شصار بيها وهي تسمع صريخج..
انا طبيت بهدومي من الفشلة مو هيج عاد
صاير صوتي نغمة للبيت كله..
هي ضحكت كالت عادي يمه كله يعدي
وينسي..
شوية واجه ابوهم دخل..كمت سلمت عليه
لان مساع ماجان موجود من نزلنا..
جان يم الخطار بالديوان..
وكفتله وسلمت عليه ..
هو باركلي وكال..منها للولد بوية استعجلي..
مانريد مثل اخيتج صارلها سنين ماجابتلها
فرخ..
بس ادري بحيدر كفو ومن ليلتها يحط بيج
جاهل..
للحكاية بقية

مساء الخير
الشيهانة
الجزء السادس والعشرون
وجهي كام يخلط الوان من حجي ابو حيادر..
دنكت ماحجيت شي هو ضحك وكال
عليمن فشلانة بوية..حجاها وكعد يم
امه..
وانا كعدت ع جهة ..حاجتني بنية اكبر
مني بشوية تبين..
ها حبوبة بالمبارك..انا بت عمه صمد..
اهلا بيج حبيبتي تسلمين..
عيني باردة عليج كلش حلوة كلبيتج..
ياعيني تستاهليها كدامج ..
لا ملبوس الهنا حبيبة القالب غالب ..خو مازعلتي
من حجي عمي..
لا بس خجلت ههه..
اي بعدج جديدة بعدين تصير عدج زلاطة..
ابتسمتلها وهي تسولف وياي..
عرفتني ع الكاعدين كلهم..
دك الفون مالتي ماما..رديت عليها..
كالت احنا بالباب هي وهاجر جايين ..
كلت لامه وكامت كالت اروح اشوفهن ولو
الولد هسه دخلوهن..
كامت وياي بت عمه ورحت للديوانية انتظرهم..
شوية ودخلت ماما وياها هاجر..
مشيتلها بس ماكدر حيل لان رجليه
تاذيني..
بس هي ركضتلي وشبكتني لحضنها وبوست
كل وجهي وكاتمة عبرتها..
بعدها كعدت وهي شابكتني لصدرها وتبوس
بيه..
شلونج ماما حبيبتي قلبي مفرفح عليج..
شني وانا حتى محد عبرني ولا سلم عليه..حجت هاجر..
ضحكت وردت اكوملها بس دنكت عليه
بوستني وباركتلي..وكالت اروح اشوف
البنات اساعدهم..
امه هم كالت رخصني هسه اجي..
بس طلعو وماما باوعتلي بعيون تعبانة..
شبيها رجليج لا مشيتج ثكيلة..
مادري يجوز لان امس طول اليوم ركضة وتعب..
بس لا لح عليج .؟
ها لا ماما ..
اي زين..خل اخابر ابوج خطية راد يخابرج
بس كال خاف بعدهم ماكاعدين واحرجهم..
فدوة لعمره مساع كلت اخابره بس ماكدرت
اكوم من يمهم استحي..
اي بعدج تالي تتعودين..حجتها وهي تخابر
بابا...
انطتني الفون وجاوب..
الو..
هلاوو بابا ..حجيتهم واختنكت بدموعي..
يابعد ابوج ..بنيتي ونظر عيني مبروك باباتي
انشالله الخلف الصالح اليبر بيج مثلي ماانت بارة
بينا..
حبيبي فدوة لعمرك اشتاقيتلك..
اجيج انشالله بس لا تبجين يشيهانة ههه..شلونه
رجلج..
هههه الحمدلله..
وانا احجي دخلت امه وام هاجر واخته
وسلمو ع ماما وانا كملت حجي
وي بابا وسديت الفون..
ماما هم التهت تسولف وياهم..بس انا
سمعت صوت بابا وزاد شوقي
اله..
من انتبهولي مدمعة وماما كلتلهم مشتاقة لابوها..
كالت امه باجر تشوفينه لن عمج كال باجر
يعزمكم انتم وبيت ام حنين ..حجت وهي توجه
كلامها لماما..
وماما كلتلها لعد الجمعة الجاية انتو يمنا
انشالله ..وبقت شوية ماما وكامت..
انا قلبي رجف من شفتها راح تروح بقيت
اباوعلها بقهر..
هي طلعت علبة من جنطتها وفتحتها..
ماما هاي هديتج ولو فرحتنا بيج ماتوصفها هدية..
لبستني بايدي سوارات ستة ع شكل ورد ناعم
متلاصق شي بشي وملون ..هن ذهب بس موديل
هندي متداخل بي الوان..كلش انعجبت بيهن
اخته كلتلها ذني منين حلصتيهن يجنن..وماما
انطتها اسم الصايغ وسولفو شوية وكامت..
من رادت تطلع احس روحي طلعت اختنكت..
هي حست بيه وحجت وياي ووصتني
وكالت اخابرج دوم واجيلج ماتركج ..بس ادري بيها
ماتجي لان ماتحب تثكل تشوفها زحمة لان
انا عد عيال وناس هواي تستحي..
طلعت وانا ماكدر اطلع بالحديقة لان اهلهم
هنا وحيادر كال لا تطلعين ابد..
رجعت للبيت بس كلت ادخل للمطبخ
اشوف شيسوون..
دخلت يمهم وبقى يهلهلون..هلا هلا بعروستنا
كل الهلا..
ابتسمتلهم وانا اباوع مخلين طباخات كبار يم باب يطلع ع حديقة
خلفية وجدورة كبار
وكومة مواعين..
حنين انتبهت لاساوري وحجت..
شنو هذاا صدكي جذبي حلو ولج..حجت وهي
كاعدة تنظف البصل ..
لا ذهب ..هدية من اهلي هسه ماما جابتهم..
هاا بالعافية اي حلوات عبالك شبه موديلهن..
حجت مرت اخو هاجر ..لا هذا مديل هندي
شفته من رحت اشتري مكادس بس شني
كلش غالي..
صوت من وراي حجه..تستاهل شاها
الغالي للغالي..
حجت امينة وحطت ايدها ع ظهري..
شمكومج وجابج هنا روحي ارتاحي كعدي..
مو جنت يم ماما هسه راحت..
ياا ولا ادري بيها جت..
اي هي ماطولت بسرعة راحت..
الله يحفظها ..امشي جوا لا تعلك بيج
ريحة الاكل..
اخذتني وياها وطلعنا..وكفنا بالممر ..
شلونج ويا تصالحتو وطاح الحطب؟
الحمدلله نسينا الصار..
اي نعمة..انسو الصار بعد امج وتريد تعبها
بيج وحگ رباها..
اي اكيد ..
باعي غرفتج من تنزلين لا تخلينها مفتوحة
بس تطلعين قفليها وحطي المفتاح بزيجج..
ليش يعني..حجيت بقلق..
احسن ماتعرفين نفسيات شني ..وكلها من تطلع
تقفل غرفها..
اقل شي الجهال تدخل وتلعب بغرضانج
وانت جوا ..
ها يعني اصعد اقفلها هسه؟
لا رجلج وصاني وقفلتها..هج خلي مفتاحج
بزيجج ..
وين يعني زيجج شنو ههه..ضحت بخجل..
يعني بصدرج يمه اسهل حتى لا يطيح..
ها اوكي ههه..اخذته منها وخليته بصدري
وانا مستغربة..الظاهر لان هواي وجهال
وكحين يدخلون للغرف ومايدرون بيهم..
رجعت جوا بقيت كاعدة واجو بيت خوالهم
وزادت الاعداد وكلها تسالني وتسولف
وانا مادري اجاوب منو من هالهوسة..
وفوك هذا اجت مرت خالهم الي خطبني ..
تقربت يمي جان شكلها كلش حلوة..
بيضة وطويلة وضخمة وعيونها مجرورة ..
بالخير بالخير منها للولد..حجت وهي تكلب
بنظراتها..
شكرا حبيبتي..
شني جا المن لابسة حجابج ذبي بس نسوان.

.
لا هسه جان عمو هنا استحي..
يا فلك انوب عمو هههههه..خايبة كولي
الحجي كولي يبا كولي الشيخ يا عمو بهالزلك..
بعد احنا متعودين نسمي ابو الزوج عمو يعني
مو غلط..
بعد كيفج هسه تشبعين تصنيف..
اكلج شعجب اهلج نطوج؟وانت محجي بيج
لرجلي..
لان رجلج مو هو حجه بيه ..صارت خطبة نسوان
وماوافقنا وانتهت..
جا شلون يكولون محاجيج وراضية!!
هو اصلا زوجج ماعرفه..شفته مرة مرتين
وي حيادر وبهادر بالكلية ..مامنتبه اصلا اله..
يعني مامحاجيج؟
انا زوجة حيادر..يعني ذهب خالص..حيادر
ماياخذ وحدة محاجية خاله..
اي مو انا اكول حَيدَر زلمة وعزيز نفس..
هاي سوالف العجيز ام ال..
عزا انا وجهي فلت من غلطت وحتى ماعرفت احجي..
هي حجتها وكامت..
راحت للمطبخ ..وحاجتني بت عمهم اسمها
نوال..اصغر مني بس متزوجة وحامل..
كل الاسوفهم لو بحضنها طفل لو ببطنها طفل..
انتاجهم مامتوقف ماشاء الله..
معليج بحجي سعيدة ترى فطيرة وكلب
ابيض بس مقهورة ع رجلها..
بس عيب عليها انا مرت حيادر اصلا مو لائق
هيج تفتح موضوع..
مو حبيبة عمتج هي ساس البلة..
حجت
براسه وكلتله ولك لكيتلك وحدة اجنبانية..
خلته يجي ويشوفج بالجامعة ورجع يدك ع وراسه..
يابه شني هاي مو مرة تكول جمارة ..ورادج
بس شني حيدر كلب الدنيا عليهم وهو من سمع
حيدر رايدج كال هذا اهو ..تفكس عيني
لو بعد باوعتلها..
زين هي خالة ليش تريد تزوجه خطية مرته
حلوة وصغيرة..
هو حبيبة مدلل عد عمتج لنه الزغير وتاجر
مريش بالفلوس ..كلتله طكلك ثانية بس
كون مثغفة وتتباهى بيها وخلي ذيج
تربي الجهال..
خطية الله يساعدها..حجيت وانا اباوع لعمتي
مادة اذنها يمنه ..بس هوسة كلش
ماتسمع..
اذن الاذان وكلها كامت..انا صعدت لغرفتي
اصلي..
صليت واريد اشيل السجادة ودخل حيادر..
تقبل الله..
خليتها بالجرار وابتسمتله..منا ومنك..
تقرب ولزمني من حنكي..شكلج نعسان..
اي كلش نعسانة ودي انام ..
هسه جاي يحضرون للغدا..بس نتغدا اجيج
ونصعد..
ترى اريد انااام سليب سليب مو غير شي..
اكو احد كال غير السليب مو سلبتي عقلي
ولج ام شفة حلوة..
اخذ شفتي وباسها حيل واندمجنا بس بعدني
بسرعة..
اروح جوا لن يتانوني ..بس اكمل
الغدا اجيج خوش..
اوكي..حجيتها بخجل ومبتسمة..
يلا تعاي انا نازل ..
عدلت حجابي ونزلت ..هو عبر بسرعة لان
متروسة الصالة بنات..
وانا اجيت كعدت..
امه جانت تسولف وي مرت خالهم مرة
جبيرة بكدها جانت..
باوعتلي ..ها صليتي..
اي الحمدلله..
يا دهر جا شبي حلكج مطكك من فوك ههههه..
ضحكت ومرت خالهم والسمعو
بقو يضحكون..
انا سكتت ماجاوبت..
وذني اليمي يحجن ..جا شني بعد عروس
واول ايام كلها هيجي الزلم تصير تركية ..
ورا شهر حتى مايندل حلكج وينه..
اي صدك صارله ١٣ سنة مابايسني ..يااا هههه خايبات
من عرسنا ماباسني..
هذا حجي الكاعدات يمي..
دخلت حنين وهي تبتسم..
انتن ماتشجعن..خبلي وتدلعيله وشوفي
شيسويلج..
بعد خية مو مثلجن بنات البصرة احنا نخاف
من زلمنا..
وليش اخاف اصلا ادللة حتى مايدور غيري..
ماتشوفن بهادر شلون ميت عليه..
اي خية صدك صدك ..ياه ناسنا كلها تحجي
بيج وبسباعيتج بكلشي..
انا صافنة عليهم يمدحون بيها وهي
توها قاصفتهم شنو السالفة هيج مطفيات
لو يجاملن مادري..
ها عافتنا وراحت ..صيحت ع البنات كومن فرشن الاكل برد
يلااا بنيات يلا سرعن..
وهن بقن يجيبن الاكل..انا بيبتهم كلتلي
هذا مكانج يمي تعاي كعدي..
كعدت يمها وانطتني ماعون بي سوب وهواي
عظام..شربي يمه هذا التشريب يفيدج وحتى
يلمج ويطيبج..
اي بيبي حلو احبه السوب..
ساب شنهي يمه تشريب كراعين هذا..
نزلت الخاشوكة من حلكي ومعدتي كلبت..
شنو هذا بيبيي..
يمه كراعين ترم عظمج وتسويج مهيرة ترفلين
رفل..
لزمت معدتي ورحت للحمام اقصى سرعتي..
ذبيت الاكل كله ..وانا اتخيل رجلينات العجل
حاطيهن بالسوب..
من اسمع باسم الباجة والكراعين معدتي
تنعفس..
خطية امينة اجت وراي وتحاجيني..
غسلت وطلعت وانا لازمة بطني..
شبيج ياستار شلحكتي كليتي..شو ريوكج
لفة زغيرة حتى مانزلت بلعومج...وغداج
ماكملتي ..
خالة الكراعين تلعب نفسي منها كلش..
جا هسه الا تاكلينهن يولن..
بعد مادري عبالي سوب..
دتعاي انا اصبلج تشريب هذا التحبينه..
رجعت كعدت لخاطر امينة لان معدتي
انسدت..
وهم مستغربين لان لعبت روحي..بيبيتهم
كلتلي جا يما مادري تكرهين الكراعين غير تحجين..
بعد ماجنت ادري ..يلا الحمدلله مابيه
شي..
لا عين حارة عليج بييي امبينة..
اكلت قليل وقبل لا اكوم اجه حيادر..
احنا كاعدين ع السفرة هو وكف قريب
يمنا..
ها شني شبعتي شماكلة..
ماكلت شي بيبي لعبت روحها..
ليش!!
كلت كراعين هههه..
شجابج عليهن مو ماتحبينهن..
هههه عبالي سوب..
يلا جا اكلي غير شي..
لا شبعت..
ها زين ..امشي فوك انا نعسان ووراي
ناس تجي العصر..
هو حجه والانظار كلها صارت عليه..
روحي لزلمتج بيبي كومي..
كمت ويا وكتلهم عن اذنكم ..بس اغلب
الكاعدات نظراتهم عجيبة احسهم انزعجو..
صعد الدرج وانا ورا اريد اصعد..
صاحت ورانا امه..حيادر مو للمغرب تبطي
وتفشلنا ويه الوادم..
مادري يمه صاعد انا

والله كريم..يلا شاها..
صاحت ورانا واحنا نصعد..
تونس يمه تونس سدة البردة وسد الباب
والبقية بقو يضحكون..هو غلس وصعدنا..
فتحت الباب ورجعت ضميت المفتاح حتى
اتحرش بي..هو بس للغرفةاندار علي..وين المفتاح..
هذا هسه اجيبه..
لا انا اجيبه شو بلة..
ما ما وخر..
شبيج هم بيبي توب وهم تخافين..
يااا بسيطة..
دجيبي خل نقفل بالاول ..حجه وهو يمد
ايده يدور المفتاح وانا شردت
صرت يم الزاوية..
جيبي ولج وينه..
يحجي ويتلمس وكعدنا بالارض..
وهو دفعني للحايط كلش..
عاجبني اكعدج بحضني تعاي...
ماريد حضنك ماينكعد بي..
ليش شبيي..يحجي همس وعيونه مبتسسمة اكثر..
لان طويل يعني رجليك طويلات وتربعيتك طويلة
احس روحي كاعدة بقارب..
هههه ولج كعدة القارب تخببل..
لا ماحبها مدري شلونها ماريد..
جا تحملي اليجيج..حجه وهو ينيمني بالارض
وورفع الثوب..هذا اذاني ذبي..
رفعت ايدي وهو جره وذبه بصفه..غمز
وهو يخلي شفته بشفتي..
بديت اذوب واندك الباب ..احنا نسينا عبالنا
مقفول هو ماهتم ومندمج..
وماحسينا الا انفتح..
كمز بسرعة وانا كعدت..كام بعصبية..
منووو هذا؟؟؟؟
طلع وشافها بت اخو عمرها ثمن سنوات تقريباً..
عاط بيها ..شلون تفتحين الباب مو عيب؟؟؟
لا تجين للغرفة بعد عمي عيب..كلي لامج
عمي مايقبل فاهمة..
ها صار عمي صار..
رجع دخل للغرفة ضايج..
جيبي المفتاح وينه..
انطيته اله لزمه وضحك..ويلي ..قفل الباب
ورجع يمي..
انت انتجيت ع الجرباية واباوعله..
ليش ضجت..
لان مالحكت اخذ راحتي واجت بت الكلب
هاي..
تلكين ابوها دزها اجو خطار وهي مثل
الثولة تفتح الباب..
اي شمدريها طفلة..
لا معلمينها تعلوم نكس..فتانة وكاضة الحلوك
شتحجين تنقله..
عزا طفلة ليش هيج مخربينها خطية..
دسكتي ام خطية..زين ماطلكت نغم من
رجلها قبل جم شهر..
ياستار!
اي حذري منها ..
وهسه تعاي لن طفح الكيل..
ماااما..
اي قابل اطفح وحدي هههه حجه وهو ياخذ شفتي..
وباول لمساته انا اعلن استسلامي..
نام ونيمني ع صدره..ويلعب بكذلتي..
الله يلعن الشيطان..نسيت انطيج قراصاتج..
ياي جايبلي قراصات..
ايي جبتهن لكذلتج محد جاب راسي غيرها..
عتها حيل وعطت..ااوي ليش تمشع..
اوي يالمايعة هاج لعد..عضني بركبتي حيل
خلاني ابجي..ليشش تعض ليش..
حتى اسمع اوي احبها..
ها هيجي زين..وهو يحجي كرصته بصدره..
وعاط..خرررب ..انا مو كتلج كصيهن ولج
شنو من كرصة عكربة حشا..
اباوع انشال جلد مر صدره وصار احمر..
هو باوعله ولزمني طبك ايديه سوا..
اليوم الا اكصهن ذني ولج شلعتي ظهري
وزنودي البارحة الا اكصهن..
وانا اريد اشرد منه ماكو..توسلت بي..
عفية حبيبي عفية انا اقصرهن لا تكص عفيه..
ههه يلا ميخالف..بس صدك شيهانة كصريهن
ترى حتى نص ردان ماكدر البس من شراميخج..
اي اقصرهم ميخالف..
هسه نسيتيني سالفة القراصات..حجه وكام
راح للكنتور..جاب علبة واجه..
طلع قراصتين ذهبيات وبدايتهن وردة ..
حط لكذلتي من الجهتين كل وحدة قراصة..
الله طلعتي بزونة شحلاتج..
دربالج لا يطيحن من راسج..ترى ذني ذهب
وصيتهن توصا..
ياعمري انت هيجي تحب شعري..
اي ومن اول ما شفته استحليتله ذني ..
بس شعرج سبل حطي بالج لا يطيحن منج..
لا مالبسهم برا الغرفة ..يبينون ىن الشال..
بلا الشال لبسيهن..من يصير محد هنا..
امم..
باسني وكرص خدي..بلا ام خل انام شوية..
ياريت نعسانة حيل..
غمضت عيوني وهو مغمض ونسولف..
اخذتنا السوالف الى ان غفينا..
كعدنا هم ع دكة الباب..ساعة اربعة..
صاح منوو؟؟
انا عمي اجو بيت حجي شامل وكال جدي
كعدو ..
يلا عمي جاي جاي..
هذا الوحيد من ولد جابر احبه..
اخو الاجت مساع؟
اي اخوها بس مايشبه اهله..فقير وخوش
وليد..
شكبره؟
سادس ابتدائي..بس عاقل وفاهم..
الله يحفظه..
ويحفظج..طلعيلي هدوم على اموص روحي
واجي..
شسوي!!حجيت وانا فاتحة عيوني..
يعني اسبح ع السريع هههه..
كام اخذ الخاولي وطلع..
وانا لفيت نفسي بروب وحضرتله
ملابس اله
اخذتهم للحمام..
اخذ بس الداخليات كال الدشداشة من اطلع
البسها..
رجعت للغرفة واجه هو لاف الخاولي ع خصره
ويضحك..
لو لاكفني احد هسه وهاي الفانيلة كلشي
امبين منها اثار جريمتج..
اي زين محد بالممر..
لا حذرتهم كتلهم الاشوفه بالممر اشمره
من فوك..
صبريلهم جم يوم تلكينهم مثل الدود جوا الرجلين..
كمل لبسه وتعطر وطلع..
وانا اخذت ملابسي واشيائي من شامبو
وشاور وصابون وليفة خليتهم بالحمام لان
بي بس نوع شامبو مايناسب شعري..
سبحت وطلعت ..شفت مرت اخو جابر
بالممر ..
نعيما شعرج تهلس خية..
ابتسمتلها..
طلعت حنين بسرعة..ها شتحجن شسون..
جاي اشاقة وي بت عمج شعرها خلص..
هو الزواج يخلي شعر دشوفي شعري
خليته لحد ذاناتي من ورا حماج..
باعي شاها شعرج كصري كلش..حتى
لا يضل يطيح..
شبيكم اليوم ع الشعر ههه..خيطيح يطلع
غيره..
اي صدك شو ريحتج حلوة بيش سابحة..
ذني بالحمام الاشيا شوفي مادري ريحة منو
منهم..
اي هسه ادخل اسبح بس يسبح بهادر..
مدت راسها للغرفة مالتها..كوم حبيبي
اسبح الحمام فرغ..
انا مشيت للغرفة بسرعة..
دخلت مشطت ولبست واجيت انزل استحيت..
راسلت امينة ..ا

نزل؟
لا لا بقي فوك..اجو اهلنا يريد يصعدون
يشوفون غرفتج ويتباركولج..
انا ذبيت الشال وشعري عدلته وخليت القراصات..
وفتحت المبخرة ع الكهرباء..غرفتي
مرتبتها ونظيفة..
لزمت الفون اتصفح ودزت امينة رسالة
هم صاعدين..
كمت وكفت ع المراية عدلت مكياجي..
اندك الباب ودخلو..
بنات خمسة وياهن نسوان كبار ثلاثة
وعمتي وامينة..
هلهلن وبوسني وكعدو..انا ماخليت حيادر
يحط مندر باالارض اكره هالسالفة..
بس هو نبهني كال يصعدون يشوفوج ووين
يكعدون..
خليته يجيب تكية وفرشتها يم الجرباية
وياها مخدات..
كعدو وبقو يباوعون للغرفة بنظرات
انبهار..
شنو هاي جنها بفلم اجنبي حجرتكم..
اي هذا ضوق حيادر كله ماقبل نجيب شي..
اي يخبل ..ياا هذا شنهو الفرو حلو ..خايبات
بدل مانذب فرو الطليان نحطه هيج يخبل..
يمه يا طليان دشوفي ناعم ويلمع الطلي
ريحته بعرور تكتل..
هو يسولفون وانا حصرتني الضحكة..
ادري لجنة مال كشف شنو..
عرفوني بعدين عليهم..نسوان عمهم الجبير
ثلاثتهم وبناتهم..
عمهم متزوج ثلاثة بس شو عبالك صاحبات
يبينن يسولفن ويتداهرن..
اخر شي كامو وخلو بيدي فلوس بكلينكس..
وكالت المرة الجبيرة..شايفة كل خير
يمة معدلة شحلاتج..ريحة حجرتج
جاية من الدرج..
مشكورة خالة حبيبتي..
بعد عيني يلا بنيات..
هن طلعن وعمتي قبل لا تطلع سالتني..
شني ذني براسج منين..ذهب لو شبه..
ذهي هدية من حيادر ..
فلللك معبى بتنك..خايبة لا يضيعن شعرج سارح
دربالج عليهن لا ينلكفن..
لا بس بالغرفة..
اي خوش..دهر دهرك حويدر شراح تسوي
بينا بعد ابن رسن..حجتها هي تطلع..
وانا بقيت بالغرفة لان امينة كالت هم لازم
العروس تكعد بغرفتها
ويصعدون يشوفون غرفتها ويتباركون مو
انزل للاستقبال يعني ..
ارتاحيت كلت احسن..
بس طلعو تمددت بالفراش...دكت الباب
حنين ودخلت..
ها راحو خطارج..
اي هسه طلعو..
عينها بسرعة اجت ع شعري..شني ذني براسج ذهب!!
اي هدية من حيادر..
نطت عيونها وكامت بسرعة..بلا ماتحجي
شي طلعت..
وبقيت بالغرفة اذن وصليت..اجه حيادر يمي
شوية وطلع..
تعشينا من وكت وصعدنا..كلهم اليدك الباب
باجر لا بلومني شسوي بي..
خل يخلص اسبوع العرس ودكو عود..
صعدنا وتوني اريد اتمدد يمه خابرتني ماما..
حجيت وياها شوية وحاجوني الولد وبابا..
وسديته منهم..
حيادر ضحك وحجه..ماتستقر فيحاء تحووس..
لا تحجي عليها ..حجيت بخنكة..
شلون احجي عليها كتلج احبها ام الكبسات..
ترى ماما حبابة وفقيرة..
ادري بيها عيني انت..ليش ضايجة هسه..
مشتاقتلها..
تعاي بحضني وانت تسلين عنها..
شبكته حيل وهو شبكني وباس شعري..
سمعنا صوت هوسة..كعد لحيله وحاول
يسمع..
شنوو صار؟
مادري شو جنه صوت بجي مدري
صياح..
انطيني كلبيتي ..
كمت انطيتها اله لبس وطلع..
انا بقيت بالغرفة..شوية واسمعه يصيح
بس شنو صياحه قوي..
وصوت بهادر هم..
بادن رجليه من الخوف..ومافتهم الصوت
لان كلها تحجي وجهال تبجي..
ورا وقت يلا دخل للغرفة..
اول مادخل كعدت وسالته بقلق..شصار حبيبي..
ذب كلبيته واجه يمي..
هذا المسيلح بهادر طاك مرت جابر راشدي..
عزااا..
للحكاية بقية

الشيهانة
الجزء السابع والعشرون
شنوو!شلون يعني يضرب مرت جابر ليش!
استغفرالله ..تعاي نامي بحضني واسولفلج..
من شاف استغرابي ضاج بالزايد..جرني
لصدره خليت راسي عليه وهو يلعب بشعري
ويحجي..
كتلج هواي اشياء تعرفيها من تدخلين لبيتنا..
هذا طبعهم اخواني مثل طبع خوالي..
يحسبون نفسهم مسؤولين عن اي مرة تخصهم..
مسؤولين اوكي مو يضربون بأي حق!!
حجيتها بانزعاج..
بعد يكلج بت خالي قبل لا تصير مرت
اخوي..يعني الي حق اطكها احجي عليها
ورجلها ناطي هذا الحق..
وانت تشوف هالشي صح؟
طبعا لا..شيهانة طبعي عن طبع اهلي يختلف..
متطبعين بخوالي لاخر حد..بس انا لا ..
وهذا واحد من الاسباب الي مخلي بينا مشاكل
وحزازية..
بس يبقون اخواني بعد ..
حيادر طبعهم كلش همجي لا تزعل مني..
ادري ..بس معليج انت هم مشاكلهم بينهم..
زين شنو سبب ضربها ؟
متلاغية هي وحنين..
ع شنو!
مو كتلج بتهم تبارك فتانة ..من فاتحة الباب علينا
مساع مسولفة كدام بناتنا..بس مسكتتها امها
طبعا خوفا مني ..
بس حنين وتعرفين لطلطتها الا تعرف..
كاضة تبارك بالمطبخ ومخليتها تسولف شني
شايفتنا مسوين..وداخلة امها وشايفتها تحقق
وياها ومتعاركات..ذيج معيرة حنين..لا تعلمين
البنية تفتن الج اذا سمع حيادر يكلب علينا
الدنيا..لو لان ماعدج خلفة تريد تخربين عبتي..
ورايحة حنين كايلة لبهادر ورايح كاتلها..
اعوذ بالله ترى هاي مو عيشة شبيهم!صح
حنين تصرفت غلط بس حرام عليها
تعيرها بخلفة..اصلا حنين مابيها اي سبب
والدكتورة تكلها بيوضج نشيطة وجاهزة
للحمل..بس بعد قدرها ماكو هسه..
لا طبعا والخلفة بيد الله بس بعد عقل
نسوان جاهلات..المرة اذا صارت جاهلة
غسلي ايدج منها..
هم صح..هسه شنو فضت؟
اي بعد مو اول مرة يطكها بالنسبة الهم
عادي..
حيادر عيشتكم حيل صعبة..
شيهانة حاجيلج عنها..وكتلج عذا واقع حالي..
صبري وتحملي لخاطري..لان هاي عيشتي
واذا ماتحملتيها يعني ماتحبيني..انا
اكلج لا اطلعج ببيت ولا اعزل مااكدر..
ماطلبت هالشي..
ادري بيج وادري بنظافة كلبج..بس لازم
اذكرج..
صح..انا نعست كلش انت مانعسان؟
نعستي؟
اي كلش..
لا بعد نامي..حجه بانزعاج..
وانا بقيت مغمضة بس مانايمة..واكيد
عرفني مانايمة لان اتحرك كل شوي احوس...
الى ان غفيت صدك..
كعدت نص الليل ساعة ٣ تقريباً..حسيته
شابكني من ظهري ويتلمس..
حاولت اتسحب لان نعسانة بس لمساته خلتني
بسرعة اتجاوب ويا..
شفافه يم اذني تهمس وتبوس..
الى ان نسيت نفسي..
بعدها بقيت نايمة بحضنه وهو بظهري..
حبيبي تأذيتي؟
يعني بس حلوو..
جرني لحضنه اكثر وباسني..لك غير
تسوين واهس خررب ..
ماااا عوفني انام..
هههه نامي نامي..بقيت ع نفس نومتي
ماكمت..
الصبح كعدت ثمانية ونص..هو نايم بعده..
كمت اخذت ملابسي ورحت للحمام..
دخلت وفتحت الماي..اريد اخذ الشاور اليف
لكيت العلبة فارغة!!عزا هذا اكيد جابي ..
وانا اكره ريحة الصابون..
اليف بشامبو ولا صابون ..فتحت الشامبو
صبيت بالليفة نزل بس ماي..
افففف بي لا الجهال لاعبين بي ..انوب الحمام
بس صابونة عادية وشامبو عادي اضوج منهن..
صابونة وجهي همزين لكيتها..
ليفت بيها وغسلت شعري بكونديشن وطلعت..
لاكاني بالممر بهادر جاي للحمام..دار وجهه
وعبر حتى ماصبح..
اي عابت الله يستر من هيج صباح مصبحته
بوجهك جنك قرنابيط..
رجعت للغرفة ..جاي امشط وكعد حيادر..
صبااح الخير..
صباحو حبيبي..
ليش سبحتي ..حجه وهو يطكطك عظامه..
غير وصخة ههه..
منيلج دومج تلمعين..شو تعاي بحضني..
كوم اسبح..
تعاي اول وتالي تسبحين بعد..
وماقبلت اروحله هو كام واجه يمي..
وبقى يتحرش وانا ضعيفة ويا مااقاوم..
لحد ماتمددنا بالارض ثنينا..
ههه تذكرت تبارك من شافتنا..شكد عيب
انوب حاجية ..
اي مو اكلج بيبيمتو هاي ماتسكت..
يلا بقت عليها وانا صوتي من اول يوم
تخزيت وانسمع..
لا ولا يمج اصلا..ماتشوفين مالحو بالموضوع
لو حجو..
لان بكل عرس يكعدون قريب الغرفة ينتظرون
حتى يسمعون الصوت ترى من ضمن المراسيم..
عزااا..بس من طلعنا للحمام ماشفناهم..
اي بالغرف كاعدين..
زين اكلك انا اهلك احفظ واحد انسى واحد..
منو يمنا هنا فوك غرف منو..؟
هنا غرفة جابر وبهادر..وغرفتين لخواتي من يجن
وللكرايب من يجون يباتون ..
والمخزن كلش بنهاية يم درج السطح..
باعي القريبة كلش من الحمام غرفة جابر..
بيها هو ومرته وابنه عمره ثلث سنين..هو عنده ولد ثنين
واحد ١٥ سنة وواحد ١٢ هذا وليد الكتلج احبه
وخوش..
ايي..
وبنات  تلاثة..نغم مرت عادل اخو هاجر تعرفيهم
بعد..
اي طبعا..
وتبارك وبعد وتقى عمرها ١١ سنة..
يعني البقية الهم غرفة وحدهم جوا؟
لا وي بيت عادل ونغم بالملحق الولد..
وليد واسماعيل هناك الهم غرفة بهذا
الملحق الدخلنا بي خلوه لولد جابر ..بس بالليل
هناك بالنهار كله هنا..
والبنات هنا يعني..
اي بنات جابر ومنذر جوا الهن غرفة..
وهو منذر ومرته وبتهم الصغيرة الهم غرفة
جوا وغرفة امينة بالنهاية تعرفيها..
وغرفة امي وابوي..
وغرفة لليجي مثلا بيبيتي تجي يمنا
تبات بيها وهيج شي..
والديوانية الزغيرة والجبيرة والهول الزغير
و

الهول الجبير..
ها اندليتي لو يرادلج جي بي اس..
هههههه لو مسجلتك وانت تحجي مو اضبط..
هههه بعدج تاخذيلج شهر تحفظينهم كلهم..
كومي خل نسبح اليوم اهلج معزومين يمنا..
ايي فديتهم..بس اكلك اريد اغسل ملابسي
شلون..
بلة الفرشة انت صعدتها والملابس شلون؟
شريهن جوا اكو حبال متروسة الصفحة الورا..
يعني ورا البيت؟
باعي جهة الحديقة وين السدرة..ورا ماتعبرين
الملحق..اكو صفحة هنا للهدوم تكدرين
تطلعيلها من المطبخ..
بناتنا من المطبخ يرحن الها وهم احسن
محد يشوفج..
هاا مو اكول شفتهم يطبخون بحديقة ورا المطبخ عبالي
مسدودة..
لا بيتنا مدور ماكو شي مسدود..
كومي حضريلي هدومي خل اسبح صارت بالعشرة..
اليوم محد دك الباب خاف ينشمرون من السطح..
هههه يخافون منك..
مايجون الا بالعين الحمرة..
لا بعين الذيب هههه..
شيطاانة..حجه وهو يركص خدي..
كمت حضرتله ملابس واخذت ملابسنا
الوسخة ..
تذكرت الشامبو مخلص استحيت
اكله هسه يكول نمونة قابل..راح قبلي
للحمام وانا انتظره بالغرفة..
حضرتله دشداشته ووكلشي يريده..
ىكعدت انتظر..
شوية ودخل ينشف بشعره وخاولي
ع كتفه..
نعيما حبيبي..
الله ينعم عليج..انت عايفة غراضج بالحمام
وطالعة؟
اي..
جا بيش تسبحين هسه وهن مخلصات؟
عادي لحد ماشتري غيرهم..اوصي ماما
هسه تجيبلي وياها..
وليش توصينها انا شنو؟؟فزاعة؟
لا حبيبي غير عريس وين طالع بلة؟
ماتطلع اريدك يمي..
ههه مااطلع اوصي وليد وهو يجيب..
اووكي لعد اسبح هسه هيجي سبحة سريعة..
روحي ومن تخلصين نزلي حتى تلحكين
تتريكين..
اوكي..
طلعت للحمام سبحت ع سريع وطلعت
بدلت ولبست ذهبي ..اكثر شي يضايقني
هولان ثكيل ولازم البس وانزل كلساع..
ترتبت وتعطرت وخليت ميك اب خفيف
ونزلت..
جانو كاعدين بالصالة اهلهم من جهة خوالهم
لان يتشابهون..
سلمت عليهم ردو السلام بثكل..والجهال
اجن يمي..
شلونج عروسة الله شكد حلوة ايديج
وظافيرج..
بس بيبيتهم صاحتلي..تعاي يمه صباح
العافية..شلونج جدة ..
حبيبتي بيبي الحمدلله ..
روحي اكليلج لكمة لا تنهرشين مثل امس..
اي هسه رايحة..
رحت للمطبخ متجمعات بنات وي نسوان
حمويني يطبخن..
سلمت عليهم ويباوعلي بنص عين..
انا استحي اكل لو اسوي لفة..رحت للبراد شربت
ماي..
حجت حنين جانت تنظف خضرا..الاحظ
حنين كل ماادخل يعني تسوي خفايف
بس الطبخ ع الكبار يمكن لان عدهم خبرة..
ها عروس شمسج عالية راح تصير ب١٢..
اي صح ههه..
اكليلج لفة بعد وكت غدا واهلنا ع جية..
حجت بنية يم جدر التمن تكلب بي..اخذيلج
تشريب حبيبة سندي روحج بي
شلج باللفة وانت شابعة بغز طول الليل..
والبقية طكوها ضحكة اليمها وبقت دموعهن
تصب من الضحك..
بس انا مافهمت حجايتها..
لا شكرا مااشتهي..حجيتها ورجعت للصالة
انتظر الغسالة تكمل حتى اشر ملابسي..
شافتني بيبي سالت..ها يمه كليتي؟
لا بيبي اريد انزل الملابس اشرهتا وانوب
اكل..
دخيلج اميزة بيدج وانت تمشين اكلي..شبيج
يمه الوادم تمشي وتعلف جنها هوش..
وانت تاكلين بالگطارة..
جان يمها ماعون فاكهة..كالت تعاي اخذي
من ايدي هالموزة واكلي..
اخذتها منها اكلت بس بلا نفس..ضجت من
ذني ضحكن علي وماعرف شنو معنى
حجايتهم ..
ابد ماكو احترام عدهم..
كملت الموزة واخذت الكشر للمطبخ اذبه
لان اذا اذبه بسلة الممر يصير بك ..
قريب ادخل للمطبخ واسمعهم يسولفون..
جا خية شني حتى ما تعين امها..وحنين تجاوب..
لا جانت تكعد العصر..اصلا مرات
تجيهم خدامة تشتغل..هي خلصت عمرها
كله تخاف ع اظفرها..
اي جا خوش امهات ظافير هن فالحات ..
شفتن حيادرشجايبلها...وهي شعرها بطول كذلتي..
سكتيي فرت فور من شفت قراريصها..
ولج انوب شعرها اسود وقراصيتها ذهب ماكاعدة..
لو البسها انا وي الميش تطلع تزهي..
بعد انا ماشفت بس سمعت من عمتي تكول
قراريص ذهب ثنين جايب ..عمي هذا زين
ماخذاله وحدة مثلنا متربنة وصدرها متربع
جان صاغ..ذهب..
هههههههههه الله ياخذج ولج جا يسويها مايقصر
وياها حبوبة..مو تكول حنينة طاكة ليزر عشطو
وانا الموس يبرالي عد اهلي وعد عيالي..
ولج اييي من جنا صغار سوت ليزر هي وامها
عاد امها شتسوي تسويلها..
جا من يستحن يتصلخن كدام الغرب..
لا عود نظافة بس تدرين صدك نظافة
احسن من التعب..هسه هي بس رجليها وايديها
تسويهن شايفة شكد فرق..
اي عشتو ياهو ياخذنا نسوي..للدكتورة لو مانموت
كدامهم ماياخذونا..
عود انا ردت بس بهادر مايقبل يكول غالي..
اي جا مليون مدري شكد عليمن يو..
هالحجي كله انا واكفة بالباب واسمع..
تمنيت ادخل امسح بيهم الكاع وارزل..بس لان
امي ع جية اخاف تسمع ..سكتت ماحجيت
رغم هن مسترسلات يحجن..دخلت هن بقن
يمتمتن حتى يبدلن موضوع..بس ولا كأني اشوفهن
ذبيت الكشر وطلعت امشي بكل هداوة وافر بروحي..
صعدت فوك طلعت ملابسي من الغسالة وشلت
السلة ونزلت..
رحت للمطبخ هن كاعداتزيم الباب والجدورة برا..
من رخصتكم اكدر افوت؟
يا اي حبيبة عبري..دربالج ثوبج لا يلفحه
الجدر..
لا عادي ارفعة..
شلت السلة بيساري وهي مابيها هواي ملابس..
وبيدي رفعت ملابسي ومشيت من يمهم بدلع..
بس مسافة طويلة وانا عبالي الك

ى الحبل كدامي
كلش طويلة المسافة..
اخر شي لكيت هواي حبال وعليهم قراصات..
شريت الملابس وقرصتهم..وجان اكو حبلين عليهم
ملابس هم..
بعدت ملابسي عنهم لا يختلطن..
اخذت سلتي ورجعت وكلولي البنات..
اجو اهلج توهم ..
اي كل الهلا بيهم..حجيت وعبرتهم دخلت
جوا..
ماما اول ماشافتني اجتلي بسرعة..شبكتني
بلهفة وبوستني..
وسلمت ع مرت عمي وهند وكعدت يم ماما..
شلون خو ماتعبانة..تحتاجين دكتورة نسائية؟
احنا مو بناتنا ورا العرس تروح تراجع انت ماتروحين؟
لا ماما حيل زينة..والغسولات عندي ماحتاج
شي..
شلونه رجلج وياج كون مايلح؟
ههه لا يهتم بصحتي اكثر مني..
الحمدلله..
بقينا نسولف والبنات مدو السفرة والاذان
جاي ياذن..
كمنا فرشو السجادات..وصلو كلهم سوا.
انا صليت جوا وياهم..
وبعدها كعدنا اكلنا..وحجو لماما شلون امس
لعبت نفس من الكراعين..
وكوة ضبطت نفسي من تذكرت..
اتخيل العجل من يدوس بالطين لو يتلف
نفسه وتالي ياكلون رجله استغفرالله..
لورا الظهر اهلي راحو ..بعد ماشفت بابا
وشبكني بالربع ساعة وانا بحضنه ويسولف
وياي بالديوانية الخارجية..
لحد ماراحو حيادر وصلهم للباب ورجعلي للديوانية..
شافني الدمعة بعيني..
ضحك وحجه..المهيي يمشي وعينه علينا..
هسه لو بيده يحجي يكول لا تقفلون بابكم عليكم
الشيظان شاطر..
لا تحجي عليها..
هههه احبها ولج..
صدك ع سيرة القفل نسيت اقفل الغرفة..
اووف اعرفج تنسين ..امينة وين؟
اليوم كلش تعبانة توها جانت يمنا..
دمشي نصعد امشي..
استغربت من ردة فعله ضاج من عرف ماقافلتها..
بس مو حالة ومامتعودة هيج انسى..
صعدنا وجان الضوا مسدود فتحه..
الاحظه يتفحص الغرفة..عبالك يتاكد
كلشي بمكانه..
قراصاتج وين؟
هنا بالكنتور..
لبسيهم وفتحي شعرج احب اشوفهن عليج..
اوكي..
طلعتهم واخذت المشط عدلت شعري..واصل لكتفي شوية..
فركته وسويت كرون وحطيتلهم القراصات..
هو كعد ع الجرباية وباوعلي طكها
ضحكة..
خررب لايكلج كلش..
اي شوف شون حيلوك اكثر..
طلعت تنورة قصيرة كلوش رصاصي
قماشها فيزون
وياها بدي ربع ردن ابيض..
كمت لان جنت ابدل بالارض..رفعت اصابعي..سربرايز..
لالالا ماكو هيج حاتة ترى..
ياا شنو هالحجي..استحي انا عنونة ماما ماتقبل..
ااااخ بعد مالها حق تحجي تعاي ولج..
اجيت يمه وهو يأشرلي ع حضنه وانا
اهز راسي ما..
كعدت يمه ع السرير..ابتسم بنظرات حلوة..
شلون قبلتي بيه ؟
لان احبك..
الحمدلله شكد منعم..
جاي نسولف ودك فون حيادر..جاوب..
هاي شني؟اي وين لكته..يلا هسه
تنزل..
ها اي عشتي..سد الخط وباوعلي..
كومي لبسيلج شي واخذي الملابس من امينة
بالدرج..
ياا خطية لمتهم شكد عيب..
اي لمتهن لان لاكيله تبارك لابسه الاندر مالت
الرفيع براسها..
شنووو؟عزاا ..
اي مو اكلج بيها دودة ماتكعد الا تنكفخ..
كومي جيبي هدومج وتعي..
يلا رايحة..
لبست روب مالت بيت فوك ملابسي لفيته
ولبست الشال وطلعت..
جاي انزل الدرج وصوت سوالف وحجي
وهرجة..
نزلت امينة لكيتها يم الدرج..
قبل لا تحاجيني..حاجتني خالتي ام حيادر..
خايبة هذا شنيهي زين ماخنك الفرخة..
دهر عمي وين جانت النص چسوة وهسه
خيطين ..
واليمها سفيهات اقل شي يضحكن..
انا جاوبتها..ملابس داخلية ومايصير الاطفال
يلعبون بيها..
ولو طفلة وماعليها عتب..اخذت السلة
من يم امينة وهي نظرتلي كانما تكلي عفية..
صعدت السلة الظاهر مالت امينة لان جبيرة
مو مثل سلتي..
اخذتها ودخلت للغرفة متضايقة..
حيادر جان يخابر..بس حطيت السلة بالكاع كام..
انا راح انزل..
عمامي كلها اجت ..وتدرين بيه اعزهم وزحمة
يتانوني للمغرب يلا اروح يمهم..
لا عادي هم عيب منهم..
كام باس راسي وحسني ضايجة..
لبس ملابسه وطلع..
ذبيت الروب وضجت ماتسوى بدلت ع موده..
كعدت ارتب ملابسنا بالكنتور واطلعاي لبسه
البسها..
اندك الباب وانفتح..
التفتت شفت خالتي ومرت جابر وحننين ووياهن
نسوان وبنات..
بقن باهتات وانا هم بهتت من دخلتهم فجأة..
امبين ينتظرن حيادر يطلع ..
هلهلو وسلمو عليه..بنات عمه اربعة
ونسوان عمامه ثنينهم..
حنين بقت صافنة عليه بلا ماتحرك ساكن..
ومرت جابر كعدت ع الطابورية..وشي تباوع بوجه
شي..
سلمن عليه النسوان وكالن عذرينا دخلنا
فجأة..
ابتسمت..لا عادي بس بعدني مامبدلة ههه..
المن تبدلين شحلات لبسج جنج ابنانية..مايسموها
لبنان لا ابنان..
وانا بقلبي احجي..هي افخاذي طالعة بعد
ياابنانية تفشلت..
حجت مرت جابر..قراريصج حلوة..
مشكورة عيني..
حنين بس تباوع ماحجت ولا نطقت..
بنات عمامهم حلو اسلوبهن ومثقفات..لا حجو
زايد ولا تدخلو مثل بيت خوالهم..
بس مرت عمهم حجت بضحكة..حيادر خوش
مطلع حيفه بالزراك
انا دنكت خجلانة..
بس مرت جابر من يمها لبكت..يا شاها شني
عندج دوالي..
باوعتلها مستغربة..لا ماعندي..
جا شني طالع من جوا التنورة زراك وحمار..
للحكاية بقية

الشيهانة
الجزء الثامن والعشرين
قبل لا اجاوبها ردتها مرت عمهم..
شنهي حاطلتج سونار وتفحصين حبوبة..
بعد عرسان كلشي يصير بينهم..
اي يمه حبيبة غريفتج شحلاتها مرتبة ..شكد
داخلة لغرف عرسان كبل ..بس هاي اول
مرة ينشرح صدري..
ياخالة فدوة لعمرج تسلمين..انا احجي
ومرت جابر سكتت بعد ماحجت..
وكملت مرت عمهم الثانية الكلام..يمه
اخذيلج مني حجاية وانا مثل امج..
والنعم خالة..
غرفتج دايما مسحيها بملح خشن..
عدجن ملح خشن ام منذر مهو..
اي خية عدنا البنات دايما يمسحن بي
البيت..
اي انطوها تمسح بي يجيب البركة..
بيت عمامهم خلال لقائي بيهم كلش يختلفون
عنهم..
نسوانهم الكبار وقورات وحبابات من نسوان
قبل..
وبناتهم كلش هادئات وماعدهن لطلطة..
ع العكس من جهة خوالهم..احسهم يردولي
زلة ويحاولون ينتقصون مني..
والادهى ..بت عمي
والي يوم من الايام حاسبتها اختي ومفضلتها
ع نفسي..هي وياهم ضدي..
بس حلمهم يكدرولي او يمسوني بشي
وانا بت فيحاء ووحيد..
شوية وكامو راحو..انا غيرت ملابسي
وكعدت قريت ودعيت قبل الصلاة..
ع مااذن وصليت..
خلصت وحيادر ماكو..
خابرته كال اذا خلصتي نزلي يمهم..
ولد عمي يمي بس يتعشون
ويطلعون اجيج..
انا تعدلت وقفلت غرفتي ونزلت..
بالدرج الجهال يلعبون..شفت تبارك
تركض وي ولد اكبر منها ..اجتلي ركض
صرت ع جهة زين مادخلت ببطني..
والولد الوياها يكلها زين ماطكيتي العروسة
ام كذلة المهلوسة..
انا باوعتله وفاتحة حلكي بفهاوة..تالي بقيت
اكركر من الضحك..
شنو من اطفال ذول
عجيب..وين الاحترام وين الضيم ماكو هيبة
لجبير شنو..
صدك شر البلية مايضحك..ولو اطفال ماعليهم
عتب العتب ع الرباهم..
نزلت وهم كالعادة معشعشين بالصالة..
باوعت امينة متمددة..سلمت عليهم
ورحت كعدت يمها..
ها سلامات شبيج؟؟
هلا حبيبة..يمه النزف ماخذني ومدري
شسوي احتاريت..
غير تروحين للدكتورة شلون تسكتين!
رحت وهالعلاجات ماجاي تفيد..انطيج
اسم دكتورة ماما كلش مضبوطة
وروحيلها يمكن تفيدج..
علواه حصلي الي حتى باجر اروح..
اي بعدين اخابرها واكلج..
شفتي هدومج خو ماناقصهن شي؟
لا ..مابيهم نقص..بس استغربت يعني طفلة
شلون تلعب بالملابس قابل مشايفة هيجي
عد امها..
يمه هي امها شتعرف هايشة انطيها علف وخلفة..
دربالج منهن ترى ذن حياية..وانت درة
بيضا ماعدج دغش..
الله كريم..انا مااكرهم ولا عندي شي
وياهم بس هم هيج حاقدات ..
يغارن يمه..زلمهن سايكين عليهن مثل
ماينساك المطي حشاج..
اي ليش مو خطية!طبعا يضوجن..
من ايدهن..رجلج ع ماتعلمينه وابنج ع ماتربينه..
مالج غرض بيهن عدج حيادر يسوى
عشاير..
الحمدلله ربي يحفظه..
بقت تسولف وياي شوية عن اهلي وهاجر..
بس طول مااحنا نسولف خالتي عينها علينا..
ومن صبو العشا امينة كالت سنديني اكعد لان
ماشتهي اكل بحدي..
سندتها ووصلتها للسفرة وكعدنا..
جاي اكل ودك فوني..جاوبته حيادر..
هلو حبيبي..
ها شيهانة شسمه شامبو مالتج..والغسول وشنو
رايدة بعد..
انطيته اسم الشامبو والغسول وصابونة ..
بعد عاجبج شي..
اي انت ..حجيتها وانتبهت لليمي تفشلت
وهن كلهن يباوعن..
وهو ضحك بصوت عالي..جايج بعد طوايفي جايج..
سديت الخط منه وانا اضحك بخجل نسيت
نفسي يمهم ..
سديت الخط وبيبيتهم كالت..خايبات شعدجن
مبگگات عيونجن البت خابرت ريلها ..شني
ماتخابرن زلمجن..
بقن يضحكن ومتعجبة عليهن يترزلن لو
ينمدحن هن يضحكن..يمكن متعودات ع حجيها..
خلصت العشا وكعدت يمهم..
جاي يشربون جاي ومرت خالهم كاعدة بصف امهم..
باوعت لايدي وحجت..اكلج هذن ظافيرج
لزك لو صدك؟
لا اظافري ذني مو لزك..
جا شلون تسبحين تتوضين نكسات هيج؟
جاوبتها خالتي..اي جم يوم يتكسرن وتكصهن..
بت عمها من دخلت هم ظفرها ظفر حوم
بس اشتغلت تكسرن وكصتهن..
لا البس كفوف مااقصرهم..ونظيفات مابيهم
شي لان انظفهم بفرشة ومعجون ..
جاوبتنا مرت جابر..خايبة سني اتعاجز
افرجة هنوب ظافيري ..شني من خلك
عدج..
واليمها كالعادة نزلت السفاهة عليهم..
12 Signs You Want To Stay With Your Girlfriend Forever
جاوبتها وانا ابتسم..النظافة والعناية ماتحتاج
خلك..يعني ابقى مبهذلة لان مالي خلك!
بالعكس اذا ضايجة من اتنظف واكشخ يتغير
مزاجي وحتى لو مالي خلك يصير..
بعدج هسه تحجين عود جم شهر واذكرج..
اي انشالله نذكر بعض ليش لا..
من شافوني هيج دارو الموضوع وبقو
يسولفون غير موضوع..
حنين اجت جايبة مواعين الفاكهة..ووياها
سارة اخت هاجر وتقى بت جابر وبعد
بنات خوالهم ماعرفهن..يلا وزن بنات..
شاها اخذيلج لغرفتج موزة شي خاف تجوعين..
لا مااشتهي اكل بالليل بعد تعشيت..
مو تفقدين طاقة..حجت وركصت حاجبها..
اذا فقدت عود اعوض من حيادر..حجيت
بابستامة..
وهن بقن يضحكن كلهن..
سمعت صوت حيادر من بعيد..ياالله..
شيهانة وينج..
صاحت امه..تعال محد هنا ادخل..
دخل هو وبيده علاكتين..الله بالخير..
هلا بيك ..جاوبو كلهم..
شنهي بعلاكتك راوينا ..
شامبو لشيهانة لن عايفته بالحمام ولكتهم
شاربينه..اذا شفتو واحد وغف يعني
هو الشارب الشامبو..
هن سكتن كلهن..لان حجاها باستهزاء..
وكلب يلا

شاها..
صعدت وهو وراي..طلعت المفتاح وفتحت
الباب
ودخلته من جوا وقفلت..
هو حط العلاكات وشبكني..مشتاقلج ولج
خو مازعلتي من مساع؟
لا عادي بس عيب تعوف بيت عمة وحدهم..
زين ومن سالفة تبارك..ترى جاهلة وامها
مسكطتها..
ع كولتك طفلة مانكدر نحكم..يلا مو شي جبير
انسى..
بعد عمري العاقلة..شيهانة معدلة انت..
انا جبت بقلاوة وكنافة جيبي خل ناكل..
اي هسه ..اروح اجيب ماعون بس شلون
انزل استحي توني صاعدة..
لا المن ماعون..جيبيها هيج احسن..
فتحنا العلاكة واكلت انا ويا وبقينا نسولف..
لحد ماتمددنا ع السرير ..اجت ببالي حجاية
بنات خالة الصبح..
اريد اعرف معناها..
اكول حبيبي شنو يعني يبغز..؟
ههه ليش منين سمعتيها؟
يعني شبيها عيب؟
مو دائما..بس حسب الجملة التجي بيها والمقصد..
اها يعني شنو معناها..
يعني يبز لو يزرف هيج شي ..
عزااااا !!!
نززتيني الله يلعن بليس شنو!
ذولا بنات خوالك الصبح من شافوني
كالو اكلي تشريب لا تتريكين تحتاجي
يقويج لان حيادر يبغز بيج..
هو ملامحه انكلبت من حجيت ورفع حاجب..
وانت شجاوبتي..
كتلهم ماشتهي لان مافهمت شيقصدون بس ضجت.:
يرحلج فدوة ذني فاصلات عذريهن..ياهي
الحجت اكيد تحرير لو انتصار..
شسالفة الحرب العالمية هههه ماعرف اسمهم..
ههه ام لسان ..حفظي اسماء حتى التاذيج
كليلي عليها..
لا تخاف عليه مااسكت انا ترى..
ادري بيج كفو..
مر ع زواجنا عشر ايام..والوضع نفسه
جان ..يوميه يجون خطار وهواي ناس وهوسة..
لحد ما زين خفو كلش..بس نسوان
خوالهم يمرون ..لان اصلا متعودين من قبل هيج..
نفس المنطقة وبيوت واحد يم الثاني..
بس بيت عمامهم بظهر البيت صايرة بيوتهم..
رجع حيادر لشغله..يطلع بثمانية ونص ويرجع
الظهر وي الاذان ..يتغدى ويرتاح وقريب
العصر يطلع..
ورا طلعة حيادر يوم ثاني من رجعته للشغل..
اندك الباب وانا جاي امشط..كلت اكمل غرفتي
وانزل اشارك بالشغل لان مايصير بعد كاعدة
وهم يشتغلون ..
بعد ماكايلة منو انفتح الباب..دخلت حنين..
صباح الخيير..
صباح الخير..
اذا خلصتي عمتي تكول ختنزل تساعدنا ..
اي اخلص غرفتي وانزل ماعندي شي..
خوش انا رايحة هم انظف غرفتي ..اذا سالتج
عني كليلها تنظف غرفتها..
اوكي..طبعا احجي وياها برسمية ومعتبرتها
حالها حالهم..
خلصت غرفتي واخذت جفوفي وقفلت الباب ونزلت..
خالتي كاعدة ويمها عمو جاي يسولفون..
والجهال يلعبون يمهم..
صبحت عليهم وجاوبو..صاحتلي خالتي..
تعاي ليجاي خن افهمج..
رحت يمها وحجيت ..اي تفضلي..
باعي حبوبة بعد مدام زلتج طلع لشغله..
انت تنزلين تعاونينا بكلشي نسوي..
شو كعدي وسمعي..
كعدت وانتظرها تحجي..
باعي احنا الريوك كل وحدة تسوي لزلمتها
وجهالها..
بس الغدا لا..ام عادل هي التطبخه..وتساعدها
بي نهاية مرت يابر وحنينة تزهب الخضرا
الزلاطة هيج سوالف يعني..
والعجين تعجنه نغم وتخبز نهاية وسارة وتساعدهن
تقى..
والعشا حنينة والبنات الصغار وياها اذا جان
ماعدنا خطار..
بس دامج جيتي ..بعد اماعين الغدا عليج لن جانت
ع البنيات الزغار..والعشا تتعاونن بينجن بماعينه..
والتنظيف عليج الفوك وعلى البنات الجوا..
يعني هسه اروح انظف الفوك ؟
اي اخذي غريضاتج وصعدي نظفي..بس
كون شغل معدل ..
هي تحجي وعمو يفر بسبحته ويسمع..
من كمت اريد اروح انظف حجه..بوية
حمامجن الفوك حط بي صايونة طوز واحد
يغسل..امس صعدت احتاريت بيش اغسل..
اي بس وين الكى الصابون؟
روحي لام عادل يمها الچيل كله وتندل..
اي انشالله..
رحت من يمهم وانا البس بجفوفي..
دخلت للمطبخ ام عادل الي هي ام هاجر شافتن
وابتسمتلي..هلا عروستنا تريكتي؟
اي تريكت وي حيادر ..
بالعافية حبيبة..
الله يعافيج ..اريد صابونة للحمام الفوك..
بلة دخلي للدهليز شوفي تلكين بي..ماظنتي عدنا
لن حيادر ذيج الايام ماراح للسوك وعايزنا
واجد مسواك..
هم يسمون الستور او المخزن التابع للمطبخ دهليز..
اخابره واكله يتسوك تردين؟
علوا خية بلياه بالضيم احنا..
زين كتبيلي قائمة شنو تردون وادزها اله..
هسه اروح انظف الفوك..
يولي انا انظفه عنج بعدج عروس..
لا عادي..
صعدت للفوك..اباوع منين ابلش..تالي
بلشت بالحمام اول شي..خليت بي صابونة
وسويتلي خلطة منظفات وغسلته وكملت..
وبعدين طلعت لغرف الخطار هم نظفتهم وهواي
هوسة لان الجهال يدخلولهم..
الحمدلله انا سريعة بالتنظيف واحبه..ماورطوني
بطبخ..
كملت تنظيف وطلعت مبخرتي فتحتها
بالممر..
دخلت غسلت وبدلت ملابسي ونزلت جوا..
خالتي ورجلها كاعدين بعدهم...ويمهم الجهال
رحت للمطبخ ام عادل ونهاية جاي يطبخن
لان هم وي الاذان لازم الاكل جاهز..
سالتهم اساعدكم بشي..جاوبت نهاية..بت عمج
اليوم ملتهية مانزلت..تعاي طلعي الخضرا
وغسلي الخس..
رحت طلعت الخضرا وكعدت اقلمها مثل
ماشايفة ماما تشلع عروكها تخلي بس الناعم..
انتبهتلي نهاية ..
يا فلكككك شسويتي بالخضرا!
ليش شبيها؟
كطعتيها تكطع جا هو هيج حتى خضرا ماتعرفين
تلكطين..
بالعكس هيج انظف..
حجت ام عادل..نهاية خليها تذب عروكها يوكفن
بالبلاعيم..ونشوف اذا قبلو عليها اليوم انوب
نصل نذب عروكها..
ياخية شكد يرا

دلها كعدة تشلع الكلب..
لا شوفي شاها بسرعة خلصتها ماطولت..
هي ماعجبها بس سكتت..
كملت الخضرا واخذت الخس غسلته وحضرت
مواد الزلاطة..
كعدت اثرم ودخلت علينا بت خالهم..نفسها الحجت
علي بالمطبخ ام البغز ..هي شابة
هيجي ثلاثينات عمرها..بس سوالفها مالت
عكايز او تكبر روحها كوة..
كواجن الله حبايب..
ياااع ليش تثرمين الخس بجفوف شنهي نكس..
استغفرالله حشى النعمة ..لا بس انظف وهى ايدي
تبقى ناعمة..
وهاي انت تضلين هيج لابسة جفوفج بكل سالفة
حتى تضلين ناعمة..
اي عادي بس وقت الشغل..
جا خوش..وينها حنينة ماكو يمجن..
جاوبت نهاية..اليوم عدها روحة للدكتورة ..
اتاني بهاد يحل وياخذها..
هسه شلزكت بهاي دكتورتها جنها ماتفتهم شي..
اذا هي بيضها كبار جا ليش ماتحبل..
بعد كلتلها خل يفحص بهادر..وع اساس
يفصحون اليوم ..
اي بيها الخير..
وانت حبيبة شني ماعدج لعبان نفس شي
شياتين..
كللش عندي لعبان نفس..حجيتها وقصدي منها
المنافقة..
اي بيها الخير..لا انت امبينة من وجهج بيج
فرخ..هو رجلج نفس عمي حيد..وهم ماناطيج
فكة ..
كلشي بيد رب العالمين هو يرزق..حجيتها وخصمت
الكلام وياها..
كالت بحسرة..اي صدك ..
كملت الزلاطة بطاسة جبيرة كلش..وسالت ام
عادل شنو تريد بعد..كالت روحي حبيبة
صلي ماعدنا شي..
طلعت ورحت لغرفتي..شميت ملابسي ريحتها طبخ..
بعد لازم انظف وادخل مطبخ يلا ابدل ملابسي..
اخذتلي دشداشة ورحت للحمام سبحت واغراضي
حيادر جابلي سلة الها..طلعتها وياي للغرفة..
كملت وصليت وتمددت ..
شوية ودخل حيادر..كمتلي بابتسامة..
الله يساعدك حبيبي..
ويساعدج بعد عمري..
نزعته سترته واخذتها اعلكها..
هو ذب البنطرون ويحجي..شلونج اليوم ..
تمام ..ساعدتهم بالبيت..
تمدد بالفراش وكال تعاي يمي..
اجيت تمددت بحضنه ..باس شعري..خو ماتعبتي؟
لا تنظيف وخضرا ..يعني اشياء بسيطة..
اي انت نادرة ماينخاف عليج..
ههه نادرة بس مو بالاكل..
تتعلمين محد طلع من بطن امه يعرف..
اي يعني جنت اوكف يم ماما اتعلم بس ماجربت..
جوعان انت..؟
اي جوعان ونعسان..كامل غدانا..
اي كامل صلي وامشي ننزل..
لا روحي كليلهن يصبن ع ماخلص..
انا لبست ونزلت جوا..جانو البنات يفرشون
السفرة..
رحت للمطبخ ساعدتهم بنقل المواعين..
وكعدو يصبون ..
شوية ونزل حيادر..
تجمعنا ع السفرة كلنا..منذر ابو عادل وعائلته..وجابر
وعائلته ..بس حنين مانزلت وبهاد بعده بالدوام..
عمو وخالتي وامينة والكل كاعد..
حجه عمو..حَيدَر البيت مابي مسواك بوية..
اي بوية كتلهم يكتبولي اليحتاجونه والعصر
اجيبه..
اي وجيب وياك من هذا التغسلون بي هدومكم
ريحته حلوة..
شنوه هذا؟
مادري بس هدومكم بيها ريحة حلوة وامينة
كالت هذا شامبو يغسلون بي الهدوم..
انا همستله..اي معطر ملابس ينحط ورا التايت..
ها بسيطة انشالله اجيبه واذا محتاجين شي
تذكرو..
ياالله الحمدلله..حجاها وكام..شيهانة جيبي
الجاي وتعاي وراي..
اي هسه..
هو صعد وخالتي كالت..كملي الماعين وصعدي..
انا رحت للمطبخ انظفه ع مايخلصون..
غسلت الموجودات ونظف الطباخ والكاونتر
ووكفت انتظر ..
شوية ورحت دخلت..بعدهم كاعدين ويسولفون..
اشرتلي امينة..شيلي يمه مخلصين ترى..
وراحت لغرفتها..
كعدت الم والبنات محد كلهم كايمين..
بس الرياجيل
كاعدين يسولفون..
نظفت الصحونة بالسفرة كلها وانترست صينتين
كبار مواعين..
ماكدر اشيلهن شلون..
بقيت انقل شوية شوية..
اخر شي اخذت الصواني ورحت للمطبخ..
وبديت اغسل بس هواي مواعين وانا مامتعودة
هيج شغل..احس ظهري تشنج..
اباوع للجاي محد اجت صبت..
كلت مشكلتهم لان تعبت بعد..اخذت جاي لحيادر
وصعدت..
فتحت الباب باوعلي وصفن..شني السالفة
راح يصير العصر..
اي حبيبي غير كملت مواعين..
شجابج عليهن بعد..هذا شغل الزغار..
لا خالة كالت انا اغسلهم بعد..
بيها الخير..تعاي يمي مشتاكلج..
بس ابدل..
شلج بالهدوم تعاي شيهانتي..
اجيت يمه وهو كاعد ع الجرباية ورجليه
منزلها بالارض..عوفي الجاي ماريد..
اريد حليب..يحجي وياشر بنظرات وكحة..
وانا واكفة جرني كعدني بحضنه ..
حط خشمه ورا اذني ويتنفس..شيهانتي المدللة..
انا بحرارة انفاسه رجفت..
جرني لحضنه عدل واخذ شفافي..وانا ايدي لازمته
من ركبته واجره الي اكثر..
واحاجي كلمات شوق وغزل..وهو يزيد جنون..
اخر شي نمت ع الفراش وهو تمدد يمي..
جرني لحضنه ويحجي بهدوء..تدرين بالشغل ودكيتي
براسي..
حاجيته بثمالة..لعد ليش مااجيت..
ههه صبرت روحي بخيالي..
هههه ..ضحكت وانا احضنه اكثر..
ثنينا نعسانين بسرعة نمنا..
العصر هو راح للشغل وانا بقيت بالغرفة..
اندك الباب وانفتح..دخلت تبارك..بيبي تكول نزلي
يمنا كعدي..
اي هسه انزل ..
كمت لبست ونزلت يمهم..كاعدين كلهم
يسولفون وياكلون جاي وكعك..
بس نسوان طبعا..
شوية ودخلو بهادر وحنين..بس استغربت حنين
لابسة بركع ..هي جانت ما مبركعة بس عباية
وتحنيكة. مرات..
دخلو وخالتي صاحت ..اي عفية بحنينة زين
تسوين تبركعتي احسنلج..كليلي شكالت
الدكتورة..
هي اجت كعدت وبهادر راح للمطبخ..
عمة تكول بيوضج نشيطة ورجلج هم
بس خاف ملزومة لو مجبوس

ة..
اي جا مو كطعنالج شنهي بعد..
خاف مايعرفون لو نروح لغيرهم احسن..
اي نروح جا ليش..بس خوش تبركعتي
ماشفناج من طلعتي..
اي بعد احسنلي خو ماطلع جمالي للغريب..
وشاها احسنلج انت هم لبسي..
لا مالبس..حاجيتها بثكل..حيادر مايعجبه
هيج لبس..
يااع جا عاجبه مطلعة زرورج للغرب..حجت خالتي..
ونهاية كملت..حبوبة بعد حصلتي زلمة بلبسج
كافي ..
هالحجي بدخلة بهادر من المطبخ..
انا جاوبتهم..لبسي مستور ومحد اله حجاية عليه..
انا وزوجي متفاهمين ع لبسي ..ومالابسته حتىً
اجر بي زلم..الرجال اليجره اللبس هذا مايتسمى
رجال ..
حجه بهادر وهو واكف قريب من عندي..
ماهو بكيفج..اليوم يجي رجلج ونحاجي..شني
نسوانا مبركعة وانت مخلعة..
للحكاية بقية

الشيهانة
الجزء التاسع والعشرون
حجي بهادر صدك نرفزني وزيد حقدي
علهي اكثر..
وكفت وحاجيته..لبسي يخصني ويخص
زوجي وبس..
هو اليكلي شنو مسموح تلبسين وشنو ممنوع ..
اكلج شو لسانج يكنس ويرش..حجه بانفعال..
وخالتي هدت ..عاب حلكج ولج انت شنهي صلافتج
واكفتله طول بطول وتراددين..
فوك مايكلج انستري..جا متونسة على لبسج
تمشين وتفرين بيعبچ..
نهاية ضلت تضحك..بس انا مفهمتها ..
رديت عليها بكل هدوء..ماتجاوزت ولا عليت صوتي..بس لبسي عيب
تحجون بي اصلا..ووجهت كلامي لبهادر..بالذات انت رجال
يعني عيب تتدخل بلبس زوجة اخوك..
هيهيي..شوف اللسان عمي انا كلت انت انكس
من حويدر دامة جلب بيج يعني نفس شمرته..حجت
خالتي..وقبل لا اجاوب كالت نهاية..
عمي صلفات واحنا وحدتنا تخاف تحجي يشكون
حلكنا..
تقدم علي بهادر..رفعت عيوني وركزت عليه
بعصبية..اذا عندك شي روحي احجي وي
حيادر..واذا تريد هسه اخابره واكله يجي...
لا تخابرينه شاها كافي امشي يمنا بالمطبخ..
حجت ام عادل..ولزمتني من ايدي..
عفتهم ومشيت وانا اخزر بهادر..
اخذتني للمطبخ بس اعصابي
ترجف..كد ماانقهرت وخفت منهم لان
اذا ماشافو حيادر يتجاسرون عليي
كعدت وهي كعدت يمي بالارض..
عوفيهم حبوبة مالج غرض انت حيادر رجلج
وكلش كافية..
شفتيني انا البديت لو هم!
لا ادري بيج معدلة ومؤدبة..واعرف بت عمج آفة
وتريد تاكل كل الداير مدايرها..
هي قهري كله منها ..يعني جنت حاسبتها اختي
اختيي..
تولي خسرتج واصلا ميتة غيرة وحسد منج..
من كبل لا تدخلين لهذا البيت تحجي عليج
بكل مرة نتجمع لو صارت مناسبة..تحجي
عليج وماتلم حلكها..
لا عبالج جاي افتن لا وداعة فروخي..بس اريدن
احذرج..انت فقيرة ومتربية
ويجوز عبالج كلها مثلج..بس حبيبة انا بت عمهمومعاشرتهم
من جنت جاهلة..
وخذاني منذر حتى كبل لا اغسل..هنا عدهم
غسلت..
يعني شنو مالحكتي تسبحين..مافهمت..
هههه لا يعني قصدي كبل لا ابلغ..
نصت صوتها وحجت..اهلنا عادتهم اول ماتشب
البنية وتبلغ يزوجونها حتى لو بلغت وعمرها
عشر سنين..
عزااا ..لعد ليش زوجوج حتى قبل بلوغج..
مو انا طولت شوية لل١٤ يلا بلغت..
وعدهم ضليت لحد مادخل عليه..وخلفت فوكه
فوكه..انا زلمتي زين بس فقير وحجايته
مامسموعة..وامه وخواته لعبن بيه فلك..
شبعت كتل منهن واشكال الوان سون بيه..
لني فقيرة واسكت..
ليش اكلج فتحتي عيونج وياهن عدل ..ذني
عكارب سود اذا كرصنج ماينلحك
عليج..
ياساتر ياربي..يعني انت بت عمهم وماسلمتي
منهم..
لعد انا شراح يصير بيه..
لا انت مايكدرلج لنج مثقفة وتعرفين تردين عليهن..
وان مارديتي وسمع حيادر..يكلب
عليهم البيت كلاب..
يخافون منه لن تاويهم توي(مرجفهم او صاكرهم)
توي شنو ههه لا تضحكين علي بس اريد
افهم ..
لا حبيبة حكج..يعني صاكرهم..
اهاا..
رفعت راسها وحجت وي سارة جانت واكفة
بالمطبخ تثرم..
يمة سارة جا وين تقى شو بس انت تثرمين..
يمه يم نغم بطنها كلش واجعتها وراحن يمها..
سودة عليه هالفرخة مسيكينة ..فرخها نازل
وعدها وجع ..
راحت دكتورة لو لا..
اي راحت انطتها حبوب وابر..بس متأذية..
انا رايحة اشوفنها..سارة يمه هسه ادزلج البنات
وياج..
لا على شنو انا وياها ونكمل العشا..
لا يمه يرادلج كيلو بتيتة وبيذنجان تكلاه..اتعبن
هيجي هسه ادز البنات..
يلا براحتج..
هي طلعت وانا رحت يم سارة سالتها شنو اسوي..
سارة اصغر من هاجر ..عمرها ١٣ سنة..
بس كلش هادئة وفقيرة ..مثل امها بضبط ..
اخذت البتيتة اكشر وساكتين انا وياها..
دخلت حنين وهي تكنف ردانها..
ها حبايب شلونجن..
هلا ..جاوبتها سارة وانا لبستها مارديت..
اي مدامجن جاي تسون انا اروح اجيب
هدومي من برا..
طلعت وسارة تباوعلها بضوجة من طلعت
ملامحها رجعت طبيعية..
ها شنو تسوي هذا المعلاك؟
حميسة بس اخذي البتيتة كليها بذيج العين..
ها ..زين شلون اكليها يعني اصب السلة نصها
لو ارتب وحدات ..
لا هاي شلوف(اصابع _فنگر)ماتترتب انت حطيلج جفين
بالتاوة ..تشوفينها تنترس ويغطيها الدهن وعوفيها..
ها اوكي..
اخذت البتيتة وبلشت اكلي..دخلت تقى تركض..
تقى نفس طبع امها بضبط..بس مجاملة واليشوفها
عباله ملاك..بس هي العكس..
ها شاها عوفي منج انا اكلي..
لا عادي بعد بلشت..
جا المن لابسة جفوفج شني تخافين من الحرك..
لا انا ماعرف اشتغل الا بجفوف..
ها جا اروح انا يم نغمة تعبانة خطية..
راحت طلعت وبقينا انا وسارة نشتغل..
كملت البتيتة بعد ماسالت سارة مية مرة
اطلعها لو بعد استوت لو بعد ..
وهي وياي وتكلي لا صبري شوي لا ختصير
مكسبة..
هي كملت الحميسة وخلتها ع نار ناصية..
واجت كالت انا اكمل كلي انت سوي الزلاطة..
طلعت الخضروات وبديت اثرم..
هي باوعت للباب وحجت..عذريني خاف غثيتج
ومادري..
لا ليش هيج تكولين..
لان ضجت منج اول ماجيتي..صح جنا نحبج
لان هاجر تحبج..بس الحجي والوز ضوجنا منج..
وعرفنا طينتج نظيفة وما مثلهن حياية وحقيرات..
عادي المايعرفك يجهلك..وانا احبكم وماعندي
غل تجاهكم..
اي دريت بيج ..حجت ودنكت..
شبيج؟احسج عندج حجي؟
تعي يمي لا يسمعنا احد..
اخذت الماعون وتقربت يمها..ش

بيج؟
انا راح اموت اريدلي اخت حبيبة اشكيلها..
وانت تدرين اخيتي بعدت ومهي يمنا
وتلفون ماعدي عود نخابر من امي..
اي انا اعتبريني بمكانها وشنو تردين احجيلي..حجيت بابتسامة..
باعي اسماعيل ابن عمي جابر..يريدوني اله..
يااا بعد بعده ١٦ سنة صغير ..
لا بعد بعينهم هو زلمة ..ويتانوني..حجت ودنكت
يتانوني بس ابلغ نعرس..
استغفرالله..زين انت ماتريدي ؟
اموت منه ومن امه..وماريد ابتلش بيها..
ماتنحمل وتكرهنا احنا وامي..وناشبات ويانا
هي وحنين..كل يومية مطلعات حجاية علينا..
اي واضح الحقد عدهم اعوذ بالله..زين انت بلغتي
لو بعدج؟
لا بعدني..جني اتاخر مثل امي..
باعي اذا بلغتي لا تحجين ابد..ولا تحسسين احد
بهالشي..
جا شلون واحنا بيت واحد..
عادي قابل يدخلون وياج للحمام شمدريهم..
ووقتها انا اساعدج..بس انت ابقي ساكتة وحتى
اذا سالو ليش مابلغتي لهسه..كولي ماادري وبس..
جا واذا خذوني للدكتورة..
محد ياخذج غير امج..وامج سترج وغطاج..
يعني اكدر ماخليهم يدرون..
اي تكدرين ..واشياءج النسائية خليها بغرفة
امج حتى البنات وياج بالغرفة مايشوفوها..
اي صدك خوش فكرة..المهم اخلص من سمعي
الحقير..
بعدها انطلقت بالسوالف وحسيتها امنت..
انقهرت عليها وتذكرت شلون جنت عايشة
يم اهلي معززة مكرمة..وهالبنية وهي ببيت اهله
تحس بخوف تهديد..
كملنا كلشي حضرنا المواعين..الولد اجو
بس حيادر بعده لان رايح يتسوك..
خابرته كال اخذت خالد ونزلت احيب مسواك..
بقيت كاعدة يم سارة بالمطبخ نحجي..واجت
حنين اخذت ماي وكالت..تعالن هناك اجو بيت
خالي خلف_خال بهادر_
سارة كالت اي هسه نجي..هي راحت دخلت..
اكلج منو بيت خالكم خلف..
خية ذول بصفنا كلش..تعودين يومية يجون
خصوصا المغرب..يجون من المغرب
لنص الليل يطلعون..
بناتهم ذني السمان انتصار وتحرير وبيادر..
هاا عرفتهم..
اي ذني دربالج منهن كلش..يكعدن يمج يصعدنج للسما
بس تكومين انحشيتي وانكرضتي..
يبوو لعد خلينا هنا ماندخل..
اي احسن..
بقت يمي تحجي عن اهلهم وشلون بطلت من دوامها
رغم شاطرة  بس مقابل ابوها مبطلها من خامس
ابتدائي..
وهم ماعدهم بنية تكمل المهم تقرا وتكتب..
شوية وسمعنا صوت سيارة دخلت..باوعت من الشباك
اجه حيادر..
وكفت يم الباب وهو صاح يالله شيهانة وينج..
فتحت الباب وابتسمتله..الله يساعدك حبيبي..
دخل وهو شايل علاليك وياه وليد هم ..يساعد بختج
يمدللة..
حط العلاليك ع الميز وكل لوليد كمل انت بوية..
اي صار عمي..
انطيته كلاص ماي من البراد شرب وخلاه ع الميز..
سارة روحي صيحي لامج ..
اي عمي صار..حجته وراحت بسرعة..
بس طلعت سارة ابتسمتله..مشتاااقتلك..
هو عينه ع الباب وعض اصبعه يتحلف..متحلف ..قبل
لا يكمل حجايته دخل وليد المسواك..
هو سكت وانتظر وليد يطلع..
مااكدر اطوخ هنا حجاها بضحكة..امشي وياي
حضريلي ملابسي اريد اسبح..
بعيوني..بس المسواك شلون غير يتعزل عيب
اعوفه..
لا هذا شغل ام عادل هي تعرفله وتقسمه شلون
ماتريد انت ماتعرفيله..
يلا لعد امشي..
هو طلع كدامي..سلم عليهم كاعدين بالهول..
وصعد وانا وراه..
اول مافتنا للغرفةاخذني لحضنه ..حسيت باشتياقه الي..
شبكته حيل وبسته بصدره..
رفع راسي من حضنه واخذ شفافي ..بكل لهفة
بادلته بس مااكدر اتفنن مثله..
بعد لحظات ابتعد مني..
باوعلي ومبتسم..بعد عمري هالوجه الحلو ..
نعست عيوني وكتله..فديت عمرك انا..
كرصني من خدي وراح ينزع ملابسه..
وانا حضرتله الملابس واخذتها للحمام هي
والسلة ..
لحد مادخل نزلت..
توني نازلة الدرج وحجت خالتي..همي ايدج
وروحي وي البنات كاعدات ينكلن الماعين..
اي انشالله..
هو وكت الوجبة الولد كلها تكعد والبنات
يجيبن المواعين والجهال بين الرجلين تركض
وتلعب..
واليوم بنات خالهم موجودات ثنين كاعدات ..
رحت للمطبخ جاي اخذ صينية..حاجتني
نهاية..شني شبيها شواربج حمر..
ها!حجيت باستغراب..
خية مكان شواربج احمر ههههه شني مزينتهن..
لا يجوز لان غسلت وجهي..حجيت واخذت
الصينية وطلعت..
فرشو السفرة ووزعو المواعين..الكل كعد
بس انا انتظر حيادر..
حجه عمو..جا شنهي اتانين ماتاكلين..
ها عمو انتظر حيادر يجي..
عمو شنهي بوية صددددك جذييييب..هو حجه
وبقو يضحكون كلهم..
وهو يضحك باستهزاء..كولي حجي لو شيخ
حالج حال البنات..
تنهدت وانا اباوعلهن يضحكن..انشالله..كلتها
وسكتت..
بدو ياكلون وحيادر نزل..بلش ياكل بس
انا ماشتهيت احط لكمة بحلكي..اكلت بتيته
بلا خبز ..وماعون الحميسة بقى..
خلصنا عشا وكامو سارة وتقى وتبارك يلمون..
حنين راحت للمطبخ كلتلهم جيبوهم وراي..
انا حيادر كلي امشي نصعد نعسان..هو اعرفه
مايرتاح لبنات خاله حشريات كلش..
صعدنا للغرفة ..نص الدرج كال روحي
نسيت العلاكة بالسيارة هسه اجي وراج..
رحت للغرفة قبله بدلت وتحضرت..
واجه جايب كرزات وحب..كعدنا ع التكية
ناكل ونباوع تلفزيون..وبقينا نسولف ..سالته بفضول..
حبيبي شعجب اعتمادهم بس عليك بالمسواك..
بعد لان جنت اعزب وماعندي شي ..متكفل هالامور..
وهو جنت اطلع وي منذر من يتسوك..من صغري
اعرف شيريد البيت..ومنذر التهى وهم زحمة
جب

يرنا يتسوكلنا..
اي صح ..مو اكول ام عادل كالت معتمدة عليك..
اي هي خطية تبتلي اذا خلص شي بالبيت..لن كاضه
المطبخ وتعرف شتحتاج مو مثل البنات مايهتمن..
اي كالت خالة هي يمها الجيل ههه..
فدوة للحلك اليكول جيل بلة تعاي..
ههههههه..
يوم ثاني كالعادة كعدت الصبح وي حيادر
ريكته وتريكت..طبعا يتريك كيمر همزين
مايريد شي ينطبخ..
نتريك انا ويا بالمطبخ ويطلع..
وانا رحت نظفت الفوك..بس الحمام مسدود جان
كلت يفرغ وانظفه..
خلصت تنظيف ونزلت للمطبخ..حنين كاعدة
تفلس باكلة..
وام عادل ع الطباخ..
ونهاية تحشي الصبور حتى تاخذه تشوي..
ها تحتاجون شي؟
لا حبيبة مشكورة توج منظفة روحي كعدي..
خليها خاف تعتازين شي..حجت نهاية وهي تطلع الشواية
برا..
هلا بيها اذا  تريد تضل ..جاوبت ام عادل..
حبيبتي..حجيت بابستامة..شلونها خالة امينة
ماشفتها بالصالة..
اليوم خراب كلش..بحجرتها خطية..
لعد اروح اشوفها..
اريد اطلع وحجت حنين..شاها شكلتي ع سالفة
البركع..
مو كتلكم ذاك زوجي وحاجو!ليش ماحجه وياه
زوجج؟؟
يكول ماحب اتدخل..
ها زين طلع احسن منج..حجيت وطلعت..
ماشفت هيج حقارة..عجيبة هالبنية..
رحت لغرفة امينة..دكيت الباب مرتين..
صاحت ياهو تعال..
انا خالة..
دخلي حبيبة..
دخلت وصبحت عليها..جاوبت بتعب..
كعدت يمها وجهها اصفر كلش وتحجي
كوة..
ليش ساكتة عن نفسج خالة ..
يمك كلت اروح اليوم بعد مابيها مجال..
منو يروح وياج؟
حيادر ياخذني كل مرة..ويدز على بت صمد
تروح وياي..
لا عليمن انا اخذج لدكتورة ماما..
بس يرجع من الشغل اخلي ياخذنا..
يا حبوبة يمه انت عروس شيطلعج..
لا خلص العرس ههه..
هسه احجزلج عدها حتى من نروح ندخل بسرعة..
ينطيج العافية والضنا الصالح يمعدلة..
ابتسمتلها وكمت..
بس مقهورة عليها كلش..بالبيت محد يروحلها
لو يشوفها شبيها ابد..كلهم يعاملوها بفوقية
ومايردوها..
انا حضرتله ملابس وكتلها بس نخلص
غدا نروح حتى نوصل من وكت..
الظهر اجه حيادر وتغدينا..وبوقت المواعين
كلهن كامن بس سارة بقت وياي..
ساعدتني اخذتهن للمطبخ وهي نظفت الكاونتر
والارضية وانا غسلت وكملنا..
دخلت جوا حيادر كاعد يمهم بالصالة يسولف..
كال تحضري حتى نروح ..
سالته امه وين ؟؟
انا مشيت واسمع يكلها ناخذ امينة للدكتورة..
وهي انهدت بي وبقت تصيح..
عساها بالمووت المن ماخذها..انت تريد تموتني
امداك من بزر عساك لا صرت ولا فطرت ..
تحن ع الغريبة وتروكض بيها للدكاترة..ايي صدك
حظ.....
هو كام وكلها..يمه خليني ساكت لو عاجبج
تشوفين خبالي؟؟
سكتنا لصمنا حلكنا..حجت بصيحة..
هالحجي انا كملت صعدتي بس كوة رجليه
شالتني..
انقهرت حيل عليه..وانقهرت ع امينة عبالك
غريبة بينهم..
صعد للغرفة بس ضايج كلش..خفت احاجي..
حضرتله ملابسه واجيت اريد ابدل..
تذكرت العبي الخليجية الجابها الي..هو جايبلي
ثلث عبي..كال لبسيهم بس بالمنطقة ..
ومن تروحين لاهلج لبسي فساتين او اي شي مستور..
طلعتلي عباية ولبستها..وكفت اشد الشال..هو يبين
بمراية الكنتور..صارت عيني بعينه..ابتسم
بضوجة..
انت شكد مرضية..
حجيت بابتسامة..شلون..
تدارين نفسيتي وتعرفين شريد حتى كبل لا احجي..
قصدك العباية؟
ايييه..حجه بحسرة..
اي بعد هي طلعة للدكتور مو مال كشخة ههه..
ابتسم بس ضايج..
كملنا ونزلنا..امينة مبدلة وكاعدة تنتظر بغرفتها..
لزمتها من ايدها ومشيتها..وخالتي تخزرنا
والكاعدين كلهم ودهم ياكلونا اكل بنظراتهم..
وانا ماعرف سبب هذا الكره كله شنو..
طول الطريق حيادر ساكت وبس يدخن..
وامينة عبايتها منزلته ع وجهها..تالي
انتبهت الها تبجي..
وانا بين هي وهو نظراتي تتجول بقهر..
وصلنا للدكتورة وهو كال انا اروح بشغل
ع ماتخلصون خابروني..
كعدنا وهي بعدها ماجاية والعيادة بيها
بس نسوان ثنين ..
ورا لحظات هدوء مرت..
سالتني بصوت مقهور..يمه حيادر ضايج
وما يلكى ونسته بس وياج دربالج عليه..
لا تخافين عليه ترى هو بس شوية تعبان..
ايييه حگه لو تعب..لا امه ام ولا ابوه ابو..
مدام زين ومعدل محد يريده..
المهم رب العالمين راضي مو مهم البشر..
ايه وصدكتي..الله يرضى عليه دنيا واخرة..
لو مااهو انا ميتة ورايحة..
انا باوعتلها بحيرة..حجت وهي تهز راسها..
ادريج مستغربة..وتكولين ليش هيج تحجي..
بس يمه انا مكروهة ومحد يريدني..
احجيلج سالفتي من الاول حتى لا تحتارين..
انا يتيمة ام وابو وبس اخوان عدي اربعة..
كلهم معرسين وانا زغيرتهم..ومن جهلي انا
اخدم الجناين وعايشة بالصكعة والويل..
بيوم شايفني رسن..وكايل اريدها خطبوها الي..
اجن اخته ومرت اخو خطبني واخواني ماصدكو..
وانا هم ماصدكت..لنه شيخ وصيته ذايع ومعدل..
ومرته جبيرة انا بكد بتها يعني كلت ماتشد وياي..
وكلت ارتاح من ضيم الجناين والكراب والكتل..
خذاني وعبالي رحت للجنة..
بس طلعت رايحة للنار برجليه..
مرته وبناته راوني نجوم الظهر..بصباحية
عرسي كتلني..واول ايام رسن طار بيه طير
يدافعلي ويوكف وياي..
بعدين كام ماله غرض لو يكطعوني..
ولده وبناته ومرته تجالبو علي ورادو يهججوني..
بس حيادر الجان يدافعلي ويوكف بوجه امه
لو ه

دت عليه..
خواته من يشوفنه يخافن يحجن وياي..
هو ازغر من الثنين الكبار بس يخافن منه..
لن من زغره سبع وكض الشغل والديوان وتربى
وي عمامه..
وامه تموت من عمامه وشدت مياه من زغره
لان هو ماخذ شمرتهم مو مثل خوانه شمرة خوالهم..
هو خواله مو كلش وياهم لن اطباعهم غبرة..
بس عمامه كلش معدلين وشفتيهم انت..
وهسه من ترحين لبيوتهم وتعرفينهم عدل بدج
ماتطلعين من يمهم..
12 Signs You Want To Stay With Your Girlfriend Forever
اي صح شفتهم خوش ناس وبناتهم رزنات..
اي وحتى زلمهم معدلة وماترضى بالشينة..
وجم مرة يحاجون رسن ويلكوله راعي ربك
بهاليتيمة..
بس بعد عده بالبيت حية واريع عكارب..
وتكابلن عليه..
اربع مرات احبل ويكتلني ويطرحني..
ومحد يفزعلي غير حيادر يروح لمرته
حماي صمد ويجيبها ويجيني..
لحد ماحرمت عليه ام منذر يوصل يمي..
ارتاحيت خذيتلي مدة..بس بعد رحمي تعبان
وماعالجته بس بدوا العرب..
وزاد عليه وانا عايفته ومااراجع..
لحد مارحت للدكتورة كالت مايصيرلج رجال
بعد لا تخلينه يدنالج..الا تقلعين رحمج..
زين انا حرام عليه..ام منذر هاجرته وانا
احرمه ماكدر..
وهو اصلا يجيني بالبوكة بلا محد يشوفه..
يدخل ويطلع يتخنس لن اذا شافته تعاركه
وتدخل اهله وتشهره..واهله اهل طلايب
وهو شيخ ويخاف تجيده حجاية لو يسوولهم
بي سالفة ..
ضل يجي بالبوكات وانا جم مرة انقهر واحرمه..
تالي كلت حرام علي انا اصير ملعونة تالي
وكتي..
خليته براحته وكتله الدكتورة تكول شيلي رحمج
مايقبل..وشنهي حلها مادري..
هي تحجي وانا لازمة دمعتي كوة..من سكتت
صبت دموعي..الله يساعدج..حجيت بعبرة..
المن تبجين حبيبة بعد عمري..
قهرتيني حيل..
فدوة الج اروح..تدرين انا عادتج بنيتي ..يمكن
مابينا فرق جبير..بس احسج بنيتي وحبيتج من حب
حيادر الج..
وكلبي يلوع عليج من اشوفهن ياذنج..
يمه لا تامنين لاحد غير ام عاد وبناتها..
هاي مسيجينة وفقيرة..وجم مرة تصير وياي
وتنكتل..كامت تخاف تحجي..وبنياتها مثلها
وبعد شفتي هاجر مريت اخوج..
اي اعرف حتى ماما كالت من اول ماشافتهم..
كالت حبابات وطيبات..
وماما تعرف الانسان من اول شوفة..
اي سبعة امج معدلة..
بس يمه حطي بالج وياهن..ترى كلهن حياية..وعدج نصيرة
وحريرة ذني كلت احذرج منهن..
تريد تحجي وصاحو اسمها..
دخلت للدكتورة وانا انتظر برا..
خابرت حيادر كتله دخلت على ماتجينا انت هي
مخلصة..
كال يلا جاي..
ورا شوية طلعت..نفس الكلام حجته وياها..
ممنوع رجال والحل الوحيد تشيل الرحم
وانطتها علاجات وابر..
اخذت الوصفة منها ورحت جبتلها الدوا..
رجعت واخذته حتى تكتبلها عليه الدكتورة..
خابرني حيادر كتله تعال ادخل..
بس دخل رحت يمه..ها حبيبي شلونة هسه؟
برحمة الله..شلونها امينة؟
نفس الكلام كلولها خطية..الحل هو تشيل
الرحم..
خل نشوف هالسالفة..تشيله وترتاح احسنلها
لا تروح من ايدنا..
لا اسم الله..
تردين تدخلين للدكتورة لو ماحاجة؟
لا شعندي الحمدلله تمام..
جا ليش من اريد اجدد تنوصين ولج وتكولين
نخلصها اطباء وننحرم..
هههه اي مو انت تجدد اشتراك كلساع مايصير..
هههه ام لسان سكتي لا تضحكين ولج..
ايي شفت ابتسامتك ارتاحيت..هسه شنو نرجع
للبيت؟
لا كلت اخذجن نتعشى ونرجع..
ليش مانتعشى ع اهلي..حجيت بابستامة..
مو قبل جم يوم عزمونا شني طلابة؟
هو شنو فهمت من عزيمتهم مو رجعنا ركض..
جاي نحجي واجت امينة..وهو حط ايده
ورا ظهرها ومشاها..هلا بالعروس التدلع علينا..
هههه ابو علي بعد صرت عجوز راحت عليه..
بعدج صكلة وهادة حيل رسن..
يا خية دهر ولك صاير سرسري..حجت وهي تصعد
بالسيارة..
هههههه علمتني شيهانة انا جنت فقير..
لا هنا انت تتبلى..ولك شيهانتك تلالي ماعدها لواتة..
منيلها علمتك بعد..
هو باوعلي وضحك..ها وين نروح هسه..
فترت عيوني بتوسل..عفية مشتاقتلهم ..
ههه يلا بس مانطول اكثر من عشر دقايق..
ميخالف بس اشوفهم فدوة..
وامينة من سمعت كلتله اخذها خطية..
هو مر بطريقة ع محل معجنات اخذ حلويات..
كال عيب ندخل ايدنا فارغة..ومن نزلنا كال جايبهن
لابوج حتى يلهي امج شوية..
اصلا ماما متحب الحلا هواي..
اي وانا جايبهن لابوج حتى ينتج طاقة وينطي منها امج..
يااااا الا اكلها بسيطة..
دخلنا واحنا نضحك..فتحتلنا الباب محمد..اول ماشفته
شبكته حيل
وهو خطية شبكني ويشم بيه..
واشوف ماما اجت من وراه وهي تلف عبايتها
وبعيون مدمعة ركضتلي..شبكتني بحضنها وتبوس
بيه بكل مكان..
ساعة وجهي ساعة عيوني ساعة خدي..يابعد
امج وروحها يا قطعة من روحي ولج ميتة عليج..
شوية وخرت من حضنها ونشوفهم صافنين علينا..
حيادر يباوع ومنبهر يمكن مامتوقعها هجي مشتاقتلي..
سلمت عليهم ودخلو جوا وياهم محمد..
وانا وياها دخلت ورحت لبابا اول ماشافني
جان يكتب ذب القلم وكام بسرعة..
واخذني بحضنه وهو يبوس بيه ويكلي ماخذة
نص حيلي ورايحة..
بعدها راح يم حيادر وامينة للصالة وانا وي ماما
تحضر ضيافة..
لعد هاجر ماكو ..يمكن نامت خطية مصخنة وتعبانة
وحسن بعد بشغله..
اي حبيبي شكد مشتاقتله البارحة خابرني
فديو..
اي كال خابرتها ..خل اشوف

هاجر اذا كاعدة
تجي تسلم على عمها ومرت جدها..
اي اجي وياج..
رحت وياها دكت الباب مرتين ماكو جواب..
كالت يمكن نامت خليها خطية هي تكعد من الفجر
وي حسن وماتنام ..
واخذت الضيافة ودتها يم حيادر وكعدنا..
هم يسولفون وهي يمي تحجي بصوت ناصي..
شنو اخبارج دخلتي فحصتي ؟
لا ماحاجة مابية شي..
ميخالف ماما هسه شخسرانة..
اضوج من سوالف الفحص..
هممم..
شلونهم وياج بعده ظهرج شاد من الوكفة..
لا الحمدلله راح..لان اول مرة هيجي اطول واوكف
هواي..
اي طبعا مواعين عشيرة ياماما وانت تغسليها..
بعد هو مقسم الشغل ماما..
حتى لو لا تجهدين نفسج..انت ماتعودتي ع الكراب
هذا كله ياثر عليج ترى..
لا هم البنات يساعدوني مايخلوني وحدي..
واحنا نحجي. كال حيادر ..من رخصتكم..
بس لازم نروح ورانا درب طويل وعدي شغل..
وين رايحين تعشو وروحو..
لا عمي لا ..عدي شغل وماكدر ااجله..بس بعد
مادامنا قريبين كلت نشوفكم وخطية شيهانة
مشتاكتلكم..
غير مرة انشالله..
حجه وكام واحنا كمنا..
وقبل لا نطلع ماما جابت علاكة كالت اشتريتلج
من طلعت شوفي يعجبوج..
اخذتهم وبوستها ..وحيادر وامينة كالو سلمونا
ع هاجر لان هم سالو عنها وماما كالت نايمة..
طلعنا وقت الغروب..
راد حيادر ياخذنا لمطعم..بس شفت امينة وضعها
مو مال تعب..خصوصا من طلعنا من اهلي
انتجت ع الكشن ومغمضة.
كتله جيبنا ناكل بالسيارة..وهو راح جاب عشا
وجاب لامينة عصير زبيب ..
اكلت شوية وبقت تدعيله..
بقينا نسولف لحد ما وصلنا..بس انا نفسيتي كلش
ارتاحت..
شفت اهلي وغيرت جو شوية..احس روحي تنفست..
اول مادخلنا ..جانت خالتي ويمها بنات خالهم كاعدات..
سلمنا وهي كالت هلا..
حيادر سند امينة وصلها لغرفتها..وانا ويا..
واجينا نريد نصعد..امه تخزر بس ماحجت شي..
صعدنا للغرفة ..واباوع ناسية المفتاح بالباب
ماماخذته..
هو باوعلي بعتب بلا مايحجي ..
ياا نسيته كلش لان جنت مستعجلة..
دخلي دخلي..هم حكج ..
دخلنا وفتحت الكنتور اريد اطلعلي ملابس ابدل..
اشوف خانة ملابسي مالت النوم كلها معفوسة..
الخانة الجواها مالت الشورتات والبرمودات هم معفوسة..
حيادر وراي عاقد حاجبة ويباوع بنظرات غضب..
اريد اعبر افتح الخانة الثانية..اشوف الكيس
مالت حاجاتي النسائية مطشر وثنين طايحات بالارض...
للحكاية بقية

،

الشيهانة
الجزء الثلاثون
انصدمت وحجيت بخوف..حياادر شنوو هاي!!
صبريلي ..حجه بعصبية وفتح كنتوره..
قراصاتج وين؟؟؟
ذني فوك بالعلبة..
جرها وفتحها شافهم موجودات ..ذب العلبة
وراح يريد يطلع لزمته..
اوكف اوكف شنو منو سوا هيج ويين رايح..
احجي وحيلي كله يرجف وخايفة..
معليج انت وظلي هنا اليوم الا اشب البيت بيهم..
صخااام ..حجيت ودموعي تصب..
لا تنزل عفية لا تتعارك..بس خل نفهم منو
داخل للغرفة..
وخرري كلت..عاط بيه ووجه احمر دم صار
من العصبية..
اذا هسه سكتت راح يدوسون عليج مثل
مادايسين علي وسااااكت..
دفع ايدي وفتح الباب وطلع..وانا ورا اريد
الحكه بس سوا الدرج خطوتين..واشوفهم
الكل اجه يركض شكو وشصار..
هم جانو جاي يصبون عشا..هو حجه بصيحة
خلتني اكعد بالكاع من الخوف..لان بقيت
واكفة بالدرج بس من صيحته ماكدرت اسند طولي..
ولكم نواقيص..كو..... ياهو الداخل غرفتي
ولاعب بغراض مرتي هاااا؟؟
اباوعلهم الكل ساكت محد حجه..حتى ابوهم مافتح
حلكه ونطق..
هو واكف وهم خنسو كلهم حتى الاطفال
كعدت وصافنة بخوف..
ليش ساكتين ها؟؟؟هسه كدامي الداخل غرفتي
يحجي..
لو اليوم هذا البيت اصب كاز واحركه..
حاجته امه...منين يطبون حجرتك مو قافلها
بعد شنهي..
لا ماقافلها..اريد اشوف وين توصل وياكم..
ولكم هدوم البنية الداخلية معفوسة انتم شني
من بشر ..حتى الحيوان احسن منكم ..يحجي ويهادد..
واخوانه ساكتين محد نطق..
حجه وي جابر بس مو بصياح..
جابر مرتك وبناتك داخلات غرفتي؟؟!
مادري ياخوية هسه شتسوى..
لااااا كلششش تسوى ..لن حاسبيني طرن..
يطبون غرفتي وينبشون هدوم مرتي ولازم
اسكت..
يعني انا طرن ودثو مووو...
باوع بوجوهم وعاط..تحجن لو احلفجن بالسرة...
بقن يحلفن ويكولن مادخلنا ولا وصلنا ابد
عبالنا غرفتكم مقفولة..
وبهاد كله اصلا ماندري بيها مفتوحة لن احتاجيت
ريحة مساع جان خذيت منك..
هو بقى يستغفر ويتحسب عليهم..
اندار يريد يصعد ورجع..
شوفو هالمرة صارت ونشبتو هدوم مرتي..
بس المرة التجي..شما يصير انتم تتحملون
اليجرالكم ..
كافي طيبة وياكم وكاسر ظهري وانتم سجاجينكم
نابته بخاصرتي..
عافهم وصعد..باوعلي بخزرة وانا ركضت
كدامه للغرفة..
خفت احجي شي وانا اشوفه صاير جمر ومايتحاجى..
ذب ملابسة وتمدد بالفراش بلا مايحجي..
شلتهم علكتهم وطلعتلي ملابس..بدلت
وطلعت للحمام اغسل..جهال تلعب بالممر..
قبل لا اوصل للحمام انركعت ببرتقالة..لزمت ظهري
لان احتلي بنص ظهري..
واشوف تبارك تركض عليه..اخذتها من الارض
وراحت..
بلة هسه اكو طفل يلعب بالبرتقال استغفرالله..
وو هي تبارك لا تنحسب ع الاطفال ولا ع الكبار..
دخلت للحمام غسلت وفرشت اسناني ورجعت للغرفة..
مو مظلمها كلش ..نايم وناطي ظهر..
اجيت تمددت يمه..صافنة بهالوضع العجيب..
وين عايشين حتى الملابس تنبشوها والحاجات
النسائية تطشروها..
نزلت دموعي بقهر..ماعرف نفسي ليش
هادئة وراضية..يمكن حب حيادر واهتمامه بيه
يخليني اكول لخاطره..
بس حمدت ربي ع قناعتي وصبري..
لو بشخصيتي مالت قبل الكلشي ميعجبها
وبكلش تنقنق..جان يمكن رجعت بنفسه يوم
العرس حتى ماطولت هنا للصبح..
بقيت احاجي نفسي لحد مانمت..
فزيت نص الليل..هو حاضني من ظهري ونايم..
احتاجيت حمام ..ردت اجر نفسي من حضنه
بلا مااكعده..
بس هو باول حركة مني كعد..
ها شبيج؟؟
اريد اروح للحمام..
شال ايديه من علي وكمت..لبست الروب وطلعت..
رحت للحمام اريد افتحه..الباب مسدود
واسمع اصوات..نطيت عيوني وبلعت ريك..
صوت جابر ونهاية !!
رجعت بسرعة يم الغرفة وكفت :.خجلت واستغربت
وكل احاسيسي تراكبت..
بس حاجتي للحمام ماكدر اصبر..نزلت للجوا..
دخلت وطلعت بسرعة..
جاي اصعد الدرج ..سمعت صوت نهاية تحجي
الظاهر طلعو من الحمام..
انتظرت شوية راح صوتهم يلا وصعدت ..استحي
احرجهم وانحرج..
رجعت للغفرفة..حيادر سالنبني بيش الساعة..
جاوبته وسكت..
اجيت تمددت..صار وراي وجرني لحضنه..
انا مانطيت رد فعل خلصني نفسي
هادئة رغم بعيدة عن الهدوء بهذا الوضع..
بس بقيت هيج الى ان نمت..
يوم ثاني الصبح..حضرتله ريوكه..تريك
بصمت..حتى ماغضبان مثل امس..بس ساكت
ماحجه شي..
كمل ريوكه وكمت غسلت المواعين..
تالي صعدت نظفت الفوك..بس وحدة من الغرف الفارغة
لكيت رمانة بالكاع مكسورة ومطشر الحب مالتها
والنمل اسرااب عليها..
نظفتها ومسحتها وكملت..تالي نزلت يمهم ..
بس هم محد حجه او سالني ع سالفة امس..
كلها ساكتة..
رحت تطمنت ع امينة وبقت تلوم بروحها تكول
كله مني التهيتو بيه ًنسيتي تقفلين غرفتج..
سالتها منو مكةن يسوي هيج كالت كلشي
توقعي منهن ..ومحد تحجي ذن سرهم غميج..
وفعلا محد حجت شكد عيط حيادر بس الكل تبرى..
طلعت من يمها اريد ارجع للغرفة لان
المطبخ مليان مو بحاجتي البنات كلهن بي..
جاي اصعد وصاحت خالتي..شني وين فارة
طولج..
اروح اسبح خالة رح يصير وكت صلاة..
ياااع جا انت ماغاسلة ونااازلة؟
لا سابحة الحمدلله..بس نظفت وانا متعودة
ورا الشغل اسبح..
هاااا
اكلج جا شني ماخدين من غراضج شي امس..
لا بس ملعوب بيهن..
ها خاف الجهال داخلين وا