#برنامج_محرم_1438

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤الشاعرة ذكرى الخفاف 🖤

▁▁▁▁▁▁▁▁▁▁▁▁▁▁▁▁

#لزينب ع
#طور_كومن_بنات_النبي


زينب تنادي علي انت العمد و الولي
يابوية كافي محن شيبني جرح الزمن

〰〰〰〰〰〰1〰〰〰〰〰

اذكر ضلع امي و ابجي يوم اللي هجمو علينه
صار الرجس بيده يضرب خدهه و يرج المدينة
صاحت يفضة اسنديني و تبجي بمدامع حزينة
يا فضة كسرو ضلوعي و المحسن مسكطينه

يابوية انسه الكسر لو انسه باب و جمر
لو انسه امي تون شيبني جرح الزمن

〰〰〰〰〰〰2〰〰〰〰〰

بوية يحيدر شسولف يا عظم ثالث رزية
فوك الاكف بوية جسمك و طبرتك اكبر اذية
شفت الحسن عينه تدمع و حسين يمه اخيه
و جبريل يصرخ يحيدر تهدم اركان البرية

و تكلي زينب صبر هاي المصايب تمر
يابوية كلبي امتحن شيبني جرح الزمن

〰〰〰〰〰〰3〰〰〰〰〰

اه و الف اه يحيدر كلبي يبوية تصدع
جبد الحسن بوية شفته بسم المنية تكطع
اول طشت هد كياني خلاني اجريله مدمع
سم الحسن و الظلامة دلالي لاجله تفجع

يابوية راح الذخر صوبنه سهم الغدر
ظلمو يبوية الحسن شيبني جرح الزمن

〰〰〰〰〰〰4〰〰〰〰〰

من رْحَلِتْ يابو زينب خليت عكبك يتيمة
ماعدهه ام لا ابوهه بس ذكريات الاليمة
وصيت بيه كفيلي عباس ربي يديمه
لجن اجتي المصيبة كطعوله بوية يمينه

و بالعمد راسه انفطر و بالسهم راح النظر
ظليت عكبه اون شيبني جرح الزمن
〰〰〰〰〰〰5〰〰〰〰〰

يابه الحسن والفجعني موذر يبوية عضيدي
ياريت كبله يحيدر الشمر حزلي وريدي
صبرت بمدامع خفية و رفعت للباري ايدي
من شاهدو صبري بوية صاحو ابد لا تهيدي

يردون هتك الستر ماعندي غير الخدر
ابقه احامي بشجن شيبني جرح الزمن

〰〰〰〰〰〰6〰〰〰〰〰

رضو ضلوعه لاخيي شالو رؤوس الهواشم
حركو خيامي و اذوني سلبوني بوية الظوالم
اطفال سحكوهه بوية ماظل احد بينه سالم
و الادهه صرنه سبايه نشكف بدينه و نقاوم

طلعوهه زينب امر جهزو الحرم للاسر
باسماعي ظلت ترن شيبني بوية الزمن

〰〰〰〰〰〰🥀〰〰〰〰〰

✍🏻ذكرى الخفاف





✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

#اكبر_قناة_لنشر_القصائد_مع_الالحان
https://telegram.me/joinchat/AAAAAD2cKU7dhy13L1EGYQ