ه باالاول مانتبهت لان حجيت ويه ذياب كتله بيبي تريدك لجن شفتها تخردلت ومدري شنهي ضمت حدر الهدوم وجانت تبجي سويت روحي ماشفتها لجن ضلت براسي عليش تبجي وشنهي ضمت ومدري جان حساس عندي يكلي اكو شي وضلت براسي الشغله
فا كبل شوي اهي ملتهيه ويه الطبخ انه دشيت غرفتها ادري هل شي مايصير لجن كلبي كرصني ودورت باالمجان الضمت بي جان الكه غتره فتحتها ولكيت صورة ابوي داخلها لجن هاي الصوره جانت عد ابوي بغرفته شجابها الها ما ادري

عكدت حواجبي
-انتي متأكده عذغاء تغى والغب اذا هذه لعبه منج والغب حتشوفين شي ثاني واخلي حتى ابوج يكلب عليج
-لاخيه مامرجيه منج هاي جزاتي كتلج
شوفي انه جنت ما اريد اكلج لولا اصرارج ترى وشي الثاني شلي يخليج تتهميني وشنهي مصلحتي اي صح انه جنت ما اريدج لجن بعد الطيب الشفته منج وعرفت احلام شنهي ومايستاهل احاربج اعلى مودها صحيت وردلي عكلي ترى انه موش مثل ماحسبالج لا انه طيبه وكلش لجن الي شفتي مني جان دفاع عن وحده عتبرتها امي وجان ضني انتي جاي تاخذين مجانها وان انتي ماتستاهلينه كثر ماهي مستاهلته
اعلى العموم بيلسان انتي اليوم شفتي نظرات بنين الابوي وما اضن نظر
شي عابر اتمنى تفهمين ولاتتهميني وكيفج بعد انه مامجبوره ابررلج من رخصتج حبيبه
-لحظه عذغاء لحظه اغيد اشوف بعيني
-شلون تشوفين
-اذا انتي مدتجذبين اخذيني غاويني الغتغه والصوغه
سوف يزول الألم في المفاصل إلى الأبد
-تعااي امشي
-لحظه خ يصيغ وقت الغده وتغوح تصب هي وي البنات احنه نتسحب ونغوح
-صار
وي حجايتها ندك الباب مال الغرفه
رحت فتحته شفت بنين بوجهي.
-خيه ميخالف احجي وياج
-درت وجهي منها معندي اي حجي وياج
-باعي خيه جلمتج مساع حزت بيه جثير (ودنكت) ترى والله وداعت وليدي ماحاطه عيني اعلى زلمتج و مصار الي اكشفله عن صدري بس اعلى مود يباوعلي ترى انه مستوره واخاف الله صح هو انه محلله اعليه لجن انه اعتبره غريب وما اسويها ولا اعض الايد الي انمدتلي
-كافي بنين بعدين النه حجي بهذا الخصوص غوحي هسه دانزل اصبع الغده واساعد البنات
عفتها ونزلت واني براسي الف شي يدور مره اكول عذراء يمكن تجذب ومالازم اثق بيها جائز هي حطت الصوره ودتريد تخرب بيناتنه وتسوي مشاكل
وارجع اكول الروحي بس هي شنو مصلحتها جانت كبل ع مود احلام لكن هسه هي واحلام مو ع وثاق
زين ولويش متطلع اساساً السالفه كلها خطه من احلام وعذراء وهن ديمثل زعل بينهن
وارجع اكول بس انتي لويش تشكين فقط بعذراء ان هي دتكذب لويش متكون صدك نيت بنين ومو صافيه والدليل اليوم اني شفتها تباوع عليه مو نظره وثنين لا كل ساع وشلون كلبها احترك من احتركت رجله وفزعت يعني ابد تصرفها موطبيعي ويا ابد
وضليت صافنه وافكر لحد ماصحيت ع صوت دره وهي تكول هاخيه شبيج ليش هيج فاتح ماي السنك وصافنه بيج شي
رمشت اكثر من مره لالا مبيه شي ابتسمت اجاملها
بس ح اغوح اغتاح شوي يمكن سكغي هبط
-روحي حبيبه ارتاحي
اشرت العذراء تتبعني
اجت وراي ودخلنه الغرفه بنين من غير ما احد يشوفنه وعذراء فتحت الكنتور تدور جوه الملابس بكل خانه
وره شوي طلعت الغتره
-شوفي هاي هي (حجت بهمس)
بلعت اني ريقي ياغب يسوع اغشدني للصح لتوكعني باالخطأ يامريم القديسه
حجيت الكلمات واني ايدي ترجف اخذت الغتره وباالكوه فتحتها
ونصدمت شفت صورته مو بس صورته فانيله داخليه هماتين وي الصوره بلعت ريكي وكلبي ضل يدك حيل حطيتهم جوه شالي وخذتهن الغرفتي واني ارجف سديت الباب علي متجاهله صوت عذراء الي تحاول تعرف شبيه وتهدي بيه
ضليت اروح واجي باالغرفه والغتره بيدي شلون ويمته معقوله دتتحقق مخاوفي وبدت بنين تحبه الهزاع وح تتقربله شوي شوي من خلال نظراتها وخوفها عليه
اااخ شسوي معقوله زين شلون اخذتهن فكري بيلسان اي بس هذه فانيلة هزاع اعرفها هذا قياسه بس الصوره شوكت خذتها
واجه في بالي من يوم كنت معزومه عند جنى ولكيت باب غرفتي مفتوح وجانن بنين واحلام فوك اكيد متفقات يسون خيج بيه ديدخلني بمشاكل وي هزاع
ضليت ابجي ياغبي ياغبي ساعدني
اجت زينب تصيحني ع الغده
كلتلها ما اشتهي وضلت تلح علي
عطت اني بيها بدون ما احس ع نفسي
اعتذرت مني وراحت
وضليت ع حالتي للعصر واني نفسيتي تعبانه ومحتاره اواجه بنين لو لا بس اكيد ح تنكر ماكو حرامي يكول اني بكت وفجأه خطر ببالي عليا رغم اني جنت ما اكدر حتى افكر
مسحت دموعي و
نزلت حتى اشوفها اذا موجوده او لا
جانو الناس كلهم مموجودين بس عمتهم الي جايه من الكوت واول مادخلت عليهن
كالت اييي صلوات شفناها مرة ابو عذاب شنهي عمه كولي خطار جابلينه خل انشوفج كارصه بغرغتج تكول بعدج عروس شخيرج
-ابتسمت باالكوه عذغيني عمتي بس سكغي هبط وتعبت شوي
والتفتت ادور ع بنين بعيوني
-هاا اي جاعندج سكر انتي يمه
-اي هبوط مو اغتفاع اله وين بنين
دره بغرفتها
-واحلام
-يمها هستوهن دشن حيث ذياب نام وشالته احلام تودي ليها
اجيت كعدت يم عليا همست الها
-اغيد احاجيج ضغوغي
عكدت حواجبها مز اصيحلج تعاي
وكامت راحت للمطبخ
-وصاحت بيلسااان خيه وين تخلون الورك مال الجاي
-صاحت د

تها مسويه نذر سفرة ام البنين ع تسميتها وهم اجوهم عمامهم باالديوان وخوال سعيد  وجنه دنطبخ بره باالحديقه  كل جدر شكبره واني اساعدهن
وسعيد دخل عليهم باالديوان مستحي وخجلان مدنك ابو زعلان منه اجه باس راسه وايده كدام الكل وهو يكول بويه سامحني بويه والله نصبوها الي نصب وضل يبجي ويتعذر من ابو واخوانه وكل عمامه وخواله  وباالكوه وبالف ياالله اله ابوه كله مسامحك بس لون عدتها وحق الي بنه سبع بسته اتبره منك واخلي غضبي اعليك اليوم الدين
وقبل وكت الغده بشوي يعني جان وكت اذان وشي دتصلي وشي دتتوضه جانت بنين تريد ترفع الجدر بس متكدر علمود تحمي سوب( المي مال اللحم ) فا جنت بس اني واكفه صاحتني اجي وياها بس ماكدرنه لان حيل جبير الجدر .......
يتبع....

#البارت٥٣
صاحت عليه بنين ابو عذاب بلايه امر عليك ايدك ويانه خل انحط السوب اعلى النار
باوعت اني عليها صفح
اجه هو طوه دشداشته وقبل مايشيل ويانه كال هذا حار عليش تحمونه بعد
بنين لاموش كلش حار
-زين شدعوه بويه تارسينه هيج شنهي راح تسبحون بي
-لا لجن احلام فرغت الجدر فوك الجدر وصار جثير خذت الثاني تطبخ بي حلاوه
-زين شيلي وياي بيلسان ايدج وياها
اني ضاله رافعه حاجبي صرت يمها وهو مكابلنه وشلنا نمشي شوي شوي لحد مانوصل للمشعل لان صدك متروس
وباالصدفه باوعت ع بنين كلساع تباوع ع هزاع ضجت اني كلش بس محجست شي ونزلت بنظراتي شفت صدرها طالع من الشال مدري ممنتبها مدري متعمده مكدرت بعد
عفت الجدر وكلتلها بنييين
وي تركتي للجدر اختض السوب الي بداخله واتبده منه شوي ع رجل هزاع
-حط الجدر وكال ااخ خرب عرضج
اشو هذه كمزت ركض عليه حتى اسرع مني وهي تكول
-اسم الله اسم الله سلامتك ابوعذاب سلامتك التفتت علي ركضي خيه جيبي زيت السمسم تلكينه باالكاونتر اليم الطباخ بسرعه
-لا تجيبين شي مايستاهل موش قوي
رفعت حاجبي وتخوصرت انتي مدخلج ماشي حجيت هل احجايه تزامناُ وي حجايته
باوعتلي هي وهو بنفس الوقت
كملت وبعدين عينج شوي لو منتبها للكدغ اكثغ من مامنتبها الوجه ابوعذب مجان احترك
-لاخيه شهل حج...
هزاع بيلسان شبيج ياهوو شلج بهل حجي يله ايدج وياها خلي اروح اغير هدومي
-شنو شلي بهل حجي لعد غيغ اني شفتها بعيني
-لاخيه حرام عليج تكو....
قاطعتها لاا مو حغام والغب شفتج منزلتي عينج ومو بس هيييج لا وصدغج طالع حتى محشمتي نفسيج لتضلين تلعبين بذيلج بنين ماااشي
صاح علي هو
-بسسسج بيلسان هااي شبيج
بنين مشكوره خيه ماتكصرين يجي منج اكثر
عافتنه وراحت
خزرني هزاع شششبيج انتي هااا تسودنتي
-لاهزاع متسودنت ورب المسيح شفتها دتباوع عليك شتغيييدني اسووي هااا اسكت الهاا
-بسس موش هيج تفشلينها جدامي شبيج مامش عقل عيب بعدين يجوز عاينتلي باالصدفه موش مثل تفكيرج المجيم
-لاتفكيغيي مبي شي هزززاع وكافي تدافع عنهااا ماشششي ليكون جان عاجبك تتباوع عليك وصدغها طالع كبالك استاااذ هزاااع يمكن عجبك المنظغ
خزرني وكال نصييي صوتج منا وادم ياادب سز يابهيمه
-اي انت معندك جوواب ولا شي تكوله كمت تصيح نصي صوتج شتغييدني اسسوو...
محسيت اله راشدي دار وجهي وهو يكول جاااهله عقلج مال جهاال ماعندج كل اسسلوووب وثوله بهيمه انتي موبشر
انه اعلمج بسيطه
بسرعه غوركن عيوني
-ت تضغبني عمودها هزاع عمودها
دخل للبيت ماحاجاني وعيونه بكصته
اني رحت باالشقه مال احمد دخلت وابجي
شوي واجت يمي عذراء اشوفها تروح وتجي يمي تريد تحجي بس ماتعرف شلون
بسرعه مسحت دموعي ها عذغاء شكو
اجت كعدت يمي
-لاتبجين الله ياخذها والعباس عرفتها حيه من جوه الرمل
-منو دتقصدين (سويت نفسي مافاهمه شي)
-انه جنت بشباج المطبخ وشفت كلشي ء ءء مم يله يله كومي(حسيتها تريد تحجي شي بس متكدر)
-يعني شفتيها من باوعت ع ابوج حلفتج عذغاء باوعت لو اني اتبله عليها
-لا ومحمد باوعت شفتها ردت احاجي ابوي بس ما رد اعلي هلساع من دخل
اصلن موش اول مره هاي بس كل مره اكولن خاف صدفه وروح امي مارتاحيتلها من يوم دش هل بيت ولاقتنعت بحجيها
-شنو دتقصدين مو اول مغه عذغاء اذا تعغفين شي كولي
-ء ءلا لا شعرف يعني بس انه لجحتها اعلى مرتين تباوع اعليه كلت يجوز صدفه بس هيج صدكيني
-اني الغبيه الي وثقت بيها وتصوغتها طيبه
-لاخيه الواضح انتي الطيبه موش هيه انصحج ديري بالج منها ومن احلام هم وخصوصا منها هي ترى ماتعرفين شنهي ماشنهي بداخلها لايغرج المظهر
-عذغاء دا احسج تعغفين شي بس متكولين شكو
-بيلسان ءء اتمنى اكلج بس علمود تكشفينها بس ادري بيج ماتتصرفين من عكلج
كومي هسه خل اندش الله لاينطيها وعلي فرد اكرها موش بيدي
ومشت قبلي
كمت بسرعه سحبت ايدها واني رافعه حاجبي عذغااااء كولي شنو الي تعغفينه وما اعغفه اني
-ب بيلسان خلي الوادم تروح واكلج
-انتي شنو تلعبين بااعصاببي لج دا كولج كولي شنو تعغفين شنو بين بنين وابوج
-لالا خيه ابوي ماعنده شي وياها ولا اله دخل ب بس هي (وسكتت)
-لاتسكتين عذغاء
-راح اكلج بس عليج الله تهدين امس ر بيبيتي كالت صيحي لذياب رحت الغرفتها لجن كبل ما ادك الباب ذياب فتح الباب وطلع ان

م داغ بيه الوكت لااب ولا اخ ولا اهل انت كل دنيتي كل حياتي تغيدني اشوفك تنوخذ مني واني ساكته واتفغج
متعغف انت شنو باالنسبه الي مثل اليتيم الي بداغ الايتام ويجيله شخص كريم ويتبناه ويكوله بابا ويعيشه حياة كغيمه ويوفرله عائله وينطي حنان اني هيج اعتبغك
-وانتي بنيتي وحلالي وانه احبج واخاف اعليج ولايمكن اني افرط بيج لااعلى مود بنين ولا غيرها رغم المره مسكينه والصار بيها اغلبه بسببي حتى لو كاجان الي كصد بي لجن اضل انه السبب وظميري يأنبني اتمنيت ما اتنظلم اعلى ايدي واتمنيت احتوي ابني لا اكثر ماردت شي منها ولاني بعازتها ماطولج انتي عندي
-خلاص اتغيد تغجعها غجعها واوعدك ما اتقغب من يمها بس الي صاغ اليوم خلاني اكغها ولتكلي ليش ومظلومه تغى مو بيدي والغب موبيدي
-لابويه لا ارجعها ولاشي حجايه كلتها وماتصير ثنين وبعدين تبعد احسن بلجن نرتاح ونجر نفس من المشاكل والطلايب والحنه وبعدين اذا اعلى كرهج كرهيها ترى محد يحب احد باالغصب لجن مايحكلج تتهمينها ترى انه راح احاول اسحب حجي عذيره من خلال عمتها عليا واذا طلع الها ايد بسالفه لكسر ايدها واربيها من جد وجديد
-هزاع السالفه مو فقط سالفه صوغ وغتغه والغب اني شفتها اليوم الظهغ شلون تتباوع عليك الظاهغ بنين بدت تستعز بيك واذا صاغ هذا الشي اني اموت انتهي والغب ولتكلي انتي نزلتي عليها ضغه مو هي اني لو ادغي جان مقبلت اتزوجك اصلا بس الي صاغ ان حتى انت متدغي ان هي ع ذمتك باقيه وهاي اني داتعذب الهذا السبب
-عوفج هسه منها هي ىاحت البيت ثاني الي اريده منج تخلين حياتنه مستقرهوبلانكد بلا نك لمن تشوفين اعلي شي وتتاكدين منه ذيج الساعه الج حك علي بس مو تشكين بيه اعلى الطالعه والنازله اريد تثقين بيه يامريتي ياهواي انتي ياشمامتي وارويحتي
-صاغ حبيبي ولو اني ما اشك بيك بس من حبي الك داغاغ عليك
-ولج يمن فدوه اغدي للغ التطلع من حلكج انه عندي هذا الزين كله واعاين حرمه ثانيه من عسى عيوني العمى كبل لايصير هيج
-ابتسمت اموت عليك تقربت يمه وشبكته حيل وهو ضمني الصدره
اااخ بيلسان من اكلج احبج ترى موش حجايه اللسان احبج رغم كل خطاياج وباسني ع كصتي
-شبكته اقوه واني احبك غغم كل مساوئك
-علي ولج مساوئيش ام نص السان وبسني مره ثانيه وكام يله خل انام كومي كمت رحت وياه
.......
كعدت الصبح يوم ثاني لكيت هزاع ديبدل حتى يطلع
-وين حتغوح حبي
-اجيب ذياب وتالي اروح للمزرعه عندي شغل ضروري
-ءءانت ح تجيبه
-اي جامنهو
-يصيغ اغوح وياك اغيد اعتذغ من بنين ع الي صاغ مدغي ليش بس اغيد قلبها ميشيل علي لان اني والغب مو بيدي الي صاغ
-ماطول هيج خلي من ارد من المزرعه اخذج ونروح ونجيب ذياب خوش حجي بويه
-تمام
كمت بدلت ملابسي ونزلت تريكنه نظفنه البيت واجتي زينب واكفه وتعلمني ع الطبخ لان دره تتنسه ومتشتهي تدخل للمطبخ واحلام مطلعت من غرفتها مدري ليش
كانو العمال ديشيلون غراض البناء لان كملو الشقق وقريب الاذان كملو وطلعوا وضل احمد وارغد بره يسولفون
وشوي ودخلو علينه
-ها غاحو العمال خلصو
احمد اي راحو وضل ان شاء الله بس الكهربائيات
-يعني واخيغاً حنفغح ويصيغ عدنه عغسه
احمد اي والله واخيرا راح تفرج بس لا اموت كبل ما اعرس انه فكر صبرت وتال...
زينب بعد الشر عليك ياخويه متقولش كده يارب يسعدك ويهنيك وتتجوز وتخلف عيال وتعيش كل ايامك افراح
-تسلمين خويه
ارغد جا وانه ادعيلي مثله
-حجت بهمس انت تتجوزك جنيه زرقه (وبتسمت باالجذب) يارب مثلو ان شاء الله
-امبين مو من كلبج
طلع احمد تزامنا وي حجايتي
-لا لا من قلبها صدكني بس خ اليصيغ الي ببالي وغمزت الارغد
ارغد ها زينب تردين يصير الي بال بيلسان ام السان
-وانا اعرف منين ان شاء الله ايه الي في بال البنت ام نص اللسان دي
ارغد تقرب شوي صار كبالها يعني مسافه متر بينهم
اني خجلت عزه ردت اطلع
وهي كلها ضلت ترجف
التفت صاح علي وين ياهو تعاي شبيج
-ءء لعد اني
-تعاااي لايكضونه باالجرم المشهود اقلها انتي ويانه ورجع التفت على زينب
شعندي وياها انه بس جاي اباوع على عيونها اول مره ادري بيهن خضر مدري رصاصيات مدري شلونهن
بلعت هي ريكها ءءءايه في فيه اي يا سي ارغد م مالك انت سخن وله وحاجه
-شوفي زينب اول شي انتي صارلج ١٠ سنوات تقريبا باالعراق اتذكر عليج اجيتي طفله عمرج يمكن ٨ لو ٩ سنوات يعني صارلج جثير هنا يعني تعرفين تحجين عراقي مو
-يعني نص نص عراقيتي مضروبه.

-اي احجي ميخالف
-حاضر
-وشي الثاني روحي نظفي شقتج
وراد يروح صاحت عليه
-شقتي انا ...اه قصدك بيتنه والله العظيم نظفته وكملت كل شي واجيت اساعد بيلسان
-ضحك هو وباوعلي واني شاكه الحلك
شوفي مامش عقل عدها جوزايه هناا ويأشر ع راسه اكلها شقتج تكلي بيتنه
والتفت عليها بويه شقتج هاي الي هنا
حجاها وراح طلع
وهي ضلت فاكه حلكه ده مالو مجنون واله ايه انا منين لي شقه هنا ده الولد شارب حاجه والنبي
ضحكت اني









ياغبيه ديقصد شقته نفسها شقتج يعني فغحيي اغغد ناوي يتزوج
ضلت فاتحه عيونها وشفايفها ترجف تريد تطلع الكلمه متكدر ء ءءء

تدبج والناس كلها تتراكص شوي وخذوهن كل وحده بسياره وطلعنه وهم وصلنه للبيت وهوسات وركص شوي انوب اتشكلن احلام وبنين وعليا ويدخلن العشه للنسوان
بعدها بشوي اخذناهن لشققهن كل وحده بمكان واحنه البنات توزعنه نص يم ساره ونص يم زينب
اني اكيد يم زينب الي هي بدورها مامستوعبه الهذه اللحظه ان هي صارت ملك الانسان الي اتمنته بصفناتها وبااحلامها وبصحوتها وصلاتها وربها يشهد على كل كلمه نطق بيها اللسانه من دعاء
بسته اني مبغوك ياقلبي والغب والغب فغحانتلج من كل قلبي ومداعغف اعبغلج عن فغحتي بيج (مداعرف اعبرلج عن فرحتي بيج)
-بيلسان انا الي مش عارفه انطق اي حاجه غير الحمدلله ربنا يمهل ولا يهمل
دره الله يسعدج ياخيه انتم ياعرسان اليوم كلكم تعذبتو لحد ماحصلتو ونعم باالله
-ونعم بالله تسلميلي ياحببتي
شوي وكالو ح يزفون العرسان وزينب حالها اضطرب وصار واضح عليها القلق والصراحه الرب يساعدها مدري البيها خوف مدري حب مدري صدمه
بستها اني قبل ما اطلع وكلتلها الغب يسعدج ياعمغي واهدي شوي عيشي اللحظه بكل حذافيغها ههههه
-تسلميلي ياحبيبتي
طلعنه واشوي واجابوهم زافينهم ثنينهم باالهوسات والكولات
ودخل احمد الشقته وارغد صعد الشقته
سوف يزول الألم في المفاصل إلى الأبد
ورها بدت الناس اتطش بس ضلو كم نفر بايتين يمنه اهلهم من الكوت من الناصريه فرشنالهم وكملنه وحتى عذاب وسعيد فرشو للزلم باالمضيف
اني صعدت الغرفتي هلكانه وجان الكه غرفتي معفوسه عفس الكنتور والمجرات مفتحه

-عزه شنو شصايغ
ضليت ارتب بيها واني الف علامه استفهام فوك راسي عفتها ع النص نزلت اسأل دره وعذراء اذا شافن شي او احد دخل الغرفتي
عذراء كالت ما ادري خيه حالنه من حالج جنه جوه ومشكوكين شك من التعب
دره كالت خاف ابو عذاب دش للغرفه مدور اعلى شغله
-ما ادغي جائز هو
ورجعت للغرفه ارتبها بس شنو ميته من التعب وانتبهت المجر البي الصور مفتوح ومدورين بي وبسرعه خطر ببالي صورة هزاع الي جانت عند بنين اجيت ركض ادور بين الصور وصدك مموجوده
رحت دكيت الباب ع احلام فتحته فاطمه
-وين بنين
صاحت احلام وهي متمدده بفراشها راحت خير شرايد منها ماكافي بلاويج الذبيتيهن عليها
بعدت فاطمه ودخلت انتي لويش داخله الغغفتي هاا و وين صوغه هزاع الي جنتي حاطتها عد بنين ومسويه خطه ع ساس هي ماخذتها
-هييي انتي صمي حلكج لا تخليني اعلمج شلون تحجين وياي والله ياالله تألف مصايب وتذبهن اعلى يافوخي وبعدين هي ضرتج موش انه روحي حاسبيها هي
-هه سكتي الكل يعغف انتي ضغتي وتموتين وتصيغين ضغتي بس ممكلبج
-يااا غدي غدي شنهي شكلتيي اصلا انه كريب اخذ رجال حسب ونسب وصيت عالي موش حسبالج واله اكسر خشومجن كلجن
-والغب لو اغف اهلهل كان هلهلت هذه الساعه الباغكه ياغب تاخذين غئيس دوله(رئيس) بس اهم شي تتزوجين
كامت هي ع حيله انتي هي هي شبيج ترديني امسح بيج الكاع روحه ورده اشو كلش تتجاوزين
عفتها ماحجيت وياها شي بس صدك الخبر فرحني كلش
نسيت امر الصوره شوي
نزلت اسأل دره معقوله ح تتزوج الغراب
جان تكول مدري ياخيه تكول امي اليوم شايفتها حجيه باالعرس وخاطبتها الابن اختها ارمل ويريد مره تربيله جهاله
-الشكغ للغب واخيغاً غاح نغتاح من بلاوي احلام الماتخلص
بس والغب محتاغه الصوغه وين غاحت
-خيه لاتشيلين هم اكيد لعبه منها روحي نامي ماطول زلمتج يمج ويحبج ويريدج
-هم صح يله تصبحين ع خيغ
وصعدت للغرفه لكيته جاي ينزع دشداشته
باوعلي وكال الحبيبة طلعيلي هدوم انه داش اسبح
-ماشي حياتي غوح اسبح انت واني اجيبهم
وراح سبح وديتله ملابسه طلع واني دخلت سبحت وراه
طلعت لكيته متمدد فتحلي ايديه وكال طفي الضوه و تعاي
الحلوه يالحسنج حسن يوسف ياالمابيج لوله
ابتسمت اني طفيت الضوه وركضت دخلت ابين ايديه
ونمنه
كعدنه الصبح لبست وعدلت نفسي لكيت زينب وساره جوه اجيت باوستهن وتباركتلهن وكعدت يم زينب
-هاا بشغي (بشري) ع كولت عليا سمسم ماش
-هههههه ضحكت ودنكت
-يااي فديت المكسوف
وضلو ناس تطب وناس تطلع والخطار يجر واحنه نفتر باالبيت عفيه
شكد عدهم معارف الرب يحفظهم
وضلينه هيج كل يوم ع هل خطار وبيوم ثالث جانو متجمعين الكل باالصاله عده الشيخ والحجيات نايمين
جنه احنه البنات اني ودره وزينب وساره وعذراء نلعب سويه كل وحده تسولف موقف مضحك صار وياها ونضحك ومتونسين وجنه باالبداية بس البنات بعدين صحنه للولد شاركونه ارغد واحمد وعذاب وسعيد بس هزاع متمدد وايده ع عيونه شكله ضايج
حجيت اني يله نبدي وي احمد
ضحك احمد كال
-فد يوم من الايام جنت اريد اغيب من المدرسه جنت بصف الثاني متوسط الدنيه شته وبلكوه كعدوني كتلهم ماروح منكم رب مني رب ماروح جان يجيني ابوي وبيده التوثيه وانه هي كعده وهي ركضه للشارع كبل طلع وراي وهو يغلط علي وشمر علي جنطتي وقميص وبنطرون وقفل الباب جنت انه لابس كلبيه بيضه باوعت ماكو قميص وهذا الحجي لو اكبر واصلي باالباب بعد مايفتحه كمت لبست البنطرون ودخلت الكلبيه جوه همزين بناطيرنه كبل شوي عراض ولبست وكملت الحجي هذا وانه باالشارع وصلت للمدرسه ن

سسني اني مثلي مثل كل وحده غريبه ولاكأن بيوم كنت زوجته دينبهني ان لا اميله او احن اله لان ساعدني ديوضحلي ان لا انغر بفعله اتجاهي لان كان راح يساعد اي وحده غريبه كانت بمكاني وكأنما ديكلي لاتنجذبين الافعالي الزينه مثل اول مره ساعدتج بيها ونجذبتي الي واختاريتيني بعد ماجنتي رافضتني لمجرد ساعدتج وبس ديكول اني هذا طبعي مو بس وياج ميدري اني صرت افهم شيقصد بكل كلمه يكولها ميدري تجربة الي عشتها بحياتي القصيره ويا و وي ناس من غير بيئه كبرتني هواي وعلمتني هواي

خصوصا بعد ماتطلكت عرفت شنو ومنو سبب اخطائي واندفاعي ورغم هذا الي صار وياي اشكر الرب واشكر هزاع واهلها يلي علموني اشياء هواي علموني الخير والشر الطيب والكرم والمكر والحيله والتصرف والاعتماد على نفسي علموني الزين والشين  صح دفعت هواي اثمان حتى اتعلم بس باالاخير تعلمت شكرا من كلبي الكم
قطع صفنتي وحبل افكاري صوته وهو يحجي وي بنته
-يله بويه ايدج وياها سنديها
-اي بويه صار
اجتي عذراء كمشتني
-شوي شوي يله خيه
كمت وبكوه اله كدرت اوصل للسياره صعدتني عذراء الي تعبت وتبهذلت حيل وهي مسندتني
صعدت عذراء يم ابوها ورحنه المستشفى خاص جابولي كرسي متحرك كعدوني واسمع عذراء تكول الابوها بهمس الي يمشون وراي
-شنهي  بويه بيلسان شجرالها و راح تكعد عدنه
-ان شاء الله مابيها غير العافيه ماجره شي لجن اذا متأذيه جثير اكيد اجيبها البيتنه
-بس بويه راح ترد الناس تحجي وغريبه وبيت طليقها شلنه بهل معمعه
-بسج من هل موضوع كافيج وامشي
-صار بويه
دخلوني ع الدكتوره فحصت رجلي هزاع طلع وضلت بس عذراء
دخلوني للاشعه وره انتظار شوي
الدكتوره  مابيج شي يا بيلسان مجرد رضوض هذا ورقه روحي  يضمدوها الج باالباندج وراح اكتبلج مسكن يخفف آلامج شوي ماشي وعلاج
وديري بالج من الحركه وان شاء الله يومين ٣ يخف الوجع لحد ماتتعافين تماما تدريجياً
عذراء يعني ماتكدر تمشي
الدكتوره الافضل الها ماتمشي لان رضوض واكيد مو سهل تمشي عليه وتتعب  بس راح تتعافه بسرعه
طلعتني عذراء للردها واجتي للممرضة ودهنو رجلي ولفوها باالباندج وضربتني ابره مسكن لحتى يخف الوجع
وطلعتني لكينه هزاع واكف باالباب ينتظرني واخذ الكرسي المتحرك من ايد بنته ودفعني هو وصلني خارج بابا المستشفى وكف بنته يمي وراح جاب السياره مالته نزل ساعد عذراء لحتى يصعدوني هو ما كمشني ابد بس فتح باب السياره ورفع عباتي من يم رجليني حتى ما ادوس عليها وصعدت للسياره رجع الكرسي هو ورجع صعد للسياره جان الجو هادئ بشكل كل احنه ساكتين
لحد ما وصلنه يم باب بيتهم
-ء ء ما اعغف شلون اجازيك او ما اعغف شلون اشكغك اصلا
-واجبي هذا وماسويت خلاف واجبي او زود عنه .. يله بويه عذره ايدج وياها ساعديها تنزل
سوف يزول الألم في المفاصل إلى الأبد
-ب بس وين حنزل ودويني البي..
-هنا بيتج بيت اهلج وناسج موش اغراب احنه لحد ماتتعافين وردي
-وسالفه بك...
قاطعني بسرعه بصوت يغطي ع صوتي
-لاتشيلين هم دوامج انه ادزلي  واحد ياخذلج اذن من الكليه
جنت احجي واباوع عليه باالمرايه الي صايره كبال عيونه
وهو يحجي وما رفع طرف عينه الي ابد وما اعرف ليش احسه حيل مامهتم كأنما رجع يعاملني مثل اول ماعرفني ومدري ليش انقهرت وتمنيت ما صار الي صار ولا شفته ولا رحت وياهم للزياره هذاك اليوم وياريت ضليت محافظه ع كلبي بعيد عنه ياريت لو ابطل افكر بي او ادور اهتمامه  لويش هلكد شغل بالي
نزل هو فتح الباب الي وبنته ونزلتني عذراء
دخلتني للصاله
هزاع بويه عذره مديلها فراش يمج بحجرت امي
-تم بويه هلساع امدلها فراش
راحت عذراء وهو اخذ نفس وطرت حسره من صدره بصوت مسموع
حجه وهو صاد وجه مني حجه بصوت همس بس هو صوته نسبيا عالي للهمس
-سمعيني يبنيه بكر هذا حكم اعلى روحه وانطيته فرصه يعيش لجن الظاهر مارايد روحه وانتي امني واطمني ترى لو يشيل روحه ويهدكها باالكاع مايكدر يكرب حذاج وانتي بجالنه
-الغب يحميك ماتقصغ وما اعغف شنو اسوي واغد الكم جميلكم يلي غطاني
-لاتسوين شي هذا واجبنه لجن شي واحد سوي ما ريد طير الطاير يدري بسالفه بكر ولا احد يدري ان هو رد  او دك عليج خوش انتي نامي ومايصبح مصباحج اذا ما اطلع كسرت رجلج بدم بكر
-اني ما اغيد اسويلك مشاكل
-هسه خليج مني ومن المشاكل واي واحد يسألج كليلهم امس حسيت اكو حرامي وحركه باالبيت ودكيت تليفون اعلى بوعذاب وجاني وجاي انزل وطحت من الدرج وتليفونج سدي هسه والصبح يصير خير
-ماشي بس اصلا تلفوني ضل باالبيت
-بعد احسن باجر انه اجيبه ونشوف تاليتها يله اخذي راحتج تصبحين اعلى خير
باوعت ع ظهر وهو واكف اتمنيت اكله لاتحاجيني ك غريبه بس الحمدلله ماطلعت من اللساني الكلمه لان اني باالفعل غريبه هسه بس هو هواي جدي وبارده وياي ...ليش شنو تردينه يكولج حبيبتي لو يتغزل بيج لو يشعرلج اني هم بطرانه خلي افكر بسالفه بكر وشنو يريد مني
راح هو وره شوي اجت عذراء سندتني واخذتني الغرفه الحجيه تمددت باالفراش وضليت افكر باالي صار وياي اليوم لحد ماغفيت
والصبح اسمع صوت الحجيه واصواته

اتج السابقه تمام غصبا عنج ح تطبقين هذا الكلام فاهمه
وخذيت الطريق كله احذر بنفسي لاتحبينه ولاترجعين ولاتحنين واتوسل بنفسي وماحسيت اله واني واكفه كبال قبر بابا
نزلت حضنت القبر وبجيت بسرعه
عذاب وكف بعيد عني بهواي
بابا حبيبي اشتاقيتلك هووواي بابا انت غحت واغتاحيت واني دتعذبني الدنيا بابا احبك واغيدك اغيد انام بحضنك صاغت الدنيا حيل باغده فقدت حضنك وحضن هزاع بنفس الوقت فقد الامان الي حصلت عليه من بعدك والدنيا كلما دتمشي كلما دتخسغني (دتخسرني)هواي اشياء
سوف يزول الألم في المفاصل إلى الأبد
ضليت اشكي وابجي لحد ماكال عذاب
كافي بيلسان ترحميله وكومي تعبتي هواي عايني وجهج غده اصفر لا تطيحين اعلي امشينه
وتقدم هو رش القبر بمي الورد وقره الفاتحه وكومني ورحنه صدك احس راسي يريد ينفجر ودوخه قويه منا حر ومنا بجيت ومماكله اي شي ومنا تفكيري الماديرحمني
طلعت من جنطتي جكليته اكلت منه شوي حتى يصعد سكري
مشيت باالكوه لحد ماوصلنه للفندق لان ح يباتون باالنجف
اسمع عذاب يسأل عمه احمد الي كاعد بصاله الفندق
شني عمي شلون ترتيبنه وبيلسان ويامن تكعد خطيه تعبت خل ترتاح شوي
-بيلسان ويه امي ودره وعذراء غرفه رقم ٢٠٢ باالطابق الثاني لو هي غرفتهم لو لكبالها لان ادري وحده غرفتهم وحده غرفه ارغد (والتفت علي)روحي خويه صعدي ارتاحي غرفتكم لو ٢٠٢ لو لكبالها
هزيت راسي ب أي ورحت
وصلت للغرفه وجانت عليا هم كاعده هناك والحجيه تدردم
-شنهي قابل شكتله شدعوه عليه جبريت كب بويهي
طبيت كعدت يمهن ردت عليها عليا
-صدك جذب يمه هسه تشوفينها مناسبه تحجين ويا هيج حجي شسالفه ماصبرتي والله مادري شلونج
-خايبه شبيج انتي الثانيه درتي ويا جا انه شكتله كتله وليدك يريد يتربه قابل هم تنطي العماته يربنه اريدنه ياخذله مره تشيله وتشيل وليده هل يتيم يكسر الكلب
حجت دره بصوتها المبحوح كلش الي بلكوه ينسمع يمه هاي السالفه موش هسه وكتها هسه لولد خلي انه موجوده يمه مانخلي يعتاز شي مثل ماربه عذاب يربه ذياب وبو عذاب يمتى مايقتنع ياخذ لاتضغطين اعليه ويكوم يصيح عليج

عليا اندري قابل هو بزر جاهل كافي الشافه جثير خلي ترتاح نفسيته واذا راد ياخذ وموش وكته تحجيله بهيج موضوع هسه هو عينه اعلى الله واعلى ابنه خطيه
عرفت من كلامها ان الحجيه حاجيه ويا بموضوع الزواج وهو عايط بيها ومدري ليش ضجت حييييل وصار واضح هذا الشي بوجهي بحيث حتى عليا كان سؤالها الي
ها خيه بيلسان شبي وجهج غده اصفر شخيرج
-مبيه شي بس تعبانه سكغي هبط شوي ح انام يمكن اغتاح
ونمت بسرعه ع الجربايه وغطيت وجهي مكدرت اضيف اي كلمه زايد
ومكعدت اله المغرب ع صوت الحجيه وهي تكول يمه نيسان احنه ماشين انصلي عند الامير تمشين ويانه
حجيت بتعب لايوم ما اغوح بيه نومه
-زين كيفج يمه بس كومي قفلي الباب اعليج أمنلج
-اي صاغ بس تطلعون اقفله
ورجعت نمت وما ادري لمن طلعو ولا قفلت الباب كعدت شبعانه نوم وميته من الجوع بس اشو ظلمه الغرفه بس ضوه خفيف يطلع من باب الحمام اني اتذكر لمن كعدتني الحجيه جان الضوه معلوك
تلمست وج
كمشت نقالي اشوف الساعه شفت ٢٠ مكالمه لم يرد عليها من جنى والتليفون صامت والساعه ب٢ بليل عزه شنو صايغ جنى بيها شي واني شدعوه نمت هذا الوقت كله
ضويت باالتليفون شفت الحجيه تشخر ودره وعذراء نايمين
وضويت ع الاكل حاطين العلاكه يمي اتذكرت جوعتي بطني تغني وبعدني هستوني اريد امد ايدي اكل واتصلت علي جنى الاتصال ٢١
عزه نسيتها من الجوع
فتحت خط واحجي همس الو
اجاني صوت جنى وهي تبجي
-بيلسان عفيه ل ل لحكي علي
فتحت عيوني بخوف وكمت للحمام حتى شوي اكدر احجي كلتلها
-شكوو جنى تغى خفت شنو صايغ
حجت وهي تبجي
-ب بيلسان خالو وزوجته عرفوا بيه دخلت للأسلام وخالوا راد يسلمني للكنيسه واني انهزمت من الظهر البغداد رحت( الماما وبجت حيل) بس ماما ماكدرت تستقبلني وكالت ما اكدر احميج وانطتني فلوس وكالت روحي انهزمي روحي البيت الشيوخ روحي للرجال الجان يريدج هذا الي اكدر اسوي اهزمج وبس واني اخذت لفلوس وانهزمت رجعت للبصره بس جنطتي انباكت من نزلنه للحمامات وحتى كروه معندي الرجال ابو السياره جزاه خير وصلني للكراج ونزلني ومخذه مني من عرف ان جنطتي انباكت وهسه يابيلسان اني دا امشي باالشارع وخايفه وين اروح معندي مكان وماعندي غيرج اتصل بي خديجه تليفونها مغلق بيلسان ف فدوه اني خايفه كلش وتعبانه تعبت من الحياة والله لو ما حرام جان قتلت نفسي لان الدنيا هوايه عذبتني
هي تحجي واني حيرتي مثل حيرتها وخوفي مثل خوفها لان ادري اهلها متشددين واذا كمشوها يسلموها للكنيسه حتى تتبرى منها  وراح يرجموها ويقتلوها اهلها وراح افقد اقرب صديقه الي اااه ياجنى ماشفتي الراحه حبيتي واهلج عذبوج وزوجوج الواحد مريض ودخلتي الاسلام واهلج متشددين باالدين وهسه هيج صفيتي باالشارع بس لا اا ماراح اخليج انتي مو بس صديقتي انتي اختي حجيت هذا الحجي بداخلي
وجاوبتها
-جنى كعدي بمكان أمن وديغي بالج ليخلص شحن التليفون واني اتصرغف ماشي
سديت التليفون واني محتاره

اسي انه اليوم خميس ورفعه علم واسطفاف وانه من الي يرفعون العلم كشافه جان يجي المدرس مال رياضة عود يرتبنه كال احمد شني هاي برجلك ويوم اباوع ولن تك انعال احمر مال امي وتك انعال اخضر مال حجيه زري وانوب لابس اليسره يمنه واليمنه يسرى
انه ضليت امتمت وشوي وابجي المدرس ضال صافن وانه بووويه الفشله والطلاب تضحك والمعلمين تضحك ومشت علي ابو تك انعال باالمدرسه
سوف يزول الألم في المفاصل إلى الأبد
ضلينه نضحك وساره تكله خوش ابو تك انعال منا ورايح هذا اسمك
ضحك هو عادي ازمه وعدت والعلم انرفع
زينب وانت يا ارغد عملت ايه غرد
ارغد خاب انه عامل عمايل بس الله وحده يدري بيها
عذاب اي سولفلهم من صارت بيك شاره
-اي صدك سمعو هاي السالفه فد مره صارت بيه صواب اعمه مادري شنهي منو الادعيله يصير براسه حظ دعيت الابن جوارينه ينجح نجح ودعيت اعلى حجي غثاني طاح وانجبح اعلى وجهه وهواي سوالف اجتني شاره من الله انه متعجب اعلى روحي انه دعائي المايوصل للبنكه هسه جاي يصعد للسمه شخيرني شصاير اي ليش ما فد يوم كرايبنه من ابعيد سمعت بيه جان تخابرني طبعا انه بس سامع بااسمها ما اعرفها ولا شايفه شوف المصالح خلتها تتتصل وذاك السلام والهلا والمرحبا جان تكلي ههههه ارغد دخيل بختك رجلي يريد يتزوج علي اريده منك بعد الله انه رفعت ايدي وياها باالتليفون وجان اكول اللهي ياراد يوسف اليعكوب رد رجلها الها وبعد عنه كل مره غيرها وكلتلها روحي حسبي رجلج رد ليج

وره يومين خابرتني تدعي علي الله لاينطيك العافيه كون رجلي راح يطلكني وجاب المره الجديده للبيت
هههههه المكروده اثاري خلص مفعول الدعاء وطاحت بيها
ضلينه نضحك كل احنه
زينب واللهي مش مصدقه انت تصير عندك شاره
ارغد هو بس انتي مامصدكه هو انه اسولف وما مصدك بس ربج اله بيها راده ورضا راد يعيشني الشعور شوي ههعهههه
التفتت ع عذاب وانت شنو مسوي من بلاوي
عذاب انه الفقير الى الله اسوي بلاوي لا حشى بس مره من المراة اجيت راسب والكارت مالي مصبغ احمر وابوي هذا هذا الكاعد كدامكم كله منه(واشر ع ابوه)عاقبني وما انطاني مصرف وجان يتعده هذا ابو الشعر بنات وانه مو بيدي احب البنات ءء اقصد الشعر بنات جان احتار منين اجيب فلوس لا اكدر اروح البيبيتي او الجدي واطلب لان مهددهم والله جاب كبالي زرزور ميت كلت خل ادفنه خطيه وجاي احفر جان يجي يمي ابن جوارينه بعده بااول بتدائي وكاض بيده ربع كال شني جاي تسوي انه باوعت اعلى الفلوس واسمع الموسيقه مال شعر بنات كتله عندي بلبل ربه وعشر اصوات يغرد تشتري بربع هذا فرح انطيته الزرزور الميت كتله هاك بس ترى هو هسه نايم الصبح يكعد وهذا صدك وخذاه
ضلينه نضحك
-ههههههه عزه كله منك شوف( والتفتت ع هزاع)
جان باله مو ويانه وصافن
احمد اي بو عذاب سولفنه بطوله من بطولاتك
فز من صفنته وعكد حاجبه بمعنى ماسمعت عيد رجع احمد كال
سولفنه موقف صاير وياك
حجه وهو يعدل جسمه ويكوم
مالي خلك تعبان كلش يله رايح نام انه وانتم هم ناموا وكام
ارغد شبي بوعذاب
عذاب مادري يجوز عنده مشكله باالسلف
حجت عذراء بصوت بس اني اسمعه اخاف سحورة بنين واحلام بينت
ولمن كامو كلهم كمشت ايدها لحظه عذغاء شنو سحهوغه بنين واحلام شنو انتي تعغفين شي اني ما اعغفه
-لا والله خيه علمي علمج بس منو خذه الصوره والفانيله من غرفتج ردود انه خايفه اعلى ابوي لا يكون مسوياتله شي الله ينتقم منهن
حجت هيج وراحت الغرفه بيبيته تنام وضليت اني محتاره يارب شلون ليكون صدك سحر اشو هو اليوم كلش غير حتى وجهه متغير يارب ساعدني وضليت فكره تجيبني وثانيه توديني اني لازم اتاكد اذا مسوياتله سحر او لا بس شلون صعدت للغرفه جان نايم اتمددت يمه ومدارلي وجهه ابد وهذا الي عجبني باالزايد مهتملي اصلا ضليت قلقه وحسيت نفسي ممرتاحه ابد ومنمت اله بال٤ الصبح وي ماكعد هو يصلي
ويوم ثاني الصبح كعدت ملكيته باوعت ع الساعه ب١٠ غيرت ملابسي وجان في بالي اروح البيت بنين اني ودره بس تعجبت لمن لكيت دره دتلم ملابسها
-وين غايحه
-حجت وهي تحط الملابس باالجنطه اجه عناد وراح امشي وياه باالشروط الحطهن اعليه ابو عذاب
-صدك الغب يسهل عليج ويهديلج زوجج حبيبتي والغب فغحتلج
-يابعد عمري وانتي هم ان شاء الله يريح بالج وتعيشون مرتاحين انتي واخيي
-اشكغج ياعمغي
كملت دره ودعناها كل احنه واجه هزاع بيده كمش ايدها وشال جنطتها وهو يكول
خويه شنهي الي يصير يكدرج ويكدر حياتج كليلي ترى انه اخوج وعزوتج وموش جاهل اعرف شلون اتصرف بس اهم شي تحجين ولاتخافين خوش بعد خياج
-تم ياخوي وياحزام ظهري ان شاء الله
طلعها ومن ايدها سلمها الايد اعناد وهو يكله
-شوف يعناد انت ابن عمي واخوي وابني وربيتك اعلى ايدي واعزك وانه اليوم اريد اسلم اخيتي لعناد الاولي اعناد الي ربه بين ايدي عناد الي يصون الغريبه كبل الكريبه الي بي نخوه اعربي اصيل هاي اخيتي امانه عند اعناد الذيب موش عند عناد الي ردها الي هذيج المره مزوركه
حط ايده على علباته من هل ركبه يابوعذاب تاخذ حك اخيتك الي هي بت عمي وحرمتي وام ابني

-عفيه عليج بس ع شنو تسولف مثلا علي لوع ابو عذب
-لااعليج ولا عليه بس سوالف عاديه عن زواجها كبل وليش تطلكت وعن حياتها بيت الشيخ وعن جهال ابو عذاب الربتهم وهاي السوالف وانه هم نفس الشي اسولفلها اعلى حياتي والمرار الضكته
-هممم بس انتن من شوي كنتن تحجن سويه ولمن دخلت سكتن لو حسبالج ان......
قطع كلامي دخول عذراء وهي تكول بيلسان عذاب يكول يله خل تجي اوصلها
هزيت راسي اي اتأخغت هوي التفتت ع بنين بليل انكمل كلامنه ومثل محذغناج كلنه منها لازم متقوين علاقتج بيها
-صار خيه اعلى راسي بس كتلج انه ما اعرفن اطرد احد يجي يكعد يمي
-بعدين نحجي بهذا الموضوع يله باي
-الله وياج حبيبه
عذراء جا وين رايحه انتي
-البيت صديقتي عازمتني ع الغده
-ها خوش تسوين خايبه شردي من هل بيت الي كله طلايب
-ههههه تغحين وياي
-لا خيه شضل اعلى امتحاناتي عكب باجر خل ادرس احسلي حيث عمي احمد هددني كلي اذا ماتنجحين اكسر راسج واذا نجحتي الج هديه ثمينه عاد انه هم ماكلت باطل الكتله اكلها واسكت عادي لجن ما اكدر افوت الهديه راح انجح الخاطرها هههههه
-ياغب ننجح كولنه واني بعد الج مني هديه
عذاب خااااب مره ابووووي وينج ياهووو بسرعه
رحتله اركض
-عيونها يله
-اااخ لاهيج هواي لا لا عيونها فد مره خافن ما اعارف اشوف بعيونج الحلوات لاخلي عيونج الج الحلو بس للحلو انه كافي علي عيوني
-هههههه فدوه للسانك العسل
مشه واني وره كتله لعد ابوك وين
-ابوي عدهم كعده وانطاني سيارته كال اوصلج واردها اله
-وشصاغ ع ابن عمهم
صعد باالسياره واني هم وكال
مامش اهل الولد المدعوم راح يتنازلون عن الشكوه واحنه ندفعلهم فصل يكسر الظهر جا بعد شنسوي
-اووف الغب يعينه ع هل المشاكل كل يوم شكل
-يمعوده المصايب بس فوك روسنه تتحذف نوب شيوخ لازم بكل مصيبه لطامه لا الكريب يرحمنا ولا البعيد الله يكون باالعون
-اي والغب الله يعينهم العمو عبدالله وهزاع
-اي شنهي وين بيت صديجتج
-وصفتله المكان
-ايي عدهم بنات
-لاا ياخفيف معدهم هي وزوجها بس  مغيم(مريم) جايه تتذكرها هذيج المغه الي شفتها

-ها هااي العفطيه اي اي اتذكرها لالا هاي خليها بعيد كافي ذبيت جاهل هذيج المره عوزي احبل بعد لاتذكرين اسمها
-هههههه عزه بعدك تتذكغ
وطول الطريق نضحك ونسولف وكفت يم محل نزلت عذاب يجيب بقلاوه عيب ادخل وايدي فارغه
وكملنه الطريق وره مده قليله وصلنه
نزلت كال عذاب خابري علي اذا ابوي ماعنده شي يجي عليج واذا لا انه اجي
-ماشي
دكيت الباب فتحتلي ساره الباب مستوليات ع البيت كلش  ماخذات راحتهن
صرخت من الفرح من شفتها وهي شبكتني
دخلت واسمع مريم تصيح
هلاااا باالزين والله هلابشيخه البنات هلاا بمرة الشيخخخ هلا بحرم سبع السلف هلا اسفرت ونورت اكلطي اكلطي يافخر السلف اكلطي
تحجي وحاطه ايدها ع راسها ومدنكه راسها شوي وايدها الثانيه ورى ظهرها
-هههههههه عزه مغيم(مريم) لج الخبال بعددده ماتغيغ منه شششي فدوه مشتاقتلج بكد الجذب
-هههههههه ولا الغغغغغغ متغيرر شبكتني وشبكتها وبعدها سلمت ع خديجه وجنى
وكضيناها سوالف وضحك وشقى مثل الجاهل تغدينه وضحكنه ولعبنه مخلينه شي جانت ساعات تجنن صدك صدك تونست وضحكت من كلبي تغيرت نفسيتي
طبعا زوج جنى طالع كالت يروح يكعد يم الشط ع الكورنيش كل يومين يضل هناك يعزل روحه فا احنه اخذنه راحتنه كلش
والعصر الساعه ب٥ اتصل علي هزاع
-الوو ها حبيبي
-يله انه جاي اعليج
-حبي شوي بعد
-انتي حبي بس لا انه عندي شغله واريد اروح ليها منهو يجيبج احمد وارغد يم العمال وعذيب مامش الهبش مدري وين مولي فا حضري روحج جايج
-ماشي حياتي انتظغك وصفتله المكان
-مريم اكلج صدك شخبار هاي بنسلين
-عكدت حواجبي منو هذه
-داقصد بنين ضرتج
-عادي ماكو شي بس اكو تطوغات بينها وبين احلام واكو خلافات بين عذغاء واحلام
جنى لالا ما داصدك عذراء واحلام بينهم خلافات سولفي يمعوده شدتنتظرين
سولفتلهن كلشي عن احلام وبنين وعذراء
كلهن صدكن بس مريم كالت ولج خاف كلاوجيه عذراء وبعدين يبان المستخبي
ساره لا مريم ليصير كلبج شيطاني يجوز لبنيه نظيفه ومعدها شي
مريم ياريت ماكلت شي اني كلت خاف
بس بيسو الرب يعينج اوووف شلون متحمله ضره وكاعده وياج بنفس البيت لو مهما تكون الاسباب يضل شي اوووف مينحمل لو اني كان هسه اتطل.....
جنى ء ء مريم متردين عصير شي ههه صارلج نص ساعه ما اكلتي شي شعجب انتي حلكج ميبطل
فتحت عيونها ع كبرهن هااا اييي يعني رحت رونك سايد اممم بيلسان الشيخه الزين كله اني اقدم اسفي واعتذر عن نفسي الطايح حظها واللساني المتبري مني ترى هو مطلوب دم والعداله تبحث عنه بكل مكان
-هههه لا عاد اني ازعل من الكل اله من حجيج  عادي عادي اصلا اني منو كال متحمله الوضع والغب مد اعغف اتأقلم ويااه وهذا الشي مسببلي مشاكل هوايه
خديجه يمعوده شبيج صدك تحجين
زوجج خوش رجال ومايتثمن ترى وحتى البنيه الحد الان فقيره لاتضلمينه بس نصيحه الج لو تخلينه ياخذها يكعدها بهذاك البيت احسن الج والها وهماتين اتبعدينها من الحيه احلام
-جنى واني أتفق وي خديجه احسن حل

ي بس ما ح اكول لان هسه مشكلتي مو وياج وشي الثاني اذا ما اخذتهم بنين من الغغفه شجابهم الها وبكنتوغها انتي
احلام وليش مو انتي سويتي هيج حتى تطلعين الفقيره من بيتنه وكل احنه ندري انج حاسبتها ضره وتغارين منها
-اني مأذيتها حتى هسه أأذيها وبعدين عذغاء شاهده وشافت بعينها وهي كلتلي ع فكغه اني ما ادغي عن السالفه واجيت وشفت بعين ونصدمت احجي عذغاء صح الكلام هذا لو اني داكذب
عذراء اي صح انه هذاك اليوم بيبي كالت روحي جيبي ذياب حتى سألو بيبيتي واجيت من اجيت شفت بنين تخردلت وضمت شي انه مدري شلي صار بيه شكيت بيها عاد اليوم دشيت غرفتها انه اعرفن هل شي غلط واعتذر منه بويه بس شيطاني خلاني اروح والشوف هذن جدامي وحتى ماكلت البيلسان بس هي لحت علي هواي الله شاهد وهاي بيلسان اسألها جدامك
احلام وليش ماتطلعين انتي حاطتهن وبمساعده من بيلسان
عذراء لا وروح امي موش انه الخالتهن وبعدين انتي اخر وحده تحجي سكتي
-كلش صاغ وا......
جان هزاع واكف ومجتف ايديه ورافع حاجبه ويباوع على كل وحده تحجي صاح وي احجايتيي
كضيتتن حججي ومناكر لو بعد
وباوع علينه وحده وحده وكمل
هسه سمعني زين وكل وحده تخلي الحجي الي راح اكوله الها ترجيه بذانها
انتتتتي عذيره وحق سيف ابو فاضل اذا كشفت الج ايد باالسالفه اكسر راسج وانعل ابو طاهرج واطلع رباي وتعب سنيني من عيونج سامعتني لو لاااا
-اي بويه
-وانتي احلام انتي ماتهميني لا من بعييد ولا من كريب ولا راح تهميني انتي بت مرة ابوي واخت خواني وغريبه باالنسبه الي لجن اذا طلعتي الج ايد باالسالفه شوفيلج بيت ثاني بيتي يتعذرج وترى عمره حبل الجذب ماطول تفهمين حجيي لولاااا
هزت راسه بمعنى اي
رجع هو كمل والتفت علينه اني وبنين
وانتن ابيت واحد ماتنجمعن بعد لو انتي لو هي وانا اشوفن انتي يابيلسان ماتكدرين اتطلعين بيت ابحدج
تعاي بنين اخذي غترة ابوج ولمي هدومج وهدوم ذياب وروحي ويه عليا اليوم وانه باجر اكمل البيت حتى تكعدين هناك
ردت احجي اني
كال مااااكووو اي حجايه بعد حجايتي هاي العاجبها تسكت والماعاجبها هم تسكت وغصبا عليها يلللله ولن من جددامييي
طلعت اني قبلهن كلهن اي احسن شي هيج خل تطلعن من البيت اغتاح منها لان ضلت تلعب بذيلها
بس لحظه شششلون اذا خلالها الجو الوحدها بس لا كل ميغيد ابنه اغوح ويا اني هيج احسن حل
صعدت وراي دره وكعدت يمي وهي تكول والله احسن شي هيج حتى تفكين المشاكل والقال والقيل والفتن وديري بالج ترى مو كلشي تكوله عذيره صح
-لاتخافين اني ما اثق بعذغاء بس اني ملاحظه تغيغات بنين تجاه هزاع وشايفتها بعيني شلون ودتباوع عليه هواي لذلك ما استبعدت ان هيج تسوي
وحتى اذا مسوت هسه مستقبلا ح تسوي صدكيني تبدي نظغات بعدين تتطوغ الى الاكثغ
ضلينه هيج لحد الليل نزلت اسوي عشه وياي فاطمه
عليا اخذت بنين وراحت البيتهم والحجيات جانن يصلن كل وحده بغرفتها
وعمتهم جانت تصلي يم الحجيه زري بغرفتها
كملنه عشه ولمن اجه عمو عبد الله والولد صبينه
حجه الشيخ شنهي منهو اليوم المسوي الشوربه هاي والحميسه موش مثل كل يوم
هزاع لا باالعكس كلش حلوه اليوم اول مره اكلها هيج
حجيت عمو هاي اني وفاطمه سويناهم
الشيخ لالا ماطول انتي وحاطه ايدج باالطبخ اكيد حلو وماعليه عيب
-شكغا عمو
تعشينه وكملنه صبيتلهم جاي واحلام غسلت المواعين ودره نظفت الباقي
سوف يزول الألم في المفاصل إلى الأبد
صعدت اني الغرفتي سبحت ولبست تراك ومشطت وتعطرت وكعدت ادرس
هذا كله وهزاع ما صعد
-وين صاغ هذا.
انتظرت اكثر صارت ب١٠ وماكو
نزلت محد كلهم نايمين بس باب الصاله مفتوح عرفت بي باالحديقه طلعت لكيته كاعد ويحجي ويه سعيد والثاني مدنك ويسمع حجيه ومن شافني اشرلي تعاي
اجيت وهو التفت على سعيد يله بويه كوم نام ومثل ماكتلك ترى اليشتري رضا الله يفلح ياخياك بالدنيا كبل الاخره
-صار خويه حجيكم اعلى هل راس ولون بيدي ارد الزمن اردود وماضم عليكم الصار
-الحياة مدرسه وانا اخوك تعلمك جثير اشياء بس كون البشر يتعض ينتصح من الدرس موش يمر مرور الكرام وهسه يله روح نام ورتاح واطوي الي صار جن دفتر وابدي اكتب حياة جديده وانه من هل شارب اذا شفتك جريت عدل وصرت ازلمه حوك ازوجك وكل تكاليف عرسك علي
-تسلم بعد خيك ماتكصر ابوعذيب كلك خير وبركه ان شاء الله راح تشوف سعيد الي يعجبك
وراح اشرلي اكعد مكان سعيد وهو يشعل جكارته
اجيت كعدت
باوع علي وكال
بيلسان ترى الظليمه شينه
-شنو دتقصد
-اقصد بنين اليوم طلعت ودمعتها اعلى خدها المره راوها زمانها جثير لا ابو التشكيله لا اخو ليتجيلها ولارجل ليصونها ورجوتها بأبنها ورادته يكبر حدر جناح ابو انتي تدرين الولد لو ما ابو يرشده ويوجهه ويعلمه ويخاف منه ينحرف والام ماتكدر اعلى الولد لو كبر لاماندر يع.....

-لحظه انت دتقصد اني ظلمتها
-الي صار اليوم غلط وبنين ماالها ايد بيه
-لويش هيج واثق منها هاا بعدين شتغيد مني اسوي انت كول اتمنى تجغب شعوغ المغه الي عدها ضغه ولمن اجي الكي ضغتي محتفظه بصوغة غجلي وحبيبي وابو بيتي شنو حيكون غدت فعلي اني ه

هذا
-اني هم فكغت لمن شفتهن امس واليوم ع هاي الكعده سويه خفت وفكغت ابعد بنين حتى تسلم حياتنا
خديج اي ياعيني اشتري راحت بالج شلج بسوالف الضراير هاي والغيره ماطول زوجج مايريدها ك زوجه
-بس اني خايفه اذا طلعت بيت الوحدها يغوح الها اكيد يشوف ابنه اكيد يدخل البيتها اكيد ميضل بغه وانتي تعغفين(تعرفين) اذا اجتمع اثنان الشيطان ثالثهم اخاف بنين تستعز بي ويخلالها الجو الوحدها تكوم تتقغب منه ومو يكولون كيدهن عظيم اني هذيج الساعه شنو حيصيغ بيه اووف غيغ اموت كل يوم من وغى هذا التفكيغ كلما يغوح الها
ساره بيلسان داده انتي بكل الحالتين مشلوع قلبج هذه يرادلها تفكير وشغل باالعقل يعني كسبي زوجج اترسي عينه يعني لتخلينه يدور نقصج بغير مره
-والغب دا احاول اصلا غيغ هواي اشياء بحياتي على مود اغضي (ارضي)
مريم خاب ماتنجبن حشاجن يعني سوري  بس جد جد والرب الحجي سهل عدجن منو دتتحمل زوجها يتزوج عليها هممم ولتكللي زواج باالاسم ترى شي يأذي مجرد اسمها مرتبط بأسمه ما اكو اسهل من الحجي منو تكدر تضمن المستقبل هاا وعلى كولت جدة بيبيتي الضره مر مو صح هيج لو شلون المثل
جنى اهووو مريم كافي تصيرين فيلسوف وانتي خبرتج ماتتعده المخده واللحاف احنه نعرف الضره مره بس شتسوي كلشي صار غصبا عنها وعن زوجها الاقدار رادت ان تطلع بنين بحياتهم
مريم واني مكلت شي صح الي دتكولين بس اكول الكم صعبه والرب صعبه يعني لو مو تواسنها كلبها ماحيقتنع بيلسان اعرفها بيها هووواي من طبعي ومو بس انا او هي لا كل ابنيه اتحده وحده هسه تكول والله عادي زوجي جيب علي ضره بس باالاسم وهي مصار الها حتى سنه من تزوجت بعدهي كم شهر يعني عروسه
(جنت اسمع وميته قهرومفتشله بنفس الوقت)

بأثناء كلامهن اتصل هزاع سكتن هن كال
انه بشارعهم وين بيتها باالضبط
وصفتله وثواني وسمعت الهورن مال سياره
كمزت مريم اجه شيخ المزايين اجه الزين كله اروح اسلم عليه
سحبتها ساره من شعرها تعالييي وين وين هزاع اذا شافج هسه وسمع حجيج يحرم بيلسان من عدنه
وهي تصيح اااخ شبيج والرب بس اسلم عليه بيلسان بليز ام البيسس كوليلها
-ههههه والغب حجي ساغه صح ضلي هنا احسن

























باي بستهن
مريم الله وياج عود هاي وانتي ماخذه شيوخ ومعازيب حتى مكلتي معزومات يميي باجر جبحح يعني حشاج سوري بس جد جد جبح
ساره هي كانت عزمتنا لو ما انتي ويانه تخاف على ولدهم منج
-ههههه عزه بعينج فشلتيني اي اعزمجن اكيد لعد شلون بس خ اغتب الوضع
جنى يمعوده روحي الزوجج هاي تخوط بصف الاستكانه
طلعت واني اضحك جان كاعد هو بسيارته ويخابر
صعدت اني اشرتله باايدي وهمست بشفايفي  هلو حبي
رفع ايده بمعنى هلا وهو يحجي
-اي خويه ..ان شاء الله ..اي انه فد نص ساعه وعندج ان شاء الله...الله وياج
سد التليفون وكال وهو يشغل السياره ويتحرك
هايباا شلون الجمعه
-تجنن هووواي تونست ..اله انت وين ح تغوح
-للمحاميه باجر يحاكمون سعيد
-هممم لعد شتسوي غايح الها شوفها باجغ بالمحكمه
-مادري هيه كالت تعال نتفق يمكن نحتاج اعناد باالشهود هيج الفهمته من حجيها
-هممم ايي لعد ح اغوح وياك
-شسالفه وين ماخذج
-اي عفيه مو اني ع اساس جنت حاسبه احساب لمن تجي علي تاخذني اشتغي(اشتري) كم شغله محتاجتهم ووو اي اي هم عذغاء وصتني ع اشياء اجيبهم من المكتبه خطيه امتحانها عكب باجغ
-اي باجر اخذج اشتري التردينه
-عفييه هزاع هاي شبيك لويش هيج انغوح شوف المحاميه بعدين انغوح نشتغي شغلاتي عفيه عفيه
-بويه فشله انه رايح البيتهم مايصير اخذج هناك شيكولون هاا عرف ولف ماخذ حرمتي الهم
-يله يله خلاص غجعني وغوح انت يم المحاميه واكعد يمها وسولفو انني اضيق عليكم متغتاحون بوجودي( ودرت وجهي ع الجامه)
-استغفر الله كااافي بيلسااان كاافي ترى روحي وصلت الخشمممي
-لاتصيح كافي مكلت شي كتلج غجعني للبيت مغلطت
-لااا ماغلطتي بس نعثلتي وشيطتيني للسمه وماغلطتي
شغل جكارته ويحجي وهو بحلكه الجكاره انتي مايفيد وياج حجي ولا مسايس جربت هواي خل انشوفلج طريقه ثانيه بلجن تجرين عدل
سكتت اني ودايره ع جامه وهو نفس الشي ساكت وعينه ع الطريق وره فترى من الوقت وصلنه
نزلت اني وهو راح
طبيت للبيت جانت عذراء تدرس
باالصاله
-هلاو
-هلابيج بيلسان ها منهو جابج ابوي
-اي شنو وين الكل اشو بس انتي
-اكو نسوان باالدوانيه وكاعده بيبي و الحجيات يمهن جايات يخطبن عمتي فاطمه وو بنين مدري جانت هنا كبل شوي هي احلام و عمتي فدوى جاي تنظف غرفه امها وانه جاي ادرس وذياب وحسن خذاهم عمي احمد للحلاق وحوى يم بنات عمي جبر وهذه اهم العناوين ها ونسيت عمتي دره يم زينب وداها ابوي كبل لايطلع شكرا لاستماعكم نشرت الاخبر معكم المراسلنه من قلب البيت عذراء هزاع ال بصره
-هههه ماشي دغسي زين مضل شي ع امتحاناتج
-خايبه لعبت حتى روحي كمت ازوع رياضيات وتكليلي درسي زين
-ههههه بابا جان يكولي اتعب تلعب وعلى قدر المشقه يأتي الاجغ شكد متعبين تحصلين اكثغ (حجيتهن واني امشي بااتجاه الدرج حتى اصعد)
ضحكت هي وكالت انتاني الاجغ بله
رحت دك

يت الباب ع بنين ما كو جواب عكدت حواجبي وينها هذه
شفت فدوى بغرفه الحجيه هيلا دتنظف
-ها هلاو فدوى مشفتي بنين
-هلابيج حبيبه يمكن فوك صعدت ويه احلام
عكدت حواجبي فوك حجيت ع كيف
واني اصعد لا الشغله زادت عن حدها علاقتهن كلش دتقوه
جان باب غرفتي مفتوح ركضت للغرفه دااشوف منو بس ملكيت احد باوعت باب غرفه احلام مفتوح شوي
اجيت باوعت لكيت بنين دتخيط بمكينه مالت احلام واحلام كاعده يمها ويسولفن 
-مغحبا
التفتن ثنينهن
احلام هلا شرفتي بيلسان خاتوتن
بنين هلاخيه هلاحبيبه
-شنو احلام شبيج
-مابيه سلامتج يا  ام البيت
-هذا مو موضوعنا منو فاتح باب الغغفه والضوه معلوك
احلام شنهي موش بوعذاب جان هنا لو حسبالج البيت بي حراميه ...ولو هو كلمن يشوف الناس بعين طبعه
-اني مكلت اكو حغاميه محشومين الناس الطيبه الكاعدين هنا ماشي بس سألت واضن سؤالي مبي شي وبعدين ياغيت ع الحغاميه (باوعتلها صفح ورحت)
دخلت للغرفه بدلت وتمددت شوي اخذتني نومه كعدت ع صوت حواء وهي
تكول بيلثان بيلثاان
- ها حبيبتي
-بيبي تكول تاعي تعشي
-يا عزه بيش الساعه لعد (باوعت بتليفوني ب٨) اووف نمت ما ادغي بغوحي اي حبيبتي هسه اجي
وقبل ماتطلع سألتها بابا اجه
-اي
كمت بستها فتااوي للحلوات
وطلعت غسلت ورجعت لبست شالي ونزلت
جانو كاعدين يسولفون كلهم والبنات يحضرن العشه
اجيت وياهن واني احجي وي دره خذتني نومه والغب ولاحسيت لويش محد كعدني اساعدجن

دره لاخيه عليش انكعدج شنهي نسوان ترس البيت الله يستر على البيت واصحابه وبعدين شنهي الوحده ماترتاح شوي واذا نمتي
ورجعت تكمل تحضير العشه
واني وياهن كعدنه تعشينه
وكملنه كعدو شوي يسولفون ورى العشه وشربو جاي للعشره اله ثلث كلهم طشو
صعدت اني ورى هزاع
دخلت لكيته ماموجود داخل للحمام طلعتله ملابس وديتهن اله
ورى شوي طلع وجان يمشط
-همم شنو صاغ ع سالفه سعيد ويحتاجون عناد شاهد لو لا
-كل الخير (حجاها باالكوه)
-زين انت لويش تحجي مطغف خشمك
-جاي احجي من حلكي
-ههههه
باوعلي صفح واجه تمدد ع الجربايه
كمزت عليه
-ااخ نعلى على شرفج
ضحكت كعدت ع بطنه وكمشت ايديه ليفوك
-انت متكدغ تزعل مني موكيفك ماشي وبعدين اني اغاغ (اغار)عليك بدل متصيح علي كولي اني احبج ومعندي غيغج وبس انتي تملين عيني لعد انت مو شاعغ وكولك احاسيس احجي شي
-ميلي منا تغار انه عندي هذا اسمه قلت ثقه يوم تكضين اعلي شغله يحكلج تغارين وتدورين مشاكل او اذا انه خفيف وراعي سوالف يحكلج تغارين بس هيج يعني لله باالله المشاكل تجي ماشايف يعني انه رايح للمحاميه حبا بيها لوعندي علاقه وياها جاغير حاجتنه يمها لو هنا ماكو عقل
والله شنهي روح للمحاميه اكعد وسولف اخاف اضيك عليكم لو قبل جم يوم اعلى بنين والله شنهي ها انطتك كبه وكلتلها تعبتج ويانه وسويتلج دحره على سوالف يصنعها خيالج وتصدكينها انتي
هاي موغيره
-ميخالف اني صح اغاغ من كولشي وهذا لان احبك هواي وخايفه لياخذنك مني ومبيها شي لو حجيت حجايه تجبغ خاطغي بيها بدل ماتصيح
-ولج شياخذني منهو انه ها شنهي شايفتهن يتمالخن علي جدامج  وبعدين اله احجي حجايه يعني الفعل  مايهمج اشو احبج وصاينج واخاف عليج ومدللج بعدج ماكيله الجلمه اسويها الج
هذا كله مافكرتي بي فكررتي باالجلمه
وبعدين ريحيني صيري انتي لسانج حلو وتعاملج حلو شوفي شلون انه اصير موش بس اشعرلج لا اطبعلج ديوان كامل بيلسا...
بسته ع حلكه اشش اسكت شكد تحجي متفصل
-رفع حاجبه انت....
-بسته مره ثانيه كتلك اشش
-هههه والله ياالله
-هههه والغب ادغي كلامك صح بس اني احبك زاييد ودااشوفك احلى شخص واحسن شخص لذلك اني خايفه ياخذنك مني ياخي اغاااااغ موبيدي
ضحك هو حيل الله يعيني  تغوغيين و تغاغيين وانه المبتلي
-عضيته بخشمه لتعييب
دارني هو صار فوكي زين اسوي شي ثاني
-ابتسمت كيفك
-كيفي اووف راح اراويج كيفي وتقرب مني
كام سبح مره ثانيه واجه نام اني سبحت
نام واني كعدت ادرس لان شبعانه نوم ونمت الساعه ب٤
فزيت لمن شغل الضوه هزاع
-لاا طفي عفيه
-شسالفه كعدي بويه الساعه ب٨
-امس نمت متااخغ طفي عفيه
-خل ابدل انطينه فنتج
-حتغوح للمحكمه
-اي
-انته ومنو
-انه وارغد وعناد
فتحت عيوني ع كبرهن
-عناد
-اي امس دزيتله ارغد يحجي وياه اعلى مود يروح شاهد
-وقبل بسغه هيج
-اي بله عليج فاجئني يكل الارغد باالخدمه ولو بيدي اسويلكم اكثر ماراح اقصر بس امروني
-معقوله صدك تغيغ هيج
-العلم يم الله بس انه ما أأمنله بعدني بيه شك من صوبه
-الغب يهديه
كمل وطلع طفه الضوه واني رجعت نمت
كعدت ب١٠ نزلت وك العاده ماكو شي جديد غير فرح دره لمن كلتلها عناد رايح وي ابو عذب وعن الحجي الكايله الارغد
ومر اليوم عادي وعرفنه ان الحكم تخفف عن سعيد ومقدريله كفاله يدفعها ويطلعونه
وعساس باجر يدفعونها ويطلع
ويافرحه الحجيه هيله لمن سمعت ضلت تهلهل والبيت كلهم فرحو عمتي ام هزاع كلساع تحمدالله وتشكره وتكول ربي ماقصرت وابو واخوانه كلهم فرحوا لان طلع بريئ ومعالجينه من المخدرات هاي الفتره الي راحت
ويوم ثاني لمن طلع الحجيه هيله مخلت وحده ما عزم

ازاي يعني ازاي طب انا مش مصدقاكي
-والغب يغيد يخطبج
ابتسمت هي وهي تكول واخيرا ياربي واخيرا حيتحقق حلمي وحتستجاب دعائي شكرا ياربي شكرا انك حتجمعني بي ده الشخص كل امنياتي معنديش غيرو اي امنيه عندي الحياتو جمبو وتنتهي توصل عندو وتخلص
وحطت ايديها ع كلبها وطاحت دمعه وي ضحكتها شكد فرحت احس فرحتها ماتوسعها ثبتت ان هي موبس تحبه لاهي تعشقه لحد الاوعي
وصدك مرن ايام واجن ايام وخطبو اثنينهم احمد وارغد وجانت احلى خطبه وفرحتهم الي محليه الخطبه
احمد يحس حجي الكون كله مايعبر عن سعادته هو هسه يم الانسانه الي تمناها بجوارحه
وساره مايقل شعورها عن احمد شي اخذت منقذها وحبيبها الي تنام ع صورة وتصحه ع اثر احلامها بي
زينب الي احسها اكثر وحده فرحانه واخيرا ح تتزوج الشخص الي حبته وعشقته وتمرضت ع موده وتدهورت صحتها بسببه والي كان هو حاضر في كل دعاء تدعي بصلاتها احسها مشايلتها الدنيا من الفرحه
ما اني فرحانه الفرحهم وهماتين كاتلني القلق لمن اشوف زوجي كل يوم والثاني رايح البيت ضرتي ديجيب ابنه من يمها ويضل قلبي قلق وعقلي يلعب وافكار سوده تجيني احس الوجع القلق زاد من ابتعدت هي جانت شلون ميكون تحت انظاري اعرف واضمن ميصير بينهم اي شي
عذراء علاقتها وياي اقوه من قبل واحلام صارت الوحدها واحس خف وقل شرها
ودره الكل عرف بيها حامل لان متكدر تضم بعد اكثر من هيج
.......
وماطولت خطوبت احمد وارغد هواي ١٠ ايام بس وباجر عرسهم وعدنه خطار ونفتر باالبيت وحتى بنين ويانه وتساعدنه
والعجايز مرات يطبلن ويغنن ومن نسمع احنه نجي انشاركهن
.............
ولليل اجه اجه ابوعذب صعد فوك جان البيت شيل ومايشيل ونايمين بغرفتنه عذراء ودره وفدوى اجت يمنى لان بنين نامت هناك
اجه تمدد وجنه نفرش صاح دره...
يتبع ......

#البارت54
صاح دره
ها خويه
-تعاي كعدي هنا
اجت كعدت واني ضليت مطلعت من الغرفه اما البقيه طلعن
خويه سمعيني هلساع اجه عناد وابوه وعمي جمعه ورايد يردج ويكول انه اريد ابني وامه وعمي جمعه يكفلني اي زله ويه دره ياخذها من ايدها ويجيبها الكم الصار كبل جان تعب وضغط نفسي واتعذر هواي ويكول انه شاريها بت عمي ومريتي ومستعد اعتذر الها العمر كله
عاد انه كلتلهم محد يفج حلكه كبل ما اسمع من دره وهم احط اشروطي لبراسي انتي شرايج خويه ديري بالج تفكرين بطفل ومنهو يربي انه اصيرله ابو وخال وانتي بنيتي واخيتي
-خويه انت شتكول وشنهي شروطك جود اذا سمعتهن اقنع
-خويه اول شرط يحطلج تليفون يمتى مانريد نخابرج ونتطمن اعليج ويحطلج بيت لان رده ويه اهله ماتردين الي طعنوج بشرفج والي رضو على ذلتج عمي وعماد والكل هذول ماتكعدين وياهم شي الثالث اي مدت ايد عليج بغير حق يطلكج ويتنازل عن الطفل هذا كله ينكال جدام وادم خير ويصيرون اشهود انكتبه بورقه وبهيج نضمن حقوقج.. ها شرايج
ترى خويه انه مامتعاجز منج باالعكس والود ودي اخدمج طول العمر انتي بنيتي واخيتي والقرار الج اذا شفتي الشروط تنصفج فليصفح الله عن ما سلف واذا شفتي بيها ضليمتج او خايفه من ردتج العين اوسعلج من الكاع وانه من هل شارب أوفر كل حياتج ادثرج باخجيتي عن اليضرونج
-والله خويه كفو وثلث انعام منك ماتدري شكثر افتخر انتم اخوتي وشروطك صح اذا وافق عناد اعليهن انه ارد
-ان شاء الله ورى عرس احمد وارغد نكعد ونحط الشروط جدام الوادم الخيره
ولاتخافين انه راح امرج كل يوم واذا صار ومامريتج انه اودي واحد من اخوتج او عذاب
-ماتكصر خويه
ابتسم بوجهه يله بويه طفونه الضوه خل انام
كامت دره طفت الضوه واجن البنات نامن بفراشهن واني نمت ع الجربايه شابكني
همس بذاني مابيها مجال
-حجيت اني بنفس صوته صيغ عاقل البنات هنايه
زين بس بوس وضل يبوس بيه ويشبكني والغرفه مضلميها كلش ماينشاف شي
للصبح كعدنه من وكت وجان عدنه ناس وتنظيف وطبخ وهوسه وصبينه غده من وكت وشلنه المواعين
وشوي وصوت الهلال باالصاله نزلو العرسان بعد ما بدلو وكملو احمد لابس قاط كحلي وطالع يجنن وي كصت شعره الجديده وارغد لابس دشداشه بيضه وبشت اسود وغتره بيضه ومسبحه ذهبي بلون ساعته والاطار مالت البشت
ضلو واكفين شوي والنسوان تهوسلهم يجننون كل واحد جان شكل والثنين يجننون الرب يحميهم
شوي وراحو
صعدنه احنه دنبدل جانن بغرفتي دره وعذراء وهواي من بناتهم يمكيجن ويبدلن لبست بدله فضي طويله صدره تول اسود وبي لمعه خفيفه فضي وارداناتها هم نفس الشي لبست حذاء اسود عالي وسرحت شعري شلته ذيل حصان عالي بشكل كلش مرتب ومكيجت
وكملت وك العاده استايلي يختلف عنهن ونص ينتقدون وقسم ينعجبون بلبسي
كملنه صاحت احلام يله وينجن اجن السيارات شسالفتجن عرايس خو مو عرايس
وضل ركض البنات بفلس واني هماتين لبست الجبه مالتي ومثل ماوصتني الحكومه العليا بوشي لازم اللبس لذلك نزعت حذائي لبست حذاء ناصي لحد مانرجع
ورحنه الطريق كله يغنن ويهوسن وطبل
وصلنه البيت عمهم جانن ثنينهن هناك
وجانن يجنن بس زينب احلى بهواي من ساره لان اساسا باالحقيقه زينب احلى دخلو غشوهن ثنينهم وهوسات ويركصن خواته ونسوان

اذا مسها الهوه
وانه اسف الك والها وتوصلك اخبارها ان شاء الله
-ان شاء الله (والتفت على دره)يله بعد خياج مشي ويه زلمتج في امان الله وحفظه
باست هي راسه وراحت خذاها عناد وهو كلساع عينه بعينه ويبتسم ابحده الفرحه بداخله يريد يعبر عنها مايعرف طول الطريق ماكدر يحجي شي لحد ماوصلو كبال بيت صغير فتح الباب اعناد
سوف يزول الألم في المفاصل إلى الأبد
-حياج الحبيبه بيتج ومجانج حياج
دخلت هي وجان مأثث البيت من كل شي وشكد هو صغير وملموم بس يجنن ومرتب
-هذا بيتج درايتي هنا راح نعيش وتصير هاي جنتنه......سكت شوي وكمل
بس اريد شي واحد منج تنسين الماضي وتنسين الي صار ابينه كبل وخل انعيش جن تونه تزوجنه
-وانته راح تكدر تنسه
-اذا نسيتي انتي انه راح انسه كلشي واعوضج من كلشي ادري الي سويته جثير لجن موش بيدي شيطاني فر راسي وحقدت عليج بليه سبب
-وشلي يضمن ماترجع الحقدك وانتقامك
-لا دره انه حلفت بيني مابين الله ماراح اخطي خطوه وحده ضدج لان انتي مالج ذنب بلي صار ولاحتى ضد ابو عذاب بليه دليل يدين ابو عذاب ان هو جاتل اختي ...وبعدين ان الله يهدي من يشاء يارويحتي كافيج تحجين هيج وسامحين خل ارتاح اعلى مودج حتى حقدي تركته وجبرت روحي انسه حتى تردين يمي

-مسامحتك اليوم ودوم ليش هو انه كلبي كدر يزعل اعليك حتى من سكيتني مرك ما شال كلبي عليك
-خايبه يروحلج فدوه عناد وعشيرته وكل هله عسى المر ماضاكته شفتج اويلي ربي انطيني كلب ثاني خل احبها بعد جن كلبي مايكفي حبها
وتقرب وهو يبوس بيها وخذاها بحظنه يشتمها مثل الغركان ليريد شهكت هوه
وجسدوا حبهم من جديد با ادق التفاصيل عاشو اغلب امنياتهم بهذا اليوم والباقي هواي امنيات تركوها للايام الي ح تجي
اما اني الي جنت اغسل مواعين الغده اني وعذراء وبالي مو يمي ابد بالي وي هزاع الي حالته ابد معاجبتني احسه ضايج وشايل الدنيا فوك ظهرها شبي شنو الغيره فجئه معقوله ضايج ع دره بس مو لهذه الدرجه اخاف صدك سحر زين شسوي اذا صدك مسحور
وقطع حبل افكاري وصفنتي صوت عذراء وهي تكول
-ااخ امس كله مانمت وافكر شلون نكشف هل بنين واحلام وجه الشوم وشلون اتاكد من السحر
سكتت اني مارديت عليها شي هي هم سكتت شوي ورجعت كملت
بس لا انه ماراح اكعد واسكت اليوم اروح البيت بنين وانتي لازم تجين وياي وحده من عدنه تلهيها والثانيه تدور اعلى السحر لو الصوره لو فرد شي واذا مالكينه نسوي نفس الشي ويه احلام وجه الشوم شكلتي يابيلسان اذا ماتردين ترحيت اروح انه ابحدي وبلكي ادبرها
اي باالفعل جنت اريد اروح حتى اتاكد من الصوره والفانيله اذا عدها او لا حتى يصير عندي دليل قوي ضدها وبعدها اكدر اطلعها من حياتنه للابد لان من اجتي لليوم اني حياتي اتخربطت ومدري شنو الي ديصير بينه من وراها
رديت ع عذراء
-ما ادغي خ اشوف منا للعصغ
حجيتها واني اسد المي وانشف ايدي بدشداشتي وكلتلها اني ح اصعد اشوف ابوج خاف يغيد شي
وطلعت من المطبخ قبل متحجي اي شي صعدت للغرفه لكيته صافن وايده فوك راسه
تقربت من يمه كعدت يم رجليه خ احاول اسئله بلكي يكون بي شي غير السحر والوسواس الي بداخلي هذا
-شبيك حبيبي داحسك مو ع بعضك ايغ شي
اتنهد وحط ايديه على عيونه
-ماكو شي طفي الضوه خل ارتاح شوي تعبان
-من شنو بس فهمني
-مابيه حيل احجي بيلسان طفي ضوه رحمه اعلى روح ابوج
عضيت شفتي من القهر يارب شبي لا لا اكيد مسحور مو طبيعي كمت وقبل ما اطفي الضوه كتله
-حبيبي العصغ وديني اني وعذغاء البنين
-ليش .
-ماكو بس ضايجين كلنه انروح يمها شوي
-شهل الحب النزل فجأة
-لا حب ولا شي بس ضايجين وانغوح هناك اني ما اكغها (اكرها) وما اريد تتصيغ ببالها علي
-الله كريم حجاها وهو يسحب اللحاف ويتغطه ويدور وجهه
طفيت الضوه واني احس كلبي ينعصر شنو الي ديصير يارب حياتي دتخرب احسها صايره عباره تن كئابه يارب انت انظر الحالتي وغير الامور
وللعصر كعد هزاع بدل وشرب جاي واحنه مبدلين وننتظره اني وعذراء
وتاكدت زين من عذراء ان مماخذه وياها شي او يمكن الصوره عدها حتى هناك تحطها و تتبله ع بنين او شي حتى مماخذه جنطه وياها يعني راحت ايد وره وايد كدام
صعدنه وي هزاع ومسافه الطريق وصلنه وكف هزاع باالباب اخذ ذياب وراح واحنه كعدنن يم بنين
هي هماتين مقصرت رحبت بينه وتجيب وتحط كبالنه ونسولف وهناك غافلتها كلتلها
- ح اغوح للحمام وكمت
لغرفتها وعذراء لهتها عني
وطبيت للغرفه واني متوتره وخايفه كلش وكلبي يدك وابالي شلون لو دخلت علي وشافتني بهذا المنظر يارب ماتغدر بيه عذراء وتدورها علي يعني جنت بين الشك بعذراء وبين شكي ببنين بس الحمدلله مسوتها بيه عذراء ودورت كل مكان ما اكو اي اثر للصوره او الفانيله
وشوي واجتني عذراء اشرتلي بمعنى كافي تعاي لتشك بينه طلعت اني بسرعه كلتلها وينها كالت باالمطبخ لهيتها كلتلها مشتهيه حلاوه حتى تتطلعين انتي سوي نفسج تطلعين من الحمام وتعاي كعدي كافي لاتشك بينه
اني بسرعه دخلت للحمام بس قبل ما افتح الباب واطلع مره ثانيه لفت نظري شي احمر او ماروني قانت ع المغسله داخل الحمام

اتقربت واني عاكده حواجبي كمشت المحبس بيدي اي هذا المحبس نفسه الي جبته اله اني ونقشت بي اسمي شيسوي هنااا وليش بيت بنين ويم المغسله عصرته حيل بأيدي وكلبي ضل يدك حيل
كمشت المحبس بيدي وبده الشيطان يرسملي وساوس اشكال واللوان ويحط كبالي صوره من الشك
هنا جانت بدايه المشكله هنا جان اليوم الي قبل الاخير الي كضيته ببيت الشيخ
وهاي اني اذكر كلشي كل هاي ذكريات عاشت وياي قسم منها حبيته وقسم بجاني وقسم منها أذاني هووواي
كل هذا تذكرته اليوم وي اول خطوه اخطيها ابيت الشيخ مره ثانيه من بعد ١٠ اشهر من طلاكي اتجمعت كل ذكرياتي اليوم من اول مادخلت محافظه البصره وي بابا لحد هذا اليوم الي رجعت بي من جديد البيت الشيخ بس هل مره مو ظيفه ولا هدية هل مره اجيت اعازيهم لان باالنهايه يضلون هذول حسبت اهلي
انتبهت من صفنتي ولكيت نفسي بعدني باالباب ومقدمه رجلي اريد ادخل بس خذتني الذكريات الايامي الي عشتها بهذا البيت هزيت راسي اطرد الافكار والماضي وتقدمت للداخل بملابسي السود.......
يتبع.....

#البارت55
تقدمت دخلت للبيت وجانت اكو ملايه تقره ونسوان يلطمن الحجيات موجودات والحجيه ام هزاع تبجي وكل البنات موجودات عليا واحلام وعذراء والكل ودره هم موجوده وجان كلبها خلصان من البجي اكثر وحده هي متأثره
وبما ان الحجيه ام هزاع اولى باالتعزيه من الكل تقدمت عليها كعدت ع ركباتي
-البقيه بحياتج يوم والغب يغحمها ويصبغكم(ويصبركم)
-حياتج الباقيه ولج يمه نيسان اااخ ويلي يربي شسوي شلون بهل يتيم اليكسر الخاطر عمت عيني عليك يمه ذياااب(وحطت الشيله ع عيونه وضلت تبجي)
كمت سلمت عليهن وحده وحده كعدت يم دره الي جانت مرتجيه ع الحايط وعيونها لفوك وبس تبجي
-الغب يعينج حبيبتي ما اعغف اكول شي يخفف عنج بس الغب موجود ان شاء الله
حجت بصوتها المبحوح
-ولج خيه ما اريد الله يعيني اريده ياخذني ولج احس بروحي انه الجاتلتها ولج بيلساااان شلون احط عيني بعين هل طفل اليتيم (وضلت تبجي)
-اووف حبيبتي اهدي ياعمغي
-شهده ياخيه شهده
-زين هو شلون سوه هيج وشلون عغف بنين السبب بموت اخته منو الي كاله
باوعت بعيوني وبعدها بعدت عيونها ع الكاع وحجت بصوتها المبحوح وهي صافنه وكأنما تتذكر كل التفاصيل تتذكر هذاك اليوم بحذافيره
وبدت تحجي وبين حجايه وحجايه تنزل دمعه من عينها
جان يوم كلش حلو اصلا ايامنه تخبل جانت بعد ماطلعنه بيتنه وصدك عناد تغير ايييه حيل تغير لسانه وسلوبه وكلشي
بيومها حضرت الغده سويتله باميه يحبها حيل  وانه هم رتبت روحي وبعد مانيمت برهومي وره ساعه دخل علينه هو وجايبلي وياه عطر يخبل ياخيه
باسني اعلى راسي و مثل كل مره راد يكعد ابراهيم بس ماخليته يكعده
كتله هستوه نام يولي موتني عوفه
كال جا تعاي انتي بحضني بداله لان محد يسد مجانه غيرج
وحضني ذاك الحظن الدافي الي احس بي امان الدنيه كلها ويشتم بيه ويكول افيشش ياكل هلي يادنيتي
وجان يضحك ويكول ترى موش عليج ع الباميه ريحته بيج
وضحكنه وتغدينه وسولفنه وراد ينامله شوي قبل ماتجيله رساله مكتوب بيها
(عناد اذا تريد تعرف جتال اختك اطلع باالباب اكو طابوكه حدر الطابوكه بيها ورقه تفتحها تلكه رام بي راح تعرف جتال اختك)
ااااخ ياخيه الزلمه انكلبت الوانه ماصدك الرساله بس كلبه ضل يلوب راح يتأكد منها وانه تبعته جان جسمه كله يرجف وهو يعاين حدر الطابوكه الورقه الي بيها الرام وجن عيونه مامصدكه واعاين اعلى ايده ترجف وهو يحط الرام داخل جهازه وانه كلبي يرجف وياه جن سعفه بمهب الريح وجان يدور ويلكه فيديو بس الشاشه سوده مامصور شي وصوت بنين وهي تسولف جيف اجت وشلون دشت  البيت ام عذاب الله يرحمها وشحجت وشلون صرعت المره وماتت السالفه التدرينها بعد وبسرعه عرف الحرمه من قصتها لان انه مسولفتله اعلى بنين وزواجهم الصار بس مايدري باالسالفه كلها حاله من حال البقيه
اااخ يابيلسان ردت اسيطر اعليه اهديه اركده حجيت صحت ردت مافاد شي طلع وشياطينه تتناكز ودمه يفور جن تلبسه جن موش اعناد مدري منهو وره سالفه الرام والتصوير ياخيه مدري وللمغرب سمعت ام ذياب الله يرحمها ميته لجن ابطن التنور مثل موتت ام عذاب الله يرحمها فعرفنه الجاني منهو( وضلت تبجي بصوت عالي وتلطم وجهه )
شبكتها ما اعرف شنو احجي و اواسيها الرب يكون بعونها بجيت وي بجيها خطيه تكطع الكلب
كملت وهي تبجي وهسه مختفي محد يدري ارضا من سماه لايرد اعلى تليفونه ولا احد يعرف مجانه جاني وهو متلثم امس بليل وكلي دره تمشين انتي وابراهيم وياي كتله والك عين ياالمجرم
بجه واول مره اشوفه يبجي وجان يكول هاي اختي يادره اختي واحنه الاخت عدنه عزيزه شلون اخوتج يعزونج تراني هم اعزه و وعدتها ما ازور كبرها قبل ما اعرف جتالها واجتله بيدي هاي
ومش دموعه وشمني غصب عني وشبك ابراهيم حيل وكال الدنيه المابيها انتي ماتنراد وانه ادري ردتج الي صارت صعبه وتعقدت الامور الله وياج ياحب صباي الله وياج ياشمامتي الماشبعت منها ابريني الذمه
ورااااح ياخيه
(وزادت باالبجي وهي تكول)
مدري ابجي اعلى روحي واعلى

حظي الاغبر
مدري ابجي اعلى عناد الي يهز الكاع لومشه كبل وهسه زر عكله وشخط من يوم ما ماتت اخته
مدري ابجي اعلى ذياب من شاف امه شلون نحب وبجه وهو متعلك بذيال الجفن ويكول يمه اخذيني ويااج
مدري ابجي اعلى بنين هل البنيه الماشافت غير الضيم والظلم من دنياها ماتهنت بشبابها تالي راحت من رويحتها
ااخ مدري ابجي اعلى اخوي الماعنده حظ يربي بهل يتامه بويلاده الماتهنو وكسرته مثل كسرتهم
بيلسان تعبت وحك علي تعبت اريد اموت وارتاح (وضلت تلطم ع راسها كضيتها باالكوه واني ابجي ع بجيها)
صار الظهر صلو صلاتهم وصبو غده والناس شي تروح وشي تجي وملايات كلساع وحده تدخل
والعصر نفس الشي وقريب صلاة المغرب

سمعنه صريخ
صوت دره وهي تصرخ
ووووولك ليششششششش عناااااااااااد ليششششش وصريخ النسوان عله
وهي ملخت روحه لطم وتصيح ولج يممممممه ارررررريد ولج يمممممممه جيبولي ابو ولييييدي ولج يمه ارييييده
وتصيح وتصرخ اني مامفتهمه شي اجيت اركض واشوف الحجيه تبجي وعليا مكابله اختها وتلطم تبجي ودره مشلعه شعرها وزينب تكمش بيها باالكوه
بس فهمت من سمعت عذراء تصيح
لاوووولك خالووووو لاااااا ولك ليششششش ترووووح هم انتتتت
هنا حطيت ايدي على حلكي وعيوني صبن ادموع وكلبي يتكطع ع حجي دره وهي تون وتكول
يمممه رجللللي يمه الحبيب ضيعتني ووووولك ضيعت وليدك ويتمته وووولك حب صباي ولك ليش بعدني ماشبعت منك تعدم روحك ولك ضيعت شبابك وشباببببي عمت عين الدنيااااا الخربت عقلك يااالفهيم يابو العريييف يالحبيييييب ولكم اريده ودوني اله هسسسه تودونييييييي سووولي كبر يمه ماريد الدنيا المابيها عناااد يمه شحلات اسسسسمك ولك عنااااااد يخبل اسمك ولك وهاي هي بعد ماشوف طووولك هاي هي فلت ونكضت ويااااك ابو ابراهييييم
سوف يزول الألم في المفاصل إلى الأبد
وكب البيت لطم ونوح وبدال الفاتحه انصبن اثنين
عرفت ان عناد بعد ما قتل بنين وبعد ما ايس من  دره ترجعله لان الامور اتعقدت بموت بنين وقتلها ولان هو مايطيق دنيه مابيها درايته وعرف ان هو خسر شبابه الي ماتجاوز ال٢٦ سنه وبسبب مرضه النفسي عدم نفسه بمزرعتهم بدون محد يدري بي
بس المؤلم باالموضوع ان الحد اخر انفاسه جانت صورة دره وملابس ابنه الماشبع منه باايده
تأثرت حيل بموت عناد رغم ما اعرفه هواي بس ماكرهته صح هو قتل واني ما ابررله هذا الشي لكن عناد ضرب شي براسه من وفاة اخته
مرن ايام العزاء والبيت حالته حاله ودره كل ساع ياخذونها للمستشفى كلساع ياغمى عليها اصفر وجها وصوتها راح وحتى ابنها ماتدري عنه وامها تريد تموت على حال بنتها وعليا والحجيات والكل الكل حزين ومتأثر الموت عناد وبنين هماتين لان هي الثانيه راحت مظلومه
اني ضليت عدهم ٣ ايام الفاتحه بعد ميصير اعوفهم ماشفت اي واحد من الولد لان ينامون باالديوان كلهم وبيتهم متروس نسوان يشيل ومايشيل ورى يوم ثالث المغرب لمن خلصت الفاتحه رجعت البيتي الي هو يصير ورى بيت الشيخ بشارعين
وضليت كل خميس اجيهم يسوون ثوابات جنت اباوع ع دره وكلبي يتكطع وهي لافه الشماغ مال اعناد اعلى ركبتها والدشداشه بيدها تشم بيها وتبجي وتنعي كلساع
وبيوم من الخميس السادس جنت اساعد البنات نحضر العشه وسمعت صوته اااخ جنت اتمنى ما اشوفه ولا اسمع صوته طول هاي الاشهر واني حريصه كل الحرص ما اخلي يشوفني منين اجه وليش صار كبالي ضليت اترجه بكلبي لايرجف على نغمة صوته واتوسل بنفسي لاتهتمين لاتهتمين وادعي من الرب ميخليني التفت واشوف طوله او المح عيونه حتى هو ما اريده يلمحني ابد
حاولت اختل بين البنات وماالتفتت ابد دايره وجهي للكاونتر
وهو جان يحجي ويه اخته شيماء
-انه وديت ذياب نيمته بغرفتي كل شوي وطلي عليه خوش بعد اخيج مو تنسنه لايكعد ويستاحش ابحده
شيماء صار خويه انه كل شويه امره
هو راح وشيماء رجعت تشتغل وهي تكول اوووف اوووف هسه لو اختي احلام جان بارته بعيونها مثل ماربت حواء وعذراء الله يذجرج باالخير احلام عازتج عازه ياالمعدله
ساره جا احلام شعجب ماجت هذا الخميس
شيماء اندري تكول عمتها مريضه ومامخليتها تجي كطيعه موش مره نسره
عن ست نسوان بلكي تطلك منه هل المايستحي هذا كليوم والثاني مسويله دحره وياها وجايبها زعلانه
ابتسمت اني صفح وحجيت وي نفسي الرب عادل ومنصف ينطي ع كد النيات اللهم لا شماته
ساره يمعوده تطلك وين تروح خليها كاعده ابيتها مستوره
شيماء خاب يامستوره هما خالينها خدامه للدك والتنظيف وتربي جهال هل المايستحي الي حتى مايباوع بوجها شنهي من زلمه ها ماتكليلي اكو زلمه ماينام يم مرته هو بصوب وهي بصوب لو اكو زلمه مايسولف ويه حرمته مايطلب منها شغلاته وحاجاته يستنكف يكلها سويلي فلان سلعه ماخذها بس خدامه الجهاله
زينب ربي يهدي الها يله يابنات همو ايدكم شويه وسيبن الكلام
تعشو الناس وكملو واني للساعه ب١٠ اتصل بيه عذاب
-ها بيلسان تمشين
-اي ثواني واطلع
وطلعت وصلني عذاب ك العاده الي صارلي اشهر عليها هو يوديني وهو ياخذني ويجيبلي شغلات البيت ومرات الشيخ عبدالله بس الاكثر عذاب وكل شي هو الي يسوي الي ل

ى الكلمه صارولي اكثر من الاهل

وصلني للبيت وكال هاج هذا غده دزته الج زينب ويله انه رايح على ماتبدلين وتتغدين وجهزي روحج ملابسج وجنطتج وقفلي البيت حتى مانرد بعدين لان احنه ب١١ بليل وره العشه نطلع للزيارة وانتي خوب ماترحين وتردين للبيت كملي من هسه
-ماشي ساعه ونص هيج وتعال علي
-ان شاء الله خير يله رايح
وراح هو واني دخلت للبيت بدلت ملابسي وتغديت حضرت جنطه صغيره بيها ملابس سود ونظفت البيت وغسلت المواعين ودخلت سبحت لبست بنطرون وقميص سود وفوكاه الجبه واتصلت ع عذب وعلما اجه اني لبست شالي وعدلت نفسي ومدري ليش كلبي من هسه بده يدك سريع وتلخبطت احوالي ممجرد ما اتذكر الزياره شنو الي قالقني هلكد
اجه عذب وقفل البيبان وشال جنطتي دخلها للسياره ورحنه لبيت الشيخ وهماتين العصر اجتي مله ولطم وبجي وحال دره يصعب حتى ع العدو واحنه نبجي ع بجيها وحجيها وبجي خواتها
وبعدها كمت وي البنات ناخذ العشه من الزلم وجانت احلام موجوده هل مره ومتغيره حيل ضعفانه
وسمعتها تحجي وي اختها شيماء وهي تكلها اتطلك اتطلك جا حسبالج اضل هيج بعلي يطلكني وارد هنا واربي جهال بوعذاب حتى امي كالت بس تردين احجي ويه الشيخ يزوجج لبو عذاب وما اضل عد هذاك الخايس وامه
هزيت ايدي واني مبتسمه هذه بعدها ع ابوعذب شوكت تمل ولواني اشك ان هي بعد ماطلعتني من حياته نفسها هي خبرت عناد بسالفه بنين حتى تخلص منها ومافكرت باالاثمان شنو هذا الحب الي يذل البشر ويخلي بلا كرامه معقوله كل هذا حب حتى وهي ع ذمه رجال ثاني
عبرتها كأن ماشفتها وحضرنه الاكل للناس تعشو وكملو نظفنه البيت وغسلنه مواعين والناس بدت اتروح بس الي يروحون ويانه للزيارة بقو والي عرفته ح يرحون منشأة (سياره كبيره) وسيارات الولد هماتين لان ناسهم هوايه سيارة هزاع وسيارة احمد وسيارة جبر وسيارة ارغد كل واحد خذه عائلته وجانت وي هزاع امه ودره لان جانت بالعده فخذاها وياه وبنته حواء وذياب
وارغد اخذ مرته واني وياهم اخذوني وعذراء
واحمد وزوجته وابنه حسن والحجيه زري والشيخ وياهم
وجبر وزوجته وبناته وامه
والبقيه بالمنشأه اقاربهم عماتهم وخالاتهم وعذاب وسعيد وياهم وعليا و ولدها وزوجها واحلام وخواتهم شيماء وفاطمه وفدوى وهواي ناس بعد اربعين ابن عمهم وجنتهم صح عناد كتلها بس هما ماحاقدين عليه كل هذا الحقد لان اتضح ان الرجل كان مريض صح مايبرر فعلته هذا الشي بس هما ماكرهوا وحتى لحاياهم طولوها ومكصوها وملثمين واني الي اعرفته منهم اذا اتوفه شخص قريب منهم يتلثمون دليل ع حزنهم
وبينما جانو الناس مخبوصه وتصعد للسيارات شفته من بعيد لابس دشداشه سوده وملثم باالشماغ وكامش بيده ذياب الي هو هماتين لابس دشداشه صغيرونه بطول عمره سوده و وجه يكسر الخاطر مبين بي الكسره رغم صغر سنه
ضليت صافنه مكسور كلبي ع ذياب وبنفس الوكت تلخبط حالي بشوفت ابوه
١٠ اشهر مشايفته ولا باالكوه كامشه نفسي عن صوره وحتى لمن اتذكره جان بنفسي ما اتذكره بس غصبا علي مدري ليش هذا الاحساس مديفاركني
هو ابد مشافني لان جان هواي نسوان صعدنه باالسياره وطريق طويل وما وكفنه اله باالبنزين خان علمود يفولون بانزين واحنه نزلنه للحمامات نغسل ونشتري من الاسواق الموجوده هناك
وهم شفته مره لخ وهو يشتري لذياب وحوى باالاسواق اني بسرعه درت ظهري حتى لايشوفني لو شنو يصير ما ح اخلي يشوفني  خايفه ان يشوفني ومدري ليش واني اكابر واكول لا تباوعين عليه الحمدلله ان عندي سيطره ع نفسي وع مشاعري وداحارب نفسي
اشتره الاطفاله و طلع ومشافني
وقبل ميطلع وكع الجبس من ايد حوى باالباب  دنك هو ياخذه واني باوعت عليه وانصدمت من شفت المحبس بعده بأيده اي نفس المحبس الي هديته اله وجان بي اسمي منقوش
كلبي انعصر من شفت المحبس بأيده معقوله محتفظ بي الهسه ومعقوله مناسيني وديفكر بيه كليوم  مثل ما اني افكر بي لو هيج لابسه مجرد زينه
شال الجبس وراح وي اطفاله وضليت اني وحالتي حاله هذا المحبس اله ذكريات هوايه وشوفته المحبس غيرت احوالي صعدت واني اتذكر هذا المحبس الي فرحت من شفته لابسه رغم اني مجنت انتظر منه اي اهتمام
ونفسه هذا المحبس الي جان سبب مشكله كبيرره
حطيت راسي ع الجامه ورجع بيه الوكت لليوم الي لكيت بي المحبس بيت بنين الله يارحمها وشنو الي صار بعدها
فلاش باك
..................
كمشت المحبس وحسيت الدنيا اظلمت بعيني طلعت من الحمام وصحت ع بنين
بنييييين
-ها خيه شنهي شبيج
-شيسوي محبس هزاع باالحمام عندج هااا تكدغين توضحيلي
سوف يزول الألم في المفاصل إلى الأبد
-محبس هزاع شسالفه خيه شدراني شجابه اصلا هزاع حده للطارمه مايدش اكثر للبيت
-والمحبس شنو وضعه باالحمام مشه الوحده
-مادري ياخيه علمي علمج بعدين الحمام انه الصبح نظفته مامش شي بي

-وتغدين مني اصدكج هسه شنو اليثبت كلامج هااا زين الصوغه (الصورة)الي لكيتها هذيج المغه بكنتوغج (المره بكنتورج) وينهاا هاا شنو من سحغ (سحر ) سويتي اله وليش الغجال ضايج وميطيق احد من امس هاا
-خيه انتي شبيج شجرالج هاا وين ادري انتي تحجين عن ش

ان هو يعتبر من محارمي ومحيل اله زواج بيه
وقبل مايروح كال
-اكلج بيلسان شنهي انتي ترحين ويانه للاربعين مال خالي وبنين موش هيج
-ما ادغي اني بنفسي اغوح ازوغه لبابا بس...
-اي جا امشي ويانه.. بس شنهي اكو شي يعوكج
-ماشي افكغ يجوز اغوح شوكت انتم تغحون
- الاسبوع الجاي وره ماتخلص الخميسيه السابعه ان شاء الله بليل

-ومنو ح يغوح
-كلهم اعلى ما اعتقد بس يمكن الحجيه زري وشوف منهو تضل يمها وحده من نسوان عمامي وحده من عماتي مادري والله
-ماشي افكغ واغدلك خبغ
جان بنفسي اروح القبر بابا كلش مشتاقتله الي هواااي مغايحه معندي احد ياخذني اله
بس الي وكف بعيني هزاع ما اريد اشوفه بعد هذه الاشهر الي حافظة والتزمت بيها باان ما اشوفه ابد ما اريد هسه اشوفه  ما اريد التقي بي خير شر
دخلت للبيت الموحش صارلي ١٠ اشهر واني كاعده بي ما اطلع منه غير للدوام ومحد يجيني غير جنى الي اجتي مرتين او ثلاثه وعليا الي تمرني عصريات بين فتره والخ  وعذب والشيخ الي يمروني كل يوم ويشوفون الناقصني والمحتاجته
بس رغم هل ١٠ اشهر لكن الهسه ماتعودت ع الوحده والوحشه مالته باالعكس دائما احس نفسي محتاجه اي شخص يمي اسمع صوت او باالاصح مو اي شخص اني محتاجه شخص واحد مكدرت ابطل شوك اله بس اكابر واكول لا اني ناسيته وما اريده وماراح احن اله لو شنو يصير لان اني وهو ممتراهمين ولا راح نتراهم
هو حجه هذا من قبل ليصير كلشي بس مجنت اصدكه مجنت اريد اصدك ان احنه ممتراهمين حجاها قبل لايعرفني وقبل ولايخطبني وكأن جان يحس ان حيصير هيج كأن يدرك الامور صح
ما اعرف اذا الخلل بيه او بي او بااختلافاتنه الهوايه من دين وتربيه وعقائد وحريه وتفكير وعمر وبيئه وكلشي
بس الاعرفه ان اني ماراح ارجع اله ولا احن اله بس هماتين ماراح انساه لان احبه اتذكر حنيته كلامه الحلو شعره وغزله  وكل شي حلو الي يرضي كل انثى وهذا الشي مديطلعه من راسي
تنهدت واني اطرد الافكار من راسي نزعت حجابي الي اتمسكت بي حتى بعد طلاكي وتحرري من قوانين هزاع وكلما ردت انزعه واتخله عنه كنت اتذكر كل نصايحه الحلوه عن الستر والاحتشام والحفاظ عن النفس واتراجع عن قراري لان اشوف كلامه هو الصح وحتى الجبه مذبيتها
سوف يزول الألم في المفاصل إلى الأبد
تمددت ع الفراش وخذتني افكاري وصفناتي
وصوته مطلع من راسي وهو يحجي وي اخته  ع ابنه مساع وكلبي يدك بسرعه يارب اني لازم اواجه نفسي يارب لتخليني اضعف كدامه اني جنت منهزمه منه ما اريد ارجع للحب والخرابيط ما اريد ارجع اهناك
ومر اسبوع نفس الروتين بين الدوام والبيت والدراسه كنت الهي نفسي باالدوام وي صديقاتي ومن ارجع للبيت بين الدراسه والطبخ صارت عندي هوايه جديده الطبخ واشتري كتب واطبخ اشكال الاكل ومره تنجح ومره اسفرها لسله الزباله
وبيوم الخميس جنت باالدوام ولازم بس ارجع اروح البيت الشيخ لان اليوم اخر خميس واستحي ما اروح الهم الف عين لاجل عين تكرم هما معافوني ابد حتى بعد طلاكي كل مصروفي واجار بيتي وكلشي منهم مخلوني لا اشتغل ولا خلوني احتاج الاحد يعني واجب علي اوكف وياهم بهيج موقف هذا اقل القليل اقدمه الهم
واليوم جان لازم يطلعون للزيارة اربعين بنين الرب يرحمها واني كلبي يكلي روحي انتي مشتاقه الابوج اخر مره زرتي بدوران سنته وعقلي يكلي لتروحين لاتخربين حياتج بشوفته يجوز تشوفي وتتلخبط حياتج
بس جنى جان الها راي وغيرت بي رايي
جنى لويش يابيلسان مترحين روحي و واجهي لاتضلين خاتله وخايفه من كلبج ليضعف كدامه روحي حتى تتحدين كلبج وتسيطرين عليه وعاملي كااي شخص غريب لان حسب الي اعرفه منج ان مستحيل ترجعين حتى لو جان هو الهوه الج
-جنى بس اني ممستعده اشوفه
-صار الج ١٠ اشهر من اتطلكتو وتكولين ممستعده نصيحه حبيبتي روحي وزوري الابوج وزوري اهل البيت حتى ترتاحين وعيشي حياتج طبيعيه ولتختلين من احد والله لو اكدر جان رحت وياكم بس خالي ابو زوجي اجه يمنه
-ياغيت ياجنى ياغيت لو تغحين وياي يمكن من اشوفج اقوه شوكت يغوح خالج
-والله بنفسي الزيارة بس يابيلسان قابل اطرده الخالي خصوصاً هو عرف بحالة ابنه وتعبه وتعقدت نفسيته زياده لمن اعترفلي ان هو مغتصبينه من جان طفل من هيج حالته هاي ونفسيته تعبانه دوم وميكدر يتقرب مني مسببيله صدمه نفسيه واعترفلي بهذا الشي لكن بعد ما اعترفلي صارت حالته اسوء يمكن صار يحس باالاحراج مني وخله حالته تتدهور
لذلك ابو وامه جاين يمنه
-ياااعزه خطيه اشوف حالته هيج طلع مغتصب الغب يحطمهم مثل محطموه وهو طفل وعقدو نفسيته وهو شاب
-امين الله ينتقم من كل واحد هيج يسوي ويحطم الطفوله البريئه
ضلينه نسولف واسولفلها ع حالة دره خطيه بعد ممات زوجها وحبيبها وشلون فقدته بعد ماحلت واستقرت ايامهم
وهي مقهوره ودموعها تطيح وياي
بعدها دخلنه المحاضرات
وخلص الدوام اجاني عذب بسيارة عمه ارغد كل يوم هو يجي علي ياخذ سيارة ابوه او عمامه ويجي ياخذني مانسوني ولاتركوني ولاقبلو شخص غريب او خط ياخذني ويوديني حتى بعد ماطلعت منهم ما اعرف شلون اجازي كرمهم وطيبتهم صدك ناس بمعن

نهي رحمه لبوج فكي عني هذاك زلمتج حاسبي لاتحاسبيني تعبت انه كافي تذبين علي بلاوي هم طلعت منكم وهم ما افتكيت عساني ماجيت البيتكم ولا خليت الجلاب تاكلني ولا هل الضيم
-زين عذغاء دخلت للحمام جاوبيني(سالت هيج من باب الشك لان كولشي اتوقع من عذراء يجوز هي الي حاطته )
-لا مادشت الحمام عذراء يمي جانت
ضليت اغلي من داخلي
المحبس شنو الي جابه باالحمام عذغاء ما تحغكت(ماتحركت) من يم بنين وهماتين شلون تاخذه من ايد ابوها بدون ميحس لازم اسمع منه
ورجعت للبيت بيومها وي عذب واول مدخل هزاع للغرفه بليل وبعده باالباب كتله
-ووين محبسك يلي جبته الك
باوع هو ع ايده وكال
-مادري  اشو طايح من ايدي يمكن باالحمام  لو عل.....
-لو عند بنين باالحمام مالتها موووو ع اساس انت متدخل للبيييت توصل بس للطااارمه شلون غاح المحبس للحمام من وحده يعني
عكد حواجبه
-شبيج بويه شنهي السالفه ومحبسي شيسوي بيت بنين وبالحمام منو كلج هل حجي
-محددد كليي يااستاذ هزاع اني شفت بعيني اليوم من غحت البيتها ودخلت حمامها باالصدفه وشفته للمحبس ع المغسله وهسه تكولي شلون غاح المحبس هناك والا والقديسه مغيم عشغ دقايق  ما اضل يمك لو اعغف ادوغ بشاغع(لو اعرف ادور باالشارع) ولا اكعد يمك
-هاااي شببييج كتلج انه ما ادش بيت بنين حدي للطارمه والف مره عدتها الج شنهي هلكد ماعندج ثقه بيه مو بزعت روحيي كااافيج
-لعددد المحبس شنو الي اخذه هناك هااا
-يجوز طايح ابيتها واهي شايلته
-وتشيله تحطه باالحمام وع المغسله هاا وبعدين اني كلتلها كالت ما اعغف شجابه وهذاك زوجج هو يفهمج
-خااب شفهمج هو جاي اكلج انه ما ادش بيتها تكليلي محبسك هو انتي لاتفتهمين ولاتتفاهمين ولاتثقين بيه وتصدكين بس عكلج وخيالاتج
-زين انت كولي اذا ماتدخل بيتها شنو الي اخذ المحبس لهناك وهي تكول ما ادري عنه وحتى شكيت بعذغاء بس سالت بنين كالت عذغاء مغاحتتت من كبال عيييني يله كول اذا مو انت نازعه هناك منوو اخذه هااا يله
-ماااادري بعلي مادري كافيج ولج ترى راسي صاير هل كبره
-واني اغيد جووواب والغب تعبت منك ومن حياتي
-ماعندي جواب واذا تعبانه ف انتي المتعبه روحج
-شنووو ماعندك جواب هذا يعني انت تدخل بيتها ولا وتطوغات(وتطورات) ابينكم لدغجه(لدرجه) تدخل الحمام مالتها
-كاااااافيييييي ترى وصلت الخشمي وانه طاكه حوصلتييي حجايه لاتحجين اتندمين بعليييي جااااي اكلج ما داششش للنعل مالها
وضلت حجايه مني و وحده منه لحد ما مد ايده علي وضربني راشدي
وطلع من الغرفه وطلع من البيت كله
ضليت ابجي من الهضمه ومن الغيره ومن الاهانه مدري الغلط بي مدري بيه ترى مو شي سهل ان الكه محبس زوجي وهديتي اله ابيت ضرتي وباالحمام الشي ماينحمل اليوم محبس باجر شنو اشوف وشنو الكه وهو حتى مايدري المحبس وين مودي او شوكت نازعه اصلا يمكن اخر اهتمامه
ضل اتاخر ل١١ هو مو باالبيت وتسودنت اكثر لمن الحجيه اتصلت عليه وكال الها انه ابات بره هنا شياطيني كامت تتناكز وين برى يمها اكيد وليش لا صار عنده بيت ثاني ويروح ويجي ع راحته وزوجه ثانيه يزعل منا يروح مناك وين بره غير بيتها
وضليت افتر اروح واجي والغيره والقلق والخوف شاعل بيه اكيد البيه مو شي سهل وشنو اليضمنلي هو صدك ميروح الها وشنو اليضمنلي ان ممسويتله سحر
لحد ما نفذت اخر قطرة صبر مني وكلت لازم اطلع واروح البيت بنين واكمشه كمشت الايد بس ما راح اكدر اطلع هيج الوحدي بنيه بهذا الليل والساعه قربت ال١٢ شسوي شسوي
لحد ما اجه ابالي شي
وكمت بسرعه لغرفه عذب وطلعت دشداشه وغتره وشديت صدري ولبست الدشداشه ولفيت نفسي باالروب لحد ما طلعت برى ويم الباب اتلثمت باالغتره اكيد اني ولد ومحد راح يتعرضلي
بوكتها جان كلبي قايدني ومافكرت بعقلي ابد وعقلي الغيره شعلت نار بيه  لان مو شي سهل زوجي يضربني وبعدها يطلع يبات برى حركت كلبي جبيره
وحطيت ايدي ع الباب دفعته وطلعت بس الحظ راد يلعب وياي لعبه مو زينه
وجنت هستوني طالعه وسمعت صوته من بعيد وهو يصيح
-هيييي منو انت عذاب
اني من خوفي وارتباكي ماالتفتت ركضت بسرعه
وهما لحكوني عرفتهم اكثر من شخص لان اصواتهم علت
بجيت اني بسرعه و وكفت ومن الخوف ارجف ردت اكمشه يم بنين تالي هو كمشني بوضعي الحرج هذا
وشفته طلع اسلاحه والوياه ثنين ما اعرفهم ورعد هم وهما يكولون منو انت احجي اني من شفت السلاح بسرعه بجيت بصوت مسموع
-ه ه هاي اني هزاع وشلت اللثام من وجهي

شفته انصدم صدمه جبيره حتى السلاح وكع من ايده والوياه دنكو بسرعه وهم جانو مصدومين
ومدري شنو فكرو يمكن كالو هاي مواعده حبيبها وطالعه متخفيه او يمكن كالو هاي تريد تشرد ومسويتلها بلوه ما اعرف بعقلهم شنو جان يدور بس ماهموني هما بكد ما جنت مهتمه للي صار صنم من اثر الصدمه وشلون راح تكون ردت فعله بعد هذا الجمود
وياريت مافكرت بهذا الشي لان شفت شي اول مره اشوفه بحياتي خذاني سحل للبيت من ايدي واول مافتح الباب دفعني باالطارمه
طحت ع الكاع خذاني سحل من شعري للغرفه
وهو يصيح ولج بليل طااالعه ولج لابسه لبسسس زلم ولج ماتوبي

ف اخذونه للامام هناك شي زارو وشي كعدو يرتاحون ودره خطيه تبجي ومامصدكه ان هي جايه تزور قبر من حجار ورمل وماراح تشوف زوجها وابو ابنها خلص كلبها وهي تبجي وكلمه
حبيبي عناد ماطاحه من حلكها تهمس بيها طول الوكت تبجي الصخر
جابو اريوك للناس كلهم بثواب عناد وبنين الرب يرحمهم
اكو بيهم اكلو واكو لا ما اكلو اني ما اكلت لان جنت ابجي ع بجي دره وخواتها
وبعدها كالوا يله امشوا للمقبره
وراحوا واني وياهم مشيت يم عذاب وكتله
-عفيه عذب اذا خلصتو من زياغه امواتكم وديني ع قبغ بابا مشتاقتله
-صار تدللين
ومشه كدامي يلحك باالزلم وصار يمهم
وصلنه لقبر عناد وجانو اهله يمه وخواته وامه واخو وابو ويبجون بنحيب عليه يكسرون الخاطر
اما دره جان موقفها يبجي الصخر
من شافه القبر من بعيد التفت ع عليا
وكالت
انطيني براهيم بلكن لو شافه ابوه يكعدلي ويطلع ماهو ميت حجتهن ودموعها غركن وجهه
عليا يابعد اختج واسمها صبري بس خلي يزمون من الكبر انتي حاده ومايصير يطلع صوتج
اجه هزاع بااتجاهنه اني بسرعه درت وجهي منه بس هو يمكن حتى ما انتبهلي
اجه شبك دره وابنها على صدره وهو يكللها بعد اخيج انتي شبيدي عليج كصري حسج سامحيني بحكج
ضلت هي تبجي حيل بصوتها المبحوح وتشهك ع صدره
عليا حجت وهي تبجي وياهم ااااخ ياخويه اااخ جا انت شبيدك غير الموت خذاه من ايديها ماحوته المكروده
وضلن النسوان اليمنه تتباجه واني وياهن دموعي تصب واحس العبره خنكت صدري خنك بنفسي ابجي بصوت عالي
بعدين راح ارغد طلب من الزلم يتبعدون ويرحون بعد مازاروه وقروله الفاتحه وقروله قرآن 
حتى تجي دره تزوره
مشت  دره وي النسوان وخوانها وابوها يعني بس محارمها ومن ضمنهم عمها ابو عناد وامه وخواته
صاحت دره عناااد ولك كوووم جبتلك برهوومي كوم شوف ابنك يابو أبراهيم كوم العب وياه وكعده من نومته فدوه كوووم
ولك ليش يتمته هرفي وهو ماشبع عينه منك ااااخ يارويحتي الماحوتك لوبيه خير جاحويتك يابو عيون حلوات
كلي شلونك بعدك حلو لو حار الرمل غير اعلومك يابو وجه الحلو ياالسبع
رحت وخذيت شبابي وياك
يعني هاي هيه فلت ونكضت بعد ماشوف بس احجارات بعد ما اسمع حسك وانت تكول دريتي ااوي يمه اوووي يمه عمت عين الموت الخذاك وماخذاني وراك

وضلت تبجي وهي تكول ربي لوتحبني اخذ روحي يمه اريد هنا انام اريد اجرب الرمل اليحرك بخده اريد انكت التراب عن شاربه الحلو
وضلت تدك حيل ع وجها باالكوه كمشناها وميتين بجي وياها تكسر اكبر قلب وحجيها يخنك
وساعه كامله اله شلعوها من القبر كلبها خلص خذاها احمد ومرته سندوها وطلعوها من المقبره لان حتى صوتها اختفه صار ابد مينسمع ونفسها ثكل تعبت حيل من اللطم والبجي ومتكدر حتى تمشي
وبعدها راحو ع قبر بنين وهنا صدك بجينه عيونه مو دموع لمن ذياب شبك المرمر مالت القبر وهو يكول
يمه يعني بعد ماتطلعين زين يمتى اشوفج بعد جا يمه ليش ماتاخذيني يمج
والتفت ع ابو وهو يبجي بويه خلي يفتحولي هذا شوي اريد اشوف اميي هي تكول انه لوماشفتك ماينحسب من عمري هل يوم فتحولي خل اتشوفني ادري بس تشوفني تكعد
كعد ابو على ركبه وشبكه وحط الغتره على عيونه ويبجي على حال ابنه وهو يكله بويه امك جاي تشوفك لاتخاف بس لاتبجي لان هي كالت لو بجه ذياب انه اتعب وما ارتاح لاتبجي بويه امك صعدت للجنه فوك و تشوفك وتسمعك لاتبجي يابويه
-جا بويه يمته اشوفها بعد جا ما اكدر اضل كل العمر ما اشوفها اريد امييي اريد امييي وضل يبجي حيل وكلها تبجي عليه اني عيون ماضلن عندي احس ح اموت ع حالته صدري قبط ماتحملت
نزلت صرت كباله  واني ابجي
وشبكته حيل من لا شعور لان حسيته يمثلني لمن فقد بابا حسيت كسرته مثل كسرتي
وسكته اني وعمته عليا لان ابوه تبعد عنه وشوي قرولها قران ورشو القبر مي ورد وكالوا يله
طلعوا يمشون كدامي
باوعت ع عذاب يمشي يم ابو وعمامه
اني انقهرت لان كلت العذاب ياخذني القبر بابا بس يمكن نسه اصلا اني مالي حق اطلب منه هذا الطلب بصفتي شنو هو قابل كفيل بيه اني غريبه عنهم جنت احاجي نفسي هذا الحجي واحس بدوخه وشمس وتعب تأذيت كلش
شوي وشفت عذاب التفت علي ورجع
-خاب بعلي نسيت يله يله امشي
-ها لا ملازم خلي انغوح انت تعبان خطيه
-صدك تحجين اصلا زعلت عليج ماذكرتيني
-ها لا بس خفت لتكون تعبان محبيت اضغط عليك
-لا يامعوده لاتعب ولا شي بس نسيت وابوي.... ء ءانه اتذكرت
يله امشي وراح يمشي قبلي
رفعت حاجبي لويش بدل كلامه شنو معقوله ابو كايله لتكول اني ذكرتك زين هو شعجب تذكرني يعني اقصد خطرت ع باله معقوله هزاع (وي مانطقت اسمه غمضت عيوني حيل احس من انطق اسمه تصير غصه بالعومي )مناسيني سالفه المحبس وهسه هماتين ذكر ابنه بيه بينما الكل نساني معقوله بعدني مطلعت من قلبه ...بس كافي بيلسان كاافي هاي شبيج مو انتي نسيتي وماحترجعين بعد الحياتج السابقه مو بديتي مستقبل جديد ودستي ع قلبج اي صح انتي تتذكرينه هواي ومرات هواي يجيج بااحلامج وهواي يدخل صفناتج بس لاتنسين انتي ما حترجعيله فاهمه لاتخلين كلبج يحن عفيه بيلسان عفيه ماترجعيله صح ماترجعين لحي

يارب ساعدني اكيد اني ما اكدغ اغوح الها الوحدي للبصغه بس المن اكول بهذا الليل واني اساساً ما اعغف وين غغفهم(غرفهم) كلهم نمت من الضحى لليل ما ادغي عن شي
فتحت التليفون يارب شنو اسوي ووكفت ع اسم هزاع وصبعي يرجف يارب اتصل لو لا اكوله لو لا بس صعبه اتصل عليه بهذا الوقت بس لازم  اتصل وليش لا جنى بخطر وهما يساعدون البعيد قبل القريب بيلسان عوفج من التردد واتصلي لا لا خ اتصل ع عذب احسن
جان هذا الصراع داير بيني وبين نفسي
اتصلت ع عذب رن رنه كامله بس مارد ياغب ساعدني رجعت ع رقم ابوعذب واتصلت
همات رن رنه كامله مارد
ضليت محتاره شنو اسوي يارب شنو اسوي تذكرت ان غرفه ارغد مقابيل غرفتنه اي اكيد هو ح يساعدني
وقبل ما اللبس الجبه مالتي والشال تراجعت لالا اغغد مالازم يدغي بجنى ح تخغب حياة زينب شنو ذنبها ياغب ساعدني وساعد جنى خطيه
شسوي ماكو غيغه ابو عذب يساعدني بس غيغ يغد ع التليفون وردت ارجع اتصل ع هزاع
بس جنى سبقت واتصلت وهي تشهك و تبجي وصوت جلاب تنبح قريب منها خطيه الساعه ب٢ ونص وبليل بنيه الوحدها اجاني صوتها اليرجف
ب بيلسان ف فدوه اني خايفه ب بيلسان شسووي ضلمه وجلاب وين اروح
اني ماتحملت سديت التليفون منها وبسرعه كملت لبسي وطلعت وكلي خوف ع جنى دكيت الباب ع ارغد بس دكه خفيفه
وسمعت اصواتهم يسولفون هو وزينب
اجاني صوت ارغد
منو
وصوت زينب تحجي وياه
يارب استر
ترددت ماحجيت وردت ارجع بس هو فتح الباب
-بيلسان! شنهي خوب ماكو شي
-لا ب بس
-تعاي دشي جوه
-لا اغغد ب بس غدتك بشي
-اي تعاي دشي ترى كاعدين وزينب كاعده تعاي
صاحت زينب من داخل الغرفه
ادخلي يابنت انا موجوده ماتخافيش من ارغد ده مسالم
ارغد بت الطحال صوتج يجيب التايه مسالم شنهي كيفج هو

-ماشي حسكت يا ابن البنكرياس
حجيت اني بهمس يسمعني بس ارغد
-ارغد الموضوع ملازم تسمع بي زينب ورديت عليها بصوت عالي لا حبيبتي بس لخبطت بين الغغف (الغرف)عساس كنت غايحه اشوف عليا واخذ منها حبوب غاس تصوغت غغفتها هذه
-براحتك حبيبتي
همسلي ارغد انتظريني هنا لاتمشين
ودخل سد الباب
شوي واسمعه يحاجي زينب صوتهم واضح لان هدوء الفندق
انه ماشي ازور خوش
سوف يزول الألم في المفاصل إلى الأبد
-بس بص الساعه كم استنا ع صلاة الفجر وروح
-لا ماجايني نوم نامي انتي وانه اواعيج للصلاة نروح مره ثانيه نصلي يم الامام
-براحتك حبيبي
طلع هو ومشه شوي صرنه يم المصعد كال ها شبيج بيلسان شخيرج شنهي الموضوع عمي ابو زينب بي شي ليش ماتردين زينب تدري
-لا عمو ابو زينب مبي اي شي ب بس
-شبيج بيلسان شنهي الموضوع الطلعج تالي الليل وخايفه
-جنى يا اغغد جنى انهزمت من بيت زوجها ومن اهلها لان دغو بيها دخلت الاسلام ويغدون يسلموها للكنيسه
-بيلسان بيلسان لحظه لحظه خل افهم شنو دخلت الاسلام جا هي موش مسيحيه وليش تشرد شوي شوي
-قصه طويله يا اغغد بعدين اسولفها الك
هسه ساعدها عفيه لان ماعدها مكان تغوح بي وهسه هي باالشاغع الوحدها والوكت متأخغ وخايفه
واني معندي احد غيغك اكو..
قاطعني بسرعه و وجه يحجي خوف وقلق وصدمه
-ششنهي جنى جنى باالشارع وين ياشارع بغداد هي موش هيج
-لا باالبصغه
-باالبصره شو بله اتصلي عليها
اتصلت عليها ونطيته التليفون
جنى الوو ها بيلسان فدوه وينج اتأخرتي علي وين اروح شحتسوين كليلي والله خايفه كل شوي حسبالي واحد ديمشي وراي لو يراقبني
جانت تحجي وهو مغمض عيونه حيييل وكأن كلبه يعصره الشوك وكل قطرة حب تجددت وي ماسمع صوتها
- الو الوو لج بيلسان فدوه احجي طمنيني شلون حتحليلي الورطه هذه
-ولج انتي بشاربي يخسي اليدنه يم طرفج
ماسمع بس طوووط طووط
........
جنى سمعت صوته الي مستحيل انساه صوته الي احس كل جسمي يقشعر لمن اسمعه صوته الي رافق احلامي مدري شنو صار بيه تلخبطت بسرعه سديت التليفون بسرعه انصدمت جان اخر تفكيري ان بيلسان ح تلتجئ الارغد تصورتها ح تحجي وي ابوعذاب هذا كل ضني
و وره عشر دقايق
رجع التليفون يرج بأيدي لان اني مسويته صامت اخاف لايطلع صوته ويسمعه احد
رقم بيلسان
فتحت الخط وهم اجاني صوته
-انتي وين هسه
حجيت باالكوه
-اني باالشارع بمنطقه ال.....
-عايني زين راح يجيلج ازلمه هو وحرمته وياخذونج هل ساع راح انطيهم رقمج روحي وياهم لاتخافين وانه مسافه الطريق و اجي
-ماشي تعبتك واشكرك حيل وكفتك هاي ما ح انساها ولاتتعب نفسك ولاتجي كافي الكي مكان بس ع مايخلص اليل وانت وفرتلي هذا المكان
-عن ياتعب تحجين جنى اهم شي سلامتج ولاتخافين اذا كدرو يدنون حدج يعني انه موش حي ولا صدري يشم الهوه
غمضت عيوني وابتسمت بعبره ياربي شكد حلوه نبرة صوته وشكد حلوه لهجته وشكد حلوه الغيره والحميه البي
كتله تسلم ماتقصر خويه وبسرعه سديت التليفون واني ادعيله بسري اللهي يامن ندعوه ويستجيب لنا احفظه من كل شر واريه كل خير ويسر دربه وسهل امره واطل اللهم في عمره واجعله ذخرا لاهل وزوجته وارزقه الذريه ياربي
نزلت نظرات عيوني من السمه للكاع ورجعت حظنت نفسي وكرفصت ع نفسي واني اتلفت باالظلمه اخاف ليجيني جلب او يجي شخص مايخاف الله