#النوك___الحمر

بقلم مريم السعدي

#بارت٢١
بس انت كلت وسكتت -- يعني انتو مدري شون عايشين مخلين اهلكم لغز ادري كلنا غيره خلوه بس موهيج مووهييج استغفر الله

سالفتي طويله عميي انه ناوي اروحن ازورن اخوي اخظ اذنه وارد احجيلك بس مانطيتني مفكه.

بقيت ساكت اباوعله منصي وايده عروكهن بينت من العصبيه جريت نفس كال
عمي دربي طويل عودك من اردن النا كعده ونحجي بيها

همست اخذني وياك

التفتلي متفاجا
الاهل عدهم خبر
خابر ابو عوف كله

هاذ هوه توكل بالله.
طلع وبقه ساكت وعيونه عالطريق واني ساكت افكار تتعارك براسي اذا اخته ليش يكولون بت ابو عوف ليش ناكر خوتها

شنو فلمهم يعني عايشه بالبيت الجبير زين وليش يكولون بت ابو عوف
السكته سكته لمقبره النجف. المشكله بلبسي جان ممرتب عكسه كال
اصف السياره ونزور ومن بعدها نروح اهلنا

خوش هزيت راسي كال
اهلك وين مكابرهم

مكبره الحاج ---
ها مبعيده علينا چا زين

يحجي وميباوعلي ذبينا السياره وطلعنا للامير زرت وطلعت انتضر انتضر ماكو كال بعد ساعه نلتقي اني كملت بنص ساعه افتريت بالشارع لكيت دشاديش ديبيعون اخذت وحده رصاصي تذكرت حجي ننه
البس بلون عيونك من يومها احب الرصاصي حاسبت وبقيت بيها بعدما كدرت اخذت داخليات ووشلت فلوس كل البيدي٤
رجعت لمكاني انتضر شوي وطلع يترخص من الامام مميل راسه وعكاله بيده مسحه بالباب ورجعه لبسه ولفه عدل وتلفت شافني عكد حاجبه وابتسم بعدها تقدم يفر بيده مستغرب

قبل الله

تقبل الله اعمالك چا شنو عمي بدلوك
ههههه والله هدومي تعبت اخذت دشداشه
چا غير طالع مننا وبينا
هو اني بعد صرت منكم وبيكن من عاشر قوم ٤٠ يوم صار منهم صارلي٥ شهور يمكم

اي بالله. عدل امشينا عمي
جر نفس

بقينا نمشي منصي راسه اخذ حلويات كومه
المن متكولي هواي هاي
لاهلنا عمي يحجي ويهز راسه موافق ويحسب بالفلوس وطلعنا للكراج خله الغراض وتوجه للمقبره كال
بالاول نزور اهلك

لا شون يصير
التفت ضيق عينه
عمي ماترهم يرادلنا كعده
زين براحتك رحنا لعمي علي وزرته صدك بجيت والكه المكان البصفه فارغ من اول جانت ننه تكوله تره اني. بصفك مو تنطي لامك باوعت كبر امه وراه صاير جريت حسره. بالم باوعت لعبد الله
يابه خابر ابو عوف شو كلبي اكلني
توني اتصلت عمي لا تخاف ام عوف عندها
هزيت راسي ماشي. زرت ابويه وامي ومشيت وره عبد الله القره الفاتحه لاهلي وبينما كاعد يم عمي علي راح جاب مي ورد وذبه مشيت وراه وره مكملت زيارتهم مشه مشه ووصل لسرداب جبير طك زلج الباب وكال.
يا الله من طبيت روحي انتفضت اللي انقتلو بالبر كلها هنا مدفونه وصورها على كبورها عبالك رجعت لذيج الايام والسيد حسين بالنص بلبس اسود مبتسم وشاهينه على كتفه اختنكت خنك وعبد الله نزل وباس قبره بقه صافن عالصوره ورجع باس القبر بللهن بمي الور وكعد بالكع على كارتونه جانت مفروشه من اول كعدت بصفه وكعد يقره زياره عاشوراء عالغيب ورحع قره حديث الكساء وختمها بصوره يس كلهن حافضهن تجي مواضع يختنك بعبرته ويضل يفرك بسبحه السيد حسين البيده يسكت شوي ويرجع يكمل بصوت عالي جهور كمل وسكت جر نفس كال

خويه اليوم جايك بسالفه وادري من اجيك وانشدك حاير ثاني يوم تجيبلي ردها بالمنام
هذا ابو فرحه تعرفه وجنت تكولي ريت كل بغداد نفس طينته تتذكر كلما تفك صنبور المنضومه تكول
الف رحمه عالحليب الرضعته يابو فرحه الله يضكرك بالخير وين ماجانت اراضيك

هذا الحين عدنا وصار مننا ورايد مننا مره ومالكيتله احسن من اوخيتك عبن اهو شار عليها
اوخويه شور عليه وعليه وباركلنا بالزيجه وانه ادري بيك تشعر بيه وبيها وانه اخضت موافقتها وكصدتك وكصدت صحن الامير

چا خوش جنت تكلي من تحير اكصد باب الله
لليوم صار اله عدنا خمس شهور ماطلعت منه العيبه لا والله شايلني شيل وشال عنني هم البستان ومعمله وحتى المراح وماطلب اجر لليوم
كلما اشوفه اكولن راح يطلب وماطلب انه ردته يطالب بحكه واضن محكوك بس ماطلب رغم انه عازلهن اله بس ماردت احرجه

يس- اسمع وجسمي قشعر حسيت كاعد بنصهم بالبر مثل قبل التفت عليه عبد الله وكال
عمي الك خلك تسمع مني للنهايه
هزيت راسي ونصيته بس عبد الله موزين الحجي بامور الدنيا بالمقبره

انه من احير بدنيتي اجي لهنايا لاخوي دك عالكبر برفق وباوعلي

باوعت لصورته يبتسم هضيمه هيج انسان معدل يروح كلتها بداخلي عبد الله كال
عجل نروح للمضيف مال ابوي نحجي هناك

براحتك

كمنا سلم وطلع قفل الباب ونضر نضره اخيره للسرداب جان نفه وجبير ومبي درجات غير وحده الله يرحمهم ويسكنهم الجنه
اخذني لحسينيه وتلكو برحابه صدر انثبروا بي ثبر طببونا لمكان بي ديوانيه مرتبه وجبير شغلو السبالت وكعدنا طلعو من يمنا باشاره منه

مشكور هاذ هو رحمه الله والديكم

عمي السيد نصب الغده

لا يابه فردن ساعه

صار على امرك

طلعو من يمنا وسدو الباب تقرب عبد الله كعد بصفي نصه على الكاع

وبده يحجي كال

اللي كصدتها هاي اوخيتي منها بنت ابو عوف.
هزيت راسي

قصص واقعية ، 🌸 ':
#بارت٢١
كعدت الصبح متاخره وممحضره ملابسي امس نمت بدون شعور بس شنو النشاط العندي من الصبح ادمدم واغني وع الحمام غسلت وطلعت بدلت الكهرباء ماكو لهسه ما صلحوها بس ضوه الصبح يبين من الشباك
عكس هزاع الي كعد مزاجه برتقالي
...................
كعدت وانه ضايج انه شلون سويت هيج شلون شوشت عكل البنيه هاي مو فعايلك ابو عذاب مو على اساس تريدها تصفي بالها من غير ما اجيسها
اكيد هسه راح تفكر مثل المراهقات من بوسه من لمسه نست اتفكر بعكلها غلطت يابوعذاب ماخليتها تاخذ راحتها و وكتها بتفكيرها
هسه انه صبرت هاي السنين كلها بلايه مره ضلت على هل جم شهر ليش ماكضيت روحك منها شنهي الضعفك جدامها شنهي الي خلاني افكد عكلي
كمت وانه ضايج حسيت انه خربت كلشي واي شي واي قرار غلط واي موقف غلط يصير باالامستقبل نتيجته تسرعي لان ضغطت عليها ماانطيتها وكتها وراحتها باالتفكير
دخلت للحمام اسبح وانه افكر لازم احجي وياها اصحيها شوي انه ماردت اصير يابس ولا لين وياها بس شجانيي ما ادري
طلعت ابسرعه لازم اوصلها واحاجيها خاف رسمتني بفكرها بطل من ابطال الرومانسيه ماعدها احد يرشدها لازم ارجعها الواقعها خل تشوف مستقبلها بعكلها موش بكلبها وتشوف الفرق الي راح تعيشه
طلعت لبست وكملت ونزلت
.
.................
كملت لبسي لبست كاب واخذت جنطتي
وطلعت جانوا ديتريكون كلت صباح الخيغ وكعدت
شربت كلاص الحليب كالعاده وردت اكوم بس هزاع كال
انه اوصلج تاني شوي
تمام
ضليت انتظره شوي وكمل
كال يله طلعت اني وراه
صعدت للسياره
وكلش فرحانه حيوصلني هو ويشوفنه صديقاتي لان دائما يكولن ليش مو هو يوصلج اخاف ميحبج
قبل ميحرك سيارته رفع نفسه شوي يطلع محفظته من جيب الدشداشه وسحبه وانطاني افلوس
لبس نظارته وعينه باالطريق وشغل جكارته وشوي وحجه
شوفي بيلسان الي صار امس امر طبيعي انتي زوجتي امام الله وبدينه الاسلامي ومابي اي مخالفه
لجن انه ماردت هذا الشي يصير مو مناحيت عيب ولا حرام بس انه ماردت شي يشوش بالج هاي السوالف يكدر يوفرها اي رجال بس اكو اشياء يجوز ما تلكينها بيه او مو مثل ما انتي حاطه ابالج
من هيج مارايد الصار ياثر اعلى تفكيرج اريد بالج صافي اريدج اتقررين ومن قناعه تامه اذا انتي كدها تتحمليني تتحملين عيشه اهلي بناتي
-هزاع انت محمل الامغ اكثغ من مايستاهل يعني مبيها شي الحياة تضحيه ومشاغكات واذا اتزوجنه اكيد حيكبغ حبنه لذالك التضحيات والتنازلات تصيغ سهله انقدمها واحد للثاني ليش دتحسسني اني ماممكن اعيش معاكم صحيح مو نفس عيشتي سابقا بس انتم هواي عدكم اشياء تخليني غصبا عني اتنازللكم مثلا قلوبكم الطيبه وحبكم النقي اجتماعيين هوايه عدكم حنيه وحب بين بعض الاب وي بنته الاخ وي اخته الابن وي ابوه غيغ ان انتم ناس كغماء وشفت هوايه تنصفون المضلوم مثل ماصاغ وي ساغه ومثل وكفتكم الي
-هذا من طيب اصلج لجن انتي ما فاهمه شنهي يعني تعيشين عيشه مختلفه طول عمرج يعني لو تزوجنه مامش فرصه تتراجعين بيها جاي تكولين انضحي اي صح لان الزواج مبني اعلى هل شي
بس تدرين انتي الي راح اتضحين ضعف عني بهواي حيث انتي راح تعيشين ببيئتي بمنطقتي اعلى عوايدي موش العكس يعني عندج استعداد تغيرين روحج وتتعايشين وياي ويه بناتي ويه خواني
انه ماجاي اخوفج ولا جاي اشردج مني باالعكس انه شريتج هسه مومال ابيعج لجن اريد اكون صريح وياج احنه مختلفيين حيل وانه جاي اشوف البيج طربت عرس وجاي تحجين عن التضحيات ولو صارت صدك شلون ما جاي اباوع اشوفج ماتتحملين ضغطي وضغط عيشتنه المختلفه
جايز انتي فرحانه ويحكلج لجن فكري ليجدام حسبيها بعكلج زين ماريد اظلمج مااريد اذيج اريدج تفهمين طبعي وتاخذين حجايتي
-استوب... ليش دا احسك خايف مني
-لا موش منج خايف اتعلك بيج وتالي ماتتحمليني وخايف اظلمج لو ماتحملتيني
-هزاع ياعيني تغى اني واعيه وفاهمه اني وين وشنو وضعي ومثل ما انت تفكغ لبعيد اني بعد افكغ مثلك وفكغت بااسلوبك شفته انت دتحافظ ع شي صاغ الك ما انكغ اي صح بي ضغط باالنسبه الي لكن كلشي يبدء بالتدغيج
فكغت بااهلك شفت ابوك واخوانك وخواتك وامك يجننون واحد اطيب من الخ ويحبوك واكيد ح يحبوني ع حبك
وهم فكغت بااطفالك شفت عذاب مايفرق طيبه عنكم وعذغاء طفله مدفوعه من انسانه تعتبغها امها و شافتها هي الصح والانسب ودتنفذ كلامها وهسه او بعدين عذغاء حتكبغ وتتزوج مباقيه وياي
اما حواء فشفتها طفله ممكن ان تحبني بما ان هي طفله
وانت شفتك ورى هذا قلبك القاسي والجدي زياده والتعب  شفت انسان حنون محب تخاف ع اهلك واي واحد يخصك
اما البقيه ما الي دخل بيهم لان ميخصوك اكثغ من الي عددتهم لذالك اكيد ميخصوني وح اتجنبهم
-التفت علي ماتدرين حجيج اشكثر فرحني واتمنا يضل هذا رايج وماتتغير نظريتج

-لعد انت شنو جنت متصوغني طفله او ما اعغف افكغ اي صح اني شقيه واحيانا تصغفاتي جنونيه لكن هذا مو دليل ع اني طفله او خله في عقلي باالعكس اكثغ العلماء مجانين
-هز راسه الله كريم والله يجدم البي خير
-حجيت بداخلي اي اهم شي الب