#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

الشاعر ((ناجي الصالحي))

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁


#الهلال
____________••__________________
جايني وما مستحي شيبت مو حاجبي
يا محــــرم يا عذر تنطيني
دوم اشوفنك جرح ياذيني
~~~~~~~~~~~~~~~~~~~~~~~~~~~~~
دوم اشوفنك جرح يا محرم
هدمت بيه صــــرح يا محرم
منذبح وجه الصبح يا محرم
ضيعت مني الفرح يا محرم
صوبتني بيا رمــح يا محرم
دوم كدامي شــبح يا محرم
جايني اشعندك بعد تـــــــمرد بكلبي مــرد
ضيعت كولشي وفكدت اسنيني
دوم اشــــوفنك جــــرح ياذيني
_______________________________
جايني ابلايه خجل يا محرم
ضــيعت بيك الامل يا محرم
بيك مجتوفه بحبل يا محرم
ركبوني اعله الهزل يا محرم
دمعة عيــوني تهل يا محرم
ضيعت خيي الكفل يا محرم
ليش؟ هجي ياشــهر حافيه واسحك جمر
ما اعذرك يالخذيت ابنيني
دوم اشوفنك جرح ياذيني
_______________________________
شيبت حتــــى الكلب يا محرم
زيدتي ناري حطــــــب يا محرم
عيوني ما كفت تصــب يا محرم
اكل وجــــــداني اللهب يا محرم
امشي وحدي وي الغرب يا محرم
ليش هجي ابلا سبــــب يا محرم
يا شهر شنهو العذر حاربــــت ام الخدر
من تجي الدمعه تلالي بعيني
دوم اشوفنك جــــرح ياذيني
_______________________________
انته شهرك من يــــمر يا محرم
ناري تبدي تســتعــــر يا محرم
تنذبح اهل الفخــــــر يا محرم
كسري لٱ ما ينجــــبر يا محرم
تعمي من عندي النظر يا محرم
روحي ضلت بالصــبر يا محرم
جايني وما بطلــــت لٱ هله بونه صــــحت
بيك ابن جوشن سبي يسبيني
دوم اشوفنك جرح ياذيــــــني
_______________________________
روحي متــــروسه الم يا محرم
تحترك كل الخيــــــم يا محرم
ما كمل بيك الحــــلم يا محرم
اسمع انواع الشتــــــم يا محرم
عالجــــــمر طر الجدم يا محرم
تنسبي بيك الحــــــرم يا محرم
كل خيمنه تحــترك جفني ما نام وطبك
وحدي ابقه واصفك بجفيني
دوم اشوفنك جــــرح ياذيني
~~~~~~~~~~~~~~~~~~~~~~~~~~~~~
#بقلم الملا ناجي الصالحــــــي ✍•
#ونسألكم الدعاء لي #ولوالدي
#محرم ١٤٣٩هــ
#ويبقى الحسين




✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

#اكبر_قناة_لنشر_القصائد_مع_الالحان🔸🔸
https://telegram.me/joinchat/AAAAAD2cKU7dhy13L1EGYQ