رحت
اوك عمار لتحاجيني بعد باي
غندبت قابل شحجيت شبي
رجعت من الدوام ميته فرح صح نرفزني بس ططايره
لليل وانا اركص واغني فرحانه والدنيا ماسايعتني

رحت سويت كيك وزينته وسويت كاهي وحلويات وبقلاوه من الفرح حسيت كلشي حلو
خابرني واني انظف
فتحت الاتصال واحجي وكوه اجر نفس من الركض
ـ الو
ـ  ها بويه شلونج
اخذت نفس وزفرته
ـ الحمدالله عمري
ـ شبيج
ـ جاي انظف
ـ اايوم ناويه تموتيني لاتسوين هاي الاهات من تتنفسين
ـ عمري جنت اركض
ـ واني هسه كلبي ضل يركض ورجلي تكلي روح اخذ امك وطير البيتهم اخطبها
ـ ههههههه ليش شكو
ـ كافي ولج رحميني محترك والعباس
ـ اسم الله هاي شبيك
ـ ماكو حبيبي ماكو راح اروح اغسل واجي خرب
سد الخط بوجهي
من صدك عصبني كرر هالشي
رجعت اتصلت
حركته عليه
مو هياني جنت فرحانه لازم يزوع الفرحه من خشمي
كملت وصعدت غسلت ملابس ونزلت
متجمعين واحلا لمه ومسويه امي لبلبي وحامض شلغم ومخلين بتيته ع الصوبه تنشوي وريحتها تخبل امي تشوي البتيته  ع الصوبه تخليها لحد ماتستوي  وتفتحها وتهرس البتيته وتخلي بيها جبن وسلطه وناكلها بالشتا
وحده من عادات الوالده
غير الدبس والراشي يعني اجواء شتويه ودافيه بلمة الاهل
كاعدين نشوف مسلسل خليجي حته ابويه كاعد
وجان الجو بارد ملتفه باللحاف وكاعده كبال الصوبه
وهاي تعبر نقطه ضعف تجيب النوم
نمت
جريتها للصبح
كعدت
ب 12 صادف جمعه
امي ..صباح الخير حبيبتي
روز.. صباح العسل  ياروحي
امي.. اكلج تعرفين واحد اسمه عمار
روز.. منوو? ?????

......

للحكايه بقايه

البارت 7

لاتخلين احد يستغل حبج اله ولاتنطين شخص كل الحب لدرجة اي شي يسوي وياج يكول عادي تتحملني عادي تسامحني عادي شما اسوي بيها ترضه بكلمه مني عقابي العمار مو قلة حب وانما ردت احافظ ع نفسي وع مشاعري ماريد يجي يوم ويستغل حبي اله
رغم ادري بحبه الي
بس ماتحملت هالشعور رغم بعيده عنه وهيج عاملني لو نتزوج شو راح يسوي بيه
فتحت التلفون وشفته حارك الدنيا
شفتهم وقريت عتاب وتبرير وخوف ممزوج بالحب والشوق
رديت
ـ ها عمار حسيت بالي حسيته? 
انتظرت شوي ورد
ـ شكد قاسيه! 
ـ مو اقسى منك
ـ ارتاحيتي من دمرتي اعصابي
ـ اي وكلش
ـ ماتوقعتج الهالدرجه قويه عرفتي تلعبين ب اعصابي وتستغلين حبي الج
ـ ابد مو انا الاستغل حبك الي مثل ماانت حبيتني حبيتك وصنتك
مثل ماانت تكره التجاهل انه اكرهه الشي الناتحب احد يسوي الك لاتسوي الغيرك لان مرارته صعبه وماتنطاق
ـ  غلطت والي عذري وماتحملتيني كم ساعه سلون تتحملين العمر كله!  هيج سهله عندج ? وماهامج وتطلعين وتفرفرين بالسوك والضحكه شاكه حلكج واني هنا ميت بغيابج انتي شنو! !
ـ انه المااضيع حقي  واخذه ب ايدي ..اذيتني وفرفحت روحي وكل مره تغلط واسامحك وتعتذر واتعيد نفس الموقف بس هيهات
اتصل وحجه :-
ـ اخذتي حقج موو ورحتي زعلتي بدون ماتكولين انتظره يشرح شبي مابي
انانيه وصرت اناني بحبج تعبتيني ودستي بمصاريني واكول لخاطر عيونها كلشي يهون تعصبين وتراددين الكلمه بعشره ماعبالك كدامج رجال واسكت واكول الخاطر عيونها كلشي يهون وتالي تكولين اخذ حقي بويه ياحق هذا كدامج حبيبج مو عدوج
ماانكر ماغلطت لا غلطت وجيت اوضحلج وحته اسولفلج والكاج هيج تسوين!  دمرني غيابج كرهني بالدنيا
مرض حبج مرض وصار بكلبي وتعبني
ـ طلعني من كلبك اذا هيج متاذي من نبك الي
ـ هه بويه الزلمه لو حب من صدك يقفل ومازعلان منج لان بنيتي والابو مايزعل من بنته بس اااااخ هذا كبريائج لو الزمه اله اسوي كبر واحد
صدك ضحكني
ـ سمعت حس ضحكت بويه ردتلي روحي شلون هانت عليج
ـ لا ماضحكت
ـ كلبي يكلي ضحكتي جا كلبي يجذب
ـ امم
ـ صافي ياللبن
ـ لا
ـ ها بويه تسويهن عشره
ـ لا
ـ ها
ـ اي
ـ اي
ـ اي
ـ شنو لزكتي اكلج حظري روحج الجمعه
ـ  ليش شكو
ـ جا امي وخواتي راح يجوكم
ـ ليش 😳
خليت ايدي ع حلكي
ـ اكلج يصير اخطبج بالقساط وكل شهر ادفع لحد العرس
ـ انت جاي تخطبني
ـ لا اخطب امج هم حاته
ـ عمااااااار
ـ عيون عمار وهله وعشيرته
ـ هههههههه
ـ يبعد الضحكه ردتلي روحي شاب طول بعرض ركضتيني وراج
ـ ماارضه اذا ماتسولفيلي ويا منو مع الدليل

(عمار)

مرحبا ..اني عمار جنوبي من الناصريه وعشت اكثر ايامي ببغداد والسبب دراستي هناك ادرس واشتغل حته اعيش نفسي احب اعتمد ع نفسي بكلشي راح تشوفون خلال الاحداث شخصيتي متناقضه ومزاجي وعصبي بس ب اوقات الي تستحق ادرس صيدله
بين فتره وفتره جنت اجي للبصره علمود ابن خالتي وضلعي وحزام ظهري فهد
فهد صديقي وابن خالتي رابين سوه ودمي من دمه وفعلا مختلط دمنه
والسبب انه فهد مريض عنده قلب بالاضافه ينزل دمه بشكل مستمر ويضعف وتتعب حالته
ويحتاج تبرع عله طول
كاسر ظهري مرضه وريته بيه ولا بي ..اضعف وانكسر من اشوف وضعه وشكد اتوسلت بي انقله وياي  واتكفل بكل امور جامعته مايقبل وجوابه
ـ بنت روحي هنا المن عايفها وانا روحي يمها? 
يحب وحده بقسمه وميت عليها وهاويها بس مرضه يمنعه وكل مره يكول
فهد ..مامكتوبلي اعشك واحب بس رايدها وياي بالجنه
واتعارك وياه واكلب الدنيا جي يحجي هيج ويكسر ظهري بحجايته
وكل اسبوع اجيله ماتحمل اعوفنه وحده وادري بي يطيح ومحد يسنده غيري
دمي مخلوط بدمه لان انه الوحيد الاتبرعله بالدم ف
فد يوم صارت فاتحه بيت صاحبي ورحتله ووكفت وياه لزمنه الفاتحه
خابرلي انجيب بنات عمه من المدرسه
اخذته ورحنه
كاعد بالسياره وننتظر واشوف بنيه واكفه والشمس سامطتها ومن الشمس صايره ورديه وهي بيضه وخدود وكصيره وعاقده حواجبها بعصبيه
كزكزت عليها مال اطفر واعضها من خدودها بقيت اباوعلها اخذت عقلي صافن عليها ومادارتلي بال ولا اهتمت كبل كلبت وجهه ودخلت
ضحكت شلون مغندبه
ضليت اراقبها لحد ماعرفت بيتهم
بقينا ايام الفاتحه ولزكت بيه الكحه وبلعومي احتقن سئلت ع دكتور يمهم ورحتله
كاعد انتظر السره والكحه موتتني ردت اطلع وفاتت بت كلبي الماخذه عكلي
رجعت كعدت
وامها وياها
اول ماشفتها عرفتها هي المريضه مسخنه وشفايفها  ورديه والخدود حمر من الحراره ونايمه ع جتف امها حسيت دخنت واشوفها تمسح شفايفها وره ماتكح
موتتني حركتني حرك وكمت اصب عرك
وصعدت الحماوه لا هيج ماتحمل طلعت
افرك بعيوني ووجهي واحوس شسوت بيه هالفصمه شوي وطلعت امها
اشترت من المحل
رجعت دخلت وعيني عليها باوعتلي منزعجه هههههه شكد طنكوره ماانكر اكلتها بنظراتي الها عذبتني استغفر وماكو كل شوي عيني اتصير ع شفتها 
دخلت امها ونامت ع جتف امها
ياريتني بدال امهج انومج بضلوعي وحك علي
صاحو رقمي
وكلت الها تدخل بدالي
مشت كوه وهي مستنده ع امها اندارتلي ابتسمت
بوياي حسيت روحي طلعت

البارت 8

ـ عمار
ـ عيونه
ـ احنه كل علاقه لازم بيها اسس ثابته ولازم نلتزم بيها حته نستمر بحب قوي وماينكسر واضح? اولهم الاحترام والصراحه
انت صارحني بكلشي تسوي حتى لو جان ياذيني لان ياذيني شوي احسن من مااتهدم كلشي
وانت اذا تصارحني ماراح تشوف مني تصرف مايعجبك
ـ هسه اني ضام عنج شي لو ممحترمج
ـ هواي شغلات ضامها عني واما سغلة الاحترام انت تغلط كدامي وحجي مو حلو
ـ بويه اني بالشارع كاضي طفولتي ترديني ماافشر واذا على هاي صار تتدللين من حقج وعذريني من اعصب ماشوف دربي منين وانتي منا تلاسنين ولسانج اطول منج تزيديني نار وشرار
ـ لاتفرها عليه عمار
ـ مافرها بس انتي جفصين ببطني وتعاندين تجبريني اعصب عليج
ـ زين اوك والصراحه
ـ راحه
ـ ها انت كلتها راحه يعني بالمشكله لو حاجيلي جان راح يصير كل هذا
ـ لا
ـ بعد شنو
ـ تدرين شكد تكبرين بعيني بهذا حجيج اني رجال طول بعرض جاي اتعلم منج
ـ مووعيب الانسان يتعلم بس العيب يبقه ع نفس الخطا انا هم اتعلمت منك كثير شغلات وانت من تعلمني تعلمني كانو طفله
ـ غير بنيتي هسه صار تتدللين عد عيناج
ـ فدوه الكلبك حبيبي
ـ اشو خلي خدج خل اضوك الكيمر من وره التلفون
ـ عمااااار
ـ وبعدين وياج
ـ بعدين احبك كلششششش
ـ ااااخ عيديها ول يابه تلعبين بكلبي لعب من تكوليها
ـ احبك
ـ لا كولي عماار احبك
ـ اهوووو
ـ كووولي اشتعل شيب عشيرتي
ـ احبك عمار هواي احبك
عمار رغم البعد والمسافه لكن علمني ع هواي شغلات متجاهلتها
حبه الي واصراره ع تغيير شغلات سلبيه بي علمودي هالشي خلاني اتعلق بي الى اكثر
الحب عباره عن تنازلات تكون من الطرفين حتى وان كان الطرف الثاني اساس حياته العناد او العصبيه
لازم بكل علاقه يخلي اسس
وانتي لازم تثبتين نفسج ومكانج وتخلين بعلاقتج ويه شريكج بصمه ثابته وكلمه مسموعه خلي يتعلم منج وانتي تعلمي منه
من اتجاهلته مو معناها مااحبه
ولا معناها انو لو تتجاهلي يحبج اكثر لا عيشي كل لحظه وياه بس عاقبي من يخطا مثل الطفل اذا خطا امه اتعاقبه
حته مايكرر الخطا
عمار الي يشوفه يكول انسان قاسي وعصبي
ومايتحاجه ومغرور متكبر
بس هو بداخله طفل طفل بشخصية رجل يملك هيبه ورجوله وشهامه
رحت للدوام وبشكل رسمي جنطتي السوده
وحجابي الماروني كرزي
وعبايتي
وحذاء ميني كعب كرزي اكتفيت بمورد خدود وحمره بلون الشفه ومسكارا
رشيت عطري
لفيت ع ركبتي لفاف ماروني بسبب الجو جان بي بروده
تريكت وطلعت للدوام
جان يوم لطيف جدا الجو يجنن قطرات مطر خفيفه وصوت الرياح واوراق الشجر الي تنكعت بقطرات الماي
وجو البصره ويه المطر احيا واموت ع البصره
رحت للكافيتيريا اطكطك من البرد
طلعت جفوفي
ماروني موديل ملكي
شي نازك ومرتب
اخذت جاي وكعدت اشرب واباوع حاولي جان ماكو طلاب هلكد اله كم شخص
غمضت اتنفست بعمق سحبت اللفاف خنكني خليته ع صفحه
اجاني صوته
عمار.. عيناك والسحر المنى..
فز كلبي ..فزت روحي ..رجفت ..توترت ..خجلت فتحت عيني بضحكه وخجل
روز.. عمار
عمار.. عيون عمار كلب عمار روحه اهله
روز.. روح منااا عززززا
بقه صافن عليه
دنكت واحس النار تطلع من جسمي واطك ب اصابعي
روز.. شوكت ..شوكت اجيت ليش ماكلت
مارد
رفعت راسي
صارت عيني ع صدره
يرتفع بسبب التنفس القوي
حسيت كلبه حيطلع من مكانه
كلبي رجف اكثر
عيني صارت بعينه
وهي ذبلانه تلمع بيها حجي
عمار.. شلونج يبعد ابوج
روز.. بخير وانته
عمار.. هسه صرت بخير ..مااريد اوكف هنا لاتجيج حجايه بس اريد هذا
سحب لفافي من ايدي
روز.. عما...
عمار.. اشششششششششششششش
اخذه ولفاه ع ركبته
عمار...افيشششششششش ياريحة هلي يلا كومي دخلي لاتكعدين وحدج
روز.. كمت وكفت
عمار.. شدعوه هلكد طويله شو بله لابسه كعب
روز.. ههههههههه عمااااار
عمار...عيووونه
دنكت استحيت
مشيت سريع
وكفت انداريت شفته يشم باللفاف
صاح
عمار.. العمر
انداريت بخجل وابتسامه
عمار..  هيج تدرين بروحج العمر يابعد العمر وصاحب العمر يابعد عمار واهله
دنكت
روز.. خجلانه منه واحس نار تطلع من وجهي
حجه
عمار.. خجلانه دنكت راسها
والروح ذابت بيها
ابتسمت
روز..عمار
عمار.. شحلات اسمي بصوتج يابعد عمار وضوه عيونه
روز. احبك
ومشيت سريع
صاح بصوت خلاني اسمع وكلبي يرجف بنبرته الخشنه والحنينه
عمار.. اللهيييي هايم بيها وحك علي
دخلت للقاعه فرحانه وكلبي يركص
لحظات جانت بس عندي عمر بهالكم دقيقه احس انكتبتلي حياة جديده دزيتله مسج
ـ احبك عمار حيل احبك
اجاني منه مسج
ـ هاويج وميت بيج سحرتيني وذوبتيني ابوس كل حرف يطلع منج
ـ خجلتني
ـ خجلانه دنكت واستحت ..والروح ذابت بيها
ـ شلون هيج تعرف تشعر
ـ اصيرلج كلشي
ـ يابعد الكلشي
ـ اعشقج ولج اااخ  صدك شهالعطر موتيني شسمه
ـ وشوشه ههههه
ـ حلو مثلج ياحلاوة كلبي! 
ـ وعطرك
ـ الوسام
ـ وسيم مثلك
ـ لا بويه اني ازرك وانتي حليب شلون رهمت ماادري
ـ الاسمر دمه حار احبه ماحب الابيض فاهي همزين انته حار
ـ ها بويه لاجفصين وحدي مشتعل نار وجاي تكليلي حار ااااخ خرب يومج رايح اني
ـ هاي شبيك زعلت قابل شحجيت
الو !
هاي صدك

ماكو تفاعل

البار 9

حسيت رجليه بادن من الخوف
رديت ب ارتباك
روز.. منو عمار
امي.. خابرتني مره وكالت اليوم نجيكم وانه فهمتها خطوبه كلتلها منو حظرتكم كالت ام عمار   ابني ويه  بتكم بالجامعه
ماااعرف شنو الشعور الي اوصفه فرح!  خوف!  ارتباك مااعرف
هاللحظه شكد ماهي حلوه خصوصا اذا شخص اتحبي وشكد ماهي صعبه بسبب الخجل والخوف
توترت وحسيت كبيت من الحراره
روز.. اي اعرفه
امي باوعتلي
امي.. شنو ومنو منين
روز.. ماما هذا الولد يجي يشوف ابن خالته بنفس كليتنه بين فتره وبتره لان ابن خالته مريض  وشايفني وحاجي الحنان يريد يخطبني
امي.. منين تعرفين شو حافظه حياته هاي لو درسج ماتحفظينه
رادت تصيدني نبع الحنان كمت اتلكا
روز..ههههههه لا منين اعرفه بس الاخبار تنتشر
امي.. ان شالله خير بعد شتعرفين
روز.. الادري بي هو دكتور صيدلاني
امي.. شكد عمره منين مامنين
روز.. ياا ماما وين ادري خل اتريك
امي.. شو جنه عاجبج شو باعيلي
روز.. لا ماما بس شكلج يعني هههههه يعني عاديه بنيه واجوها خطابه
امي.. عندج علم يعني
روز.. اي حنان كلتلي راح يجي يخطبج
امي.. ان شا۽الله خير
طلعت صعدت للغرفه عبرت الدرج وطكيتها ركضه ررررعب ررعب ررررعب خوف مو طبيعي حسيت كلبي حيطلع من مكانه اله شوي اسويها ع نفسي كوه اوكف
ممكن تكولون بالغت بس والله اختلطت احاسيسي من حب وخوف وخجل
ركض خابرته
رد
ـ عيون عمار
ـ شلون هيج تسوي بيه ليش ماكتلي راح انجلط
ـ اسم الله اسم الله اهدي بويه
ـ خايييفه
ـ من شنو
ـ خاف مايقبلون وخاف امك مااعجبها
ـ لا من ناحيتي اطمني ولو اهلج رفضو ارجع اخطبج الف مره شعندي غيرج
ـ يعني ماتعوفني
ـ زحمه ع الزلم تعوف نسوانها للغير مااسمع هالحجايه بعد!
ـ خايفه
ـ اششششششش اهدي ب 4 يمكم حظر روحك ازو خدود
ـ هههههه لاتتاخرون
ـ ها بويه ها شو مستعجله
ـ عمااااار هههههههه
ـ كلب عمار 
ـ احبك زلمتي
ـ اعشكج بنيتي
سديت الخط
وكلبي يدك بالمليون كل ثانيه
رحت فتحت الكانتور متت شلبس ماعندي شي
حسيت عيني انعمت
وماعندي ملابس هههه
كمت اطلع والبس
لا هذا مووحلو لا هذا ضيك لا هذا فاضح اخر شي صفيت ع ثوب بنفسجي طوخ جاي ع لون باذنجاني ورهمت وياه شال اوف وايت
كضيتها متوتره وخايفه وكوه تطلع الحجايه مني   اكلت لكمتين وكمت صعدت سبحت وظفرت شعري
وبقيت اباوع للساعه يمكن باوعت الروحي وللساعه اكثر من الف مره  كمت صليت ركعتين و
نزلت شفت امي اتبخر البيت
سويت روحي مامهتمه ومامبدله
ماما ... روحي بدلي خاف يجون خو ماتطلعين بملابس البيت
روز.. يووه ماما شلبس  وكاتمه ضحكتي
ماما.. الكنتور راح ينفجر من الملابس شوفيلج فد ثوب حلو لبسي
روز.. اوك ماما
ضحكت بكلبي وركضت للغرفه طلعت الملابس وبدلت ولبست الشال
خليت شوي مورد خدود ومسكاره خفيفه ومرطب بي لون بناتي بلون الشفه
تعطرت ونزلت
بقيت كاعده العب بالتلفون واحس انتهيت من التوتر احس راسي ناااار نااار
رمش عليه وسديته
كمت وكفت واسمع صوت هورن
اويلي يابه والله متت
اسمع صوت نسوان دخلن
كمت اهفي ع وجهي
شوي وصاحتلي امي
قريت الفاتحه الام البنين
ودخلت اني والعصير
المره ..صلوات على محمد وال محمد عين الحاره بارده
امي.. صليتي ع نبيج عيوني
المره الثانيه.. تخبل الله يحفظها ويخليها ماشا۽الله
رفعت راسي جانن نسوان اثنين وبنيه شابه وعدها طفله
ابتسمت ودنكت
صاحت المره
ـ رفعي راسج حبيبتي خلي انشوف الكمر عيني الحاره بارده خير ماختار وليدي
بويااااااااي كالت هيج مغصتني بطني واتوازيت
ضلو يحجون وبالي مو يمهم
لهناااك وفزيت
ـ جايه ب امر من ابني اخطب ايد بنيتكم اله شافها بالكليه وماراد غيرها والنه الشرف نناسبكم
ـ مشكوره عيوني من ذوقكم هذا النه الشرف بس لازم انشاور البنيه وابوها والاهل وانردلكم الخبر
لو تذبحوني ماتلكون قطرة دم
طلعو واحس روحي طلعت كد التوتر والخوف
حجت امي
ـ مبينين خوش ناس وابنهم دارس بس خاف ابوج يعارض لان بيتهم بالناصريه
ـ ليش شبيهم
ـ بعيد
ـ ها
ـ شنو رايج
دنكت
ـ بكيفكم
ـ انتي جنه عاجبج
كبل صعدت ذبيت ملابسي ودخلت جوه اللحاف وضليت اندعي وابجي بس كون يقبلون
وضليت اردد
امن يجيب المضطر اذا دعاه ويكشف السو۽ لحد مانمت  وكعدت العب بالتلفون
اجه ابويه وحجه وياي
ـ الراي رايج وانتي قرارج
ـ بكيفكم بابا
ـ خير ع خير ان شا۽الله نردلهم الخبر الف مبروك باباتي
يعني وافقوووو! !!!
معقووووووله اصير اله! !!
ابويه طلع  متت بجي انتهيت
معقوله ياربي هيج تستجاب دعائي واصير اله وملكه وحلاله شكد جنت اندعي الله يجمعني بي وشكد حاول يخطبني وماجان عنده مصرف ويجيني مختنك وضايج لان مايكدر
شكد بجينه سوه وشكد يسولفلي ع احلامه
شكد عدنه احلام خططناها سوه
يارب هيج اتحبني وتستجاب دعائي
اللهي شكد مقصره بحقق بس ولا مرهرخيبت ظني
كم مره دعيت واني مليانه ذنوب واستحي حته اندعي
بمجرد اندعي تستجاب دعائي
رزقتنياه
وتعذبنا بعلاقتنا بسبب المشاكم وقلة التفاهم
كبرني وعلمني ع ايده وصرت لا اراديا استجيب وياه وزرعت حبه بكلبي بكل قوه
وهسه تجمعنا! 
شكد

عظيم يارب وشكد خجلانه بسبب تقصيري وذنوبي
كمت غسلت وتوضيت وفرست سجادتي وصليت ضليت اصلي المااعرف شكد
حسيت محتاجه هالشي
صليت هواي ودعيت هواي
ونمت واني بمحرم الصلاة
كعدت ع صوت امي تفتح البردات
شوفة وجهج تجيب العافيه يايمه
كمت بست راسها وصبحت عليها
كلي نشاط وكلي حيويه وكلد حب وطاقه
ماتقربت للتلفون كلت العب ع اعصابه ههه
رحت نطفت وتريكت وسبحت
خابرته
مارد
مره ومرتين
كتب
ـ اسف يبعد ابوج اني بالصيدليه وزخم ناس اكمل واخابرلج
بست رسالته شكد احبك.
كعدت اكلب بالافيس ع فساتين وصالونات
وصورت كم نموذج
طلعت اعمال يدويه للخطوبه وحبيت اسوي صواني مهر وعقد القران ب ايدي
والله وكلت الامي ورحنه للسوك
اشتريت كل قطعه بحب
وكل قطعه اختارها احمد الله واشكره الف مره
كملنه
ورجعت لكيته حارك التلفون عليه ههههه
ـ صدك مثل ماسمعت
امي تحجي الصدك
الووووو خرب ويننننج
ويتصل
انتي صرتي الي مرتي حلالي الي اني وحدي ولج وينج ااااخخخخخ خرب كلبي راح يوكف
رديت
ـ ايييي مثل ماكلولك اني حاليا "حرم عمار علي "
ـ افيششششششششش افيشششش ياعافية عمار ولج بيه فرحه وحك علي ابن ابي طالب لخلي الناصريه تفرح الفرحتي
صورلي مشتري 5 جياسه جكليت وموزعها بالمستشفى
بجيت متت بجي بوقتها
اتحدد موعد العقد والحفله سوه
عزمت صديقاتي وحجزت صالون وبدله
اختاريت بدله زيتوني نفش فد شي بالجمال
رحت للصالون ولاول مره البس عدسات
لبست عدسات خضر ويه البدله والمكياج وشعري طويل صارت التسريحه تجنن واجت وياي حنان وهند  وامي واختي  للصالون وهم مكيجن وفساتينهم تخبل
كملنه واجه علينه زوج بنت عمي
وصلنه ونزلت بالهلال والهوسات
ويركصون البنات وكلبي يركص وياهم كلش فرحانه والفرحه مسايعتني الله يرزق كل وحده فرحتي ومايحرمها من الفرحه
شوي وسمعنا صوت الاغاني والموسيقى والمعزوفات والهورنات
ودخلو اهل عمار
والشارع انترس سيارات ممخلي احد معازمه
وركصو ذبو لحم وامه طشت ماادري شنو عليه وتصلي على محمد وتقرا ايات
وامي نفس الحاله
تقرا ايات وتنفخ بوجهي
وحده ضلت تردح وتكول " اخونه خوش اخو يستاهل الهوسه "
بعد روحي اخوج ونطر عيني
شوي وصاحو جيبو العروسه يلا
رحت واني كل عضاي ترجف
سمعت صوت الشيخ
ـ روز بنت * هل تقبلين بعمار علي **** زوجا لك في السرا۽ والضرا۽ على سنة الله ورسوله
بدون تردد بدون انتظار
ـ نعم  نعم قبلت

للحكايه بقايه ❤

البارت 10

عمار..
عنوديه قويه حساسه طفله ام امتلكت كلبي بكل جهاته
حاوطتني بذراعها ادبتني وعلمتني
اني رجال الي يشوفني يكول شكد قاسي شكد صعب بس يمها يشهد الله اصير طفل واختل بضلوعها
اشرد من العالم واجي انام بسدها
دمرتني بحبها صار مرض ويمشي بجسمي
من حصلت ع رقمها صزثرت ادزلها وماتدري بيه
صارت روحي متعلكه بالخطين الي تاكدلي انها قرت رسائلي
دوامي ببغداد انتظر العطله والفراغ حته اجي اشوفها
اوكف ببابهم النص الليل وابقه اسمع اغاني وادندن ويه كل اغنيه
وييييييين لحد مااملي ريتي بهواها
مرني ياهوى الاحباب مرني
بيوم الي صارت عيني بعينها بالكليه
حسيتها سهم بكلبي مو نظره
ومنها تعلكت برويحتي اكثر واكثر
فد يوم جنت جاي الفهد اني يخلوني ادخل لان تعودو عليه اجي علمود فهد
فالشباب كاعدين وحبو ناخذ صوره
انا مو هلكد ويه الصور
بس كوه يخوك كلتلهم بتلفوني اتصورون
قبلو
وصورو
كلي فهد
فهد ..يخوي اليوم خالتك مسويه صبور بصراوي يلوك لحلكك
عمار.. اخ ولك لاتحرك كلبي مو مااكدر خاف اتاخر ومنا والدرب شطوله
فهد.. يفوتك وحك علي
عمار.. جا خل اخابر لحسين اكله ابات يمك
والله خابرته ورحنه
صاح فهد
فهد ..يمه يمه وينج اجه عمران وياي
اجتنيوتتلكاني بالهلا
خالتي.. هلا بعمير هلا بعمران حبيب الروح
وتبوس بيه شكد حنينه
دخلت وشفت رحاب اخت فهد
ابتسمتلي وعيونها تلمع جا بويه ادري بيج عاشكتني بس هالكلب اااخ محد ماخذه غير هالفصمه الندفه نص اخمس
سلمت
رحاب.. شلونك عمار مشتاقيلك ماتمر
عمار.. هلا خويه رحاب الحمدالله انتي شلونج ..والله شغل ودراسه ملتهي
رحاب.. بخير بوجودك ابن خالتي
سويت روحي ماسمعت ماريدن اجرحها وتصير خطيتها بركبتي وهالكلب هاوي غيرها
كعدنه
واجن البنات سلمن
وحامد اخو فهد ماجان موجود
واني متعلمين علي اجيهم ياخذون راحتهم
كعدت يمي خالتي
خالتي.. اتبرعت
عمار.. لا اليوم ماكو ع الجمعه
نزلت تبوس ايدي بعدتها
عمار.. استغفرالله خاله بعد روحي شنو ماتوبين من هالسالفه ليش تخليني مااجيلكم
خالتي ..فهد الهاللحظه عايش بسببك يمه لو انطيك روحي ماجازيك
عمار.. شنو هالحجي يمه
خالتي ..يبعد عوينات امك وليدي خل اكومن اصبن الغده
راحت وفتحت التلفون  اريد ادز الصور للولد
جان اركز بالصوره واشوف العمر طالعه بالصوره كاعده
بوياي غير احركت
اشتعل شيب الخلفني من اروح فدوه الجمالج
كصيت الصوره ومسحتهن بس جانت صوره وحده ماطالعه بيها دزيتها للولد
بالكروب
ليث ...عمار لاتصير كو***** دز باقي الصور
غياث...طالع راسي مربع ليث مايعرف يصور ابن ال***********
عمار.. الباقيات مغوشات مسحتهن يلا لاتلغون زايد
غياث ...يااخي شكد نفسيه **** ع راسك 
عمار...بحلكك ساقط
كعدو يدزون صور وبنات شله عفطيه فد مره بس احبهم وتقريبا اقرب شي الي من الاصدقاء بس مايعرفون كلشي عني
عفتهم وخليت راسي ع المخده
واباوع الها وحك علي احس روحي ترف عليها
شلون هيج عشكتها واني لا محاجيها ولا سامع صوتها
بس سبحانه الزرع هالحب والعشك بداخلي
اكبر الصوره واصغرها
قاطعني صوت فهد
فهد.. راح تموت عليها
ضحكتله
فهد يعرف كلشي هو بير اسراري وحزام ظهري
عمار.. ميت مو راح اموت
فهد.. ليش ماتصارحها وتخطبها
عمار.. شلون اخطبها وين اخليها اتتنام بالحديقه
فهد ..جمع وكلشي يجي بالتساهيل
عمار.. هسه ابوي كال الاحد يشوف البيت بلكي يصير ملينه
فهد.. ان شاءالله اخ اله العب جوله بعرسك
عمار.. وانته
دنك راسه
فهد.. شبيه
عمار..ماتروح تصارحها
فهد.. شصارح وانا ايامي معدوده
عمار.. اشو متاكل **** ابن النعال حلكك اشكه وحك علي
هجمت عليه ضليت اضربه كلب
ميت مرة كتلك لاتعيد هالحجي
كتلك لو ماكتلك
فهد...اخ ولك اخ خرب لشتك  انعل اااخ ولك وخر هههههه
ويضحك
شمرت عليه الجداحه
واجت خالتي صبت الغده
واكلنه وتسولف وتباوعلي 
ورحاب كد ماباوعتلي حسيت روحي  طلعت حكها اني جاي امر بالي تمر بي هم ماكل الفصمه اكل بنطراتي
بس اني  اختنكت
عاد كمت ورحت غسلت ونمت
الصبح هم صارت عندي شغلتين واضطريت ابقه بالبصره
رحت وديت فهد للدوام
كملت شغلي ورجعتله واني روحي بخشمي من التعب
بالطريق شفتها وشفت واحد يحجي وياها وهي منزعجه
عقل ماضل براسي رحتله امشي سريع  حجيت وياه مافهم الحجي هجمت عليه سحلته سحل نمت فوكه واضربه
طلعت ظيمي بي
صرخت عليها امشي منا ضلت تبجي
هذا استغل وضعي ضربني برجله ع خشمي كام ينزف هجمت عليه كوه فكوني منه
اجه فهد
وهي تبجي اثنينهم روحي
نسيت نفسي وضليت اباوعلهم اشوفها ترجف وخفت ع فهد جان يوكع بيدي لزمته
شفايفه بيض ووجهه اصفر شفت حنان تركض من بعيد
صحتلها العلاج وراحت تركض  اباوعلها كامت تبجي
عمار..سكتي بويه مردتي كلبي
ولا عبالك حاجي كعدت تبجي وتشفت بخشمها هههههههه موتتني ضحك
انطيت الفهد العلاج وغسلت وجهه شوي صحصح
رغم هاليوم جان يوم متعب وموجع الكلبي بسبب فهد بس جان مسك الختام
عرفتني حبيبة كلبي ان اني الي اراسلها
فرحت هواي وحسيت انبنه بكلبي امل جبير ومن هاللحظه وعدت نفسي وخليت ايدي  ع شاربي اداريها

كل يوم الصبح اراسلها واصبح بوجهه وبصوتها
خجوله كلش
شخصيتها قويه تحجي بطريقه مرتبه تخليني مااعرف ارد
تسولفلي عن يومها وابقه دايخ بصوتها الناعم الي كله ثقه
ماسلمتني كلبها
انطيتها فتره
وانطيت النفسي وقت اعلمها عليه وع اطباعي
جنت يمها مااحجي شي ياذيني
اروح يمها حته انسه ومااتذكر شي
ع طول تكول انت غامض اعرفك جوه هالشخص شخص ثاني
وجوابي الها
لا بويه ماكو شي
تعودت عليها وصرت مااطلع ويه جماعتي بس اكابلها واكعد
بالشغل احاجيها ومن اطلع احاجيها
بكلشي وياي
عشكتها ومتت بيها صارت النفس اليصعد وينزل
اذا اضوجها بدون قصد اتعاقبني عرفت نقطة ضعفي
تعبني هالشي وضجت وصرت اعرف شلون اعاقبها
علمتها وعلمتني
بقينه علاقه فتره طويله
بهالفتره كملت صيدله وتعينت بمستشفى * 
كمت اجمع فلس ع فلس
من ارتبطت بيها ولحد هاللحظه الرزق يجيني
احسها خير عليه
والدي اشتره بيت واستقرينا من بعد معناة مع الايجار
كلت بكلبي لو ادري مرتبط بيج من زمان هههههه
صرت اداوم واشتغل بمحلي اسواق
حته نادل بمطعم اشتغلت
الصبح اروح للدوام
من ارجع اروح للمحل
بالليل اروح للمطعم
هملتها هواي بسبب شغلي
بس مرات مااتحمل اكوم اخابرها واشتغل
ابسط شي جنت اسوي انام واخليها تقرالي قران
صوتها كلش حلو من تغني لو تقرا
ابقه استمتع بصوتها
لحد مااغفه
يوم من الايام
ـ تعبان
ـ شبيك حبيبي
ـ خابريلي خل انام
ـ عمار انت ليش ماتحجيلي
ـ شحجيلج ابويه
ـ انت مهموم وتعبان ع طول ليش تضم بكلبك مو زين
ـ ماكو شي بويه لاتفكرين يلا خابري واحجي
خابرتلي وجانت مريضه وصوتها خدرني نهاني تحجي وتتنفس
ـ قربي الهيتفون يم شفتج وكولي عمار
ـ ليش
ـ قربي بويه
ـ ليش صوتك تغير
ـ هههه لان نعسان
شكد بريئه ماتدري شعلتني
ـ عمار
سويت كتم
كمت اهفي وامسح وجهي موتتني بت الاوادم
نزعت تشيرتي واسمعها تسولف موتتني حركتني
ـ بابا انا نعست
ـ نامي روح ابوج
حسيتها نامت كمت احسها نايمه ع صدري وتتنفس
متت انتهيت
بقيت اسمع الصوتها ميت وحك علي
صار الصبح
اسمع صوتها شنو حلمان
ـ عمارر ..حبيبي ...يلا كوم كافي نوم
فركت عيني وكلبي يدك حيل
ضحكت
جاوبت
ـ صباح الحب
ـ صباح العسل يلا وكت الدوام
ـ شيصير لو يمي وتكعديني
ـ ههههههه هياتني كعدتك يلا كوم ياحلو
بستها ضلت تتغنج عليه
ـ اموت عليج غنوجتي
كمت سبحت وبدلت ورحت للدوام
وقررت احاجي الوالده من ارجع
حجيت وياها 
كلتلها الجمعه نجيكم ضلت تضحك عبالها اشاقه
ضحكت ع فطارتها ورحت الامي
ـ يوم
ـ ها وليدي
ـ راح اخطبها ماتحمل بعد
ـ ههههههه شوكت انروح
ـخابري امها واحجي  وياها
كعدت القنها الحجي
خابرتها وحجت  وامها ذكيه ضلت تسال وتستفسر
سدت الخط بست امي
ـ مشكوره يبعد العين ونظرها
ركضت طاير اتكلب بالفراش
واتخيلها اشتعل بويه شحال لو بحضني
امي راحتلهم
وصلتها وبقيت اننتظر
لهناك وطلعت
ـ يمه شلون بنيه تخبال عبالك كمر
ـ وتكولين شبيك ميت عليها
حجت اختي
ـ اي يمه انوب مرتبه ونازكه والله خوش تختار عمران
ـ ان شاءالله خير
يومين وردولنه الخبر وانا طاير بالدنيا
مااعرف انا بالجنه
اركض واودي ومخبوص
اجو عماتي وخالاتي رحت عزمت عمامي والشيوخ وخوالي ماخليت واحد حالف اخلي الكل يشهد
التهيت ماحاجيتها
حددنه الموعد ورحنه
كلبي نااااار نااار وينبض بقوه موقف رهيب من سمعت " نعم ..نعم قبلت "
صحت بصوت
الحمدالله  رحت بست عمي وسلمت
وزعو الشباب كيك صاحو صيحو للعريس
عدلت القاط ودخلت
ماباوع بس عليها
عيوني اكلتها اكل قبل كل الناس اول مره اشوفها هيج موتتني اريد الزم كلبي حته ماينبض هيج
فضحني ابن الكلب
لبستها الذهب وتعمدت اتلبس ركبتها
قشعر جلدها وهي تضحك
شاورتها
ـ راح يقشعر هواي جلدج ابوي انتي
ضحكت وباوعتلي
ـ احبك زلمتي
للحكايه بقايا

البارت 11

روز
شفت طوله الحلوو  وهو يتقدم اتجاهي وعيونه تلمع
البدله فاضحه جانت واول مره يشوفني هيج
كعد بصفي وكلبي ينبض بقوه شكد حلو طالع
اول لزمة ايد من لبسني الحلقه
لبسها الي ويتعمد يتلمس ايدي بطريقه ذوبتني  قشعر جلدي من وراها وراها الذهب
لبسني لكلاده وشاورني
ـ راح يقشعر جلدج هواي ابووي انتي
رفعت راسي وخزرته ابتست ودنكت
كملنه كلشي وكومتنه اخته حته نركص انه  من الاساس ضليت احوس اريد اركص قابل هو جم مره واحد يتزوج
سويت روحي لا حبابه مااريد تالي كومتني وركصنه سوه
واخيرا الشي الجنت احلم بي اتحقق وحبيبي واكف بطوله الحلو كبالي وعيونه عليه
دنك راسه شاورني وايدي ع ركبته
فرق الطول بيناتنه كارثه
هو ضخم ومعضل وجسمه مليان
عمار.. شوكت تخلص هالهوسه
ضحكت
روز.. ليش
عمار. اريد اضوك هالكيمر
كرصته بركبته
روز.. اسكت
عمار.. كرصه هاي
روز.. ايي
عمار.. بعدين اراويج الكرصه المعدله
ويغمز
صرت طماطه من الخجل
شوي وكعدنه ويركصون البنات وفرحانين
وزعو وخلصوا وطلعو اهله
كلهم بقت اخته المتزوجه اسمها نور
وامه
حته نطلع انصور
كملنه رتبت روحي
واراحت وياي اختي وامي وحنان وهند
رغم هنوده ماقصرت بالتصوير ومعروفه عنها الابداع والخبره
وعمار خبلني اله يريد لقطات ماخليته ابد
بس لقطه جانت الصوره يبوس كتفي
وصورنه انه والبنات وامي
ورجعنه
هو كاعد وحده
واهله موجودين يم اهلي يسولفون
دزلي مسج
ـ لاتنزعين اريد اشوفج
صاحتلي امي اروحله
دخلت اني وبدلتي .ثكيله وجبيره كوه امشي بيها ولابسه كعب هههه
عمار ..لابسه كعب هههههه
روز.. لا هذا طولي
عمار...اشو نزعي
روز.. ترا مايصير  هيج اني مرتك حاليا
ابتسم وكام يمشي بهدوء وعيونه اكلتني ويباوع نظرات جريئه الجسمي
كمت اتلعثم ومتت كلبي يدك
لزمني من خصري خليت ايدي ع صدره
شاورني
عمار..  شكلتي
رديت كوه
روز.. مرتك
ماحسيت اله سحب شحمة اذني ومصها
جسمي كزبر وفتحت عيوني
روز.. عم
عمار..اشششششششششششششش
دفعته ع كيف ماندفع
عصرني من خصري
عمار...اريد اسوي شي من زمان اريده
روز.. شنوو
ماحسيت غير ايده ع ركبتي واخذ شفايفي
ماسويت اي رد فعل من الخوف والخجل والتوتر
خنكني وهو يبوس بشفتي ويتفنن بيها
سحبها وعافني
اخذت نفس حجه وهو يتنفس حيل وصوته اتغير
عمار.. هالنفس من ينوخذ احترررك بويه احترك دتعاي روز.. عما....
سحبها هالمره اقوه
رحنه الغير عالم عالم بس انه وياه
كعدت وعيوني منعسه كلش
وهو يمسح بكصته ويرجع ليوره
عمار.. حبيبي محتاج اروح للحمام
بكل غباء سئلته
روز.. ليش ??
عمار..هههههه اشرلي بعيونه
مافهمت شي
روز.. شنو
عمار...ولج كومي بسرعه خخخخرب
روز.. شنوووو
عمار.. الحمام ابويه انتي
روز.. ها اي بره بره الحمام
بسرعه كام
ورحت صعدت نزعت البدله لبست تراك ويه التسريحه ونزلت رجعتله
جان يعدل بشعره
اندار بسرعه
عمار.. العمر
روز.. عمري
عمار.. ياروح عمرج ييبعد ابوج شنو انتي ليش هلكد حلوه
كعد ورحت يمه
روز.. لان عيونك حلوه تشوفني حلوه
عمار.. اعشق عيونج الجريئه المليانه خجل
روز.. معقوله
عمار...ههههههه مساع سالت نفسي
حاوطني بحضنه وعصرني حيل
عمار.. انعيد اللقطه مال مساع
رفعت راسي
روز.. يالقطه? 
قرب وجهه
عمار.. طعم شفايفج موتني
ماحسيت غير اخذ شفتي وركبتي وعضني حيل دفعته كوه مايندفع انيت
روز..  عمار
عمار.. اشششششششششششش 
موتني
روز.. عمار حبيبي
عمار.. ضوكتني اسمي وعرك ركبهَ وخجل .
روز.. ههه كافي لحد يجي
عمار.. دَعيني أغوصَ بكَ صَغيرتي
يحجي بطريقه اتخبل ساعه شعر ساعه كلام غزل يموت يخليني مااعرف ارد
روز.. حبيبي حطلع هسه شيكولون عليه
يباوع لشفايفي
عمار..شكد طيبات
روز.. يااا عماااار
عمار.. عيونه
روز.. حطلع
عمار.. ماشي بس بشرط
روز.. شوو
سحبني وباسني بخده وعضاه ضحكت
عمار...ماينباس يتعضعض
روز.. هههههههه احبك
بسته بخده وركضت
اتلكني حنان وهند
هند.. اااخ باعي الركبه باعي الحمره ممسوحه شوكت يمسحون حمرتي
شمرت حنان عليها كلينكس مرطب
حنان.. هاااج مسحي
روز.. ههههههههههه مختوبه لحد يحاجيني
هند .. هههههههه لا اريد شفه عشرينيه
حنان.. مستويه والله حقج انا من طلعت هاي الخايسه كلبي ضل ياذيني  ههههههههههه
روز.. اووف يخبل بنات
هند.. شنو شعورج من باسج سولفيلي بالتفصيل
روز.. ماتحسين بشي
حنان.. انا اريد احس
روز.. لج ماتحسين بشي ترحين غير عالم
هند.. اووف اخ يمه اخ من باجر ادورلي ع رجل بعد خلاص الدنيا ماتسوه
حنان.. اووووف
يحجون مو يمهم انه بغير عالم
حسيت بهزة حنان
حنان.. ايا بر******** احجيلي بيمن صفنتي يمه احترك كلبي راح اطفر ع اخوج ال *** اله اغتصبه
روز.. حمن حمن خرب ببليسجن
هند.. حقنا حقنا مشاعرنه صارن طرشي ع حامض شلغم ع ليمون
حنان.. انا صار عليهن طبقة عفن حته الي يكلي احبج بالغلط اكله اعشقك ابو جهالي
روز.. هند.. ههههههههههههه
طلعو اهل عمار
واحنه البنات سهرنه للصبح ومخابرات عمار الي الها طعم ثاني
ويوم بعد يوم يتجد د حبي اله ويزيد اكثر واكثر
غمرني بحنانه واهتمامه
بكل مره يجي بيد

ه

هديه
حته لعابات اشترالي
عمار.. انتي طفلتي وبنيتي
صرت احس نفسي من صدك طفله واتدلل عليه نتعاارك هواي ونتصالح بنفس اليوم
اكتشفت شغلات مشايفتهم  بي وحبيت وبطلب مني انو تطول الخطوبه فد كم شهر
لان صح احنه علاقه بس لازم اعرفه بالواقع اكثر
عمار عيونه ع طول بيها حزن وعيونه ع فهد بكل لحظه فهد موجود ويانه
حاولت هواي انو يحجيلي بس ماجان يقبل يحجي
عمار.. بويه اني يمج انسه الدنيا واهلها
مكتفي بهالجمله
رغم فرحتي بس حسيته مختنك وشايل هم
جنت ب اي طريقه خلال الخطوبه انو اسعده وانسي كلشي
صديقاتي يكولن لبسي فاضح طلعي جسمج استغلي الوضع بعدين مالج خلك وماتلحكين
بس امي تكول
خلي يتمنى ويتلهف يشوف جسمج ويتخيله اذا تطلعيله كلشي راح يشبع من جسمج لان شايفه ماراح تكون لهفه
مثلا اذا طلعتي رجلج للنص راح يتمنى يشوف الفوك النص
الرجال يحب الخجل والجرئه بنفس الوقت
ساوي بين خجلج وجرئتج
وثبتي نفسج من اول يوم بكلمتج ومايكلج حته كلمة وحده تسيئ الج خلي الاحترام ع راس القائمه
عمار جان عنده نوع من الغلط
يعني يفشر
مره من المرات خابره واحد  كل شوي يخابر ويفصله اخر شي فشر عليه
باوعتله بزعل 
روز.. ليش اتقلل من احترامي
عمار.. متعود اغلط ماقللت بويه والله بس شفتي شلون عصبني
روز.. مهما يكن احنه زوج وزوجه ويجي يوم ويصير عدنه اطفال تقبل ابنك يفشر ويغلط والناس تكول ابنه مامتربي? 
عمار.. حقج عليه بنيتي صار عد عيناج
الاحترام على راس كل قائمه اذا انعدم الاحترام انعدم كلشي .
جان عمار بكل راتب يستلمه يجيب وياه مبلغ معين جنت ارفض ومااقبل بس جان يحلفني ويكول
عمار.. حلالج وزوجج والج حق عليه
صرت اجمع فلس ع فلس
غير عن مهري
وجهزت جهاز عرسي بس مو بتبذير واوفر اشتريت بس الي احتاجه
يوم من الايام خابرته
روز.. الو حبيبي انت وين
ـ فهد وكع واني بالمستشفى .......


للحكايه بقايه

البارت 12


من كلي هيج حسيت رجليه بادت وماعاد تحملني كوه وكفت وكلبي يرجف خفت فهد بي شي
فهد كلش عزيز وحبيته اكثر من محبة عمار اله اشوف عمار مو بس يحب فهد احسه عموده الفقري رغم مرضه يكول فهد هو سندي وعكازتي
جاوبني وصوته يرجف هذا الرجال الخشن الي كلمته تمشي ع اكبر واحد جبل ماينهز اشوفه كدامي يرجف ع صاحبه وحزام ظهره
روز..  شنو شلون شبي فهد عمار
جاوبني وكله خوف
عمار.. فهد بالانعاش كلبه كلش تعبان
روز.. شنوو ياربي يارب يكوم بالسلامه
عمار.. انكسر بدونه وحك علي حيلي مهدود
بجيت ع كلامه
سد الخط ورحت كلت الابويه واخواني وكلتلهم اريد اروح
عابد.. هسه مستشفى واكيد الدنيا مكلوبه شترحين
روز.. فدوه عابد عمار كلش تعبان محتاجني
ابوي.. روحي لبسي لعد روحي ويانه
ركض رحت لبست ودموعي تجري
انكسر كلبي
نزلت وطلعنه للمستشفى وصلنه والدنيا مكلوبه وبجي ردت اوكع من طولي
رجلي خدرت كوه وكفت
واشوف امه وزلم ونسوان يبجن
عابد.. روز حبيبتي اشش سكتي
روز.. مات
عابد.. دقيقه
راح سال وعيني تدور ع عمار كلبي ياذيني اريد احضنه واصبره
درت وجهي ع الجهه الخ واشوفه كاعد بالكاع ومخلي راسه بين رجلي ظهره منحني صدك لو كلي فهد عمودي الفقري
رحتله كبل حضنته
بدون مايباوعلي
عمار.. شجابج
خليت ايدي ع حلكه
روز.. اهده
حضني خله راسه ع جتفي وبجه .لاول مره اشوفه يبجي وبكل حركة كلب خلاهم كلهم يبجون ع بجيه
دموعي اختلطت بدموعه حسيت روحي طلعت واختنكت شكد عزيز يافهد
لان كلبه ابيض وبحياته مااذه احد وكلها اتحبه
عمار...
احلى ايام عشتها ويه حبيبة كلبي  هايم بيها لعابه وتمشي كبالي تتحرك بدلع وتحجي ب انوثه طاغيه تخلي جسمي يتكهرب
اروح يمها والوقت مااحس بي
صرت بكل فراغ اروح الها واضيع ب احضانها تدللني ب اجمل دلال الشي المايعجبها تكوله كبل بدون تردد احب صراحتها
شكد جنت حابها حبيتها اضعاف شفت بيها رزانه وعقل تخجلني حته من نفسي
مايعجبها الغلط
اتحب كلشي تمام وصح
عندها جملة انو محد كامل غير الله بس واحد ليش يصير ناقص
هههههه هي بيها حكمه
وهو فعلا واحد ليش يصير ناقص .
اتصير مشاكل بيناتنه بس احاول احلها قدر الامكان لان حساسه وعصبيه وعنوديه
اكثر صفات اكرهن لو شفتهن بغير واحد اله هي احبهن
عصبيه جدا لكن حنونه جدا
تهدا من الكلمه الحلوه وتعصب من الكلمه
خجوله ورومانسيه
وحده من اجمل الليالي  وهي ب احضاني جنت
عدهم واجت دخلت لابسه برموده
والزنود طالعه تكلي تعال عض واكرط بيدها كيك والشعر ماي واسود رافعته والركبه مصبوبه صب
احتركت وصعدت الحماوه كمت اصب عرك عيوني اكلتها
روز.. سويت كيك الاحلا كيك بس تعال وانطي رايك
عمار.. جيبي
خلتها وكعدت ميديت ايدي وهي تباوع تنتظر رايي
سحبتها وعضيتها من خدودها 
عمار.. عاشت ايدج
روز.. عماااار ههههههههه
عمار.. عيون عمار كلب عمار روح عمار
روز ..لتخبث يلا اكل
رجعت عضيتها من حنجهه
عمار.. مو كتلج طيبه
ضربتني بصدري واخذت قطعه خلتها بحلكي
عمار.. بله شو جيبي
سحبت اصبعها وعضيته
دفعتني ع التخم بقيت متفاجا بنظراتها تباوع بطريقه خلت كلبي يدك بطريقه جنونيه موتتني
روز.. مو بس انت تتوكح
خلت شفتها ع شفتي واول مره تبوسني غمضت اريد احس بشفايفها
فقدت سحبتها واخذت شفايفها 
صرنه نتصارع واحد يثبت للثاني حبه انتهيت ب احضاني ذوبتني وذوبت كلشي بجسمي
راسها ع صدري
والعب بشعرها
روز.. الحمدالله ع وجودك
عمار.. وجودج الي احمد الله واشكره الف مره
بستها براسها وايدها وعيونها
بقيت مااعرف شكد يمها
الوقت يركض ومااحس بي
مرت فتترةه الخطوبه يوم احلا من يوم وفرحان ناسي الدنيا وياها
مامكتوبلي الفرح
اجه اليوم المشؤوم الي طول عمري ماانساه
كاعد بالصيدليه وناس هواي زخم علينه
خابرلي فهد
عمار.. هلا بالفهود هلا بحزام الظهر
رد صوت غريب
ـ السلام عليكم خويه الحك هذا الولد لكيته واكع بالشارع وهسه انا ماخذه المستشفى****
بويه حسيت روحي طلعت صحت الولد صاحبي
عمار.. حسن حسن بروح ابوك ابقه مكاني
بدون مااسمعله ركضت شخطت السياره وطلعت للبصره وامشي سريع سويت الطريق خطوتين
ركضت للمستشفى وخابرتلي
بسرعه رديت وسديته
سئلت عنه ورحتله بالانعاش وحالته خطره كلبه كلش تعب
انكسرت ياخويه
بقيت اباوعله من الجامه وظهري منحني هذا اليوم الخفت منه
دموعي نزلت وبقيت بس اتوسل واندعي
التمت الناس واجو الاهل والعمام وصحبانه والكل يبجي
دخل بحالة انذار كمت كوه
الدكاتره اتصيح اني اعرف هالحاله كمت اشيل روحي واركعها بالحايط
كمت اصيح بدون وعي رجيت المستشفى رج
عمار.. فهدددددددد فهددددددددددد فهدددددددد
ماجان ع لساني غير هالكلمه
حسيت روحي طلعت
عمار.. يابو فاضل يابو فاضل دخيل اسمك
طلع الدكتور
الدكتور.. كدرنه ننظم دقات القلب لكن حالته خطره نطلب منكم الدعاء
كعدت بالكاع مكسوور متالم بويه انطيك دمي وكلبي بس كوم على حيلك
هناك واني بنص دعائي اجت ببالي ريحتها
وماحسيت غير راسي ع جتفها
وتبجي تشهك
حضنتها وابجي بحركه
هناااااك وماحسيت الهرع الدكاتره تركض
الممرضه ...د

البارت 13

روز..
من بعد وفاة فهد عمار اتغير صار منكسر وحزين عيونه ممليه الم احتاريت شلون وبيا طريقه اطلعه من حالته  رغم كلنه اتاثرنه بوفاة فهد بس عمار اكثر واحد اتاذه واتالم ع فكده
وجانت صدمه النه كلنه
صار هواي يصفن وعيونه من وحدها تدمع
ادري بي يتذكر ايامه وياه
لان هو عاش وياه اكثر ايام حياته بسبب مرضه
واني صافنه اتذكرت ان قبل لايتوفه راسلني
فهد.. هلو مرت الاخو
روز.. هلا فهودي شلونك
فهد.. الحمدالله مرت اخوي شلونج شخبارك  اخوي شلونه وياج
روز.. الحمدالله تمام وعمار يخبل ههههه
فهد.. من وراج كمنه مانشوفه بس شكد فرحان اله من حصلج جان يخبصني عليج ليل نهار يون ويغني ويجر موالات ويحفظ اشعار حته يقراهم الج
روز.. ههههههه صوته مزنجر من يغني كلما ازعل يغنيلي اكوم اضحك
فهد.. اي والله ولج معاناة ويه صوته مدمرني بس والله راح اشتاقله ماريد اموت وماحاضر عرسكم
روز.. فهد اذا تحجي هالحجي احلف ماررد عليك  انت راح تحضر زواجنه وتركص وتذب لحم وشرط اريد اتهلهل
فهد.. ياريت روز ياريت عمار اخوي وعضيدي وادري بي ينكسر وراي لان ماتعرفين شنو المر بي
روز.. كافي فهد شنو هالحجي مااقبل انت راح تجي العرسنه
هنا نزلت دمعتي من صدك انقهرت
فهد.. يوووه انتن النسوان تموتن ع البجي
روز.. شدراك بجيت
فهد.. اعرفج حنينه
روز.. هههه عمار مايسولفلي شي وع طول احسه مختنك وضايج
فهد.. عمار شاف بحياته هواي اذيه وليل نهار يشتغل علمود يسدد الديون الي تورط بيها بسبب غدر صاحبه الخسيس وعلمود اهله وعلمودج  وعلمود علاجي الي اكتشفت ان هو الي يدفع مو اخوتي
بقيت صافنه
روز.. شنو ديون
فهد.. مااريد احجي لان هو ماحجالج اني شكو بالنص
روز.. بداعتي احجي وعد مااحجي الاحد وهنا ينتهي الحجي
فهد.. تمام بس اني اريد منج من بعد هالكلام توكفين وياه وتبعدين هالاوهام عنه والتعب
روز.. تمام احجي
فهد.. عمار قدم مساعده اخويه بكل غيره الصاحبه بس صاحبه اخذ الفلوس وطفر وعمار جان متداين من اخو هالمبلغ
بوقتها اخو حسين ضل يحجي عليه و صح عصبي ومايعرف احد لو عصب بس عمار بقت كل كلمه بباله
هالحجي قبل ست سنوات قبل لا يدخل للجامعه وجان شاب مراهق
ومن هاللحظه عاهد نفسه يرجع كل المبلغ الاخوه رغم اخو ماقبل بس عمار كله مابقي شارب بوجهي لو ماسددتهن
وبقه عمار يشتغل ليل نهار النوم ماشافها انحرم من كلشي
ويسدد كل مايحصل حرم نفسه من اللبس ومن اشهه الاكل في سبيل يخلص من الدين كملهن وخلص بس شاف الظيم والقهر بسبب الحجي من الاهل والناس ويكلي شنو ارد عليهم مطلعيني حرامي ومايدرون اني الضحيه
بس جان قوي محد يكدر يحجي كباله شي واليسمعه يحجي يفصمه نصين يحجون بظهره ويطعنون بي وراس البله النسوان سون الماينحجي بس ماجان يتدخل بيهن يكول سوالفزالنسوان ماتخلص
ومجتهد وذكي الكل متوقع يطلع طب وجان حلمه  بس ماطلع
كمل سادس وطلعتله صيدله بغداد
عاف الناصريه وراح البغداد
وضل يدرس وييشتغل والحرك كلبي انه صارله سنين يدفع فلوس علاجي واني عبالي اخوتي واني مسجل بالرعايه لان مضروب شضيه من جنت صغير بزمن صدام
فمن عرفت   حجيت الامي  وكلتلي ماجان يقبل ياخذ لفلوس مني ويحلفني بحبها الي واني اكوم اضم الفلوس عند الحاجه
كامت وراحت طلعت جنطه جانترمليانهرفلوس وضامنها وره الكنتور جنها حاسه اكو ذيابه ببيتها
ف اقترحتلها
ان تجمع فلوسي يمها
واريد اشتري قطعة ارض واسجلها ب اسم عمار
بس هالحجي بيناتنه
وسنين بقت اتجمع يمها وسنين بقه عمار يتبرعلي بالدم ومتكفل بكل علاجي
عمار كضه حياته تعوب ويشتغل ماجان همه حب ولا همه يرتبط وبسبب الي يمر بيه وعاف اهله وناسه وراح يدرس الغير محافظه
صار مايهتم الاي احد وكلش كبر وشخصيته صارمه وقويه
فالي يشوفه يكول شكد قاسي وكلبه حجر ومغرور وشايف نفسه متكبر
بس هو حنين ومااكو احن منه
لحد اليوم الي شافج
طار كلبه وضل يلحكج ويدور وراج يكول بحياتي مارف كلبي الوحده
وصار كل مايجي للبصره يجي علمودج اخذتي مكاني ههههه
عمار ماجان بيتهم ملكهم جان بيتهم ايجار وراها ضل يكلي شكد خير عليه بنت كلبي هالفصمه يكول الرزي يجيني مدري منين
يوم من الايام  وصيت صاحبي يدورلي ع قطعة ارض بالناصريه وفعلا فتره ولكالي رحت اشتريتها وفد يوم مايدري  وخليته يبصم ع الورقه بحجة انو هاي اتخص التبرع بالدم وانتي كلش ساعديني لان جان يحجي وياج ههههه
كون نفسه وصارت العالم هي تحتاجه
اتعين عمار
وحياته اتحسنت من بعد ماجان من التعب مايدري وين ارضه
بس اني تدهورت حالتي وصرت اروح للدكتور بدون محد يدري
روز.. شبيك فهد! !!
فهد ..روزه ايامي معدوده الدكتور كلي زين منك اذا اتعيش اسبوعين
روز.. لعد شكد نذل وحقير هيج يحجي ويه مريض
فهد.. للاسف الطب هالايام اكثره صيت واسم
روز.. شنو عندك
فهد.. شرايين القلب جدا تعبانه والقلب مايضخ دم بصوره طبيعيه وجاي يادي لتكون خثره
روز.. فهددد
فهد.. جايج اريد عمار ب امانتج وباجر راح اجي انطيج الامانه
روز.. فهد عفيه لاتحجي هيج
اختنكت وحسيت ضاق نفسي
فهد.. عمار حزام ظ

هري وعضيدي واخوي اخوتي الماوكفو وياي هو الوكف وياي وصارلي ظهر وادري راح ينكسر ظهره
روز.. هو كلش يحبك وحب مو طبيعي
فهد.. هو متعلق بيه واني متعلق بيه ويعز عليه افاركه واخلي  احنه واحد سند الثاني اخوتي جانو ياذوني بكلامهم وعينهم ع راتب الرعايه وشلون امي هلكد متعلقه بيه
مره وكعت  كدام اخوي اخذته مرته وصعدو فوك
روز.. صدك تحجي
فهد.. مسامحهم كلهم وحق الله بس داكلج ان عمار جان يفز الي  حته لو كحيت لو غصيت
عشنه ايامنه كلها سوه
بحجيلي كلشي ومايبجي كدام احد بس يبجي يمي
يشكيلي  ويحجيلي الماينحجي ويسمع كلامي
حته الي حبيتها كلي وحك علي اخطبها الك
حلفته مايتقرب منها
وضليت بس مكتفي بالنظرات
هو يحجي واني عيوني مانشفت بجيت بجي لمن كلت بس
روز.. ليش هلكد مأيس لابد اكووحل ليش هيج تحجي وتوصي
فهد.. لان ادري شكد عزيز عمار عندج ماريد تظلمينه بشي حجيتلج كلشي لان ادري مايحجيلج ويضم بكلبه
بقينه نحجي ونشاقه بس انسدت نفسي واختنكت فهد كلش حبيته وعمار متعلقزبي وهو كذلك
الصبح اجه وانطه الامي ظرف وكاتب
انطيها العمار من اعوف هالدنيا
خليت الظرف ع كلبي وكعدت بالكاع  ابجي انهاريت من البجي
فزيت من صفنتي
وكمت غسلت عيوني ورمت من البجي اشتاقينالك فهد ابو الضحكه الحلوه
خابرت عمار
روز.. حبيبي
عمار.. عيونه
يحجي بتعب وكله ومانسه كلمة عيونه
لو هو بنص تعب ه وانشغاله وعصبيته وزعله  من اكول اسمه يكول عيونه
روز.. فدوه اروح لعيونك عادي اتمرلي باجر مشتاقتلك
عمار.. ماشي بويه مشتاااقلج
روز.. واني اكثر عمري
حجينه شوي بس يرد ع كد الكلام
يوم ثاني اجه
وكعدنه وبيدي الظرف محتاره سلون انطيه اله
روز.. حبيبي
سحبني الحضنه
ابتسمت مشتاقه العطره
عمار.. احبج
روز.. اموت عليك باوعتله فهم نظراتي
عمار.. احجي
روز.. فهد
عمار غمض وسحب تفس
عمار.. الله يرحمه شبي
روز.. قبل لايتوفه انطاني امانه
عمار.. وينها
انطيتها اله
روز.. حبي
عمار..بويه اريد اطلع اخذيلي طريق
روز.. عمار لاتسوي بروحك شي
عمار.. لو بيدي جا سويت بس انتي واكفه بعيني اخذيلي طريق
طلع عمار
صحتله
روز.. عمار
عمار.. عيونه لبيه
روز.. احبك دير بالك ع نفسك
رجع
حضني حيل وطلع
للحكايه بقايه

،

البارت 14

مرت الايام والوضع نفسه وعمار ماتغير صح يجي يمي شوي يضحك ويرفه عن نفسه بس عيونه تحجي البكلبه
حزن ع صديقه وحبيبه وذراعه اليمين بهيج مواقف مااعرف شلون اتصرف وشنو الي لازم اسويه بالاضافه انو سمعت حجي يسم البدن
ووصلت مرحله انو اصدك هالحجي
( شكد فكر من خطبها مات عدهم واحد ...شكد نحسه عليهم ....صارله سنين مامات اله من خطبها)
فعلا كمت اتحسس من هالموضوع
وبقيت كاتمه بكلبي
اسمع حجي يسم البدن اسكت واكولن شحجي? 
والمنو احجي
امي من اول يوم خطوبه وصتني
لاتحجين شي  ببيت عيالج
من تجين عندي تنسين بيت عيالج ومن تروحين بيت عيالج تنسين العند اهلج
الكلمه التطلع منا راح تسوي مشكله منا خليها بكلبج وضميها
من هيج اترددت احجي الامي الي حاسه بي ومعاناتي ويه عمار لو لا
متت من التفكير احسه ينهش بلحمي
اني بيه طبيعه اذا اضوج اكوم اكل
اكابل الثلاجه واكل بشراهه
ف سمنت بذيج الفتره
اباوع الشكلي كلش حلو صار خدودي كبرن وهنه من الاصل ورديات
بهالايام مر ع وفاة فهد 3 اشهر
واني ماحفيت من وره وفاته احتراما اله اله مافد يوم من الايام اجتني هند وحنان 
حنان.. روز ترا انتي عروس شكو لابسه اسود وهامله نفسج زين منج حافه شواربج
هند.. اي والله ليش هيج ترا انتي عروس وهسه تطلع نشعة وجهج ب ايام خطوبتج اذا هسه ماتهتمين بنفسج بعدين ماالج نفس
روز.. والله بنات ماالي خلك وفهد وعمار واكفين بعيني انوب لو شافوني عيالي شراح يكولون تحفحف وتحمر وتمكيج وواحد من عدنه ميت
حنان.. بابا شبيج انتي عروس  عود لبسي اسود من يجون ولاتخلين شي بله زوجج من يجي ويشوف حواجبج ووجهج شراح يكول مو راح يكول هاي وسخه وماتهتم بنفسها وعود هي عروس اما من ناحية اهله ف انتي غريبه مو اهل حته يحجون
هند.. حجي حنان صحيح لاتهتمين الحجي الناس ترا نايوكل خبز عليج بنفسج وزوجج وهو هسه محتاجج ولو شافج هيج راح يعضعضج
حنان.. كاتله روحج ع العض والبوس بر*****
هند.. عوفيني عوفيني اوووف
حنان...اهوو حمت هسه شيطفيها
روز.. انجبن وسمعني هسه شسوي مو خايفه
حنان.. جيبي خيط خل احفلج
كامت هند وطلعت بكره وكعدن يحفن اليه  حته جسمي رغم مابي بس كالن يصير ناعم
هند.. الاسمر شوكت راح يجي
روز.. كال بالليل عود بس مو اكيد
حنان.. حلوووو لعد فرصتج هنوده كومي جييبي الكاويه
حفن الي وكمت سبحت  وسرحن شعري حسيت وجهي طلع وصار يخبل
بقينه نسولف شوي وراحن
نزلت كعدت يم امي شافتني ضلت تصلي على محمد
امي. . اي يمه هيج شحلاتج احسن من ما خانكه روحج وهاملتها الرجال يحب المره المرتبه
روز.. هههههه عمري ماما هو اليوم حيجي
امي.. هلا بي
صعدت فوك شفته دازلي مسج
عمار.. بالطريق اني حبيبي
روز.. ديربالك ع روحك حياتي
كمت خليت مكياج خفيف وطلعتلي دشداشه قصيره سوده وردانها تول وصدرها هم
ولبست حجل وصبغت اظافري ماروني واظافر رجلي هم
لبست كلاده خنك ورفعت شعري 
شيت عطر ونزلت
ماجان احد بالبيت بس امي واختي
باوعتلي امي خزرتني
امي.. مستهترات بنات هالوكت بعد روحي طلعي صدرج عليمن هالتول
حنين.. شنو هالجمال والله طالعه كيكه
روز.. ماما بس اليوم ههههههههه
امي...روحي روحي شراح يفيد الحجي يعني قابل حتنزعين
ردت ارد واندك الباب
ضحكت
امي راحت دخلته وطلعت
امي.. كل شوي طلعي لاتبقين يمه الشيطان يدخل بنصكم
روز.. تمام ماما
طلعت امي وكعدن بالغرفه اخذت العصير والكليجه ورحتله
جان مخلي راي ع التخم ومغمض من فتحت الباب اندار بسرعه
امشي بخجل حسيت عيونه تلاحكني
روز.. سلام عليكم
مارد ولا حته رمشت عيونه
خليت الصينيه وباوعتله عينه ع صدري
روز...سلام عليكم
هم مارد  اتعمدت امشي كدامه مشيت اجيب الريمونت حته اطفي التلفزيون
روز.. مو كلنه سلام عليكم
منداره وماحسيت غير راسه بركبتي وايده تمشي ع ايدي ويسحب نفس من ركبتي
متت بدمي انداريت
عمار.. العمر
روز.. عيونها
عمار.. مابعدج عمر ابويه
بلحظه بسته بوسه خفيفه  وكلت
روز..احبك بابا
سحبني اله واتعمق نسينه نفسنه ونسينه احنه وين
صار يبوس بقوه توجعت من صدك بس اتحملت خليته براحته
اخر شي حسيت كلبي راح يوكف اختنكت
بعدته حيل
روز.. اخ عمار مو هيج
اباوعله فتح دكم القميص ويتنفس حيل كعد ع التخم وسحبني اله
عمار.. اسف حبيبي فقدت
باسني بكصتي وخليت راسي ع صدره
واسمع دكات كلبه
عمار.. تصيح ب اسمج هالدكات وحك علي ابن ابي طالب
روز.. يحفظك علي حبيبي
عمار.. شطالعه اليوم نهيتيني
روز.. هههههههه  خليت ايدي ع لحيته
واحرك اصابعي بهدوء
روز.. شطالعه
عمار.. فقدت عليج
روز.. شلون يعني
عمار.. هسه اراويج شلون
سحبني اله
ورحنا العالمنا الوردي
ماحسينا بالدنيا
حسيته ذب حمله وهمه جان فاقد ويتمعن بكل بوسه ويتفنن بيها
اشبگك شبكت النسمُـات
للنعناع
ليشٰہ الروح يامدلول
يمك تنشره وتنباع

هاك لفلفني اعله طولك
يا رزن يسمر يدافي
اتهنه بگليبي وعوافي 💚.
عشنا لحظات اتجنن واخذنه الوقت ودعته وراح البيت خالته
اوووف شكد احبك
دعيت الله يحفظنه من كل شر بدونه اذبل واضيع
بدون ضحكته ماينسمعلي ضحك احبه واح

ب كلشي بي خلاني اموت بحبه
وكل همي رضاته  مايهون عليه حزنه صرت بس اندعي يخلص من هالوضع
من يجي يمي ببوساته وحنيته يحجيلي البكلبه تعودت انو يبقه كتوم ومايحجي
صرت مااساله اصلا ومااجيب اي طاري يضوجه
بوجوده انا مرته وحبيته ومهمتي اهتم بزوجي ابتعدت عن اي زعل ممكن يوتر علاقتنه
مرات يقهرني بكلمات لا اراديه
ويجي يعتذر بس ماابينله انو ضجت
وحده من المواقف
غايتي اشاقه وياه مثل قبل ازعجه والح بالاتصال ووراها نضل نضحك
ف جان بالدوام وخابرتله مارد ضل يفصل واني اضحك اتصلت فتح الاتصال
ـ مو جاي اتشوفيني اسده شكو تتصلين
ب اسلوب موتني قهر انا لان متعوده هيج اشاقيه بس هو اتغير بسبب الي صار وعاذرته
ـ اسفه بس حبيت اشاقه مثل قبل
ـ لتشاقين هيج بعد مالي خلك هالسوالف
ـ تمام حبيبي اعتذر يلا كمل شغلك
وسديته
كعدت ابجي بحركه اسلوبه وكلامه حرك كلبي طفيت التلفون ونمت
مااريد احتك بي حته مااعصب وازعل

للحكايه بقايه

البارت 15

عمار ..
من بعد ماخليت عضيدي بنص تراب النجف طلعت الدنيا من عيني وصارت الدنيا بلا لون .اصعب فقدان هو فقدان الاخو والصديق خصوصا الي رابي وياه يعرفك كبل لاتحجي تحجيله كلشي وبير اسرارك وسندك بوكت الي ماعندك سند وظهرك بوكت الي مكسور ظهرك .
صرت فوك مااني عصبي صرت اضعاف اضعاف وادورلي حجه حته اكلب الدنيا بالصياح
شي كاعد على كلبي وناقصني وجوده
اروح الشط العرب واكعد بالساعات صافن ع المكان الي جنه نكعد بي
كل مره اكعد وهو وياي هالمره كاعد وحدي وبس ذكرياتك فهد
جا هيج اتعوفني وتنام وحدك
هلكد ماكلت راح اموت هالرحت ياخويه
فزز صفنتي وحيرتي صوت التلفون
قريته "اميرتي"
شكد هملتها وعفتها واطلع حركتي بيها مافد يوم حجت وكالت
رغم ادريها حساسه ومن الكلمه تنهضم. اتعارك ويه ذبان وجهي
واروح الها اطلع حركتي شكد اتحملتني بوكت مامتحمل نفسي
قصرت بحقها اروحلها  بس مو مثل قبل بس من اروحلها ارتاح جن حمل وينزاح من كلبي
ومن اخلي راسي على صدرها مستعد اتحمل هموم الدنيا
فتحت الخط
حجيت وياها كلتلي اريد تجي مشتاقتلك ويشهد الله ناط كلبي عليها
كمت شخطت السياره ورحتلها
اشوفها عيونها مدمعه ومورمه حمر
بستها براسها
طلعت ظرف من ايدها وانطتنياه
قريت
" انطيها العمار من اعوف هالدنيا "
اختض جسمي
روز.. حبي
عمار.. بويه اريد اطلع اخذيلي طريق
تباوعلي وعيونها امتلت بدموعها
روز.. عمار لاتسوي بروحك شي
جا ماتدري عايش لجل عيونها
عمار.. لو بيدي جا سويت بس انتي واكفه بعيني اخذيلي طريق
كمت وكامت اندارتلي وكمت اريد اطلع
اجاني صوتها الحنين
روز.. عمار ..عيونه لبيه
نزلت دمموعها عبالك شلال حركت كلبي حرك بنيتي وتبجي كدامي بويه غير مردت كلبي
روز.. احبك دير بالك ع نفسك
ااااخ شعلتني ماتحملت رحت حضنتها حيل كسرت ضلوعها وصحت
عمار...افيشششششششششش يالعافيه لبستها بشفتها بوسه خفيفه وطلعت
رحت الشط العرب
بقيت بالنص ساعه صافن ع الورقه
نزلت دمعتي فتحت الورقه واشوف  رساله بخطه ومخلي المحبس مالته محبس عقيق اسود
لبست المحبس وبسته فراكك صعب فهد ماكل حيلي وحك هو علي
فتحت الورقه
" بسم الله الرحمن الرحيم
مع اطيب التحيات الى الاخ والصديق والحبيب عمار اخي وضلعي وحزام ظهري اخوي الزود السبع ..خويه من راح تقرا هالرساله راح اكون عفت هالدنيا واهلها ورحت يم العظيم الغفور الرحيم ..ويم امير المؤمنين و الحسن علي هناك احسن الي وتحققت امنيتي .وانت اكثر واحد تعرف شكد اتحملت هنا لازم تفرحلي لان ارتاحيت
اوصيك تدير بالك على امي امانه يمك ترا اخوتي تعرفهم كلش زين مو كفو وحمل مسؤوليه اريدك تمرلها وماتنساها راح تتاذه بفراكي هواي اريدك تصبرها
واريد منك اتصير قوي واذكرني بدعائك اني مطلوب صلاة وصيام اريدن منك تصليلي وتصوملي
من جنت مريض ماكدرت اقضيهن منعني الدكتور.و
مااوصيك ع بنت كلبك تراها بنيه دره وجوهره وحنينه اتحبك ديربالك عليها وحافظ عليها ماتلكه مثلها
لاتذبل وتضعف بدوني.
خويه انا اعرف انت ماتاخذ فلوس علاجي
وماتقبل اله انت تدفع فاني جمعت فلس فلس يم امي واشتريتلك قطعة ارض بمنطقة الـ ** 
وسويت وكاله راتب الرعايه الامي لاتخلي احد ياخذ حقها
وارجع اوصيك عليها
وبنفس الظرف راح تلكه مستمسكات البيت
وخويه هذا المحبس مالتي حلالك واكو ناس فقره اسمهم بيت ام سلام بيتهم ب * شارع ال * مره فقيره وعدها ايتام
لاتعوفهم وانطيهم فلوس من راتب الرعايه حته لو 25 كل اسبوع
ولاتنسى بالشتا والصيف هم وديلهم احتياجاتهم ... وارجع اكلك دبربالك ع روحك خويه انا بهالوقت مسلم امانتي
مع خالص حبي واحترامي
اخوك ..فهد
في امان الله وحفظه

عيون ماضلت عندي وين الكه منك فهد جا تكلي دير بالك ع روحك جا بقت روح بعدك
اخذت السياره وطرت بيها للنجف
وصلت ب 3 بالليل
امشي واصيح
خووييي
ها خويه جيتك
فهيد
جيتك يبعد الروح كوم اكعد
اوحاجيني
رحتله قريت الفاتحه وغسلت كبره وكعدت اسولف وياه
ودموعي تجري
حسيت ارتاحيت بهالجيه
كملت ورحت زرت ابو الحسن وطلعت للناصريه
شغل وملتهي
كل يوم قبل لا اطلع اخلي بكلينكس عطرها واكعد اشمنه كل مااشتاقلها
شتاكيت الها والصوتها والريحتها والشعرها
كلت اخلص شغل واطلع الها
انطيتها خبر
وطلعت للبصره وصلت و
دخلتنيي عمتي
وطلعت شوي ووصلني عطرها رفعت راسي واحس كلبي راد يوكف
وصعدت الحراره بجسمي
انتهيت ذوبتني شلابسه شمخليه شطالعه
بوياي وتمشي وجسمها يتمايل سحرتني ماتحملت كمزت عليها واشم بركبتها
بويااااي العافيه واهلها
بعد روحي روحج
ماتحملت اشوف شفايفها  ومااضوك
افيشششششششش
جا ردتلي روحي
اباوعلها سمنانه  وشحلاتها صايره والخدود كبرانات تكلي بس تعال وضوك
اذيتها من كد مامشتاك الها
خليت راسها ع صدري واحس كلبي يرجف عليها
اشم بشعرها وعطرها سطرني
شلون عفت هالجمال اني
وتحجي وكعدت تسولف واني بالي مو يمها
بوكتها ارتاحيت كلش
طلعت كلاده مشتريلها من فتره وماصارت فرصه انطيها
لبستها اشوفها فرحت لان حرفي وحرفها كلاده ذهب نازكه وهي نازكه
بقيت يمها وكل شوي اتحرش بيه