#قصائد_اولاد_مسلم_بن_عقيل

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤هاليتامة شلون ذبحوهم عجيب ذولة مثل حسين واحدهم غريب 🖤
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁

 
#نصاري

يادمعة حميده === من ظلـّت وحيده
ــــــــــــــــــــــــــــــــــــــــــــــــــ ــــــــ
يادمعة حميده الزرعت الآه == يــوم الفارﮔت والدها ويلاه
تدري ما نساها إتعيش ويّاه == ﮔلبهــــــا إﻳﮔول لازم يوم ﺗﻠﮔاه
أبد ما مَر عليها === يفارﮔـها وليهــا
ﺣﮔـها من تريده === من ظلـّت وحيده
ـــــ
يادمعة حميده الآذت إحسيـــن == من لحظة سمع والدها بالبين
يحبس دمعته عن النساوين == ﻳﮔلهـــا ياحميده إنتِ بالعين
أبوﭺ آنـــي يعمّـــي === مسلــم زاد هَمّي
ﺷﺑﮔـها إحسين بيده === من ظلـّت وحيده
ـــــ
يادمعة حميده اﻠﺳﮔمت الـــروح == روح العالمه إو عافتها بالنوح
ضـَمْتها الصدرها المنملي إجروح == ﺗﮔلهــــا والدﭺ ياعمّه مذبوح
صبري يايتيمه === ﻓﮔد مسلم هضيمه
حسرتها شديده === من ظلـّت وحيــده
ـــــ
يادمعة حميده الصَوّبتهـــــا == أبد أم المـُصايب ما نستها
زينب بت سفير إﻠﺣﮓ رعتها == مصيبتهـــــــــا إبأبوها آلمتها
ﻓﮔدت مسلم العود === بعد ما يرجع إردود
والسفره بعيــــده === من ظلـّت وحيــــده
ـــــ
يادمعة حميده المنها نـاري == ظلـّت ساجره ليلي إو نهاري
للدمعات أحبسهــــا وأداري == آني أم الحزن للهم أباري
حميده ما عفتها === دمعتها عمتهـــا
جبل همّي تزيده === من ظلـّت وحيده
ــــــــــــــــــــــــــــــــــــــــــــــــــ ـــــ
مع تحيات شاعر اهل البيت / جابر النجفي


✿كروب مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

#القناة_الرسمية_لنشر_جميع_قصائد_الشعراء

https://telegram.me/joinchat/AAAAAD2cKU7dhy13L1EGYQ

#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار


الشاعر (( ولائيه وافتخر ))
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁


#نعي_بأطوار_مختلفة
❍لسان سيدتنا زينب تنعى اخوتها❍

#عـاشوري او #نصاري
يخوتـي ديـاركم ضلـت خليـه
لا جانـي خبـر وشصـار بيـه
هـم نرجع لارضنة نرد سويـه
يسروني العـدا وجـاروا عليـة...

جبتونـي واجيـت لـدار غربـه
انظر ع الـدرب وعيوني تربـه
تـالي انسبـي وانظرب ضربـه
واصيـح اعليـكم ومـا مـن رجيـة...
➖➖➖〰〰〰➖➖➖
#طور..زمان الحسناوي [يمة گد عمر الورد]
خويـة..خـدري اتسلـب وطاحـت عباتـي
خويـة..ابجي عليـك كل لحظـة بصلاتـي
خويـة..رد لـي اردود افـديـك بـحياتـي
خويـة..ردتـك تحظـر بـساعـة مماتـي

جيتـك..عبـاس النفـل حاجيني فـدوه
جيتـك..انظـر حالتـي گلبـي تـﭼـوه
جيتـك..انـهض ياگمـر بداعت الخـوه
جيتـك..اشكي مصاب اخوك الماتـروه
➖➖➖〰〰〰➖➖➖
#لحن_الفراق (مالي غيرك)
*مالـي والـي*
مـن بعـد بـدر العشيـرة
*مالـي والـي*
جنت امدللة وانا الاميـرة
*مالـي والـي*
زينبـك ضلـت بحيـرة

*مالـي والـي*
يـا كفيلـي يـا كفيلـي
*مالـي والـي*
هم ترد خوية وتجيلـي
*مالـي والـي*
ريت يرد سالم دخيلـي
➖➖➖〰〰〰➖➖➖
#لحن_الخظيب
واحسيناه واحسيناه واحسيناه آه
واحسيناه واحسيناه واحسيناه آه

وسفة يخوية من طحت جارت علية اعداك
ضربوني خوية وشتموا حيدر ابوية وياك
ردلي يعمري وسلوتي حاجيني فدوه ارجاك
شوف شجرالي اتسلبت لمن طفت عيناك

واحسينا واحسيناه واحسيناه آه
واحسيناه واحسيناه واحسيناه آه
➖➖➖〰〰〰➖➖➖
#لحن_سامحيني
خوية زينب..لاتگولين البطل شو مااجالي
خوية زينب..عايني لحالي يخوية وشجرالي
خوية زينب..العدا گطعولي ايمني وشمالي
خوية زينب..لاتضربين المتن لو شفتي حالي
▂▂▂▂▂▂▂▂▂▂▂▂▂▂▂▂▂▂▂
{تــمت بعـون اللـہ}
20/7/2017
✍🏻 #ولائــية_وافتــخر
🚫غير مبرئ الذمة امام اللـہ والزهراء من يحذف اسم الشاعرة🚫

✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_المشايه_والاربعين

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁




#نصاري

أخدم بالمواكب دوم ياريـــــــــت === ونادي أهلاً يزاير بيك لو جيت
دُوَه الدلاّلي جـَيـْتــَك === تعال إو زور بيتـك
ونادي أهلاً يزاير بيك لو جيت
ــــــــــــــــــــــــــــــــــــــــــــــ
أنادي أهلاً يزاير نور عيني == فرحتــــي ما ألـِمها لو تجيني
يخدمونك إخوتي إو كل بنينـي == أبد ما ينتهي الجـَيـْتـَك حنيني
يزاير سيدي إحسين === أفديلك ضـُوَه العيــن
حـُسينيه هويتــــــك === تعال إو زور بيتــــك
ونادي أهلاً يزاير بيك لو جيت
ــــــ
أنادي أهلاً يزاير إشرب الماي == إلــــك تربي تظل مشبوحه عيناي
تــِتــْبــَرّك يغالي بيك يمناي == لو تمسح تُرابك يشفي الداي
تــُرابك كحل العيون === تــُراب إمن اليگصدون
تواسي الزهره نيتـك === تعال إو زور بيتـــــــك
ونادي أهلاً يزاير بيك لو جيت
ــــــ
ونادي أهلاً يزاير وأنـْخــَه عباس == توصــــــــل بالسلامه إتطيب الأنفاس
بالخدمه حبيبي أرفع الـــــراس == أحس بيها عظيمه أحلى إحساس
أواسي فاطمه اليــوم === خــِدِمـْتـَك ما أمل دوم
مـِلـَه الأكوان صيتك === تعال إو زور بيتــــــك
ونادي أهلاً يزاير بيك لو جيت
ــــ
ونادي أهلاً يزاير شرّف البيت == أفرشلك رموشــــــي اليوم لو جيت
أشوفك سالم إو غانم تـِمـَنـّيت == يرتــــــــاح الگلب لو مرّه مـَرّيت
إخـِذها الروح ويـّاك === ذبها إبكربله إهناك
تــِزوّرها يريتــــــك === تعال إو زور بيتـك
ونادي أهلاً يزاير بيك لو جيت
ــــ
ونادي أهلاً يزاير يامـُنى الروح == تعــــــــــــال إو لا تـِخـَلـّيني بالجروح
يطيب إبــْجـَيـّتك مأتمنه والنوح == رسمك من خيالـــــــي دوم مـَيـْروح
أدري بيك مـَتـْهاب === من تفجيــــر وإرهاب
إذا حلـّت منيتــــك === تعال إو زور بيتــــــك
ونادي أهلاً يزاير بيك لو جيت
ــــــ
ونادي أهلاً يزاير عاشگ إحسين == ألاگيــــــــك إبهيامي إو دمعة العين
أمشي إوياك باجر موعدي إيحين == نظل ويــّه الضعينه إبشوگ ماشين
نعزي القايم إبنوح === گلبك ينملي إجروح
يمحبوبي هـُويتــك === تعال إو زور بيتــك
ونادي أهلاً يزاير بيك لو جيت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
مع تحيات شاعر أهل البيت / جابر النجفي


✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_المشايه_والاربعين

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁





#نصاري

من بعد اليـُسر وإمخاطف البين === إجيتـــــك آني اليـــــــوم
زينب نادته ياخويه يحسيـن === إجيتك أﺷﭼـي إلهموم
ـــــــــــــــــــــــــــــــــــــــــ
أطفالك يبو اليمّّّه والأيتام == إجولــك من يسرهم
ضاعت ما ﺑﮔت يبن أمـي أحلام == ما يبــــــــــــــرد جمرهم 
دليلي ياحبيبي إبضيم ما نام == بـــــــــس همـّه أمرهم
ما ذلـّّيت آني إو رافعه الهام == ذلــّيتــــــــــــــَه شمرهم 
آلمني اﻟبعد يحسين والحـــوم === إجيتك أﺷﭼـي إلهموم
ـــــ
عمّّه ياعلي وينــه ﭼفيلــي == دفنـتـه إبياكتر وين
أﺷﭼيله أريدن طول ليلي == وأﮔلـّه نـازل البين
وناديه إبحزن ياخويه ويلي == دم نازفــــــــــــه العين
عهدي باﻟﮔﻣر يشفي دليلي == وأدري بالعهــــــد دين 
أنادي للضعينه إنهض إو ﮔـوم === إجيتك أﺷﭼـي إلهموم
ـــــ
عمّّه ياعلي أنـْصُب عزه اليوم == أريـــــــــدن يم الحسين
عساني أندفن ويّاه للدوم == تـرد أحلام السنين
وَضَمـّد كـُل جـُرح ماذيه ﻣﻟﭼوم == يحــــــــل اﻟﻣﻟﮔﮫ وإيحين
تزول إو ما تظل تبرالي الغيوم == وفـــــارﮒ همـّي والبين
وَشِمّن منحره وأهتف يمظلوم === إجيتـك أﺷﭼـي إلهموم
ـــــ
رضيع إحسين ياعمـّه دفنته == أخافــــن ﺴﺣﮔﺘﮫ الخيل
دفنت إوياه ياروحي نبلته == لـو تنشر ﺑﮔت ويل
ﮔﻟﺑﻲ ﻳﻧﻟﭼـم كـُل ما ذكرته == يطـّرز دنيتــي ليل
أبد ما تنطفي إو تبرد جمرته == وإهمومــي غدت سيل
جفوني فارﮔت من يومه النوم === إجيتـك أﺷﭼـي إلهموم 
ــــــــــــــــــــــــــــــــــــــــــ
مع تحيات شاعر أهل البيت / جابر النجفي

✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_محرم_1441_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#نصاري

زينب ما سبوهـــا === زينب عـزّه وإقدام
زينب ما نسوهـا === خطيبه إبمجلس الشام
زينب عـزّه وإقدام
****
زينب بت علي والهادي جـَدْها
منطق فاطمه الحوراء عـِدْها
ما ذلـّت أبد محظور حـَدْها
فنـّه لو ﺤﭽت واحد يـِرِدْها
زينب من علينه === علمها إم الأحزان
نبعه من نبينـــــــــه === زينب عـِفـّه وإيمان
وصّاها أخوهـــــــــا === تواجه جور الأيّام
زينب عـزّه وإقدام
****
زينب ما سبوها آل إميـّه
سبتهم هيـّه بت حامي الحميـّه
سيف صارت وإبنحور الجاهليـّه
خافوها الطـُغاة الهاشميـّه
لسان اﻠﺤﮓ صبرها === تجاوز كل الحدود
والنار إبصدرهــــــــــا === عليها الصابره إتزود
زينب يـِعـْرِفوهـــــــا === أبد ما دﻧﮔـّت هام
زينب عـزّه وإقدام
****
زينب زالت الغيمه عن الناس
عليمه إبزود كشفت زيف الأرجاس
تـِمـَنـّت يحضر الميدان عبّاس
يساعدها الكفيل إو ترفع الراس
مهضومــــــــه البهيـّه === تشاهد راس الحسين
تناديهـــــــــــــــا رقيـّه === ﺗﮔلها صـَدْلي هالحين
زغيره إو ﮔـَيـّدوها === تناديهــم يـَظـُلاّم
زينب عـزّه وإقدام
****
زينب بالمهابه إﻣﮔبـّعه إتسير
يتيه الينظـُر إلها إو عقله إيحير
هالة نور تمشي إو تنثر الخير
راس إحسين إلها إبعينه إيدير
عزمها من وجــــوده === ﺳﺤﮔت فوﮒ الجروح
إوفت كل عهـــــوده === ما ﺗﺑﭽـي ولا إتنوح
زينب ماولوهــــــــا === ولتهم هيـّه الأقزام
زينب عـزّه وإقدام
****
زينب من شفيعتنه إباها
إلهي إقبل ضحايانه نداها
ماهابت أبد سطوة عداها
فازت وإعتلت روحي فداها
وينه إيزيد وينه === ينظـُر زينب اليوم
تِذِل مـَعـْميـّه عينه === يظــل ملعون مذموم
وين الشـَتـّموهــــــا === ذكرهم ما ﺑﮔـه إو دام
زينب عـزّه وإقدام
****
زينب كربلائيـّه الهويـّه
تسكن وَيْ أخوها الغاضريـّه
ينادي دوم تل الزينبيـّه
زينب هاي يمـّي إبكل مسيـّه
تصعد تنظـُر إلكم === يزوّار الذبيحيـــــن
دمعها وَيْ دمعكـــــم === تنزف جاريه العين
إﺑﭽـوا إو ساعدوهــــا === إنصروا دين الأسلام
زينب عـزّه وإقدام
***
مع تحيات شاعر اهل البيت / جابر النجفي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)


#ملاحظه ممنوع ادز الحانك للاخوات على الخاص اي لحن عدك تنشره بهذا الكروب 👇👇👇👇👇


https://tttttt.me/joinchat/Dw92Dj9pmso37M3dKv4U0Q

#قصائد_الامام الحسن_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc



  .      🏴الى البقيع أبعث سلامي كل يوم
الى متــى يظل ضريحهَ مهدوم 🏴
*
ــــــــــــــــــــــــــــــــــــــــــــــــــــــــ

❇️ قصائد الامام الحسن عليه السلام

#وزن #نصاري


مصابك يالحسن طر مهجة الدين
اوبچت من دم عليك اليوم كل عين
----------
عليك العين تبچي اوتون كـل روح
مثل نوح الثكالى لفگـدك تنوح
اونِزَف گلب المحب آهات وجروح
يَمن جَرِّحَتْ چبدك شفرة البين
-----------
عليك غيوم دهرك مطرت اسهـام
شفِت بغياب جدك غصص وآلام
من بيض الليالي لسود الايـام
وأوّلهه بفگد سيّـد الكونين
---------
وثانيهه غصُب حگ الولايه
وثالثهه كسر ضلع الهـدايه
والرابع هوه سيـف المنايه
اوجِسَم راس الوصي الكرار نصّين
-----------
والخـامس فطـر گلب الديانه
اوصِدَع رُكن الهده وهدّم كيانه
يوم اللي نِفَذ سم الخيانه
ابچبدك وانصدع بي چبد ياسين
----------
شفت من دنيتك چم لوعه ومصاب
حِسَبنه اهمومك احنه وتاه الحساب
حِسَبنه ابنعشك اشكم سهم وصواب
اولگينـه مـن سهام الحقـد سبعين
-----------
چبدك يل حسن بالسم تخـذّم
وسْهام النعش هم تنزِف وغـم
وبنفس الحقد گبـرك تهدّم
ونفسَه الهِدَم گبر العسكريين
----------
ذِكَرنه امصابك وجمرتنه تلهب
جِرَت دمعتنه ويّه دموع زينب
اويه زينب نزلت الاملاك تنحب
اونِزَل جبريل يمسح دمعة حسين
----------
عقيل الكاظمي / بغداد





▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi