلمه..
خفت احجي شي..
اصلا ماعرفت شحجي..
صرت اخاف انطق حرف يمهم..
وبعدين يتأول ضدي..
طلعت صار بوجهي مقدام..
خير زينة شبيج..
لا سلامتك ماكو..
بس اخوتي وحدهم شوفهم اذا يريد يطلعون..
عفته ومشيت..
ضل صافن عليه وراح..

جانو الجهال يلعبون ..
والكل كاعد ..
عبرتهم وصعدت..
رحت فتحت الغرفة ودخلت..
كعدت بالارض ومددت رجليه..
كعدت احسب ظلم اخواني وجبروتهم..
اندك الباب..
كتله فوت.
دخل مقدام كال اخوتج يكولون خل تحضر نفسها..
امج تريد تشوفج ويرجعوج بالليل..
كتله ماريد اروح..
كال زينة لتخافين..
انت ام

#نقيب_قلبي

البارت 40

صقر..رجعت للبيت جان هدوء ..
فتت للمطبخ لكيت جيان يمها صقر وضرغام يبجون..
جيان..الله يساعدك..
_الله يساعدج ام جنة شبيهم الجهال؟؟
ليش يبجون ؟
زينة وين!!!
_يبجون ع امهم يردوها..
_وين امهم بيها شي صار شي ..
يمعودة دحجي...
_امهم اجو اخوانها اخذوها..
ع اساس امها تريدها..
وبس راحو اخوها جاب الجهال..
يكول امهم متريدهم ..

_ضليت اصيح شنوووووووو؟؟؟
منو طلعله هذا السككككككط؟؟؟
_اعصابك خوية ع كيفك ..
متشوفهم شلون مخروعين ويبجون..
يكولون خالو موت ماما...
_شلون؟؟
تعال بابا ضرغام..اني مو ابوك واحبك..
احجيلي شبيها ماما...
كال ماما ضربها خالو ..
لان ماقبلت تعوفنا..
ووكعت وغمضت..
ماما ماتت بعد مانشوفها ..
وضل يبجي ..
اني تخبلت كتله لا بابا مابيها شي امك..
اني رايح اجيبها واجيي..
جيان احجيلي شلون صار هيج..
_كتلك بعد خالهم جابهم..
ومقدام نايم وفهد مو هنا ..
شفته بالكاميرا..
كتلها جنه ماما روحي هذا اخو زينة..
اشو بس طلعت جنة انطاهم الها وراح..
اجتلي تكلي ماما يكول امهم بعد متريدهم..

صعد الدم براسي..
شكد كرهت اخوتها لو بيدي احركهم..
واحرك ابوهم ع هيج خلفة...
رحت كعدت الوالدة والوالد ..
يابه انتو شلون تخلون زينه ياخذوها اخوانها..
_بويه هم اخوتها شنحجي هم عيب..
لا مو عيب ..
ذوله مو اخوه ذول ذيابه..
تعرف مابيهم خير ومايردوها..
تدري دازين الولد بين جنة..
حتى ماكلفو نفسهم وكعدو حجو ويانا..

ام فهد ..يمه ويرهم الجهال..
_لكيت جيان حاطتهم وتبجي عليهم..
منظرهم يكسر القلب..
ام فهد..الله ينتقم منهم شنو من اخوة ذول..
مسوين روحهم جايين يشوفوها..
او بعدين يكولون امها تريدها..
ولك يمه ذول وراهم سالفه مو خالين..
خليني اروح اشوف الجهال سوده عليه..

ابو فهد..اني شكد شايف عارات..
بس مثل ذول ماشفت..
يعني حتى ماكال لجنة صيحي رجال..
انطاهم الها وراح...

صقر..يابه ترى ماخذوها اعتباط..
امبين يريد يزوجوها..
مدام ذبو اطفالها علينا..
مسأله يعيشوها عدهم هيج مستحيل..
حجي امشينا نروح..

ابو فهد..زين بوية شنكلهم ..
لازم نشوف شنحجي..
تعرف هو من حقهم بتهم ترجع يمهم..
بس غير هم مو بسر..

رجعت امي والجهال وياها..
كتلهم امشو هسه بدلو ونروح..
_شتكول بوية روحتنا المن..
_يابه نروح نخطبها حتى ماكو عذر يرفضون..
ام فهد..المن تخطبها يمه..
_الي يمه اني اريدها ..
_يابعد امك انت العاقل..
مقتنع يمه بقرارك..
مقتنع يمه مقتنع..

ابو فهد..اروح ابدل ملابسي واجي..
ام فهد..صقر يمه ترى متلكى مثل زينة..
جمال وادب وتربيه..
يايمه مناقصها شي..
وخاف تتمنى وحده بت بيت..
ترى زينه بعدها..
اخوك مماخذها..

زينة..ضليت اعيط ع مازن واكله انت ظالم..
وهو يرفس بيه ..
اخر شي اغمى عليه..
فتحت عيوني بالغرفه والباب مسدود..
ردت اكوم ماكر مكسره..
حالتي تصعب ع الكافر..
الدنبوس داخل ببلعومي وجارحه..
لان جنت لابسه الحجاب من ضربني..
وعظامي توجعني..
وسبق وعندي كسور..
باقل ضربه يضل يأذيني..

ضليت بمكاني ابجي..
شوي وسمعت صوت ..
هذا صوت صقر..
صوت ام فهد ..
ااااخ منو يوصلني للباب..
سحلت نفسي واني نايمه صفح..
وصلت للباب..
كعدت كوة لزمت اليدة..
فتحته وطلعت زحف..
وصلت للصالة واني ازحف..
شافني محمد ضل ميعرف شيسوي..

للحكاية بقية..

#نقيب_قلبي

البارت 41

صقر...من شفت زينة اجت وهي تزحف ..
صدك كرهت نفسي..
ليش خليتها لهسه ماعقدت عليها..
حتى لو بس بالاسم..
المهم احميها من هالوحوش..
كمت الها  اني وامي ..
اريد اسندها اجه اخوها..
دفعته وكعدتها..
اباوعلها الوجه مضرب..
والعيون مورمه ومينشاف بيها بياض..
كلها حمرة دم..

دفعت اخوها كلت لامي اخذيها عالجيها..
وكام مازن..
ضل يصيح شنو تدفعه..
هذا محمد جبان ميفيد..
يتحامى بمازن وينتظره يحجي..
حتى يستقوي بي..
تلازمت وياه كتله مالكم علاقة بيها..
من شوكت صرتو زلم براسها..
ولكم اختكم شبعت ضيم وترملت..
وانتو مافكرتو يوم تمرون بيها..
لو تجون تكلولها خوية شمحتاجة...
ضل الوالد يصيح تركته ورجعت ليورا..
كال اكعدو جايين نتفاهم مو نتكاون..
ابو فهد..بوية هي اختكم ومن حقكم تاخذوها..
بس مو اصول تجذبون علينا..
نيتكم تاخذوها مترجعوها..
وتدزون ولدها للبيت..
والادهى من هذا تنطوهم للطفلة..
يعني لا حطيتونا حشيمة ولا احترمتو..
بتكم عايشه ببيتنا معززه مكرمة..
تجون تاخذوها مثل الحراميه لييش؟؟؟

هي جبيره ومن حقها تقرر مصيرها وين..
ومو من حقك ولا حق ايً كان يبعدها عن ولدها..
انت مخلفين وتعرفون معزة البزر..
السويتو عدوان متسوي..

مازن..لا عمي العفو..
بس محمد كال زحمه ازعجهم  والدنيا ظهر..
واحنا ناوين نجيكم نتفاهم..
بس زينة اجتها قسمه وخوش قسمه..
بدل مماتبقى هيج وهي بعدها شابه..
تشوف مصيرها وتروح..
وهم زحمه عايشه بين اربع زلم وثنين عزابية..
الناس اكلت وجهنا..

صقر..احترم نفسك ولا تضل تشمر..
شنو شايفنا نواقيص ع عرضنا..
نعاملها احسن معامله ومراعين الله بيها..
وصارلها سنة يمنا من شهادة المرحوم..
هسه صعدت غيرتك وردتها ..
لو جايبلها واحد مثل جرفتك تريد تورطها بي..

مازن..انت كاعد ببيتي ماكدر اتجاوز..
ولخاطر ابو فهد راح اسكت..
_لا تسكت لان حجيي صحيح..
وماعندك رد عليه..
شوف من الاخير..
اجيناكم هسه بموضوع..
تفضل يابه احجي ودرت ع والدي ..
باوعت بنظرات
معناها شد عليهم..

ابو فهد..ابني احنا المفروض ..
الموضوع نفتحه وي الوالد والوالدة..
بس بسبب الظروف راح نفتحه هسه ..
والنا جية ثانية حتى نحجي..
محمد..هم هسه على جيه..
تفضل حجي احجي..
_شوف ابني زينة بتنا..
ولو شكد ماندور مانلكى مثلها ذهب صافي..
انت تعرف من بعد المرحوم بقىو ولده..
وهم من ريحة الغالي..
ويابوية الضنا عزيز..
وابني شلع شريان كلبي بروحته..
وهالولد اشم بيهم ريحة ابوهم..

اني جاي واريد اطلب زينة لابني صقر..
هو هم يصير الها سند وهم يكفل اطفالها..
وهم وليدات اخوه وحنين عليهم..

مازن..عمي يجي الوالد وننطي علم..
ويصير خير..
وزينة تبقى يمنا لحد ما نقرر ..

صقر..شفته يحجي معلگ..
ومسوي نفسه زلمة وهو صخلة ماتلوذ بسده..
ويجاوب وواثق من نفسه هو ولي امرها..
كال الوالد احنا نترخص هسه..
ومن ارجع اتصل بالوالد..
كله بس انطي خبر للحجية حتى نروح..
كام محمد يصيح للوالدة.
وسمعنا صوت اهله..

دخلو سلمو احنا واكفين..
كالو استريحو ومتطلعون..
كلهم الحجي انا زعلان والي عتاب وياك حجي..
كله ابو زينة لا خويه مامرجيه منك..
لعد ياخوي ولدك يجون ياخذون زينة من بيتي..
ويذبون الولد علينا ...
يكولون امهم متريدهم..
وكاتليها كتله مسويها جنازة..
اجت تزحف زحف..

تعذر ابوها وضل يحجي عليهم..
كله الوالد حجي اني جايك بطلب..
كله نطيتك ابو فهد..
ابو فهد..احنا جنه منتظرين تدور سنه المرحوم..
وتخطب زينه لصقر..
تعرف هو عم الجهال ويحن عليهم..
وزينه مانلكى مثلها ومثل اخلاقها..
كله كبع واخذ شوكت ماتردون..
بتكم هي..انتو فصلو واحنا نلبس..

صقر..من رخصتكم يابه ..
من رخصتك عمي ..
خلينا نعقد هسه مدام الطرفين راضين..
كال ابو زينة خير البر عاجله..
ووالدي كال زين تسوي يابه ...
حتى نرجع ام صقر ويانا من بعد اذن ابوها..
بتك هاي ابو فهد والشور شورك..
زين مدام اتفقنا..
اني رايح نص ساعه اجيب السيد واجي..
كال ابو زينة براحتك بويه نقيب صقر..
واحسب حسابك عشاكم يمنا..
الله يكثر خيرك عمي ..
يلا من رخصتكم مااتاخر..

رحت بسرعه خابرت مقدام..
_الوو مقدام اريد تروح لسيد مجيد..
جيبه وتعال لبيتنا..
_خير سيدي هههه شكو..!!
_دجيبه كله صقر يريدك بسرعة..
رحت لبيتنا اخذت فلوس ..
وما اخلي بالبيت هواي..
اخذت من الوالد وكملتهن..
كلت لفهد وكال عين العقل..
وانتظرت مقدام اجه هو والسيد..

مقدام..خير صقر شكو؟؟
_اخوك يريد يتزوج يول..
_الابالي مو!!
اي اي ..
يلا نتوكل..
طلعنا ورحنا لبيت زينة..

للحكاية بقية

#نقيب_قلبي

البارت 42

زينة..اخذتني ام فهد تصبر عليه وتبجي..
كلتلي اجينا نخطبج لصقر..
واذا قبلو هسه نعقدلكم وناخذج..
احس قلبي انتفض..
مثل الميت ويصعقوه بصدره وترجعله الحياة..
نسيت قهري نسيت حتى الضرب..
ضل ابالي شي واحد هو حنجمع بصقر..
معناها اضمن اطفالي وياي..
ومحد يبعدني عنهم طول العمر..

شوي وسمعت صوت اهلي اجو..
فاتت امي  انصدمت من المنظر..
سلمت ع ام فهد مستغربة..
متعرف شنو الي صاير..
حجتلها ام فهد..
ضلت بس دموعها تصب..
كالت ليش ماانتظرتي نجي..
ليش تبلشتي وياهم..
ذول مخابيل متعرفيهم..
كتلها يمه اخذ جهالي جرهم من حظني..
انت تعرفين شنو شعوري ..
تتذكرين قبل شكد يضربج ابوي..
شكد ياذيج وتتعاركون..
تكولين مااطلع وابهذلكم..
ولا اريد ابتعد عنكم..
انتو الهوا الاتنفسه..
شبكتني وضلت تبجي..
كالت يولون ابوج موجود ويعرف شيحاجيهم..

راحت واجت كالت ...
صقر رح يجيب السيد وتعقدون..
يا الله سويها باسمك وتفض..
يعني اليوم حنجمع بصقر ومو خايفه من شي..
يعني مااخاف بعد لا ياخذون اطفالي مني..
لو عرفو صقر رايدني..
رح يصير كلشي مباح بيني وبينه..
رح يصير هو المسئول عني كدام الكل..
اااااه شوكت اصير باسمك من صدك..

ضلينا نحجي وامي وام فهد يسولفن..
وولدي بحضني خطيه خايفين عليه..
من شافو شكليي..
شوي واجو صقر واخوانه وياهم السيد..
كالت امي كومي اطلعلج شي ابيض لبسي..
مو زينرتعقدين بالاسود..
طلعتلي كلابية مالتها اوف وايت..
شكبرها عليه عبالك برشوت ..
بس ميخالف المهم اعقد حتى لو بكونية..
خطيه ترتب بيه وتبجي..
وام فهد تكلها ليش تبجين..
ترى صقر يحطها بعيونه..
ولا تتوقعين نظلمها..

كالو يلا حيعقدون..
كعدت ورا الباب..
خطيه امي جابتلي طشت ماي خلتزبي رجليه..
وحطتلي شكر ع لساني..
لعبت نفسي وهي تكلي لتذبي..
يخلي حياتج حلوة..
وحطت بيدي هيلة ..
والجهال يباعولي ..
منسندين ع ركباتي..
منا واحد ومنا واحد..
ام فهد تكلهم تعالو..
يكلولها لا نباوع لماما حلوة..
كلتلهم ماما صارت عروس..
وذوله متونسين ميعرفون شنو عروس..
بس يرددون ماما عروس..

سالني السيد تقبلين بصقر ريسان...
اااخ اجت بين عيوني زواجي بشاهين..
شلون انصدمت من سمعت اسمه..
لدرجه من كال اسم صقر..
من كل عقلي اركز!!
اريد اتاكد من الاسم..
رجع سالني واني صافنه..
حاجتني ام فهد..
كتلها اي اي..
كالت جاوبي هو ولج مو اني..
عاد رجع حجه وجاوبته..
بس انصدمت بالمهمر الي مخلي صقر!!

جان المقدم ٣٠مليون وكيلو ذهب..
والمؤخر ٣٠كيلو ذهب..!!!!
من سمعته دخت..
شبي صقر شدعوه هالكد!!!
من كله عقله هيج مهر تعجيزي..
يعني مستحيل احد يخلي ع نفسه هيج شي..

خلص السيد وهلهلت ام فهد..
شبكتني وكلتلي الله يسعدج يايمه..
وامي هم تبجي وتباركلي..
بس نظرات التساؤل واضحة بعيونها..
ومستغربهزمن المهر..
شافت ام فهد طلعت..
كالت ولج يمه شدعوه هالكد..
اخاف ذوله شرطو عليهم..
كتلها ماعرف بس مو غريبه عليهم عادي..
كالت بس المؤخر يمه يخوف ههه..
اكو واحد يحط هيج مؤخر!!!!
كتلها ماعرف يمه ..
هسه يولي المهم اخلص من ظلم اخواني..

وراها كالت امي خل نحضر اكل..
حتى يتعشون..
اني ماكدر اسند نفسي..
كالت رح اوصي الولد يجببون مشويات..
واحنا نسوي تشريب ونشوي دجاج..
اني اعرف امكانيتها ..
واعرف نشتري دجاجه بالاسبوع مرة ..
ونطبخها والكل بيها.. 4

كتلها لا عليمن الدجاجه..
خيجيبون مشويات..
واحنا نسوي شوربه وزلاطه ..
ردت الولد يجيبون منهم..
لان اعرفهم مينطون لو خلص المسواك..
عاد يجيبون من جيبهم افضل..
كالت امشي لعد كعدي يمهم عيب..
رحت وكامو الولد وابو فهد باركولي..
ابو فهد باسني بكصتي..
كلي مافرط بيج اني..
انت بنيتي الماجبتها..
كال لصقر روح بوس راس مرتك وباركلها..
اجه صقر يمي..

للحكاية بقية...

#نقيب_قلبي

البارت 43

صقر ..تقربتلها واحس الخطوات بعيده..
واخيراً اجت اللحظه الي تسمت زينه باسمي..
صرت يمها بستها من راسها..
همست باذنها ..
فراشتي اليوم تنام تحضني..
ارتبكت كعدتها وكعدنا..
اخوانها بالاول عافسين..
ويحجون معلك..
بس من سمعو بالمهر صارو ودهم يشبكوني..
مع الاسف هيج النفسيات..
ولو اني ماحطيت هيج مهر لخاطرهم..
لا..ابد..
لخاطر زينه..حتى تحس نفسها عروس جديده..
وحتى لو مهما صار مااطلكها ..

زينة..بقينا كاعدين شوي نسولف..
واجه مقدام جايب صواني اشكال..
طلع صقر موصي من راح مساع..
ابوي ضل يحجي كلهم انتم ضيوفنا..
ميصير هالشكل..
امي كالت اني جاي احضر..
كللها ابو فهد..
احنا اهل العريس غير العشا علينا..
وين صايره اهل العروس يتكفلون بالعشا..
وماكو فرق عدنا وعدكم ..
خير ان شاء الله..
تعشينا تالي كالو خنروح..

اجالي علي..
_ليش ماخابرتي عليه..
ذول السكط امبين مخططين..
انتظرونا نروح كلنا..
اله اهد البيت بس ترحون..
_يولون لتدوخ راسك بيهم..
الحمدلله رح ارجع وانصلحت الامور..
بس صدك وين جنتو ؟
_جنا بعرس ابن عمي ابراهيم..
بس كليلي انت انجبرتي؟؟
ع زواجج من صقر..
_بقلبي يمعود غير اتمنى..
اا لا مانجيرت بالعكس..
هو خوش ولد واحسن من ماعرفه..
_زينه هو خو ماغاصبي اهله؟
_لا اصلا هو كال وفتح الموضوع..
_الحمدلله لعد طمنتيني..

جاي احاجي علي ومحمد عاط..
شكو شصاير فهمنا..
كال مرته مزحلكة بالمول من الدرج..
وهسه تنزف  ماخذيها للمستشفى اخواتها..
راح وراح ويا علي..
راد صقر يروح كله لا تسلم..
كنالهم طمنونا وسلمنا ورحنا..

رجعت للبيت باركتلي جيان وشبكتني..
ايات باركتلي بس من بعيد..
كالت ام فهد..
_زيونه عوفي الجهال يمي ..
اخذي راحتج انت وزوجج..
هالله هالله بي دربالج عليه..
_ابتسمت وصعدت..
اجه وراي صقر فات للغرفه وتقدم عليه..
_اااااخ ياحضنج الدافي..
لج اليوم احس ربي راضي عليه..
معقوله صرتي الي وباسمي...
_حضنته حيل..
اي حبيبي اني الك..
بس مانام يمك منا لحد مانسوي السنوية..
_لا بربج..غير انتف حواجبج ..
صايرة جنج حواجب ابوج..
_يااا تحشش عليه هم ..
حضني حيل..
ماعاش اليحشش ع فراشتي..
حبيبي اني احلم بهالشي ..
وانت تريد تبعديني..
اخذي التحتاجي وتعالي لغرفتي..
_اممم صدك ليش جربايتك هيج جبيرة..
_حتى وين متشردين الزمج ههه ..
يلا لتغيرين الموضوع ..
_اوكي روح واجي وراك..
خليته راح وفتت للحمام سبحت ...
ورتبت نفسي وكعدت ادور شي البسه..
استحي البس شي مكشوف كدامه..
طلعت بجامة ستن سمائي وبيها طيور..
ووياها قميصها ردان طويله وفضفاض..
لبستهم ولبست الروب فوكه ..
ورحت دكيت الباب ماكو رد..
دكيته مرة ثانيه ماكو..
فتحته مالكيته بالغرفه..
بقيت واكفه بالباب استحي افوت..
شوي وشفته صعد خجلت..
دنكت العب بكلادتي..
تقدم عليه كال ..

_ليش هنا متدخلين؟
_لا بس مالكيتك..
_تعالي تعالي هي غير غرفتج..
انت ليش مؤدبة زيادة..
اتوقع حتى باب الثلاجة تدكي قبل لتفتحيها..
هسه عوفي الادب تعالي بحضني..
جرني بحضنه ضل يشم بشعري..
افييش شكد احب شعرج ..

نزل شم ركبتي..
ضليت ارجف..
_ليش ترجفين حبيبي خايفه..
_ااا لا بسس متوترة شوي..
رفع راسي باس شفتي ..
اويلي شنو من احساس..
اليكول اتمنى اجرب اطير..
احب اكله اني طرت..
والاحساس فضيع..
من باسني جسمي خف ..
وحسيت نفسي محلقة..
شافني ذايبة ومرتكزة عليه..

نيمني ع الجرباية ..
صار فوكي..
تجرأ بلمساته ضليت ارجف اكثر..
تضايقت تذكرت وي شاهين..
والقساوه الجان يعاملني بيها..
رجعت الصور كلها كدام عيني..
رجفت اكثر ..
حس بيه وكف..

_شبيج حبيبي..
_ماعرف بسس تضليقت عفيه عوفني صقر..
_اوكي بس اهدي اهدي..
ليش هالرجفه كلها..
لتخافين مااذيج زينتي..
حضني وخله راسي ع صدره..
ضل يمسح بشعري..
_اهدي حبيبي اهدي..
انت بحضني هسه..
بحضن صقر حبيبج..
حاول يلطف الجو..
ضل يذكرني بمواقف...
_تتذكرين من جنت كاعد بالكافتريا..
واجت مينا تكلج شتشربين..
تكليلها مااشرب هههه..
_ههههه شمدريني ارتبكت..
انت كاعد كدامي وتخزر..
_تعالي صدك ليش ضحكتي من شفتيني..
_اسكت يمعود..
امي عدها مثل تكول..
عمره ماتبخر..
تبخر واحترك ثوبه..
_ههههه لج شنو هاي فديت هالحجي..
وليش احترك ثوبج بله شصار..
_غير اني جاي اكل لمينا شوفي منو اجه..
كالت منو كتلها ولج صقر صقر..
الرعنة رفعت راسها بالسما تكلي وينه وينه..
_هههههههههههه لا بربج..
_ولله من حجت هيج ضحكت لا ارادياً..
وانت لكفتني وخزرتني..
_اي احسن حتى متعيديها..
اخ لج من اشوفج تحجين وي فراس ..
ودي اشلع اذاناتج...
_اوو طلعت عقده..
_لا مو عقده بس اريدج الي وبس ..
شوفي حبيبي اني ياابيض يا اسود..
ماعندي مخطط ..
وماازاغل..
احجيلج الصراحه احسن مااجذب عليج..
اني اغار عليج حتى من امج..
لهذا اريد تسمعين كلامي وتنفذي..
_امممم صار بيها تنفيذ..
ترى انت هسه صقر وبس مو نقيب صقر..
_اي صقر زوجج اليغار عليج من نفسه..
زينتي اريد تلبسين حجاب كدام اخواني..
ترى ع اعصابي قبل جنتي متلبس

#نقيب_قلبي

البارت 44

صقر..جنت اتوقع هالسؤال منج..
بس قبل لا اجاوب ماريد زعل..
لان هالشي بالماضي..
وكله من وراج زين ماطلعت من الدين..
_لا بله واني شعليه وليش متوقع اسئلك؟؟؟
_لان من رجعتيلي الفون وقت خابرتي سارك..
دورت البرامج المفتوحة..
لان اني مسحت البرامج المعلقه..
لكيتج فاتحه الواتس وع اسم حلى..
_صدك عسكري انت الله يستر..
المهم احجيلي منو هي ..
_هه وحدة هيج عابرة لتخليها ابالج..
_يعني جنت تحبها؟
_ههههه لج اموت ع الثول مالتج..
شلون احب غيرج اني ..
_اني مو ثولة وفهمني شنو جان بينكم؟؟؟؟
_زينة الجان بينا فراش وبس!!!!!!
_شنو؟؟؟شنو يعني...
_يعني جنت اروح يمها افرغ تعبي واجي..
ارتاحيتي...
انقهرت من كال هيج..
ماحسيت بالدمعه من طفرت من عيني..
وكمت جرني عليه..
_اكعدي زينة بلا خبال..
اني حجيتلج هالشي حتى ليضل شي غامض بينا..
وجنت اشرب مرات من تصعد كآبتي واتذكرج..
بس هالشي عفته صارلي فتره..
ولتتوقعين ارجع اله..
_اعرف بس مجنت اعرف تشرب باستمرار..
بس صقر انت هيج معقوله!!!
ماتوقعتك بهالمستوى..
من كلت هيج فززني عاط..
_زينة لزمي لسانج شنو هالمستوى..
اشايفتني انام بالشارع  سكران ويجيبوني؟؟؟
_لا بس تروح تتقرب لوحده بالحرام ..
ولاعب وياها لعب..
وتشرب وتعربد وجايلي تحجي بالاخلاقيات..
_لج لتخليني اتمادى وااذيج..
ليش ماتسكتين..
لج اني عشت اسوأ ايام وليالي ...

تعرفين شنو شعوري ؟؟؟
والبنت الاحبها واحلم بيها...
بليله ويوم تصير لاخوي..
لج شايفه الاحساس من اشوفج وياي ببيت واحد..
بس غريييييبه..
ومحرررررمه عليه محرمه..
اعارك الشيطان والاوي..
حتى لا يجملج بعيني...
اني بشر عادي مو نبي..
يعني الشيطان يكدرلي..
بس جنت ادوس عكل المغريات والتفكير..
واكول صارت مثل اختي..
احاول اعوض نفسي بشي ثاني...

_ضليت ابجي ...
اي تعوض نفسك بحلى!!!
_هه جنت انتقم من حلى..
اذا تقربتلها وتذكرتج اشبعها دك الحمار ميحمله..
جنت اصيحها زينة من اسكر..
واذا صحتلها زينه تشرد مني..
تكلي معناها اليوم تدميني..
هذا كله وماكدرت اخلص نفسي منج..
بكل مرة ياذيج شاهين ..
احسه يلزم قلبي ويغرز بي اظافره..
هيج احساسي من اشوفج مضروبة..
لو من اشوف ركبتج مطبعه ..
اكول اي الله يهنيج ويسعدج..
انت صرتي مثل اختي..
لساني وعقلي يكولن هالشي..
بس قلبييييييي ميكول ..
يكول لاااااااا..
هاي الك هاي حقك هاي تعبك...
وادوس ع قلبي واتجاهل ..
حتى بيني وبين نفسي مااحجي..
اكول حرام عليه صارت حلال اخوي..

تجين تعاتبني زينة..
لج اني مخبل من احب..
واغار من ولدج عليج..
تخيلي هالشي..
واشوفج لواحد ثاني..
ومو اي واحد لا..
اخوي عضيدي..
اتمنى سعادتكم واحس بتعاستي...

ضليت ابجي وغطيت وجهي بايديه..
اجه لزمني وحضني حيل..
كال انسي كلشي..
_احنا اليوم انولدنا ...
كافي لتفكرين..
نامي وارتاحي انت تعبتي..
وباجر نكمل فراشتي الحلوة..
_حضنته ونمت ..
وقتت الفون قبل لا انام ع صلاة الفجر..
قررت اكعد الفجر ومافوتها...
كعدت ع صوت اذان الفون..
كعدته حتى يصلي..
فتح عيونه بنعس..
_ها حبيبه قلبي ..
_اكعد صلي صقري الغالي..
_اروح فدوة لج كلشي يطلع من لسانج حلو..
_ههه يلا كوم كوم..
كمنا صلينا ودعينا..
كتله اريد اشوف الجهال..
قلبي انكطع ممتعوده اعوفهم هيج..
كال رح انزل اجيبهم..
صدك شوي وصعد شايل صقر..
نيمه ع الجربايه..
وراح جاب ضرغام ..
ونمنا بصفهم ..
كتله اليوم نمت نومه عبالك هسه جايه للدنيا..
بس ماكتملت لان ذوله مو بحضني..
بس هسه رح انام واحس نفسي بالجنة..
كال اهم شي راحتج حبيبي..
حضني ونمنا...

كعدت الصبح وكعدته يروح للدوام..
نزلنا صبحنا عليهم ..
باس امه وابوه براسهم..
واني هم بستهم ..
تريك وراح ..
ابوه طلع للحديقه..
اجتلي ام فهد..
_ها زيونه شنو الاخبار..
شلونه صقر وياج..
_لا يمه صقر ماكو منه..
ربي يحفظه ويديمه ذخر..
_الله يهدي سركم..
دربالج عليه يمه دللي..
واتحملي شوي حتى تفض شغلتج..
_الله كريم يمه ..
_خل نخلص شغلنا وتكعد جيان ..
حتى نروح للسوك..
اريد اجهزلج كم شغله..
_صار يمه..
رحت كملت شغلي..
خابرت ع امي ..سالتها عن مرت محمد..
خطيه ولد ثنين ميتين..
لان حامل عليها ثامن..
وكتلها الله يشافيها خطيه..
كتلها امرلها ..
وخابرت صقر ع الطلعه..
كال وي امي وين متردين روحي..
بدون متساليني..
كال عندج فلوس بالكنتور اخذي..
بدلت للجهال ورحنا اني وجيان وام فهد..
اشتريت ملابس الوان..
وشغلات خفيفه للنوم..
شوي مكياجات وعطر..
كملنا واخذنا ويانا دجاج مشوي ..
لان تعبنا مابينا نطبخ..
وايات ميحبون طبخها شوي..
رجعنا ايات تباوع من بعيد لبعيد..
صات منبوذه..
حتى زوجها ميعاملها عدل..
وهواي يهينها كدامنا اكثر من قبل..
نقلت ملابسي لغرفه صقر واغراضي..
ساعدتني جيان ورتبت وياي..
بقت غرفتي القديمه..
كالو نحولها غرفه للجهال..
واخشابها نتبرع بيهم ..
اجه صقر واستقبلته..
حضني باسني من خدي..
_اخ لج متشوق ارجع للبيت..
حتى تستقبلني مرتي الصاكة ههه...
ضلينا نسولف ونتعاتب شوي..

#نقيب_قلبي

البارت 45

تقدم علي لزم وجهي..
باوع لشفايفي بنظرة جريئة..
بدا يبوس ويتقرب..
تعمق بالبوسة وايديه تتلمس..
صارت لمساته اجرأ واكثر واقوى..
حاول يهدأني ويخليني انسجم..
وفعلا انسجمت ونسيت نفسي ..
جان الاحساس فوق الوصف..
يمكن بس التتزوج الرجال التتمناه هيج تحس..
لان محاسة هيج قبل..
استمر برومانسيته..
الى ان راد ياخذني..
شاف اثر الجكارة..
شهك ووكف شبيها رجلج!
كتله عوفها شغله قديمه..
راد يحجي قاطعته..
كتله صقر شاهين مو جان يدخن ؟
اذاً خلاص لتسأل..

حسيته انعقج وضاج..
عافني وصعد لزم خدودي بيده..
ضل يتغزل كانه يريد ينسيني..
ضل يشم ركبتي ويهمس باذني..
بعدين رجع راد ياخذني بس قاومته شويي..
مو بيدي شي خارج عن ارادتي..

رجع تقرب.......
........
كام صقر بسرعه..
طلع الجفية واخذ النيشان..
بس اني مثل الميته متمدده من الوجع ..
كام باس راسي..

_مبروك فراشتي صرتي حرم صقر ريسان ..
شرعا وقانوناً وجسميا وروحياً...
_من بين البجي جاوبته الله يبارك بيك.
شافني وجهي احمر وادمع كال..
_ها زينتي تاذيتي مو اسف اني اسف..
_اه صقر ماحس بجسمي من الوجع..
_هسه حبيبي اخذج للجاكوزي..
تمددي وسبحي وريحي جسمج..
_لاا احس جاي ينزل دم..
لعد اذا ينزل كومي اني اسبحج..
واذا قوي نروح مستشفى؟
_لا لا شسالفه هسه اصير زينة..

شالني واخذني للحمام واني حاضنته..
كعدني حوا الدوش سبحني..
حسيت نفسي رجعت طفله بعمر ست سنين..
وامي مكعدتنبدوتسبحني...
خلص جابلي البرنص ولفني..
ونشف شعري وشالني ..
خلاني ع الجرباية وباس راسي..
_رح اسبح بسرعة واجي حبيبي..
هاج هذا فونج التهي لحد مااطلع..
_لتتاخر نعوسة اريد احضنك وانام..
_يدلل عليه الحلو..

طلع من الحمام واجه حضني ..
ضلينا نسولف الى ان نمنا شوي وكعدنا ع اذان..
صلينا ورجعنا نمنا..
كعدنا الصبح من نزلنا تلكتني ام فهد..
_من شافتني دنكت خجلانه ..
وامشي ع كيف هلهلت وشبكتني..
_ع الخير والبركة يمه..بس البارحة شهرتينا هههه...
مااوصيج بعد..
اريد تترسولي البيت جهال..
صقر..تدلل ام فهد انتظري الشهر الجاي تتبشرين..
_اشو بكيفك عيني تحجي ..
اني ماريد اطفال..
_لا زينتي انت تردين وغصبا عنج..
كرصني من خدي وطلع..
شافتنا ايات ..
عبرت كالت كلنا اخذونا ماعيطنا..
وطلعت بسرعه..
كلت الحمدلله صدك متنعدل..

مرت الايام واني وي صقر عايشه بجنة..
الاطفال سوينالهم الغرفه..
ضلو ينامون بيها اول ايام يكعدون يدكون ببابنا..
بس ترسناها العاب وتونسو ضلو ينامون بيها..
بس غيره صقر زادت..
وي مقدام ماكو غير السلام..
ولواء يتداهر وياه ويسولف وياي..
وبس يشوفه جاي يركض..
لان يعيط بي ميقبل..
يكلي يفسد اخلاقج ههههه...

بيوم اجت عمتهم ومينا وياهم..
بس وسن مطايقتني..
ومينا خبلتها خبال تحرك بيها..
اجه صقر واحنا نصب الاكل..
كال بالصالة الاكل لان احنا هواي..
كتله اي اكيد..
جر خشمي وغمزلي وطلع ...
اجت وسن يمي كالت امبين مرتاحين!
كتلها الحمدلله صقر ماكو منه..
كالت اي صح قابل تسولفيلي..
وتبتسم بخبث ..
احنا عشنا احلى ايام...

للحكاية بقية

#نقيب_قلبي

البارت 46

زينة..اي انتو ربيتو سوا بعد..
اكيد تكونون مثل الاخوان واكثر..
_هه اخوان!يااخوان صقر اني ويا غير شكل..
رادت تكمل سويت نفسي مااسمعها..
نقلنا الاكل وكملنا..
صحت لجيان كتلها ثواني بس وروحي..
اجت كالت خير خوفتيني..كتلها..
_احلفج بمعزة فهد واطفالج..
وسن عدها شي وي صقر قبل؟؟
ماازعل بس اريد اعرف وبس..
_ههه لج تضلين ثوله..
وسن تبوس تراب رجلي لصقر ..
بس كون ينطيها امل لو يباوعلها..
من اول متزوجت اني و هي هذا حالها..
وامي تدري بيها..
بس تشتغللها ع البارد..

اصلا كلهن يردن صقر..
ويخافن منه خوف الحسه من البطنج..
لان مينطيهن وجه ولا يتمضحك وياهن..
_فديتج طمنتيني ..
بستها ورحت كعدنا ع غدا..
كاعده يمه وهو ياكل ويتحرش ..
كلت الا احرك قلبها ..
كتله انطني دولمه بماعوني..
جنا مخلين صينيه بالنص..
_من عيوني شنو تردين بعد.
_لا قلبي فديتك بس دولمة..
خلالي بماعوني اكلتها كتله اريد بعد..همسلي..
_لج شنو اليوم نفسيتج مفتوحه..
لو تجمعين طاقه ..
حتى تصرفيها بعدين..
اني باوعت لوسن وابتسمت ..
درت عليه سويتله اوشش..
_لج عقلي الناس يمنا اوش شنو..
اني مو مسؤول عن تصرفاتي ترى..
_ليش مو مسؤول ..
هيج مطيره عقلك اني..
_هو ضل براسي عقل..
ضابط واتعيقل ع الجنود ويمج اذوب ههه..
جنا نتهامس وناسين اليمنا...
الى ان كالت ام فهد..
امبين النقاش سري وغمزت..
استحيت ودنكت كلها صقر..
_حجيه بتج تاكل بالدولمه وتريد بعد ..
رح تكرط الصينيه..

الكل ضحك واني ضليت انطي الوان..
وحسيت معدتي انعفست عفس..
لزمت بطني وكلت اه بصوت ناصي..
اندار عليه صقر..
_خير زينه شبيييج..
احس مغص كطعني..
التمو عليه كلهم..
اخذوني تمددت بس زاد ضليت ابجي..

حسيت برطوبه باوعت الفراش كله احمر..
شافته ام فهد ضربت خدها..
كالت لج شنو هذا..
لبستني بسرعه واخذوني للمستشفى..
طلع صاير عندي اسقاط طفل وباقي طفل..
بس وضعه خطر ومابي نبض ..
بس لازم ننتظر..
تمر اسبوعين ونرجع نجيك..

انطاني دوا ومثبتات وابر..
كال ممنوع حركة لان وضعي حرج..
رجعت للبيت ووسن وايات يباوعن بشماته..
صعدت لغرفتي تمددت وتاثير الدوا بسرعه نمت..

كعدت المغرب يمي الجهال يلعبون..
سالتهم وين بابا..
كالو جان هنا وصاحت عليه بيبي..
لان عمو مقدام ضل يعيط..
وراح بابا يحجي عليه..

صفنت شصاير خابرت ع لواء..
كتله شكو شبي مقدام بس لا مشكله؟
كال لج ابو جهل اكل كتله غسل ولبس..


للحكاية بقية

#نقيب_قلبي

البارت 47

زينة..لا لا صدك ليش..
_اعتقد الها ايد بوكعتج..
لان مقدام سحلها ذهاب واياب..
صاحت علينا امي ونزلنا فكيناهم ...
_يا عزا هي حامل شلون يضربها..
لتخافين ابو جهل صامد هههههههه....
اكلج  صدك شنو  شوكت صرتي حامل ..
وهم توأم..
_اي بس واحد وكع..
هههه شلون سؤال هذا ..
اذا يسمعك صقر يزينك صفر...
_دطيري انت ويا مساع خبلته..
كتله شنو شاد سته سلندر خويه ع كيفك..
البارحه تزوجتو اليوم حامل..
بس بعده اثر المحبس لهسه بخدي.،
ماعندج شي يوخر الاثر..
_ههههههه عابت روح روح ..
_يلا سي يوو..

كمت رحت للحمام ورجعت تمددت..
الجهال يمي يلعبون كلت اخابر سارة..
سارة..الوو هلا زينو بالي يمج ..
من البارحه ماكو...
_اسكتي خالتو ترى تعبانه...
_يااااي لج شنو خالتو لتكليلي!!!
_اي اي بس وكع واحد وضل واحد..
_ياااا عزا ليش..
_ماعرف هيج حتى ماجنت اعرف بنفسي..
_يلا الحمدلله ضل واحد مو اثنينهم..
ذاك مو مقسوم..
بس تذكرت حلمج..
من كلتي وكع من ايدي هلال..
تفسيري هالهلال هذا الطفل..
_اذا هيج ميخالف ..
صح انقهرت بس بعده مكبران..
تعرفيني نقطة ضعفي..
_الحمدلله عدت سلامات..
اكلج يعني متكدرين تجين لعرس علي..
لا اجي فديته هو خطوبته ماكدرت..
لان سواها سكيتي لخاطري..
بس احضر زواجه هذا الغالي.. 6

مرت الايام واني نايمه فوك..
وميخلوني اتحرك والاكل يصعدو الي..
صقر ميعرف شيسوي حتى يرضيني..
مرات احسد نفسي..
اكول شكد محظوظه اني ع هيج سعادة..
خلصت الفترة ورحت للدكتور ..
والطفل عايش مابي شي..
ام فهد كلش فرحت واخذت جكليت..
من رجعنا طشته عليه..
ايات سوتها بالضحكة ..
لعد اني شو ماطشيتي علي..؟
كلتلها ام فهد بخزرة..
لا انت من تطلع جنازتج اطش جكليت..

مرت الايام وصقر مضيق الخناق كلش..
بيت عمه من يجون ميخليني اكعد ابد..
خالته عتبت عليه..
كللها اني مرتي متكعد يم غريب..
وصدك لو اكعد يم النسوان..
لو مااكعد...
ايات هم طلع بيها بنيه..
ومقدام ذالها ذله..
يكلها اتزوج عليج بس تجيبين..

مينا ولدت وفعلا متقدمه بالاشهر..
جواد راد الولد شاهين..
وهي تخرجت بس اني قررت من اجيب ارجع اكمل..
صار عرس علي ورحت..
صقر ماقبل البس فستان واسوي شعري..
شرط لو حجاب لو ماروح..
صدك لبست حجاب وفستان مستور..
ايات جابت بنية سماها مقدام زينب..

صار موعد ولادتي وهم عملية..
الحمدلله جبت مرتضى ..
بس نسخة مني..
لواء خطب بنت عمه ..
وبارق وياسر اخواني طلعو يكملون دورة برا..
وزيد خطب بت عمي..
احمد طلع ببيت لوحده بقى مازن وعلي وزيد وياها..
مرت علي خوش بنيه ومدارية امي..

مقدام خطب اخت صديقه...
وايات اعترضت ورادت تطلك..
كلها لخاطربناتج مخليج..
بس راحت لاهلها ماقبلت ترجع..
وضلن بناتها يمنا...
طلكها بس خلاها تتنازل عن بناتها..
ام فهد تدخلت حتى لتتطلك لخاطر البنات..
بس ماقبلت الا تتطلك..
بقن بناتها بيني وبين امي وجيان..
مرتضى عاقل وهادئ كلش..
بس صقر يحوص يريد بعد اطفال..
وصدك صارت وطلعت حامل..

صار زواج لواء وسويناه بالملوك اهل البصرة يعرفوها..
واسعه وحلوة..
وحضرة صقر يريد اروح بحجاب..
زعلت عليه وقبل كال لبسي بس مستور..
راح وياي واختار الفستان بيده..
ومنو يختاره قفل عبالك عباية..
تدللت عليه شويه ووافق ..
اخذت فستان اوف وايت الصدر كصة عادية..
مابي حمالات..
ومن جوا ضيق وبي ذيل طاووس وملون..
وشعري مفتوح ع طوله تسريحه بسيطة..
بالكوة خلاني اطلع..
يكلي خلينا نبقى هم يرحون..
رحنا والولد لبستهم مثله لبس قاط كحلي..
وربطه اوف وايت ..
رحنا بس احس العيون تاكلني اكل..
هواي بالعائله يضوجن مني..
لان اخذت صقر واني ارمله ..
وهن عازبات ماتزوجهن..
صار وقت العشا وامي معتمده علينا اني وجيان..
جابو الولد الاكل واحنا نوزع..
صار نقص خابرت صقر..
كال انتظري بغرفه البرا هسه اجيب..
طلعت وتلاكيت وي ضياء..

لم يتبقى للحكاية الا القليل

#نقيب_قلبي

البارت 48


فتت للغرفه بسرعه صح لابسه العباية..
بس مفتوحه والحجاب بس ذابته ذب..
اذا شافني صقر يصخمني ..
حاجاني ضياء من ورا الباب..
ضيا..زينة بلا زحمه ممكن تصيحين لامي..
_اي هسه اطلع بس روح من الطريق ..
_ليش اروح مو انت لابسة بعد شنو؟
_عفيه روح زحمة كلنا لبسنا مكشوف ومكياج..
_اي ياعيني كلكم اهلي وحبايبي..
عادي خل نمتع نظرنا شوي... 15

_شنو انت متستحي؟؟؟
ترى اخابر صقر هسه..
_لج منو ميستحي لزمي لسانج ترى افوت عليج هسه !!!
ترديني اطلع ضيمي بيج..
عاد من وكت شاهين وانت بنفسي..!!!
واليوم شلون طالعه ت.............
_لا ياناقص غيره روح مناااا...
اله اخابر صقر هسه اخلي يربيك..
_لج صقر لو بي خير..
مياخذ وحدة ضاله بنفس العشيرة نصها وحتى اخوه!!!! 13

صقر..خابرتني زينه تريد اكل..
جانو يمي ولد عمي وعمتي ..
احنا دومنا سوا..
واكفين ناخذ صور..
اجيت اطلع صاح عليه عمي ..
اجيت يمه عتب عليه ..
لان صارت روحاتي قليلة..
صراحه ضليت مااطلع مكابل زينه والاولاد..
ماتمنى اطلع واعوفهم..
ضليت اسولف وي عمي ..
بس استحي اقطع كلامه..
تالي كتله اوه حجي اخذنا الكلام..
البنات خابروني يردون اكل..
كال لعد روح بوية..
لا نتفشل وي العالم عيب..
طلعت فتت للجهة البيها قاعه النسوان..
بس صعد الدم براسي..
من سمعت كلام ضيا!!!!
ماحسيت ع نفسي الا واني نايم فوكه..
لزمته رفس وبوكسات فقدت..
انكلب العرس عزا من العياط...
واجو الولد خلصو من ايدة كوة..
رادو يفهون السبب ماحجيت..
كتلهم طلعو من العرس ترى ارميه..
اخذونا برا وهدو الوضع..

زينة..من سمعت الصار ضليت اطكطك..
اخاف اطلع من صقر..
واخاف حتى اخابر..
ياخوفي ليكون سمع كلامه..
خفت يصير الاكثر وتتطور المشكلة..
ضلت بطني توجعني..
خفت ع طفلي ليصير بي شي من الخرعة..

بس خلص العشا لملمو العرس وزفوهم..
اني لابدة يم ام فهد وتلفوني مافتحته اخاف..
سويته مغلق حتى لو سألني اكله وكع شي..
المهم ماشوفه هسه..
زفوهم للفندق وياهم ام فهد..
واني وخطيبة مقدام وجيان والبنات الصغار..
رحعنا وي مقدام..
اني مدنكة ومخروعه مرتضى بحضني..
سالته جيان..
كلها يستاهل هذا قليل الشرف يولي..
وسد السيرة..
اول ما وصلت صعدت الحهال بدلتلهم..
وجانو تعبانين كالو نريد ننام..
سديت الباب رحت لغرفتي..
مرتضى بدلتله وشربته ممه بسرعة غفى..
دايخيين من صوت الدي جي..

فتت للحمام سبحت بس مابللت شعري ..
مالي خلك اجففه بقيت وارجف خايفه..
لبست ثوب قصير للركبة..
بس حسته ضيق..
لان الحمل مغير جسمي وتضايقت..
كمت طلعت غيره اريد البس وفات صقر..
كمزت بسرعة للجربايه..
التفيت باللحاف وخايفه شسوي ..
بس شفت عيونه خفت انتهيت..
اول مرة اشوف هيج عصبيه من صقر..
اجه جر اللحاف تكورت اني ..
_كومي كدااااامي...
_عفيه صقر اهدء معليه اني معليه بي..
اجه جرني من ايدي ووكفنيي..
كعد ع الجربايه وطلع جكارة يدخن..
اني وكفت كدامه دنكت ومجلبه بالثوب بيدي..
_ليش جنتي تحاجين ضيا؟؟؟
_ماقصدي ولله بس هو كال اصيحه امه..
ردت يرو...
_سدي حلكككككج...
لج شنو هالحجي السمعته!!!!!
ليش مخابرتي عليه ..
ليش باقيه تحجين ويا حيوانه..
رفعت وجهي باوعتله ودرت وجهي..
_كافي صقر شنو موكفني قصاص؟
ومخليني ترزل وتغلط..
كول عدك بعد رزالة لو اطلع..
ممتوازية اتحمل اهانة مو جندي عندك..
_اشو لسانج طولان؟؟؟
العتب عليه اني..
ناطيج مجال زيادة..
ذب الجكارة وورث ثانيه..
باوعتله بعتب..
_انت محملني مسؤولية؟؟
وابن عمك هو عار وعينه مو اله..
وموكفني كدامك مثل العبد ماله داعي..
عفته اريد امشي صاح اوكفيييي...
_شبيك اريد ابدل هاي خنكتني حصر..
_ذبيها متبدلين وبعدني مخلصت كلام...
_كافي صقر اعقل شبيك..
مشيت خطوة كام جر الثوب من ايدي..
ضربني راشدي بس احس خدي افتر..
بحركة قلب ضرب..
عفته ومشيت خطوة ثانية..
صاح لج تكسرين حجايتيييييييييييي..
اني الج ..
جر الثوب من ايدي وشمره بالارض..
والثوب اللابسته ..
لزمه بيديه الثنين وشكه..
كال اني اعرف اعاقبج..

للحكاية بقية

#نقيب_قلبي

البارت 49

شك الثوب ولزممني من حنكي بايد وحدة..
رفع وجهي وباسني بقوة..
_تتذكرين كتلج عقابج حيكون هيج..
بس هالمرة اكثر..
لزم ايدي ليورا ..
دفعته بجسمي ضربني راشدي خفيف..
ضل يبوس بقوة ويضرب خفيف..حاولت اخلص نفسي ماكدرت..
ضل يعض بركبتي خفيف..
بلحظه تذكرت شاهين..
شلون جان ميبوس بس يعض..
رغم صقر عضته خفيفه ..
يعني بحنان مو بحقد..
بس احتصرت..
قربت حلكي من اذنه..
_كافي ترى مالي نفس بيك..
افف هو كتله هيج بس تخبل..
دفعني بالارض..

لزم وجهي بيديه ويصيح..
_لج باعي بعيني وكوليها..
مالج نفس بيه موووووو؟؟؟
معليه بيج..
المهم اني الي نفس بيج..
وماريد غيرج..
ضل يضرب خدودي ع خفيف..
ويحجي كلمات عقاب..
الى ان تقربلي..
احسه ينتقم مني..
وراها عافني ع الارض وكام جاب جكارة..
اني نايمه ولافه ايديه ع ركباتي..
وهو كاعد ومتجي ع الجرارات..
ورث جكارته ونفس الدخان ليفوك..
وضل رافع راسه كال..
_ليش جبرتيني اعاقبج..
تعرفين مااتحمل احد يلمح خيالج..
اني مو نبهت عليج متطلعين ..
اني جنت صافنه الحايط ودمعاتي تنزل..
بداخلي اعرف مينطي قلبه ياذيني..
بس انقهرت لان حط الحق عليه..
استمر يحجي..

تدرين من سمعت كلامه وياج..
ساعتها تمنيت اني نايم بالقبر مو شاهين..
زينة اني ماتحمل احد ينظرلج حتى لو يحل عليج..
مو بعد اليحرم..
لج هذا اعرفه عينه وصخه..
وحذرت شاهين وكتله انتبه ونبه مرتك لتكعد كدامهم..
ترى ماعدهم حشيمه..
بس ماسدكت الي سمعته..
_تدرين جنت شاك بهذا القذر عينه منج..
بس اكذب نفسي..
اكول انت عرضه شلون يباوعله..
اكول يمكن يعطف عليج..
بس من كال انت ضاله بنفس اخوه هالكلمه طيرت عقلي..
لج ماتحمل شوكت يرجع وانزل ادمي..
يعني اخوي حاط عينه ع عرضي!!!
اليهود ماسووها ..
اني اذيتج مو من باب اشك بيج..
انت تعرفين اني اخليج بمعسكر..
ارجع الكاج كما انت ..
شريفه وعفيفة وطاهرة..
بس القهرني هذا النكس ضياء...
ليش تردين عليه ومخابرتيني..
واخابرج ورا المشكله الكاج مغلق..
لج زينة من توصل الشغلة يمج انتهي..
ع كلشي رزن واعصابي اتحكم بيها..
بس وياج اني مخبببببل...
تعرفين شنو مخبببببل...
احبج يابت الناس..
يمكن ما كايلها هواي ..
بس احسها كلمه تافهة ..
قياساً بشنو اشعر..
لج احس قلبي هو الولدج..
مو بطن امج..
احس انولدتي بيه اني..
احسج شي يمشي وي دمي..
شي متربع بعقلي متحكم حتى باعصابي...
باوعت عليه اول مرة اباوع بعينه..
كتله منو قصدك يحط عينه ع عرضه..
كال مقدام الناقص..
كتله ابد مقدام مانظرلي نظره مو شريفة..
لو حاسه بهالشي مابقى وياكم بالبيت..
ولا احاجيه او اختلط بي..
بس مقدام من استشهد شاهين خطبني..
رادني حلال اله..
راد يربي جهال اخوه..
وهالشي شهامة منه مو خيانه..
وكتلك خطبني مقدام بس انت متتذكر..
ضل صافن بوجهي حسيت ملامحه لانت..
كال..
_شوكت كلتي خطبج اشو مكلتي؟؟؟؟
_لا كتلك بس متتذكر..
لان جان هيج عرض عادي مجرد ستر لمرت اخوه..
مو غايه ثانية..
كتله هيج حتى ادوخه واخلي يشك اني كايله ..
حتى ليكون الوضوع مخفي او بي سر..
وهم ماريد يشد وي مقدام..
لان الولد من كتله ماريد سد السالفه..
وما يوم رجع تصرف شي مو حلو..
ووكفنا من عقدنا وجاب السيد والعشا..

ورا ماكلت هيج تقدم عليه ..
حط راسي بحضنه..
_زينة ماريد اتأسف..
احسها حجايه تافهة واحد يكول اسف..
والاعتذار للغريب..
وانت وليدة قلبي..
يعني تعرفين شنو يحس..
رح تزعلين ع الصار ..
لو تعتبري عقاب لان قهرتي قلبي الي هو ابوج..
_شتكول انت اني هسه شنو احس؟
_اعرف انت مقهورة وتحسين مظلومة..
بس مو صقر اليظلمج يابدر ليلي..
تعرفي لصقر يهواج..
بس عادي مرات القلب مو يتعارك وي شرايينه..
وهن يخبثن عليه وينسدن..
هسه احنا هيج..
رفعت راسي بوجهة ضحكت..
_لك انت داهية صدك سياسي..
_اعجبج اني ..
_طبعا عيني من الخبرة مصفي نص بنات العراق..
_ههههه لج هو القلب من شافج قفل..
ماجنج وجهج وجه زعطوطة..
وحلكج طالبي من الجيران..
اكلج حلكج انش واحد يمكن ..
_امشيييي مو صوجك صوجي مازعلت..
تعال صدك وسن هم احدى ضحاياك..
_هههه يا وسن بت عمتي؟
_اي اخت جواد...
_لج هاي راسمة عليه من زمن جدي..
وحاولت تغريني وتبسمر..
بس اني مالي علاقة بيها..
تعرفين لو اكو شي اكول..
وهم الحجيه خوش مشتغلتها شغل..
_هههه فديت امي شكد احبها..
لان جابت هيج واحد مجنون..
صدك مو تتلاغى وي مقدام..
لتخلي الشيطان يدخل بينكم..
_لا زينتي بعد عرفت منج ماحاجه اسوي شي..
بس ضياء اذا الزمة الا اعوقه..
حرام اكتله واريحه..
اخلي عايش يتعذب..
_يبوووو من افكارك الاجراميه هههه...

صار يوم ثاني استقبلنا العرسان..
سوينا عزيمة وعمهم وخالتهم يتعذرون..
كايللهم ضياء شافني اباوع ع قاعه النسوان ..
وتلازمنا..
وخطية اهله يتعذرون..
تغدينا وخلصنا وصارت كعده وسوالف..
اني فترة وحام..
بس خفيف زين مو قوي..
بس ادوخ..
كلساع اتمدد..
شافتني وسن..
_يااا صدك هم حامل..؟
_اي وسونه يوم الج تتزوجين وتحبلين..
_ويع لا شنو ارنبة..
كل يوم حمل..
_هههه اي اذ

#نقيب_قلبي

البارت 50 والاخير

صقر من عرف بية توأم وثلاثة..
حسيته دمع من فرحته..
ممصدك حضني حيل وفرحان..
من يشوفه بالطريق فقير ينطي ..
تذكرت المؤسسة..
_صدك حبيبي سمعت موضوع عن مؤسسة ..
هيج شي شنو هذا؟..
_اخ زينتي لتذكريني ..
_ليش حبيبي شكو؟
_مشتاق لشاهين هواااي..
_ليش منروح نزوره..
ناخذ امي ويانا والجهال..
اكيد مشتاقتله هي ..
الله يساعد قلبها ويصبرها..

_اي اني هم مفكر اخذكم واروح ..
اكله وفيت بوعدي..
_ياوعد!
_شاهين ذممني بيكم ..
رغم جان وضعه زين وتحسن..
كال اني حاس نفسي ماكوم منها..
زينة وولدي امانتك..
اذا متت زينة لتخلي غيرك ياخذها..
اعرف اني اخذت حقك وتعبك..
واريد حقك يرجعلك..
طمنته كتله حتكوم منها وترجع لعائلتك..
بسسسس راااح...
_الله يرحمه ويغفرله ياعمري لتقهر نفسك..
لزمت ايده بستها..
كال سالتيني ع مؤسسة..
شاهين جان مشترك بيها..
هي مال اعالة ايتام..
ومن استشهد اجو جماعة المؤسسة يعزون..
وعرفنا عليهم جواد..
احنا مندري..
واشتركنا بيها هم صدقة وهم ثواب لروحه..
الله يرحمه ويغفرله.. 7

رجعنا بشرناهم ام فهد فرحانه خطية..
والولد كله يمها بس مرتضى عندي..
مرت الايام وتوصلي وي اهلي مستمر..
وصقر دائما يعزل لامي مصرف..
يكلي اعرف بيها ممحتاجه..
بس اني مثل ابنها ..
ومن نطلع يشتري ملابس لو عباية..
كلش يحبها..
مرت علي حامل..
سارة صار عدها بنية وولد..
ورانيا حامل..

اني كلش احس ثكلت ..
وصقر ملازمني ميبعد عني ابد..
صار علية تاسع ورحت اخذت سونار..
كلولي ذوله مو توأم ..
هذا واحد ومعاق..
وقتها احس جسمي برد..
وعيوني غوشت ووكعت..
جان صقر وياي فايت..
كوموني وهو واكف فوك راسي محتار بيه..
ارتفع ضغطي وانقهرت وخفت..
صقر كال نروح لغيره..
اكيد اكو غلط بالموضوع..

رحنا انتظرنا شوي..
اني واكفه ع اعصابي..
شافو وضعي تعبان دخلت..
كلشي ماحجي بس دموع تصب..
صقر حاجه الدكتورة ..
_الدكتورة كالت معاق عنده اربع رجلين..
واحنا قبل فتره ماخذين ونعرف توأم ثلاثي..
كالت نامي خل اخذلج وانشالله ماكو شي..
حاولت تهدأني وتحاجيني..
اخذت السونار اني اباوع لوجهه..
اريد افسر حركة وجهه..
تالي كالت ذوله هم كلشي مابيهم..
يافاشل كال معاق اسم الله..
اشرتلي هذا واحد وهذا الثاني وهذا الثالث..
كالت وضعهم كله تمام ..
بس اهم شي تحافظين ع صحتج..
بس خلصت حضنت صقر ضليت ابجي..

رجعنا وحجينا كدامهم ..
ام فهد ضلت تعد وتصف هههه..
لواء يكول دولوني وين صايرة اروح احرك العيادة..
لتروح تسويها بغيركم وينجلط..
ومقدام منا يبووو محد يندك بيهم ذول...
ورا يومين جنت نايمه العصر كعدت..
نزلت سالت الولد وين..
كالو يلعبون بالحديقة..
كمت اريد اشوفهم اباوع ضرغام ماكو..
سالتهم كالو توة جان هنا..
فتت اجر نفسي كوة..
كتلهم وضلينا ندور ماكو..
اني حيل مابيه بعد..
كعدت بالارض ورافعه راسي للسما..
ياربي لتاخذه..
هو صح منك والك بس لتفجعني بي..
ياربي اخذ عيوني ..
بس ليتأذون جهالي..
ضليت ادعي فصلت عن العالم الخارجي..
ماحسيت وراها بالصار..

فتحت عيوني المغذي بيدي..
وام فهد يم راسي وامي..
يقرون ويبجون!!!
_ضرغااام ..اريد ابني....
من شافوني كعدت خطية ثنينهم اجولي..
كالو تطمني ضرغام بخير..
_وينه جيبو اريده اريد اشوفه..
_موجود جابه صقر لان عرف مراح تصدكين..
بس تشوفي هسه اكله يجيبه..
_جيبووو اريده...
دخل صقر عيونه خايفه وقلقة..
باسني وحضني واني نايمة..
ضرغام بس شفته حسيت ردت روحي..
كال لكينا الحمام الخارجي مقفول عليه...
حمدت ربي وشكرته مابي شي..

يوم ثاني دخلوني عمليات لان وضعي تعبان..
وخافو ع الاطفال..
الحمدلله جبتهم بسلامة..
يخبلون مثل اللعابات..
ورا يومين رجعنا للبيت..
ذبحولهم وعزمو الاهل..
صقر راد واحد منهم شاهين..
والثنين اسمهم كرار وقسور..
الحمدلله صقر طاير بيهم طير..
كتله بعد مااخلف لو تموتني..
غمزلي كال بس يكبرون شوي نجيب بعد..
لواء مرته جابت بنية..
ومقدام صار عنده ولد واخيراً..
الفرحه ماسايعته..
مرته كلش خوش بنيه ..
بسيطه ومؤدبة..
صح شكلها عادي ..
هو يكول مكتوبلي الجكمات هههه..
مشت الايام واني عايشة وي حبيب روحي..
اطفالنا حوالينا ...
صقر وضرغام ومرتضى وكرار وقسور وشاهين..
الحمدلله ع كل حال..
ربي انطاني هيج نعمة ..
زوج مثالي واطفال بصحة وعافية الحمدلله...
ولليوم صقر اذا وعدني بشي يوفي..
لو يكلفه اغلى ثمن..

النهاية..