#قصائد_شهر_محرم_الحرام_١٤٤٤_هـ
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

🏴عٌلَى أّلَدِنِيِّأّ أّلَعٌفِّهِ مَنِ بِعٌدِ آلآمـآمـين🥀
😭 مَنِ بِعٌدِ عٌبِأَّّس خَوِيِّ وِأّبِنِ أّمَيِّ أّلَحٌَّسيِّنِ💔
ـــــــــــــــــــــــــــــــــــــــــــــ

#كعدة_مسلم_بن_عقيل ع


مسلم نفس مصيرك .. عالخانوا بغديرك
يا حيدر الحكايه .. وضحت من البدايه
مسلم نفس مصيرك
. . . . . . . . . . . . . . . . .

بالغدير البايعولك يا علي خانوا البيعه
ناس عدها الحسد عاده والغدر عدهم طبيعه
انعاد هالتاريخ نفسه ونفس هالحاله المريعه
والبايعوا مسلم امس
خانوا قبل بزغت شمس
مثلك اخذ مسلم درس .. ويعرف اوجوه الخديعه

مسلم فهم وضعهم .. يدري الغدر طبعهم
من نكروا الولايه .. وضحت من البدايه
مسلم نفس مصيرك
. . . . . . . . . . . . . . . . .

نفس هظم اللي يصيبك يا علي المسلم يصيبه
بالصبر كاتب نصيبك وانكتب سيفه النصيبه
بكوفتك مسلم تقدم وحده ومكابل كتيبه
من بيت طوعه من برز
والسيف بيمينه ارتجز
نحر الاعادي اكباله فز .. وافتهم كرب المصيبه

مسلم طلع باراده .. ويتنطر الشهاده
بالكوفه عنده غايه .. وضحت من البدايه
مسلم نفس مصيرك
. . . . . . . . . . . . . . . . .

يا علي عافوك وحدك حين نكروها الولايه
وانترك مسلم ابوحده وارفعوا للغدر رايه
وخاض ملحمة البطوله ابين شهكات المنايه
بالسيف خط اعله الركب
وتاريخ الامجاد انكتب
مسلم بآلاف انحسب .. والعده تشهد بهايه

جي هاشمي الهويه .. صولاته حيدريه
من مطلع الروايه .. وضحت من البدايه
مسلم نفس مصيرك
. . . . . . . . . . . . . . . . .

ياعلي بمسلم تجسد شخصك وهمتك وباسك
انته خذلوك الصحابه وضيكوا بالهم انفاسك
وبعد ما خذلته الكوفه احساسه ظل يندب احساسك
والصار بيك امن الغدر
نفس الشعور البي يمر
وبصدره يتواكد جمر .. لو يصح البگه براسك
انطوا كلمه بالامانه .. بس ختموا بخيانه
الما تمتلك هدايه .. وضحت من البدايه
مسلم نفس مصيرك
. . . . . . . . . . . . . . . . .

ياعلي قصر الاماره ضامي مسلم دخل قصره
مثلك بطبرة سجودك صايم وما ضكت كطره
ومن على سطح الاماره قرر الظالم يشمره
وانظرب عنقه امن القفا
جفوف الارض تتلاكفه
وتسلم اعله المصطفى .. مسلم وما رعوا قدره

قبره صبح مناره .. ونخسفت الاماره
وانكتبت النهايه .. وضحت من البدايه
مسلم نفس مصيرك
. . . . . . . . . . . . . . . . .
خادم اهل البيت عليهم السلام
عمار العيساوي الكربلائي





#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

____
لمن يجد صعوبة بالحن اطلبه من

ـــــــــــــــــــــــــــــــــــــــــــــــــــــــ
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA