يا عباس . يا عباس
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يا وفاي للحرم جيتك آنه زاير
جبت الماي للصحن يتعلم شعاير

من جيتك . روضت أنفاسي . كل نفس عباسي . نعم سويته
من جيتك .ما تركت الرايه . ثابته إبيمنايه . و الصحن طبيته
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
بالچفين عالصدر ألطم و أعتنليك
لو هالعين ما بچت يا كافل دخيلك

يا كافل . إختك المحرومة . زينب المظلومة . چنت تحميها

يا كافل . هالضعن و العيله . دمعنه نسيله . على المر بيها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
من جيتك ما خفت من الحاربوني
أهتف هااا يا نفس بعد چفوفه هوني

يالروحي . ما تساوي چفوفك . إشلون عيني تشوفك .
ليش ما صابوها
يالروحي . إلهسه ما عرفوها . مني لو طلعوها .
بحضرتك يلگوها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يا ريتك يا شهم تتقبل سلامي
من جودك يرتوي كل من قلبه ضامي

يالجودك . ما يخلص مايه . يروي بالمشايه . إذا يلفونك
يالجودك. فايض إبإيثارك. من بحر أسرارك. ينكتب مضمونك
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
من داخل هالقبر نسمع هالتحية
يا أهلا بالإجه إلأرض الغاضرية

يالتهتف . يا هلا بزواري . هلا بخطاري . هلا وحياهم
يالتهتف . و إرفعت إيدينك . ما شفت چفينك .جيت تتلگاهم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
زوارك وصلتك و المدمع تسيله
كل خطوة تندبك و تواسي العقيلة

يا زينب . هذا گبر الوالي . أخوچ الغالي . كفيل العيله
يا زينب . ينتظر إلهامچ . عن جرح أيامچ . تعالي إحچيله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
لو رجعت زينبك ترويلك رزية
ما ضلت عالخدر من راحت سبية

تشكيلك . من مرار غيابك . تدوس أعتابك . حزنها بعينك
تشكيلك . و الضريح تطوفه . ترد ملهوفه . تگلك وينك
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يا كافل أسمعك من تحچي بحمية
من تسأل شالسبب ما ردت رقية

خبروني . شنهو صار إعليها . منو مأذيها . صدگ ضربوها
خبروني . و غضبتي شوفوها . على العادوها . حمم تلگوها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
#يا_عباس
#علي_حسن_الكناني

#قصائد_مواليد_شعبان

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🌼شعبان.... هلت انواره🌼
ــــــــــــــــــــــــــــــــــــــــــــــــــــــــ

#يا_عباس

.
.

عباس عباس  ..  يا فارس احلام النهر
عباس عباس  ..  حتى الگمر گلك گمر

ذاك انته    الهاشمي
اليشهدله   العلگمي

عباس

*


يا نور كل ايامنه
بجودك تروّه اسلامنه
ظهر الحسين ايمامنه  ..  بحيلك انشد يالغالي

من الولاده لموتنه
بحبك يردد صوتنه  
رايه اعله سطح ابيوتنه   .. اسم يرف بالعالي


عباس  عباس  .. كلمة علي البلحگ عِلَـت
عباس  عباس  .. والصعبه بيك اتسهلت

يهوى اسمك   هالگلب
ويرسمك        اغله حُب


عباس

*


بسمك نِرد عُذّالنه
وخدمتك كل آمالنه
يابالفضل هنيالنه     ..  لو بسمك اتسمينه

نقره اسمك اعله اجروحنه
ونتشافه واترد روحنه
چف الافراح ايلوحنه  .. من ذكرك يمر بينه


عبااس  عباس  ..  يالتهوى اسمك كربله
عبااس  عباس  .. لبست اجروحك سلسله

يا جرح الـ ما شفه
يا غيره ويا وفه

عباس

*

ما تطفه بالحب نارنه
يا خبر دومك سارنه
لحد يلوم انظارنه   ..  منشوف غيرك بيهه

نسمة عشگ بانفاسنه
مشغول بيك احساسنه
يا كرم يا  عبّاسنه   .. و من تنّخي تگظيهه


عبااس  عبااس  .. من الله اسمك ينعشگ
عبااس  عبااس  .. والگلب بس لاجلك يدگ

ولدينك مفخره
يا سبع الگنطره

عباس


*

شايل وفه البدويه
بانفاسك الثوريه
يا كافل العلويه   ..  زينب تظل موضوعك

غيرتك من شفناهه
كلمة عهد گلناهه
بمحبتك نتباهه..  وبالحب نضوي اشموعك


عبااس  عبااس  ..  نهواك بالسر والعلن
عبااس  عبااس  ..  للگلب بس حبك وطن

يا تقوى   ويا عِلِم
حبينه      هالإسم

عبااس

 
*


من ينذكر معروفك
لازم نگول اچفوفك
عالنهر لسه انشوفك   ..  يعكس ضواك بمايه

افحول العرب اجدادك
و والدك للطف رادك
صار الوعد ميلادك  ..  يا سيد الوفايه


عبااس عبااس  ..  يا دمعة اعيون السمه
عبااس عبااس  ..  شالت اچفوفك فاطمه

ما يحله أي ذكر
الا اسمك ينذكر

عباااااس

*

✍️سعد هادي الشمري✍️


🌸 قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

🌸قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

🌸كروب الالحان رقم 1
https://tttttt.me/joinchat/Dw92Dj9pmspR5uHfACGjlA

🌸كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg