#قصائد_كعدية_لشهر_محرم

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤 هيهات ما نفترگ....يا سلسبيل العشگ
بس انت صداكي
حسين حسين 🖤

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁




#كعدية_للحوراء_زينب ع


يا يمه كونج تشوفيني بمصيبة الطف تحضريني
محــتاره ويه احسين وحــده ويدير العين
يايمه كونج تشوفيني
**** **** ****
آه يا زينب اشعدها من كلب غافي بونينه
حزن زينب صار كعبه وطافته اكلوب الحزينه
شلون من حركو خيمها اتوجهت صوب المدينه
يالزهره حركو خيمتي...يايمـه كون ابمحنتي...تشوفين حالي وحيرتي
وهـــــذ اخــــــوي امسـلبينه
يا يمه من حركوا خيامي اركض وادور على ايتامي
ردتج تجين اوياي ما تنحمل بلواي
بهاي المصايب تعينيني .......... يايمه كونج تشوفيني
**** **** ****





سيل يا دمــــع المصيبه وذبل اجفون النواضر
بيوم ضل احسين وحده وناس باعتها الضماير
اي يروحي اشحال زينب من تشوفه ابلايه ناصر
بالحسره اخوها اتعنته....امن النحر زينب شمته .... من ظلوع صدره شبكته
الباجـــــر اتطــــحنه الحـــــوافر
بهاي الوصيه يوالينه وصتني امي يبو سكينه
من صدره الي شـميه..... وامن النحر بوسيه
واصبر عا اليصير توصيني..... يايمه كونج تشوفيني
**** **** ****
ليلة الوحشه اعلى زينب جرح مرسوم بمصيبه
باتت اوي الحرم باالبر تنظر اجساد السليبه
اليوم محتاره بجرحها وباجر اتصبح غريبه
بسكوت مدمعها يهل....كل ساعه تاه الها طفل...روعها باسياطه النذل
وســـــاعـــة الفـــركه رهيبه
لا خيمه هالليله تاويها وامسلبه اجساد اهاليها
تنخى ابكلب ملجوم..... يا يمه كون اليوم
بين الاجـانب تنظريني .........يايمه كونج تشوفيني



يمه حال الضيم حالي حرمه وامسلبين اهلها
مثل نجــــــــمات الثريه اتطشرت شيلم شملها
زينب العاشت عزيزه اشلون لو غاب الكفلها
نادت يبو فاضل عجب.... تخليني امشي اويه الغرب...تعنت له بدموع العتب
غاب وي الجود املها
وين الكفلني اووكف دوني....ما يدري عدوانه ضربوني
يم النهر من طاح .....خدر الفواطم راح
واذكر مصابه ويبجيني...... يايمه كونج تشوفيني
**** **** ****
آنه مثلج يالوديعه دهـري حـــــاربني ظلمني
نفس جف السطر عينج بسوطه روعني وشتمني
صــحت يا عباس وينك خويه جتالك هضمني
جاوبني واسمع ونته.... وصاحن اجفوفه ورايته.... عباس وفه بخوته
وجرحه يالزهره لجمني
يا يمه من طاحن اجفوفه يسبوني عدوانه للكوفه
واسمع تصيح الناس مسبيه اخت عباس
يم الشريعه تصد عيني يا يمه كونج تشوفيني
************** أبو باقر الساعدي **************

✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA