قصص واقعية ، 🌸 ':
الشيهانة
الجزء الواحد والعشرون
ليش افتح كاميرا يعني.!
حتى اشوفج يعني ليش..
بس الضوا مو قوي مالت المنام ومايبين مني
شي..
اي فتحي ضوا الغرفة..
ها..
ليش خايفة انت؟
من ماما..
اي ماتدري بغرفتها واصلا حلالي ومالها
يمي شي بعد...
مو هسه من خابرتني حذرت..مانفتح كاميرا..
استغفر الله..وانت خايفة وطايعتها؟
حيادر فدوة ثنينكم ماريد اخسركم..
افهم ماما ترى مو خبيثة:.بس لان بتها الوحيدة
واختي ماتت وهي صغيرة..
تخاف عليه من كلشي ومتعلقة بية..
بعدنا لان بالبداية ..بس شوية وتتقبل
الموضوع..
اذا الي خاطر يمك تحملها لان هي امي..
جسر حسرة وحجه بهدوء..احطها فوك راسي
لخاطرج ميخالف..
هي هم حكها راح تفارك بنيتها..
فدوة لعمرك ..
ولج انت ينكالج فدوة مو تكولينها..
ههه...
مدام هيج اذا عقدنا محكمة ..اشبعج طلعات..
مدام ابوج كال خلو فترة خطوبة طويلة..
لو عليه باجر اخذج ..بس الحجي
كال خليها شهرين ثلاثة..
اممم ..بس ماما ماتقبل نطلع..
مو كيفها تصيرين مرتي شرع وقانون..
شتريد تسوي بعد..
مادري الله كريم تنحل..انت مانعسان
انا كلش طفيت..
اي نامي وارتاحي..باجر نسولف..
اوكي باي..
بامان الله يمدللتي..
سديته منه وغفيت بسرعة..
ماحسيت الا الصبح..من تعبي حتى باقية
نايمة ع نفس الجهة..
خدي وجهة عيني صايرة حمرة كد
ماضاغطة عليها بالفراش..
ساعة ب١١ جانت..ماما وبابا بالصالة..
صبحت عليهم..ماما بسرعة فزت،.
شبي وجهج ليش احمر؟
ههه نمت ع جهة وحدة من دوختي ونعستي
ماتحركت..
اي طبعا تلكيج نمتي الفجر..
لا ورا ماخابرتيني نمت..
هاا..
يلا تريكي وشوفي جنطتج الجابوها مالت النيشان..
ماشفتيها امس..
حجه بابا..ذهبج شكد صار سعره؟
تقريبا سبعة ونص ..
ها يعني حاسبي وحده هم..لان انطوني مهرج
كامل ..
بعد مادري ماسالت..
اي الظاهر هم حاسبين الذهب وحد..
ولو رجلج مايتعادل بالذهب ..خوش زلمة..
ابتسمت بخجل ورحت ..غسلت وتريكت..
ورجعت يمهم ..
وين الجنطة ماما؟
بغرفتي..
امم اروح اشوف..
رحت لغرفة ماما فتحت الباب..
وانا اتفحص الغرفة والفرشة..
ماما دومها تبدل الفرشات يعني بالاسبوع
ثلث اربع فرشات..وكلش تهتم بغرفتها..
اباوع وافكر وي نفسي..لازم اتعلم مثلها..
جريت الجنطة وفتحتها..ع الوجه شفت شي
اسود..
شلته فتحتها عباية راس..
نفس الاشتريناها لهاجر حلوة مرتبة..
خليتها ع جهة..تفيدني بالزيارة..
فساتين ثنين ..كلش حلوات وشيك..
قفطان ابيض يخبل..
وحذاء ابيض وحذاء احمر..بس
كله حلو ومرتب..
وجنطة ايد صغيرة..شكلها كلش نازك..
رجعتهم بالجنطة وانا فرحانة..يمكن حيادر
هو مختارهم..لان قياسي وذوقي..
رحت للغرفة اريد اخذ فوني..
ماما صاحتني..ها شفتيهن؟
اي شفت حيل حلوات..شفتيهم انت مو..
اي اي شفت ..بالعافية..
الله يعافيج..حجيتها ورجعت للغرفة..
اخذت الفون ولكيته مراسلني..
دكيت عليه..
صباح الخير والعافية..
صباحك سكر ..
اويلي عليك كلبي..يبت الناس كافي..
ههه شنو كلت ترى بس حجايتين..
اي بس السكر بصوتج رفعي سكري وخلاني
حتى ماشوف..
يؤؤ اسم الله..
اسم الله يحرسج يحلوة..
اليوم من ارجع الظهر ادك عليج..
وقفلي بابج وفتحيلي كاميرا..
البارحة عبرتها الج لان توج محاجية امج..
بس هسه سقط الوعد..
اوكي ههه ارجع ويصير خير..
صار الغدا وتغدينا..وانا اساعد ماما سالتني..
لا تسهرين ويا هواي..يكول عنج سهلة..
لا ماما اصلا نمت من وكت..
ادري نمتي من وكت..
قصدي الايام التجي..
لا تعلمينه عليج..خلي ينشف ريگه منا للزواج..
يعني شنو..
وكفت كدامي وتحجي بصوت ناصي..
ولج يمة انت ليش هلكد فقيرة..ادري بنات
جيلج افهم من عدنا ..مفتحات بالتيزاب..
انا اباوع ومستغربة..
ماما انت ع وجه زواج..وتعرفين كلشي
يصير بين المتزوجين..
دنكت وهزيت راسي بخجل..
اي دربالج تنطي شي قبل الزواج..
يسترخصج ويكول عنج سهلة..
صح لازم تتعودون..بس حرمي من كلشي..
انت ذكية وفطنة..بس بهالسوالف اشوفج
كلش ثولة..فتحي مخج وي كل حجاية
يحجيها..
مو تخلي يشوفج سهلة..فاهمة..
اي ماما بس هو يعني ماحجه وياي بهيج
موضوع..
يعني ماحجيتو شي البارحة؟
لا دقايق وسديناه..
اي عفية..واذا الايام التجي حجه وياج
زعلي منه..
كل مايفتح موضوع يخص هذا الشي
زعلي..
لا ماما هو مايفتح ..
جاي اكلج اذا فتح..
اوكي ماما..رايحة انام انا..
اي روحي واذا خابرج لا تردين تحججي
انت نايمة..
هزيت راسي ورحت للغرفة..
قفلت الباب ولزمت الفون لكيته مخابر..
عذريني ماما بس ماكدر ماجاوبه..
دكيت عليه..جاوب بسرعة..
هلاو..
هلا بريم الفلا..تغديتي.
ايي وانت ؟
عوافي..انا. رجعت وتغديت وهسه
صعدت للغرفة..
اي زين عبالي تاخرت..
لا بثنتين انا اخلص غدا..انت بثنتين دكي علي..
امم..تدري ماما عبالها رح انام..
اي شدراها بعد بيج غير بغرفتج..
اي بس ينسمع الصوت..
هو صوتج همس انا ويوصلي ناصي..
اي وماما تسمع حتى الهمس..
لحظة خل ادخل الكنتور..
عود صدك؟
اي احسن حتى احاجيك براحتي ..
جريت الباب وكعدت..همزين واسع من جوا..
ههه دخلت..
ديلا بلة ..فتحي كاميرا خنشوف ربك
شخالق ومبدع..
ج

كومي بدلي..كاعدة مست

ريت مخدة وطبكتها وخ

لت الفون عليها..
وشكلت السماعة وكتله يلا..
كطع الخط ورجع اتصل..ارتبكت وعدلت كذلتي..
هلاوو..
يا هلا ولله..فدوة شلون وجه ..مشتاق لكذلتج
ام كذيلة..
هههه هاي شنو..
بلة شعرج شطوله..درت راسي شوفته شعري
ورجعت..هذا هسه طال..جان كلش
قصير..
ليش تكصينه شعرج سبل يخبل ..
بعد احب التغيير..
انت كلشي يلوكلج بس لا تكصينه حرامات..
لا عفته صارله فترة..
هذا كنتورج يكفي تكعدين بي ولج كتكوتة..
اي كلش جبير ..
امبين ماخذه راحتج بي..شعجب لابسة ثخين
اليوم دافية..
لا انا ابرد ..
اي تبردين صحيييح..
ههه شبيك..
مو ادري بيج مقفلتها حتى ماشوف شي..
نصايح المهيب فيحاء..
ياا ههههه اذا تسمعك هسه تحط حركتها
بيه وتكتلتي..
محد يمد ايده عليج غير انت مالتي..افترس
اليفكر حتى يوصلج..
هو يحجي وانا مخلية ايدي ع حلكي وصافنة
عليه..
اكول شيهانتي..ظافيرج كلش طوال وانا
اريد احافظ على حشيمتي..
شنو مافهمت؟
كصريهن شوية..ذني راح يشلعن لحم ظهري..
ها!..يا ههه ..حجيتها وغطيت وجهي بايديه..
كل ماتخجلين تشعليني ولج ..انا رجلج بعد
ماكو خجل..
شو وخري ايديج وباعيلي..
وخرت ايدي واباوعله بخجل..
ولج خمس سنين صارلي صابر..
رحمي بحالي يرحم اهلج..شايفة لو الزمج
ماهدج الا انت تسيحين من بين ايدي..
غمضت عيوني وحجيت..شوية شوية بلييز..
انا شحاجي فدوة لعينج..بعدني ع الجرف وكمتي
تستغيثين ..
جا من نطب بالغميج شسوين..
ماعتقد راح ندخل..
ليش!!
لان يعني هي خطوبة ..
اي والخطوبة غير اعلمج عليه..قابل مثل
اهلنا ..هاك لا هناك..
انا ليش حبيتج وردتج..لان مثقفة وتفهميني..
وهم وافقت ابوج من كال طولو فد شهرين
حتى استوعبج وانت تستوعبيني..
عرفي طبعي واعرف طبعج عدل..ليش بعدين
تتفاجئين ونضيع احلى ايامنا..
اي بس احنا جاي نحجي ونتفاهم..
هذا كله صاير..
بس انت خام وبعدج مغمضة بالعلاقة..
اريد افتح عيونج ع الاحبة انا..
حيادر..ماما اليوم حذرتني هواي..
عليش؟
يعني مانطيك مجال ومن هالحجي..وراح تشوفني
سهلة وارخص نفسي..
هه ههه ههههه..امج بلوتها ماصارت..
يعني رجال ومرته غير واحد يفهم الثاني..
وراحتي الكاها عندج..لو اريد استرخصج
حشاج من هالحجاية..
جان سويتها بس مو شيمتي..
وانت مرتي وباجر تربين ابني وبتي وجنتهم
جوا رجليج..
اذا مااعلي گدرج معناها انزل گدري بيدي..
لا تسمعيلها ولا تحجين اليصير بينا..
هي شوي متخوفة مني عبالها عربي ماشايف
ظفر مصبغ لو شايف چاز يلمع..
واذا شفت راح اخذ واشبع نفسي واكلب..
ماتدري بيه طلبتج بنية صافية ..وجنت
اكاون شيطاني من يوزني احاجيج بالموزين..
وهل شفتيني كبل لا نعقد زليت وياج؟
كتلج رايد منج فراش؟
لا ابد اصلا حبيت خوفك من رب العالمين وياي..
هذا هو نعمة..
بعد صرتي حلالي..واريد ابدي وياج من الالف
للياء..
محد اله عندي شي..
لو انت رافضة هالشي ها؟؟
لا ..اصلا اريد اتعود عليك احسن..
اي هلا هلا بالاعشكها انا..اروح فدوة
شلون شفة ويلي..
تدرين اول ماشفتح كلش..يعني جانت اول نظرة
ماكاصد بيها شي..
بس دوختني شفتج..
امم مو عيب تباوعلها ..
لا كتلج النظرة الاولى حلال هههه..
اي حلكي حلو بس خشمي صاعد ماحبه..
بالعكس متناسق وي شفتج ..
خشمك انت رفيع مسطح هههه..
غير جاي يسوون عمليات حتى يسطحونه
بس انا رباني..
اي صحيح وهم ميصير هيج رفيع..
هسه خلصنا من الوجه ننزل؟
وين ؟ههه...
ننزل جوا شوية ..انت هم بيبي فيس وهم بيبيي
ههههههه..
بس اذا نزلت اكثر لاااا..هنا احط
رحالي..
هسه الا تقصف يعني ترى مايصير هيجي...حجيتها
وانا مغمضة واضحك..
اندك الباب حيل..فزيت وكتله..لحظة بس..
منووو؟
انا ماما فتحي الباب شوية..
حيادر فدوة سد الكاميرا ماما بالباب..
مااجت امج الا من راحت روحي استغفرالله..
كطع الخط وسديت الكنتور..
فتحت الباب والهيدفون باذني..
هي دخلت وتباوع للغرفة..جاي تخابرينه؟
اي بس راح من كتله انت ترديني..
هاا مو كلتي نعسانة..
اي بعد خابر عليه عيب مااجاوب..
ها زين ..حجتها وطلعت..
وانا رجعت دزيتله رسالة ..ماجاوب..
بقيت بفراشي متمددة..مادري الظاهر نام
بعد مادك..
لحد المغرب دز رسالة كال عندي شغل مساع
ورحت..
بالليل اخابرج..
طبعا ماما هم حذزتني مااسهر وماحجي زايد..
ورا العشا رحت للغرفة وسويت الاجواء..
كعدت بالكنتور..بس المشكلة الضوا ماكدر
ابقي مفتوح..
تذكرت عندي تيبلامب صغير ع شكل بطة..
دورته بالجرار لكيته..الصوا مالته شغلته اشتغل..
جريت السيار يمي للكنتور وكعدت..
من شافني بقى صافن..ولج هذا الضوا يسوي
واهس اجي يمج..
وين تجي للكنتور ههه شيدخلك..
ادخل معليج انت..
ماتدخل انت طولك مترين وين يكفيك..
هسه شعليج هذا شغلي تعلميني..
يعني داخل بكنتور قبل!!حجيتها باستغراب..
عهههههههههه خررب يومج ..شبيج شو جنتي
وكيحة..هسه صرتي عاقلة ..
مو انت تنصب عليه لان استحي وارتبك..
لاا افا..شلون انصب عليج
غير اتشاقى وياج اصلا ونستي بيج..
شنو راح تنامين بهذا البلوز؟
لا بعدين ابدل..
لبسي مالت البارحة حاصرة زنودج..
لا البس ثانية ذيج صار يومين البسها..
جا

ورة هلكد كدامي المن..
هههه شبي لبسي حلو..فجأة طفى الضوا..
هاي شنو كلوبج احترك ..
يمكن لان قديم صارله هواي..
هسه شلون!؟
مادري..اكوم للمخزن اشوف واحد يشتغل..
بس لا تلكفني ماما..
كومي واذا سالتج كليلها رايحة للحمام..
اي يلا ..
باعي خليج ع الخط..
شلون؟واذا شافته ماما..
خلي بصدرج..
عزاا حيادر كاميرا مفتوحة ترى..
اي خلي لان اصلا مايبين شي يصير قريب
كلش..
لا راح اخلي بجيب البجامة..
ويلي شعلي بعد شعلي..كومي جيبي الضوا
اليوم الا اطلع حرماني كله...
يلا راح اطلع..
خليت الفون بجيبي والهيدفون بأذني وطلعت
ع كيييف..
ضوا الصالة مطفي..بس المطبخ مفتوح..
ع صوا المطبخ مشيت..
دخلت للمخزن وانا افتح الباب بهدوء كلشش..
هو وياي ع الخط..
ها دخلتي؟
اي ههه جاي ادور..ايي لكيته هذا..
بس هذا ازرق مو مثل ذاك واضح..
ميخالف اسمه ضوا..اخذي بسرعة..
اخذته وطلعت جاي اسد الباب مالت المخزن..
طلعت ماما من غرفتها..
باوعتلي مستغربة..
شبيج؟
مابيه شي..
لعد شسوين بالمخزن؟شنو جنت هنا تحجين؟
لا ماما ..بس ردت ضوا للتيبلامب..
وشسوين بي مو عدج واحد مال نوم..
اي ردت هذا اقوى..
شاها تفتحيله كاميرا؟؟؟؟
ها ماما لا مو هيج..
وتجذبين بعد؟انطيني تلفونج..
جرته من جيبي شافته مسدود حتى ماكو
اتصال..
رجعته ..انطيني الضوا..واذا فتحتي كاميرا
ماتلومين الا نفسج..
اخذت الضوا وانا دخلت لغرفتي..
انقهرت وكمت ابجي..
حيادر يدك ماكدر اجاوب..
مر وكت شوية يلا جاوبت..
ها ؟؟
اخذت الضوا..حجيتها وانا مخنوكة..
يولي فدوة..مالازم اليوم...باجر من اجي
اخذج نفحص اجيبلج واحد..
يعني ما زعلت..
لا تناشغين كافي ..مازعل انا زعطوط وازعل
على هيج سالفة..
نصبر لحد ما تمشي امورنا والله كريم..
حيادر..حجيت همس..
يا انفاس ريتي انت..
احبك..
اااااااخ ..عيدي بعد عيدي..
اح ب ك..
احب بعضج واحب كلج
احب طولج واحب ضلج
احبج يمدللة كلبي..تعاي بحضني تعاي..
غمضي عيونج وخليج بحضني..يلا
غمضت عيوني وبقيت احجي ويا..
تخيلت نفسي يمه..وهو يسولف وغيرلي
مزاجي نساني موقف ماما..
لحد مانمت..
الصبح كعدت من وكت..خابرني كال اجيج
بثمانية تحضري..
بدلت لبست تنورة بينصل جوزي
وياها جاكيت نازل شوية بلون سمائي..
وجهي خليت قليل ميك اب..
وطلعت للصالة..
ماما شافتني بقت تسال..وين ملابسج ليش
لابسة بسيط..
ليش كمتي ماتلبسين بنطروناتج شكد
المن باقيات يروح موديلهن..
جاوبتها هيج اريحلي..هي سكتت..
انا ماريد البس بنطرون لان اعرف حيادر يضوج..
ماجبرني صح ولا حجه بصيغة مباشرة..
بس حجيه وياي وتلميحاته وصلتلي فكرته..
هو يقبل البس عادي اي لبس مستور..
بس بنطرون مايقبل..
وانا اقتنعت بهالشي..
ورا شوية خابرني وطلعنا انا وماما..
هي قفلت البيت لان محد كلهم بالشغل..
ووصت بيت عمي ورحنا ..
من صعدت بالسيارة سلمت ع حيادر
وكعدت كدام..وانا ورا مسيطرة من المراية
وفرحانة..
واشوفها تباوعلي بالمراية الجانبية خزرتني..
دنكت وبقيت اراقبها تغفل شوية واباوع..
وهو هم ماكدر منها..
وصلنا وبلشنا فحوصات..رادو ياخذون
مني دم وشردت صرت ورا..
التفتلي بضحكة..شبيج ..
عفية اريد مخدر..
هههههه ولج يامخدر بزة ماتحسين..
الله يخليك ماريد ..
بس بدون الفحص مايقبلون يعقدون!
صدك؟
اي ممنوع..
لزم ايدي ارتخيت..كعدني ع الكرسي وكال
للبنية يلا اخذيلها..
بقى يمسح ع ايدي ومبتسم ..وانا اباوعله مبتسمة..
لحد ماطفرت من الابرة..
هي كامت واخذت السرنجة وتضحك..
وهو يمسح بيدي ويباوعلي..نسيت على شنو
جنت خايفة اصلاً..
عضت شفتي بهيام..وهو لازمني من ايدي ووكفنا..
كالت انتظرو شوية ونصيح باسمكم..
طلعنا وجريت ايدي منه لان ماما بقت تنتظر برا
وهو اخذ راحته..
كعدت يمها وهو بقى واكف..
وهي تسالني خو ماخفتي لان تدري بيه اخاف
من الابرة ..
كتلها ماحسيت بقت تباوعلي بشك...
شوية وصاحو اسمنا واخذ الفحصوصات وكملها..
خلصنا بالوحدة الظهر..
راد يعزمنا بمطعم بس ماما كلتله ماكدر
هسه يجي عمك وانا مخلية الاكل ع النار واجيت..
ورجعنا للبيت ..
هي نزلت قبلي..
انا اريد انزل وانطاني علاكة..
هذا شغلي اليوم ماشي...
اخذته وزيت راسي ميتسمة..
ماناسي سالفة الصوا وجاب واحد..
نزلت وهي عينها ع العلاكة بس ماسالت..
اخذتها كبل للغرفة..
وبدلت ورجعت تغديت ..لان كتلها نعسانة اريد
انام..
اكلت ورحت للغرفة وقفلت الباب..
فتحت العلاكة تيبلامب صغير ع شكل
وردة مفتوحة وبنصها الضوا..
شغلته يخبل..
سديته وضميته بالكنتور..
وبقينا نسولف سوا لحد ماراح للشغل..
بالليل شغلت الضوا الجابه الي..
كتله عاشت ايدك يخبل..
هو جان يدخن وصافن علي..
احب الضوا من يصير قريب عليج..
ليش ههه..
يطلع تفاصيل صغيرة تفر الراس..
امم انت هواي تركز..
اي اركز واهوى التركيز وياج..
اكول شيهانتي..ترى باجر غداكم ورا المحكمة
يمنا..
امم لو كايل لماما..
باجر اكلها واصلا هاي عدنا سنينة ..البنية
من نعقدلها محكمة تجي تشوف بيتها..
الله كريم بعد..هم نروح من وكت للمحكمة؟
ب٨ ونص نطلع..
مانطول المحامي يكملنا كلشي..
اوكي..
نمت بيومها

من وكت لان كاعدة من وكت..
يوم ثاني نروح نعقد محكمة..
لبست فستان شتائي رصاصي ومن الصدر
خيوط صوف نازله نطرفها وردة..
وياه حذءا عالي ..
باوعتلي ماما..صايرة تلبسين ناصي..
يا ماما ترى عالي هذا..
قياسا باحذيتج قبل جنهن عمارة..
اي مو خاف ورانا صعدة نزلة مااتعب..
سكتت وتباوعلي بطرف عينها..
اجه حيادر اخذنا وكملنا عقد المحكمة
بكل سهولة الحمدلله..
هو هنا تنفس الصعداء..طلعنا من القاضي هو لازم
ايدي..
ماما باوت وخزرت هو ولا يمه..
وانا احس ايدي راح تنكسر من خزرات امي..
هي تقربت باركتلنا..وطكتني خزرة قوية..
جريت ايدي واحيت يمها ومشينا للسيارة..
بس ماتكدر تحجي لان كاعدة كدام ..وانا ورا..
اخذنا لبيتهم ساعة ١١ ونص..
استقبلتنا ام هاجر وامه وبناتهم..
كعدنا جوا بالصالة الداخلية..شوية واحت حنين..
لابسة كلابية حمرا مطرزة..وشحاطة عالية..
مكياج كامل ولافة الشال ع النص..
هم من دخلنا هلهلو بس مو مثلها..
هي طكتلها هلهولة زرفت اذانا بيها..
وبقيت توجه بالبنات يلا نحضر الغدا ويلا هيج
نسوي..
ماما نظراتها وراها..
ماعاجبها كلش..
من كمنا نتوضى حتى نصلي..حجت بصوت
ناصي..
بت عمج مستخفة كلش..الظاهر بينت..
لا هي يجوز فرحانة بينا..
ماعتقد..حجتها ودخلنا جوا وفرشو السجادات..
بعدين كعدنا وهم يمنا بنات هواي ونسوان
ونصهن ماعرفهن..
راسلني حيادر..طلعت الفون وعيني ع ماما..
راح ادزلج هاجر روحي وياها لغرفة امينة..
اوكي...
سديت الفون لا ماما تنتبه زين جانت تسولف.
اجتلي هاجر ..شاها عفية رايدة منج شغيلة
ع مود ملابسي الجهزتها..
ماما دارت عينها بسرعة..
هي حاجت ماما..عمة عادي تجي تساعدني..
اي ماما عادي انتو اخوات انشالله..
حجتها وهي نظراتها الي بمعنى دربالج..
نريد نروح واجت امينة..بوستني وسلمت عليه
خطية كوة تمشي..تعبانة اليوم كلش..
كامتلها ماما وتسالمو وكعدت يمها ..
وانا اخذتني هاجر لغرفة امينة ..تصير
كلش بنهاية ممر بالطرف..
اول مادخلنا ..حيادر كلها عمي مثل ماوصيتج..
هي كالت اي وبسرعة طلعت..
انا باوعتله ورجليه رخت..قلق وارتباك وحب وخوف..
واول مرة ينسد علينا باب سوا ..وماكو حرام يمنعنا..
وكف يمي قريب كلش يفصلنا انش او اقل..
بقيت اتنفس سريع..
لزم وجهي بيديه ثنينهم ..
رفعه ويباوع بعيوني..ذبلت وارتخيت وانا
اباوع عليه..همس بهدوء وبصوت بيه بحة..
احبج شيهانتي..
حركت شفافي بارتباك..
تقرب من وجهي اكثر..شفته صارت بشفتي..
لزمت بملابسه وانا قواي كلها خارت وتبخرت
بقى يتفنن وياخذ شفتي بشغف وحب..
بقوة وشوق ولهفة..
مادري بالوقت المر شنو..ولا منعته ولو ثانية
لان اصلا استمتعت..
بس فززنا صوت الباب وهاجر تحجي..
عمي استعجلوو ..
هو ابتعد ويباوع لعيوني..دكت الباب هاجر
ودخلت..
حجت وهي مدنكة ..عذروني عمي ..بس عمتي
دزت سارة تصيح لشاها ..وشافتني واكفة هنا
مالاكيتني بالغرفة..
بس فهمتها ماتحجي..
اي عفية بيج عمي معدلة..انا صاعد ..
وباوعلي وحجه..عدلي حجابج وروحي..بس نظراته
مربكة ..
بس طلع اجت يمي هاجر وتضحك خجلانة..
عمتي هم مسوية عليكم حصار مثلنا خية ..
ههه شكلي خو مابي شي..
باعي بالمرايا..
تقربت للمرايا باوعت وعساني ماباوعت..
وجهي احمر احمررر ..وشفتي الفوك مورمة
وحمرة دم..
بقيت اتلفت ومحتارة..اذا شافتني امي تعدمني..
طلعت حمرة ومليت شفتي كلها..
وعدلت حجابي وطلعنا..
رحت للصالة وانا مدنكة..سوولي مكان يم امي..
كعدت وانا ساكتة..
البنات كالو نكوم نصب مدام اجيتي..
وكامو كلهم..
بقينا بس انا وماما محد ..حتى الكبار كامو...
تقربت وحطت وجهها بوجهي..
ليش هلكد مخلية حمرة؟؟؟
بقيت ارمش ماعرف اجاوب..
انطتني كلينكسة من ايدها وهي تخزر..
كوومي وياي للحمام..
كمنا وهي صاحت بنية صغيرة جاي تفرش
السفرة..
حبابة وين الحمام؟
اي خالة امشي وياي..
هي الا تندل الحمام بس ماتكدر تسحلني
ببيت العالم عاد لو مالكونا وسالو
عنا الطفلة تكلهم بالحمام راحو..
دخلنا وسدت الباب..
خزرتني وكالت مسحي حلكج..
اخذت الكلينسة بيد ترجف..مسحته وانا اصلا
شفتي انفخت فوك ماهي منفوخة احسها
علت..
نطت عيونها عليه وضربتني راشدي
اجه نصه ع حلكي..
يا عديمة التربية يا ادبسيييز
للحكاية بقية

الشيهانة
الجزء الثاني والعشرون
ضربتني راشدي..جفها صار نصه
ع حلكي..
انضربت شفتي بسني وصب دم..هي رجعت
ع الحايط انتجت ولزمت راسها..
لزمتها من ايدها قبل لا تطيح وانا ابجي..
ماااما عفية شبيج..
طلعيني برا خل اشم هوا بسرعة..حجت وهي
دايخة وتريد تطيح..
بس فتحت الباب لاكتني بنية صحتها..
فدوة سااااعديني..
هي حطت الصينية من ايدها وركضتلي..
سندت ماما وكعدناها..وتسالني باستغراب..
يا خيرها شبيها توها شحلاتها ياستار..
البنات البقية اجو يمنا وام حيادر اجت
تسال شبيها وشصار..
انا سكتت دموعي كوة وحلكي مسحت الدم..
وهم جابولها ماي انطوها وعصرو رجليها..
شوي سندت نفسها وكعدت عدل..
كالت يمكن ضغطي هبط لان دايخة وما
متزنة..
وجابولها كلاص لبن شربت شوي احسن
وضعها..
وكملو اابنات صب وانا وهي كاعدين
وام حيادر بمنا..
انا مدنكة ومخلية الكلينسة ع حلكي..
هي كالت لام حيادر..خطية شاها هبطت
عليه زين ماطحت عليها بالحمام..
ياخية حكها اخترشت ..توج شحلاتج
مابيج شي ..كومي يمه غسلي ويهج
مهو زين توج ماهرة ..
تعاي نغمة اخذي شاها تغسل ..
اجت يمي مرت اخو هاجر..ها خية تعاي
شبيج تبجين مابيها شي امج..
هسه يسمع عمي ويجي ركض ..ياهو
بجه شيهانته ههه..
بقيت اضحك من فشلتي مدري من قهري..
دخلت للحمام غسلت وعدلت مكياجي
وطلعت..
تجمعو كلهم ع السفرة..اخواته جايات
وبناتهم ونسوان اخوانه وبناتهم
يعني كلش هواي..
هم الرياجيل ياكلون وحد..
والنسوان وحد..
اجيت اريد اكعد ..ماما كالت خلولج
مكان تعاي يمي وضحكت..
هزيت راسي وكعدت يمها وبصفها امينة..
قربت امينة المواعين يمنا وكل شوي
يخلون يمنا شي ويكولون اكلو ولا تستحون..
انا شربت شوية سوب بس..
ماكدرت ادخل لحلكي لكمة..احس معدتي
فايرة من القهر..
ومقهورة من حيادر لان حطني بهيج موقف..
انتظرت يخلصون يلا اكوم لان استحي..
بس خلصو كمنا انا وماما نغسل ..لان ردت
اساعد ماخلوني امد ايدي..
غسلت بالمغسلة ووكفت ع جهة..انا غسلت
ودرت اريد امشي..
هي حجت ع كيف..حطي حمرة ولا تكلبين
وجهج لان يبين عليج..
خليت حمرة خفيفة ورجعنا كعدنا..
صبو الجاي وشربنا صارت ب٢ تقريباً
والشتا مابي ظهر اصلا..
ماما كالت راح اخابر ابوج يطلع من وكت
ويجي ..
بس امينة كالت لا ..حيادر كال هو يرجعكم..
ماما كالت علواه تكليله..خطية الرجال
يرجع ومحد يتلكاه ويصبله اكل..
شوية وكامت امينة..بس عينها عليه
وتدري بيه وضعي مو طبيعي..
اجت حنين من المطبخ تنزل بردانها..
ذابها شالها ع كتفها ورافعة شعرها بقراصة
جبيرة..
ها شنو تريد ترحون؟
اي بعد عمج ع جية من شغله خطية..
يا شسالفة مالحكنا نشوفكم..حتى العرسان
ماكعدو سوا..
عدهم الايام كدامهم ويشبعون كعدات..
انا هم راسي اذاني وخطية قلقتكم وياي..
مسكينة شاها اخترعت من شافتني هيج
زين ما صار بيها شي..
هههه هي شاها دومها رهوگية..
اي بزر دلال بنيتي ..حجت وابتسمتلي..وانا
صافنة عليهم..اكو فد شي بين ماما
وحنين غريب..احس ماما كلش لاحة وياها
اكثر من قبل...
بقينا كاعدين شوية وكالو ..حيادر يكول
يلا ينتظركم ..
ماما انطتني خزرة..جاوبتها وانا انزل نظراتي..
لان باختصار تعبت وماعرف شنو اتصرف..
طلعنا هو بالكراج واكف يم السيارة..
جانو ولد ثنين يم الديوان واكفين..
بس طلعنا هم دخلو..
امينة وام هاجر وامه ورانا..وصلونا
للسيارة ويسولفون..
صعدت انا ورا ..وماما صعدت بعد
ماسلمت عليهم..
تريد تحاجيني ..وصعد حيادر قبل لا تحجي..
الله بالخير..
الله بالخير والكرامة شيخ..
حياج يمه ..خيرج كالو تعبانة؟؟
اي انغثيت شوية..
ماعاش اليغثج..لا تتعبين روحج ولا تفكرين..
شوفي يمه..
انا اكلج يمه لان انت والدة شيهانتي..وحاسبج
امي..
لا تفكرين بيها ولا تخافين..الله نطاني
عيون ثنين..مامحافظ عليهن بكد
مامحافظ على بنيتج..واعز من العين
هو نظرها..وشاها نظرها..
الله يهديكم ويوفقكم..
يرحم والديج..
هي دارت نظراتها عليه..انا ابد مارفعت
نظري ..
مدنكة راسي كلش..لان اذا ارفعه حيادر
يكشفني بسرعة..
حافظني حفظ عبالك معاشرني عشرين سنة..
وصلنا للبيت..ماما تشكرت منه وجاي تنزل..
انا كتله مع السلامة ونزلت قبلها..
اول مادخلنا ..بابا ومحمد هسه جايين..
كاعدين بالمطبخ ياكلون..
سلمنا عليهم وانا عبرتهم خطف..صرت بظهر بابا حتى ماينتبه
لوجهي..
ها شخباركم كملتو..؟
اي الحمدلله كلو عقدو..
بعد كلبي ع الخيربابا..حضنته من ركبته وبست راسه..
مشكور حبيبي..محمد هم باركلي..
بس ماخليته يباوعلي ..مدنكة ع راس بابا..
حجيت بسرعة وانا امشي..وادعي العفوية...
رايحة انا نعساانة بااي...
ههه الله وياج..
مشيت لغرفتي بسرعة والدمعة بعيني..
قفلت الباب وذبيت ملابسي..
لبست وتمددت بالفراش باعصاب تلفانة..
الصار اليوم كرهني بكلشي..
عشت لحظات وي حيادر ماتنوصف
من لذتها..
بس الصار بعدها ماينوصف من بشاعته..
امي لو رافضة هواي احسن..عداءها لحيادر
مو طبيعي..
هي الجانت تكول لازم المخطوبين يشبعون
طلعة ووناسة حتى يتعودون ع بعض..
بس وياي سوت العكس..معناها تريد
تملله وتطفشه..
او تريد

تخليني لوحدي امل واتركه..
شبعت بجي بفراشي..احس العبرة خانكتني
كلش..
طلعت فوني من الجنطة..اكيد هسه
حيادر حارك الجو..
فتحته وفعلا..مكالمات ومسجات
هواي..
جاي افتح المسجات واتصل..
احتاريت اجاوب لو لا..اذا جاوبت
يسال شبيه..
وماريد انطي بامي كدامه..
جريت نفس وهدأت روحي..فتحت خط..
الو..
بعد وكت..
اسفة بس مساع التهيت وي البنات وبعد
هسه من رجعت ع مابدلت وخلصت
مانتبهت..
يصير خير..شبي صوتج؟
نعسانة حيل..
شاها اسألج وجاوبيني بكل صراحة..
امج متعاركة وياج؟
ها لا ليش..
لان وجهج ماشفته طول ماانت بالسيارة..
راسج بحضنج وصوتج ماسمعته..
شافت شي صار اثر قوي؟
اي صار بس خفيته بالحمرة مابين..بس
انقهرت عليها لان داخت مساع خفت
يصيرلها شي..
اسم الله عليها لا تفاولين..لو بس
تردين شي يبجيج ام دميعة..
لا بس غير ماما واحبها..
عمي هنيالها جا ماتحبيني مثلها..
اي احبك واحبك واحبك..حيادر انت
روحي..حجيتها بعبرة..
يفداج حيادر وهله..
يمته احطج يمي وارتاح ااخ يابه..ولج
من خدرتي بيدي اليوم سودنتيني ..كالو
بت الدلال بسرعة تذوب..بس ماصدكت الا
من لزمتج بيدي..
لا تذكرني عفية اسكت..
ها شني استحيتي ..رجلج انا بوية حلالج
ذوبي بيدي وذوبيني الج اجر..
ضحكت بخفة..اجر شنو هذا..
اجرج عظيم..غير تطيعين رجلج وتدللينه..
اي ادللك ومن عيوني..بس عندي طلب..
تدللي..
حيادر انا اليوم خجلانة من نفسي..
ماريد الصار ينعاد عفية.
بس اول مرة..مرة ثانية بانفاسي اخدرج
واخليج تستسلمين..
ماتوقعت نفسي هيج استسلم وانسى نفسي..
لهذا ماريدها تنعاد..
اعيدها مرة وعشرة حتى اعودج..هذا مو ذنب
ولا حرام..
احساسي وياج يوصل لاعلى المراحل..
خليني اشبعه بيج حتى ماحتاج اذنب..فاهمتني
صح؟؟؟
اي فاهمة..بس انطيني وقت..
الج شكد ماتريدين..مااضغط عليج بشي..
بس كلما كثرت كعداتنا
سوه وتقاربنا..
صار زواجنا مريح ومابي
مشاكل..
اعرف صح..بس ع الاقل هالفترة لحد ما ماما
تتقبل فكرة بعدي عنها..
يصير خير لعيونج الحلوة..
تسلملي..
الله يسلمج..روحي نامي وارتاحي..
وبالليل نحجي ماشي..
اي انشالله..
يابعد كل هلي بامان الله..
الله وياك حياتي..
سديت الخط منه ومزاجي كله غير..
قبل لا اخابره الدنيا ظلمة بعيوني..
بس كلامه نساني كلشي..
راح اتحمل لخاطره واحاول مااكسر بخاطر
ماما..
صار الليل وكالعادة كعدت بالكنتور وبقينا
نسولف..
بس ماتطرق لاي موضوع رومانسي..
كلامه كله اعتيادي يحجيلي عن شغله
عن يومه..ابد ماجاب اي موضوع
حساس..
شافني نعست كال روحي انا هم نعسان..
كمت لفراشي ونمت..
يوم ثاني كعدت الظهر..بس مالي خلك
اطلع من الغرفة..
لان راح تدخلني امي بتحقيق..
بقيت متكاسلة بفراشي..تالي شفت الوقت فات
كلش..
كمت غسلت ورحت للمطبخ..هي جاي
تحمس تشريب..
صباح الخير..
صباح الخير ..اكليلج شي خفيف سويت تشريب..
اي ..
حجيتها وفتحت الثلاجة طلعت قطعة
كيكة..
اخذتلي كوب جاي اصب حليب من الباكيت..
اجت هي جرت كرسي وكعدت..
مدام ابوج واخوانج مو هنا ..فرصة نحجي..
اريد ارفع الكوب اشرب عفته..
احجي ماما..
باوعيلي شوية..
باوعتلها وغرغرت عيوني..
ليش تكسرين حجايتي؟شفتي حلكج شصاير
بي؟
مو عيب بعدج بنية بت بيت حلك مزورك..
سكتت ماحجيت شي انا هي كملت..
سويتو شي غيرها لو لا؟
احجي لا تسكتين..سويتو شي؟
لا ماما..
اي همزين..لان هذا ينخاف منه
ملعب وسياسي ولسانه يقشمر..
هسه عنده حلم يلزم منج شي..لا تخلي
ياخذ غايته..
بس ينفرد بيج يسوي اشكال حتى ينسى
البوسة ولا يتقربلها بعد..براسه غير
اشياء..
تنهدت وانا باعدة نظري عنها..ماما ليش
متصورته همجي وماشايف..
ترى هو مثقف وواعي ومعاشر ناس
اشكال..
ماجاي من الصحراء..
ههه خوش ملقنج..
لا ماما العفو محد يلقني عليج..
انت امي..يعني سبب وجودي بالدنيا
وسبب راحتي وسعادتي..
وهو بالعكس ماشفته حجه حرف
عليج يمي..
ولو حجه ماسكت ويمكن نخرب بسبب هالشي..
بس انت تحجين وانا اسكت..واكول
من حبج وخوفج عليه..
اذا تريديني اتركه كولي..بس حربج
الي بهالطريقة يدمر نفسيتي..
شنو تتركي ليش ناوية يعني؟؟
ابدا ولا راح انوي..لان شفته يناسبني..
وعيشتهم؟سفتي بيتهم شكد بس ناس؟
ولج ماما انت هدومج انا اغسلها..
صح بس راح اتعلم..وبابا كلي حجاية..
اذا توافقتي ويا وتفاهمتو..مستعد
يوديج للقمر مو بس يطلعج وحدج..
بس مستحيل يطلعج وهو كايل..
اي بس كال بالمستقبل يطلعني..
وانشالله اكدر اتأقلم وياهم..ماما ادعيلي..
اعرف تريد تمللينا ثنينا وتشوفين البينا
حب لو نزوة..
بس ترى بكل الحالات..الخاسر هي انا..
فكري بيه ماما..اعرف ردتيلي رجل نفس
عيشتنا..
نفس طبع اخواني..
بس ربي رادلي حيادر..
وانا مقتنعة..
كامت للطباخ..حجت وهي ناطيتني
ظهر..
انشالله يطلع عد حسن ظنج..
انا شلت كوبي وكمت..غسلت
وفتت جوا..
لحد الغدا طلعت..تغدينا وبابا يحجي
بتحضيرات عرس حسن..
ع اساس هاليومين يجيبون غرفته الجديدة..
هو نهاية هالشهر يتزوج..
بس لان شغله ماخذ كل وقته..محمد وبابا
جاي يسوون كلشي..
ومشت الايام ..بين اتصالي وي حيادر
بالنهار بالفراش ومت

غطية حتى مايطلع
صوتي..
وبالليل فاتحة كاميرا وبالكنتور..
وهو يطك صفنات ويتحسر..
بلة لحدمن ابقى هيج انا..مرتي لابدة
بالكنتور وانا روحي لايبة..
وانا اكله اليحب الحلو يضوك مره..
بيوم بليل جاي نسولف..سالني ..
شيهانة شعاجبج من غرفة..هالايام
اريد اشتري..
ها حبيبي كيفك..حجيت بهدوء..
ويلي على حبيبج المسكين..علي صوتج..
ههه...عليته ..
اي عفية بيج..
ماكتيلي شتردينها نجارة لو تركية ..
اشوف النجارة شكلها كئيب..والتركي واسعة..
هسه باوع كنتوري كاعدة بي ومكفيني..
هو الشجعني هسه كنتورج ههههه..
اي حبيبي خاف يمك اريد اشرد منك..عاد
عندي مكان اختل بي..
ليش انا اخليج تشردين اصلا ..
ماعندي رحمة وعيونج..ايام حرماني حتى
من الحجاية..
اخذها منج مربع واذكرج بيها لحظة لحظة..
عزا ماما ..
جا شعبالج..ولج ناطر الحلال يوم يوم اعدله..
هنوب انحرمت من لمسة ايدج وشوفة عيونج..
خرررب لو مامعزتج وخاطرج..اسوي
سواية ..الناس كلها تسولف بيها..
ولخاطرج متحمل حجي اخوي ومرته وبزهم...
منو؟بهادر؟
اي بهادر ..لان بيت عمج خلو براحته..
يطلع ويطب وشبع وناسة..
البستان والاستراحة تشهدلهم..
صدك؟؟
اي بعد رجال ومرته ومامصدكين يلكون
فرصة حكهم..
بس هي جانت تكول نطلع نشتري ونجهز..
امي والبنات هن جهزن..هي جان تجي
ويا للاستراحة ويستراحون..
ههههه مشكلة انت بريئة وهي استغفلتج..
ماتحجي كدامج شي كلش..
لا ابد ماتحجي..اصلا استحي اسألها لا تدور
الموضوع..
يعني شيسوون بالاستراحة..
يلعبون شناو..بعد مخطوبين ويتونسون ..
احنا بالليل نتجمع اكثر شي انا ولد عمي ثنينهم..
ذول ربعي كلش..
يضلون يصنفون يابة شنهي ناس تجي
بنهار تتونس واحنا بالليل نتباوع للكلينس ..
صخااام..يدرون شكد عييييب...
لا ليش بعد رجال ومرته عادي..ولو هم
من كبل شبعانين..
شلون يعني..
من ايام علاقتهم..ترى هو عنده علاقة بيها
من جنتن مرحلة اولى..
اهااا ..يعني انت وين عرفت..
لان جان ياخذ سيارتي بيوم التغيب
من الدوام..
ياخذها يفترون..
ههههههههه امداني..اكثر بشر مغفل انا..
لا لا حشاج مدللتي..بس انت ماعدج دغش..
وهذا الاحبه بيج..ماتجذبين حتى من تغلطين..
وامج رغم ناشبة وياي..بس احترمها لين ربتج
هيج تربية..
بس جاي انصدم كل يوم بحنين..
احس نفسي غبية حيل..
ابد حشاج..بس حكج بعد معاشرتها مر
والناس ماتنحزر..
الحمدلله انكشفت وعرفتيها..
صح بس احس نفسي خسرت اخت وصديقة..
ولا يهمج باجر تجين هنا وتصير عندج
صديقات..ترى بنياتنا طيبات..
وكلش حبنج ومتانيات تجين..
انشالله يصيرولي اخوات ياريت..
يوم ثاني صادف جمعة..طولت بنومتي
للظهر ..لان بقيت اسولف وي حيادر..
تقريبا بالوحدة دكت الباب ماما...
فزيت باوت للساعة ..كمت وفتحت الباب
وانا افرك بعيوني ..
ها صباح الخير..هذا السهر للصبح راح
يخرب صحتح ماما...
صباح الخير..حجيتها وانا اتثاوب..
يلا تغدي حتى تروحين ويانا..
وين..
ع اساس ماتدرين؟
لا شنو؟
حفل طهور ابن حماج..مسوين مولد وعزمونا..
صدك ..اي هسه..
ع كيفج يحظي..ورا الغدا مو هسه..
اي ماما اي اروح اغسل جوعانة..
روحي..
رحت غسلت وانا متحمسة..بلكي اشوفه اليوم..
صح اشوفه بالفون بس مو مثل الحقيقة..
ميتة شوق عليه..
تغديت بسرعة ورحت سبحت وترتبت من وكت..
وهي كوة طلعت بالاربعة..
وانا بداخلي اكول هسه نلكاهم مخلصين..
اذا هو بالخمسة ياذن..
وصلنا محمد لبيتهم..وراح..
بالباب وشافنا حيادر..دخل ويانا جوا للحديقة..
كل لامي من رخصتج اريد احاجيها..
هي دخلت جوا لان جانن النسوان بالطارمة
واستقبلوها..
هو لزم ايدي ودخلني من باب يصير بنهاية الحديقة..
هاي وين ههه هسة تجي امي ورانا..
ماتجي لان حرجتها..
تعاي بسرعة..
فتح الباب ودخل..شكله ملحق هذا..
دخلنا بالممر وسد الباب..
انا رجفت وعيوني عليه مبتسمة..
فتحتلي ايديه وهو يأشر براسه ..يعني تعاي..
تقربت وذبيت نفسي ع صدره..
حرارة جسمه تغلغلت بروحي..
بقى شابكني وعاصرني بحضنه..
بعدها رفع راسي والتهم شفتي..اول
مالزمها دفعته..
خزرني مستغرب..
فدوة حبيبي لا تخلي اثر ع كييف..
غمض عيونه ..منين اجيب الصبربس..
رجفة شفافج خبلتني..خله ايده
ورا راسي وجرني اله..
بس بهدوء مو مثل المرة الفاتت..
خلاني اتفاعل وياه وانتهي بيده..
ابتعد مني وهمس وهو يباوع لعيوني..
بعد..
هزيتله راسي اي..ماافكر بأي عواقب..
احبه وماريد اضيع لحظة من حبه..
ورا دقايق حرر شفافي من شفافه..واخذ
راسي خلاه ع صدره..
بقينا ساكتين شوية..انا بس صوت انفاسي
ينسمع..
تعاي نكعد شوية..
ها اي احسن..
كعد بالارض وجرني كعدني بحضنه..
تحركت مامرتاحة..
لا اكعد يمك احسن..
وليش مو بحضني..يحجي ويباوع لعيوني مبستم..
حضنك طويل ماينكعد بي هههه..
هين شيهانة كله مضموم..يحجي ويضحك..
يابة شلون كعدة من العمر..
اي هسه اكيد ماما كالبه بيتكم كله وتدور..
لا وصيت عليها امينة ..
ها زين..صدك شنو اخبار الغرفة..
باجر كال الولد توصل ..خل يشدونها
واراويج من اخابرج..
من فتحلي كنتورها ضحكت ..جاي يراويني
وسع الكنتور..
كتله اهم شي الكنتور ..وهو يك

قصص واقعية ، 🌸 ':
لي طبعا
اهم شي بالغرفة هو الكنتور ..
بكلبب اكله لو تدري عدي كتكوتة
تخنس بالكنتور..
هههه لا انشالله ننسى ايام الكنتور
ونرتاح..
انشالله..كومي روحي يم امج لا تخابرلي
مكافحة الارهاب..
هههه لا هسه تبلغ عليك خاطفني..
اي ويحققون وياي واكلهم اغتصبتها ولازم
اصلح غلطتي..
يبوو ههه..حجيتها وانا اركض للباب واضحك..
عدلت حجابي وقبل لا يفتح الباب..
باسني ع الخفيف وطلعنا..
وصلني للمطبخ وراح..
اول مادخلت للمطبخ شفت البنات جاي ياخذن
صواني ويوزعن..
سالت عن ماما..كالو جوا واخذوني
الها..
دخلت وانا اسلم..لحد ماوصلت الها..
لكيتها هي وحنين كاعدين يسولفون..
اول ماشافتني حنين ابتسمت..ها خوش
شردة شردتو ولج بس لا دشنج..
للحكاية بقية

الشيهانة
الجزء الثالث والعشرون
قبل لا اجاوب حنين ع حجايتها التافهة..
ماما ردتها..عيبب شنو هالمفردات؟
انت شبيج تسوفلتي وكمتي ماتثمنين كلامج ..
ياا شبيكم اتشاقى ترى..
تتشاقين بحدود..شفتي البنية رايحة ويا من
الصبح لليل حتى تحجين هيج حجاية تعبانة..
مو مشكلة ماما..هي يعني لان عاشت
هالامور عبالها الكل مثلها..
شدعوة يابة شدعوة شحجينا..حجت وهي
تكوم..
انا صوجي كلبي عليج وخايفة ع مصلحتج..
وعافتنا وكامت..
انا عدلت كعدتي وماما اندارتلي..
خو ماصار شي؟امبين بايسج
فوك حلكج متحسس..
بس شوية ..
يعني ماطلب غير شي؟؟
لا ابد..
اي ماشي..ابقي يمي لا تكومين بعد..
ماتدرين شلون ياخذون نظرة..وهالحنين
عندج متلونة..
صدك ماما شبيج وياها الاحظج ضايجة
منها..
كلش ضايجة وخايفة عليج منها..
ليش شصار؟؟يعني سوت شي..
لا ماسوت..
يعني سبب شدتج وي حيادر هي؟؟
حجيها بالبداية خوفني بس بعدين ذبيته
ورا ظهري..
لان اعرفها تنغث منج وتحس نفسها
اقل منج..شعور نقص عدها
راح تسببلج مشاكل..
مالي علاقة بيها ماما..
راح تكابليها وتكعدين بنفس البيت..
اكيد الج علاقة..
بس انا ابتعدت عنها كلش..
البعدج عنها حيادر..
لا ماما اني لوحدي..
اي لوحدج طبعا..بس حيادر سبب خلاج
تعرفين طينتها..
كم مرة احذرج من طيبتج الزايدة..بس ماتنتبهين..
لحد ما عادتج ووكفت بطريقج انت ويا يلا
ابتعدتي عنها..
صفنت وسالتها..شلون عرفتي..
اول احتمال افكر بي ماكو غيره..ولان
دخلتلي بنفس الموشح وسوت نفسها
تحذر..بس انا كاشفة طينتها واعرف
شوكت الطمها ع حلكها..
انا خوفي عليج لان انت ماتكرهين ولا تحقدين..
راح يتعبوج هوااي..
ادعيلي ماما..اذا تحبيني ادعيلي..
الله يبعد عنج شر الناس ويوفقج..حجت وهي
صافنة..
بس حسيتها كلش انغثت من حنين وحجايتها..
ورا الاذان ردنا نطلع ماقبلو ..كالو اصلا
ذابحين ومسوين وجبة عشا..
بقينا بس ابد ماتحركت من مكاني..حيادر راسلني
وتطمن عليه خاف ماما حجت..
طمنته ماحجت اي شي..
جانو بناتهم هواي وماعرف احد غير
الي عرفوني عليهم..
البقية كلهم ينظرولي شي غريب..
يتبسبسون كدامي ..لو يسالون منو هاي
ويعبرون عبالك انا احجي غير لغة ومافهمهم..
بس هاجر كل شوية تجي يمي..تكلي هاي فلانة
هي فلانة هيج تقربلنا وانا نصهم نسيتهم
لان هواي..
بوقت الرجعة راسلت حيادر حتى يرجعنا..
شوية وخابر كال طلعو انا بالحديقة انتظركم..
بعد ماسلمنا وانطونا حلويات كومة مسوين
علاكات ع مود المولد ..
صعدت بالسيارة ..هالمرة هدوء بس
سلم حيادر وماما ردت..
السيارة جانت ظلمة..انا ماكلت بالعشا..
فتحت العلاكة وكعدت اكل حلويات..انوب
السيارة هدوء وصوت الكرط مالتي..
شوية وماما اندارت عليه وحجت..
كافي كرط ولج فارة شنو..
هههه بالعافية خل تاكل ..جاوبها حيادر..
مو هاي حلويات تسويها تسمنها مو زين هيج..
بكل حالاتها حلوة..وجسمها مرهدن
جنها شطبة ريحان..
ماما هنا سكتت..عرفت جاي تحلل هالكلمات..
جسمها حلو هسه تتخيل شايف كلشي..
اعرف طريقة تفكيرها قبل لا تفكر..
صدك انا عفت العلاكة بعد ماكلت..
وصلنا وهي نزلت قبلي..
هو بس نزلت اندار عليه عض شفته وغمز..
وانا سويتله بوسة بالهوا ونزلت ركض..
واباوع لظهر ماما اتأكد خو مابي عيون..
لان ناطيتنا ظهرها من نزلت بس
بعدين تصدمني تطلع تدري..
بس دخلنا وسدت الباب الخارجي وكفتني..
شو هذا يوصف بجسمج؟؟؟
انا حصرتني الضحكة..كوة كدرت الزم
نفسي..
احجي شبيج نظراتج مو مريحة..بس
جاي تدزيله صور ومطلعة جسمج.؟
ماما مو شافني بالخطوبة هو اكيد يتذكرني..
حجيتها ودنكت مستحية..
اي طبعا فتحتج امبين منها حتى مصارينج
ماينلام..
حجتها ومشت كدامي دخلت..
دخلت وراها وخليت العلاكات بالمطبخ..
اجانا حسن ركض..
ها وين حصتي..هاي هي دزتها مرتك
شتريد بعد..
فدوة لايدها يوم التجي يمي واكابلها
واكعد وارتاح منكم..
حجت ماما وهي رافعتله حاجب..نشوف
منو يجيبها الك..الا اخلي عرسك
ورا رمضان..
غص بلكمته وهو يدك ع صدره..
دكولي غيرها ..ماصدك هالاسبوعين تخلص
واخذها حجية متت..
ماشايفها بس بالعقد..منو يرضاها بلة..
ساتر عليه التلفون اشوفها بي..ولا وعيونج
حتى شكلها جان نسيته..
هو من حجه هي باوعتلي وانا باوعتلها وبسرعة
درت وجهي..
خفت انوب احصلي رزالة..دخلت كبل لغرفتي..
بدلت

وقفلت الباب..
انتظرته برجع للبيت لان هو مراسلني اذا فرغت
اخابره..
بس خفت اخابره ودنيا ليل وهو يسوق..
كعدت رتبت اغراضي وعزلت الاشياء
الب مااحتاجها..
انا هالفترة عزلت كلشي وطلعت الاريدة واخذه
وياي من الي ماريده..
خابر عليه..خليت الجنطة ع جهة..
فتحت ضواي ابو الوردة
وخليته بالكنتور وكعدت..
هلاوو..
هلا بكلبي ..اليوم الخدود موردة بالزايد..
لان شفتك ارتاحيت..
وانا لان شفتج وضكت شفتج اليوم كلبي
مفرفح..
اممم ليش..
لان مالحكت اشبع منج..شيهانة محتاجج
ببيتي كلش..
احس حملي ثكيل..وبالي مهموم
واكبر همومي انت..مارتاح الا احطج
يمي..
اسم الله عليك حبيبي مابقى شي..
من شنو ضايج انت..
ماضايج بس اريدج عندي ..اضمنج الي..
الوكت اغبر واخاف يصير شي و

يضيعج
مني..
مستحيل..انا الك وابقى الك..انت اول رجل
بحياتي املكه نفسي واحساسي..والوحيد ..
انا احجي وهو يباوع ومبتسم..
امم وين صفنت..
صافن بشفتج ..
اووو عيييب..
دسكتي لا اذب عكالي سكتي..ام عيب
كون اشوفج نار وصيحي عيب عود...
مامااا كام يهدد..
هههه ام لسان..
يوم ثاني ماما قررت نغير شوية بديكور
البيت ع مود عرس حسن..
اشترو اثاث وغيرو تحفيات وكم شغلة..
طبعا تطلع هي وبابا..وانا كلت لحيادر عاجبني
اروح اشوف شي للغرفة مالتي تحفة
او هيج شي..
كال مرة وحدة تطلعين مو يومية..
صدك طلعت وياهم..انا غرفتي جابها حيادر
بيضة ..شفتها بالفون تجنن هادئة..عجبني
تحف صغار نحاسية..
ع شكل ولد وبنية جاي يركصون..
اخذتهم..
واخذت مفارش فرو هو من شافني فارشة
ميز غرفتي عجبه..
ماما من شافتهن من رجعنا..بقت صافنة عليهن..
تالي مسحت عيونها وكملت فرز الاغراض
الجايبتهم..
انا اخذتهم ورحت لغرفتي..بس انقهرت
عليها كلش..
هي تفكر شلون تفاركني وانا اخاف اصلا افكر شلون
افاركها..
مجرد تجي ببالي الفكرة اطردها..
لان مادري شلون اتحمل وشكد يرادلي حتى اتعود..
ومشت الايام وي التحضير لعرس حسن..
كملنا كلشي..واليوم زواجه..
لبست فستان قصير اسود وردان شفافة كاملة..
ومن الصدر ينلف..
عجبني كلش بوقتها رغم ماما مارتاحتله..
كالت شكله مشلح زيادة..
بس كتلها غير عرس اخوي وفرحانة..
حيادر سالني وشوفته اله ..كال لبسي
خل اشوفه كتله ادزلك الصور بالعرس
هسه استحي..
جان شوية ينقنق ع الطول ..بس انا اقنع
بي اكله لا طويل زين..
بالحفلة خليت البنات ياخذولي
صور هواي..بس بلا ماتنتبه ماما..
اذا انتبهت هسه تعرف ارسلهم اله..
بعدها التهيت وياهم وركصت وي البنات
قرايبنا..
اهل حيادر كلهم جايين..بس ام هاجر
ماجاية..
امه من سلمت عليها بقت صافنة وين يلا
جاوبت..
تباوعلي باستغراب..يمكن هم مايلبسون
بمناسباتهم بس لبس مستور كلش..
لان صح بدلتي قصيرة بس مو اوفر يعني زينة..
صارت الزفة وجبناهم للبيت..هم عدهم عادة
لازم البنية تبات وياها وحدة..
امينة هي ام هاجر موصيتها تبات وياها..
من بعد ما زفوهم ..وراحو اهلهم واهلنا اصلا
من القاعة راحو مارجعو ويانا للبيت..
باعتبار العرسان ياخذون راحتهم ..
فرشت لامينة بالاستقبال ..وبقينا انا
وماما يمها نسولف..وهي خطية تنتظر حسن
يطلع حتى تخابرهم هناك ينتظروها..
انا بطني مخبوطة من يمي من هالسالفة..
شكد عيب كاعدين ينتظرون ..وافكربنفسي
تالي..لااا ماريد..ماريد افكر..
للساعة ب١١ ونص يلا طلع حسن..
اجه بباب الاستقبال صاح ماما..
كامت ماما بسرعة اله..سمعنا صوتها
هلهلت بس بصوت ناصي..
وامينة خطية ضحكت فرحانة..
دخلت النا ماما كلتلها خابريهم خية ..
خابرت امينة الهم بشرتهم وهي فرحانة..
ومددت رجليها بتعب..كنالها
نامي وارتاحي ..خطية هي ترخصت من عدنا
ومددت..وانا ماصدكت تخلص
السالفة حتى اكوم اخابره..لان كتله مشغولة
هسه ماكدراحجي..وكاعد ينتظرني..
ورا ماطلعنا من الاستقبال..ماما راحت
لغرفتها وانا لغرفتي..
بسرعة قفلت الباب وخابرته كبل رد..
بعدت الفون شوية وباوعتله وانا امشي ..
امبين لازمة بيدك..
غير ذبحني الشوك وصارلي ساعة متاني..
شني السالفة تاخرتي والصور ماكو..
ايي هسه ارسلك..بس اتمدد بفراشي لان متت
تعب..
عدكم خطار لو راحو وامينة شلونها..
زينة خطية هسه اجيت من يمها خليتها
تريد تنام..جنا ننتظر حسن..
جا حسن شيتاني لهسه لو هذا يجدد
خاف..
هههه شمدريني انا اصلا ماريد افكر ..
لا تفكرين وانت وياي انسيج التفكير وحتى
عقلج..
اممم اي انت صدك ساحر ..
ساحرج بحبي يمدللة..دزيلي الصور شيبتي
كلبي..
ههه يلا رح ادز انتظر شوية..
دزيتله كم صورة شوية ماتبين طول
البدلة..
وهو ينتظر يحملن ويسب بالنت..
شوية وبقى يغرد وانطلق لسانه..
لا ياشيطانة ولج اشتعلووووووو...
شلابسة شمسوية..ذني الزرور ضال
بحسرتهن..هسه تلبسيها الي اريد
اشوفج..
يااا عزا شبيك حبيبي..
كومي لبسي اليوم اريد اعرس انا..
ما ما مالبس ..
تعاي صدك شو كاعدة بفراشج اليوم
مو بالكنتور..
هههه مكسرة اريد اتمدد ماكدر اقرفص
بالكنتور..واصلا ماما تعبانة اليوم اكيد
نامت هسه..
اي حقها تتعب خطية..هسه بسابع
نومة..
ليش احسك تصنف..
لا تلوفينها عليه..اليوم لو انا
لو انت..مخلصتها عليه بجايم وثوابه طوال..
اريد هيج لبس اريد اشوفج..
ولا تكولين استحي..لان طلعتي بيها
كدام النسوان وانا خليتج براحتج
رغم ماراضي مازعلتج..
كومي لبسي بسرعة وبدون اي نقاش..
حيادر عفية..
بسرعة شاها كومي ..
كمت لبستها واجيت مستحية..رفعت الفون..
بعدي شوية خليني اشوفج عدل..
بعدته وتمددت ع نص وانتجيت ع جرباية..
طلع الجكارة من حلكه وكام يصوفر ..
شنو من نثية انت ولج..لا صارت مثلج
ولا تصير بعد غيرج..
لا تخجلين فدوة لربج رفعي راسج
اشووف..
باوعتله وانا ايدي ع حلكي..
وخري ايدج من شفتج خليني اباوع..اليوم
اخذ حقي اخذه..نزع تشيرته والفانيله..
غمضت ..
اشو فتحي شوية وشفافج لا تعضيها انا
بس الي حق اعضها..
وي حجايته رجف جسمي وعيوني ذبلت..
ابتسمت

له وشوي شوي صفنت عليه..
تقاطيع جسمه وصلابة صدره اتذكرها..
دفوه وحرارته سرت بجسمي وانا اتذكر
من شبكني..
اشرلي ع صدره..تعاي هنا..
اجييت..
وبقينا نسولف واندمجت ويا ونسيت نفسي
وين ونفس الاحساس من اكون بحضنه..
وهو ماصدك لكاله فرصه طلع اشواقه كلها
من غزل ومن جرأة..
ورا شوية وبعد حديث مشوق..
صاح باسمي..شاها..شيهانتي..
اهممم ..
هههههههههه ذاب الحلقوم من الصوت جا
بالصدك شلون بيناااا..
اخااف..حجيتها وانا مغمضة..كلش اخاف..
تخافين مني؟؟كل عقلج؟
لا لا مو منك..حجيتها بثمالة..
جا منين يمدللتي..
اخاف منك ..يعني اي من..
هههههه جبانة ..بس خوفج مزيدج جمال..
قبل لا اجاوبه اندك الباب..فزيت وانا خايفة
معقولة ماما!لا لا مامعقولة..
سالني منو كتله انتظر اشوف منو..
كعدت لحيلي صحت منو!صوت ماما تحجي
بصوت ناصي وتكلي
فتحي الباب ..
احتاريت شلون افتح لازم ابدل..اذا شافتني
تصخمني ..
عفت الفون كتله امي بالباب كال لا تسدي
خلي انتظرج..
بسرعة جريتلي ثوب قصير وذبيت بدلتي..
لبسته وفتحت الباب..
اول مافتحت الباب دخلت وسدته وراها..
اريد احجي بعدني وكفختني راشدي ..بس اول
مرة هيج تضربني..حسيت وجهي
مثل الطاح عليه شي حار وانصلخ..اندار
وجهي كله مالحكت ارفع راسي ضربتني
الثاني واقوى من القبله..وخلت ايديها بصدري
ودفعتني طحت ع الجرباية..
تقدمت وتحجي بصوت عصبي وناصي
خاف احد يسمع..
انا فهمت من ردة فعلها هي سمعت حديثي وي حيادر
كله امبينة..
بقت تحجي بعصبيه مكتومة وترزل..
طاح حظج وحظ تربيتج القذرة..ولج ماتستحين؟؟؟
فوك صخامج وحجيج لابستله هيج؟؟مطلعة
جسمج كله اله..
وهذا ابن شيوخ وهيج يسوي ويتصرف.؟؟
بس ماعليه عتب العتب عليج..باول حجاية
تنطين روحج..هسه اقتنعت زواجج بي
صالح واحسنلج..لان مو بعيدة منو يحجيلج
حجايتين زفرة تنسين عقلج وتسرسحين..
مثل ماسلمتي روحج وخليتي يزوركج
وماخجلتي مني وعود جنت وياج..
بس عبالي راشدي ذاك اليوم صحاج وخلاج
تندمين..
ندمت بوقتها وتخربطت من قهري عليج
وشلون اضربج بيوم عقدج..وكلت طفلة
وخطية..
بس طلعتي حيوانة وبلا احساس
باعي من اليوم لسانج مايدور ع لساني..
وراح اتحملج منا لحد ماتتزوجين
وتنكلعين فااااهمة؟؟
عافتني وطلعت وانا بس دموعي تصب..
بقيت ابجي واشهك بقهر..معقولة
ماما هيج تقسى عليه وتهيني..يعني
هو زوجي وحتى حرام عليه ارفضله
طلب..
وهذا الصار كله وانا ناسيه حيادر بعده
متصل..
اندرت ع الفون اخذته..اباوعله كاعد
يدخن بس نظراته يبستني من الخوف..
اول مرة بحياتي هيج اشوف منه نظرات..كاعد يهز
برجله ويدخن وعيونه ثابته عليه..
انا مدنكة ودموعي تصب..بعد ماكو
تبرير ولا شرح..سمع كلشي وحضر
الموقف بنفسه..
رفعي راااااسج ..عاط حيل رجفني..
باوعتله وانا ابلع ريك..مسحي دموعج ..لا
تبجين كلت مسحيييها..
غمضت وانا اتمالك نفسي..مسحت وجهي
وعيوني من الدموع..
ليش كلتي امج ماسوتلج شي بيوم العقد ؟؟؟؟؟
صفنت وحجيت بانكسار..حتى لا
اشوف ردة فعلك مثل هسه..
ها ويعني تضمين علي؟؟ومخليتها
شابعتج دك ورزالة؟؟
بسيطة انت جنتي ماتردين تشوفين ردت فعلي..
للاسف ردة فعلي اقوى من هيج..
سمعيني عدل..باجر الصبح
انا جاي لابوج..
ليش؟؟
انطي خبر هذا الخميس اخذج..
للحكاية بقية

الشيهانة
الجزء الرابع والعشرون
باجر الصبح انا جاي اخذ امينة واكعد وي
ابوج واكله هذا الخميس اخذج..
حيادر يعني هلاسبوع؟؟حجيت بقلة حيلة..
لو بيدي يوم واحد مااخليج بعد..الظاهر امج
ماتعرف تفرق بين حيدر وحيادر ..
شنو هالحجي..
هذا الصدك..شايفتني قليل اصل لو مخنث
وخاف ادك بيج الناقصة..
باجر الي وياها حجي ثاني..اراويها
الخايفة منه وعالكة عليه حربها ياهو..
وشنو حجيك تخلي زواجنا هالاسبوع؟مامحضرة
نفسي ابد وماقبل حيادر ..
تقبلين ماتقبلين ما اتاني رايج..حجاية
ورد غطاها..روحي نامي هسه..انسدت
نفسي عن الدنيا كلها بعد..
سديت الخط منه وقلبي معصور وموجوع..
موقف ماما صدك قلبي من صدك..
بقيت سهرانة وشكد تعبت بالنهار وجنت نعسانة
ورايدة انام..
بس احس نومتي طارت وراسي صدع
كلشش..
لحد الفجر انا ع كعدتي..مقرفصة
نفسي بفراشي وابجي..
استرجع كلشي صار..واحجي وي نفسي
العراقيل الصارت من حبيت حيادر
لليوم..كلها تحاول تبعدني عنه..ليش!!!
احبه ويحبني وحقنا نعيش..ليش محد رايد
ننجمع..
بقيت ع فد بجية..
لحد مادخت ع كعدتي طحت ع الفراش..
بين فقدت الوعي وبين نمت..
فزيت وانا ماكدر افتح عيوني..نايمة بلا
غطا وبردانة..صح شهر الثاني بس الجو
كلش بارد..
باوعت للساعة سبعة الا ثلث..
كعدت جسمي مكسر وعيوني احسها
منفوخة ..وجهي يحركني..
بلعومي احسه مجرح عبالك كزاز
مكسر بي ويبزني..
كمت باوعت للمراية..منظر عيوني يخزي..
الجفن وكلها هالة العين حمرة دم..
وخدودي منا لطخة حمرة ومنا هم..
بجيت بقهر واحس عيوني وجعتني..بقيت
اكح اختنكت..
رجعت كعدت بالفراش تغطيت وابجي
مسطورة ودايخة فد مرة احس جسمي
طاقته صفر..
مر وقت شوية صارت ثمانية الا عشرة..
وانفتح الباب..دخلت ماما..
كومي رجلج هنا يريد يحجي وياج..
حجيت وانا صافنة ولا باوعتلها..اي هسه..
بس صوتي مطبك كوة طلع..احس من حجيت
شاغت روحي..
استغربت من وضعب هه..طلعت وهي تستغفر..
وانا كمت اخذت روب قطني
طويل لبسته فوك ملابسي..
ورحت غسلت وفرشت ..حاولت شوية
اصحصح بس عبث ..احس نفسيتي ماتسندني
مو جسمي..
مشيت للاستقبال..الباب مسدود..
دكيته ودخلت وانا لازمة الروب
بيدي وشبه ارجف..صباح الخير ..حجيت بصوت
مخنوك وانا مدنكة..
صباح الخير شنو هالوضعية مالتج؟؟حجه حيادر..
باوعتله بس خفت من عصبيته وشكله
ضايج كلش وعيونه نظراتها ماتبشر بخير..
كعدت وجانت ماما كاعدة..بس امينة ماموجودة..
هو باوع لماما ويفرك بسبحته..
الله بالخير حجية..
الله بالخير..حجت بلا نفس..
ترى انا جاي احاجي عمي ..بس كبل لا
امشي بفالي اريد احجيلج شوية..
خافنج ماتدرين ..بعد هاي الكعدة يصير
الحجي مكشوف..
حجيج البارحة وللاسف يطلع منج بس سمعته..
ماهمني الحجيتي علي..لني رجال والرجال
عيبه بجيبه..وهم كلت يمكن المايعرفك
مايثمنك..وادري تعرفيني كلش زين ..
بس تبقى يمج تثمنيني لو لا ..
وخاااف عبالج ادوس بيتج وانكث بيج..
تراني رباة شيوخ..وعار يضل مبصوم
بكصتي لو سويتها..
احنا رباة الدواوين المرة تلوذ بينا دخيلة
مانردها..الهدية نستحي نردها..
وهذا كله مايهم ان اعترفتي بي لو لا
وادري بيج تدرينه..
بس سوايتج وي مريتي طيحت عكالي..
شني حاسبتني خنيثة كيكي لو جاهل؟؟
حشااك..
لا حشا ولا حشيمة ..منظر مرتي هسه منظر؟؟
وجهها ملبگ واحمر وصوتها مايطلع
وعيونها حمر..
عليش بلة؟؟
علة صوته وكام..
انا بادن رجليه من شفته هيج تعصب..
تقرب يمي وكمل حجيه..
شني ذنبها وهيج تعاملينها؟بس لنها عاقلة
وتطيعج؟؟
لو صلفة هم جان كدرتيلها؟؟
سمعيني عدل حجية..الصار البارحة بتج
مالها غرض بي..
واذا انت حاطة ذانج ع الباب وتسمعين..
يمكن سمعتيها ماحجت غير كافي وخجلت!!
طاوعتني ووصلتني لراحتي بس
طاعة الي وبس..طاعة لرجلها الحارمتها منه
وغاضبة ربج بسب هالشي..
مايهم حجت لو لا ..اليهم طاوعتك
وحجت..حجتها وكامت وهي متعصبة..
طاوعتني لني حلالها..واذا انت شايفتها خفيفة
وتنطي روحها ..
تراني اكلج انت ماتعرفين بتج عدل..ماتعرفينها
مثلي..
لو تريد تمشي ورا الحجي الحلو جانت سابت
بالجامعة وهي ماضل واحد ماحاول وياها..
خمس سنوات وانا ماشي وراها مثل ظلها..
ماحصلت منها غير الحجاية النظيفة..
والنظرة الخجلانة..
ولا انا الردت اغضب ربي وياها ولا هي
الانطت مجال..
لو خفيفة مثل ماشفتيها جان لعبت وي كرابتج
الداس بيتكم بغيابكم..
وبلسانه يكول حاولت وياها شكد وسمعتها
حجي اشكاااال..
بس مايكدرلها..لانها شيهانة معدلة..
بس ماعرفتي تحوينها..وابشرج طيرتها
منج جريبة ..
مو حيادر الينشك بغيرته ورجولته...
ولا ابن شيخ رسن التنهان مرته ويسكت..
خاف ببالج وادرييي كلش زيين..شنو ببالج..
عربي ماشام ريحة مرة وشاف كدامه مدللة
وخاتونة وراد يشبع بيها..
غلطانة كلش..نحمد الله عيونه مليانة ونفوسنا
ماترغب غير الحلال..
محد كال هيج..ادري بيج تحبها وتريدها..
بس الشيطان شاطر ومحد يدري شيصير ورا الباب..
اليتعوذ من الشيطان ما يهمه انسد باب لو
جان مفتوح..
من خدذيتها منج بيوم الطهور مو انسد علينا باب؟؟؟
شسويتلها خذيتها؟؟كسرتها؟؟

استغفرالله العظيم..
انا مالازم احجي وياج والحجي وي ابوها..
بس جم حجاية وردتج تدرين بيها..
وامبين من سكتج تدرين انج ظالمتنا ثنينا..
من رخصتج هسه صيحي عمي..
وشاها تبقى يمي ماتطلع..
انا خفت اذا شافني بابا شلون ماريده
يعرف السبب..
هزيتله راسي واشرت بيدي لاا..
اريد اطلع..حجيت بغصة وصوت مبحوح..
ماتطلعين..الحجي كدام والدج يصير..
ماما عافتنا وطلعت..
وهو رجع كعد..يباوعلي بخزرة ..
متعودة تطكج هيج ؟؟؟
هزيت راسي لا..
يعني ماطاكتج كبل؟؟
اول ..اول مررة من خابرتني امينة من وصيتها
انت قبل كم سنة..حجيت بالكوة وصوت
كوة ينفهم..
اي يعني ماتطكج كبل..هسه بسببي..
يصير خير..
هسه خلي امينة تطكلج بلاعيمج وتطيبين..
باوعتله بعيون مدمعة..لا تحاجي بابا
شي وخليني اكوم..عفية..
انت ليش مارايدة نتزوج عود؟
مو مارايدة بس نفسيتي تعبانة وماكدر الزواج
غير واحد متهيأ نفسيا اله..
اذا نبقى ورا امج عمرنا مانتهيأ..خليني احطج
يمي وافضها..
الله يخليك عفية اجلها..وخل اكوم لا يجي
باباب..
قبل لا يحجي دخل بابا وسلم..هو كامله
وسلم عليه وكعد يمه..
انا مدنكة..بابا سالني شاها بابا شبييج؟؟
رفعت راسي وسكتت..
راد يكوم حيادر كله اسمع مني بالاول عمي..
شسمع شبيها بتي؟البارحة خليتها ونمت
جنها وردة شبيها هسه؟؟
حجي..انا ماريد المشاكل ولا اريد ضيجة
الخلك..
بس امها سمعتها تحاجيني بالتلفون ودخلت
وكتلتها وانا وياها جنت ع الخط واسمع..
شنووو؟؟حجه بابا وهو مامصدك ..
هي مانعتها تسهر وياي ونحجي بالليل..
بس انا اضغط عليها بحكمي رجلها..
ورايد اعودها علي..
وامها تخاف عليها مادري عبالها انا ناقص
بعد مادري..
بس حرصها الزايد خرب ماعمر..
انا ماهمني منعتها تكعد وياي وماخلتنا
لا نطلع لا نحجي لا نتونس..
كلت امها وحكها وحيدتها..وكلت اتاني
اتزوجها ونستقر..
ولعيونك خليته يطول
شهرين ثلاثة
بس بعد ماصار شهرين والبنية شبعت طك..
وانا مرتي رايدها يمي..شوف عمي انا مكمل
كلشي..
غرفة جبت وجهزتها من احسن الاشياء..
والحمدلله حالي ميسور واكدر اعرس اليوم
كبل باجر..
بس رايدك تدري..الخميس الجاي اسوي
العرس وانا ارتاح وامها ترتاح..
طبعا بابا وجهه احتقن وشابك ايديه
ببعض ويستمع لحيادر..
من خلص كلامه كله..الله يسهل عليكم ابني..
مرتك هي وبعد بينكم هالشي شوكت
ماتقررون براحتكم..
ومدام متفقين الله يكملها عليكم بالخير..
واعذرنا..بس تعرف الامرتصير حريصة.
لا عاذرها..حجاها وكام عدل عكاله..
انا اترخص..وبامانتك شاها بعد..لا تزعلونها
تراها بس هالايام يمكم..
ابتسم بابا وهز راسه..وهو طلع وبابا
طلع وراه..
انا كمت اريد اطلع ولاكتني ماما وامينة..
تعاي تدهن بلاعيمج..حجت وهي تدخل
للاستقبال..
امينة امبين حيادر حاجيلها لان بس
تباوعلي بقهر..
دهنتلي بلاعيمي وانا طكيت من البجي..
منا وجعهن والخنكة ومنا وضعي الزفت
والموقف الانحطيت بي مااتمناه لعدوي..
كملت تدهين وكامت سلمت وطلعت
لان حيادر بقى ينتظرها بالسيارة..
ماما راحت وراها..
وانا رحت لغرفتي..قبل لا ادخل خليت
فوني يم مراية المدخل..
دخلت قفلت الباب وتغطيت وغمضت..
ماريد افكر بشي ابددد..لهنا وكافي
اريد اريح اعصابي..
بقيت ادلك بلاعيمن من فوك ليجوا
لان الدكتور ناصحني بهالشي
يخفف الاحتقان..
شوية شوية هدات..بعدها غفيت..
نمت نومة طويلة كلش..
كعدت ع صوت الباب يندك وبابا يحجي..
شااها..بابا كاعدة تسمعيني؟؟؟
فتحت عيوني بتعب..باوعت للساعة بالخمسة!
عزا شكد نايمة انا..
كمت فتحت الباب لبابا..باوعلي وجرني
لحضنه..
باس راسي وهو يحجي..قلقتيني عليج..
عبالي صار بيج شي..
حجيت بصوت مبحوح..لا بابا بس جنت
نعسانة وتعبانة ونمت..
نوم العافية ..تعاي يلا غسلي واكليلج
لكمة ..
اخذني ويا طلعت من الغرفة..غسلت وانتظرني
برا..من طلعت اخذني للمطبخ وهو حاط
ايده ورا ظهري..
رحت للمطبخ صبيتلي اكل وكعدت
اكل بس كوة ابلع..
هو كاعد كدامي..يباوعلي وصافن..
زعلانة من امج؟
اي..
حقج بس هم غلطانة انت..
اعرف انا غلطانة بابا..بس ماما قست هواي
علي..
اعرف وتصرفت غلط..وحاسبتها ع هالشي..
لا بابا..حجيتها بخوف..تعاركتو بسببي..
هه لا مو عركة..بابا الازواج كل مايكبرون
يكثر التفاهم..
ويتوصلون للغة حوار..حتى باصعب المواقف..
سوالف العرايك وغيرها للطايشين..
بس الي يوصل لعمرنا وهو يعارك هذا
ارعن هههه..
ياا هههه..
بعد ابوج فدوة لضحكتج..
رجلج اجه العصر
ماتدرين..
لا ليش اجه..!
جاب اهل هاجر وانطاني فلوس البدلة وهالسوالف..
اممم..اي باجر لازم احجز كون احصل عدها..
خابرتها امج مساع..
اي زين..اشو ماكو احد؟
عدنا خطار بالاستقبال يمهم امج واخوج
ومرته بالغرفة..
ومحمد ..كالعادة..
الج خلك تطلعين؟
وين..
افرج شوية ونتعشى ونغير جو..
لا بعد فد مرة باجر..اروح اشوفلي بدلة..
براحتج..
بعدها رحت توضيت جاي اصلي..
وبطني مغصتني..كطعت الصلاة ورحت
للحمام..
شفتها الشهرية ارتاحيت..رغم ماصارلي
وقت من خلصت..بس خفت تجي بزواجي
وتتعبني..
دفيت نفسي زين واخذت علاج..واخذت فوني
وكعدت بفراشي..
ماكدر اطلع

برا الغرفة اخاف يشوفني
احد من الولد لو هاجر والاضرب خاف
يشوفني خطار بهذا شكلي..
بقيت بالغرفة..فتحت الفون..شفت حيادر
مخابر هواي..تالي كاتب..من تكعدين
خابريني..
دكيت عليه ..رد بصوت ثكيل..
هلا ..شلونج؟
الحمدلله..
صوتج بعده ماشربتيلج شي دافي..
اي شريت جاي قبل شوية..
اي زين الج..ليش تلفونج برا؟
شون عرفت؟
دكيت عليك مارديتي..كلت لهاجر تطمني
عليج..
كالت نايمة بغرفتها وتلفونها بالهول ناسيته ..
اي جنت تعبانة ونمت هواي ماحسيت
بنفسي..
اي من اجيت كالت هاجر بعدها نايمة..
خو ماحاجوج شي؟
لا ماكو..
خوش..دربالج ع روحج ولا تخلين
امج تمد ايدها عليج بعد..
اممم..
صوتج فد نوب صاير؟مو بس بحة وياها
ونة جنج؟
اي شوية تعبانة..
شكو شعندج يعني مريضة؟شكلج مساع
ذبلان شيوجعج؟
لا مايوجعني شي بس نحلانة..
لو سابحة حتى جسمج يرتاح وتتنشط
الدورة الدموية..
مابية اكوم ..
صدك تحجين؟اجي اخذج للمستشفى؟
لا لا شسالفة..قصدي متعاجزة..
ها زين..
طلعي كملي مسواكج والتحتاجينه
هالايام..
تردين اجيج اخذج ؟؟
لا ..وياي ماما وهاجر اذا احتاجها..
خوش من تحتاجين شي كولي..
اي..
اخذي راحتج..
اوكي باي..
سديت الخط منه وبجيت..نبرته جافة
كلش ويحجي بثكل..
انقهرت منه هواي..رغم خابر وتطمن
ويحجي بقلق..بس ماتعودت عليه
هيج اسلوبه..
بقيت بالغرفة شوية واجت ماما..دكت
الباب ودخلت..
كومي تعشي ويانا..
ماصارلي هواي من اكلت..شبعانة..
كومي عيب مرت اخوج ويانا تتعشى..
كاعدة اول يوم الها..
ماما استحي من الحمارت البوجهي...
استغفر الله..حجتها وطلعت وسدت الباب..
انا استحيت من هاجر حتى ماباركتلها هي
وحسن لو شفتهم اصلا..
بس ماريد اطلع حتى لا انحرج
وهم ماريد الموضوع ينفتح بعد ..
بقيت بالغرفة مايلعت منها..
حيادر ماخابر بالليل ابد..بس دز رسالة
شلون صرتي؟
جاوبته زينة..ردلي تصبحين ع خير..
زادت كآبتي ووجعي..بقيت لحد
مانمت..
يوم ثاني ع كد الاكل..اطلع وارجع للغرفة..
ماشفت اخواني ولا اشوف الخطار اليجي..
ع اساس اطلع اشوف بدلة..
بس موجوعة هواي ونفسيتي تحت الصفر..
اجلتها ع يوم ثاني..
يوم الاحد شوية وجهي خف الاثر..
خليت كريم وخفيته اكثر ..
هاجر اعتقد عدها علم وحتى اخواني..
لان محد سأل ليش ماشفناج صارلنا
ثلث ايام ولا احد لمحلي..
مادري شنو كايلين الهم بعد..
شوية نفسيتي احسن صارت ..كعدت وي
هاجر وسولفنا وهي حبابة وطيبة
حلوة الكعدة يمها..
حيادر ع كد الاتصال ويسال شخبارج
وشمحتاجة وبس..
بالليل ابد مااتصل ولا حجه..
بقيت اطلع اشتري الاشياء المهمة..
حجزت بدلة وكملت احتياجاتي..
ماما حاجتني كالت نسويلج حنة بقاعة
وانا حجزتلج عد الحلاقة حنة وعرس..
رفضت رفض قاطع..واكتفيت بحجايتين..
تعبانة وماريد ..
اليوم خميس..بداية شهر الثالث..الجو
حلو منعش..
خلصتني الحلاقة من وكت..حسب طلب
حيادر..
كعدت انتظر شوية وخابرني..
حضروني وطلعت..
صعدت ورا ويمي ماما وهاجر كدام..
لحد ماوصلنا للمصور..انا ابد
ماباوعتله ولا شفت شي وجهي مغطى..
نزلنا للاستوديو..
من نزعت البرنص وشفته..قلبي خفق..
لابس دشداشة بيضا تلمع..وفوكها بشت
ابيض مطرز بذهبي..
جفيته بيضة مرتبة وواكفة.. وعكال اسود ..
صارلي كم يوم ماشايفته..وهسه شفته
بهيج لبس..صفنت بي وهو صفن بيه..
يمكن لحظات واحنا واحد يباوع للثاني..
دكت الباب البنية..دخلت حتى تصورنا..
احنا ساكتين بس روحنا تسولف..بحيث
ماهتمينا لا لتصوير ولا لقطات
جنت انا احجي بعيوني وهو يجاوب..
كملنا وطلعنا..اخذني للبيت مالتنا وراح..
شوية واجه هو واهله..
تحضرت وهم دخلو بهلاهل وهوسات
وصوت الموسيقى يسد الاذن..
دخل ابو وهو وياه..
سلمني بابا اله..وانا لازمة بيد بابا قوي..
ماشوف شي كدامي بس مدنكة وماريد ابجي..
ماريد شكلي يخرب حتى محد يكدر يحجي
عليه شي..اريد اطلع باحلى صورة..
اخذوني وطلعت..صعدت ورا وماما يمي
وهو كدام ويمه خاله..خاله نفسه الخطبني..
حط اغنية محمد وعلاها..
وخاله يدندن وياها وكل شوية وتشاقى وياه..
وصلنا قبل الاذان..جان اكو ضوا ..
من ردت انزل كال صبري لا تنزلين..
نزل قبلي ونزع البشت مالته..
واول مانزلت من السيارة خلاه ع ظهري..
وكامو يرمون حيل..جلبت بدشداشته واعت بيها
من الخوف..
بس هو لزمني عدل وكال..خلب لا تخافين..
ودخلنا جوا..
كعدت وكعد يمي..نزعت البرنص من راسي بس..
بقى ظهري مغطى بالبشت مالته ماقبل انزعه..
بعدها كام طلع ..وماما كعدت بصفي..
اجت حنين يمنا وتهلي وتجامل..
لابسة بدلة فضية بيها مثل طش تلمع..
ومنفوشة وطويلة..
وشعرها مخليتهرمفتوح لان كلش قصير..
تقربت يمي وحجت..اي عمي شتردين بعد
حيادر لبسج عباته..
جاوبتها ماما..شفتي شكد يحبها..
كفو من الشيخ حيادر..
للحكاية بقية

.

الشيهانة
الجزء الخامس والعشرون
اي شفتي شكد يحبها!كفو منه شيخ حيادر..
اي اي الله يسعدهم ..حجت وسوت نفسها تحاجي
بنية يمها وراحت..
ماما كالت وراها قل اعود برب الفلق ..
وبقت تقرا عليه وكلساع وكالت اعوذ
بالله عينكم بيها ملح..
لان هم مكابليني وكاعدين نسوان كافة الاعمار..
الجهال كلش يم بدلتي وانوب بدلتي شطولها
وشبعت دوس منهم ..
وكاعدين يباوعون مثل اليباوع فلم ممتع..
شوية واجتلي امينة..حبيبة حيادر كال نسويلج
جلوة واجت الملاية تسوي مولود..
ها اي شنو اسوي..هذا اليفياف ام محمد
حبيبه وهسه يجن البنات يكضنه وياج..
اي اي انطيني..كامت ماما واخذت منه وصلة
خضرا مربعة جبيرة ..
واجو البنات تجمعو فوكي وانا صرت بالنص..
وبدت الملاية تقرا..امينة في امانيها..مليحة في
معانيها..تجلت وانجلى همها سألت الله يهنيها..
والبنات يرددون وياها ويصفكون..
وانا استمع للكلام حلو وماحفظت البقية بس
عجبني..
تالي ختمت وبقت تسوي هوسات وشعر وهم
والكل تركص بناتهم وحنين بالنص ذبت لحم
ع كولتهم..
اجت رادت تكومني اركص بس ماقبلت..
وماما كلتلها لا مايعجبه الشيخ مرته تنشاف
ماشفتي شلون غطاها بعباته..
صاحت عليها اخته ..يلا حنين مدن السماط
العشا زاهب ..
راحت وهم البنات انتشرو وبدو يفرشون..
اجتلي اخته الجبيرة..ها عروس خنصعدج
لحجرتج حتى يتعشن حبايبج..
ماما كالت لا عادي يتعشون جوا احنا اهد..
قصدها ع قريباتي الراحو وياي..
بس هي تصعد تعدل نفسها وتستعد لزوجها..
اي اي لن شوي ووتدخل الزلم يزفونهم..
كمت وساعدتني بت عمتي وهند ووماما لازمتني
من ايدي..
صعدنا فوك..طلعت المفتاح اخته وفتحت الغرفة
ودخلنا..
وهي هلهلت وصلت على محمد وال محمد
وطلعت..اخذن راحتجن خية..
ابتسمت وانا الاوع للغرفة..شايفتها بس
بالفون..بس بالواقع تجنن..
وترتيبها حلوو ..لان هو منع احد يرتبها
كمل كلشي ع ايده..
كعدت ع الجرباية..جانت مليانة ياس وورد..
ماما وكفت كدامي وتنهدت..
بعدج زعلانة مني؟
اي..
لمصلحتج ماما..هو ميت عليج ومامصدك..
خفت لو صرتو وحدةم ياخذج ...
حتى يضمنج
اله وحتى يعجل بالزواج..
لهالدرجة بنظرج هو طايش!
ماما كعدنا سوا وانسد الباب علينا
ماسوا شي غير البوسة..
ويكدر ياخذ كلشي بس اصلا مابباله
هيج..
ماما حيادريحترمني قبل لايكون يحبني ..
قبل لا يخطبني جان يحاجيني ..بس مازل
وياي بكلمة..خطب وانطيتو موافقة وما
زل ابد..جانت حجايته اصبر ومااخلف
عهدي..حالف ماحاجيج شي يحرك مشاعرنا
ثنينا الا بالحلال..
يعني تعترفين!؟شوفي شلون خربج وخلاج
جريئة..
ماما لو عندي جرئة ما جان سمعت كلامج
جان عارضتج..
انت تعرفين وقع تصرفاتج عليه شنوو؟!حجيت
بقهر وعبرة..
حجايتج وانت تكولين منو يحاجيج كلمة
تنطي وجه وتسرسحين..توقعت حيادر
من يسمعها يتركني..
كلت هسه يكول امها تعرفها تحاجي كلمن
كان وعدها علاقات..هيج كلت راح يفكر..
رغم ادري بي يحبني ويعرف طينتي..
بس حجايتهج هظمتني..ضربج الي ماقهرني
بكدها..قللتي مني وشكيتي بيه بلا سبب..
وهاي انا كدامج مامستعدة لذا اليوم..
وخايفة خوف يصعب وصفه..اتخيل بعد
لحظة رخاء وياه يصير شي ويخرب..
اصلا ماودي يتقربلي لان صارت بيه
خوفه..
ماما هم عرب وعدهم البنية لازم تبقى
خام اصلا هسه يتونس عليج من يشوفج هيج..
لااا لان هو مو هيج طبعه..هو مايريد
يستمتع بخوفي..ولا عمره سوه هالشي..
ورادني اتعود عليه وكلشي بارادتي..بس
قساوتج وياي خربتلي احلى ايامي..
كرهت العرس وكلشي يتعلق بي..جنت
مخططة غير..
بدلت كومة اشتريت لحنتي..جنت اريد افررررح..
مو بس اتزوج لا افرح..
اريد اشوف حنين هذا التكليلي مايحبج وابو
علاقات شوفييي اخذني..
سوالي كلشي احبه..
بس بفضلج صار العكس..
اي وانا ردت الطمها واقهرها بحنة الج وحجزنا
بس انت ماردتي..وماردت اضغط عليج
وابوج منعني احجي شي زايد..
ونفس حجيج كلتلي حنين..ابو علاقات
وسوالف مكسرة بس لطمتها وكتلها حدج..
نعرفه ونعرف معدنه شنو وانت لان تغارين
من شاها دومج هيج تحجين..
بس بداخلي كلبي لعب..وخفت واحتاريت
وارجع واكول جذابة وادري جذابة
بس اخاف لان انت وحيدتي ورفة كلبي
ماتدرين معزتج شنو عدنا..
تدرين ابوج بيوم الاجهزحيادر الصبح وحدد
الموعد..
تدرين من شايفج بذاك اليوم اجه يموت..
بس دخلتي لغرفتج صاحني للغرفة..
واول مرة بحياته يمد ايده علي..
ضربني نفس الراشدي الضربتج..
كلي مايشفي غليلي لو اضربج منا لباجر..
شاخذ منج حق قهرتها لو فشلتها وي رجلها..
رغم كتله سمعته يحاجيها ويتخيل روحه
ينام وياها بس كلي معليج..ياما
صار بينا سوالف هيج لو نسيتي!
بقت تبجي وخنكت عبرتها..ولهذا اليوم هو مايحاجيني بس كدامكم..
حتى لا تنقهرون من تشوفونا مانتحاجه..
لحد اليوم من ادخل للغرفة لو يطلع لو ينطيني
ظهر حتى لا يشوفني..
وحقه واستاهل انا..بس خوفي عليج ماخلاني
اعرف اتصرف..جنت اريد استفز
رجلج واشوفه يقاوم ويصبر لو رايدج
بس طربة..
والحمدلله طلع كفو ..
ولج شاها ماريد اصدك انت فاركتيني ماريييييد...
حجت وهي تغطي وجهها..كمتلها ركضت
وشبكتها..
شبكتني وبقت تبج

ي حيل..وانا ابجي اكثر..
بقينا بس وحدة حاضنه الثانية ونبجي..
اندك الباب وانفتح..دخلت اخته الثانية..
يااا ياستار ربي ليش البجي..سمن بالرحمٰن..
بعدتني ماما من حضنها ومسحت دموعي..
واخته كالت يلا مسحي دموعج رجلج
راح يزفونه عليج..
ماما كلتلها اي اي جاهزة ماعدها شي..
عدلتلي شعري ولبستني البرنص ع راسي
والعباية هم عدلتها..
وكعدتني ع الجرباية ووكفت يمي لازمة ايدي..
ماما عفية تباتين مو..
اي اي ابات بس انت صيري سبعة وخلي
براحته..ترى هم عدهم لازم بسرعة
مو مثلنا..
هي تحجي وصوت الهوسات مالت الزفة
والطبل بدا يقترب..
وانا قلبي يدك حيل وهي تحاجيني ..
بعد امبين كلشي معلمج ماحاجة احجي..
بس صيريله مثل مايريد حتى لا تتاذين ..
صار الصوت يم الباب..وانا دخت من
القلق والارتباك..
غوشت عيوني..واعصر بايد ماما..
بقو يصلون على محمد وال محمد
حيل وهوسو واندك الباب وانفتح..
تركت ايدي ماما ومشت بسرعة..
وهو دخل وسد الباب..
دربالك عليها حيادر شاها تخاف من خيالها..
لا توصين يمه تطمني..
فدوة لعينك ترى بس حجي جبانة..حجت بعبرة..
هو تقرب وباس راسها..بعيوني احطها
وشوي وتسمعين الاخبار الحلوة..
هزت راسها وطلعت..
وهو تقرب يمي..لزمني من ايدي وكومني..
نزل البرنص من راسي..شال العباية من ظهري..
دنك وتالي باوعلي..الحمدلله ..نلت مرادي..
شاها انا حيادر ترى ارتخي وسمعيني حبيبي زين!
اممم..
كعدي ارتاحي..
كعدت وهو كعد يمي..باوعيلي شوية احاجيج..
باوعتله بقلق..لا تفكرين باي شي..كتلج شراح
نسوي اليوم صح!
اممم..
وكتلج تعتبر عيب بحقي لو تاخرت صح؟
اممم..
شتكولين نتساعد ونخلص من البرا حتى نتسامر
هنا براحتنا؟
لو نبقى نجرجر ونضيع ليلة من ليالي العمر..
نخلص احسن..
جا يلا خليني اساعدج نزعي بدلتج حتى
اطفي الضوا مثل ماتردين..
كدامك انزع!
اي لازم شيهانتي سبعة انت ..
لا سد الضوا احسن..
يجرالج..حجاها ومشى وهو ينزع عكاله..
وطفى الضوا واجه يمي..
ساعدني نزعتها وجنت لابسة جوا كولون..
هو باوعله وضحك..هذا جان يعيل بيه من تلبسينه
جوا تنورتج الكصيرة..
يحجي ومد ايده لرجلي رجفت..
تتذكرين بيوم لبستي قميصج الابيض
الضيك وتنورتج الكصيرة..
حجه ونومني ع الجرباية وايده تتسلل..
يااابه ولج بيومها الشيطان تربعلي وكال
اليوم احرفك لو انا لو انت..
ههه..
بس منا وهيج ماكو شيطان..حجه واخذ شفتي
بشفافه..
من لمساته بديت افقد ومن اخذ شفتي
استسلمت..
الى ان..تقرب حتى ياخذ برهانه الي تنتظره
عشيرة برة..
ماكدرت اكتم عياطي وهو يكتمه من يحبس شفافي
بشفافه بس عبث ..
اظافري اخذت ثاري بلا مااحس..
صح ماطولت وانتهت بسرعة بس للاسف
ماكدرت اسكت وصوتي خذلني..
كام وهو يبوس راسي وكصتي ووجهي..
بعد عمري شيهانتي ..هسه بسرعة ارجع ..
لبس دشداشته وطلع بسرعة وانا احس
رجليه انشلت اريد احرك نفسي ماكدر..
بس سندت نفسي وكمت لان الفرشة اتلفت..
واباوع انترست دم هواي..
اخذت كلينكس وفززني صوت الطلق كعدت
من الخوف..
يتصورلي تدخلي من الشباك..
رمي صار قوي حيل وي الهلاهل وانا خاتله
بصف الجرباية..
انفتح الباب ودخل حيادر..
هههه كومي وين كاعدة خفتي من الطلق هاا..
ايي لا تجينا وحدة من الشباك..
كتلج خلب مابي لب..كومي حتى اخذج للحمام..
اكومني وانا استحي وهو يضحك ويكلي
امج تكول جبانة خل تجي تشوفج شلون
شيهانة معدلة..
نفخني وعدلت روحي وطلعتلي دشداشة من الكنتور
لبستها..
واخذني للحمام..
الحمام بنهاية الممر يعني اعبر غرفتين بصف
غرفتنا يلا اروحله..
دخلت وهو دخل وياي..الحمام جبير ومفصول
ببردة..
فتحها وكال سبحي ع ماروح اجيبلج
خاولي وملابس..
بس طلع قفلت الباب وسبحت شوي جسمي
ارتاح ..وانا مغمضة وخجلانة شكد عيب..
دك الباب كتله انتظر اخلص..
كملت ولفيت شعري وتقربت يم الباب..حييادر..حجيت
بصوت خافت..
هذااا انا ..جاوبني بنفس النبرة..
فتحت الباب وانا اضحك..واخذت الخاولي
والملابس وكملت وطلعت..
هو دخل وراي وغمزلي..لا تمشطين
شوية واسبحج مرة ثانية..
مسيت للغرفة بسرعة وانا اضحك..
دخلت وجاي امشط ..اندك الباب..منو؟
انا ماما امج..
اي ماما فوتي راح حيادر..حجيت وانا اتقرب للباب..
دخلت وسدت الباب..شبكتني بسرعة
وتبجي..الحمدلله ماما ماصار بيج شي الف مبروك ..
حجيت وانا مدنكة..شكرا ماما..
فتحت الشسوار ابو الفرشه وبديت امشط..
هي يمي كعدت ع الطابورية..
شلونج ماعندج وجع؟سمعت صرختج وقلبي انمرد سودة
عليه..
اي كلش موجوعة اكثر شي رجليه ..بس شكد عيب
سمعتوني..
اي سمعنا ثلث صرخات ههه عادي ماما كلها هيج..
هسه هاج شربي هذا احسن..ولا تخلي يقربلج
بعد منا لفد ثلث ايام..انطتني حباية
من جنطتها..
ها صدك..
اي احسن لا يصير عندج مضاعفات..
باعي ماما مدام تطمنت عليج اروح هسه
والصبح اجيج..
لاا ماما ليش؟
احسن ماما بعد عبالي يطول وماكدر اروح..
ولو تدرين بيه ماحب هيج عادة واحب اخليج
براحتج..
بس هم عدهم عيب البنية محد يبات وياها تعتبر
مو عزيزة عد اهلها..
بس احسن رفعة راس الج وهم منها تطمنت عليج..
بس هسه ابوج خطية حالته حاله يفكر

بيج.. وهاجر هنا
هم راح ترجع حسن مايقبل تبقى..
اي اوكي براحتج بس تعالي الصبح ..
اي اجيج الصبح طبعا ..بس دربالج ع روحج..
وحنين شنو تحجي لا تسكتيلها..رديها
حجاية بعشرة..
واي واحد يحاول ياذيج لو يحجي شي زايد
كلي لرجلج ..من البداية حتى لا تسكتين وبعدين
تنفجرين ويكلج ليش ماحجيتي من البداية
وتتطور المشاكل..
وانشالله ماكو مشاكل..ترى رجلج متشيخ
عليهم كلهم واله حجايته ..هسه مو كعدت
يمهم واسمع الحجي..
ياخذون بحجايته من بعد ابوه ويهابو..
ابتسمت وهزيت راسي..اي اعرف بي..
يلا لعد انا رايحة وشنو تردين خابريني
لو نص الليل زين ماما..
اوكي..حجيتها ودمعت..شبكتني وبوستني..
وطلعت..
ورا طلعتها ثواني ودخل حيادر..
لكاني ابجي ..سد الصوا واجه يمي..ها عليش
البجي..
بس لا حصلتي راشدي منها ولج ..
لاا راحت..
اي زين عبالي سوتلج كبسة ..انا اسبح وافكر
اكول هسه امها تدخل تكلها ها ولج سواها
صدك واخذج المايستحي ..
هههه عوفني..ضليت ابجي واضحك جني
خبلة..
حشاااج..يلا خل ناخذ راحتنا بعد..الباب
وقفلنا وانطيناهم اليردونه..
عزاا شكد فشل شلون اطلع بعد واباوعلهم
مادري ..
بالعكس طلعي وانت رافعة راسج ومتباهية..
غير شيخ العشيرة بكبره طكلي مخزن ..
عزااا شيخ العشيرة ..انفضحت..
اكو احلى من هيج فضيحة ياحلوة..
تعاي تعاي خل نتعشى انا جعت..
يا صدك نسيت العشا..
لا حاضر وصيت امينة عليه كتلها من ادكلج
صعدي..
هسه راح تجيبه..
لعد اكل فد مرة يلا ابدل..
اي احسن..
جابتلنا امينة العشا مالذ وطاب..اكلنا وهو طلع
الصينية خلتها برا كال هسه اخابرهم
ياخذوها..
واحنا غسلنا ورجعنا..
لبست السيت الابيض وقبل لا البس الروب
كام..المن لابسة الروب عمري يولي..
ها حلو..
انت الحلو يالجنك كيمو وتذوب  بالحلك..
اممم ..
اخ شكد منتظرها الاممم من حلكج..حالف كل
ماتكولينها اكلها اكل من شفتج..
ههه عوفني قبل لا تبوس..انا زعلانة عليك ترى..
تمددنا بالجرباية وبقينا نسولف..
انا زعلان وانت زعلانة وامج زعلت..وتلاثتنا حكنا
نزعل..
هيج تشوف؟
اي هذا الحگ..
انا عذريني ضغطت عليج بس ردت اعلمج
عليه..
وشوفي اليوم ماتعذبتي واجد لني حاجيلج..
ومعلمج ع لمساتي التخدرج..
اي صح..ماتوقعت هيجي بسرعة نخلص..
ها شني تشكين ولج..
هههه اشك بنفسي لان شفت بعينك من كلشي
اخاف..
اي تتعودين..
هسه اعودج بعد..
ها مو لازم ثلث ايام..
شني مسوية عملية ولج ..
هههههه لا صدك خاف اتأذى..
نزل شي بعد لو لا؟
لا ماكو..
هذا اهو بعد خلينا نتمتع انا وياج ومعليج
بحجي احد..
هذا ثوبج يفتح النفس مشترية هيج قماش
بعد لو بس هذا..
لا مشترية هواي ههه كلش هواي اشتريت..
اي ناعم يناسب نعومة جلدج ..حجاها وخله
راسه بركبتي..
بدا من ورا اذني و..نزل..
تقاربت اجسادنا لحد ماتعانقت ارواحنا..
اخذ ثار الشوق واللهفة والحب الي انحرم منه
الايام الفاتت..
خلاني ادمن عليه بارادتي..وخلاني اطلب
بارادتي متجاهلة اي شي ثاني يعكر صفو
سمرنا ..لا يهمني الم ولا وقت..
بنهاية رحلتنا الطويلة..غفينا بحضن بعض
تعبانين..وبالاحرى غفينا نص الليل..
كعدنا الصبح ع صوت الباب..فز هو وفززني
وانا بحضنه..ساعة بالتسعة..
جرني لحضنه وباس راسي..صباح الخير يوجه
الخير..
بست صدره وكتله صباح الورد هني..
ضحك ضحكة طويلة..فدوة رحت للانكليزية..
اكلك الباب اندك لو متوهمة..
ولج تفلش الباب مو بس اندك..
عرساننا يكعدون من الستة..مايدرون احنا
نمنا قريب الستة..
عزا عيب هيج..
ماكو عيب ناس محرومين نريد نشبع..
ههه لا لا ماريد احس البوتم(الجزء السفلي) كله مشلول..
ههههه لا لا كامت تحجي انكليزي لان تستحي
من العربي..
اي استحي اكولها هههه..
هسه يروح الوجع هذا هيج ماينحس بي..
واخذني لحضنه ونساني الوجع لحظات
بس بعدين توجعت اكثر..
وطلعنا للحمام سبحنا وانا امشي كوة
وكلساع وداهرته كله منك..
حضرت نفسي ولبست قفطان ابيض
وبي شريط فضي من الردن والبطن ..
لبست ذهبي حسب توصيته هو كال لا تنسين
ذهبج لان صدك نسيته..
وهو لبس دشداشة بيضة ونزلنا..
ببداية الدرج وشافونا وبقو يهلهلون..
بس الناس الموجودين كوومة..ولد وبنات..
او نزلتنا امينة طشت علينا جكليت وامه تهوس
واخواته..
سلمو عليه وباركولي..امه كالت شني كلنا
ماتنزلون نكعدكم فد نوبة للغدا..
هو ابتسملي وحجة..يمه الليل كله مانمنا
لو ماكعدوتنا جان بقينا للعشا..
بقو يضحكون واخوانه يبسمرون وانا كلها
ماعرفها حتى الشفته بالصورة نسيته..
اجت حنين من المطبخ تهلهل..
صلوااات نزلتو كلت اصعدلكم..
رحم الله والديج خوية ماصعدتي..جان طاحت براسج..
هههه ايي نامو نوم العوافي وراكم ضيم..
غلس عليها هو وبهادر خزرها..
وشوية ورجعت للمطبخ..
لان ذابحين شكد وعازمين اهلهم وهم بس بيتهم
بي عشيرة..
حيادر راح وي اخوانه للديوان وانا بقيت كاعدة..
بيبيتهم تسولف وياي وتحجي..
دك الفون مالتي ماما..جاوبتها بلهفة وكالت
انا جاية بالطريق..
من سديته منها سالتني بيبيتهم تصير ام ابوهم..
ها امج ياية..
ايي بالطريق..
خطية الله يحفظها الج حبيبة..البارحة من طب
ياخذج