#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

الشاعر ((علي حسن المنصوري))

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁

#الهلال

#هلال_النوايب

ياهلال النوايب ---- آنه دلالي ذايب
ومن تهل بمحرم ---- تحمل شگد مصايب
_---________---_______
لمّن تهل علينه ،،، يعتلي صوت بچينه
من تجي تجيب جراحات ،، للزچيه الحزينه
****
من تهل بالظليمه ،،، تلچم جروح قديمه
لا تجيب إلنه دمعه ،،، جيب للحره خيمه
_---________---_______
الحزن بيك يتجدد ،،، وتنفجع بت محمد
السنه كلها تبچي ،،، لاچن بعاشورك أزيد
****
آيعاشور الرزيه ،،، ينفطر گلب الزچيه
بالدمع تگضي الليالي ،،، من عزيه لعد عزيه
_---________---_______
من تهل بمحرم ،،، كون لونك يشبه الدم
وفقط للعاشر وجودك ،،، ومن بعدها تصير أظلم
****
لا تمام ولاكو گمره ،،، بالضوه تبين الحره
وره العاشر غيب أحسن ،،، عِينها إعله الخدر ستره
_---________---_______
الألم إنته تجيبه ،،، كربله ترد والمصيبه
ترجع تنوح اليتامه ،،، وهم ترد زينب غريبه
****
هم ترد الخيمه تسعر ،،، وركضت النسوان بالبر
صعبه كلش مره تركض ،،، وينشتم والدها حيدر
_---________---_______
النار من بالخيمه شبّت ،،، چم جدم بيها تچوّت
وآه يا لوعتها زينب ،،، شلون من الخيمه طلعت
****
الخدر طايح كفيله ،،، وإنسمع صوت العقيله
لكثر ما رجليها ركضت ،،، المشي مابيها حيله
_---________---_______
من تهل بسمانه ،،، أسود يصير لوانه
وگمر زينب لمن يغيب ،،، محد يلوگ بمچانه
****
ننتظر كل سنه تهل ،،، حته دمع العين ينزل
وآه يحسين ومصابه ،،، للقيامه منهج يظل
_---________---_______
# #علي_حسن_المنصوري





✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

#اكبر_قناة_لنشر_القصائد_مع_الالحان🔸🔸
https://telegram.me/joinchat/AAAAAD2cKU7dhy13L1EGYQ