#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

الشاعر ((علي حسن المنصوري))

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁


#الحسين

💫#مجلسك_بيتي💫

مجلسك بيتي .. وتعزيتي ..وبيها أفخر
آنه من دونك .. وعيونك .. كلشي أخسر
عندك إقبلني ،،، خادم إحسبني
••••••••••••••••••••••••••••••••••
يا جمال الله اللي ماكو بهايه أوصافك
تملك الدنيه لچنّك ذابله شفافــــــــــك
إنته ياكعبة الزهره وكل عشگ طافك
يلّي خدامك تعيش برحمة ألطافك

ياعمر نوحي .. وجروحي .. وسنيني
ياجرح گلبي .. وياحبي .. يحسيني
إنته تملكني ،،، خادم إحسبني
••••••••••••••••••••••••••••••••••
إنته ياثار الإله وإسمه الأعظم
الكون كله يلبس أسود من يجي محرم
بكل گلب بي جمر حبك ينعقد مأتم
الغني والفقير كلها بمجلسك تلتم

خادمك ينعه .. والدمعه ..تصب لأجلك
يالمعيشنه .. ورازقنه .. من فضلك
يالــــــمعيّشني ،،، خادم إحسبني
••••••••••••••••••••••••••••••••••
الناس تطلب شفه منك حين تتمرض
وآنه أطلب جرح منك بالألم ينبض
كون صدري موش صدرك سيدي إترضرض
جون أسود لچن عنده گلب حيل أبيض

وعابس إتجنّن .. وإتفنّن .. بجنونه
ألف هنياله .. لهالحاله .. وخيعونه
بيك جنّني ،،، خادم إحسبني
••••••••••••••••••••••••••••••••••
حسين والمن صدگ حبّك تكتله أشواگه
وفرق بين الضاگ حبك واللي ما ضاگه
يابحر وشعذب مايه اليروي عشّاگه
فرق بين الغرگ واللي ما وصل راگه

ياونس بالي .. ودلالي .. وياولفي
الحرگته اللوعه .. بضلوعه ..شيطّفي
بنارك أحرگني ،،، خادم إحسبني
••••••••••••••••••••••••••••••••••
يالمعيشّني بنعمته وعطفه وإكرامه
والله مدري شلون أشكر فضله وإنعامه
يا حبيبي وطعم عمري وملح أيامه
الما يحبّك يبو سكينه ناقص إسلامه

دينه شيفيده .. وتوحيده .. الما حبّك
وحبك مشرَّف .. بالمصحف .. من ربك
حبك إرزقني ،،، خادم إحسبني
••••••••••••••••••••••••••••••••••
الما لطملك يبو الأكبر شلّه بضلوعه
الما ينوح اعله المخيّم شلّه بدموعه
اليسمع بزينب غريبه وركضت بلوعه
كون كل العمر تبقه روحه مفجوعه

نار بالخيمه .. وبالهيمه .. بنيّاتك
وانته عالغبره .. تجر حسره .. لخواتك
والظهر محني ،،، خادم إحسبني
••••••••••••••••••••••••••••••••••
# #علي_حسن_المنصوري




✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

#اكبر_قناة_لنشر_القصائد_مع_الالحان🔸🔸
https://telegram.me/joinchat/AAAAAD2cKU7dhy13L1EGYQ