#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#منهاج-محرم-١٤٤٢

رحت عني...كثر وني
يبويه من زغر سني
عليله وحزني هدمني
غريبه....غريبه
،،،،،،،،،،،،
،،،،،،،،،،،،
رحت عني ويمر بس طيفك أعليه
تفارگني يبويه انته مو بيه
ونه بهالليل أبويه وماشفت ضيه
يمن بيك أنه طول العمر مسبيه

سهرت ليلي...أبأيا ويلي
ولا طارش يوديلي
يبويه هدمت حيلي
غريبه...غريبه
،،،،،،،،،،،،،،،
،،،،،،،،،،،،،،،
تعال وشوف بيه اشصاير أبحالي
أشك أبرجعتك لوا هذه بخيالي
شخصك من يجيني أتخيله أگبالي
يحرك الباب أنته لوا هوه العالي

أركضت ألها...بدمع لنها
على الباب بمدامعها
وتريد الباب تفتحها
غريبه...غريبه
،،،،،،،،،،،،،
،،،،،،،،،،،،،
يبويه لاتغيب الخاطري أسمع
تعال وشوف گلبي اعليك يتگطع
انه الحالي بقيت واجري هالمدمع
أمشي أعليك ضلع أمك الي ترجع

طفت شمعه...شعلت شمعه
ونه بليلك قمت انعه
يبويه أمسح الدمعه
غريبه...غريبه
،،،،،،،،،،،،،،
،،،،،،،،،،،،،،

#مسلم-الخفاجي-🖊
،،،،،،،،،
،،،،،،،،


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#منهاج محرم-١٤٤٢

أنه أم الماخيب ضني فد يوم
من گتله موت أكبال أحسين اليوم
گال أتأمرين...أنطيه العين
،،،،،،،،،،،
،،،،،،،،،،،
گتله لا ترد ألي خلي روحك نذر
كون اشوفك علي وخاطري ينجبر
يمه من كربله واني كون اسمع خبر
هذه بن حامي الحمه هذه حماي الخدر

خليك أنته أبعزمك رافعلي الراس
لتعوف أبني احسين تحت الخيل ينداس
مو بس چفين...أنطيه العين
،،،،،،،،،،،،،،،،
،،،،،،،،،،،،،،،،
گلي يُمه أبشري اني كلي غضب
أگلب الحومه كلب يُمه أني من أطب
الله خالقني تره وعله مود الحرب
أنه أبن القبوا هذه صگار العرب

ماعاش الي يقرب يم حسيني
موبس روحي ناذر حته أسنيني
ونتي تدرين...انطيه العين
،،،،،،،،،،،،،،
،،،،،،،،،،،،،،
لا تعوف الحسين اله تتگطع وصل
رافعه راسي بيك يافحل يبن الفحل
من يصيبك سهم يُمه أريدك عدل
لاتعوف زينبك من تصيح يابالفضل

يايُمه زينب حالتها تفجع
لوا تدري سهم البعينك يطلع
الزينب تحچين...أنطيه العين
،،،،،،،،،،،،،
،،،،،،،،،،،،،
لا توصيني بعد راسچ أنرفعه تره
أربعتنه نذر يُمه رحنه المنحره
خنصري فدوه يروح للوگع خنصره
يُمه لمن تجين تشاهدينه اعله الثرى

وجسادنه متوذره يُم ألبنين
هاي أحنه أربعتنه فدوه لحسين
من أتمرين....أنطيه العين
،،،،،،،،،،،،،
،،،،،،،،،،،،

#مسلم-الخفاجي-🖊
،،،،،،،،،،،،
،،،،، ،،،،،،


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#منهاج-محرم-١٤٤٢

يمته يجي الليل أبساع...وعتب على دمعتي
نزلت تره يعباس...شافتها مو كلها الناس
وعتب على دمعتي
،،،،،،،،،،،،،،،،،،
،،،،،،،،،،،،،،،،،،
يمته يجي ليلك ألي يعباس
وحضرت اني بدمعتي ينوماس
جيتك وجايبتلك أني ألحساس
أنض تره أختك باجر أبين الناس

گوم أنهضنه عباس...حيره تره حيرتي
ماأعتب ياخويه أعليك...گوم أنهض الله أيخليك
أعتب على دمعتي
،،،،،،،،،،،،،،،،،،
،،،،،،،،، ،، ،،،،
شوف المصايب صارت بكربله
منچ شفت ضيم وقهر لا هله
چنت انه الوحيده تره مدلله
وعليكم أعيوني تضل هامله

بحر الشمس يعباس...نصبغت تره عبايتي
دورتك بنص الليل...ماشفتك من سحگ الخيل
أعتب على دمعتي
،،،،،،،،،،،،،،،،،
،،،،،،،،،،،،،،،،،
ياناس مو صرنه غرب بالوطن
أعتب على دمعتي لوا عالزمن
من الخيل خله حسين صدره أنسحن
صوب النهر والحرم أتوجهن

والندبه نقراهه عليك....عباس كل ديرتي
أنهض أخذهن عيناي...ردتك ماردت اني الماي
اعتب على دمعتي
،،،،،،،،،،،،،،،،،،
،،،،،،،،،،،،،،،،،،
يمته يجي الليل وأشوفك قمر
من الخيمه وتوجهت صوب النهر
أرد أنه اشوفك حتلوا بس نحر
أرد أندفن يمك أبنفس القبر

رايتك خويه عباس...تبقه تره رايتي
ونشدتك اني بهالليل...من هجمت اعلينه الخيل
اعتب على دمعتي
،،،،،،،،،،،،،،،،،
،،،،،،،،،،،،،،،،،

#مسلم-الخفاجي-🖊
،،،،،،،،،،،،،،،،،،
،،،،،،،،،،،،،،،،،


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#منهاج-محرم-١٤٤٢

أجاني حنته بدمه...نذر للطف يبعد أمه
ييمه...ييمه
ييمه أبالي أمنيه...تسير أعليه يوميه
ييمه...ييمه
،،،،،،،،،،،،،،،،
،،،،،،،،،،،،،،،،
ولاچانت عله البال وتخليني
تروح وتبقه دمعاتي عله عيني
ردتك يبني ياذخري وتواريني
وعله أحزاني ييمه هم تواسيني

قمر لليلي چنت تصطع...من بعدك جره المدمع...ييمه ييمه
ييمه أمناطره الجيه...تسير اعليه يوميه
ييمه...ييمه
،،،،،،،،،،،،،،،،،
،،،،،،،،،،،،،،،،،
رحت يايمه ماضلت ولا دمعه
صفيت أبروحي يمه أشعل الشمعه
رفعت أيدي يربي الخاطري رجعه
سمعت زينب قبل موتك تره تنعه

طحت وسمعنه وناتك...وسمعت صياح عماتك...ييمه... ييمه
شفت زينب تصد ليه...تسير اعليه يوميه
ييمه...ييمه
،،،،،،،،،،،،،،،،
،،،،،،،،،،،،،،،،
عله فراگك ييمه أسهر الليل
أبد مايخلص الليل وتره طويل
خذه حيلي ييمه ودمعتي اتسيل
درب الشام هم يرادله حييل

شعلت شمعه وطفت شمعه...ردلي بداعت الدمعه...ييمه...ييمه
عله المذبح يرد بيه...تسير أعليه يوميه
ييمه... ييمه
،،،،،،،،،،،،،،،
،،،،،،،،،،،،،،،
مووبيدك لچن عزمك عزم عمك
تجيني أشلون اله سابح بدمك
تنصر والدك ياييمه كل همك
رفعت الراس بيك ويابعد أمك

لون شفته لبوا اليمه...يريت أتقطعت يمه
ييمه...ييمه
خيلهم تسحگ اعليه...تسير أعليه يوميه
ييمه.. ييمه
،،،،،،،،،،،،،،،
،،،،،،،،،،،،،،،

#مسلم-الخفاجي-🖊
،،،،،،،،،،،،،،
،،،،،،،،،،،،،


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#منهاج-محرم-١٤٤٢

يبن أمي من أتروح...للمينيه
قلبي يضل مجروح...حيل مابيه
يبن أمي عالتربان...وتسحگك الفرسان
،،،،،،،،،،،،،،،
،،،،،،،،،،،،،،
يبن امي من تروح خيمه وطاحت أعلينه
ولا چانت عله البال تروح أنته وتخلينه
لمن من طحت عالگاع بين هالتعب بينه
أصبحت سوح الحرب ضلمه هيمه من يدلينه

من صابك سهم البين...شمعه مطفيه
گتلي والله يحسين...خويه مگضيه
شيگضيها ويالوليان...وتسحگك الفرسان
،،،،،،،،،،
،،،،،،،،،،
يبن أمي أرد أردود أني من أجي يمك
خافن من أجيك أشلون وشوفن سابح بدمك
خافن من كثر نوحي يخويه أنه ألچمنك
خافن ماأجيك أليوم يخويه ماأشوفنك

حيرتني يحسين...لو حرت أنته
خيل وشفت بالعين...تگلب بجثته
وتهدم الأركان....وتسحگك الفرسان
،،،،،،،،،،،،
،،،،،،،،،،،،
يبن أمي أعاتب من من أنته رحت سكته
من أنته طحت عالگاع روحي وقلبي وجرته
من أنته متت ضامي ومايك ماشربته أنته
من أنته رحت عني حيلي خويه هدمته

عمت عيني ضامي أليوم...مايك أشمرته
قلبك والبيك أهموم...خويه ماضكته
وقرالك الرحمٰن...وتسحگك الفرسان
،،،،،،،،،،،
،،،،،،،،،،،
يبن أمي تريد أتروح وتخليني السهر ليلي
من هو ألي يواسيني وليلي طويل ياويلي
من هاي الليالي السود ولا دمعه تخليلي
خويه أنته كل حيلي من رحت أنهدم حيلي

متعوده أسهر الليل...أني وحزاني
وبلساني أسمك ترتيل...ويه عدواني
من سوطه عضمي بان...وتسحگك الفرسان
،،،،،،،،،،
،،،،،،،،،،

#مسلم-الخفاجي🖊
,,,,,,,,,,,,,,,,,,,,,,
,,,,,,,,,,,,,,,,,,,,,,


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#منهاج-محرم-١٤٤٢

#أترابي...

وعليه أهيل أترابي....لمن مشوا أحبابي
أكضي العمر فوك الجمر...ولمن أسمع أعتابي
،،،،،،،،،،،،،،،،،،
،،،،،،،،،،،،،،،،،،
يمسومر بحر الضهر...چم دوب أكابر ونتضر...ومليت أنه من الصبر...
والدنيه صارت ضلمه
يالچنت يمي البارحه...يمكن سمعت الصايحه...معقوله أقره الفاتحه...
الچنتوا عليه خيمه
من أسمعت هذه الخبر...ياخويه چن ضهري أمكسر...واني أموت من القهر...
هضمه عليكم هضمه

كلها مشت خواني...ووحيده ضليت أني
خويه متت لمن رحت...لمن تركت أحبابي
،،،،،،،،،،،،،،،،،،،
،،،،،،،،، ،،،،،،،،،
عباس أني أرد أنشدك...يبن أمي أروحن فدوتك...يم خضب أنته بشيبتك...
جاوبني مو قلبي أنفطر
هذه أنته طايح يافحل...عالارض متگطع وصل...ناديتك بيابالفضل...
من أنته واگع عالنهر
هذه أنته ياريحة هلي...موگتلي خويه تدللي...معقوله ماتحضر ألي...
واني تره بدرب السفر

لمن يجيني ليلي...أسهر وصيحن ويلي
شكثره البچي محد يجي...ولاواحد أيدگ بابي
،،،،،،،،،،،،،،،،،،،
،،،،،،،،،،،،،،،،،،،
يحسين ماأعتب تره...جسمك يضل فوگ الثره...بين الغرب واني مره...
صعبه عليه صعبه
وجهي أديره ألمن بعد...ضليت أنادي بهالوعد...ياعلي ألحك يامدد...
من الصحاري امتربه
محد دره بمصيبتي...لمن مشت كل أخوتي
ظليت أمسح دمعتي...والدنيه صارت غربه

درت الوجه لحسيني...بلكت سمع لي ونيني
حر وظمه كله دمه...أبن أمي هاج أمصابي
،،،،،،،،،،،،،،،،،،،
،،،،،،،،،،،،،،،،،،،
يمحمد أرد أحچيلك...عالصار بينه أدخيلك...بس ينمر دليلك...
من تسمع سوالف نحر
وحسين ضل عالتربان...وتسحگه هاي الفرسان...وموزع أبكل أمچان...
بس عينه ضلت عالقمر
وعباس سبع الگنطره...عينه طفت خويه تره...شحچيلك أني أموجره...
ياخويه كل هذه الخبر

طاحت تره خيمتنه...وطشرت لمتنه
راح العمرويه الصبر...ولمن أسمع أعتابي
،،،،،،،،،،،،،،،،،،،
،،،،،،،،،،،،،،،،،،،

#مسلم-الخفاجي-🖊
،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#منهاج-محرم-١٤٤٢

#تلگاني

تلگاني...تلگاني خادم بس ألك
تلگاني...صاير دموع أبمجلسك
صاحت جروحي ياهله...كل يوم عندي كربله
،،،،،،،،،،،،،،،،،،،،،
،،،،،،،،،،،،،،،،،،،،،
ياأغله من كل الغوالي ساكن أنته بروحي
لوا روحي منك صايره لوأنته هم من روحي
شحچي عله جروح القلب يمطيب أنته جروحي
لوا روحي طلعت مني هم مابطلت من نوحي

بيباني...مفتوحه ياباب العشگ
بيباني...قلبي يضل بسمك يدگ
دمعاتي ضلت هامله...كل يوم عندي كربله
،،،،،،،،،،،،،،،،،،،،
،،،،،،،،،،،،،،،،،،،
يابوا علي من أنتخي يمك علگ شديته
ماأنذر أدموعي بعد عمري أنذرة ونطيته
بروحي نار أستَعجَلت رحت وگمت حاجيته
ذبيت مو ماي الدمع ماي الوجه ذبيته

خلاني...ألطم ونوح بمصرعه
خلاني...ماأنسه ذيچ الفاجعه
طول العمر أتوسله...كل يوم عندي كربله
،،،،،،،،،،،،،،،،،،،،،
،،،،،،،،،،،،،،،،،،،،،
زرت الزياره الناحيه وتوجهت يم راسك
وتذكر أيحز بالنحر وماتنگطع أنفاسك
وشما أعمق بالجرح ماأوصل الاحساسك
يمكن متت قبل الذبح من أنطبر عباسك

جراني...شوگ وأريد أكتب بعد
جراني...ويگلي أكتب عالجسد
أكتب قصايد بس أله...كل يوم عندي كربله
،،،،،،،،،،،،،،،،،،،
،،،،،،،،،،،،،،،،،،،
من خلصت اني ازيارتي أتوجهت لصحابك
وتذكرة جون وحبيب الوگفوا اليم بابك
صاحوا بعد يابوا علي موش أحنه همه أصحابك
گدامك أحنه هم نذر مانختلف بغيابك

وين أني...لمن وگعت من المهر
وين اني...أتذكر الحافر حفر
صدره أنحفر من حرمله...كل يوم عندي كربله
،،،،،،،،،،،،،،،،،،،
،،،،،،،،،،،،،،،،،،،
أخر محطاتِ رحت يم القمر وتعنيت
لمن وصلت الحضرته أني النهر وتمنيت
ونسيت ماجبت العذب ومن طبرتك ماونيت
ومن شافتك زينب طحت حسره بگلبها خليت

وصاني...بالچ عله أطفال الخدر
وصاني...زينب تره أنتي أم الصبر
چن عشته أني أبأوله...كل يوم عندي كربله
،،،،،،،،،،،،،،،،،،،
،،،،،،،،،،،،،،،،،،،
#مسلم-الخفاجي-🖊
،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#منهاج-محرم-١٤٤٢

شهر-عاشور....

شهر عاشورك أجه صب الدمع
واسوا زينب مو قلبها ينفجع
،،،،،،،،،،،،،،،،،،،،،،،
،،،،،،،،،،،،،،،،،،،،،،،
شهر عاشورك أجه ألبس حزن
ألبس أهدوم السواد أعله الضعن
طلعن ويه الحادي للشام ومشن
من عگب عباس عالشاطي وگع
،،،،،،،،،،،،،،،،،،،،،،
،،،،،،،،،،،،،،،،،،،،،،
ألطم أعله الصدر للصدره أنسحن
وبحوافر خيلهم حيل أنطعن
وجسمه عالتربان خلاه الزمن
تخيل الصوره سليب ومنصرع
،،،،،،،،،،،،،،،،،،،،
،،،،،،،،،،،،،،،،،،،،
ألطم وأتذكرة ماي الچفوف
من وگع عالمشرعه يوم الطفوف
من وگع لن الشمس صارت كسوف
ضلمه صارت هالمعاره من وگع
،،،،،،،،،،،،،،،،،،،
،،،،،،،،،،،،،،،،،،،
أنعه وبچي عله ألي ضل بالضمه
أمسومر أبحر الشمس يافاطمه
أبنچ من ألخيل سابح بالسمه
والسهم نابت أبصدره وماطلع
،،،،،،،،،،،،،،،،،،
،،،،،،،،،،،،،،،،،،

#مسلم-الخفاجي-🖊
,,,,,,,,,,,,,,,,,,


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA