#قصائد_محرم_1441

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#قصيده_الى_سيدتي_فاطمه_العليله_عليها السلام

#وزن_الجلمه_ونص

ـــــــــــــــــــــــ••❃••ـــــــــــــــــــــــ

مثل الـمطر عالارض .دمعي يصب عالجفن
حيلي انهدم بالمرض .ما لحگت سارالظعن
بعيوني شوف الحزن .شوفني ضيم الزمن
مالحگت سار الظعن

ـــــــــــــــــــــــ••❃••ـــــــــــــــــــــــ

ياعـمه من مشيتـو .. اني صــرت وحيده
طفله وبقيت اتاني .. ودار الغــرب بعيده
مـاظل طفل تنيني .. لا سكنه لا حميده
وياهم رقيه راحت .. تالي صفـت شهيده

ارد اگصد الخرابــه .. بلكن اشوف اخيتي
يصعب علي عذابه .. مــن فارگت رقيتي
انحب بقيــت واون .. شوفني ضيم الزمن
مالحگت سار الظعن

ـــــــــــــــــــــــ••❃••ـــــــــــــــــــــــ

يـاعمه اجيت انشدج .. وين الگمر كفيلچ
شــو مـا اشوفه يمچ ..بفگده انكسردليلج
انه المرض هد حيلي..وبطيحته نهدحيلچ
عينه انطفت كالولي..عمه وصعب يجيلچ

عـالنـهـر عـمي نايم .. طاحن غـدر چفوفه
عـذري الگـمـر يعمه .. وقدريله كل ضروفه
الگلب بفراگه انسحن..شوفني ضيم الزمن

مالحگت سار الظعن

ـــــــــــــــــــــــ••❃••ـــــــــــــــــــــــ

عبدالله اخويه وينه.. بسهم الغــدر ذبحته
مفرفح مثل حمامه .. مغمض عيونه شفته
ياسهم جيت انشدك ..نحــر الطفل كطعته
حاش الورد منجلك .. بعمر الورد واخذته

ست اشهر وتدمه . . بيده الطفل اشوفه
شاله وتعنه لأمه .. جرحك اريــد اروفه
عيوني دمع وشلن .. شوفني ضيم الزمـن

مالحگت سار الظعن

ـــــــــــــــــــــــ••❃••ـــــــــــــــــــــــ

ياعلي الاكبر وينك .. انتـه شبــه نـبينــه
للمعركه لمن رحت .. امـك دعـت تـجينه
بره الخـيم سمعنه .. كالــو رجـع علــينـه
والنظره بيها معنه .. تبــاوع الـك حزينه

كالت اشــوف ردلي .. مرفوع يبقـه راسه
طاح وجفوفه مدلي .. جـدك سگاك بكاسه
طاح الورد والغصن .. شوفني ضيم الزمن

مالحگت سار الظعن

ـــــــــــــــــــــــ••❃••ـــــــــــــــــــــــ

ياعمه جاسم صعبه .. طفو شموعه بعرسه
وسكنه ابدال الحنه ..بالدمه تحنت وسفه
رمله الـتناطر زفـته .. تـالي المـنيته اتزفه
ويلي على المصيبه..صعبه وطويله القصه

ظـلمـه تـمر ايـامي .. طفله وبقت وحيده
احجي ودمع كلامي.. وين اليمسحه بيده
كلبــي عليكم يحـن .. شوفني ظيم الزمن

مالحگت سار الظعن

ـــــــــــــــــــــــ••❃••ـــــــــــــــــــــــ

كلـــــــمـــــــات
عبـــاس فـــاضــل الشمـــري




▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)

https://tttttt.me/joinchat/Dw92Dj9pmspPx7OpNRYqtA