حلام ودخلت دره وزينب
-ازيك ياحببتي عامله ايه
-اهلا ياعمغي ماكو دانظف الغغفه
-ماشي طب نساعدك



شويه
-ههههه ما اكول لا
ضلن ينظف وياي انتبهت ع دره واحس بحلكها حجي تريد تحجي
كمشت العطر من ايدها الي جانت دترجعه يم البقيه وترتبهن
-شنو دغه باالسانج حجي
بلعت ريقه وغمضت عيونها وفتحتهن
ركضت ع الباب سدته ورجعت يمنه
زينب مالك يابنت خوفتيني
دره مادري شكلجن لجن تذجرين امس بليل بيلسان يوم سمعنه صوت باالحديقه
جان هذا عناد
-عززززه عناد شلون اله عين يدخل اهنا وشلون ليكون كمز من السياج
زينب وعملك ايه ليكون مد ايدو عليكي
-لا مامد ايده
(دنكت شويه وبلعت الغصه وكملت)
اجه يكلي رديلي ويكول هو يحبني ومشتاكلي تصدكن دش للغرفه وماخاف من احد ولا خاف من امي النايمه يمي
-اوووف الغب يعينج مفتهمنه عناد يحبج لو شنو باالضبط
زينب بصي يدره الواضح ان عناد بيحبك اوي بس مريض وعندو حاله نفسيه يمكن موت اختو ضربة حاجه بمخو
دره .وانه هم محتاره شفته امس شلون يحجي من كلبه ولهفان اعليه لجن خايفه منه
-شوفي دغه انتي حقج تخافين لان الظاهغ اعناد اما عنده مشاكل نفسيه مثل مكالت زينب او ديغيدج تغجعين(ديريدج ترجعين) عمود ينتقم من اخوج
دره.ادري يابيلسان ويمكن اثنينهن بي وادري بعد هو شكد يحبني وانه احبه زود عن حبه الف مره ومحتاره بزماني
وموش هنا وتخلص السالفه لا هو كال عنده شي
يبري اخوي سعيد من التهمه الهو بيها ويكلي رديلي واطلع اخوج
زينب لا يادره متخاطريش علشان اخواتك كفايه انتي اليوم تدفعي ثمن صلح وكلام فارغ  تجوزتي بسرعه دي بسبب الصلح ده
-صحيح كلام زينب سعيد غلط وخلي يدفع ثمن غلطته وهو مو صغيغ(صغير)حتى انتي تضحين عموده مهما يكون هو طيب وفقيغ بس مو لدرجه يتاجغ باالمخدغات ليش الغب المن حط هنا عقل ولا تكليلي ضحكوا عليه هذا عذغ (عذر)يضحك اصلا هو ابن شيوخ واخوانه واهله الهم سمعه وهو عمغه ١٧ كافي تسددوله هو غلط وانتي ماالج ذنب بشي وعناد اذا يغيد خلي يقدم الدليل للشغطه(للشغطه) من طيبه قلبه ويثبت ان هو تغيغ حتى يكبغ بعيون ابوج و خوانج ويثبت انو يستحقج مو يساومج وحتى يغجعونج(يرجعونج) اله لان من سابع المستحيلات ابوعذب حيغجعج(حيرجعج) بعد الي شافه هذاك اليوم وحالتج الي يغثا(يرثا) اليها
زينب والنبي الكلام ده كان بعبي بس مكنت اعرف اقوله بس دي المفعوصه عرفت تجيبو وانتي يدره متستعكليش انا عارفه انك بتحبي اوي ومش مستحمله بعدو بس خلي عناد يعرف قيمتك ويقدرك ويثبت انو تغير بجد وانو  فعلا يستحقك
هزت راسها دره بمعنى اي
-اي وهو هيج راح اسوي مثل ماكلتن والله يهديه اذا موش الخاطري الخاطر هل الجاهل الي مدري شنهي مصيره
زينب اميين ان شاء الله يحببتي انا واثقه انو يجي يوم ويرجع اعناد زي زمان
دره ان شاء الله يسمع منج يله يله خل انساعد النادره اليوم مدري شطاري عليها معزله غرفتها وتنظف
-ههههه غيغ غغفتي(غير غرفتي) لعد منو ينظفها
نظفت الغرفه والبنات وياي مخليت شي منظفته وحتى ملابسه كلهن كويتهن ورتبتهن باالكنتور
ولمن خلصنه ذبينه نفسنه ع الجربايه تعبانات كلش وضلينه نسولف ونضحك
لحد ماصار المغرب زينب راحت البيتهم ودره نزلت جوه لان وقت صلاة
اني ردت انام من التعب بس خطرت في بالي اسوي اجواء رومانسيه وهيج شي
كمت طلعت فراش العرس مال الجربايه فراش ابيض وتصلت ع عذاب ماير مره وثنين لزكتله لحد ماوصلت ١٠ مكالمات رد
-هاا خير شنهي ليش شكو (ويحجي بعصبيه)
سوف يزول الألم في المفاصل إلى الأبد
-اعصابك حبيبي شدعوه عليك
-اروح فدوه كولي يابعد جلياتي لازم الشغله بيها تعب وهيج تتلوكين
-ههههه اغيد منك خدمه صغيغونه(صغيرونه)
-هههههههههه شنهي الصغيغونه بله غردي
-عابت الخبل لاتضحك علي انت وين
-باالشارع دايح
-اوك ماطول انت باالشاغع ودايح ع كولتك ح ادزلك مسج محتاجه كم شغله تجيبهم الي هسه عفيه ومو تغجع ناسي شي حتى لو تدوغ البصغه (تدور البصره)كلها فدووواتك عذوبي ماشي
-خايبه هجم بيت المصلحه شكد تخلي البشر يتلوك الله كريم عود دزي بس شنو استفاد انه لازم اكو مقابل
-انت اطلب الي تغيده واني حاضغه(حاضره)
-اي شي اطلبه حاضره ماتمانعين ابد ابد
-ابد ابد
-اكو واحد غثاني اليوم اشوي ورزلني رزاله نشفت ريكي اريدج تركعينه طراك وتفوخين كلبي لان انه ما اكدر امد ايدي عليه عرفتي
-عزه بعينك عذيب منو دتقصد
-رجلج
-حتى يذبحني ويذبحك يمي انوب اطغاك (اطراك)

-اي مو انتي مايحس منج ان هذا طراك لان طراكج يختلف علينه هلسوالف بليسه مرة بليس
-سسخيف هههههه غوح ولاتكثغ حجي
-ههههه يله ماشي ماشي الله وياج
راح واني سديت التليفون من عذب ودزيتله رساله باالشغلات الي اريدهم وبعدها دزيت رساله الهزاع
اليوم لاتتعشه وياهم مسويتلك عشه خاص
ورجعت اكمل ترتيبات الغرفه وطلعتلي بدله حمره تناسب الاجواء قصيره فوق الركبه بدون ردن كلها ضيكه ع الجسم فانيله وبيها خرط خفيفه بين الصدر ومابيها اي شي بعد رحت سبحت بسرعه
وشسورت شعري
واني دا اشسور دك الباب عذاب وهو يصيح بيلسان هاي شغلاتج
حطيت شال ع راسي

وفتحت الباب هلا عذب كلشي جبت منسيت شي
--كلشي ..بس الشك عندي مفول  عزموني وياكم بروح العزاز
(حجاها وهو يضحك )ترى والله تعبت رحت السوك المدينه جبتهن واجيت وتعبت ساعه افتر
-فتحت عيوني
عزه ياعزيمه هذه
-مال بعد شوي ترى تكسبين بيه اجر بس اكعد واسكت اجتف ايدي واكعد عااقل بس اباوع بعويناتي
ضربته باالمشط ع زنده
غووح منا شكد سخيف منو كال عزيمه غوووح
سوف يزول الألم في المفاصل إلى الأبد
راح وهو يضحك اي هاي سوالفج موش علي انه عذيب
-صحت عليه واني اضحك تعال شكد صاغ لفلوس تعال اخذهم
-حجه وهو ينزل الدرج خليهن علي هل مره بس كلي الرجلج خل يرفع اليوميه شوي لا اسلك عشيرته ولايرزل بعد انه حر باافعالي جذب جذب موتكليله الاخيره
سديت الباب واني اضحك كملت شعري
ونزلت اخذت الشغلات الي ردتهم وجنت ناويه اسويله العشه من ايدي مخصوص وماأسال احد عن شي ولا اغيد مساعده اليوم كولشي غير
بما ان اني ما اعرف شي غير شكم شغله وعباره عن سلطات ومقبلات وهم ردت تغيير بروتين الاكل الي ياكله كل يوم قررت اسوي اشياء بسيطه
سويت باسته وجبت خبز التوست حطيته ع النار شوي وجبت  اعواد اسنان حطيت داخلهم قطعة جبن مربعه زيتونه و طماطه وخيار وقطعه صغير بيض سلق سويت اكثر من وحده وحطيتهم باالصحن يم التوست بشكل مرتب والباسته حطيته بماعون ثاني زينتها بكرفس مثروم  وسويت ماعون لخ بي حمص بطحينه سويته باالخلاط وحطيت يمه زلاطه عباره عن خيار وطماطه ورمان وخس وجزر وفوكهم ليمون
رتبت الصينيه باوعت عليها وضحكت هذا مو عشه هذا غجيم (رجيم)بالنسبه الهزاع
جانن باالمطبخ بنين واحلام ديسون العشه طبعا اني اسولف وي بنين واشتغل واحلام ذبت حجايه اول مدخلت كالت منين طالعه الشمس اليوم يمنه يسرى اشو داشه المطبخ
مارديت عليها بس لمن سمعتني باالاخير خلصت الاكل وجبت اسم هزاع كالت
-هااا يعني هاي الفضاله والخرابيط توكليهن الهزاع عود
بنين يااا استغفر الله احلام هاي نعمة الله شنهي تكولين خرابيط
-قابل شكلت انه شوفي مسويه معكرونيه ومادري شنهي وتكول عشه والله يا الله
بنين خايبه عد رجلها هاي المعكرونيه على كولتج تسوه الدنيا والله جا الزلمه شيريد من مرته غير تهتمله واهي زين منها ودشت المطبخ وسوتله عشه واهي كلشي ماتعرف
-يااادهر فرجن كون هسه انه شكلت بله لو انتن منهي التجي تصير محامي عنها مادري ساحرتلجن مادري شايله خرزه العالم الله
هذا الحجي كله واني ساكته
كملت وكلت البنين حبيبتي لتعبين نفسج باالحجي اني لو اغيد كان غديت(رديت) بس ما اغيد ادوخ غاسي
حجيت هيج وطلعت وهي ضلت تغلي
صعدت الصينيه ورجعت نزلت جبت طلبع وسط من جوه رحت الدره كلتلها
-حبي اغيد توغ او قماش حلو منا منا احطه ع طبله
-ليش حبيبه
-ههههه مسويه عشه خاص الهزاع واغيد اغتبهن باالغغفه(ارتبهن باالغرفه)
-ههههه اي زين ماسويتي ربي يهنيج احبيبه صعدي وانه هسه ادور ببوفيه الحجيه اكو عدها اشكال
-تمام ياعمغي كون لون ابيض
صعدت طلعت الشموع الجابهن الي عذاب ورتبتهن ع الميز مال مرايه وباالكاع و ع وع ميز الجربايه
صعدت دره جايبتلي تور حلو ابيض كله وبي بااطرافه نقشه حمره
دخلت وكالت الله شنهي باع الاجواء مثل الافلام هههه اليوم شطاري هههههه
-ابتسمت اني لعد شلون اعجبج تفكيغي هواي منحغف اقصد غومانسي (وكلبت عيوني حول)
-اي خيه طيري عكل الزلمه
-هههههه احتاغيت (احتاريت)وياكم مغه تكولين اهتمي مغه ح يطيغ عقل الغجال
سوف يزول الألم في المفاصل إلى الأبد
-هههههه اتشاقعه وياج حبيبه سوي وبيج ومابيج كثري عبن اخوي محروم المكرود ماشاف شي البركه بيج خلي اليوم يعيد
ضلت وياي تساعدني نفخت النفاخ الاحمر الجايبهن عذاب وشمرتهن باالكاع
وحطيت نشره ع الكاع وي النفاخ و حطيت التور ع الطبله ورتبت عليها الاكل وكلاصين عصير ودره تصنف وتضحك ع العشه وشوي وترجع تشجعني تكسر وتجبر واني اضحك وياها
كملت كلشي كلت الدره من يجي انطيني خبر كالت ترى هما اعلى جيه
وطلعت وي فتحت الباب جانت احلام باب غرفتها طالعه منها وحاولت تحرك راسها يمنه يسرى تريد تشوف شكو شنو دنسوي باالغرفه

قصص واقعية ، 🌸 ':
ضحكت اني وفتحت الباب اكثر خطيه انشلع قلبها خل تشوف شوي
ودخلت سديت الباب
وبسرعه لبست البدله مكيجت ولبست كسسوارات ناعمه فضي كلاده وحجل ومحبسين وسوار تعطرت وعطرت الغرفه طفيت الاضويه شغلت التلفزيون ردت اخلي ع اغاني بس ادري بي ميقبل ميحب يسمع اغاني حطيت ع فلم اجنبي ونصيته ضل بي صوت خفيف 
وكعدت انتظر لحد الساعه ب٨ ونص الساعه المفروض هو جاي
ربع ساعه وكالت دره اجه وكاعد جوه
اتاخر شوي لبست روب طويل وشال نزلت باوعتله من بعيد جانو ديتعشون وهو كاعد ع القنفه بعيد عنهم شوي ياعمري ويسولف وي ابو وخوانه ع سعيد والحجيه امه كلساع وتكله
يمه خايب تعال اكلك لكمه عليش شبعان شكون ماكل وساد معدتك
-ما ماكل شي حجيه بس هسه ما اشتهي
احلام والله يا ابو عذيب شلون كبه تفوتك خل اسويلك لكمه وضوك تاكل صابيعك وراها
-مشكوره خويه بس ما اشتهي من اجوع اخلي بيلسان تصبلي
يله شيخ ترخصوني تعبان شوي اروح انام
الحجيه زري خايب يمه شجرالك اليوم لا كليت وتكول نعسان من هرفي خاف مريض يابعد امك
-لايمه بس تعبان وعلي من الصبح طالع ماكعدت غير مساع الظهر ساعه من مجان المجان افتر
عذاب خايبين شجلبتو للزلمه (حجاها وهو يضحك) يكلكم ايريد يررتاااااااح تعبان
(والتفت على ابوه)روح بويه والهوه بظهرك ءء اقصد روح ارتاح ونام زين
اني صعدت اركض واضحك ع عذاب وشلون خله ابوه صافن
سديت الباب باالمفتاح وعدلت شعري ونظره اخير للمرايه اتاكد من شكلي
ثواني وسمعت ايد الباب تتحرك وشوي وصاح بيلسان فتحي الباب عليش قافلته
-حبي غوح اسبح اول حتى تغتاح حظغتلك (حظرتلك)ملابسك باالحمام
-اي فتحي خل انزع دشداشتي اتعشه  وتالي اروح للحمام
-لا ياعمغي غوحح غوح اسبح اول وجيب دشداشتك وياك لمن تخلص
- الله اليستر منج شمسويه
-ضحكت ممسويه شي غوح اسبح حتى تغتاح بس مو تتاخغ
-رايح امري الالله بس ها ترى ميت جوع بعلي
وراح
ضحكت واني ابوع ع الاكل الي مسويته
الغب يعينك اليوم حتنام خفيف
يتبع.....

#البارت٥٠
راح سبح اني فتحت القفل لكن الباب مفتحته وضليت مركزه وي باب الحمام شوكت ينفتح حتى اسمع صوته وختلت ورى الباب لمن سمعت صوت باب الحمام
  فتح الباب مالت الغرفه جان الخاولي ع ركبته ويمسح ع لحيته باالخاولي
ابتسم ودور علي بعيونه وهو يسد الباب شافني رفع حاجبه وباوع علي من جوه ليفوك  ابتسم
-اويلي ..شنهي بويه جنج ناويه علي اليوم مزيدتلي الشكر وانه حيل مابيه
خاف يطكني سكر وتعال ياعمي شايلني
ابتسمت ودنكت
-اي شنو غايك (رأيك) حجيت واني أشر
بيدي ع الغرفه
هو تقرب علي بخطوات بطيئه وعيونه بعيوني وشوي شوي نزلن نظراته ع شفايفي وحجه بصوت هامس
-ليش بويه موجنج حلوه زايد اخاف عليج مني صدكيني
عضيت شفتي ودنكت
دفعني بجسمه ع الحايط وكمل بنفس الصوت
يعني شسويلج هسه ها خايف ابوسج واحرك شفايفج وخايف امد ايدي المس جسمج وتجويج ناري خايف اشمج وتموعين بين ايدي شسويلج كليلي هاا
حسيت كلبي صار طبل واول مره ارجف هيج مدري خوف مدري فرح مدري حب 
وتوترت زياده من سمعت صوت دكات كلبه السريعه والمسموعه احس ديشارك كلبي النبض واحد ديسابق الثاني باالسرعه جنت راح اتلاشه بينه وبين الحايط خصوصا ان حسيت بحرارت جسمه باالفعل تخترق جسمي
حجيت باالكوه
-ء ء هسه ت تعال تعشه (وابتسمت اضيع خجلي وتملصت من بينه وبين الحايط وسحبته من ايده وكملت كلامي حتى الهي عني شوي)
تعغف اول مغه اطبخ ههههه شوف سويتلك عشه يجنن
شفته رفع حاجبه وباوع  ع الطبله ورجع باوع علي
-وين العشه
-ههههههههه
-لالا صدك وين العشه شوتضحكين
-هههه اهوو شسالفه حبيبي هذا العشه هسه دكول شكغاً تسلم ايدج اني تعبانه ع مودك اليوم
-ابتسم عمي شكرا انه ماهمني العشه كد ماهمتني ام الاحمر وغمزلي
بس ترى مع ذلك لازم اكتسب طاقه وبهذا عشاج ماكو كل طاقه هههه
كعدته ع الجربايه واني اضحك
-هسه انت اكل وصدكني حتاكل اصابعك ع كد ما لذيذ ههههه
سحبني كعدني بحضنه بعد شعري من الجهه الثانيه واشتمني بركبتي وباسني
-يله جا وكليني
ابتسمت وضليت اوكله باالبدايه وبعدين هو ضل ياكل كملنا عشه وهو لحد اخر لكمه مامقتنع ان هذا عشه  عباره عن مقبلات
وباالاخير كمش عود الاسنان باوعله وباوعلي وهو يضحك وسوه نفسه ينظف اسنانه بي
-شنهي هااي كض بسنوني المفطح
حطيت ايدي ع وجهي وضحكت
سحب ايدي من وجهي باس بطن كفي وكال تسلم ايدج حبيبه شنهي لتسوي هاي الايد يطلع حلو مثلها
ورجع يبوس بيها ع كيف ويصعد شوي شوي ع زندي وركبتي حسيت بشعور ما اعرف اوصفه غير ان لا اني باالارض ولا باالسمه غمضت عيوني ستسلمتله عفت نفسي بين ايديناته عفته يرتوي ويطفي نار كلبه سلمته اخر ذره من مشاعري واحساسي وكياني وجسمي صرت مثل  اللعبة بين ايديه يقلبني يمنى ويسرى مثل ميحب سلمته نفسي بكد حبي اله بكد الامان الي احسه واني يمه
وهو استرسل بلمساته وتعمق بوساته لحدما صارت اكثر حده واكثر عنف بس عنف مغلف بوشاح من حب من دفو من شوك
وكفني كباله وصار هو وراي
همس بأذاني وهو ينزل بدلتي شوي شوي
دذبي الثوب ......وتدني
ا

لعشك مايعرف العيب
وكشفي خصرج ذاك...... المعذبني
خلج فريسه اليوم وانه اصيرن ذيب
واراويج انجوم ليال .....الدولبني
دذبي الثوب بلا ستر رايد اليوم
واسمعيني صوتج وبهداااي....... وني
اريد اذنب انه اليوم واسوي جثيره اذنوب
واخلي الشيطان يتعوذ ويتبره بليس مني
عضيت ع شفتي بتسمت وغمضت عيوني
ورجع يكمل مسير الشوك بشفايفه
لحد ما وصل للشغله  اتقرب مني وبعدني باالبداية حسيت ومجرد محسيت بوجع
بجيت اعتصر كلبي تذكرت الشي المانسيته وحضرني وجعي والامي لمن اعتده علي بكر تذكرت الالام الي حسيتها بهذاك اليوم والرعب العشته غمضت عيوني وعصرت فراش الجربايه بيدي حيل وبلا شعور ضليت  اصيح ودمعي ع خدي لا عفيه لاااا حغااام عليك
عوفني فدوه(حجيت نفس الكلام الي جان بنفسي احجي هذاك اليوم يوم اني مربوط حلكي وايدي وعيوني يوم شفت الموت كدامي ومكدرت احجيه)
-شبيج بيلسان حبيبتي لاتخافين مامش شي يستاهل الخوف  انتي العاقله وتعرفين هل شي بسج حبيبتي
فززني صوته فتحت عيوني وبسرعه ادركت نفسي اني يم الامان يم اكثغ شخص يحبني ويخاف علي الشخص النقذني
حاجيت نفسي اطمنها وابعد عنها الخوف لاتخافين بيلسان هزاع محيأذيج هزاع يحبج وانتي تحبي اكيد محيأذيج وان صاغ وتأذيتي فا حبه الج اكبغ واكيد مو من قصده
ابتسمت بوجه اطمنه ان مابيه شي لان هو استمر بكلمه لاتخافين وجان قاصد كل حرفه بيها جان قاصد يطمني لذلك اني استسلمتله وادركت اني يم منو
وكمل
وووحدث ما حدث
بس همات مطلع  اي نيشان دليل ع انو مصار شي ع الرغم كلشي تم طبيعي
لمن اتبعد من يمي ضحك كال شنهي بس لا موش وياي لو انه لو.....انه

غطيت نفسي وابتسمت بخجل ودنكت
شبكني هو ونيمني ع صدره بس اني الرب ذب علي خجل وكانما اول مره اشوفه او انام ع صدره
وبعد صمت ثواني حجه
-اكلج يعني الدكتوره كالت مامش امل  لازم تسوين عمليه يعني ماكالت زلمتج سبع وكدها لوهاي مابيها سبع (حجاها وضحك)
ضحكت اني
-لاصدك كالت مايصير طبيعي اله عمليه
-هزيت راسي ب اي
-ممم (اتنهد وحجه باالكوه)زين هي كالت اكيد مابيج شي يعني بعدج سليمه
-لويش دتشك بكلامها تعتقد (وعصرت ايديناتي حيل وحده بلخ وكملت )تعتقد ان اني يمكن اكون مو باكغ
مسح ع شعري ورفع وجهي بوجهه اتنهد
-مايهمني كلامها ان كان صح او لا الي صار صار ومايرجع الراح بس مامش فرق عندي صح الصار ماينحمل ومجرد اتذكره اهيس راسي يريد ينفجر بس ماطولج انتي بريئه والصار غصبن عنج وعني لاتخافين ولاتشيلين هم لجن انه سألت للتاكد وبس
دنكت  اني وهو رجع رفع وجهي
لاتضوجين الحبيبه  وباسني بوسه طويله لحد ما انكطعت بدكت الباب
وصوت حواء وهي تصيح بابا اريد انام يمك
حجه هو بصوت بس اني اسمعه بابا مو وكتج بعد وراي شغل اليوم لوجاتل لو مجتول
من سمعت هيج اني بسرعه لبست بدلتي وفتحتلها الباب ركض وكلتلها
-تعالي عمغي
دخلت وهي تكول الله ثنو هاي غرفتك بابا ثايره تخبل
-اي بويه حيل حلوه  ماينشبع منها
عض شفته وباوع علي 
ابتسمت اني ودرت نظراتي الحواء
-حتى بيلثان حلوه الله لابثه احمر تخبل
-بسته وكرصت خدها وانتي تجننين
-بابا حوى ليش مانمتي يم عذره وبيبيتج حدر
-لابابا ما اريد اريد يمك عذاب صيح علي يكول هلثتي لحيتي جنج كمله
ضحكنه احنه عليها
-جابويه انتي شنهي دربج لحايه انتي حتى اخوج وصله الدور
اي كتله اريد بابا كال لاتعاي يمنه كتله جا احط ايدي على لحيتك هو قبل بس ضاج شويه وصيح علي
وماما احلام كالت يولي عذاب روحي نامي يم بابا
اصلا لحيته موحلوه عيع موجبيره مثلك
عوجت حلكي اني بدون ميشوفني والغب عغفت احلام وغى السالفه
ضحكنه اني وابوها ع حجيها عافتنه و
ضلت تلعب باالنفاخ واني وهزاع نباوع عليها
شوي وصاح عليها هزاع بويه تعاي نامي وباجر لعبي بيهن هن الج
-خاف ياخذهن اذياب
-لا ماياخذهن بس تعاي نامي
اجت تركض صعدت الجربايه نامت ع ايد ابوها وايدها ع لحيته وشوي و نامت
باوع عليها هو شافها نايمه ورجع باوع علي هو وبتسم نامت خل انزلها حدر واجي
-عززه لويش خليها يمنه عفيه
- لابويه وين يمنه حسبي احساب مال خمس سنوات ونص وانتي قيسي اليوم انصفي لحساب
وشال بنته ونزل جوه
عزه كااافي ضليت ابجي باالجذب
اجيت اسد الباب وراه وشفت احلام فاتحه باب غرفتهن شوي ومطفيه الضوه وتباوع حتى ماتبين ههه بس حسبالها تعبر علي الذكيه عود مراقبتنه شنو من بشر
كلتلها ها احلام لويش هيج واكفه
ارتبكت هي وفزت من حجيت وياها متصورتني ما اشوفها
-ءء اي جنت طالعه للحمام لجن شفت بوعذاب ورديت عبني مفرعه وانتي شكوو
-امممم
-يعدين شدعو اعلى كيفج خليتي الزلمه ينزل الفرخه تراها متعوده تنام بحذاي ابوها
(حجت حجاياتها وجانت تباوع علي من فوك ليجوه وكملت)
ودشي لايطلع واحد من الويلاد ويشوفج
هيج شنهي وين كاعدين ديرة انكليز بويه
- اني ما نزلت حواء ابوها اصغ اله ينزلها ما اعغف لويش (وابتسمت) وبعدين انتي شكو تدخلين بين الاب وبنته غوحي للحمام احسن الج
ودخلت
شوي وصعد هزاع وكال بيلسان جوعان العشه مالج دغدغ معدتي
-ههههههه تمام حبيبي ح انزل اشوفلك شنو ضل من ا

لعشه
-اي مساع مسوين كبه ريحتها حلوه تترس الخشم منو مسويها
-اممم عوجت حلكي بنين
-نزلي شوفي  ماضل منها
-ماشي  (باوعتله بزعل) يعني بنين كبتها  حلوه واني عشاي ممقتنع بي
-بويه يخبل عشاج وحتى الماي من ايدج بي طعم لجن مامنها شي لوكلت اكلها حلو هم يله حبيبه بسرعه ولاتكلبينها نكد
نزلت للمطبخ فتحت الثلاجه ادور بس ماضل منها
صعدت كتله ماكو شي من العشه
-زين سوي انتي شكاصرج
-ما اغف اسوي فقط اشياء بسيطه
-انسي موش مشكله تعاي
وفتحلي ايديه
-اجيت يمه شبكته
حبي ميهون علي تضل جوعان خ نطلع نشتغي اي شي من بغه(بره)
-لا بويه انسي موش كلش جوعان
-لاعفيه اني اغيد اطلع وياك شوي ولا مغه(مره١) طلعنه
باوع ع الساعه جانت ب١١ كال ولج طلعتيش هسه
-لاا عفيه حبيبي حبيبي
-همم يله كومي  بس ها كلشي بمقابل
-هههههه وشنو تغيد
-اغيد تدرين شنو اغيد حساب مال  السنوات الراحن وماجنتي بيهن
-دنكت وابتسمت هسه خ انغوح
-يله استعجلي لبسي
كمت ورجع سحبني الصدره كمشني من فجي وباسني شلج باالطلعه بعلي خلينه با الغرفه (وغمزلي) الغرفه احلى طاوعيني
-لالا حبيبي امشي صدكني بغه(بره) احلا
كام
لبس دشداشته المعلكه ولف الجراويه وتعطر واخذ محفظته والسويج وساعته والتليفون
وقبل لايطلع كال استعجلي انه باالسياره ومسحي الزواكه من وجهج

قصص واقعية ، 🌸 ':
لبست العبايه الاسلاميه فوك البدله مالتي مسحت المكياج لفيت الشال مالتي لبست حذائي ونزلت اركض
صاحت احلام من فوك
-وين رايدين
-عززه بعينج خغعتيني(خرعتيني) انتي مغاقبتنه(مراقبتنه) لو شنو
تغى من تدخل في ما لايعني لقي مالايغضيه (ماالايرضيه)
وعفتها وكملت الدرج
لكيته كاعد باالسياره وفاتح الجامه يدخن
وكفت كبال الجامه سحبت الجكاره منه
تؤ تؤ الدتدخين مضغ باالصحه ويضغ باالبوسه
-ههه لاكلشي ولا البوسه يله صعدي حجاها وهو يشغل السياره
-يصيغ اكعد يمك باالكغسي(باالكرسي) مالتك
-(باوعلي بعين ونص) صفح جلمه وحده واشيلج للغرفه ستري اعلى روحج
حطيت ايدي ع وجهي وضحكت ودرت صعدت
رحنه المركز المدينه وكفنه يم مطعم كال
-شني ننزل لو نجيب هنا
-لا ننزل
فتح الضوه مال السياره باوع بوجهي وع لبسي اتأكد من كلشي
- يله مشينه
نزلنه كمشته من ايده
يحجي وهو يمشي لاتباوعين باالوجوه لاتضحجين بصوت عالي دنجي راسج اذا شفتي واحد يعاينلج
اتنهدت ماشي
دخلنه للمطعم وطلبنه اكل واكلنه وسولفنه وضحكنه وشكرا للرب مجان اكو احد باالمطعم لان الساعه ب١١ ونص
كملنه حاسب المطعم وطلعنه
بعدها نزلنا يم اسواق كال تنزلين تشترين
-اي
نزلنه اشتريت هواي اشياء وهو هم اشتره اشياء هواي سألته
-هذه المن
-الحوى ولذياب و عذره
-يامسكين ياعذب محد يحن عليك
-شني جاهل شاربه بطول شاربي
-لااا يعني اني طفله مو اكبغ من يمه
-هيج جاي اشوفج
-اي داده اني طفلتك الك
-ها زين بويه مابيها مجال نرجع ابوج يريدج
دنكت وضحكت هسه ح نغجع
عافني و راح حاسب وطلعنه
وكبل ع البيت نزلنه العلاليك
ع النص وكعدت ع الدرج كتله تعبت
-ها من كربنه للغرفه تعبتي
-ضحكت صدكني مبيه غجليني تعبن
-مامش مشكله التفت يمنى يسرى وبعدين باوع فوك انطاني العلاليك كلهن وشالني
-كسرتي ظهري بس ميخالف كلشي بثمنه جاي اسلجهن عليج ترى
واني اضحك خزرني حسج ولج لايكعدون الوادم نايمه
نزلني يم الباب دخلنه للغرفه اخذت العلاليك خليتهم ع صفحه ونزعت الشال و الجبه ونرفعت البدله بدون قصد وي العبايه
-لابويه لا هيج جثير جاي تعيلين بيه  فلاجه ملاحه
وسحبني عليه
-عزه لا والغب مجان قصدي
قصدج مو قصدج مشكلتج اطلبج هواي تعاي خل نتحاسب عليهن
واخذني الحظنه يبوس بيه بكل مكان وتقربلي مره ثانيه
وكمل سولفنه وكرزنه حب وضحكنه و وره ساعه هم رجعلي وتقرب مني
ضليت ابجي كتله نااام عفيه الساعه ب٣
ولل٤ كال هاي اخر شي حتى اسبح واصلي راح يأذن
بجيت لا عفيه فدوه
-ليش بويه تراهن ٥ سنوات وزود وكلهن اطلبجياهن مايخلصن بهل جم ساعه
(حجيت وبجيت باالجذب بس طاحن دموعي لان تأذيت )
-واني شذنبي  قابل كتلك لاتتزوج
ضحك وراد يكمشني وهو يكول يله زين تعاي ما....
ماكمل جملته لان عفته و نهزمت بسرعه من يمه نزلت جوه باالكوه امشي وجع قوي واتباجه
دخلت الغرفه الحجيه عساس انام يمها ع ماينام هو
لكيت الحجيه تصلي صلاة ماادري مال شنو حتى قبل مايأذن عدهم وشوي الباب مفتوح على مود يصير ضوه
-ياا يمه شخيرج عليش تبجين(حجت هيج اول مشافتني)
-ماكو شي يوم شوي بطني دتأذيني
-تعاي يمه تعاي اسم الله ام البنين تبرالج خاف تريد تييج الشهريه
-لايوم اي اقصد اي يمكن
-اي لاهله بويعها كومي يمه تلكين صندوك ببوفيتي بهذا الباب النص حدر بي دوه يبي يمكن بي مسكن
-لايوم ش شربت مسكن هسه شوي واصيغ زينه
-زين تعاي اقره عليج جود تهودين شوي
ونمطلت على جربايتها وهي ايدها على بطني وتقره ايات وتحجي هواي كلام
خمس دقايق وكالت ها يمه بعدج متأذيه اواعي دره تروح الريلج ياخذج لمستشفى يضربونج ابره
-لا لا يوم اله هزاع ...اقصد خ خطيه ن نايم ميهون علي اكعده
-يمه فدوه شلون تخاف اعلى زلمتها حافظكم الرحمن يمه ويبعد عنكم كل عين حاسده ونفس ضيجه
وبااثناء حجيها دخل هزاع
-عزه انت شجابك ..ءء اقصد اسم الله لويش كعدت
الحجيه يمه تعال امريتك مدري شخيرها بطنها تمردها سود بويهي ومادري شلون تمشي
-ها بيلسان سلامتج
(وبتسم بدون ماتشوفه امه)
كومي اصعدج فوك للغرفه
-ل لا لا خليني هنا مغتاحه ما اكدغ اصعد
-اشيلج
(واجه كعد يمي)
الحجيه لايمه اظهرك موش زين يبعد امك سندلها وصعدها
همسلي هو امشي وعلي ما اسويلج شي راح اسبحه هلساع واصلي وانام
-اقسم بالغب
-والله
الحجيه يمه صعدها بحجرتكم وتبسبسو اعلى راحتكم يله يمه روحو موش اهنا ويلادك نايمين لايفزون
ضحك وكال يله راد يشيلني ما خليته سندلي وصعدني بس علمو الحجيه ماتشك بشي
وباالفعل راح سبح وكمل كال طبي سبحي لاتنامين هيج
طلعتلي ملابس كال اوكفي تعرفين جيف الغسل
-يعني شنو اكيد اغف اغتسل منو مايعغف يسبح
-لا الشغله تختلف هنا موش سبح عادي الرجال من يتكرب المرته السباحه راح تختلف هنا اول شي تنوين الغسل تغسلي مجان الانحنائات بجسمج  تالي تبدين بسم الله وتاخذين اول طاسه ماي تذبينها اعلى راسج لحد مايصيرن ثلث طاسات وبعدين اعلى الجانب الايمن ثلاث طاسات ماي وتالي الجانب الايسر بهيج راح تطهرين ماشي وغسل الشهريه نفس الشي من تكضين منها تغسلين نفس الغسل لاجن النيه ت

ختلف راح تكون

النيه نيه الطهاره من الشهريه ماشي بويه منا وهيج راح تغتسلين هل غسل
-اي اعغف غسل الشهريه علمني عليه بابا الغب يغحمه (ودنكت )بس الثاني توني اعغفه تمام ماشي
باسني بين عيوني
احبنج لون ادري الحب عليج شواي
انه البيج عايش يملح زادي وشربت الماي
ياعافيتي وصحوتي وياشهكت هواي
نذرت الروح فدوه ونخيت الباري بهاي
ليه يخليج وتعيشين باكي العمر وياي
ابتسمت واني  بست بطن كف ايده مسح على خدي وصفن بعيوني
استغفر الله استغفر الله روحي من جدامي لاتحرفين تفكيري وانه متوجه الربي
-هههههه انت منحغف اصلا من غيغ شي
- من وراج انحغفت
وتعوذ بسرعه وكبر ودخل باالصلاة
مخلاني اردعليه
رحت سبحت ولبست دشداشه نص وطلعت
لكيته مكمل صلاته ومتمدد ع الجربايه
مشطت شعري ولفيته وتعطرت ورحت نمت يمه شبكني الصدره ونمنه
وللعشره ونص الصبح احنه نايمين  مكعدنه من وكت لان نمنه متاخر وكعدنه ع دكت الباب
وصوت عذراء وهي تصيح
بويه اكعد جدي يكول خل يكوم راح يجولنه وادم من الناصريه علمود كعدت الزلمه ابو ميثم
فتح عيونه اي بويه هلساع جاي كليله
والتفت علي بيش الساعه
سحبت تليفونه باوعت بي
-باالعشغه ونص (باالعشره)
-لاه صدك عود وانه اليوم وراي  جثير شغل والدور الوادم جتنه
تأفأف وستغفر
-عادي ياعمغي لاتتعب نفسك الشي المو ضغوغي لتخلص  اليوم
كام من الجربايه كلشي ضروري
لبس دشداشته وطلع للحمام اني كمت لبست دشداشه وطلعت انتظرته لمن طلع دخلت اني للحمام اغسل وهو جان يكمل لبسه باالغرفه
كملت اني ونزلت صبيتله ريوك وصعدته
وقبل ما اصعد
الحجيه زري شخيركم يايمه صاير المواجيل يصعد لفوك شنهي لاتعزلين الولد عنه جا ونوب خربتي علمتي اعلى نوم الظهاري جان يكعد من طرت الفجر وين الشي الموش زين تسوينه شنهي يايمه
-لا خالتي بس هو مستعجل واخاف ينزل ويطلع حتى مايتغيك(مايتريك) كلت اصعده فوك وهو خطيه امس للاغبعه منايم
-شنهي شخيره مانايمه كله منج انتي علمتي اعلى سوالف النكريز والسهر للفجر اوووف مادري شكول ماتنصلحين
يله يله صعدي لايبرد بس هاا  موش تعلمينه اعلى الاجل وحيدته
-لا ما ح اعلمه ضحكت واني اصعد عزه بكلشي حاشغه نفسه زغي خانم
اتريك هو ع السريع ونزل واني شربت بس كوب الحليب وضليت انظف باالغرفه بعدها
واني ده انضف اجاني صوت عليا هاا سمسم ماش هههههه
باوعت عليها جانت مطلعه بس راسه من الباب هلا عمغي
دخلت هلا بيج حبيبه  بشريني سمسم ماش
-ههههه مدافهم عليج
-اقصد يحتاج انروح للدكتوره لا ههههه لو ابو عذاب كفه و وفه
-ابتسمت انتي شنو مغاقبتنه وين تدغين
-ههههه لاخيه بس البيت كله يدري امس انتي مسويه عشه وسهره وطالعين وشايلج ومشترين هههههههه باالتفاصيل الدقيقه حتى لون الثوب احمر
-عزززززه عزه ش شنو منو
-بعد منهو ياخيه احلام مثل الحرمل الخبر عدها يطش
-عزه بعينها الماتستحي البايغه (البايره)الفتانه
-لاتخافين توني غاسلتها الج ذيج الغسله التسوى عمرها ومسحت بيها الطوفه روحه ورده ورزلته رزاله نشفت ارياكها
جدامهم كلهم ولايهمج
-الحقيغه (الحقيره)هذه شبيها والغب مغيضه(مريضه) يعني شنو سوالف بين مغه وزوجها تحجيهم شحتستفاد
-ماتستفاد بس هاي سوله نجسه ماتبطلها عوفج منها انتي مامسويه شي غلط قابل ويه الغريب اشو هو رجلج وهي من غيرتها جاي تحجي هيج
وهسه كليلي اخذج لدكتوره لو خلصنه
-دنكت اي لازم دكتوغه
-خوش جا العصر انه امرج ونروح كلي الزلمتج خوش يله الله وياج حبيبيه
-شنو غايحه
-اي والله ماشيه تنغصت الامي جدر مسموطه تحبه سوده بوجهي وهسه ماشيه
-ماشي حبيبتي اني اتصل عليج واخبغج اذا انغوح
راحت واني نزلت وياي علاكه الحلويات كلتلي الحجيه
شنهي يمه يكولون امس طالعين تالي اليل يمه شخيركم خوب مامريضه بعدج
-لايوم ماكو بس هزاع كان جوعان شوي كال انغوح نتعشه
-ها الحمدلله هني ومري يمه وانتي صرتي زينه بطنج خوب ماتويعج
-ابتسمت لايوم احسن شوي
هذه جابها هزاع لحواء وعذغاء وذياب
-اي يمه انطيها ليهم
-اني ما اعرف انتي وزعي عليهم او شوفي شلون تسوين
انطيتها العلاكه وكمت انظف وي البنات
......
وللعصر اتصلت على هزاع كتله اريد اروح للدكتوره اني وعليا كال
-روحي واخذي افلوس من امي ومن ارد انه انطيها
-ماشي باي حبيبي
سد التليفون قبل لايسمع الباي
كمت لبست
اجت  ودره دكت الباب
-ءءء بيلسان  اريد اروح للدكتوره بس شلون اذا عرفت عليا شكلها
-دغه تغى ميصيغ اشكد تغدين(تردين) تضمين عليهم لازم يعغفون(يعرفون)
-لا بيلسان ماناويه اضم لجن خايفه يسمع اعناد
-سمعي ياعمغي خلي عليا تعغف لان هي الوحيده تكدغ اتغطيلج وتاخذج للدكتوغه وعليا ذكيه تعغف تتصغف(تعرف تتصرف)
-هيج رايج
هزيت راسي
- اي وغوحي لبسي وكولي اني ح اغوح وي البنات

-خوش
راحت لبست ورحنه للدكتوره ودره حجت العليا كل شي وعليا ايدتها بان تسكت هذه الفتره لحد مايعرفون تاليتها وي اعناد
وي ذكر اعناد ونزلتنه من السياره شفنه سيارته وكفت وره التكسي مالتنه ونزل من السياره
ضلينه متفاجئين
-السلام عليكم
ردينه وعليكم السلام
دره ضلت ترجف وعصرت ايدي وح

طت ايدها الثانيه ع بطنها وتباوع العليا بعيون مغوركه بمعنى خايفه
بس عليا طمنتها بنظراتها بمعنى انه وياج مايكدر يمس شعره منج
عليا خير عناد اشوفنك لاحكنه وله شنهي
اتجاهل عليا وحجه ويه دره
-دريتي تعاي عندي وياج جلمه
-حجت دره بخوف احجي هنا محد غريب
-مايصير احجي اهنا حجي خاص تعاي
باوعت العليا عليا طمنتها وحجت بصوت مسموع روحي دره شوفي شيريد انه وياج لاتخافين
باوع هو بعيون عليا
-انه زلمتها منيش الخوف
-هه ماسامع الحمى تجي من الرجلين  يابن عمي
-باوع الها بطرف عينه وابتسم استهزاء وسحب دره من ايدها وصار على صفحه
-شنهي دره مارديتيلي خبر تراهو سعيد السبوع الجاي محكمته يمكن والدليل عندي لاتنسين
-منهو يكول عندك دليل يعناد منهو يكول جاي تكول الصدك
-ولج عيب يامره ماجاي اجذب اعليج انه
-وانت ضنتك ابوي لو اخوي بو عذاب راح يقبلون يردوني الك بعد الي شافو والي شفته انه منك موش بس هما انه هم ما راح اقبل اردلك
-بس انه اتغيرت يدره لان من صرتي كربي وتالي بعدتي عني حسيت فكدج حسيت انحرمت من نعمه جبيره جانت بحذاي وانا ماحاس بيها عنت علي شوفتج وشتاكيت الشبكتج يله يبوي خل انرد ولمي شملنه من جديد
-كتلك ابوي وابو عذاب موش بسهوله راح يردوني صدكني لحد ماتثبتلهم انك اتغيرت باالفعل موش بس كول ولو انت صدك تريدني وصدك تغيرت جان جدمت الدليل العندك الابوي بدون مقابل واعتبرته كفارت ذنبك وياهم بلجن ترد شوي من ثقتهم بيك
-فكرت هواي اجدمه الهم دون مقابل بس خفت ما احصلج تالي خفت تصديني او هما يصدوني كلت اردج الي باالغصب لان صدك انه تغيرت هواي والسبب انتي وبعد مابيه صبر ولا حيل اعلى البعد ولج الود ودي احضنج هنا وجدام الوادم والبيها بيها واشم عطرج واعبي رياتي بي
-دنكت عناد العندي كلته الله وياك
ورجعت وكفت يمنه
وعليا كالت يله مشينه دخلنه للعياده  سألنه دره شنو راد منج ماحجت شي غير جان يكلي احبج واريدج وبس لكن حسيتها ماتريد تحجي كلشي يم عليا
وره فتره من الوقت صار دورنه دخلنه للدكتوره  اول شي دره خذت سونار وتحليل وحسبت الها الدكتوره بعد يومين وتكمل شهر وكتبتلها علاج وبعدها اني سوتلي العمليه بعد عر وجر بيني وبينها وخبلتها لان خايفه و رزلتني عليا اله
كملت العمليه كالت كلشي تمام وتمزقت الاوعيه الدمويه وحتى نيشان موجود اذا ردتو وهذا تقرير طبي بحالتها
عليا اي دكتوره انريده النيشان
-شتسوين بي عليا
-الهزاع شبيج غير افرحه
طلعنه من الدكتوره افترينه باالسوك وكفت يم محل يبيع محابس فضه عجبني اخذ الهزاع واحد
-عليا متعغفين شكد يلبس هزاع قياس صبعه شوفي يجنن هذن
-مادري والله بس شوفي عينج ميزانج 
دره اعلى صبعج الجبير بله راويني (لزمت صبعي وكملت)
لا صبعج صغير يمكن انتي عليا بله شو صبعج (وكمشت ايد عليا) اي جنه زين هيج قياسه
-اني ح اخذ ع قياس الابهام مالت عليا واذا ما اجه قياسه انطي العذب لو الاغغد  شوي هما انعم منه
اخذت محبس شذره ماروني مايله للسواد وكتله يحفر اسمي عليه بزخرفه
رجعنه ع البيت المغرب
جانو اكو رياجيل اثنين باالحديقه وياهم احمد وارغد ويسولفون ويأشرون ع الحديقه الجانبيه
دخلنه جانت الحجيه تصلي كعدنه بغرفتها واول مادخلنه كالت
-هايمه الله يساعدهن
-ردت عليا الله يساعدج يمه
واحنه ردينه وراها
-التفتت علي ها يمه شنهي حبله لوشنهي شبيها بطنج شكالت الدكتوره
-لايوم اوجاع الشهريه عادي انطتني مسكن
عليا يله انه ماشيه الله وياكم خل اخابر اعلى كرير يجيني اكيد عذيب مامش هل المسخت ..
الحجيه وين يمه خليج اتعشي ويانه
-لايمه خطيه مامسويتلهم عشه هناك حجت وهي تحط التليفون ع ذانها تحاجي ابنها كملت المكالمه وكالت يله يكول انه كريب يم بيتكم وحطت عبايتها ع راسها وقبل ماتطلع كالت اكول يمه منهو الزلام البره يم احمد وارغد
-ها يابعد امج هذا الاسطه يردون يبنون الحديقه هاي الغاديه منا بوعذاب كال عليش يطلعون وهاي بيها اكثر من ميه متر يبنون هنا واحد فوك واحد حدر
-اي الله يسهل الهم ويفرحهم بجاه كلمن عنده جاه واشوفهم معرسين
الحجيه اي والله كون الله يفرحني بيهم فرد يوم
-الله كريم يمه يله هذا كرار جاني الله وياكم
ردينه كلنه الله وياج
دخلت بنين وهي تكول ها حجيه مشتهين شي اسويلج اعلى العشه
-يبعد امج واسمها لايمه شيطلع من ايدج طيب و انعم الله
-اكول بنين الباغحه(البارحه) مسويه كبه حلوه يكولون مضل منها

دره اي والله شلون كبه عاشت ايدها
تخبل
-ياخيه سوده علي لاوالله ماضل بس اذا تردين هلساع اسويلج
-لا مو الي هزاع اشتهاها امس ونزلت دوغت (دورت)مالكيت منها
-اي هلساع اسويله
-لاتتأخغ خليها ع غيغ مغه حتى تعلميني عليها
سوف يزول الألم في المفاصل إلى الأبد
إعرف أكثر→
-اي من عيني خيه
راحت للمطبخ واني كمت صعدت الغرفتي غيرت ملابسي
و وي طلعتي من الغرفه حتى انزل
سمعت احلام تصيح على عذراء بغرفتها
ولج الجلبه عذيره تسدين حلكج لا اكطع اللسانج واذبه باالزباله يازباله بطول ركبتي وتصيحين علي
عذراء اييي اصيح واصلا امداني يوم كتلج يمه واعتبرتج امي وي

وم  تمنيت ابوي ياخذج وانتي وحده ماتستحين والشيطان يتعوذ منج بس مو صوجج صوجي انه المطاوعتج بس لا وعلي بعد اليوم ديري بالج تحطين اللسانج اعلى اللساني بعلي اكل الابوي  اعلى كلشي واخلي يشمرج باالشارع
-ولجججج الجلبه ام السانين تعلين صوتج علي وسمعت صوت الراشدي الي رن خدها والغلط عليها وصوت عذراء تبجي
يتبع..........

قصص واقعية ، 🌸 ':
حبايب اليوم مموجود بليل افضل انشرلكم هسه احسن ماتنتظرون لباجر

#بارت٥١
تقدمت خطوات للباب كان قصدي اتدخل  مدري من الفضول الي يخليني اريد اعرف شنو الي ديصير مدري استغراب من الي سمعته يعني احلام وعذراء وصياح بيناتهم شنو هذا العجب او يمكن انكسر خاطري على عذراء لمن سمعت صوت الراشدي
لكن تراجعت بكد الخطوات الي تقدمتهن وكملت انزل ليجوه واني احاجي نفسي
اني شكو اتدخل بينهن ناغهن(نارهن) تاكل حطبهن بس عجيب شنو الي ديصيغ عذغاء تعلي صوتها ع احلام واحلام تضغب(تضرب) عذغاء شنو ليكون نهايه العالم غغيبه(غريبه) هههه اووو هسه اني شكو خليني بعيده احسن
نزلت وقبل ما ادخل للمطبخ اساعد بنين وفاطمه الي ديحضرن العشه عبرت كبال غرفه الحجيه صاحتني
-يمه نيساان تعاي يابعد حيلي
-هايوم دخلت للغرفه جانت دره موكعه كول الفراش ودتعدل بي
الحجيه يمه تعاي عاوني دريه نضدن الفرش اعلى البوفيه صايره هرج مرج وانه حيل مابيه بعد جنت بحيلي بين اسبوع والثاني انضدها وارتبها واغسل الفرش لجن الحيل راح ويه ايامه يله يمه تعاي وياها حتى تكضن هرفي كبل العشه
-اي يوم من عيني
اجيت وي دره اساعدها اسوي مثلها
دخل عذاب كال السلام عليكم
سحبت شالي حطيته ع راسي
وردينه وعليكم السلام
سحب شالي من ع راسي وهو يضحك
-خايبه شبيج ترى انه ابن رجلج يعني من محارمج
-يعني شنو
-يعني ما احل اعليج مثلي مثل اخوج  و حتى لو ابوي طلكج هم ما احل عل...
قاطعته الحجيه
-جبحك يمه فالك ماكبلنا شجاب الطلاك
-شني بيبي شكلت انه همزين ماكملت جلمتي وكلت حتى لو مات ابوي هم ماتحلين اع.....
بعده مامكمل حجايته ونشغ وفتح عيونه ع كبرهن وجهه يكطر ماي
الحجيه شمرت المي الي جان يمها بوجهه وهي تكول بطل فالك يالمبزل اسم الله الرحمن اعلى وليدي انشاء الله عمر النبي اشعيب
دره حل تستاهل ياالبومه تفاول اعلى ابوك حجتها وهي تضحك
ع شكله فاتح عيونه وشعره نازل من كدام من وره المي ويكطر ويرمش بعيونه
عذاب خايبه من عساج لبستي الحجاب ومانزعتي كون يتصمغ اعلى جلدج انه شنهي شدخلني و غركت ماي هاج حجابج
وشمره علي
واني ميته ضحك
كام خذه كلبيه من كنتوره وهو يكول تضحك الفطيره وقبل لايطلع التفت علي بس تدرين اتشكين باالنص بليه حجاب الله يساعد هزيع اشوفه هليام وجهه مورد
شمرت عليه لمخده الجانت بيدي بس ما اجت بي لان طلع بسرعه
شوي واجت فدوه
-خاله بسعاد يله راح يصبون عشه
-اي يبعد امج  الويلاد وابوهم اجو لو لسه
-اي خاله اجو كلهم باالصاله
يله يمه خل البيدجن بسجن تعشن وتالي كملن
عفنه الفراش وطلعنه للصاله رايحين نغسل اني ودره بس وكفنه لمن سمعنه صوت الحجيه هيله الي جانت كاعده يم يم الشيخ و ولده
اييي صلوات ياربي صلوات اعلى النبي  فدوه غديتلك ماكصرت كفو والله من اعناد ذيب السلف (وهلهلت )
الشيخ اي والله ماتصورتها تطلع من اعناد من حيث اليوم كبر بعيني جثير هل اعناد
التفتت علي دره واني نفس الشي
دره شصاير اشو اسم عناد باالنص
-علمي علمج ما اعغف شي
صاحت دره العذاب الي جان هستو طالع من الحمام جان يغير ملابسه
-عمه عمه عذاب تعال بله
-ها عمه كولي
-اكلك شنهي اعناد شبي وليش هلي فرحانين بي
-هاا جا ماتدرين كبل جم ساعه جانه اعناد للديوان وياه زلمه من الي جانو يشتغلون ويه عمي سعيد صايده بيوم القبضو عليهم الشرطه وطاكه وهذاك معترفله ان عمي سعيد ضاحكين اعليه وحاطيله المخدرات باالجاي ومصورينه ويضحكون اعليه وباالتصوير طالع حجيهم يكولون اي اشرب اشرب ياالزوج ماتريد شكون باالجاي ومن هل حجي
وبين فتره والثانيه يحطوله لحد ماصاير مدمن ومايفارك الحشيش وتعب  تالي هما مساومين عمي سعيد ان البضاعه تدش للسلف تهريب داخل بضاعتنه لان محد يشك بيها مقابل ينطون العمي سعيد المخدرات مجاني وخالي عناد كدر يحصل حتى التصوير وهذا راح يفيدهم باالمحكمه لان اما يطلع برائه او يتخفف الحكم حيث عمي سعيد ينحسب مغدور   وحتى من جان يهرب بضغط المخدرات وفعلهن بجسمه الي خلت مخه يطير مثل المخبل يعني ماعنده عقل من جان يسوي هيج
-هااا هيج الحجي زين شيكول ابوي وابوك عن سوايت عناد هاي
-جدي فرحان وكلهم نفس الشي حتى ابوي لجن ابوي يكول عناد ميسويها لله خافن حدر راسه بليه لجن اعناد من جانه اعتذر وكال انه ندمان وتغيرت ومابكلبي شي عليكم وراح اثبتلكم صدك نيتي
-يارب يطلع عكس الي كاله ابوك كونه صدك اتغير
-ان شاء الله ماتدرين سبحان الذي يغير الاحوال الله كريم
وراح التفتت علي دره وكالت بيلسان انه اليوم كلت لعناد اذا انت صدك نيتك طيبه ومامش دغش بيك روح قدم الدليل لهلي موش تساومني بي اعلى ردتي
سوف يزول الألم في المفاصل إلى الأبد
-اهاا شكيت والغب اتمنى يكون كلامه صح الخاطغ الي ببطنج

-امييين يسمع من حلكج ياحبيبه
غسلنه واجينه كعدنه ع السفره جانن البنات محضراتها
كل احنه كعدنه عدا بنين جانت بعدها الهسه باالمطبخ والاول مره احلام كاعده بحلب وعذراء باالشام وحده بعيده عن الثانيه
اني جنت كاعده بين الشيخ وهزاع
والشيخ كلساع يحط يمي شي وي

كول بويه بيلسان لحليوه ماتاكلين  اكلي يبوج اكلي داري صحتج
شوي واجت  بنين وبيدها صحن كبير بي كبه وهي تكول تفضل ابو عذاب كالت حرمتك امس مشتهيها وماضل عاد اليوم كلت اسويها لك بسرعه بسرعه
هزاع اي والله مشكوره عساج سالمه تعبناج ام ذياب
-لااا شنهي السالفه يبو عذاب تعبكم راحتي شنهي تشتهي بس كولو وانه باالخدمه
-دايمه وماتقصرين
اني ضليت فاتحه حلكي هذه مو كالت باجر اسويها ز زين اني موكلتلها اني وياج انسوي حتى اتعلم طيب شقصدها هذه شنو غايتها تسويهن وتقدمهن اله بأيدها حسيت داخلي ضل يغلي واني اباوع عليها تخلي الاكل يم افلان وتقرب الماعون يم علان والكل يمدح بااكلها وعاشت ايدج وطيب وعساج سالمه ومن هذا الحجي
ماتحملت كمت بدون ما اكل اي شي
باوع علي هزاع واني اكوم وكانما يكلي بنظراته وين
والحجيه كالت ها يمه شخيرج وين رايده اشو ماكليتي ولا لكمه
-يوم لعبانه نفسي (حجيتها واني اباوع ع بنين الي جانت دتوكل ابنها وماتباوع علي وكملت كلامي) وما اشتهي هسه من اجوع اكل
صعدت للغرفه واني اروح واجي باالغرفه واحجي وي نفسي
شقصدها هذه هاا من الي سوته طيب لو قصدها مبي شي لويش مصاحتني اجي اوكف يمها عمود اتعلم واني انطيتها علم  بس هي لا سوتها من وغاي (وراي)وانطتها اله باايدها واني محذغتها متتقغب(محذرتها متتقرب) من يمه لاا وتكوله تعبك غاحه وهو الثاني يكول الها ام ذياب كانو يذكغها ويذكغ(يذكرها ويذكر) نفسه باالغابط(باالرابط) الي بينهم ياغبي غاح اموت ما اتحمل بعد ابد ح انفجغ هذه بنين نيتها مو سليمه ومداغتاح الها
ضليت اقاوم نفسي حتى لا اتهور بس مكدرت خوفي وهواجسي خلني انفجر مستحيل اسكت عن هيج شي هسه حتى وان كان صغير لان باالمستقبل اكيد ح يكبر واني مراح اكدر اسوي شي
نزلت وجانن ديشيلن المواعين صحت عليها
-بنين ممكن اغيد احجي وياج بدون زحمه
-اي حبيبه جايتج
ودت الصينيه البيدها للمطبخ واجتني اني جنت يم باب غرفتها
من شفتها جايه فتحت الباب دخلت وهي دخلت وراي
حطيت ايديه وره ظهري ورفعت حاجبي اباوع عليها
-انتي شنو الي دتقصدينه من سويتي الكبه الهزاع هاا
-مامش قصد ياحبيبه عادي ترى انه حتى لو موش بوعذاب المشتهيها حتى لو ارغد او احمد لو عمي لو انتي جنت راح اسويها وانه الممنونه بلجن اجازيكم اعلى خيركم وتعاملكم وياي
-كافي تضحكين ع عقولنه بهذا الكلام بنين انتي من كم ساعه جنتي تكولين باجغ اسويها واني هم كتلج اغيد اتعلمها لو كانت نيتج سليمه كنتي صحتيني اقلها حتى تعلميني موتسوينها من وغاي واتفاجئ بيج جايبتها ودتنطيها اله واني قبل كم يوم محذغتج(محذرتج) متدخلين بااكل هزاع وبااي شي يخصه لو نسيتي
دنكت هي
-ترى خيه انه ماجان الي نيه اسوي الكبه والله لجن شفت تمن زايد من الغده وانه مو عادتي اذب الاكل  الضال تذكرت من كلتيلي اعلى الكبه جان اكوم اذب اعليه ماي واسكره واحمس حشوه شوي اعلى السريع ولفيتهن بسرعه وكضيتهن واذا شفتيهن يابعد اختج تراهن ينعدن اعلى الصابيع وانه واكفه اشتغلتهن يعني ماتعنيت اعلى مود زلمتج وثاني شي انه سألت فدوه اعليج كالت جاي تنضد النضده كلت خليها ماطول مشغوله تالي ممن اجيتي كعدتي وانه ككلت عليش اتكومين من  مجاانج بس علمود تنطينه ماعون الكبه جبته وياي وكعدت يمج
-بنين سمعيني اني ما اجيت هنايه اسمع تبغيغ (تبرير)منج بس احب اذكغج(اذكرج) باالكلام الي كلته الج اول مدخلتي هنا ابو عذب متدخلين بااي شي يخصه لامن بعيد ولا من قغيب(قريب) ماشي لأي سبب من الاسباب
-وانه بعد ياخيه اعيد نفس الجلمه الكلتها كبل انه لا اريد زلمتج ولاعيني اعليه اناجيتكم هنا من عوز الزمان الخلاني بلا والي
طلعت من الغرفه بس بعدني ضايجه حتى بعد ماسمعت تبريرها بعدني ضايجه وكل شوي يتخيل في بالي شلون يكول الها ام اذياب ويتشكر من يمها رغم الشغله عاديه باالنسبه الكل واحد يشوفها لكن جانت باالنسبه الي تعب هم وجع أذيه مدري اذا اني مكبره الموضوع لو هذا الشي عادي وطبيعي ان اغار ع زوجي من وحده ثانيه ومو اي وحده لا بينهم طفل واسمها زوجته
صعدت الغرفه وافكاري وحده تجيبني والثانيه ترجعني خاف يبدي يحبها شوي شوي خاف هي تتقرب من يمه خاف دتمثل هي فقيره حتى تكسب كلبه خاف وخاف وخاف ومن كلشي خايفه
دخل هو ويضحك وي بنته الشايلها وباايده الثانيه كامش ذياب وبيده علاكه بيها اجباس وحلويات
باوع علي عكد حواجبه شبيج حبيبه اشو ماتعشيتي

وره نص ساعه اجه هو وشايل حواء بس شكله السيف مايكصه
بدل ملابسه ونام ع الجربايه ركضت بنته اله نيمها بنص عضيت ع شفتي حيل من القهر وشبكها ونام كأن شي ماصاير
ضليت اني اتكلب احوس باالفراش ومره ابجي لل٤ يله كدرت انام وهوه ولا حرك ساكن
كعد الصبح لكيته هستو داخل للغرفه سابح طلع ملابس بدل وطلع محجه اي شي
-عزه واني منو ح ياخذني للجامعه هذا غاح
لبست وكملت صعدت عذراء
كالت بيلسان عمي احمد يكول خل اتهم ايدها وتستعجل هو راح يوصلج
كلتلها ماشي كملت لبسي واني ميته قهر
رحت وي احمد وصلني
جنى مجايه اليوم زاد الطين بله وضجت باالزايد اتصلت

عليها كالت فلاونزه وتعبانه كعدت اسولف الخديجه صديقتنه وهي تنصح بيه
مرن ٣ ايام والحال نفس ما هو هزاع يطب للبيت يم اهلها كأنما مصاير شي بس باالغرفه صخر جلمود ولا يباوع بوجهي حتى وينيم بنته باالنص يمنه ومايحجي وياي ولا اي حجايه ابد بس يم اهله يصخرني كأن شي ماصاير بس باالغرفه انسان ثاني  يطب للغرفه ينام وبس واذا كلش كلش راد يغير شوي يباوع ع الاخبار وحتى ملابسه  مايطلبهن مني كأنما مموجوده وياه
واني شابعه قهر اكثر شي يتعبني تجاهله الي بنفسي  احاجي او انام واشبكه او اسولف وياه بس اخاف ابادر ويفشلني واضل الليل كله اتكلب وابجي من حسرتي عليه كأنما ديراويني اهميته ديحسسني شنو هو باالنسبه الي اتمنيت ماتصايحنه هذاك اليوم ولا عاتبته ع بنين صحيت قلبه الحجر صحيت التجاهل بداخله وهذا اكثر شي يخبلني من اول يوم شفته اني جنت ادور اهتمامه وانتباها واكره تجاهله
عطلنه قبل يوم علمود الامتحانات
اما باالبيت فا جان عدنه عمال وديبنون وغده وريوك والطارمه والحديقه مخبوصه خبص وبنين تطبخ وحتى احلام بعدوها من الطبخ لان كلهم حبو طبخ بنين ومو بس هيج صايره بنين حديث الساعه كلها تمدح بيها بسبب السانها وكلامها الحلو وي الجبير والصغير وتجامل الكل وراضيه الكل ولان تطبخ وتنظف من كلبها وحتى الهوسه مال الحديقه كليوم بعد ميرحون العمال تنظفها ورغم هوستها تسويها تلمع الحجيه تكللها يمه من يكضون نظفيها فد مره تكللها لايمه تتكوم ويصير صعب تنظيفها تالي
مدري هي هيج نظيفه وتحب النظافه مدري تتصنع لان شافتهم يمدحوها بس ع حجي عليا تكول حتى ابيتي هيج جانت تنظف كلشي ومتحب تكعد حركه ومثل هبت الريح
واني اموت من القهر من اسمعهم يسولفون بيها سواء عليا او دره او الحجيات او حتى عمو عبد الله والولد الحمدلله هزاع ميحجي شي جان صدك تخبلت
اني احاول انظف وياها صرت كله بدافع الغيره وبدافع اثبت للكل اني هم علي الاعتماد بس ما اكدر اوصل مثلها وما اتحمل انظف تنظيفها وبسرعه اتعب لان مامتعلمه مرات اضل ابجي عكد ما اتعب نفسي ياالتنظيف والفره باالبيت في سبيل ارضيهم اريدهم يحجون بيه بدال ميحجون بيها احاول اباوع عليها من تطبخ علمود اتعلم بلكي اصير احسن من يمها باالطبخ وباالتالي اخذ دورها الرئيسي باالبيت
اريد افرض نفسي بااي طريقه ما اعرف شلون اني طيبه وي الكل بس هي اطيب او يمكن تتظاهر باالطيب بس الحق يقال مشفت منها اي شي وماخذه الكل بااللسانها
بيوم جنت كاعده ابجي من وجع ظهري لان عزلنه البيت كله اني وي بنين واحلام دره ساعدتنه باالخفيف مخليتها تشيل شي بسبب حملها وهاي كل يوم ع تنظيف البيت والتعزيل هذا من يطلعون العمال يبلش التنظيف البيت يكون مدمور بسبب الطبه والطلعه والطارمه مدموره يندمر البيت كله  هلكت كلش بعد ماخلصنه وجنت ابجي من ظهري وهم مقهوره لان هزاع ميحجي وياي ونفسيتي تعبانه
اجت دره يمي باالغرفه
-يااخيه شخيرج عليش البجي
شبيج
-ظهغي(ظهري) ديوجعني من الشهغيه(الشهريه) وتعبت باالتنظيف اليوم
-انتي تتعايرين ياخيه صدك جذب جاي تتعبين روحج زايد مدري بشنو تفكرين لجن موش هيج شوي شوي انتي مامتعلمه اعلى الشغل الثجيل
-(بجيت اكثر )دغه والغب تعبت تعبت اغيدكم تحسون بيه تغى اني زوجه ابنكم مو هي
-شقصدج ماني فاهمه منهي
-دغه مملاحظه انتي شلون بنين صايغه متوكع من السانكم الكل ديمدحه ومخليتو شي طيبه وحنينه وفقيغه(فقيره) واكلها يجنن ونظيفه تغى دتدخل قلبكم وتكسبكم ومو هذا مشكلتي المشكله اخاف هزاع يتقغب(يتقرب منها) منها بهذه تصغفاتها()تصرفاتها لذلك اني الي عمغي مهمتني وحده ولا عمغي قلدت بشغ(بشر) دتشوفيني اقلدها الها حتى ميضيع مني زوجي حتى متاخذ هي مكاني داحاول اصيغ مثلها بكلشي
حطت ايدها ع جتفي
-بيلسان خيه ترى باالعباس كل احنه نحبج وعدنه بيلسان مجانها خاص لاتصعد ولاتنزل انتي اخيتي يا بيلسان وحرمه اخوي والله اليعلم شكثر اعزج وشكثر امي تحبج وعليا الي مايوم خابرت امي اذا ماسألت عنج وابوي الشيخ الي يوصي ويرد بيج وعذاب وحوى وحتى الباقين كلهم يحبونج حتى لو سمعتي حجايه شينه منهم بس مايكرهونج طبعن حجيي هذا  مايشمل احلام لان تكرهج بسبب الغيره وما احجي انه عن زلمتج لان هزاع يحبج زود حبنه كل احنه وانتي اعرف بزلمتج ولاتخافين بنين ماتاخذ مجانج انتي حرمه اخونه الجبير وراعيه البيت بعد امي

سكتت ماجاوبت
-تعاي اكلي وي الجهال حلويات ادري بيج  تخربين اعلى سوالف الجهال تعاي
درت وجهي من الجهه الثانيه
-لا الشغله جبيره لازم
نزل حواء
-بويه ذياب هاك هاي العلاكه واخذ اختك وروح يم عمتك دره اكلو اهناك خل انشوف رحمه الله
صار بويه اخذ العلاكه
حواء بابا بث انه اريد انام يمك
-نزلي اكلي تالي صعدي نامي يمي انتي وذياب
طلعو ذياب وحواء
سد الباب هو وكال ها غردي عليش مبوز
-شوووف غوحك(روحك) شوووف شسويت
رفع حاجبه نصي حسج ولج شسويت هاا لو اليوم مالج مزاج كلتي تنكدين شوي
-انييي انكد لعد منو من شوي يكول (وغيرت صوتي )شكغا ام اذياب تعبناج والست اتغد عليك والله تعبكم غاحه

وشنو تشتهي اني حاضغه ولويش تكول ام اذياب شنو دتذكغها هي ام ابنك وبيوم من الايام كنت وياها بفغاش (بفراش )واحدددد لو شنوووو قصدك هاا
خزرني وصك على سنونه ولجج عدلييي صوتج وانتي تحجين وياااي لا ادور فجج
وعرفي شلون تحجين وي زلمتج وبطلي سوالف الجهال هاي
وبعديين انتي شنو هنا براسج هااا(وطكني ع راسي) يعني الحرمه مسويتلي كبه وتعبانه شكللها هااا مو حجاية التنكال شكرا ام افلان تعبناج واذا ما اكللها ام اذياب شنهي اكللهااا بنين لووو شنهي تردين اخذ ميانه وياهااا ونطيح الالقاب لو اكللهاااا خوووويه شكللهااا انتي ليش غبيه
-مايهمني شتكول الها بس لتكون هيج وياها لتجامل ازياده لتنطيها وجه تغى والله متقصدتك هذذذه نيتها مو صافيه واني كلبي خايف منها كلتلها باجغ انسوي الكبه اني وياج عمود اتعلمها اتفاجئ بيها مسويتها وتجيبها الك بأيدها وتغيدني اسكت هاي دتلعب شي مو هسه تبين اثاغه(اثاره) باالمستقبل
-لاا البت خيره وطيبه  بس انتي تفكيرج مال عوجان وتصرفاتج حوى ماتسويهن انتي الي ماراضيه تثقين بيه وتاركه روحج الوساوس شيطانج ترى مثل ما اكو شيطان و وسواس اكو رحمن تكربي منه  خلي يهديج ويصلح نيتج وتفكيرج
سوف يزول الألم في المفاصل إلى الأبد
-شنو ياهزاع شنو اني هسه صغت مو زينه ودتمدح بها هيج وكدامي لا ودتذمني بعد (بجيت)ماكافي دخلتها الحياتي وخربت فرحتي حطمت امالي الي جنت بانيتها ماكافي كسغت خشمي بيها  مكافي ان اخجل كلما احجي وي صديقاتي عنها لان اخذتها علي واني بعدني عغوسه مكفاك هذا كله هسه تطلع هي طيبه واني تفكيغي شيطاني
-اهوووو انتي هذا الفالحه بي ترى طلعت روحي بزعتيني شسوي مثلا هااا قابل اذبهم باالشارع لو شنهي انه ماجبتها عليج هي زوجتي كبلج لجن الاقدار لعبة ويانه وكلشي من تدبير ربج اعترض ترديني اعترررض
بس لا لا انتي  الي ماتردين نتصافه ونعيش مثل الناس انتي الشالعه كلبج وكلبي وكل شوي بنين وبنين وشكالت وشسوت وتقارنين روحج بيها وانه ارد احجي واسقل باالحجي نفسه بويه بس انتي وماعندي غيرج وبنين ماتهز شي بيه ووو بس ويامن احجي لو احجي ويه حوى جان فهمتها بس كااافي طفرت روحي من جسمي كااافي العشته كبل بزواجي جاي اعيشه هسه بغير صيغه كاااافي مليت
زدت اني باالبجي اي حقك تمل وانييي هم ملللليت اني هم تعبت اااني ابالي جنت اتزوجك ونعيش غيغ شكل مو تطلعلي ضره وتطلعلي احلام وتطلعلي بنتك عذغاء وغيغ(وغير) الحجيات الي ما يقصغن (مايقرصن)هم اني الي دا انجبغ اسوي هواي اشياء علمود بس اغضيك واغضيهم(ارضيك وارضيهم) دا احاول اتعلم طبعكم وشغلكم ولبسكم ع مودك وعمود اسكتهم بس وهذا ع حساب غاحتي وع حساب حغيتي ومعتقداتي وحتى ع حساب دغاستي انييي هم تعبت وملييييتتت كلشششش مليييييت
-كاااافي عاد مليتي من شنهييي هااا محد طكج اعلى ايدج محد جبرج انتي تعرفين كلشششي عنه كلشي ورضيتي بيه ومحد جبرج
-لااااا جبغوني(جبروني) كلكم جبغتوني(جبغتوني) اختاغ حياة ممقتنعه بيها مو حياتي وضغطتو علي ومتسمغين(ومستمرين) باالضغط علي بلا غحمه (رحمه) وحتى زواجي ع غاحتكم وبكيفكم صاغ
-(رفع حاجبه وحجه بهدوء ونبره استهزاء)هه طلع الحجي هسه مجبوره علي (وضل يصيح)ليشش هسه تكووولين مجبوره هااا ليش هسه نطقتي الجوهره هااا موش انه اجيتج وكعدت كبالج ورى العقد بساعه بساعه وحده وكتلج لونج مجبوره انه ما افرض روحي عليج وانتي كلتي بكامل قواج العقليه لاااا وكتلج ضليييي فتره وعايني عيشتنه وجربي تصلحين جنه وزوجه الهذا البيت تتحملين كلتيلي وليش ما اتحمل وليش ما اصلح كتلج تأكدي زين ترى اذا فات الفوت ماينفع الصوت كلتي اااابدددد متاكده هسه جايه تشكين من عندي ومن هلييي
-حطيت ايدي ع وجهي وضليت ابجي حيل وصحت كااااافي
-لا لابويه عليش البجي هه المايريدني ما اريده وتراب ما ادوسه برجلي مو اتمسك بي بعد يطبج طوب 
وطلع وسد الباب حيل
واني ضليت ابجي وابجي و احاسب بنفسي مره اكول اني غلطانه حجيت حجي زايد  مره اكول لا صارت سالفه من وره بنين  وياخوفي هاي بدايه وبس ياخوفي من اخرتها

اووف شسوي بله خ اتصل ع عليا البذات صايغه متجي
اتصلت عليها وردت بسرعه ها بيلسان خوب ماكو شي
-شبيج عليا لويش اختغعتي(اخترعتي) ماكو شي
-اووف الحمدلله حسبالي بو عذاب سوه شي لدريه
-ولويش ابو عذب يسوي شي لدغه
-هسه بعدين دره تفهمج اهمشي ماصار شي ولادرو عن شي يعني ادز الها الرقم هسه وانا مرتاحه
-عفيه عليا مدافهم شنو تكولين والغب فهميني شنو غقم(رقم) شنو  ابو عذب شدخله
-بعدين دره تفهمج ما مش شي ينضم انتي شريجتها بكلشي وتامن بيج ...بس انتي خوب مامحتاجه شي يرويحتي
-اي عليا اني تعبانه ماادغي شسوي
-اعوذ باالله منك يبليس







شبيج ياخيه شجرالج يرويحتي سولفي اشجيلي تراني اخيتج الجبيره
-مشتاقه الهزاع
-ياااء جا هو وينه عنج موش يمج...بس اوكفي متزاعلين انتم صح
-اي صاغ ثلاث ايام وميحاجيني ولاكأن اني يمه وكباله داسوي اي شي علمود اغضي(ارضي) بس ماكو ابد عليا هزاع ميحبني تتصوغين عغف(تتصورين عرف) بيه مغيضه(مر

يضه) مكلف نفسه وحجه وياي ودالي دغه تسأل عني
-شخيرج يحبيبه شبيج مريضه
-ظهغي ديموتني من الوجع
-عساها بعدوينج خطاج السوء ياحبيبه ...بس والله ضحكتيني تكولين مايحبج لونه مايحبج ماوده دره تسأل عليج جان عافج وكال يطبها طوب بس الظاهر الزعل البينكم جبير ومايخلي يسأل عليج بنفسه
-لا والغ....
-لاخيه انه مااريد اعرف شنهي الزعل البينكم كلشي ابينكم خلي ابينكم لاتطلعينه لان ماراح افيدج اذا عرفت ولا راح اضرج ياحبيبه بس سمعيني اذا من اول زعله فكرتي مايحبني ومايريدني ترى ماتطولين اقل من سنه وتطلكين بعيد الشر ترى الزلمه ومرته كلشي بينهم مشاكل وزعل وسوالف جثيره بس موش معناها مايريدج ومايحبج
راح اكلج بشي ومنها قيسي شكثر يحبج فرديوم من الايام هسه كريب موش بعيد مرني بوعذاب هيج سلم علي سألته عنج كال زوينه ومن هل حجي خطر بالي سؤال فضول تدرين بيه بعد كتله بو عذيب شكثر تحب بيلسان ضحك هو وكال شنهي شخيرج كتله لاصدك عن الضحك كال تصدك
تصدكين لو كتلج احبها مثل ما احب عذره واعزها مثل ما اعز عذاب واخاف اعليها مثل ما اخاف اعلى حوى
تدرين شمعنى هل جلمات ياخيه معناتها موش بس يحبج لا اكثر لان ساواج ببزر ظهره ياخيه
-صدك عليا صدك هيج كال (حسيت بفرح ماينوصف)
-وحك الصدك ياخيه انا نصيحه مني الج انتي بادري واحجي وياه ميخالفه مره انتي تطخين راس ومره هو وتمشي الحياة ياخيه
-ياغيت ياعليا بس هو مديغضا (مديرضا)يسمع مني حتى حاولت احاجي يحط ايده كبالي ويكلي اشش والغب تعبت شنو من قلب عند صحغ مديحس اني مشتاقتله شبييي
-يووو لازم الشي الصاير لاجم كليبه ترى هو اخوي واعرفنه ...بس ولايهمج معكوله تتصلين اعلى عليا وماتفيدج بشي ابشري
-اوووي فديت عليا والغب اموت عليج لج انتي من شنو الله خالقج اشو حيل تنحبين
-ههههه مثلج يابعد كلبي اسمعي يحبيبه وأبشري باالصلح الزين
-كولي ياعمغي اسمعج
عليا.......انطتني الخطه وسدت التليفون
وره شوي اجت دره جايبتلي العشه وكلتلها اتعشي وياي وتعشينه سويه وسولفتلي ع سالفه عماد شنو حاجي وي عليا كلتلها هذا تليفوني اتصلي من عنده بس هي كالت خليها باجر الظهر من ينامون كلهم
لمن خلصنه انطتني الدوه شربت منه هي نزلت واني كمت سبحت لان بعدني بملابس الشغل لبست دشداشه قصيره بيضه وبيها رسمه رصاصي مشطت شعري وتعطرت ورجعت نمت بمكاني
وره شوي صعد هو وشايل بنته دخل للغرفه
نامت حوى باالنص ك العاده وهو يكلب باالتلفزيون اشوي واني ع ساس متوجعه كلساع اطلع صوت يدل ع اني متوجعه
اشوفه يلتفت يباوعلي بس مايحجي شي ويرجع عينه ع التلفزيون
لمن حواء نامت تقريب ورى اقل من ساعه
اني سويت نفسي اندار وصرخت بصوت موكلش قوي
-اااااااه لك بابا ظهغييي(ظهرييي)
وسويت نفسي ابجي واريد انكلب ما اكدر
التفت هو علي
-اوكفي اوكفي لاتتحركين شنهي شبيج
حجيت واني ابجي
-ااااه ما اكدغ انكلب اااووي يمه عفيه عفيه تعال اكلبني
بعد بنته خلاهاباالطرف وكعد ع ركباته ويحاول يكلبني شوي شوي واني اصرخ باالجذب
حجه باالكوه يعني ثكيل باالحجي شوي
-خذيتي دواج الجابه احمد
-ايي مفاد
-شنهي جا اخذج للمستشفى
-شنو حيسولي هناك غيغ ابغه(ابره) المسكن
-اي امشي بلجن اعلى الابره يهود الوجع
-لا ميفيد نفس الحبوب هو بس اني دا احس بتشنج وعليا كالت خلي دغه تمغخه(تمرخه) الج بشويه زيت زيتون بس بعد مصعدت دغه
-زين موش مشكله امرخج انه لجن منين زيت زيتون(يحجي بنفس الصوت والنبره ثكيله)
-اي موجود باالمطبخ باالكاونتغ
كام هو بلا اي حيله خطيه ونزل اني ضحكت لمن طلع رايح مدور الكاونتر باب باب وملاكي ورايح مكعد دره من نومها ومنطتهيا وصعد
اجه وكف يمي يله انكلبي
-ما اكدغ 
دارني ع بطني شوي شوي سحبت الغطه اني وتغطيت للنص رفع هو الدشداشه

لاتضوجين ياحيلي ولاتحسين بغيره انتي اسم الله عليج تخبلين وماناقصج شي جمال وثغافه وعلم وضحكتج ماتفاركج خليج بيلسان لاتقلدين غيرج ولاتراقبين الوادم الحجه والماحجه باالطكاك من راقب الناس مات هما سوي لتكدرين اعلي اهتمي بزلمتج وبدراستج وحتى بيتج لاتموتين روحج من الشغل ترى البيت اسم الله متروس نسوان وكلشي باالتقسيم نكضي الشغل كله موشرط ترضين الكل
وبنين المره هاي ذبتها وقويه وحيلها ماخذها وتنظف ماشوف اكو شي يضوج باالسالفه كيفه خليها تسوي هيج واذا اعلى العجايز العدنه ترى يحبن الحرمه النادره بس موش معناتها مايحبن بيلسان لا لجن من تشوفينهن يمدحن ترى هذا عادي خوش خيه
مشي دموعج ولاتشيلين هم احد يمعوده ونامي ريح ظهرج وانه هلساع اخابر زلمتج اكله يجيبلج حبوب مفاصل خوش
هزيت راسي بااي وابتسمت ياعمغي فدوه الكلامج
غطيت نفسي باللحاف لو شنو يحجون ميبردون النار الي بصدري ميكدرون يضمنولي مخاوفي من المستقبل ان ماتتحقق ميكدرون يعرفون شنو يعني الكل يمدح ضرتي وكدامي وانا لاحول ولا قوه
اجت عذراء عمه بيبيتي تصيحلج تكول عمتي عليا اعلى التليفون
اي جايه يله خيه بيلسان ارتاحي خل اشوف عليا شتريد
نزلت هي واني ضليت بتفكيري وقهرس احاول انام
.............
دره
نزلت هاا يمه
-تع

اي هاي اخيتج تكول تريدج
-اخذت التليفون الو ها عليا شلونج
-هلا بيج حبيبه الحمدلله
-عساج هايكولون ترديني
-اي اكلج خوب مايمج احد
سوف يزول الألم في المفاصل إلى الأبد
-اوكفي شوي
طلعت رحت باالحديقه وكملت
كولي عليا تراج شلشتيني باالعباس
-لاتخافين اجاني عماد حماج من شوي ويكول ايريد يحاجيج ضروري
-عماد شيريد مني
-مادري بس هواي لح واصر يحاجيج كتله خل اشوفها اذا تكدر تحاجيك انطاني رقمه وراح شتكولين تحاجينه وشلون
-والله مادري ياعليا بس خايفه لايكون اعناد عرف بيه حبله ودزلي اخوه
-لا ما اتصور لان هو يكول اريد احجيلها شغله عن اعناد يمكن عناد مايدري بي يرد يحاجيج وردت اعرف شنهي الحجي ماقبل يكلي شنهي رغم هواي حاولت اسحبه باالحجي كال لا الحجي اتسمعه مني احسن.
-انتي شتشوفين
-انه اكول حاجي من تليفون امي وشوفي شيريد ولاتخافين لجن موش احد يدري اذا هاي بس خلي بيلسان تعرف حتى تغطيلج
-اي ان شاء الله
-انه ما اعرف ادز الرقم شلون خل يجي كرار واخلي يدزه هنا اعلى تليفون امي مو تخلين احد يكضه غير امي يعني عذره لو عذاب خاف توصل الرساله بيدهم
-اي اي ان شا
ويامن تحجين
التفتت يمه اسم الله ها خ خ خويه بوعذاب خرعتني وابتسمت وجهي ضل ينطي اللوان
رفع حاجبه شبيج تخردلتي وتدوهنتي
-ي يعني اخترعت والله مابيه شي
-ويه منهو تحجين وطالعه برى
-ع عليا و والله عليا هاك شوف مديتله التليفون طلعت لان ما اسمع حسها الشبكه موش خوش
هز اسه بمعنى اي
خله التليفون اعلى ذانه وعليا تكول الووو الوو خايبه دريه انطينياه كليله انا علياا
-اي خويه اي دريت بيج انتي عليا
-هلا بعد اختك هلا ياحيلي
-هلا بيج ام كرار الغاليه هاي دره وياج
-لاخويه كضيت منها الله وياكم خويه
-الله وياج ام كرار هلابيج
التفت علي دره تعاي شيلي العلاليك انتي والبنات ضلن يم الباب
-اي خويه من صار ..لجن انه هستو رايده اتصل اعليك اعلمود تجيب حبوب مفاصل البيلسان الحجيه كاضيات العدها
-شبيها بيلسان
-ظهره خذت حيلي اليوم تعبت باالتنظيف واهي بزر نستله مامار اعليها هيج شغل بس الله يحفظه اله تنظف ويانه
هز راسه خوش هساع اخابر احمد يجيب الها ويا من يرد
-اي زين ماتسوي
رحت اني ادخل العلاليك وهو راح الحجرت امي
.........
جنت اتكلب شكد ردت انام بس وجع ظهري مديخليني اكدر انام
سمعت الباب انفتح مال الغرفه اني ماتحركت عرفت هزاع اجه يارب شكد مشتاقتله ماجنهم ٣ ايام لويش هيج قاسي معقوله ماحن كلبه الي اكيد ميحبني لو يحبني ميضل هلكد زعلان مني
اتاخر اله شغل الضوه حسيت بي يتعمد يسوي حركه وصوت باالغرفه فتح الكنتور وسده ومدري شنو حرك من ميز المرايه بس اني ماتحركت هو هم مكال شي غير ملابسه ونزل
شوي واجت يمي دره كالت ها شلون صرتي
عرفت هو مصعدها الي من كالت اكلج هو مايحجي وياج زلمتج لان صعدني ليج يكول خل تكعد تتعشه حتى تاخذ الكبسول راح يجيبلج احمد وياه وهو جان هنا ماحاجاج
-هو كال هيج
-اي والله
-لا مو زعل هيج شي سخيف لتشيلين هم بس صدك مبيه اكوم ظهغي ودينزل الوجع ع غجلي(رجلي)
-زين خليج انا اصعد عشاج
-يابعد عمغي والغب تعبتج لاتصعدين كلساع مو زين ع صحة الطفل
-تعبج راحه حبيبه لاتشيلين همي متعلمه انه
راحت نزلت واني ميته قهر يعني رغم يدري اني مريضه مكلف نفسه وحاجاني صعدلي دره يارب شسوي
اخذت التليفون اتصلت ع جنى ماترد هذه الثانيه وينها عزه بعينها

وحط الزيت ضل يدلك ظهري باالبدايه طبيعي يعصرني وشوي حسيته كمشته صارت ثكيله شوي بس بسرعه وخر وكال ها شلون صرتي
التفتت عليه وتعلكت بركبته كبل ميكوم من الجربايه موزينه ماطول انت ماتحجي وياي وزعلان فا مو زينه
دار وجها مني ما حجه شي
-حبيبي لويش دتسوي بيه هيج والغب احبك كافي هيج تتجاهلني
اتنهد
-انتي لونج تحبيني صدك ماكلتي الحجي الكلتي طلعتي كل الي بكلبج بساعه وحده من اول مشكله صارت كتيتي كل الحجي وطلعتي مجبوره وغاصبينج هه ترى ماجابرج انه المغصوب اعلي ما اخذه بدينار وليريدني وشاريني ما ابيعه اعلى كطع اركبتي ماتعرفيني انه شنهي
-انت شبيك تغى والغب جنت ضايجه وحجيت هيج اصلا اني لو مجبوغه عليك يعني ما احبك ولو ما احبك مد تشوفني هاي حالتي عليك وميته قهغ لان متجاهلني ومتحجي وياي بغايك(برإيك) هذا شنو يسموه
سكت هو ماحجه شي
-يله هزاااع حياتي عمغي والغب مشتاقتلك كافي هيج تسوي بيه  عفيه (حجيت واني العبره خانكتني )
اتنهد
-حجاياتج مسن كلبي بيلسان أذني يوم تصرخين من كلبج وتكولين انه انجبرت اعليك احتاريت شسوي وياج وارضيج اشو مامكصر بحكج شنهي المنكصه اعليج اي شي يضايكج جاي تخليني سبب باالنص وهل شي ترى موش الصالحج تراني الي صبر بس يجي يوم وتطك العيبة الصبر
سكت شوي تنهد ورجع كمل
عرفي شلون تحلين مشاكلج بنفسج من غير ماتحطيني سبب الكلشي
وسالفه بنين سولفتها للمره الاف مايحتاج اعيده وكتلج شنهي هي باالنسبه الي فخلي غيرتج اعلى صفحه وخلينه انعيش مثل الاوادم
-حياتي انت والغب اني احبك ولو ما احبك مكنت ح اغاغ عليك ومكنت اتضايقت من حجيت انت وي بنين
-بس غيرتج

يي انت هم تشهدلي شكد احبه وشكد بجيت اعليه لحد ماغركت بدموعي لجن شسووي خايفه خاااااايفه منه
شبكتها اسكت بيها ياربي تكسر الكلب خطيه دره حياتها ما استقرت ابد كأنما بدوامه ومراضيه توكف وتستقر
سكتتها باالكوه وصبرت عليها ومابيدي اي شي اسوي غير احاجيها وهي هم مابيدها غير تدعي وتتوسل باالرب
...............
راحت ايام واجت اسابيع دره من سمعت بكلام عماد وهي ماتشتهي الاكل و٢٤ ساعه ضايجه ماتت ضحكتها كلش جنها جاي تواسي عناد وتعذب نفسها وياي
وهزاع يراكض كل يوم ع سالفه سعيد كل يوم مأجلين محكمته للسبوع الجاي ومنا عدهم مشكله ابن عمهم الثاني داعمله رجال واهل الرجال يردون دمه ومن كعده الكعده بس يردون يفضونها
جانت امتحانات عذراء بعد الها ٣ايام واحنه امتحاناتنه بعد شهر تقريب جنت تعبانه كلش منا ادرس ومنا ادرس عذراء هواي  ومنا شغل البيت الي دا احاول اثبت وجودي من خلاله ودابذل طاقه فةك طاقتي
وبيوم كنت ادرس عذراء رياضيات ولمن كملنه كلش وانطيتها اسئله تحلهم واشوفهم بعدين
كلتلها هاج اخذي هذول حليهم واشوفهن بعدين ماشي
هزت راسه اي وقبل لاتكوم كالت
-بيلسان انه مدري شجرالي وعاديتج وجن راح تخطفين ابوي مو تتزوجينه بس والله موش مني كله من احلام صح انه هم عندي عقل وراح تكولين انتي موش صغيره اي صح بس هي جانت الها تأثير جبير اعلى حياتي وتصرفاتي مثل امي بس الحمدلله كشفت معدنها شنهي وعرفت هي جانت تستغلنه بس علمود تاخذ ابوي مادري  شلون اكوله او اذا يحكلي اكولها او لا بس سامحيني ياخيه
-اني عاذغتج ومكغهتج غغم (ومكرهتج رغم)كل الي صاغ ابينه بس ما انكغ(انكر) ضجت من تعاملج واحلام هي الي كانت تفر بغاسج ع العموم الله يهديها وغبي يسامحج اني معندي شي بقلبي ع اي واحد
-انتي طيبه يابيلسان الله يحفظج واتمنى نرد مثل كبل صديقات
-ماعندي اي مانع وياغيت هذي امنيتي قبل متكون امنيتج
-يابعد عمري وكامت يله خل اروح اكمل
-اي ب بس ميخالف أسأل سؤال ولو فضول وتدخل بس مااكدغ اصبغ اكثغ(مااكدر اصبر اكثر) من هيج(حجيت هيج من الفضول البيه الي بعد مينطيني فرصه اتجاهل الموضوع خلاص)
-اي خيه كولي
-اكدغ اعغف شنو الي خلاج تاخذين موقف من احلام وتخغب(وتخرب) علاقتكم
اتنهدت وغمضت عيونها حيل وفتحتهن وكالت
راح اكلج ياخيه لجن وعديني  ماتكولين الاحد لان محد يدري باالشي الي راح اكوله وراح اعدج صديقتي واحجيلج
-اوعدج حبيبتي اكيد ما احجي اذا كانت هاي غغبتج(رغبتج)
-احلام الجنت عادتها امي حيييل خيبتني يابيلسان تدرين احلام شنهي الي سوته ......(وسكتت شوي وتنهدت وكملت)
احلام جابتلي واحد وكالت احجي ويا وعلى اساس انتي بيلسان ونخرب علاقتج باابوي وجابتلي شريحه جديده وحطتها بتليفونها ..بس موش هنا المشكله اجذب عليج لون كتلج ان انه شفكانه عليج وماسويتها لان جنت بوكتها حاقده اعليج لجن الي خلاني انصدم من فعلتها
لمن كلتلها انه موش بحسبت بتج يا ام تكول البتها هيج تسوي تحجي ويه ازلمه غريب وتتمضحك وتتمضيك ويا حتى لو موش بااسمي بااسمج لجن ماكو ام ترضا اعلى بتها العيبه والغلط اعلى مود رجال

موصح كلامي بيلسان ترى الام اذا تحب بتها ماتكللها سوي شي خطأ
اني جنت مصدومه معقوله توصل بيها الحقاره الهذه الدرجه تسوي بيه لعد شنو من بشر هاي احلامرديت ع عذراء
-اكيد صح
-بس هي لا وفاجئتني من كلتلي ترى محد يدري هي جم اتصال اعلى جم رساله ونخلص من بيلسان وانه اخذ مجانه واحطج بين عيوني كلتلها لتسوي هيج ماتحط بين العيون لاتخرب وتهدم حياة بتها وانه بتج موش هيج معتبرتني
من هل موقف يابيلسان حسيت احنه مجرد سلعه تتكرب بيها الكلب ابوي يعني شلون هانت اعليها السنين هاي كلها الي انه امشي وراها مثل البت وامها وهي تكلي تعاي احجي وي زلمه غريب ترى انه شلون ماجنت تصرفاتي مخربطه بس ماتوصل هيج مواصيل انه اعرف شنهي السمعه وتربيت بيت شيوخ يحللون ويحرمون وابوي تعب علي هواي مومال ادنج راسه واعرف شني جزات الي تسوي هيج وتحجي وي الزام اخاف من ابوي وعمامي يذبحوني لو درو وعلي اعرف دمهم حار ومايقبلون ولايتفاهمون لو طاري الشرف كرب
-الغب يحفظج تفكيغج وصغاحتج(وصراحتج) عجبني ولاتقبلين في يوم من الايام تشوهين سمعة اي بشغ لان الغب شايف وعاغف(وعارف)  وكما تدين تدان
-اي خيه انه جنت مستعده كلشي اسوي اعلى مود احلام تاخذ مجانج لجن هيج سوايه اعرفن زين عواقبها احنه صوتنه لوعله يلعبون بينه فلك الدور زلمه واحجي وياه ..بس والله انج طيبه واصيله وجنت حيل ظالمتج جاي تتعبين وياي الله يرضا عنج ويوفقج حبيبه
-حياتي ويوفقج الغب يهديج وينوغ عقلج بس لويش مكلتي الابوج عن احلام والي دتسوي اني مستحيل ح اسكت لان هذه كلشي يطلع منها
-جنت اريد اكله لجن هي جتني وكالت ماعندج اي دليل علي وماراح يصدكج ولو حاولتي وكلتي راح ادور السالفه عليج واكلهم كضيتها تحجي ويه ازلمه غريب والشريحه عندي وبيها رقم الرجال جربي احجي وشوفي منهو اليطلع خسران باالتالي هاي حجايتها باالحرف كالتها وانه خفت لان احلام كلشي يطلع منها وكلشي ت

مو محلها واحنه حجينه بهل موضوع جثير وانه مابدر مني شي حتى تغارين علي وتخافين مني
-صاغ اوعدك اخغ مغه(اخر مره) هسه فكها خلاص
- افكها موش مشكله بس ادريها هاي مو اخر مره حجي اللسان ماكو اسهل منه دائماً تكولينها وماتسوينها
-لا صد...
-كافي
شبكني هو هم وسحبني صرت كاعده بحضنه وكمل كلامه
هيج تسوين بيه انه تكليلي هل حجايه انه ابو عذاب سبع السلف تكليلي مجبوره اعليك وتخلين ميت اعلى شمت ريحتج والله وسفه الوكت حطني بيديج
-ضحكت يا عمغي انت وملكي وحلالي واحلى شي باالنسبه الي واني اسفه واعتذغ منك
-ياحجاية بخت ...مابيج
لجن مو بيدي روحي تعلكت بيج
على شنهي باله كليلي اعلى شنهي ام اللسان مكسور اعلى شنهي احبج( وعض خدي ) على خبالج لو عكلج المجيم لو سلوبج
-ههههههه اوووي (بعدته عني)لان اني بيلسان الحلوه الجميله ال...
طكاني ع شفايفي انجبي يله بعدني ضايج منج وباسني حيل
-هههههههه واضح واضح
عضني بخدي الثاني يله سدي حلكج حقيره
وانطيني حساب مال ٣ ايام
-دنكت ومتت من الضحك
-خير اشو تضحكين
-شنو تغيد يعني
-همم ماتدردين شنهي اريد موو اوكفي خل انزل حوى واجي اكلج شنهي اريد
بعدني من حضنه وكام يشيل بنته
كمشت ايده لحظه وضحكت
-ماكوو
-شنهي ماكوو
-لان اني باالعذغ الشغعي(العذر الشرعي) ودنكت
رفع حاجبه صدك
هزيت راسي اي
جاالمن لافيتني وشال لمخده وطكني بوجهي  ويقلد علي العذغ الشغعي الله كالب حجيج
واني اضحك
-تضحك الفطيره وضحك هو هم
وكمل هو انه راح يكضي عمري واموت ماشايف شي ينعدن اعلى الصابيع انه اكلج يمته اول شي يوم تزوجت ام عذاب اول يوم والثانيه من صار عذاب والثالثه من صارت عذره والرابعه من صارت حوى والخامس من صار ذياب ولاخير قبل جم يوم هن هذن ينعدن ع الصابيع يحجي وهو يضحك
-ولويش دتذكغ (دتذكر)بنين باالوسط شوف شوف انت مدتنسه اصلا حتى تتذكغ اليوم الي كضيته وياها وتكولي سكتي وسدي حلكج
حط اصبعه ع حلكه وحجه بنفاذ صبر اششششش ولاجلمه جلمه زايده واكب بوجهج انه هم صوجي اضحك واتشاقه وياج
ردت احجي سكتني مره ثانيه وكال سكتي كتلج اتجافي الشر لاتصير دحره ثانيه احسن الج والي
وتمدد ع الجربايه
ضليت اني كاعده وضايجه ومبرطمه وهو حاط ايده ع عيونه ربع ساعه وفتحلي ايده الثانيه وكال من وره خشمه
-تعاي
اجيت اني زعلانه نمت ع ايده دار شبكني وباسني وماحجه شي ردت احجي كال
-اشش مو اكلج ولاكلمه مالي خلك
شبكني ونام
كعدت الصبح عادي مثل كل يوم بنين شايله البيت شيل وكلشي مثل ما هو
بس الكل مستغرب ان عذره ابد ماتتقرب ولاتحجي وي  احلام واحلام نفس الشي والكل يسأل نفس السؤال مستغربين بس اثنينهن يكولن ماكو شي
والعجبني اكثر اجت عذراء وبكل ادب طلبت مني ادرسها وان ابوها كال خلي بيلسان اتدرسج الشي اليصعب عليج
كلتلها عادي مو مشكله ندرس كليوم العصر ساعه ساعتين اذا تردين
تشكرت مني وراحت واني الف علامه استفهام ع راسي
ونفس الروتين استمر لحد الظهر اجت دره الغرفتي وبيدها موبايل الحجيه صادف هزاع مموجود
كالت بيلسان انه خايفه
-ع شنو خايفه ياعيني متكليلي اشو هو ابن عمج وحماج بنفس الوكت شيغيد(شيريد يصير) يصيغ لو كشفوج مثلا ديله اتصلي واني ح اغاقب(اراقب) لايجي احد
اتصلت دره رن وقبل ماينكطع الخط رد
دره الوو
عماد ......
يتبع......

#بارت٥٢
عماد هلا بت عمي دره شلونج
-هلابيك عماد انه بخير انت شلونك وشلون عرفت انه المتصله اعليك
-شلون ما اعرفج شسالفه ياخويه وبعدين انه حافظ رقم عمتي ام هزاع وصوتج اعرفنه
اعله العموم انا ردت احجيلج جلمتين وانتي وضميرج بعد
-كول ياعماد اسمعك
-خويه ادري مايحكلي اطب بينكم ولايحكلي اسوي فرد شي لنج ضكتي الي ضكتي من عناد اخوي لجن عناد مريض موش صاحي نفسيته تعبانه وانتي ادره بعد هو من يوم وفاة ام عذاب اخيتي الله يرحمها واليومه هذا اعناد تغيرت فعايله وشفنه عيونه تجدح غيض وحقد وغل اعلى ابو عذاب كل احنه لاحظنه هل شيً وحتى يوم تزوجج نفس الشي
لجن الغريب بعد ما تركتي يادره عناد لليوم الله شاهد اعلى كل جلمه اكولها وحق لااله الاهو يتغده مايتعشه وجه تغير حيل مو ذاك الاولي وموش بس هيج
هسه مدري احجيها مدري عيب بس خل احجيها احسن حتى تعرفين كل يوم امي لو حرمتي تدش غرفته تلكاه حاضن ثوبج ونايم وصورج مالات العرس  اعلى المخده منيمهن هو مايحجي لحد لجن شفناه شوف العين والله شاهد اعلى جلماتي عناد حيل متأذي بفراكج دره تراج انتي حب صباه ويمكن من صرتي كريبه منه وتالي عفتي عرف قيمتج  تعود اعليج واعلى وجودج دره ياريت لو تفكرين وترديله
جان هو يحجي واني اباوع ع دره عيونها يصبن دمع بدون صوت وبيدها كامشه وتعصر طرف دشداشتها حيل ردت هي عليه
-عناد هو كلك هل حجي موش صح وجاي توصله الي علمود تكسر خاطري وارد للطك والظيم لا والف لاياعماد وصله هل حجي
-لاخويه صدكيني عناد مايدري وحك ربج بس انه هم اخو واحس بي كلت بلجن اكدر اسويله شي واساعده فقررت احجي وياج جود الله تحنين اعل...
سدت دره التليفون بوجهه وهو يحجي وبجت بصوت عالي وهي تكول ربيييي شسسسوي ربي

كدر اتسوي شيطان مايكدر اعليها
بس خيه موتكولي الاحد عن الي كلته خوش ترى وحك الزهره محد يدري غيرج وانه كتلج حتى لاتضنين بيه السوء لان اريد ارد صديقتج ونرد مثل كبل
-ماشي حياتي ما ح اكول بس معقوله نسكت ع هيج افعال خاف توكعنه بشي كبيغ
-اكيد مانسكت بس لازم نحتال اعليها ياله نكدر اعليها نفكر النه بشي حتى نفضحها وبعدين لاتخافين هي جانت تسوي البلاوي بمساعدتي مجرجرتني مثل الحمار وراها وانه الغبيه امشي اعلى عمات عيني ومصدكه هي تحبنه وتريدنه
-صح لازم نكشفها لكن بطغيقه غيغ مباشغه (بطريقه غير مباشره)بحيث متحس بينه
-ان شاالله نتعاون احنه الثنين وطلعها من هل البيت
-ابتسمت الها ماشي
ابتسمت هي وراحت
حاجيت نفسي بعد ماطلعت معقوله الكلام هذا  ديغي بالج بيلسان لتاخذج مشاعغج (مشاعرج) وتنخدعين وتأمنين حطي احتمال ان تكون عذغاء كذابه
بعدها طلعت اني من الغرفه جان الوكت مغرب وديصلون وجان عدنه عمال يشتغلون شفتين الصبح وبليل لحد الساعه ب٨ يرحون وهذا كله لان احمد مستعجل ويريد يتزوج اليوم قبل باجر ويريد يخلص بنيان بسرعه شفت يطلعهم ع ارغد والشفت الثاني ع احمد
خلصن صلاة وطبن للمطبخ احلام وبنين يحضرن العشه واني وي دره جانت تخبز صعدنه التنور باالسطح الثانوي لان العمال من ساعه ٦ الصبح موجودين لليل جانت هي تخبز واني اشيل الها غطه التنور
اجتي حواء وجايبه تليفوني يرن
-بيلثان هذا تلفونج يدك ثمعته
-فدااوي ياغوح بيلثان انطيني بله اشوف
جانت جنى تتصل
-الوو 
-الو هلابيسو شخبارج ياعيني
-نحمدالغب زينه بعد ماسمعت صوتج شدعوه عليج هيج متسألين وغالقه جهازج كل هاي دغاسه مدكليلي شعندج اشو تكتوغه مال بهايم
-لعد شلو يابيلسان شعندي اني خ اخذ الشهاده واضمن مستقبلي لا زوج ينشد بي الظهر ولا شي دعوفيني هسه لا انسه ع شنو متصله
-يعني ممتصله تسألين يااحد البهائم السائبه
-لج لا والله اكيد اسأل بس عندي خبر الج يطيرج فرح
-ياااي عاد نفسيتي تغيد اي شي يفغح (يفغح)
-لعد اسمعي كولي الابو عذاب انتي معزومه باجر يمي ع الغده وساره ومريم جايات للبصره وي اهل مريم وخديجه همات عزمتها تعالن يميي خ نرجع ايام الاعداديه
-يااااي ياااي كلبي صدك دتحجين جنو
-اي والله صدك ها ونسيت اكلج هنا كل وحده تريد شكل ع الغده حضرت جنابهن الزفت انتي شنو مشتهيه عاد
-شنو ضل ما طلبنه بله حتى اطلبه اني هههههه
-كولي شنو ماضل مادري منو  كايللجن عندي مطعم
-ههههههه
-مريم العفطيه تريد سمج مسكوف وساره ام بطن تريد مندي  وخديجه تريد دولمه
-عزززه شنو ضل هااا اني اغيد صينيه كنافه ووو بعد شنو
-لا ياروحي ماكو وووو كافي شي واحد ديله باي مو تنسين لحي هواي  ع ابو عذاب مو ماتجين
-اذا ما اجي اموت غيغ(غير)  يله بايات ياغوحي

رجعت الدره سولفتلها وحجيتلها ع بطولاتنه سابقا لمن جنه ببغداد وهي وتضحك ع سوالفنه وسألتني ع جنى  وسولفتلها ع زوجها وحالته النفسيه خذتنه السوالف لحد ماخلصنه الخبز ونزلنا اني وياها
اجوي الولد صبينه عشه وصبينه للعمال قبلنه
تعشينه وكملنه غسلت المواعين اني وفاطمه ودره غسلت الارضيه وعذراء صبت جاي اللهم
راحت عذراء ودت الجاي  واجت كالت بيلسان عمي ارغد يريدج
-ايغيدني اني
-لاموش انتي جوارينكم اي غير انتي بيلسان عدنه غيرج
-هههه ماشي كوليله بس خ تكم..
غمزتلي بمعنى عوفيهن على عمتي فاطمه وروحي
واني مكلت شي كطعت احجايتي وكلتلها وله اكلج خ اغوح خاف شي مهم ويضوج اغغد
رحت كتله ها اغغد صحتني
-ياعيون اغغد تعاي بله ردت اخذ ذوقج بشغله اسويها بشقتي لو
( حجه هيج وكام من يمهم تبعته اني)
-ماشي اكيد تاخذ غأيي (رأيي)لان اني ام الذوق الغفيع(الرفيع) افهم بههيج اموغ
لمن طلعنه كال وهو يمشي قبلي 
-صمي حلجج والاتصدكين روحج
-عزه هاي علي اغغد
-بس لو ادري تتمضمضين متكولين اسمي لو شنهي اي عليج
-هههههه عابت لاتعيب تغى ما انطيك غأيي(رأيي) وهو ثمين تغى
-هو انه منهو واعيب غير الاغ بس الج تلووك تعاي كعدي
وكعد هو ع المسطبه واني كعدت ع الثانيه
-وهذه كعده كول امغني(إمرني)
-ما يامر عليج شامت ياطيبه
(شغل جكارته وكال) سمعيني بيلسان اعليج بروح ابوج تحجيلي الصدك
جنى صدك تزوجت وصدك اهي بغداد
-والغب وغوحه البابا تزوجت وغاحت البغداد (جنت اقصد لمن خذوها اهلها البغداد ) لويش عندك شك بشي
-(اتنهد)لا بس كلت بلجن اكو امل ويطلع لعبه من يمجن هذا الحجي
-اغغد عفيه دشيل جنى من غاسك وعيش حياتك وتزوج ويصيغ عندك اطفال وعائله لتضل تتأمل ع الفاضي
-لا يمعوده ما اتأمل بس كلت عسى ولعلى ...زين وزينب
-(ابتسمت )شبيها زينب
-صدك تحبني
-طيب منو كال يعني انت دتشك بيها تحبك
-هه لا انه حساسي ميت ماتشوفين جاي اسألج لجن جنى كاتبتلي ان هي تحبني هواي وكالت اخذها هي اكثر وحده تستاهلك ...(اتنهد) انتي شرايج
-ياااي احلا قغاغ(قرار) تتخذه
-يعني صدك تحبني
-مو بس تحبك زينب تموت عليك تعشقك تعغف(تعرف) لمن عغفت بيك تحب جنى شنو صاغ بيها اتمغضت(تمرضت) وكل يوم باالمستشفى وهسه اتحسنت لمن ابتعدت عنك جنى مو بيدها هي تحس بيك

غوحها هواها بس انت الغب يحفظك ابد متحس شايلين احساشك من الولاده
شفت تعابير وجهه هي هي وكأن ماحرك شي بكلبه الحجي الكلته هز راسه بمعنى اي
كملت كلامي شوف اغغد اذا متحبها وتشوف نفسك ما ح تغتاح (ترتاح)وياها لاتظلم نفسك ولاتظلم البنت خطيه
-انه مااتصور تحلالي بنيه بعد لا زينب ولاغيرها صدكيني لجن هاي سنه الحياة لازم اتزوج وانه كبرت  اكول بلجن اتزوج والتهي وانسه ومن باب الحب يجي بعد الزواج الله كريم
-زين انت شنو غايك بزينب يعني شنو نظغتك(نظرتك) عليها
-زينب من ناحيه اخلاق فا اخلاقها من عدنه وبينه واحسها مثل تربيت بناتنه الله يستر اعليها ومن ناحيت جمال لبنيه شايله من الحسن جثير هذا رايي بيها
(سكت شوي وكمل )تدرين ابوها هداها الي بس انه رفضت الهدية لان جانت رجوتي بجنى
-صدك زين وهسه شنو يعني هي تدغي اكيد انكسغ كلبها
-لاموش هسه هاي السلفه من زمان وما اتصور تدري
-ها همزين خطيه كلت انكسغ كلبها ...زين انت ناوي تخطب وتتزوج صح
-اي كلت نخطب انه واحمد ونتزوج نوبه وحده ..وماعندي حرمه ببالي ابد غير جلمه جنى من كلتلي زينب تحبك كلت اتاكد منج
-وهاي انت تاكدت يعني شنو ح تخطبها
-والله ما ادري الله كريم خلي نشوف هسه
وكام يله كومي دشي جوه ولاتحجين هل الحجي الاي مخلوك حتى بوعذاب حتى زينب مااريد احد يدري لحد ما اصفي بالي
-اكيد لتخاف الكلام الي نكال ابينه يضل ابينه
دخلنه جانو بعدهم ديحجون وفاتحين سالفه سعيد ومحكمته ويتناقشون بموضوعه وعرفت ان عكب باجر المحكمه
عفتهم ع نص الحجي اني ورحت داصعد  غرفتي قبل ما اوصل الدرج شفت باب غرفه بنين مفتوح ويمها احلام وكاعدات يسولفن
فتحت عيوني ع كبرهن عزه هاي شجابها يمهاا شدتحجي وياها اكيد احلام الادبسز عافت عذغاء وح تصف وي بنين وهذه اخطغ من هذيج ضليت
افتر يم الدرج شسوي شسوي اروح وارجع ربع ساعه وهنه نفس الكعده انتظر احلام تطلع حتى استجوب بنين
وكمزت من صوت هزاع الي اجه ومامنتبها عليه
-شنهي شبيج تعصرين بجفوف ايديج ومحتاره
-يممممه عزه هاي شبيك خغعتني(خرعتني) وضحكت
-يله تعاي
وراد يصعد
-لحظه اوكف شوف احلام كاعده يم بنين شوف الغب وحده يعلم بشنو ديسولفن اكيد هاي احلام النحسه دتخغب بنين شنو ديحجن اكيد عنك وعني
-هاي شبيج بويه ترى نسوان عادي يعني مثل ماتكعدين انتي يم دره ليش تضنين ان بعض الضن اثم تعاي تعاي اشو مشتاكلج جثير المصايب لهتني عنج

-زين صيح ع احلام كللها لاتدخلين يم بنين بعد ولاتحجين وياها
-انتي مخبله يبا شبيج بيا حك اكول هيج الاحلام هاا وشنهي الشفته منها ديله كافي سدي سيرتهن وتعاي وراي جاي اكلج مشتاكلج
اتنهدت وصعدت واني فكري كله يمهن شنو ديحجن ياترى
صعدت وراه لكيته جاي ينزع بدشداشته ويعلكها
نزعت الشال ذبيته
حجه وهو يشبكني من وره
شنو السالفه يبنيه اشو هل ايام ماكو من هذا اللبس الغير شكل ماكو زواكه ماكو اجواء حلوه اشو هامله رويحتج
وضمني اكثر عليه وباسني بركبتي
-ابتسمت والغب دا اتعب هذه الايام هواي لان دادغس هوايه وادغس عذغاء وشغل البيت يعني واهس ماكو
-عمي عذره عوفيها احطلها مدرسه
-لالا عفيه دعوفه هسه شوي اله تقغبت(تقربت) مني ما صدكت اني تغجع مثل قبل
-اااخ بويه يمن فدوه اغدي للطيبين
ودارني صرت كباله
يله راح اعذرج هل الفتره عبنها شنهي امتحانات وتعب لجن هاا هالله هالله بيه بعد الامتحانات
-اي بس عاد اني في بالي بعد الامتحانات انسافغ نغيغ جوه والك وعد ح ادللك هوايه وابتسمت ضميت وجهي بصدره
-الله كريم تدللين انتي  وماطول بيها تدلليني يصير خير خل تكضي امتحاناتج والله كريم
شالني وهو يبوس ويمشي للجربايه وشمرني ع الجربايه وصار فوكاي
كتله لحظه لحظه قبل كولشي باجغ جنى عازمتني ابيتها ع الغده اني وبقيت صديقاتنه
-لاا ماكوو عزايم
-يااا عفيه شبيك والغب جايات صديقاتنه من بغداد
-همم افكر اذا اشوف شي حلو اوديج واذا ماعجبني ماكو روحه
حطيت ايدي ع وجهي وضحكت عزه اسكت شنو هل حجي
-لا احجي صدك ترى وانتي كيفج حسب الي راح يصير يمكن ما اوديج يمكن ساعه بس يمكن للغده
-هههه اوك لعد ح اخليك تبيتني يمهم مو بس غده
ضحك هو بصوت عالي يله بله انشوف
ووو حدث ماحدث (لحد تكول شنو حدث حدث بلاوي مصايب يامنحرفات☻)
.....
صار الصبح اني لبست وكملت كلت الهزاع الساعه ب١٠ يوديني بيت جنى هو جان طالع علمود كعدت ابن عمهم
وتاخر علي صارت الساعه ب١٠ ونص نزلت  اني بعد ماكملت كلشي بلكي اشوف واحد من الولد يوديني
دخلت للمطبخ اسأل وين الولد
وهم لكيت احلام وبنين جانن يسولفن واول ماشافني سكتن
رفعت حاجبي بنين تعاي اغيدج شوي
-اي خيه جايتج
اجت هي وراي دخلت الغرفتها دخلت وراي
-شنو بنين اشوف هل ايام العلاقه صايغه قويه وي احلام لتنسين انا حذغتج(حذرتج) منهاا احلام هذه مو سهله
-اي حبيبه ادري وانه ماخذه حذري زين
لجن هي تجي تكعد يمي وتسولف قابل شنهي اطردها لو شسوي تدرين بيه انه ماعندي شي وي الكل فاليش اسوي مشاكل وي احلام اجامل الكل حتى لو هما موش زينين بس لاتخافين انه مثل ماوصيتيني دايره بالي منها

ره اكو جاي علياا
-لا اريده شوي ثكيل راسي وجايكم موش ثكيل
كمت اني وكلتلها اي جايتج
رحت للمطبخ
-ها خيرج حبيبه اشو وجهج غادي اصفر وعيونج حمر

-عليا لحكيلي ماادغي شنو اسوي
-احجي ترى شلشتيني
سولفت الها كل السالفه من سالفه النظراتها لحد سالفه عذراء
-خيه لاتطمين حظج وبختج يجوز
وبهل اثناء دخلت احلام للمطبخ
-اكلج انتي ماتستحين اهلج ماربوج شنهي ماخذه من كنتور بنين
عليا هي احلام عدلي حج....
قاطعتها اني لحظه عليا والتفتت ع احلام
-منو الي متستحي هاا وشنو ماخذه من غغفة بنين احلام خاتون
-انه شفتج وعلي بهاي عيني انتي وهل بزر عذيره دشيتن غرفتها وطلعتي تركضين لجن ما حسبالي خذيتن شي بس المسكينه هسه جاي تدور كلبت الكنتور فوك حدر مامش شي شششنهي ماخذات احجي احسلج
عليا احلام سديلي حلكج لا ادور بيج البيت كله هسه انتي تدرين شجاااي تحجين هااا قصدج بيلسان بواكه وشنهي محتاجه بيلسان حتى تبوك من بنين
وطلعت عليا وهي تكول ارد اشوف بله شضايع من بنين ومتهمات ببلسان
تبعتها اني واحلام وراي
دكت الباب عليا ع بنين ودخلت واحنه وراها
وجانت صدك كالبه الكنتور كلاب وتتدور
عليا هاخيه بنين شضايعلج
-خيه جاي ادور اعلى غترت ابوي مدري وينها انه كل يوم اعطرها واغسلها واخليها هنا بس مدري وينها سوده علي اول لبسه لبسها بعدها مات الله يرحمه وانه مستعزه بيها
-اهاا كلتيلي غتغة ابوج موو
-اي خيه
عليا وليش متهمه بيلسان اهي ماخذتها
-لاحرام باالحرم ماتهمتها لجن احلام كالت انه شفت بيلسان وعذره دشن حجرتي يجوز هنه خذنها كلتلها شيسون بغترت ابوي يعني وهي كالت انه هسه اروح واشوف صح احلام
-اي صح
-اذا الغتغه مالت ابوج لعد ليش بيها صوغة هزززاع وفانيلته
-لحظه خيه شنهي صورة هزاع منيلي صورته انه
-سألي غوحج
احلام هااا يعني صدكت انتي ماخذتها
-اي اخذتها لان عذغاء شافتها وهي تضم الغتغه ومتوتغه وكنتي دندتبجين وشكينه باالامغ اجيت اني داتأكد ولكيت الغتغته وبيها صوغه وفانيله للهزاع
سوف يزول الألم في المفاصل إلى الأبد
-لاا خيه كااافيج تتهميني كااافيج حرررام عليج منيلي صورة هزاع انه هاا لو فانيلته انه حتى ما ادش الغرفتكم
-جائز دخلتي من فيغ ما ادري تذكغين يوم منت عند جنى لكيت الباب مفتوح والضوه معلوك وانتن الثنين فوك تغى كولش سهله تاخذيهن
-لا خيه موش انه الاطب للغرفه بلا علم راعيتها الله شاهد وصاحت العذذراء
عذررره عذررره
اجت عذراء
-شنهي حبيبه انتي يمتى شفتيني ابجي وضميت شي وخايفه
-قبل يومين يوم اجيت اخذ ذياب البيبيتي وذياب فتح الباب كبل لا ادكه شفتج فزيت من شفتيني وضميتي شي حدر هدومج
-اي خيه انه جنت اشم بغتره ابوي وابجي بس ما فزيت من شفتج بلعكس ابتسمت بوجهج
عذره اكيد تكولين هيج جاتكولين انه ارتبكت وخفت وضميتها زين هاي موش غترة ابوج لان بيها صورة ابوي بداخلها وفانيله هم يمكن مالت ابوي
احلام وليش ماتكونن انتن خالات الصوره والفانيله حتى تتهمنها وتبعدينها من طريقج يابيلسان
-عذراء لا انه شفتها شوف العين وبعدين انتي اخر وحده تحجي بهل شيي فاهمه كل البلاوي من جوه راسج
وضل الصياح صوت مني وصوت من بنين وصوت من احلام وصوت من عذراء وعليا تصيح بينه ودره اجت هي وزينب يهدن بينه والحجيات وعمتهم يصيحن علينه باالصاله شخيرجن يمه اعلى شنهي الصوت
فزينه كل احنه من صوت ارغد وهو يصيح
بسسسسس هاي شششنهييي ششبيجن لااطكجن راس براس ماتستحن
عليا اي بعلي زعلطيط سليمه تصكجن
وحده تردح وحده تنطح خل نفهم ونحلها بهدااي
صعدت اني الغرفتي وعفتهم بدون اي كلمه واتصلت ع هزاع
واول مارد الوو هزاع لو اني لو بنين بالبيت شوفلك حل
-استغفرالله شنهي شصاير
-تعال وتعغف(وتعرف) وكتلك لو اني لو هي
شوي واجه هزاع
اجتلي عذراء دكت الباب
ابوي يريدج
جبت الغتره وياي وطلعت باوعت ع عذراء
-انتي حتشهدين وياي اكيد
-اي خيه والله اشهد باالشافته عيوني
نزلت لكيته بغرفه بنين جاي يحجي وياها وهي لابسه عبايتها وشايله جنطه صغيرونه بيها ملابسهم ويمه عليا واحلام
التفت علي وكال تعاي وانتي عذيره هم دشي
دخلنه
- شصاير
فتحت اني الغتره كباله
-شششوف هزززاع هذه جانت بغغفة بنين هذه غتغتك وهذه صوغتك وهذي فانيلتك السست كليوم تطلعن وتبجي وتتذكغغ
بنين حرررام عليج ياخيه حررررام تطمين حظج وبختج هاي غترة ابووي والله وراس وليدي(حجت وهي تبجي)
-غترة ابوووج شتسسوي بداخلها صوغة ابوعذب وفانيلته هااا
-مادري بلحسين مادري منين اجن انه عندي بس غترة ابوي هاي اتذكره بيها
خيه لاتظلميني ترى الظليمه شينه انه هواي شفت لوعات لاتزيدينها علي كتلج مادري منين اجن وشلون اخذ صورة ابو عذاب وهدومه وانه فوك ما اصعد غير جم مره
-هذاك اليوم لمن اجيت اني من بيت جنى لكيتجن فوك انتي واحلام والغغفه كبالجن والباب مفتوح كلشي تكدغين تسوين خصوصا وانتي هاي لايام كله وي احلام واحلام تكغهني كغه المغض

احلام خير ياطير شجابني باالنص وعليش اكرهج هاا وبعدين عاااي لبنيه كاعده يمي لاطبت غرفتج ولاكربت منها
-سكتي وخليني ساكته مخططاتج كولهن عند