#قصائد_استشهاد_الامام_علي_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

😭اباب الله علي معروف
بيته الجنه بيه نطوف😭

ـــــــــــــــــــــــــــــــــــــــــــــــــــــــ


#مودع_الله

مودَّع الله ... يلّي منك ما شبعت وداع
مودَّع الله ... بوية حيدر لا تروح بساع
انه زينب ... آنه زينب
******
مرت اعليه الليالي ... وعمري ذاب ويه الشمع
من زغر سني ومصايب ... بيها گلبي منفجع
أكبر ويكبر عذابي ... وعاشر عيوني الدمع
منين اجتني الطبرة بويه ... چمّلت كسر الضلع

لسه أبچي ... وبخيالي عصرة البسمار
لن أشوفن ... صواب راسك بويه ياكرار
يالمخضب ... آنه زينب
******
ياعزيز الروح بويه ... وانته تدري معزتك
بويه حاچيني يحيدر ... ياهو صوّب هامتك
ريتها براسي يبويه ...ومو براسك طبرتك
زينب وعگبك يبويه ... من يظل لعزيزتك

لا تغادر ... أبقى بعدك أصفگ الچفين
بويه عگبك ... اليتامى تضيع يابوحسين
وروحي تلهب ... آنه زينب
******
بويه تذبحني دموعك...وأحس دلالي انجسم
ليش يابويه شعلامك ...تشيل وتنزل جدم
راسي يآذيني يزينب... وسره بكل أوصالي سم
صوابي يلچم يالحنينه ..وزاد يبنيتي الألم

يالعقيلة ... حيل أذاني صواب الراس
يالعقيلة ... عگب عيني يكفلج عباس
ودمعي ينصب ... آنه زينب
******
بويه عالباب اليتامى ... لشوفتك متنذره
ياعلي يسئلون عنك ... وين أبونه حيدره
حرت يابويه شگلهم ... ونار گلبي موجره
حالهم بويه هضمني ... إسكتت والمدمع جره

إِسمع الصوت ... تكسر الخاطر بواچيهم
لون يدرون ... بعد حيدر ما يرد ليهم
يالمصوّب ... آنه زينب
******
شگال يابويه طبيبك ... من تفحّص حالتك
گلي يبنيتي المنية ... وگلي وصّي وصيّتك
عمت عيني عليك بويه ... شگد ثگيله مصيبتك
يا ذخرنه وياحمانه ... راح تترك عيلتك

يالتضمدون ... راس أبونه لا تلچمونه
لن أجه الصوت ... يالعقيلة غمضن عيونه
غادر الأب ... آنه زينب
******
مودّع الله وبالسلامه ... يالعفتني بلوعتي
أبقى من عگبك غريبه ... وأشتكيلك غربتي
أون يابويه عله فگدك ... وانته تسمع ونتي
ومن يصب دمعي كفيلي ...هو يمسح دمعتي

الله وياك ... يالخذيت وياك آمالي
الله وياك ... وصورتك تبقى بوسط بالي
وأبقى أنحب ... آنه زينب
******
#علي_حسن_المنصوري



▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://tttttt.me/+seH5Q_Y3xPw2NzIy
▪️كروب الالحان رقم 2
https://tttttt.me/+eAjWA-W1XTk5MmYy