صبراً فـ ‎#المهديُّ_قادم .. 💔

#سر_الحياة_عيونك

البارت 1

شهر الرابع -الخميس
اسمي روز راح تتعجبون من اسمي اي اسمي ع بطلة فلم تايتنك ومنو يشوفني يكلي وين "جاك" وياحسرتي لا جاك ولا رحتله هههههه
عندي اخوان 3 (عابد..وعلي..وحسين) الجبير عابد واخت (حنين)اصغر  مني وعايشه ويه عائلتي بحب وسلام مع عائلتي ومن سكنة بصرة الخير .
احب شي اسمه طبخ واحب اتعلمه وخلكي  طويل واتعلمه بسرعه وامي جانت تكعد فوك راسي واذا خربت فد اكله تحرك راسي هيج منج وهيج من التلفون واني ام لسان مااسكت واضل اداهرها واضحك
فد يوم صعدت الحماوه مال النداره وطلعت قناة فتافيت وكابلتها وطلع البرنامج مسويه زنود الست
صحت الاختي حنين هاي بزر الكعده ام السوك والفرات مخلينها تكسي تشتريلنه
روز... حنيين ..وينج ولج
صحت وماكو
رجعت صحت
روز.. حنييييين
حنين..هااا
روز..بعد عمري ال ها روحي اشتريلي
حنين..  اهووو مابيه ماعدكم غيري مابيه حيل تعبانه
روز..  منين تعبانه شمسويه
حنين.. تعبانه نفسيتي
روز.. هههههههههههه ام نفسيتي هاي منين متعلمتها كومي عفيه راح اسوي زنود الست
حنين.. اي وتالي تحركيهن وكلشي ماناكل
روز...لاا سهل والله مااحركهن يلا روحي والج خمسميه
حنين.. يلا جيبي
سمعت بيها فلوس كبل راحت لبست حجابها
حنونه  بالخامس ابتدائي وبزر الكعده عليها سوالف تخبل ام لسان
والله وكتبتلها الشغلات وراحت
وكعدت اسوي وهي تساعدني ومتونسه اتحب اتسوي هاي الشغلات
كملته وزينته  ومن صدك جان طعمه يخبل
صورته ودزيته للكروب
حنان..  الله ياخذج مو مسويه رجيم اجاج الرجيم حيوانه
بتول.. بالعافيه يامصخمه ياملطمه
روز..  هي مال رجيم يمعوده
زينب ..لجن جاي اتنسه والله
روز.. اوي كلبي بعدج ع النساوه
زينب.. غير موتتني
طبعا احنه شلة صديقات وكلش هواي صديقاتي وكلهن علاقه قويه وميانه عندي صديقات من الاول ابتدائي وحته من الروضه واني من النوع الاجتماعيه بسرعه اختلط وانحب واحب
يعني شخصيتي بارزه ومرحه بنفس الوقت
كعدنه نحجي وانحش
بتول.. اي والله صخم الله وجهه شلون جهره لا وفوك هذا خابصه روحها
روز.. لاتقهرين روحج  هنه ذني يفترن ع الزلم وعاد شلون زلم عيونهم فارغه وماتنملي
زينب.. والله فد تعبت من احمد وكمت مااحاجي بس شكول الله يسامح اهلي
حنان.. لاتهتمين زينب وهاي حسابهه باجر اله اسحلها من شعرها بنص البنات
روز.. لاتروح تورطج بشي هذن مايستحن ولا يخافن
زينب.. اي عوفيها تولي ولو كررت هالسالفه اني احاسبها واعلمها النسوان شتجيب
بتول ..روزايتي
روز.. شو
بتول..شلونه عابد
حنان...هههههههههههه هاااا
روز.. بخير خيه هههههههههههه
زينب.. توه منو يكول يفترن ع الزلم ويموتن ع الزلم
بتول..اهووو هسه سالنه سوال شسالفه
حنان.. اي اي
طبعا ادري بتول عينها ع اخوي بنفس الوقت ادري عابد مو مال هالسوالف وهي مجرد مشاعر مراهقه ولو جنت اتمنى يحبها وياريت لان ماالكه مثلها اخت وصديقه خلقه واخلاق
كملت حجي وياهن وللوحده انتهيت من الضحك نمت مرتاحه كعدني
عابد.. الوووو لااله الا الله الف الصلاة والسلام عليك ياحبيب الله محمد
ويطبل ويعليزصوته دفرت الفراش  وباوعت للساعه ب10 كلبت الدنيا
روز.. ولك هيييييي موتتني
عابد.. من مساع اكعدج وماكو ولاتعلين صوتج لا اكسرج
روز.. يماااااااااا شوفي ابنج اريد اخمد عطله ياعالم عطله
صاحت امي
امي.. صوتج عايقه ماحمضتي من النوم
نزلت واني شايطه
بست راسها
روز.. يمه شبيج والنبي عطله شو اسوي كاعده
امي.. تعالي نظفي سوي البنات يكعدن من الصبح وانتي متختخه ونايمه
روز.. يمه بيتنه نظيف والله نعسانه اريد اشبع نوم بالعطله شبيكم
امي.. اكلتيني مو لسان منشار  روحي نامي ماريد منج شي نعم الله عليج
بست راسها
روز.. انظفلج واطبخلج يابعد روحي شعندي غيرج
امي.. روحي روحي
روز.. انتي هم روحي وعمري
ركعتني ع راسي
امي.. هههههههه ام لسان الوكحه بس لو تلزمين لسانج راح يصخم وجهج
باوعتلها صفح ركعتني بالخاشوكه
امي.. فگس الهالعيون
بستها ورحت فرشت اساني ومشطت نظف البيت كله ماطولت لان نظيف ورحت اتريكت
وامي تسولف وعمتي
وكاعدات ينظفن خضره
عاد رحت شفت زنود الست ماكلي طرت من الفرحه
كلش احب من اسوي شي وياكلو
روز.. يمه شلونه حلو
امي.. اي والله ماماتي عاشت ايدج
روز ..يابعد كلبي كلبج
بالعطله افتر واكل بوقتها سمنت واسوي عنايات بوجهي ومهتمه بنفسي الى اخر حبه
فد مره العصر كاعده ومخليه بوجهي ماسك ومطفيه الكهرباء جان يدخل عابد وكمزت
هو شافني
عابد...عيع شنووو هاي
روز.. شنوو
عابد.. وجهج كوه تسوي روحها حلوه
لزمت خصلت شععري وافر بيها
روز.. اخبل ..اجنن
عابد.. شلون بيها دفره هاي بابا منو ضاحك عليج
روز.. عبيدان تسكت لو اهجم
اجه رفعني ب ايد وحده
عابد.. ها
كمت رفعت روحي ودمرت لحيته
دفعني
عابد.. خااااااهووووووووع
روز.. ههههههههههههههه 
وركض يغسل ولعبانه نفسه ومتت ضحك ع حالته
عابد.. هاي شمخليه راح ازوع كلببببةةة
روز.. كلشي
شمر عليه السله
طفرت ع ظهره
روز.. والله امسحهااا بوجهك والله
وهو يدفع ويصيح
عابد.. نزلي لا ابت

البارت 2

اجه السايق وصلني للبيت نزلت اويلي ع ريحةالطبخ بست امي ركض ونزلت اخخ انتهيييت
روز.. يمه يمه شوكت ناكل عبيداااان حسوااان عليواااان
امي.. هههههههههه شوكت تعقلين انوب دخلت سادس راح يزيدن عندج
روز.. يمه مااعقل لحد ماتسوفين بيدي حفيدج
ضربتني بالخاشوكه اجت بالسنك
روز.. هههههههه ولاتتشاقين شسالفتج ام عبيد
امي.. رعنه طلعي من السادس واحجي هالسوالف الطايح حظها
روز.. اي نهايتنه نتزوج ونخلف
امي.. شوف شوف يبوووي وخري من يمي اختنكت
روز.. ههههههههههههههههه
رحت صعدت صحت للولد وشفت عبيدان طالع من الحمام وسواري رجالي لابسه
طفرت عليه
روز.. سوااااري
عابد.. دجيبي سوارها
روز.. جيبه لاتخبث والله احبه
عابد.. مال ولد شنو لاتخبث
روز.. وجع
كلبت وجهي ومشيت سحبني من كصيبتي
عابد.. هاي عليمن حيوانه
روز.. اخ اخ عليه والله عليه عووف شعري
عابد.. اسحلج والله
اجه حسين وعلي يضحكون
وعافني
روز.. على شنو تضحكون عابت هالخشوم
وركضت وهمه ركضو وراي شفنه امي محضره كلشي خطيه وكعدنه ناكل واحله لمه تخبل كملنه نظفت وصعدت سبحت ونمت
جريتها لل6
حسيت ب ايد امي ع راسي
وكوه يطلع صوتي
روز.. ماما
امي.. ها حبيبتي شلون صرتي
روز.. شبيه
امي.. صخنتي وخشمج لكيته نازف ماحسيتي
روز..لا عمري
حضنتني
امي.. سوده عليه هسه وره الاذان اخذج للطبيب
عاد ماكدرت اكوم رجعت نمت كعدتني امي مسويتلي شوربه وراسي يوجعني كمت غسلت شفت خدودي حمر وعيوني تدمع من السخونه
رجعت ردت انام ماقبلت امي اخذتني ورحنه للطبيب اول مافتت صار عيني بعين نفس الولد
دنكت ومشيت وره امي كعدنه ننتظر السره
رفعت شوي راسي ماتحملت احس ركبتي طكت منو هو قابل رفعته وخليته ع جتف امي امي خلت ايدها ع كصتي
امي.. شجاج ياامي هيج مسخنه
مارديت
ومتت طلعت روحي من السره
روز.. ماما عطشت
امي.. يلا ابقي هنا رايحه اجيبلج ماي عصير شي واجي
رفعت راسي انداريت شفته يباوع انزعجت شبي هذا كلبت وجهي
كمت اكح
باكيت الكلينكس يمه حسيت ايد انمدت
اتفضلي اختي
رفعت راسي عيني مدمعه صارتعيني بعينه
روز.. شكراً
ابتسم وطلع شوي واجت امي
امي.. هاشبيج الولد كال جاي اتكحين
كعدت وخلت راسي ع جتفها
باوعتله وغمضت
روز.. مابيه شي عمري
شوي وصاح السكرتير
رقم 18
باوع الامي وكال
..خاله دخلوا مكاني اني ممستعجل
رفعت راسي
ردت امي
امي.. لا يمه فوت انت هم مريض
رد هو
لا يمه شنو السالفه دخلوا
امي.. مشكور خاله ماتقصر
كمت ونداريت ابتسمت ب امتنان
دخلنه فحصني الطبيب وكال هاي حمى اخذت علاج وابره ورجعنه
حسيت عيوني تدوره بس ماشفته
تذكرت كلامه مو مثلنه اهل البصره نسيت السالفه اخذت اجازه مرضيه 3 ايام
وراها داومت
واستمر الدوام نفس الروتين
وامتحانات بدت
وهو مالمحته بعد
حسيت بشعور غريب انو افتقدته
وصارت عيوني تدور عليه
جنت كاعده اقرا
واحفظ بالقصيده
اجت حنان
حنان.. سجي سجي
روز.. ولج ليش من اشوفج اجوع
حنان.. شامه بيه ريحة اكل شسالفتج يبووي ع راسج
روز.. لج والله ههههههه
حنان.. قزومتي شبيج
روز.. شبيه
حنان.. ماادري حاسه بيج شي لا يكون واكعه ع وجهج ومحد سمه عليج
روز.. شو
حنان.. انوب شو لج فدوه اروح للسو يبعد الشو تٵبري البي
روز.. هههههههههههه شبيج خبله
حنان.. مابيه شي بس مامرتاحتلج وهااا ترا عيني عليج
روز.. اي خوش سدي حلكج خلي اقرا
كعدت تلغي وكل شوي اضربها بالكتاب سطرتني من الصبح ولا سكتت لمن كمت منها
خلص الدوام وطلعنه نضحك انداريت وصاحتلي المديره انطتني محبسي جنت لابسه محبس ذهب وماتقبل هي ف اخذته وكالت من انحل انطي الج
جانت عيوني تلتفت وماعرف ليش رغم كم مره بس شفته
ماجنت حته مركزه بشكله او اي شي منه بس مااعرف شنو هالشعور
كل يوم جان نفس الروتين اجه الخميس يعني يوم الراحه
كعدت وراسلت هند بنت عمي علاقتي بيها مو علاقه طبيعيه لا حب وعشق كلش متعلقه بيها وهي كذلك متعلقه بيه الابعد حد
وهي احجي وياها كانما مرايه كدامي حجيت وياها ونتغازل عبالك عشاق ههههه وراها نمت
جن حلمت صورة هالولد مرت ببالي ابتسم وفزيت
روز.. بسم الله الرحمن الرحيم اسم الله شجابه بالنص
رفعت راسي شفت ع الباب شي اسود كمت اطكطك من الخوف والغرفه ظلمه غطيت راسي باللحاف وطلعت عين وحده واقرا ايات واصلي على محمد
روز.. دخيلك ربي شنو هاي دخيلك ياعلي
ماحس غير واحد دك هورن وغرفتي ع الشارع بووياااي يمكن سويتهاع روحي كمزت كمزه نوب اننتبهت ع الباب ورجعت المكاني
هناك واشتغل الضوه مال الشارع واشوفه الصدريه مال المدرسه معلكه ع الباب
اله شوي ردت اموت من القهر يعني صارلي ساعه خايفه وتالي هيج رجعت نمت ويوم جمعه جريتها لل 11 وخطيه امي ماكعدتني
سبحت وساعدتها واليوم يجي ابوي هو اسبوع بالدوام واسبوعين يمنه اويلي شكد مشتاقه لخدوده هههههه
سمعت صوته رجع من الجامع وطفرت عليه
روز.. بخخخخخ
بابا..هههههههه صغيرتي
حصنته شبعته بوس
روز.. الحمدالله ع السلامه يمه اموووع ع هالخدود حليان ياعمري
باسني براسي ويلعب بشعري
ويحجي ويه امي
بابا ..شوكت تكبر هالفصمه
باوع

تله ب بخزره وامي تضحك علينه
اجت حنونه تركض
حنين.. باباااااا
شالها وحضنها
حنين.. بابا حبيبي تباوعلي غمتني بسيطه اعلمج
حضنت بابا
واكول
روز.. هذا ابوي مو ابوج
حنين.. بابا انت ابوي لو ابوها
بابا.. ابوجن اثنينجن بس لاتتناكرن فوك راسي
حنين.. لا انته بس ابوي
روز.. بابا بس الي
حنين ضلت تبجي وتضربني
وامي ضربتني
امي.. عوفي البنيه خبلتيها
بست امي حيل وصعدت
تغدينه ومر اليوم عادي ومرت الايام جدا عاديه ووممله
دخلت وزاري وامتحنت ونجحت
وطبعا فرحة النجاح عظيمه جدا ماتنوصف بكلمه المهم قدمت وانتظر قبولي
فد يوم جنت كاعده العب بتلفوني الجديد واجتني رساله
ـ "مشتاق الطولج"
صفنت
سالمين هاي شكو?
مارديت
عفته وكعدت اشوف ع اليوتيوب صاحتلي امي نزلت
ورجعت شفت 3 رسائل
روز.. استغفرالله هذا منو
كاتب
"مشتاق النظرات عيونج"
"من اول ماشفتج بهذلتي احوالي"
"ردي"
قريتهم ورديت
ـ منو?
عبالك ينتطرني
ـ واحد شافج كم مره وتعلك كلبه بهالعيون
ـ انته منو شنو هالحجي والميانه احترم نفسك
ـ انوب عصبيه لا هيج يحتاج صبر
ـ اشو ماخذ راحتك
شفت صورة الواتساب مخليها صورة قلب وعليه ورد ومكتوب عليها "هكذا ملكتي قلبي"
رجعت كاتب
ـ اي بالضبط هيج ملكتني
عااا بقيت صافنه شو هذا مراقبني
رديت
ـ كافي هواي انطيتك مجال ورديت عليك عيب عليك هيج تدخل البنات الناس بدون استاذان
جان يكتب وحظرته
عصبت كلش فولت انا هالسوالف ماتصرفلي عندك شي تعال اخطب عود يصير خير
طلعت روايه وكعدت اقرا شدتني واخذتني الغير عالم
وكعدت اله اكملها وسهرت عليها لل 2 بالليل تلفوني طلع ضوه وصوت رساله رفعته
ـ لو تحظريني الف مره اجيلج
اخذته قريته وغلست
هه والله ياربي شلون ناس
طفيت التلفون ونعست ونمت كعدت من الصبح رغم متاخره بالنوم بس لان مرتاحه شفت تلفوني وشفت داز رساله .
ـ بس بس
قريتها
شوي واتصل
ثبرني ثبر بالاتصال
فتحت خط
ـ انت هي شنو ماعندك كرامه شو هالصلافه هاي وتتصل شكد وقح خلي الك اححترام ولو عندك ذرة كرامه مدز بعد شلون شكولات من الصبح
ـ احلا صباح وحگ هو علي وبعدين شنو كرامه احجي عدل لا اركعج
انا سمعت صوته حسيت روحي انتفضت شصار بيه مااعرف ماحاجيه مكالمه ويه ولد ومادري حسيت هالشخص اعرفه
رديت
ـ اي مو تايهتلك تركعني شوف لو دزيت بعد لو اتجرات تتصل ماتصير خير واروح اكول الاهلي فاهم
وسديت الخط بوجهه
ونزلت اعصابي فول شهالصباح هذا
تريكت ورحت سبحت الجو جان بداية شته شهر العاشر وبي بروده تخبل فتحت شباك الغرفه وهوى يجنن
من وره هذا الماادري شو اسمه عكر مزاجي فد مره
رحت نظفت اليوم طخت براسي كليجه عجنتها وكلت ع العصر اكملها
اجت امي
امي.. شنو هالنداره اليوم
رحت بستها
روز ..ابوس هالعيون ياعمري ههههه اليوم صاعده عندي النداره
امي.. سويها بس تمر لان ماياكلوها
روز.. اي هو
اختمرت ورحت كملتها وشكلتها دخلتها للفرن ومن جهه سويت جلي وكاستر
من اضوج لو بالي مو صافي اكعد اشتغل وارتب بالبيت يعني اطلع قهري بالشغل
ويمكن هالصفه حلوه ههههه
المهم كملت شغل وامي كملت شغلة الفرن
واجو الشباب ضلو ياكلون
امي.. وراكم غده لاتشبعون وتضحك
روز.. زلم خشنه هاي يووم ههههههه
علي.. عاشت ايدج قزمه
روز.. بالعافيه حبيبي
علي.. الله يعافيج
حسين..والله تخبل مال كلاص جاي وياها
روز.. واحلا عصرونيه الك اليوم بعد
عابد.. عاشت ايدج تلعب النفس
روز.. ننننن
ولزمته من لحيته
روز.. بالعافيه يانور العين
اجت حنونه ضامتلها بفانيله
حنين.. حار حار
روز.. ههههههههههه ها بواكه
حنين.. انتي بواكه يخبل والله سويلنه كل يوم
رحت شلت وعضيتها
روز.. بالعافيه رعنه
اجه الحبيب والروح ابوي
بابا...شنو هاي الريحه الطيبه
اخذله وحده ومسح ع راسي وخربط شعري
روز.. بابااا هههههههههه بالعافيه بس شعررررري
خربطه بالزايد وباسني
اروح فدوه اله
رحت للتلفون شفت متصل وداز رساله
ـ ماقصدي لعب وحك علي ابن ابي طالب بس ماردت ترحين الغيري رااسلتج لا من شيمي ولا من اخلاقي اراسلج وكلتيها كرامه الحب يكسر كل القيود واني ابن الجنوب لو عشكت اقفل
قريتها ومارديت بس ابتسمت شعور انو اعرفه مافارقني وصار بين فتره وفتره يدز بس ماارد
وهو لا مل ولا كل
وكل مايتاخر صار عندي روتين واحب اشوف شو يكتب بكل مره
ومااعرف منو بس حالي حال اي بنيه اتحب واحد يسمعها كلام حلو بس كله ومارديت
داومت اول يوم جامعه
جانت عاديه جدا مو مثل ماجنت متخيله مسويها اوفر كلش
المهم دوام عادي
فد يوم جنت كاعده وجو بارد شتا وريحة المطر والاشجار ولطافة الهوه البارد رفعت راسي ورجعت بيه الذكريات
روز.. هاي شجاااااابه
نفس الولد واكف يم ولد ويضحكون رئسن صارت عينه بعيني بهت وجهه وبقه صافن نزلت عيني عفيه شو هالصدف
اخذت ملازمي وكمت رحت للكافتيريا واني صافنه شجابه خرب
تلتني حنان طبعا انقبلنه بنفس الكليه
حنان..عاشت هالخلفه عاش الانتاج الوطني جا شبيهم اخواني واحدهم خشمه شكبره لو تنفس يسحب اسرائيل من فلسطين
كاعده تحجي وبالي و وياها ومتوتره
هزتني
روز..شو
حنان.. يبعد الشو وين

فنه وصلنه نزلي
روز ..هههههههه شكد تافهه
درت وجهي واشوفه دخل لكفتيريا ويضحك هو وولد
فتحت عيوني
روز ..كومي كومي
اخذتها سحل مشيت
اجاني صوت
ـ عفواا ..يحرمه . .
التفتت
روز ..شو
للحكايه بقايه

البارت 3

رفعت راسي
روز.. شوو
باوعلي ابتسم
ـ ملزمتج
روز.. ها
ـ ههههه ملزمتج
روز.. عفوا ..اخذتها ومشيت
صافنه
ضربتني حنان
حنان.. شنو هالضخامه ماشا۽الله
روز.. هههههه اي
حنان.. شحلاته اسمر ياربي جكليت
روز.. ضربتها كافي ماتشبعين
حنان.. لا اااااخ
هو فعلا ضخم حيل ومعضل واسمر يلبس نظارات
وفرق الطول بيناتنه مو طبيعي
يعني نمله يمه
خلصت محاظرات ورجعت
شفت تلفوني جان صامت
والولد بين فتره وفتره يدز مسجات واشعار بس تخبل
هالمره دز شي مختلف وجع كلبي..
انا المبيوك انا المامش
انا البس اسمه بشر عايش
انا الثكلت علي روحه
وانا الكل تايهه وكل عابره تلوحه
انا المتروس صدره عتاب
وانا العينه اعله دكت باب
انا الماادري شكبره
انا الفدوه
انا الماله عمر يسوه
انا البالغربه يتغنه
وانا الماينشد عنه
انا الينشد
انا اليفكد
انا اليتركد اتركد
وانا الينشاف جنه بخير
وانا الجذاب من يضحك
انصدمت شنو السبب هيج داز وحسيت انقهرت
رديت
ـ شكو
ـ لا هيج
ـ منو ماذيك
مارد
ـ منو انته
ـ "انا الفاكد رفيج الروح بس عينج تعوضني"
ـ انت شاعر
ـ لعيونج كلشي اصير
ـ ههههه
ـ "ضحكت وردتلي روحي"
ـ صارلك 3 اشهر مو كافي تعرفني انته?
ـ نوعا ما
ـ شو تعرف
ـ يبعد الشو واهلها ..
ـاحجي
ـ كلبج يكلج تعرفيني
ـ يعني
ـ حلو
ـ احجي منو انته وشو تعرف عني
ـ اعرفج سالفه تخص روحي
ـ وبعدين?
ـ شدعوه هلكد طويله?
بقيت صافنه! !!!
ـ شايفني?
- وحافظج هم
ـ وين
ـ يجي يوم واتعرفيني ها صدُك عندج شريان بخشمج يحتاج كوي حته خشمج يبطل ينزف ويرعف
ـ شدراك?!
ـ مو مهم ..استمري ع مرهم (****) راح ينهي تماما واضح لو اعيد? 
شو هالانسان غامض بشكل وعنده اسلوب بالكلام يجبرني اسكت واطيعه
ـ تمام
ـ عفيه بالحلو نص اخمس
ـ شو
ـ كلبي رجيج مااتحمل
ضحكني
ـ يلا باي
ـ الله وياج بنيتي
بنيتي! 
ـ انووب
ـ بنت كلبي وحك علي روحي بويه اليوم شيغمض عيني
ضليت اضحك
سديت التلفون ونمت
رحت يوم ثاني
شفت نفس الولد وياه الولد الثاني صاحبه يمكن كاعد يخابر وهو لازم ملف ومندمك   وكلش توترت  مشيت سريع
سمعت يصيحله
ـ ها عمار شصار?
ـ دقيقه دااقرا
اسمه عمار يعني ابتسمت ورحت الحنان تريكنا ورجعنه للمحاظرات ودراسه تعب طلعو الكل والسايق عافني الحقير وماضل اله كم واحد وبقيت وحدي متت خوف
خابرت حنان
روز.. لج حنان بقيت وحدي راح اموت من الخوف
حنان ..سوده عليه خابرتي للسايق
روز.. مايرد الحيوان اله اكول الاهلي عليه شلون هيج يعوفني الكلب
حنان.. صبري لعد فد عشر دقايق اذا مااجه اجي عليج اني
روز.. عفيه متت خوف
حنان.. لاتخافين كلبي
روز.. ماشي باي
سديته ووكفت انتظر واقرا ايات ماحسيت غير
عمار.. عينك  ابن القندرا
التفتت واحسه يمشي حيل اتجاهي واعصاب عبالك اسد اتراجعت
عمار..  انتي شتسوين واكفه هنا وحدج بالشارع
يصيح عليه وانه خايفه
بقيت صافنه
عمار ...احجييي وياج شعندج واكفه هنا والعالم تباوعلج امشي دخلي جوه يلا
اشو هذا اتماده
روز.. وانت منو حته تامرني والشارع مو ب اسمك حته تحاجيني هيج
عمار.. شوفي ترا واصله حدي فوتي جوه ولاتلاسنين
درت وجهي
عمار.. مو احااااجيج
كمزني مشيت سريع فتت يم الباب وكفت
اجه
عمار.. جيبي رقم السايق
روز.. انت شبيك
عمار.. بلا نقاش جيبي الرقم خل اشوف بيا داهيه
روز.. رجا۽ا عدل اسلوبك مااشتغل عندك حته تحاجيني هيج
رفع شعره بغضب وعدل النظاره
عمار.. كتلج جيبي الرقم
طلعت الرقم
انطاني تلفونه كتبته وايدي ترجف حاولت اهدي نفسي من صدك خفت وتوترت
سحبه مني
اتصل وابتعد معصب يحجي شوي ورجع
عمار..عايفج الكلب
روز.. لا تغلط كدامي !!!
عمار.. ماشي
ابتعد عني ورجع
عمار.. خابري اهلج شنو هالفهاوه
بس يصيح موتني والله راح ابجي
كعدت ع مصطبه
نزلت دمعتي
دار وجهه واستغفر
عمار.. اسف
مارديت درت وجهي رجعت اتصل ع حنان
وكالت حتجي
عمار ..ها
روز.. حتجي صديقتي
عمار ..ممتاز
بقيت اباوعله ماراح
لحد مااجت حنان عبالك اجه الفرج ركضت بسرعه ورجعت
روز..ياولد
عمار.. عيونه
بقيت صافنه دنكت
روز..  شكرا جزيلا
عمار.. العفو بويه في اماان الله
صعدت واني اصب عرك وخدي نار نار
سلمت وحنان استلمت السايق سبته سب
حنان...شلون يعوفج  وحدج مايكول احد يتعرضلها يصخم وجهها الله يصخم وجهه فوك مامصخم
روز.. والل بس ارجع اكول الاهلي يطيحون حظه واله اشلع كلبه بالكروه
حنان.. يولي الحيوان همزين بطلت من عنده
روز.. اي والله ارتاحيتي وهاي اكثر من مره يسويها ولو اتاخرت عليه يعوفني الكلب انا اعلمه
حنان.. عوفينه منه ولج جكليته شجابه هنا اويلي شلون حظ هسه لو كبلات جان خوش فرصه
ضربتها
روز.. طايحة الحظ والله منحرفه وادبسزز تردين رجل ع كولة امي
حنان.. اي والله اريد كتلني الجفاف
روز.. شلون بيها هاي
حنان.. غير اخوج الفكر مايحن كلبه ومن يشوفني ياكلني اكل بعيونه
روز.. اعرفه والله وادري عينه عليج بس شبي ساكت
حنان.. شلع كلبي روز والله شكد كلبه قاسي
روز.. ولج والله حنين بس هو مايعرف يعبر
حنان.. الله كريم خيه
وصلتني وكلتلها تفوت تتغده ماقبلت
طلع

ت ودخل عابد تلاكت عيونهم
دنكت وهو عيونه تلمع
عابد.. سلام عليكم
حنان.. عليكم السلام يلا حبي رايحه
شفت عابد انزعج
روز.. الله وياج كلبي
صحتله
روز.. عابد
عابد.. ها
روز.. شبيك
عابد.. شبيها حنان
روز.. ليش
عابد.. جاوبي
روز.. جايين الها خطابه
عابد رفع راسه وفتح عينه
روز.. شبيك
عابد.. ووافقت
روز.. جاي اتفكر
عابد.. اريد رقمها
روز.. عابد شبيك
عابد.. جيبي وانتي ساكته
ركضت للتلفون
ضحكت وكمت اطك ركبه ولك تعشقها شبيك ساكت عفيه زلم ماتجي اله بالعين الحمره
رديتله الرقم واباوعله نظرات
باوعلي
عابد.. محتاجه شي
روز.. اوووي
عابد.. سم ولي
دفعني وسد الباب واضحك فدوه ياريت يصير نصيب بينهم رحت سبحت كبل  وصليت وارتاحيت اتغديت ونمت كعدت شفت تلفوني ماكو رساله من المجهول العاشق
مر اسبوع وماكو اسبوعين وهم ماكو
وحته الاسمر هم مختفي عن الساحه ..ومرت الايام عاديه
يتبع

البارت 4

مرت الايام عاديه واجت الامتحانات واثنينهم مختفين
مااكول ماقلقت لا والله قلقت ودعيت الله يحمي وين ماجان جانت الامتحانات يوم صعبه ويوم سهله والبيت كله دخل بحاله انذار بسبب الامتحانات اخر يوم امتحان
طلعت من الامتحان من وكت وكعدت  ع المصطبه والعب العاب
اجاني ولد 
ـ مرحبا روز
ـ مرحبا اتفضل
ـ ممكن اكعد
ـ لا طبعا
ـ رايدج بموضوع
ـ اتفضل احجي
ـ ليش ع طول معصبه ريلاكس
ـ هذا موضوعك?
- ههههه لا ..
ـ احجي خويه
ـ لاتكولين خويه انا معجب بيج من فتره وحبيتج وحاب اتعرف عليج فتره واتقدملج شفتج خوش بنيه ومنعزله وشخصيتج عجبتني
ـ تسلم واحترم مشاعرك بس مااافكر بهالشي واذا عندك نيه ف باب اهلي موجود
ـ صراحه حاليا مامكون نفسي وتعرفيني طالب
ـ ماادور هالسوالف اخي ورجاءا لاتحرجني
دنكت ومااحس غير
ـ نعم خير اخوي
رفعت راسي هذا الاسمر الغضبان ابتسمت لا اراديا
ـ ومنو انته
ـ هــه جر منا حبيبي
ـ وانت شكو
ـ شوف لاتستفزني كتلك ولي منا
دفع الاسمر ب استهزاء وماشوف غير بس دخان
هجم عليه ضربه كطعه وذاك ضعيف منتف صار فوكه ويضرب بي ويصيح
عمار.. لكك كلب ابن القندرا اشك حلكك  وحك علي ابن ابي طالب  كوم يلا كوووم لعلمك النسوان شتجيب
شاله ودفعه والتمو كوه سحبو وانا صافنه ارجف اجتلي حنان
حضنتها
حنان.. اشش اشش كلبي اهدي
روز.. كتله حنان كدامي
حنان.. يولي المنتف يستاهل
صاح بصوت
عمار.. خيرررر عدكم شيي طشو يلا امشو منا
اجا صاحبه
يهدي ولازم كلياته
عمار.. اخوي اهده اروحلك فدوه
باوعتله صديقه يتنفس حيل
عمار...فهددد...اصحه اخوي
ركضت انطيته ماي
روز.. هاك غسل وجهه
شاله وسنده ع رجله
باوعلي بخوف ووجهه عركان عيونه حمر ونظارته واكعه
عمار.. صبيلي
صبيتله وغسل وجهه زين واجت حنان تركض بيدها كلينكس
حنان.. ها شلون صار فهد
عمار.. هسه يصحه ..فهد وين علاجك
جاوبه بتعب
فهد.. بسترتي
عمار.. وينها
فهد ..بالقاعه
حنان.. هسه اركض اجيبها واجي
اباوعلها شو هاي تعرفهم ..باوعت العمار خله راس فهد ع صدره
متت قهر والله ودموعي نزلت وجان محد اكو بس انا وياهم شوي واجت حنان
طلعت علاجه
شربه
شوي وارتاح
احس رجليه بادت كلش انقهرت باوعلي
فهد ..عمار
عمار.. كلب عمار كول اخوي
اشرله بعيونه عليه
عمار.. اششش لاترجفين حنان غسلي وجهه
حنان.. لايمعود يوكع المكياج
روز.. مامخليه قابل مثلج
ضلينه نضحك
عمار.. تغار منج
خجلت حيل ودنكت اسمع فهد ضحك
فهد.. اي شلون لعد
عمار.. اضحك بويه انعل ابو المرض ريته صابني ولاصابك
حنان.. اسم الله عليكم اثنينكم
باوعولها ب امتنان
عمار.. حنان اخذي نص اخمس وروحو لايعوفها السايق
روز.. منو نص اخمس
ضحك وكال
عمار.. وحده
باوعتله بخزره ورافعه حاجبي سحلت حنان من ايدها وامشي حيل
روز.. شايف روحه هيج ضخم يقلد عليه ع شو شايف نفسه هيج قليل الادب لااا ويذب ميانه اعرفك تعرفني تحاجيني هيج
حنان.. سم اخ اخ فحطت ولج دوكفي
روز.. وانتي الثانيه شنو هالميانه بينكم منين يعرفج وكاعده عمار ماعمار هاا
صفنت هي
حنان.. اكثر من مره يجي للكليه وعرفته ههه شسالفه
باوعتلها ماقتنعت مشيت السالفه
رجعت للبيت
فتحت تلفوني جان ماعندي نت
شفت الواتساب  واخيرا العاشق المجهول ضحكت ههههه وين مختفي
كاتب
ـ شلونج
بخير
كلبي يكلي بخير
ـ مشتااقلج
الو
نص اخمس
ركزت شو نص اخمس وعمار هم يكول نص اخمس
ـ انت عمار
انتظرت يرد ماكو
نزلت نص ساعه وصعدت  سديت باب الغرفه حته ابدل وشفته يتصل
ترددت حيل وتوترت  اخر شي رديت
ـ الو
ـ عيونه
ـ انت عمار صح
ـ عيون عمار شلون عرفتيني
ـ غلطة الشاطر ب الف
ـ ذكيه
ـ اكيد
ـ واثقه من نفسج
ـ اكيد
ـ قويه
ـ طبعا..بس والله انصدمت شجابك عليه
ـ كلبي جابني
ـ اعتذر مني
ـ ليش
ـ لان صيحت عليه
ـ نو
ـ ليش
ـ تستاهلين
ـ احت..
ـ اششش وثاني مره من يجيج واحد مو توكفين انتي وياه بمكان وحدكم فاهمه
اليوم كوه لزمت اعصابي عنج الناس عليها بالظاهر
ـ وانت شو عليك
حسيته جر نفس
ـ عيونج انتي عيونج عليه
خجلت وصخنت
ـ الناس تفهم وكفتج خطا بويه جان من اول ماتشوفين اجه ولد يمج تغادرين المكان وتروحين مكان بي طلاب
ـ بس هذا مكاني متعوده عليه اكعد وحدي
ـ اعرف..بس انتي هيج نظرتج بس غيرج ميشوف هيج
ـ امم
ـ لاتكولين هيج اتشعلين نار بيه
ـ شو
ـ انوب وياها شو
ـ شبيك
ـ  ماكو ..
ـ عمار
ـ شو
ـ لاتقلد
ـ شو
ـ اهووو
ـ شوو
ـ ههههههه خلص باي
ـ طنكوره ..احجي عيون عمار شحلاته اسمي بحلكج
سكتت
ـ الو بويه
ـ ها
ـ احجي
ـ ليش ماعرفت عنن نفسك وليش كلما احظرك جنت ترجع
ـ ماردت اتبعديني عن طريقج وبنفس الوقت خايف عليج مني وشغلة ليش ارجع كلبي يجيبني الج  من وكت ما شافتج عيني عند الدكتورمن جنتي مريضه بركان صار بجسمي
ـ ليش
ـ تسئلني وابقه احتار ...ماادري
ـ انت شاعر
ـ لعيونج اصير كلشي
ـ كلامك مو بصراوي
ـ اي
ـ الى متى تبقه هيج
ـ لحد مايحن حظي عليه ويحن كلبج عليه
ـ شبي حظك
ـ يخبل لان جابج عليه
ـ هههههه مااعرف شو اكول لااعرفك ولا تعرفني ومجرد شايفتك  كم م

ره شو وليش وشوكت والى متى ولشكد
ومنو انته
ـ كل سؤال حيلكه جوابه
ـ منو انت عمار
ـ انتي حللي شخصيتي وتعرفيني
ـ بدون غموض
ـ كلي غموض
ـ انت بغدادي
ـ بغدادي الاصل والناصريه ربتني
ـ يعني من الناصريه
ـ اي نص اخمس
ـ عمااااار
ـ عيونه
ضحكت
ـ راح اروح باي
ـ شو
ـ كافي هههههه
ـ ههههه الله وياج بويه
مادري ليش فرحت حيل وعبالك لكيت شي جنت مضيعته
ليش هو بالذات اتاقلمت وياه بالحجي وليش احس نفسي  بالهوه عبالك حمامه ولكت عشها
ليش قبل لايعرف عن نفسه جان يجي ببالي عمار 
هواي اجو بالكليه اعترفو وانعجبو بس مارفت  عيني الاحد
رغم جمال واخلاق والكل يحمد بيهم بس هذا الازرك  الاملح بقه ببالي
فد يوم جنت اتابع مسلسل تركي وهو مو ع طول يراسل بين فتره وفتره او بين يوم ويوم وع طول احسه انشغالي وتعوب
المهم دز مسج
ـ عيناك والبحر المندى فيهما
قلبي وروحي وسكني بؤبؤهما
ضحكت وخدودي صارن حمر رجع دز
ـ ضحكت ورفرف كليبي فرح
ـ ههههه شدراك
ـ حافظج بنيتي
ـ شو تعرف عني
ـ وحده قزمه طولها بالخمسين ولسانها مترين
ـ عمااااار
ـ عيونه
ـ هههه كافي تقلد ع طولي
ـ احبه واعشق كل شبر بيج
سكتت
ـ شلونج
ـ تمام
ـ اني بخير
ـ ههههه
ـ احسج متريدين تحاجيني
ـ لان مااعرفك ماارتاح
ـ جيد حعرفج بيه بس هااا معلومات عامه واضح
ـ اوك
اني عمار مرحله اخيره صيدله ادرس ببغداد واهلي بالناصريه يعني بالمختصر مكظي اكثر ايامي ببغداد .
ـ زين ليش جنت تجي للبصره
ـ اول صدفه جابتني اقارب صديقي بمنطقتهم وصارت عندهم فاتحه ووكفت وياه 3ايام الفاتحه فد يوم اني وياه وصلنه اقاربه للمدرسه وشفتج
جانت اول مره اشوفج بيها
ـ والمره الثانيه عند الدكتور
ـ ههههه لا
ـ لعد
ـ راقبتج وندليت بيتكم
ـ استخبارات
ـ ابن الضابط بعد
ـ هههههه مبين
ـ شلون
ـ  مااعرف بس حسيت
ـ جيد ..وبعد
ـ ورقمي شلون وصلتله
ـ من حنان صديقتج
ـ احللف
ـ هههههه
ـ شلووون
ـ هاي لاتسئليني عليها وعدتها مااحجي
ـ لاحباااب
ـ لاتدلعين بويه كوه لازم نفسي
ـ ليش
ـ روحي وعضاي تريدج
ـ ماحب اللعب
ـ مادور لعب
ـ لعد شو غايتك ولوين تريد توصل
ـ اوصل الكلبج
ـ ماحب علاقات
ـ انطيها من الاخر
ـ اي
ـ حاليا ممكون نفسي ودااجمع واشتغل بكثره حته اجمع مصروفي ومصروف الجامعه والج
ـ الي
ـ اي مهرج من يوم الشفتج قفلت عليج وبديت اجمع ربع ربع
ـ ليش انا بالضبط  ليش هيج حبيتني
ـ يابه شو رجف كلبي من كلتي حبيتني
ـ ههههههه
ـ اعشكج وحك علي ابن ابي طالب
صرنه كل يوم نحجي  تعودت عليه وع سوالفه شخصيته غامضه وغريبه وصعبه رغم كل حبه الي بس حيل صعبه ومختلفين
اعصابه بارده وعنده مو ع كلشي يعصب عكسي تماما اعصب من ابسط شي وكلش حساسه
ع ابسط شي اتعارك بس احس نفسي ضعيفه يمه
اسمرينه حب ومشاكل وعركات وصلنه مرحله من العشق
جان يجي يشوفني بس من بعيد وبالسنه حسنه يجي بسبب ظروفه
فهمت السبب الي يمنعه من انو يخطبني  واساسا مامستعده الهالشي
صار كل حياتي
سولفت الهند وجانت تفرح بسوالفنه وتنصحني رغم تكول
هند.. اني اخذ النصائح منج صرت اني انصحج
وفعلا جانت تلجالي بكلشي
واساعدها واساندها حافطتها حفظ مثل الام وبنتها
حفظني عمار يعرف شو احب وشو اكره استمرينه 6 اشهر مافد يوم غلط عليه او تماده محترم بكل معنى الكلمه
بيوم الصبح كعدت شفته كاعد دزيت
ـ صباح الخير
ـ صباح العسل حبيبي
ـ هههههه ماتجوز
ـ مشتااقلج
ـ شكد
ـ بكد هوى الله
ـ امم
ـ اشش وحك علي مشتاقلج اخابر
ـ اي
اتصل رفعته
ـ الو
سكت اخذ نفس
ـ احبج
ـ عمار
ـ عيون عمار
سكتت
خليت السماعه يم حلكي  وحجيت بهدوء
ـ مشتاقتلك
بقه ساكت ويتنفس حيل بحيث اسمع صوت انفاسه
سمعته اتحرك
ـ شكلتي
ـ عمار مشتاقتلك
ـ انتهيييت
ـ شوو
ـ احبج عاشكج ميت بيج وحك علي
ـ ههههههه انفجار بالمشاعر
ـ عيديها
جر نفس
ـ عيديها
ـ احبك
يتبع

البارت 5

حسيت بانفاسه تتسارع وكلبي يدك ويه كل نفس يسحبه لحظات هدوء بينه
اتنفس وحجه بصوت هااااادئ وحنين ذوبني بصوته
عمار.. يابه ناويه تموتيني
حمحمت ورديت ولكأ وصوت كله خجل وكوه يطلع صوتي
روز.. اسم الله
عمار.. احلا يوم بحياتي اعشكج وحك هو علي اعشكج
روز.. عمار
عمار.. عيونه
روز.. اوعدني ماتتخلا عني حته لو رفضوك اهلي الف مره اوعدني ماتخذلني
عمار.. وعد رجال وايدي ع شاربي اخذج واتصيرين مرتي وحلالي ولج بالعباس ماتحلى مره بعيني غيرج
روز.. اريد طلب
عمار.. انتي تامرين يروح عمار واهله
روز.. اريد الامام العباس ع كفيل ع حبنا ولو سويتلي شي اشكي عليك يم ابو راس الحار
عمار.. واني كدها والعباس كفيل حبنا
روز.. وعد رجال
عمار.. وعد رجال
كملت محادثتي وياه خليت ايدي ع كلبي ودعيت يارب هالقلب وصاحبه بامانتك اللهي اول مره اجرب اذا بي صالح الي قربه الي واذا شر بعده ان كانت من ناحيتي او من ناحيته يارب امنتك نفسي وقلبي 
اذن المؤذن وكمت صليت حسيت بشعور غريب اكو خوف وارتباك
خفت من الله وخفت من اهلي وهالشعور رافقني هواي خفت يخذلني بالرغم من خنت ثقة اهلي وحجيت  وياه بس القدر والقسمه مانكدر نتحكم بيهم
دنكت ع التربه وبقيت ادعي الله يسهل امري وماانجرح وينكسر كلبي
اللهي ماعندي غيرك
كملت وكمت مسحت دموعي
نزلت جوه كعدت يم اهلي واباوع الهم شعور قهرني حيل رحت الغرفتي بجيت
روز.. الياطريق جاي تمشين رووز
خايفه كلش شكد جنت فرحانه بس هسه خفت
مرت شهور وكل مره يكول بيها احبج روحي تطير بهالكلمه كانها قالب ع شكل قلب الحب  وتفوت الكلبي فد يوم كاعدين احنه والشله وحده من البنات
غيداء.. دكافي من حلاته كاعده تبجين وخانكه نفسج
نور.. والله لو ماعنده شي جان انطاج الحساب بس همه هيج الزلم خونه وحقراء
روز.. شكو شبيها رباب
رباب.. احمد النذل البارحه شفت بالكروب ناشرات البنات دزي الحبيبج لو زوجج اريد حسابك مال الفيس
ومن رحت كتله ماقبل وفرالسالفه رزلته وحظرته الحقير موتني قهر
روز.. هاي تصرفات جهال وانتي ليش سويتي هالسوالف بي وترا يعتبر حساب خاص يجوز اصدقائه وياه لو كروبات شبابيه ترا كروباتهم وكلامهم يختلف عنه
غيداء ...يمعوده جذاب هو حساب شدعوه عليه
روز..لاغيداء لاتذبين حطب عالنار هسه انتي اتقبلين احد يكلج اريد حسابج الشخصي
غيداء.. انا اختلف روزتي
روز.. بشو تختلفين عمري ترا كلها حسابات شخصيه  كل شخص وعنده خصوصيه مايحب احد ايا كان يطلع عليها
رباب.. صح كلام روز يمكن اتسرعت
غيداء.. والله هذا حبيبج ماارتاحله
رباب.. هو كلب وحقير بس احبه
نور.. ههههههههه خل يولي بس رفعي الحظر لاتصيرين جبانه وخلي يدور رضاج
غيداء.. شلون اخلي الرجال يدور رضاي هذا زوجي من ازعل منه ولا كانو كباله زعلانه وشكد يقهرني لازم اسكت ومااحجي  ولازم اقوم بكل واجباته وواجبات اهله والله كرهت الزواج
روز.. انتي علمتي وعلمتيهم ع هالشغله اولا عليج بزوجج اوك كملي واجباته لان واجب وحق عليج بس مو مال تسمحيله يتعامل وياج بهالطريقه
غيداء.. روزه تعبني كالو لبسي لبسته نص يوم كلب الدنيا شسوي مو متت مااكدر اتحمل وانا اعصابي نار
روز.. الرجال مثل الطفل من تهتمين بي يدلل عليج ويصعد فوك راسج سوي واجباتج بس ببرود وكانو ماشايفته ومدام انتي طبعج عصبيه حاولي ماتعصبين وهااا اهم شي تكشخي ع طول
انا كعدت احجي وهذن تقربن
نور ..البنت دي خبره يولييه
رباب.. ولج من زمان روز هيج وكل نصايحها توب
غيداء.. سكتن خل نسمع كملي شلون يعني باعي هو رجلي عصبي وانا هم ومرات من قهري اطلع حركتي بجهالي
روز.. لاهذا اكبر خطا ..بالعكس من تتعاركون لاتهملين نفسج ووجهج اصفر وشحالج تلعبين النفس بالعكس تعاركتو منا روحي سبحي منا ولبسي تكشخي وخلي مكياج وسبحي الجهال وصبغي وحته وشم اشتري هاي الطبعات وخلي كلش اعتني بنفسج
لاتخلن الرجال اول القائمه لان ماراح تشوفين شي غيره حته نفسج ماتشوفيها
رباب.. من نتعارك اكوم اقهر روحي حته اكل مااكل
غيداء.. احنه هسه متعاركين راح اجرب هالطرق
نور.. سوالف الكبلات ماتعجبني وشنو هو الرجال خابصينه بي وتدورون رضاه
رباب.. نويره ابقي هيج مرتاحه والله
نور ..اي والله
غيداء.. مشكوره ريري صدك ريحتيني وانا القلق كتلني
روز.. لا يمعوده محد يستاهل
نور.. زين لو شخص هو يحبج وانتي ماتردي شتسوين
روز.. اكله الصراحه بس مااجرحه يعني اكله ب اسلوب حلو مايمس كرامته وويحفظ مكانتي بكلبه
نور.. بس ماتكدرين تواجهي
روز.. ماانطي امل حته لو نظره
رباب.. رفعت الحظر
نور.. خيولي والله
غيداء.. بالعافيه بنات شبعت رايحه اطلع رمش عليه  رجلي
روز.. ادعيلنه هههههههه
رباب.. لبسي حجل وصبغي اظافرج ودشداشه قصيره وحصر لان فلاااان يساعد وهزي هزي هزي خصرج
كلنه ضحكنه
نور .. باجر تجين ريحتج شامبو
روز.. فضحتو لبنيه وثانيا هي زعلانه
نور.. يازعلانه هسه رجلها يشوفها هيج اله يسويها حرب عالميه ثالثه
اباوع الغيداء صدك حلوه رغم عدها اطفال اثنين بس تجنن حنطاويه ومليانه بس ماعدها كرش وطويله بس مو

ضخمه يعني فد شي تخبل
باوعتلنه وغمتنه
غيداء.. فلشجن كون طايحات الحظ مفلفلات
رباب.. ههههههههههه يلا روحي لبسي ابو الريش
نور.. قابل دجاجه
روز.. هسه يجيلنه رجلها شيفكنه بعد
راحت وكعدنه نصنف ونحشش
خلص الدوام ورجعت شفته رسائل واتصالات حارك الجو
اتصلت اجاني صوته يرعد
ـ اني * ابن انعل * ولج فرفحتي رووووحي وووووينج ماتكولين اكو كلبي ينط عليج  ولج موتيني لعنتي سلفه سلفاي احتركو واشتعلو واحرك واشعل ماخله حجايه ماحجاها
وغلط فشار ماينلبس عليه ثوب
ـ شكوووو
ـ روحي هسه لا احرك الدنيا ع راسج
ـ لاتتجاوز عمار وانا مامسويه شي
ـ اشسشششششششش ولا حررررف اسكتيييييي لاتراددين وحسابج بعدين خل اخلص ال خ*** واجي اعلمج
اريد ارد وسد الخط بوجهي
كمت احترك واغلي شششششلللللوووون يغلط كدامي لا ويصيح عليه شو تايهتله انا حته هيج
بقيت افور مكاني
رجعت خابرت ماتحملت
اخابر ويفصله
عندت اكثر اخابر ويفصل حركت  الجهاز عليه
وفوكاها متجاهلني
والله يصير خير
عفت التلفون شمرته ع الجربايه ونزلت طلعت البطانيات وغسلتهن وغسلت ملابس ونظفت البيت خليته يلمع وامسح واجلف ماخليت شغله ماسويتها هلكت من التعب واحس رجلي صارن خيوط
دك تلفوني
مسحت دموعي ورديت
ـ الو
ـ مرحبا اختي شفت اخر مكالمه منج
ـ منو
ـ صاحب هالرقم سوه .....


للحكايه بقايا

#سر الحياة عيونك

البارت 6

كعدت بالكاع
ـ الووو ماتحجي شكو سكتتت رد  علللللييييه الووووو
كمت اشهك وابجي وايدي ع حلكي
اجاني صوته
ـ اشششششش يواش يواش كااافي
انصدمت وبقيت فاتحه حلكي
ـ انته هاي انته عمار
ـ اي اني   يروح عمار وكلبه
ـ هذاالولد
ـ هذا فهيد كال امقلبها تعاركت وياه وضربته
ـ شوف اطلع ادبسزز وكلبه لو مارجعتها الك اضعااااااف وحق الله دمرتني تعبتني شو من كلب عندك تفرفحني هيج حراااام عليييييييك
سديت الخط بوجهه ونمت ع المخده شاغت روحي متت انتهيت للحظه تخيلت يصير بي شي واسمع هيج خبر
كمت ابجي بحركة كلب
ضل يتصل ويخابر وماارد ويدز رسائل وماافتحن اصلا
والله لوجع كلبك مثل مااذيتني
عفته هيج مااحاجي اسبوع ومابطل يخابر
اقرا رسائله وماارد
لعد تريدني فوك الي سويته ارجع احاجيك
اتصل عليه رقم غريب
فتحته
ـ الو
ـ الو منو
ـ اني فهد روز
ـ اياك فهد اياك باي
ـ لاتسدين الخط عليج الله بس احجي
سكتت
ـ روز والله الله شاهد عليه عمار مادزني بس اني اشوفه معصب وتعبان فد مره واخذ الخفارات مايقبل حته يرجع للبيت والغلط مني ولزم اصححه
ـ اثنينكم اذيتوني عمار يخابر ويغلط صح موعليه بس يغلط كدامي غلط وفشار ماينلبس عليه ثوب وتالي يرجع يسوي بيه هيج هبطه وبكل برود يكلي هذا فهد
ماسمع شهكاتي واني روحي مفرفحه
ـ حقج والله بس هو تعبان روز كاضيها بس شغل وحق النبي مايدري مراسلج لان لو يدري ينحرني تعبان واكله كافي مدمر روحك يكلي جا شلون اروح اخطبها حافي منتف
نزلت دمعتي
ـ يحبج والله لاتفرطين بي وتعذبينه ترا شايف بحياته وفاقد ناس وانغدر وشاف بيج الدنيا والاهل ومن يسولفلي يكلي هاي امي الثانيه  وبنيتي
كلشي جاي يسوي الخاطرج
مسحت دموعي
ـ تمام
ـ عفيه خيتي هذا ضلعي الماجابته امي وسندي هو رباني وياخذني من مستشفى المستشفى من سنين سوه الماسوو اهلي لاتزيدين حمله وهو كل همه رضاج
انقهرت وشبعت بجي
ـ هااااععععع ترستينه خنن كافي تشفطين
ـ ههههههههههههه كافي تحجي هيج متت بجي
ـ لاتبجين والله يجتلني مخبل زلمتج
ـ يخبل زلمتي فديته
ـ شحبيتي بي اجلح املح
ـ اموت عليه ههههههه
ـ الله يحفظكم يبعد اخوج رايح لاصدك يسويها مذابح
ـ هههههه تمام بيباي
ـ باي
خليت ايدي ع كلبي شكد احبك
حابرتله
ـ عيون عمار
ـ اممم
ـ ليش هيج تموتيني عليه يابه! 
ـ اذيتني عمار لو اني مسويه هيج بيك شو اتسوي
ـ اكتلج واكتل روحي وراج
ـ انت حته بهاي كتل شجاك عمار
ـ اموت ع الكتل وخصوصا الكتل ع الشحم ابيض  ابو خدود مدندلات
ـ هههههههههههههه هاي خدودي
ـ لا خدود ابوي
ـ شبيهن خدود ابوك
ـ اتحبهن امي
ـ ههههههههههههههههههههه عماااااار
ـ عيوووونه
ـ هههههههههههه احبك
ـ هايم بيج بالعباس
ـ شبيهن خدودي
ـ اريد اعضهن عض اشلعن شلع اصلخهن من كد ماميت عليهن
ـ عمار حته بالغزل تصلخ وتشلع وتعض شسالفتك ابويه !
ـ ول ول ول يروح ابوج ونظر عينه عيديها
ـ ابويه وكل عشيرتي يبعد روح روحي
ـ شنو هاي
ـ شوو
ـ شو لك شو انت تؤبر البي ياشو يبعد الشو واهلها
ـ ما لتحجي هيج وراضيني
ـ شو
ـ ما راضيني
اتصل عليه واكله ماكو صوت وهو يصيح الوو 
اسوي كتم واموت ضحك وارجع اكله ماكو صوت الو الو  سد الاتصال
دز بصمه وحجه
ـ شكد عنوديه فد تعاندين بشكل يعني صارلي ساعه احجي وانتي تكولين مدااسمع شي
ـ تتههههههههههه ما
رجع دز بصمه
ـ شو ما شو شو ما
ـ هههههههههههههههه كافي
ـ لاتضحكين حركتيني ولج مناي وحلمي اخليج بحضني وانسه كل تعبي
ـ تعبان حبيبي
ـ وياج ارتاح عيون حبيبج
ـ اريد اشوف عيونك
ـ تعبان شتسوين بعيوني هههه
ـ ما اريد اشوف
ـ عد عيناج
صور ودز شكد ضعفان وشكله تعبان ضليت اكبر الصوره وصافنه عليها شكد احبك بكل حالاتك
حجينه
لليل متصل دزيتله
ـ هلو حبيبي
مارد
بقه متصل ومايفتح رسائلي
اختنكت
ساعه! ! ساعتين! ! وماكلف نفسه حته يفوت ع رسائلي
خابرت يكطعه مره ثانيه خابرت طلع مشغول!
دزيت
ـ هه برااااحتك خليك لاترد واتجاهل رسائلي سبحان مغير الاحواااال الله يهنيك وياها
مارد
انهارت اعصابي فد مره كمت اغلي افووووور وكمت اطلع دخان من العصبيه
ـ وحق النبي محمد لو اجيت ونطيتني عذر بدون دليل تحلم تشوف مسج مني
دقيقتي ورد
ـ تهددين? 
ـ اي
- هيج مو?
ـ ايي..يلا روح كمل وياها
مارد عليه
ردت انجلط متت انتهيت لو كدامي اكطعه بسنوني اكره احد هيج يتعامل وياي وبهالطريقه اتخبل من العصبيه والقهر نزف خشمي
تلاحكت نفسي
مثل ماهانت عليك ياعمار ان تسوي بيه هيج راح يهون عليك كلشي ..
شوي ورجع دز
ـ شبيج  جاي احاجي صاحبي  شهالحجي شبيج! !!!
قريت ومارديت
ـ احاجيج احترميني وماتتجاهلين كلامي! !!
ـ هاااا مااتجاهل موو ليش حلال عليك وحرام عليه استاذ عمار! !!!
ـ كتلج احاجي صاحبي ليش ماتقدرين
ـ ههههههههههه اي صاحبك شايفني واصدكك! !!
ـ احجي عدل احسن! !!!
ـ واذا ماحجيت شو تسوي تهههههههه
ـ اسلوووبج لاتتستفزيني وتخليني احجي حجي يجرحج وتعرفيني !!!
ـ ليش انت قصرت يعني
ـ شسووويت !!!! استغفرالله
ـ لا انت ملاك ماسويت شي
ـ اي
ـ ت

ستهزئ حضرتك! 
مو احاجيك مترد! !!
اوووك براحتك
ـ اي
منا اني نااار نااار شايطه وهو يجاوبني هيج يدمرني عندي يصيح اهون من يرد عليه هيججج اتخبل
ـ هيج صارت باي
ـ باي
شمرت التلفون ردت اغلط عليه ووكفت ببلعومي مااتحمل ماااتحمل
كمت رحت توضيت  بلكي تطفه نار كلبي 
ضليت احوس احوس متت اختنكت
ماتحملت رحت اتصلت وشفته مشغول
يصير خير ياعمار
طلعت البطاريه وسديت التلفون وشمرته بالكنتور
رحت فتت للحمام سبحت ونمت
ضليت اتكلب بجيت من حركة كلبي
شسويتله حته يخوني ويروح يحاجي غيري ويكلي صاحبي شايفني غبيه واصدك
لل3 ونمت
كعدت مصدعه وراسي موتني
رحت سبحت ونشطت نفسي وخليت مكياج ولبست وتكشخت
وسويت كلشي يخص مظهري
ورحت طبخت سويت انواع المعجنات والكيك
وشغلت اغاني وكعدت اسمع وحاولت اطرده من تفكيري
استمريت 3 ايام مااجيت يم التلفون وحاولت قدر الامكان ابتعد عن النت والتلفون
كلت الامي محتاجه كم شغله للدوام
واخذتني ورحنه للسوك
اشتريت وغيرت جو ع شو احبس نفسي واخنكها لان تعاركت او ضجت بالعكس اذا ضجت لو انقهرت اكوم اروح اونس نفسي وابعدها عن الوحده واهمال نفسي ومااكل ومااعرف شو
عكس الناس اكوم اكل واسوي عنايات ببشرتي
5 ايام وفتحت التلفون
شفته كالب الدنيا وحاركها
حته التلفون طفيته وشغلتها ضل يعلك من الرسائل
اخذت حقي ب ايدي
لعد من عيشني هاللحظات ماكال راح يحترك كلبها! 
لو اني هيج مسويه مايطلعني مو زينه
ممكن الموقف بسيط بس كل موقف اله يوم ويكبر
واذا بكل موقف يحرك كلبي وينزل دمعتي اسامح وكان لم يكن ومااذوقه من الكاس الشربنياه راح يتعود يجرحني ويقهرني وتزيد المواقف ومراح يهتم المشاعري

#للحكايه بقايا

  رجفت عضاي وكلبي راد يطلع من مكانه
هذي اول ضحكه خذت عكلي وكلبي
بقيت اتردد المدرستها من بعيد وتردلي روحي وصرت يوم بعد يوم اتعلق بيها
صرت كل نزله اجي الاهلي اروح للبصره افيشششش صارت البصره ديرتي وبيتي الثاني حفظت كل شبر بيها وكل شبر يذكرني بيها
هنا مشت
هنا ضحكت
اكابل غرفتها واسمع اغاني لنص الليل وارجع وانا روحي يمها
الوب لوب عليها
وقررت اضغط ع نفسي واجمعلها مهر واخطبها
قلت روحاتي لهناك بس وحك علي روحي عايفها يم شباك غرفتها
حجيت الصاحبي واخوي وكتله هيج الشغله واريد رقمها حته اخطبها بس ماريد تعرف شي
ماجذب والله كم يوم وجابلي رقم صاحبتها
حاحيتها
ـ مرحبا خيتي اسف ع التطفل بس عندي فد طلب يمج واكون ممنون

ـ اتفضل منو اعرفك تعرفني
ـ خويه انتي ماتعرفيني
خويه انتي ماتعرفيني بس انا اعرفج
ـ اتفضل
ـ رايد منج رقم صاحبتج روز
ـ خو ماكو شي شهالجرئه
ـ سمعيني وراح تفهمين
حجيتلها كلشي وماقصرت انطتني وصرت اعرف اخبارها كل يوم واسئل عليها وصارت حنان حلقة وصل لاخبار بت كلبي  ويوم بعد يوم اموت بحبها
اليشيوفني مايكول هذا ميت ومنتهي بس وحك كل شبر بيها عشكتها  صرت اراسلها بدون ماتدري وادزلها رسايل وتفزز بحر حبها بكلبي جانت تتجاهلني بس جانت عندي من تقراهم كافي
سمعت بيها نجحت  وصارت كليه
فرحتلها ومناي اروح احضنها واباركلها والحمد لله طلعت كليتها نفس كلية فهيد
صار الشيطان يكعد براسي
وهاي فطيره بسرعه تضحك وهناك رياجيل
جا فكرت هيج حسيت جسمي كام يغلي واعصابي تفتر وعصب براسي يون عليه ودمي يفور
كمت ماتحمل كل يوم اباوعلها من بعيد واتمناها حلالي واحسب يوم بعد يوم وفلس ع فلس 
لحد ما صارت  عيني بعينها
اااااخ هالنظره ذبحتني 
وووووو
للحكايه بقايا