#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

((الشاعر إبراهيم الدريس ))

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁


ليلة العليلة

بين العليلة ورقية

يا رقيه .. ليش عفتوني اومشيتوا يا رقيه

يا رقيه .. اوكُل شِي إنتوا تدروا بالنِّسبه إلِيَّه

الدمعه بعيوني .. من تركتوني

& & & &

يختي عفتوني اومشيتوا ليش يا أهل العطُف

ريح أهوال اومآسي بيَّه من رحتوا عِصف

اومن وكفتوا للوداع اكليبي عن نبضه وِكف

إنتوا كهفي اومن مشيتوا راح يا وسفه الكهَف


من مشيتوا .. يا رقيه كلبي يسألني عليكم

من مشيتوا .. ابروحي تاكل أصبحت صورة مشيكم

وانخطف لوني .. من تركتوني

& & & &

ابكل زوايا البيت إلكم ذكره تجرح بالكلب

اهناكَ ابويه الغالي ضمني اهنا دمع عينه انسِكب

امفاركـ الأحباب يختي تدري إنتي اشكد صعب

الهذا كلبي لا تلومينه عليكم لو عِتب


صعبه صعبه .. اتظلِّي وحدِج والتحبِّيهم بَعيدين

صعبه صعبه .. اشلون لو جان البعيد الوالد احسين

انضُربت امتوني .. من تركتوني

& & & &

من تركتوني اومشيتوا هذا دلالي انكسر

والدموع اتسيل حمره لَسه يختي امْن النَّظر

صرت من سافرتوا عني أكره الكلمةْ سَفَر

لا أبويه الحن عليَّه اولا عَلَي حنِّ الدهر


وين اروحن .. من بعد ما راح عزي وي دلالي

وين اروحن .. والمن احجيها إلي يختي تعالي

ما تسمعوني .. من تركتوني

& & & &

يختي أدري آني بيكم ما تردُّوا للوطن

وادري لحظاتي اعله شاطي اجروح يا إختي رِسن

منكسر دلالي صاير مثل ضلع امِّ الحسن

ازغيره لاجن كبُّرَتْني يختي لوعات المحن


يختي أدري .. بالسلامه الدارْكم لا ما تردُّون

يختي أدري .. النوح ما ينفع ولا دمعاتِ لِعيون

ابعلتي تدروني .. من تركتوني

& & & &

يختي ما شفتي اللي شفته اومدمعِج من دم هِمَه

آنه جابولي ابطشت راس الأبو يكطُر دِمَه

اومن شفت راسه طحت آنه عليْه يا فاطمه

اوعنه ما شالوني إلا اوروحي صعْدت للسِّمه


يالعليله .. إنتي ما شفتي ابطشت راسه أبونه

يالعليله .. الدنْيَه لتظنين وَيَّايه حنونه

يختي رِحموني .. من تركتوني

& & & &

يالعليله اوهالسه كبري مركز أصبح للألم

حاطته الماكو ابكلبها يختي لا رأفه اورَحَم

اوهذا كبر امِّ المصايب عمْتي صوَّبني ابسهم

بالإزاله امهدد اوزينب بلا راعي العلم


شالجِنينه .. خبِّريني يالعليله شالجِنينه

شالجِنينه .. حتَّه كِل هذا العذاب انصب علينه

اتجاوِب اجفوني .. من تركتوني

& & & &

خادم الإمام الحسين (ع) : إبراهيم الدريس




✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_خروج_الحسين_ع

#مـۄسسـﮫ_مــﻥــبـريۄن_الحسينية

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


في ليلة العليلة (ع)

العليلة تخاطب أباها الحسين (ع)

يالعايف ابدار الهجر عليله
اغيابك حِسَبْته ابدمعي ليله ليله

بعدك أحِس مات الضُوه
يالماخِذ اوياك الهَوَه

& & & & &

هذا كلبي ابروحتك بويه جرحته
والفرح بسيوف هجرانك ذِبَحْته
دمعي عالخدين يجري اوما مسحته
ما خَذِتني بس عليل اوياك اَخذته

ليش العليله ابمنزلك عِفِتها ؟!
اوهذا العليل اوسكنه هم خَذِتها ؟!

جَرْح الهجر ماله دُوَه
يالماخِذ اوياك الهَوَه

& & & & &

من مشيتوا اكليبي ظل ينحب وراكم
بويه والدمعات خنكتني ابجفاكم
أركض اعله الباب منَّ اَشْتَم هواكم
الدنيه ما تسوه أعيشنها بلاكم

ازغيره اوعليه هجمت المصيبه
اولنك وطن بعدك أظل غريبه

من زغري دلالي انجُوَه
يالماخِذ اوياك الهَوَه

& & & & &

دللتني اويتّمت بيدك دَلالي
بعدك اَنذَل وآنه بنت الراسه عالي
كل فرد عن عينه غايب مثلي غالي
حكه لو بس ابدمع يكضي الليالي

الـ عنِّ النظر غاب اوبِعَد حبيبه
خِلّه يصير ابكل وَكِت نحيبه

صوت الكلب بالهم دُوه
يالماخِذ اوياك الهَوَه

& & & & &

جرحي فَزْ من نومته اوفزَّز دَمِعْتي
اهوايه مشتاكه يبويه اَسمعها (بنتي)
يا بو لكبر ليش ما ترحم غُرُبْتي ؟!
فوكـ تل من حسرتي طالت وَكُفْتي

آه اشكثر شافت هظيمه روحي
من زغري أهداني الزمن جروحي

منِّ الحزن عمري ارتُوَه
يالماخِذ اوياك الهَوَه

& & & & &

كُمْت اَعاين عالنجوم اوكلبي ذايب شفْت اَنا اكبالي صوركم يالحبايب
جَنّي اَشوفك بويه طايح عالترايب اوعمْتي زينب صارت اتنام ابخرايب

منحر طفل مكطوع صرْت اَشوفه
اوعمّي على الشاطي هِوَت جُفوفه

اوفوكـ النهر طاح اللِّوَه
يالماخِذ اوياك الهَوَه

& & & & &

بويه بحساسي شفتها الغاضريه
جنها تسحكـ صدرك اخيول آل اميه
اوتنضرب بالسوط جنّ اختي رقيه والشمر كل ساعه يشتم بالزجيه

ريتك يبويه اويه الظعن خَذِتني
حتى السياط اتطيحن اعله متني

معْ زينب أتيَسّر سِوَه
يالماخِذ اوياك الهَوَه

& & & & &

خادم العليلة (ع) : إبراهيم الدريس


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)

https://tttttt.me/joinchat/Dw92Dj9pmspPx7OpNRYqtA

#قصائد_محرم_1441

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيده ليلة العليلة عليها السلام
.....

اه يكلبي كافي
الجان بروحي غافي
نساني نساني
السافر اشيجيبه
ما ذكر حبيبه
نساني نساني

اصبر اشلون.      عميه العيون
        نساني نساني

       

اصبر اشلون اواتاني  . وانه ابويه ما اجاني .  غاب عني
لا خبر منه لفاني .   ﭼـنه الغالي نساني .  يعود ظني
                                          
بروحته ظلت عليله.   بحيره والمدمع تسيله. بروحي حزني
الطير اليمرني اساله . وين ابويه الغالي اكله .  يكلي وني

راح ابوج يگلي
وني وني ظلي
عله الراح عله الراح

الغالي ما اجالج
عزج ودلالج
عله الراح  عله الراح

مايردون  عميه العيون
نساني  نساني

       

حزني يهد الرواسي . شاب كلبي وشاب راسي  . يالحبايب
المغرب اويه الفاكد اعمه . الليل احسبه نجمه نجمه. بالنوايب

فاطمه فطماني دهري . من هلي وعيوني تجري. وابقه اعاتب
لوبحر قزوين اغرگه.  من دمعتي البيها شهگه .و راسي شايب

وني عاشراني
دهري دولباني
اويلاه اويلاه

اسهر بفگدهم
واني روحي عدهم
اويلاه اويلاه
مايسئلون  . عميه العيون

       

عطشت الدنيه الهواهم . وجرحي يشرب من ضماهم.  بوادي الموت
كلشي زيدلك جروحك. وحافر يصلي اعله روحك .  خافت الصوت

عيوني تتنطر طيوفك.  شوكي من جمرة طفوفك.  وحزني منحوت
كد مسافة شوف عيني.  سهم المثلث يجيني.  بصدري يفوت

دهري من خذاكم
اعطش بظماكم
ولا ماي ولاماي

روحي بويه صحره
وكل دموعي كطره
ولاماي ولاماي

مايحنون  . عميه العيون


       

لحضنه ياخذني الحنان . العوداني اعله الامان. وطن ثاني
ارجف وحزني مباح.  ريشه وتهزهه الرياح.  من جفاني

الك مكتوبي رسلته.  من دمع عيني كتبته.  وابقه اتاني
ابقه ملهوفه اعله ردك.  موتي صاير بويه فكدك.  ومااجاني

ماكو كل علامه
ماتت الحمامه
بغيابه بغيابه

اسرح بخيالي
صورته اعله بالي
بغيابه بغيابه
المايمرون  . عميه العيون


       

روحي خلصت حسره حسره.  شجرة مامرتهه كطره.  هذا حالي
لحت بعلتي المواجع.  مانفع عض الاصابع.  ها يغالي

الابو خيمه لبناته.  والمحنه من صفاته   . جبل عالي
اه ياحسرة رقيه.  بروحي ون ثكلى وسبيه.  عالغوالي

طفله وصغيره
وعلتي جبيره
حسيناه حسيناه

القلق ذبحني
لاخبر وصلني
حسيناه حسيناه
واليفكدون  . عميه العيون


       
علي محسن الفرطوسي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)

https://tttttt.me/joinchat/Dw92Dj9pmspPx7OpNRYqtA

#قصائد_العشرة_الاولى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


قصيده ليلة العليلة عليها السلام
.....

اه يكلبي كافي
الجان بروحي غافي
نساني نساني
السافر اشيجيبه
ما ذكر حبيبه
نساني نساني

اصبر اشلون.      عميه العيون
        نساني نساني

       

اصبر اشلون اواتاني  . وانه ابويه ما اجاني .  غاب عني
لا خبر منه لفاني .   ﭼـنه الغالي نساني .  يعود ضني
                                          
بروحته ضلت عليله.   بحيره والمدمع تسيله. بروحي حزني
الطير اليمرني اساله . وين ابويه الغالي اكله .  يكلي وني

راح ابوج يگلي
وني وني ضلي
عله الراح عله الراح

الغالي ما اجالج
عزج ودلالج
عله الراح  عله الراح

مايردون  عميه لعيون
نساني  نساني

       

حزني يهد الرواسي . شاب كلبي وشاب راسي  . يالحبايب
المغرب اويه الفاكد اعمه . الليل احسبه نجمه نجمه. بالنوايب

فاطمه فطماني دهري . من هلي وعيوني تجري. وبقه اعاتب
لوبحر قزوين اغرگه.  من دمعتي البيها شهگه .و راسي شايب

وني عاشراني
دهري دولباني
اويلاه اويلاه

اسهر بفگدهم
واني روحي عدهم
اويلاه اويلاه
مايسئلون  . عميه لعيون

       

عطشت الدنيه الهواهم . وجرحي يشرب من ضماهم.  بوادي الموت
كلشي زيدلك جروحك. وحافر يصلي اعله روحك .  خافت الصوت

عيوني تتنطر طيوفك.  شوكي من جمرة طفوفك.  وحزني منحوت
كد مسافة شوف عيني.  سهم المثلث يجيني.  بصدري يفوت

دهري من خذاكم
اعطش بضماكم
ولا ماي ولاماي

روحي بويه صحره
وكل دموعي كطره
ولاماي ولاماي

مايحنون  . عميه العيون


       

لحضنه ياخذني الحنان . العوداني اعله الامان. وطن ثاني
ارجف وحزني مباح.  ريشه وتهزهه الرياح.  من جفاني

الك مكتوبي رسلته.  من دمع عيني كتبته.  وبقه اتاني
ابقه ملهوفه اعله ردك.  موتي صاير بويه فكدك.  ومااجاني

ماكو كل علامه
ماتت الحمامه
بغيابه بغيابه

اسرح بخيالي
صورته اعله بالي
بغيابه بغيابه
الُمايمرون  . عميه العيون


       

روحي خلصت حسره حسره.  شجرة مامرتهه كطره.  هذه حالي
لحت بعلتي المواجع.  مانفع عض الاصابع.  ها يغالي

الابو خيمه لبناته.  والمحنه من صفاته   . جبل عالي
اه ياحسرة رقيه.  بروحي ون ثكلى وسبيه.  عالغوالي

طفله وصغيره
وعلتي جبيره
حسيناه حسيناه

القلق ذبحني
لاخبر وصلني
حسيناه حسيناه
واليفكدون  . عميه العيون


       
علي محسن الفرطوسي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



اساس ليلة العليلة ع
كون أطير وقلبي يغفـه الليلة يمـك
كافي مليت الهجـر مشتاكـه أشمـك
يمــك عيـونــي تريد ياحلم عمري الوحيد

1
صـدري بعـدك مختنـك يابويـه وينك
خلي أشمـك وحضنك ومسـح جبينك
جنـت ما اغفــه شـرط أعلــه بيمينك
كـون هسـه تشـوفنـي وتنظـر بعينك

جنـت يمــك هســه أغفـه أعلــه الترابة
مــن أفـــز بليـــل اصيحـــن ويـــن بابه
مـن أحـن دمعـي يزيد ياحلم عمري الوحيد


2
شعنـدي غيـرك هو غيرك منهو غالي
أنــت وحـدك سـاكـن بروحـي وخيالي
كـون تتــرك سفرتــك وتشـوف حالي
يالعفتنــي آنـــه أفقـــدت عــز ودلالي

خَلّصــت ويـــاك بــويــه أحلـى عشـــرة
بعدك أسنين العمر حسرة أعله حســـرة
أرد أشمـــك بالـــوريد ياحلم عمري الوحيد

3
عيني تربـي أعلـه الـدرب دمعـي تجارة
كـــل مســافــر اســألـــه ويـــن الغيارى
بويـه تحـت الشمــس جوتنــي الحرارة
وقلبــي مــن كثـر الصبـر مـــل أنتظاره

هــــم يجــي يــــوم واقبلهـــــن جفــــوفـك
ياحبيبـــي وبالحقيقـــة بعينـــي أشــــوفـك
هل الحلم يمكن بعيد ياحلم عمري الوحيد

4
افــرش مصــلايتـــك ولــــزم سبحتك
وأذكـرك وكـت الفجر وأذكر ضحكتك
بيتـي مظلـم مـن رحت وآنــه افتقدتك
بشوفتــك لمــن تـــرد ترحمهــا بنتك

آنـــــه يــوميـــة بغــرفتــــك وبمكانــــك
أذكـر البوســه وبعـــد شبكــــت حنانـــك
شبكتك عندي آنه عيد ياحلم عمري الوحيد

5
ماخذتنـــي ويـــاك وأطّفـــــي لهيبــي
صــح عليلــة بويه بس أنـت طبيبــي
ليـش عايفنــي بمعانــاتـــي ونحيبــي
هــواي مشتاقـــة لجفـوفـك ياحبيبــي

لـــو اشوفنـــك سنـــة ماكــــول كافــــي
أنت أبوي الغالـي قلبــك مــاي صافــــي
أسمـك بثغـري نشيـد ياحلم عمري الوحيد

6
مـن نضرتـك مـن رحـت مابيـك جيـه
أنــت مــو مــن طبعــك أطــول عليـه
بشـر ابـن حذلـم أجه مـن الغاضريـة
كلي ابوج أعله الثـره وزينـب سبيـة

لابقـــه عنـــده طفـــل لا بقــت خيمـــة
وأنتـي يافاطمــة مـــن هســـه يتيمـــة
مامصدكه أنـت شهيد ياحلم عمري الوحيد


شطره
امجـد صاحـــب الشطــــري


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

اساس ليلة العليلة ع
كون أطير وقلبي يغفـه الليلة يمـك
كافي مليت الهجـر مشتاكـه أشمـك
يمــك عيـونــي تريد ياحلم عمري الوحيد

1
صـدري بعـدك مختنـك يابويـه وينك
خلي أشمـك وحضنك ومسـح جبينك
جنـت ما اغفــه شـرط أعلــه بيمينك
كـون هسـه تشـوفنـي وتنظـر بعينك

جنـت يمــك هســه أغفـه أعلــه الترابة
مــن أفـــز بليـــل اصيحـــن ويـــن بابه
مـن أحـن دمعـي يزيد ياحلم عمري الوحيد


2
شعنـدي غيـرك هو غيرك منهو غالي
أنــت وحـدك سـاكـن بروحـي وخيالي
كـون تتــرك سفرتــك وتشـوف حالي
يالعفتنــي آنـــه أفقـــدت عــز ودلالي

خَلّصــت ويـــاك بــويــه أحلـى عشـــرة
بعدك أسنين العمر حسرة أعله حســـرة
أرد أشمـــك بالـــوريد ياحلم عمري الوحيد

3
عيني تربـي أعلـه الـدرب دمعـي تجارة
كـــل مســافــر اســألـــه ويـــن الغيارى
بويـه تحـت الشمــس جوتنــي الحرارة
وقلبــي مــن كثـر الصبـر مـــل أنتظاره

هــــم يجــي يــــوم واقبلهـــــن جفــــوفـك
ياحبيبـــي وبالحقيقـــة بعينـــي أشــــوفـك
هل الحلم يمكن بعيد ياحلم عمري الوحيد

4
افــرش مصــلايتـــك ولــــزم سبحتك
وأذكـرك وكـت الفجر وأذكر ضحكتك
بيتـي مظلـم مـن رحت وآنــه افتقدتك
بشوفتــك لمــن تـــرد ترحمهــا بنتك

آنـــــه يــوميـــة بغــرفتــــك وبمكانــــك
أذكـر البوســه وبعـــد شبكــــت حنانـــك
شبكتك عندي آنه عيد ياحلم عمري الوحيد

5
ماخذتنـــي ويـــاك وأطّفـــــي لهيبــي
صــح عليلــة بويه بس أنـت طبيبــي
ليـش عايفنــي بمعانــاتـــي ونحيبــي
هــواي مشتاقـــة لجفـوفـك ياحبيبــي

لـــو اشوفنـــك سنـــة ماكــــول كافــــي
أنت أبوي الغالـي قلبــك مــاي صافــــي
أسمـك بثغـري نشيـد ياحلم عمري الوحيد

6
مـن نضرتـك مـن رحـت مابيـك جيـه
أنــت مــو مــن طبعــك أطــول عليـه
بشـر ابـن حذلـم أجه مـن الغاضريـة
كلي ابوج أعله الثـره وزينـب سبيـة

لابقـــه عنـــده طفـــل لا بقــت خيمـــة
وأنتـي يافاطمــة مـــن هســـه يتيمـــة
مامصدكه أنـت شهيد ياحلم عمري الوحيد


شطره
امجـد صاحـــب الشطــــري



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ

ليلة العليلة عليها السلام

هجرك يبويه عذبلـي حالي
ما أدري يمته ترجـع يغالي
ليــش ليــش ليــش عايفنــي يابويــه

1
هجر الابو مو شي سهل ياقلب راح يحملـه
والفاقــد بعمــره أبـــو بيمـــن بعـــد يتسلـه
آنـه حميـدة الحايـرة الغيبة عَلَّي مو سهلـة
ما أدري قلبــك ياوكـت يرحـم بحال الطفلـة

أمنيتي اشبكك وبعيني أشوفك
وبكــل حنانـــي الثــــم جفوفك
ليــش ليــش ليــش عايفنــي يابويــه


2
جنـت بـدلالك عايشـه وفجأة رحت من عنـدي
شلون أصبرت لمن رحت تترك دمعتي بخـدي
مـو مثـل الأطفال أصبحت والدي ينام بسـدي
لمن يجي الليل أنتحب بفراشي انامن وحـدي

مـن أهجـرتنـي نمـت بمكانك
حتى من أضمك أشعر حنانك
ليــش ليــش ليــش عايفنــي يابويــه


3
مـاأدري تمشـي بـلا خبـر وبغربتـي تخليني
مو آنـه جنـت أتنفسك هسـه الهوى مآذيني
أذكـر حنـانـك وانهظــم وذاكــه دلال سنيني
مــن اغفـه آنـه بـلا غطـه بجفوفـك تغطيني

هواي أنـت بويه تتعب عليه
لـكــن دلالك ضاع مــن أديه
ليــش ليــش ليــش عايفنــي يابويــه


4
تــدري الابـو مـن يرتحـل ماكـو بديـل يعوضه
قلـــب اليفــارك والــده مثــل الجمـــر يتشضه
تحرمني منـك ما أظـن عـن هالوضع ماأرضه
مو كل وكت بسمك صحت يامسلم بكل الحضة

كل ساعة واحد عنك سألني
كتلــه حبيبـي راح وتــركني
ليــش ليــش ليــش عايفنــي يابويــه


5
كالولــي مسلــم مايــرد التمـت عليـه الكوفـة
للقصـر جــابـو والـدج وأيــده بحبــل مجتوفه
كالولـي والكوفـة تره بغـدر وحقـد موصوفة
ناديــت يعنــي والــدي بعينــي بعــد ماشوفه

خلونــي أموتــن آنـه أبداله
مااريد أشوفه متـرب جماله
ليــش ليــش ليــش عايفنــي يابويــه


6
صـارت حياتـي مظلمـة لمـن رحـت مـن يمي
لا مـو حميـدة أسمي أنه صار اليتيمـة أسمي
عمي الحسيـن بكربلـه باجـر صريـع ومرمي
بـس تبقـى زينـب عمتـي هــي التحيـر بهمي

بعدك يبويـه ضاعت حميدة
لجانت أميرة وهسه وحيدة
ليــش ليــش ليــش عايفنــي يابويــه


بغداد
امجـــد صاحـــب الشطـــري




▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


محرررم 1443 هـ قصيدة تهيئة المجلس (ليلة العليلة )

السلامُ عالتون دوم
عالعليلة التبچي كل يوم

السلامُ عالذي خلاها ابوها
عالعليلة الكل اهلها فارگوها
عاللي ما غمضت جفنها وسهروها
اوحيدة ظلت بالغرب كلهم جفوها

عاللي شبعت دمعة واهموم
عالعليلة التبچي كل يوم
___________________
السلامُ اعله البچت ذيچ الليالي
لا أخو صاحت ولا والد بقالي
بعد ابو اليمة صفه كل بيتي خالي
اتيتمت من زغري ماظل عندي غالي

اتنادي ليش الغالي ميدوم
عالعليلة التبچي كل يوم
____________________
السلامُ عاللي فارگها دواها
إحسين ابوها اتوقعت يمكن نساها
ظلمة دار العز بقت مارد ضواها
لا أبو ولا أخ ولا عمها الإجاها

ياگلبها الباقي مهضوم
عالعليلة التبچي كل يوم
____________________
ميتة صارت روحها وعيشتها صعبة
تذكر الوالد مع الماي التشربة
كل صباح وكل مسه تگعد تندبة
بويه وينك غربة بعدك عمري غربة

اتشم عطرهم بس بالهدوم
عالعليلة التبچي كل يوم

حيدر الحلفي

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_محرم _ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


💔
لاكيها ابـو فاظل خـويـه لاكيها🏴
ــــــــــــــــــــــــــــــــــــــــــــــــــــــــ

خوله بنت الحسين.. ليش ناسينها..

تقرأ هذه القصيدة في ليلة العليلة لان خوله ماتت عليله من اثر السبي في بلاد الشام.
.
.ـــــــــــــــ ❁ ❁ ❁ ـــــــــــــــــ

هذا الاعتاب ... للي نسوني
عندي أحباب ... شو ضيعوني
.
.
آنه وردة فاطمه
    خوله آنه وچبدي من اللوعه مصدوع

آنه گلبي يألمه
    أسمي لمّن  ما يذكره  ناعي  الدموع

آنه  هم  اميتمه
    خدي بي چف الشمر  لساته مطبوع

جرحي ضايع بلسمه
   مثل ضيعة دم أبوي بسحگ الضّلوع
.
.
شنهي الاسباب .. ما يذكروني
عندي أحباب ... شو ضيعوني
.
ـــــــــــــــ ❁ ❁ ❁ ـــــــــــــــــ
.
مختصر كل قصتي
       من البدايه للي عن حالي ينشدون

آنه بالطف علتي
   بعيني اشوفن والدي ابثوبه يسلبون

الهظيمه عمتي
     چفها بعمامة أخوها انظر يشدون

وآنه حانت غربتي
   انرفس هم وانسبي وبهلي يسبون
.
.
ذوله اغراب ... ما يرحموني
عندي أحباب... شو ضيعوني
.
ـــــــــــــــ ❁ ❁ ❁ ـــــــــــــــــ
.
عن عليلة كربله
    هم سمعتوا هم عرفتوا عنها اخبار

عن عليله امسنسله
  تسحگ الشوك وجدمها امچوه بالنار

راح احل المسأله
      فاطمه أختي العليله العدنه بالدار

آنه جيت الهالفله
        سالمه لكن هدمني ذبح الابرار
.
گلبي ما طاب.... من ودعوني
عندي أحباب ... شو ضيعوني


ـــــــــــــــ ❁ ❁ ❁ ـــــــــــــــــ
.
الهظم ما ينشرح
     شرد اگولن وانه اعرف صلفه دنياي

كل يتيمه التنطرح
       ابمتنها  تنظرب من تطلب الماي

ساعه بالسوط انجرح
    سكنه انظر لو رقيه التمسح ادماي

ساعه دفعه بالرمح
من اطيحن كل خواتي ايطيحن وياي
.
.
أول امصاب ... لمّن ولوني
عندي أحباب .. شو ضيعوني

ـــــــــــــــ ❁ ❁ ❁ ـــــــــــــــــ
.
بذيچه شمس اللاهبه
    نمشي نسحگ عالحجر والشوك والطين

بينه عمّتي امعذبه
     تشگف بچفها غدت سوط الملاعين

والدي من نندبه
     ياحبيب الزهره عنه چارحت وين

من نشوفك يا أبه
     نشتكيلك بالجره من زمرة البين
.
.
الأمل خاب ... من سلبوني
عندي أحباب .. شو ضيعوني

.ـــــــــــــــ ❁ ❁ ❁ ـــــــــــــــــ

أمنية كل العمر
    ينذكر أسمي بمجالسكم يالاحباب

حتلو كلمه بسطر
  حتى تسمع قصتي دمعات المصاب  

صابره وابقى انتظر
  شمسي تطلع من بعد كل ذاك الغياب

ارد اشوف الينقهر
   هم تسيل ادموعه لمن ذكري ينجاب
.
.
خله الغياب ... جمره ابعيوني
عندي أحباب ... شو ضيعوني
.
.
انتهت نسألكم الدعاء
.
حسن الموالي الفاطمي
.


الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


نزلة ليلة العليلة عليها السلام
محرم 1446

واويلاه  على العليله     واويلاه على العليله

ـــــــــــــــــ❀•▣•▣•❀ـــــــــــــــــــ

طفله ما تحمل مصاب ولا حزن
عاشرت عگب الاهل دمع الجفن
اتموت كل ما ليل فرگاهم يجن
اتموت حسره الفارگوها احبابها

ـــــــــــــــــ❀•▣•▣•❀ـــــــــــــــــــ

ضلت ابحيرتها ورده وذابله
وحشه صار البيت عگب العايله
تنشد اتدور خبر عن كربله
والسكوت ايكبّر من امصابها

ـــــــــــــــــ❀•▣•▣•❀ـــــــــــــــــــ

ابغربه عاشت من عگب عين الحبيب
تنشد الراح واجى ولا من مجيب
بلكي يلفيها خبر عن الغريب
من عمرها ايشيل كل اتعابها

ـــــــــــــــــ❀•▣•▣•❀ـــــــــــــــــــ

ياهو اليوصّل خبرها الكربلاء
ايگلهم ابنيتكم اتريد اللقاء
تدعي ليل انهار يا رب السماء
فرگة الوالي عظيم اصوابها

ـــــــــــــــــ❀•▣•▣•❀ـــــــــــــــــــ

عمي يالعباس احلفك بالحسين
وآنا ادري بگلبك اهوايه حنين
يابو فاضل يمته الك تنظرلي عين
روحي محترگه وتريد اجوابها

ـــــــــــــــــ❀•▣•▣•❀ـــــــــــــــــــ

بويه ميحس بالغياب اشگد اليم
اله المفارگ ابو وعايش يتيم
گوه اصبّر روحي اگول الله كريم
بلگي باچر روحي تلگى اصحابها

ـــــــــــــــــ❀•▣•▣•❀ـــــــــــــــــــ

أئيست اهلي بعد ماضن يجون
وما اضن ليهم بعد تنظر عيون
ادعي ربي كون وي سد الجفون
حفرتي ايرد بيد ابوي اترابها

ـــــــــــــــــ❀•▣•▣•❀ـــــــــــــــــــ

✍️ الخادم فراس موحان الساعدي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


#_ليلة_العليلة
#_أعظم_الله_لنا_ولكم_الأجر
:::::::::::::::::::::::::::::::::::::::::::::::::::::::::::::::

السلام على فاطمه العليله
السلام على فاطمه العليله
:::::::::::::::::::::::::::::::::::::::::::::::::::::::::::::::

يا سـلام الله عـلى الـكتلـتهـا نـظـرات
وخلن ابدرب العشك مـو لچمه لچمات
ماتـت الروح ابسفرهـم والـكـلـب مات
ابجـاهچ الليله ومقامچ عـدنـه حاجات ...
:::::::::::::::::::::::::::::::::::::::::::::::::::::::::::::::::::

عدنه وهوايه حوائج وانـتِ تـقـظين
حـتـمـاً وأبـداً عـليـنـه مـا تـبـخـلـيـن
والله لـو مـا حبكم احنه ابحسره ميتين
نموت بس يرجع يردنه مجلس حسين ..
::::::::::::::::::::::::::::::::::::::::::::::::::::::::::::::::::

يا كريمه بت كريم امن اهل الاكرام
أول الحـاجـات عـدنـه نبقـه خـدام
كون هالخدمه تدوم ابكل سنه وعام
رافعين الراس عالي ومـا نطـخ هـام ..
::::::::::::::::::::::::::::::::::::::::::::::::::::::::::::::::::::

ابجاهچ العند الله ندعي ثاني الاشياء
كـون عالفطره انـتوفـق مـو عالاهواء
ولا نكول افلان صاعد خاطف اضواء
من سلفنه الماضي ناخذ منهم انباء ..
::::::::::::::::::::::::::::::::::::::::::::::::::::::::::::::::::::

هوايه حاجات اللي منها هالكلب ذاب
مـا نـعـدد بـالـحـوائـج انـتـم ابـواب
كـلـمـن ابهـمّـه يجيكـم أبـد مـا خـاب
سـر إلـهـي ويّـه ربـنه صـرتو احـبـاب ..
:::::::::::::::::::::::::::::::::::::::::::::::::::::::::::::::::
لخادم اهل البيت(ع) علي فائز الخفاجي
#_محرم_الحرام
#_16


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA