#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#محـــــ١٤٤٢ـــــرم

يحسين يااجمل عشگ .. عايش وسط دلالي
غالي وزرعتـك بالگلب .. ماعندي غيرك غالي
          يا نور العيون ،،،، بيك آنه مجنون
                   عايش وسط دلالي
////////////
يالعليك اتعوَدت .. غير دربك ماردت
خلاني مهيوب
يالنجاتي ابخدمتك.. روحي تعشگ گبتك
يااغله محبوب
من چهبتك من ضريحك عنبـرك فاح
اوياك مهيوب ابخدمتي وحيل مرتاح
اي وحق راعـي الكفاله العل نهر طاح
من غــدر عذالي املك حبـك اســلاح

المرتبط وياك     اعـداء يهابونه
يفتـخر خادم     من يســـمونه
واليحـبك فاز     بيــك خيعونه
الجنه للخدام     والله مضمونه

صرت آنه خادم منبرك … ونته المْبـارك بيه
والزهره تلطم عالوجه … من ابدي بالطميه
       ماحبك اشلون ،،، بيك آنه مجنون
                 عايش وسط دلالي
©©©©©

اهلال شهر المعظله.. بالسواد استقبله..
اوصينية اشموع
وبسم أهل بيت النبي.. ابدي انصب موكبي..
ومحظر ادموع
احــــترگ مثل الخيـام ابنار فرگاك
وتترس الدنيــه دمعتي لمـن انعاك
ألچــم كل ما اگــولن ما حظـــرناك
يوم عاشـر سيدي كون احنه وياك

اطنه فتوه وشوف نصير الك تچوه
وحنه معروفـــــين انلبــي كل فتوه
مـــن علي وعباس ناخـــــــذ القوه
بالنحـــر نفـــــديك دونك اشنسـوه

ياليتنا ابطف كربله .. گبلك نطب للحومه
واحدنه عابس بالحرب.. لجلك يشگ اهدومه
بالدم يضحون .. بيك آنه مجنون
عايش وسط دلالي
©©©©©

خاف ماعيش السنه .. اتعود اخدم انه .. لبن الزچيه
بالگبر خاف انحرم .. ماكو زنجيل ولطم.. وشلون بيه

ربي احلفك ابحبيـب ودمـــع عابس
تجــعلنه ابعــــالم البـرزخ مجـــالس
حبنه الك يحسـين صار ابلا منافس
كلشي من دونك يصير ابغير واهس

الله خالقــــــنه    لخدمتك يحسين
اشما نقدمـــلك    نشعر امقصــرين
آخــــره ودنيـا   اويـاك مهيــوبين
اهناك بذن الله    كلنه مقبــــــولين

من مخلصينك سـيدي …. سجلني ورحم حالي
ارزقني حسن العاقبه …. يالقــاري كل اعـمالي
         وبنيتي تدرون … بيك آنه مجنون
                 عايش وسط دلالي

©©©©©
بحتظاري وموتتي … وحتى لحظة دفنتي … تحظرني ادريك
ابثقت حُبنه انكلمك … حاشه تترك خادمك … من يرتبط بيك
ولأن ادري ابمجلسك تحضر الزهـره
كون امــوتن وآني فوگ المنــبر اقره
بلكــي تبچيلــي ولو يحســــين قطره
حتى افوزن والسراط ابلحظه اعبره

هالحلم يحسين    عايش ابروحــي
بلكي يتحـــــقق    ويستـچن نوحي
ونحسب خـادم     ويشفن اجروحي
وبالجـنان اهناك    يعلــن اصـروحي

وشگبر بخته الينقبل …. ونته التصدق اعماله
بالجنه توگف فاطمه …. وتهـــيء استــــقباله
      كل هذا مضمون … بيك آنه مجنون
                 عايش وسط دلالي
©©©©©

العاش مخلص من صدگ ... ثوبه ابد ما يلثگ ... ويعيش سلطان
يالتحت ضِل خيمتك… ابفخر عاشت شيعتك … صرتلها عنوان
يا اعْذيبـي وكل وكت تستـــورحه الناس
اهـواي بالمجلس نسيــمك طيـب انفاس
اوياك اسولف سيدي ابكل رِقّه وحساس
المنتمــــيلك گَضّــه عمــره رافــع الراس

يالمــروّي النـاس من عــذب نبعك
شانه يعله اهواي كلمــن أيتبـــعك
بالفعــل ربحـــان الاخذ من طبعك
ياحسين ايصــير مــن اعـــز ربعك

يا رحمة الله الواسعه ….. يالمكتفين ابخيرك
يالغرگتنه ابنعمتك ….. ماعدنه صاحب غيرك
يالتارس الكون … بيك آنه مجنون
عايش وسط دلالي
©©©©©

الخادم
كامل السعيدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA