#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#هلال_المصيبة

هِل ياهلال الهم
وإلچملي جرحي الأعظم
وإحرگني عالمخيم ... آيعاشوراء

يا أيها العُشاق حانت كربلاءْ
قد كُتِبَ عَليْكُمُ فرضَ البُكاءْ
قد حانَ وقتُ النوح من أجلِ الحسينْ
في كلِ قلبٍ إنصُبوا مأتم عزاءْ

نوحوا عله اللي فرهدوا خيمهن
نوحوا عله الضاعن عگب زلمهن
اْلتحيّرن لمّن وگع علمهن
الركضن وزينب بقت تلمهن
..........∞.............∞............
هل ياهلال النوح
وإلچم گلب مجروح
لأرض الطفوف انروح ... نبچي للعطشان

ولِمِثْلِ جرحِ السبطِ فلتبكِ العيونْ
قد صابَ سهمٌ ذلكَ القلبَ الحنونْ
لطمُ الصدورِ لا يُقارنُ بالخيولْ
ولِرَضِ حافِرْ لا يوافي اللاطِمونْ

كل البواچي لدمعته قليله
شما نلطم الرضّه تظل ثگيله
بنزف الدمه خلصت بقايه حيله
وسهم المثلث يمرد بدليله
..........∞.............∞............
المنها أبوفاضل راح
يخلص عمرها نياح
إويه الرايه كلشي طاح ... طاحت الخيمه

أصحيحُ هذي زينبٌ هذا مُحالْ
تمشي على استحياءِ مابين الرجالْ
أصحيحُ نادتْ كافلَ الخدرِ تعالْ
وهُوَ على الشاطئ طريحاً لا يزالْ

صاحت يبو الغيره إلحگ إنولينه
بين الأجانب يالولي مشينه
من الزلم محد يسدها عينه
ومن النظر يابو الوفه إنخزينه
..........∞.............∞............
هوه الجرح ماطاب
دوم الدمع سچاب
بس بالهلال أسباب ... انجدد النيّه

أنويْ بِأَنْ أقضي حياتي بالدموعْ
وأظلُ عبداً للحسينِ في خُضوعْ
لِتَذُوبَ أيامي بهِ مِثْلَ الشموعْ
فالحبُّ ديني بالأُصولِ والفروعْ

بلايه عشگ ماتنفع العقيده
ديني الحسين وكلشي ما أريده
جروحي بمحرم هم ترد جديده
وأرجع أون وَن الفگد عضيده
..........∞.............∞............
اللهْ قِسَمْ والفجرْ
وگال وليالٍ عشرْ
ولون السمه أحمرْ ... بعشرة الأحزان

حتى ملائكُ عَرْشِ ربِّكَ في أنينْ
هذي ليالي الحُزنِ للسبطِ الحسينْ
سَيَظَلُ جرحك سيّدي جَرحُ السنينْ
فلتَبْكِ للمذبوحِ دمَّاً كُلُّ عينْ

وبكل سنه ننصب عزه ومصيبه
ونبچي عله حال المشت غريبه
راح الگمر من عدها وشيجيبه
ومدللتهم عالهزل عجيبه
..........∞.............∞............
*علي حسن المنصوري*


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA