#قصائد_العليله_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



المواجع
* السيد
هادي الموسوي الناصري

جرح يفتح مواجع.؟.إلهي ادعي راجع.؟.وأنه الضحكاته جايع.؟.تهيج اجروحي بيّه
تظن تملي صورهم.؟.النظر يجروحي منهم.؟.إذا طوّل بْعدهُم.؟.ترد إلوحشه ليّه
*
عله بالي.؟.السوالف من تمر ماتنمحي سنين
أ.يا.حالي.؟.أطيبن لويمر بي ذكر الحسين
أحن إلصوت إلزغار.؟.أفتر وحدي بالدار
صور متفارگ عيوني.؟.ترد بيّه المواجع
*
ابسفر راحوا أهلنه.؟.چانوا يمي جنّه.؟.خذَوا كل المحنه
تظن بالفرگه سهله
أصير إبليلي شمعه.؟.تسيل وياهه دمعه.؟.وجعه ابكلبي وجعه
ليلي إشلون أحمله
شأكابر.؟.بالبچي هم يرجع الراح
تسافر.؟.والسفر بي زحمة إجراح
تره كلبي يشب نار.؟.بعدشتفيد الأعذار
سفرهم تعّب ظنوني.؟.أحسّب يمته راجع
*
صور بأحلام العيون. ؟.مشوا ماظن يرجعون.؟.عليله إو بيّه إشلون..؟..ابوي اليوم أريده
كمربالمستحه يطوف.؟.أشوفه إبحلمي مخسوف.؟.عطش بإشفافه إيطوف.؟.بعد شنهوا إليفيده
أظل دوم..؟..تسولف لك دموعي وآنه خرسه
والهدوم..؟..ثوب اسود عليك العمري ألبسه
بعد مابيّه اون حيل..؟..يظل حزني تراتيل
عله الراحوا إوعافوني..؟.تظل بيّه الفواجع
**
الحمد لله رب العالمين

✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_العليله_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


بويه اتاني جيتك ........................ عذبتني غيبتك
مسافر بعيد يبويه مسافر بعيد
..................................
بويه من يوم الرحيل ما نشف دمعي ويسيل
ما بقه عندي خليل .............. حن عليه
ما خذتني من مشيت بست ايدك وانحنيت
ما يصح بيدي وبجيت .......... مو بديه
عمري ابقه محيره ............... وما نفع دمعي الجره
مسافر بعيد يبويه مسافر بعيد
...............................................................
ماخذ الروح ومشيت وانه بجروحي اكتفيت
فزت عيوني ولكيت ..... .. ماكو انته
عمري خصلته انتظار من خذت اصعب قرار
ولا بقه عندي اختيار .......... موتي سكته
سنيني تخلص بالدمع .................. وادري لا ما ننجمع
مسافر بعيد يبويه مسافر بعيد
...........................................
ارد اكلك يالبعيد غيرك انته ما اريد
عندي جيتك بويه عيد ... يالعفتني
اتحملت اقسى عذاب من بده يوم الغياب
انه وي هذا المصاب .... عذبتني
غالي واغله من الهوه .................. يمته نتجّمع سوه
مسافر بعيد يبويه مسافر بعيد
..................................................
ذبلت كل الورود بويه اتنطر تعود
تخلي بوسه اعله الخدود ...............امنياتي
كلبي ما ساعه نساك وانه اتنفس هواك
نجمه خليني بسماك ................ يا حياتي
بويه كافي من البعد ..................... انتظر يمته ترد
مسافر بعيد يبويه مسافر بعيد
........................................................



ابعث بجنح الحمام مني اهديلك سلام
كلبي فايض بالهيام ........ يا حبيبي
ليش باعدنه الزمان وما بقه بس الحنان
يا حضن دافي وامان ..... يا نصيبي
جم رساله ابعث الك .............. بويه رد اتوسلك
مسافر بعيد يبويه مسافر بعيد
...........................................................
امنيتي وحده بهالحياة اطبك جفوني وابات
كبل يوم النايبات ............. كون اشوفك
انته يا اغله حبيب وانته لجروحي طبيب
جم شمس راحت تغيب ........... يم طفوفك
عمري خلصته انتظر ....... ابقه اتانيك اشكثر
مسافر بعيد يبويه مسافر بعيد
......................................................
نسالكم الدعاء
علي صادق المجراوي
26 رمضان 1439


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_العليله_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


من وحي العليله ((روح الحياة))

بغيـبتك حـانت وفاتـي
الفاتحه اقريت الحياتي
ليش تتركني وتروح يالجنت للدنيا روح
الفاتحه اقريت الحياتي
¤¤¤¤¤¤¤¤¤¤¤¤¤¤
بــنتك ياحُسـين وأنــته تـدريني
عليله وغير شوفك مـا يشافيني
ترضه بهل وضع وحدي تخليني
وچنت اتمـنه بچفوفك تداوينـي

بروحتك كثرت جروحي
وراحت اويالظعن روحي
منهواليداوي الجروح يالجنت للدنياروح
¤¤¤¤¤¤¤¤¤¤¤¤¤¤¤
انتهــت دنياي بعدك يا أمـــل دنيــاي
انطفت شمعة حياتي وأظلمت عيناي
وحتـى الماي بعـدك ما روانـي الماي
لأن سـرّ الحــياة انتـه وچنــت رواي

ضاعت أيامي وسنينـي
بغُربتي ونوحي اوحنيني
بحسرتي اهتف وانوح يالجنت للدنياروح
¤¤¤¤¤¤¤¤¤¤¤¤¤
چنت اتأمـلك ترجــع ينـور العـين
ولا أسمع خبر مذبوح ابوچ احسين
ولا أنظــر دمه تبچــيلك الكونين
لچني استسلمت لآمر القدر والبين

كربله حجبتك عني
وخيبت يابويه ظني
وهدمت كل الصروح يالجنت للدنياروح
¤¤¤¤¤¤¤¤¤¤¤¤
غبت عني ومسيت بهمي والامي
واسّودت يبـويه اغـيـابك أيامـي
وگلبي دامي يالجسمك بُقه دامي
وسفه ضاعت بعد عيناك أحلامي

ياذبيح من أذكر اسمك
للصـدر ياريـت أضُـمك
شخصك اگبالي يلوح يالجنت للدنيا روح
¤¤¤¤¤¤¤¤¤¤¤¤
يابحـر الحــــنان وتلـطُم اجروفك
تشهد چانت الدنيا اعله معروفك
صدك يابويه بعد بعيني ماشوفك
وصدك ياوالدي ما قبّل اچفوفك

انختمت ايامك يغالي
وبـيتك ابلــياك خالـي
أبالي ذكرك مايروح يالجنت للدنيا روح



وزن النص (تجليبه)

خادم أهل البيت ع
الشاعر زيد الكاظمي



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_العليله_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


يالمشيت وياك أخذت العافيه.
وهاي جم ليله التمر ماغافيه

رسالات .. و دمع شاهد محاجيها
حرامات .. الرسالة يگول تاليها!!

وياك اخذت العافيه
************
شجم رساله بتالي ليل اكتب يالحباب
شگد مواعيد انتهن يم عتبة الباب
شجم سؤال وبالدمع يدور اعلى الجواب
وجفن عيني بغيبتك من السهر شاب


حيل مشتـــــاگه وردت نتلاگه
بكل رساله اني اكتبت مشتاگه

المسافات .. يكونك ترضه امشيها
حرامات .. الرسالة يگول تاليها!!

وياك اخذت العافيه

***********"

دمعــــــه دمعه ابغيبتك يخلص نهاري
بشوگ گلبي وتعب روحي الله داري
حــيل مابــيه وشــلع گــلبي انتظــاري
من شتم اهدومك اهيد واتــطفه ناري

اشتم اهدومك واون وابجيلك
بويه ارجع يمن فدوه اغديلك

انكسارات .. روحي بدمعي اباريها
حرامات .. الرسالة يگول تاليها!!

وياك اخذت العافيه

*****************

اهدومك اشتمهـــن وانوح وهذا حالي
و حرگت اگلــيبي يـعرفها الفگد غالي
تحت رحمــة طيف وجهك واللــيالي
عايشه وبلكي ابحلم اتمـــر على بـــالي

طيف بويه بكل فجر تانيتك
ابنيتك اني وبالدمع حاجيتك


جراحات .. وحزينه الروح تدريها
حرامات .. الرسالة يگول تاليها!!

وياك اخذت العافيه

***********"
ياحســــين ابغيبتــــك حــال الگلب حال
حزنـــي بويــه اعله الضعــينه ايهد الجبال
مدري ليش ابكل صبح تتراوه الي اغلال
وچني اشـــوف بأيد زينــب عگدة احبال

تاخذ الروح وتردها احلامي
ظلمه صارت يالحنين ايامي


المنامات .. تجي لروحي وتبجيها

حرامات .. الرسالة يگول تاليها!!

وياك اخذت العافيه

************

احســب ايام انــــتظـــارك لـيله ليله
والله مكسورة گلـــب حـــيل العليله
المغرب ويعصرني گلبي ودمعي اسيله
و ياحســين فــــراگ وجهك مالي حيله


عنك اسأل من اذا اشتاگلك
وانت تعرف يالحبيب اشتاگلك


كلامات .. دمع مو صوت يحجيها
حرامات .. الرسالة يگول تاليها!!

وياك اخذت العافيه

***********"

خالد عبد الساده البديري



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_العليله_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


من ابتدت ساعة سفر
وياها ابتدت ساعة قهر
والچلمه چنها بلا جنح
من تنحچي شو تنطرح
والدنيا ليل بلا صبح

ساعه سفر ساعه سفر
………

عود اني صفطت الهدم
وبهدومي وجروحي ألم
ينظرولي نظرة بچي
بس انه خجلانه ابتسم

حسيت فرگاهم بده من حسيت
مدري شوگع بالگاع وانه اختليت
لاگاني ابوي بوجنته جرح دموع
وبحضينه گعدني وبچيت وونيت

تعبانه گلي معلعله
بويه بعيده كربله
وألتمت عيون الاهل
صعبه اليظل بلا امل
ومتاعي فليته بفشل

ساعة سفر
……

كلهم عليه تباوعو
حسيت اخوتي تلوعو
لبسن عبيهن وألتفت
وبروحي أگولن هامشو

وسكينه تتباوعلي ودنگ راس
ونتبادل النظرات ونفاس انفاس
وعمي الگمر گلالي لا لاتبچين
لازم اردلچ كون روح بعباس

شو گلبي حار ومابرد
زاد الدمع بعد وبعد
ظليت حال المبتلي
غفله ومشو عني هلي
لا من علي ولا ابو علي
ساعة سفر
………

طلعت رقيه وعمتي
وياصفنتي بنص صفنتي
ظليت اشد رمش برمش
تعاندني تنزل دمعتي

طلعت چلمتي مكسره كلها جروح
ها عمتي يعني انه اظلن ماروح
البوشيه نگعت بالدمع من ام عون
وتريد تحچي وتختنگ منهه الروح

وشبگتني ونفجرت بچي
وبدموعنه صار الحچي
عافتني ودموعي جمر
وتشگگ بچفها العمر
والضعن چن ماينتظر
ساعة سفر
……… .

غصيت بالماي الشرب
چه وحدي بالدار وغرب
هو اليفارگ جم نفر
كلهم هلي راحو صعب

والمغربيه الغيرت مني اللون
جنازه راحو وانه حال المدفون
شگد صيحت والصوت يرجع بهداي
للموت اهلچ راحو وميرجعون

وهدومي سود محضره
لا ماترد اهلي تره
لامن ابو ولاخوان
عطشان وبصف عطشان
والظيم ماشاله انسان
ساعة سفر
…… ..

وعيوني ماترضى تنام
واحلامي خيل وايتام
فززني سوط وانضرب
وبطيوفي محروگه خيام

عشت الحقيقه بنومتي واللوعات
واگعد واديه مجرحه من الطيحات
وچفوفي ماينسدن وبذني دموع
وصريخ بذني يصيحن المحترگات

ومعصب اديه ينعصر
ومجتفه من العصر
ومتاعي اشوفن منهوب
وفوگ الرمح چم محبوب
وچم جسد عاري بلا ثوب

ساعة سفر




عبد زينب
محمد الابراهيمي


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_العليله_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ

أوقات العـصر
****** الســـيـــد
هـــادي الموسوي الناصري

تـجـرح اوقـات العـصـر..؟..مـوسفـر هــذا هجـــر
هلي ياهلي..؟..هلي ياهلي
**************************
يالمشيتوا..؟..أقسم عليكم هــلــي إبكسرالضلع
مادريتوا..؟..چلمة إمسافر تـــره مـو بس دمـع
جرّحيتوا..؟..خاطري المكسورمن هذا الوضـع
موعميتوا..؟..نظرة اعيوني إلتهل دمع الشمع
والدمع ينزل جمر..؟..مـوسفرهـذا هجـر
هلي ياهلي..؟..هلي ياهلي
**************************
بويه بويه..؟..أمـرلوصـار اعله بنتك نفترض
بويه بويه..؟..كبل چنــت أوياهه دلال اونبض
بويه بويه..؟..چلمة اللـــه اوياك صعبه تنلفظ
بويه بويه..؟..خذني ماأصعد إبل أطوي الارض
عني ..لا.. لا.. تعتذر..؟..موسفر هذا هجر
هلي ياهلي..؟..هلي ياهلي
**************************
ودعاني..؟..وحدي ماعندي كفيل إيطفي وني
ماخذاني..؟..عمي زينب من كفلهه ماكفلــني
حيراني..؟..ليش ماجاني اخاف استحه منــي
أبقه أعاني..؟..كل معاناتي ونين أوياهه حني
تالي عالباب انتظر..؟..موسفر هذا هجر
هلي ياهلي..؟..هلي ياهلي
**************************
لاتـسافـــــر..؟..بويه اجل سفرتك دربك خـطـــر
بالمشاعــــر..؟..يوم يومين إويظل بس الأثـــــر
كلبي شاجر..؟..تجرح أعيوني جرح ذيج الصور
هذا صاير..؟..إتعوف طفله تشبه أمــك بالنظــــر
لاتـظم عني إلأمُـر..؟..مـوسفرهـذا هجـر
هلي ياهلي..؟..علي ياهلي
**************************
يـابُعــدهـــم..؟..شوفة أهــل الدار للعــلّـه...دوه
بيش أردهم..؟..راح أكول البيت موحش للضوه
حتى أعدهم..؟..راح أكلهم ضيعت يهلي الهــــوه
شنسه منهم..؟..وي رقيه چنه من نلعب ســــــوه
راح وياهـه العمـر..؟..مـوسفر هذا هجـر
هلي ياهلي..؟..هلي ياهلي
**************************
لن إجاني..؟..خبر من حسين مكطوع النحـــر
روعانـي..؟..وجه هاي الدنيه ظل ابلا كمــــر
سمعاني..؟..تلطم اصفاح النهر سبع النهــــر
ﭽا شتاني..؟..بس ضعن مفجوع بأيتام اوقهر
الله ينطيكم أجــر..؟..موسفر هذا هجــر
هلي ياهلي..؟..هلي ياهلي
**************************
الحمد لله رب العالمين
ديوان
دموع الهاشميات
الجزء الثالث



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_العليله_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


((من وحي العليله))

بلوعه وشهگة أنفاس
عنّــك أنشد الناس
شو طال السفر
***
ليلـي ماينوصف حــاله وﻻ نهـاري
من طلع ظـعنك يغالــي للبــراري
دار وحـشه بغــيبتك يابــويه داري
وحدي ظليت بغرب طال انتظاري

وحدي بداري ظليت
واظلم بعدك البيت
ياضـي النظر
****
حِرت بهمومي وگلت إلمــن اناشـد
ابد ما شافه غليلـي بخـــبر واحـد
والنفس نازل بحسره بحسره صاعد
باﻷهــل يمــته يــرد ســـالم الـوالد

رُفعت اچفوفي لله
ربنه الباري انخاه
ميخيب بشر
****
ارفعت للباري چفوفي وأشتكيله
صحت ياربـي أنه طفله وعلــيله
غاب أبوي وغَيبته صارت طويله
اورجعته چــنها يربـي مستحيله

تبقه بكربله الروح
يبقه گلبي مجروح
بجروحه انتظر
****
أنــشد النــاس وخــبر مــنك أتـاني
وبعـدك أتأمل تـرد ويــرد زمانـي
بكسرة الخاطر بُقيت احسب ثواني
صرت مرهونة حزن والهم لفاني

دارت بـيه الايــام
چن يمسح عله الهام
بچفوفه القدر
*****
يعني حان الموت بـويه وما تجيني
وحجب يحسين القدر بينك وبيـني
بس يغالي اطلب بشوگي وحنيني
ترد لو لحظه ويشوفك نظر عيني

اطلب ياضوه العين
وجهك بويه يحسين
لـو منــك اثر



وزن النص (مثلث)

خادم أهل البيت ع
الشاعر زيد الكاظمي



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_العليله_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


قصيدة نزلة ... في رثاء فاطمة العليلة عليها السلام


ضوه العين .. رحت وين .. بويه لا تنساني
صـحــت آه .. وويـــــلاه .. والمـرض اذّاني
____

عايف گلبي مجــروح
بويه ودمعي مسفوح. واتـنـطّــر تجينـي
اسهـر ليـلي ما نـام
بويه لوجهك احتام. مر طيف عله عيني
يحسين بويه مشتاگ
گلبـي ونـار الفـــــراگ تچويني بحنيني

بالوداع .. عُمر ضاع .. والهجر بچّاني
صحت آه .. وويلاه .. والمرض اذّاني
____

طفله ودمعي سچاب
ماخـذ كل الاحبــــاب. عايفني بمكاني
عـمّـاتـي وخـواتـي
چـانـن كل حيـاتـي. ابعدهن زماني
بدارك ابقه چا ليش
بعدك تدري ما عيش. ما اصبر ثواني

ترحلـــون .. تغيبون .. ما تعاود ثاني
صحت آه .. وويلاه .. والمرض اذّاني
_____

اقره الفاتحة هواي
تسهيـل امـرك بهاي. ترجعلي بسلامه
ادعي وابچي ظلّيت
مظلم بـعـدك البيـت. كاتلني بظلامه
مارد كل خبر ليش
اصبر واقتنـع بيش ؟ ما وصلت علامه

تمنّيت .. ولا جيت .. گلّي من يرعاني
صحت آه .. وويلاه .. والمرض اذّاني
_______

خايف گلبي ملچوم
عيني عالدرب دوم. اتنـطّـر قدومك
بلكن سالم تـعـود
افرش دارك ورود. اتحضّر لَيومك
ادعي بدمعة العين
يارب رجّـع حسين. تسلم من خصومك

اتـانيـــك .. واحاچيك .. والدي شمتاني
صحت آه .. وويـــلاه .. والمرض اذّاني
________

خوفي لكربله تروح
تـوگـع بيــها مذبوح. بسيوف آل اميّه
راسك يبقه مرفـوع
نحرك بويه مگطوع. تنزف عالوطيّـه
وزينب تمشي للشام
هـيّ وكـل الايتــــام. عالهـزّل سبيّـه

صدگ صار .. والاخبار .. ذبحتك عدواني
صـحـت آه .. وويــلاه .. والمرض اذّاني

لحن ملا عمار الكناني / الزغار والكبار

سيد زيد الفحام
__________________________________


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_العليله_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



في حق العليله. ع


يحملون وانه اصد بعيوني
جني مومنهم ولا يعرفوني
-------------------------
وين اهلي عني ناوين. الرحيل
شلون اعيش ابدونهم لامستحيل
طفله هداني المرض مابيه حيل
وانه اموتن من اظل. يدروني
-----------------------
وين تمشي. اضعونهم وليا بلد
كلبي احسه تفطر وجنه نمرد
شلون لو. كوطر ضعنهم لو بعد
بسيف فركتهم هلي. يذبحوني
----------------------
اليوم جنهم عني ناوين المسير
مره اصفن مره اظل بعيوني ادير
ادري. لو راحو مشو ياناس احير
الدار وحشه. والاهل. عافوني
---------------------
زغيره يااهلي المرض هداني هد
كوطريتو. والظعن ماظن يرد
اعد بيام. الهجر كلساع. اعد
ذوبلن. من. البواجي اعيووني
-------------------
رحتو عني. الكربله وطال السفر
مارجع من. عدكم وجاني خبر
والله ياهلي. تره. كلبي انفطر
كون. اموتن وانتم. ادفنوني
--------------------
وحشه ظلت داركم هل مظلمه
من. بعدكم عسه بعيوني العمه
عل. هجر والنوح ماني. معلمه
دم يسيل. ويجري من اجفوني
---------------------
لشاعر. رحيم الصالحي


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_العليله_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



قصيدة في رثاء فاطمة العليله عليها السلام


يالماخذ احلامي. ومخلّي آلامي
ياوالدي يحسين. جاوبني رايح وين
يالماحذ احلامي 2
________

يالناوي ترحل بالاهل عايفني طفله بلا امل
ياوالدي ليش
لا عم بقه ولاظل اخو. طبع العليله بلا أبو
ما تگدر تعيش
لتگلّي صبري ياصبر. گلبي بغيابك ينفطر
اصبر بعد بيش
اصبر وداوي ياجرح. عايفني طير بلا جنح
طير بطرگ ريش

ناوي السفر وتريد. روح العليله تهيد
تسئل دموع العين. جاوبني رايح وين
يالماخذ احلامي 2
________

يابو الحنان الماله حد ما عـوّدتنـي تبتـعـد
كل يوم اشوفك
صدري اختنگ مابي هوه. گلبي شتعل نار انچوه
ما بيّه اعوفك
ياوالــدي عيـد النظر. خلّيني امشي بهالسفر
اعرف ظروفك
لا ينشغل بالك ابد. عالسفره اگدر ونّسعد
ما داعي خوفك

ارحل يبويه وياك ما احتمل فرگاك
يالماخذ الطيبين. جاوبني رايح وين
يالماخذ احلامي 2
_________

ويّاك اخذني مـروّتـك. معقوله تترك طفلتك
بدارك خلّيه
ماريد اعذبك والدي. منهو اليظل بعدك الي
باوع عليّه
محلاته ويّاك السفر. ما اشعر بظيم وخطر
ايدك بديّـه
آلامي تشفه بشوفتك. تنعش حياتي بسمتك
يالتدري بيّه

يابويه وعيونك. ما اصبر بدونك
دمعاتي عالخدين. جاوبني رايح وين
يالماخذ احلامي 2
_________

ياما نخيتك ايّست. تتركني بويه قررت
عني تسافر
خلّيلي عبدالله الطفل. بلكي بوجوده انشغل
يملي المشاعر
تتركني وتسافر رحت. ياوالدي الغالي صحت
مكسوره خاطر
من بعدك ابقه بياوضع. لاشك يبويه من الدمع
تعمه النواظر

تجرحني آهاتي. وتچويني دمعاتي
تشبگني بالچفين. جاوبني رايح وين
يالماخذ احلامي 2
__________

ظعنك مشه وحيلي وگع. وعيوني غرگت بالدمع
يالفارگتني
ماخذ خواتي وكل هلي. عايفني طفله بلا ولي
عدمن عفتني
مو بيدي امنع واعترض. للهم عفتني وللمرض
ريتك شفتني
طَوّل غيابك يالغبت. سهرانه ليلي ومانمت
يالحيّـرتنـي

حس گلبي وتألّم ما ترجع اتيتّم
لتگلّي لا تبچين. جاوبني رايح وين
يالماخذ احلامي 2

سيد زيد الفحام
____________________________


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_العليله_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


عفتوني ليل ابلا گمر تدروني مومالت سهر
ملتني كلها امن النشد وانتم ولا منكم خبــر
ـ.ـ.ـ.ـ.ـ.ـ.ـ.ـ.ـ.ـ.ـ.ـ ـ.ـ.ـ.ـ.ـ.ـ.ـ.ـ.ـ.ـ.ـ
دمعه دمعه احسب گمت مو لحظه لحظه
انا بنت النور ادورلي اعله ومضه
ازحوفي من يندگ الباب يصير ركضه
ياحسين تنام وگفه ابنيته يرضه
واليگضي ليله بدمعته ياهم يسولف قصته
ظل يبجي الحالي الورد. وانتم ولا منكم خبر
ـ.ـ.ـ.ـ.ـ.ـ.ـ.ـ.ـ.ـ.ـ.ـ ـ.ـ.ـ.ـ.ـ.ـ.ـ.ـ.ـ.ـ.ـ.ـ
الله من الماي جاعل كلشي بي روح
بس اليه الماي صاير موت واجروح
شگد جبير النوح وانه ازغيره عالنوح
ماكو شي ظل بيه سالم الكم ايروح
گلبي طفل جن منذبح والصوت يطلع بي جرح
اطلع واگولن ماارد. وانتم ولا منكم خبر
ـ.ـ.ـ.ـ.ـ.ـ.ـ.ـ.ـ.ـ.ـ.ـ ـ.ـ.ـ.ـ.ـ.ـ.ـ.ـ.ـ.ـ.ـ.ـ
اعطش وبالماي اشوفن يهلي نيران
مااشربه وخاف اگول حسين عطشان
يمر عبدالله اعله عيني وجهه ذبلان
واعصر ادموعي وطشهن گلت قربان
بلكت يوصلها الهوه. العبدالله وايگلي ارتوه
الحر ادعي يتبدل برد وانتم ولا منكم خبر
ـ.ـ.ـ.ـ.ـ.ـ.ـ.ـ.ـ.ـ.ـ.ـ ـ.ـ.ـ.ـ.ـ.ـ.ـ.ـ.ـ.ـ.ـ.ـ
يطول يهلي الليل عالفاگدله غالي
بيه مافكرتو شمسويتله الليالي
ياهو انشده اعليكم اينوح اعله حالي
الباب ظل ينشدني حزنج ماله تالي
الباب الخشب ليّه بجه والسان ماعنده وحجه
يسمع عتابي امن انفرد وانتم ولا منكم خبر
ـ.ـ.ـ.ـ.ـ.ـ.ـ.ـ.ـ.ـ.ـ.ـ ـ.ـ.ـ.ـ.ـ.ـ.ـ.ـ.ـ.ـ.ـ.ـ
مدة الغيبه عليّه الليله سنتين
ماتن امن العد ولاجن عندي جفين
ردت الهيهن گمت خيطت ثوبين
واحد العبد الله والثاني الضوه العين
لختي رقيه الغاليه ادعيلها بكل ثانيه
اقراها وتنوح الحمد وانتم ولا منكم خبر
ـ.ـ.ـ.ـ.ـ.ـ.ـ.ـ.ـ.ـ.ـ.ـ ـ.ـ.ـ.ـ.ـ.ـ.ـ.ـ.ـ.ـ.ـ.ـ


علي محسن الزيادي


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_العليله_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



منهاج محرم الحرام ١٤٤٠ هجري

ليلة مولاتي فاطمة العليلة عليها السلام


تهاجر يغالي تغيب اعله عيني

حزينه الليالي وأريدك تجيني

مشتاگه يا بويه يحسين

……………………………………………………………………………………

أحسب أيام وليالي إنتظاري الشوفتك
روحي ويا الضعن ظلّت لاتظنهه عافتك
تدري مشتاگه يبويه روحي هيه الرادتك
الصوتك لأسمي يكول المشْيتك والوگفتك

عليله وأتاني ولا عندي راحه

أساهر أعاني ونين ونياحه

مهمومه يا بويه يحسين

……………………………………………………………………………………

بويه والمثلي عليله بيش أشد حيل الصبر
شتنتظر گلي يغالي ليش تتحمل هجر
عيوني مشبوحه يبويه والمدامع من جمر
خاطري چا ترضه دونك يا حبيبي ينكسر

بعذابي وأكابر عزيز إنته عندي

يبويه شتاني الدمع يچوي خدّي

محتاره يا بويه يحسين

……………………………………………………………………………………

طيف لو منك لفاني شلون اشوفه بيا جفن
ما غمض لحظه بغيابك والگلب تدري يحن
يگضي بالحسره نهاري وأبقه كل ليلي أون
وحشه كل ليلي يبويه آه منّه من يجن

أراقب قدومك أمل عندي ترجع

ولا أدري يومك ولا روحي تقنع

إرجعلي يا بويه يحسين

……………………………………………………………………………………

عادت المشتاگ يسأل لو حنينه يبتدي
وين أسأل إلمن أسأل حايره يا والدي
بويه فدوه أهديك عمري الك فدوه ينهدي
گلبي إلمن ها يبويه الياهو غيرك يفتدي

الك فدوه عمري يغالي عليّه

غدر بيه دهري خذاك امن اديه

جاوبني يا بويه يحسين

……………………………………………………………………………………

كل مسافات البعيده تختصر شوگي الك
عن بُعد يا روح روحي هالمسيه أسألك
ترجع ويخلص غيابك لو أجيك وأوصلك
ما وصل مرسال منك أنتظر واتأملك

جرح ذكرياتك يفز من أذكرك
يبويه وحياتك يأذيني هجرك

حاچيني يا بويه يحسين

……………………………………………………………………………………

كل أمل بعيوني يصحه وبالمدامع ينكتل
وانه گتلك بويه خذني مدمع الحسره يهل
إطلب شما ردت مني يالوداعك مو سهل
أفرش فراشك يغالي لو أهز مهد الطفل

گلتلي يمر بيچ أخوچ إويا عمّچ
تجيني وأتاني يمن همي همچ

منتظره يا بويه يحسين

……………………………………………………………………………………

تجرح خدودي دمعتي حيلي كله ينهدم
ما أظن ينصفني دهري والأماني تبتسم
هسه إحساس الغمرني چنّه إحساس اليتم
كلشي ميهمني بدونك انته بس انته المهم

ردت هذا صوتي تسمعه وتباصر
گرب مني موتي وردت انته حاضر

الحگلي يا بويه يحسين

……………………………………………………………………………………

خادم الإمام الحسين عليه السلام

عمار هليل الواسطي

محرم الحرام / ١٤٤٠ هجري

✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_العليله_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



ياسالفة غيبة هلي سلتني هاي الســــالفه
لوكلهم ايردون الي لو وحدي اموتن حالفه
هُمه الردتهم ماردت ذكـــــره
يوميه اموتن واحيا الف مره
ــــــــــــــــــ ــــــــــــــــــ
السالفه البيها محنّـــــــــه مايملها السانك
البيها طروه اعزاز گلبك تطفي كل نيرانك
لو تناطر ماي تفتر ماتظل بمجــــــــــــانك
من تگول امتاني لازم كون صفره الوانك
بالماي اشوفن صورتي مو انــه اگول وحايره
مابيه لون امن الســهر بالصافي اخبط صايره
دنياي مدري اعيوني الصفــــــــــــــره
يوميه اموتن واحيا الف مـــــــــــــــره
ــــــــــــــــــ ــــــــــــــــــ
مره اعد بدموع عيني ومره اعد بيــــــامي
ومره اعوف السهر واغفه وانتظر بحلامي
بلكي اشوف اهلي واهيدن شو تزيد اسهامي
بكل حلم نار وسبايا وصوت يصرخ ظــامي
من عيني يتبده الحلــم لو صحت يهلي شلونكم
بحجايتي اعثر لو گلت ليمته ترد اضعونـــــــكم
ملاّنــــــــــــــــــــــي كلشي وانا منتظره
يوميه اموتن واحيا الف مـــــــــــــــــره
ــــــــــــــــــ ــــــــــــــــــ

مره اعاتب مره اسامح واحجي ويّه اعيوني
اهلي يدروني مريضه ليش مافگدونــــــــــي
مو ابنيتهم غريبه حتــــــــــــــــى ماحسبوني
لاصدك ودولي طارش لاحلم زارونــــــــــــي
رجليّــــه موتها الزحـــف ياطالعه وياطابّــــــه
والسمه اشگد صبت مطر مومثل عيني الصابه
كل دمعه تنزل تنگلب جمــــــــــــــره
يوميه اموتن واحيا الف مـــــــــــــره
ــــــــــــــــــ ــــــــــــــــــ
كاتبه بدمعي رسايل بس اخاف اعليـــــــهم
مااودّيهن يجرحن حالتي اتبجيـــــــــــــــهم
راضيه ابعيدين عني وعايشه بطاريـــــــهم
سالمين المهم كلهم ظيم مامر بيــــــــــــهم
ميخالف اسهر وانتظـــــــر يستاهلون وراضيه
بشوفتـــــــهم يروح التعب حسبة ايام وگاضيه
يرجعلي حيلي وطيبتي بنظـــــــــــــــره
يوميه اموتن واحيا الف مــــــــــــــــره
ــــــــــــــــــ ــــــــــــــــــ
نار المناطر جبيره وانا طفله انحيـــــــــــله
صابره وكل ليله تخلص بلكي اگول الليـــله
الينتظر غيّــــــــــــاب مثلي اشمايشد بحيله
ينحني وطيحته صعبه المحّـــــــــــد ايتجيله
عطشانه واجدامي جمـــــر وامتوني مدري شمالهن
دم نحري يجري ابلا جرح مدري خواتي اشحـالهن
ماتن اديه اليمنه واليســــــــــــــــــــــره
يوميه اموتن واحيا الف مـــــــــــــــــره
ــــــــــــــــــ ــــــــــــــــــ

علي محسن الزيادي

✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_العليله_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ




في حق العليله. ع

عفتوني وحدي بداركم. مكطوعه عني اخباركم
ياهلي طولتو السفر. مارجع من عدكم خبر
مكطوعه عني اخباركم
---------------------------------
انتظركم. وحسب ايام. وليالي
وفكري يمكم ياهلي ومشدوه بالي
حالي حال الفاكده وماعدهه والي
طفله انه والمرض غير. احوالي
ترجعون اكولن وانتظر. حسبات بكليبي شكثر
كاعده وعيني عله الدرب. وتسألني الناس الغرب
مكطوعه عني اخباركم
-----------------------------------
ياهلي. لمن مشه وكوطر ركبكم
اتمنه لو اخدم انه كون بظعنكم
لمن اتكعدون بيدي افرش الكم
وسكي كلمن يعطش وسكي ابلكم
عبدالله اشيله لوتعب. ولا ملن ابطول الدرب
عفتوني ليش امحيره. والدار وحشه مكدره
مكطوعه عني اخباركم
-------------------------------
كل. مجان البيه. اذكر. كعدنه
انه وي. اخواني سولفنه ولعبنه
وذكر الضحكات مرسومه اعله خدنه
وهسه ياوسفه الزمن طشر شملنه
مذبوحه بيه الفرحه. واليل ماطر صبحه
تأخر ومارد الظعن. وبروحي حسرات ومحن
مكطوعه عني اخباركم
---------------------------------
من يجي اليل ويمر ماتغفه عيني
بلجي اكولن بالحلم طيفك يجيني
لهلي اشتاكيت وبروحي حنيني
وانه. ليل. ليمر مابطل. ونيني
عل باب اباوع وانتظر. تكلتني صفنات العصر
شيفيد بعد. العتاب. ياهلي طال الغياب
مكطوعه عني اخباركم
-----------------------------
وانه كل. طارش يمر عنكم اسله
دمعة اعيونه تصب لمفارك اهله
الدنيه من بعد الهل والله مذله
يعيش وحده بغربته العافاه خله
تدروني طفله زغيره. عفتوني ليش ابحيره
تأخرتو جاشنو العذر. مااحمل اغياب وهجر
مكطوعه عني اخباركم
-------------------------------
لشاعر. رحيم. الصالحي

✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_العليله_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


لا تنساني … لا تنساني
خلني أبالك ..... لا تنساني
… ..
يابوية احسين انه ابخـتك
لا تنساني أمحلّف بخــتك
ليل انــهار اتنطّـــر جيتك
لا تكسر كـلبي انه ابنيتك

ابنيتك اني … ابنيتك اني
خلني ابالك ..… لا تنساني
… ..
غيرك مالي ابهاي الدنيه
ارحـــم حالي وارجع ليه
افـراك يصعب حيل اعليه
مــا سولفلك حزن البيه

غيمه احزاني … غيمه احزاني
خلني ابالك ..... لا تنساني
…..

مشـــتاقتلك كـــد اســنيني
يالماخذ شوفـك من عيني
طــــال اغيابك يمــــبجيني
ترجـــع يمتى وتـــواسيني

عل بجاني … عل بجاني
خلني أبالك ….. لا تنساني
… ..
كل يوم ايــمر ياخــذ روحي
يالعايفــني ابهمي ونـــوحي
غيرك ياهو يضمد اجروحي
هجرك هدني وهد اصروحي

حيل اذاني … حيل اذاني
خلني ابالك ..… لا تنساني
… .

صوتي انجانك بويه اتسمعه
محتاجــتلك ردلي بســرعه
ما بطلّت اعـــليك الـــدمعه
لـــيل انهار الفــكدك انـــعه

اول ثاني… اول ثاني
خلني أبالك ..… لا تنساني
……
يابويه حسين ادري بحالك
تبجي اعليه وشاغل بالك
فكـــرك يمي ويــم أعيالك
كل ساعه اتمر أتراوالك

طيفك جاني … طيفك جاني
خلني أبالك ..... لا تنساني
… ..

عـــاذرتك ياضي اعيــوني
ما رحـت اوياكـــم عفتوني
كل خوفك جان ايهظموني
غصـــبأ عـــنكم ودعتوني

يا عنواني … ياعنواني
خلني ابالك .. .. لا تنساني



الحمد الله رب العالمين
اللهم صل على محمد وال محمد
موسى الخادم


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_العليله_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


منهاج محرم الحرام ١٤٤٠ هجري

ليلة سيدتي ومولاتي فاطمة العليلة ع

قصيدة (( نزلة ))

طيف منك لو تشاهد عيني

أرد أگلّه الكربله ودّيني

…………………………………………………………………………………

يلي صارت شوفتك بس بالحلم

بيش أشد الحيل لمّن ينهدم

حسرتي عالخد مدامع تنرسم

والهجر يا والدي ياذيني

…………………………………………………………………………………

يلي خذت الروح ويّاك ورحت

بغير إسمك يا حبيبي ما صحت

بويه شيّـبني البعد گد ما نِحت

نار هجرك بالگلب تچويني
…………………………………………………………………………………

تسعر النار وجمر مدمع العين

إنته تدري شگد أحبك يا حسين

وين جاوبني رحت يا بويه وين

اتيتمَت عگبك يغالي سنيني
…………………………………………………………………………………

سنيني حزنانه يبويه وأنتظر

علّمت حتى الصبر معنى الصبر

ياهو يوصل كربله أنطيه العمر

فدوه يا من شوفتك تحييني
…………………………………………………………………………………

أبقه أعيشن بس جسد ما بيه روح

إنچان ما أگدر إلك يالغالي أروح

حساب واحد صار عمري والجروح

ظاميه وبس چفّك ايروّيني
…………………………………………………………………………………

هواي مشتاگه إلك يا والدي

يبدي ليلي وحسرتي بي تبتدي

بويه وبروحي القدومك أفتدي

ما أظنّك يالأبو ناسيني
………………………………………………………………………………

روحي يعيوني عليك إمْعَلّمه

ولاهو طبعك تنسه بنتك فاطمه

دمعتي يا والدي سالت دِمَه

أنتظر يا مهجتي توافيني
…………………………………………………………………………………

خادم الإمام الحسين عليه السلام

عمار هليل الواسطي

محرم الحرام ١٤٤٠ هجري


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_العليله_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



منهاج محرم الحرام ١٤٤٠ هجري

ليلة سيدتي ومولاتي فاطمة العليلة ع

قصيدة بحر الطويل (( طور كربلائي ))

تانيتك يبويه هواي والدمعات بعيوني
لا عمي ولا الأكبر إجوني ويمك اخذوني
…………………………………………………………………………………

عليله والدمع من دم يا والدي ومهمومه
چانت وين يا بويه الي كربله مضمومه
من يوم الوداع الراح وانه بروح مهظومه
شتنطر يماي العين
حاجيني يبويه حسين
لي وين الصبر لي وين
زاد النوح والحسرات بيه وخابت ظنوني
…………………………………………………………………………………

مشبوحه على دربك عيوني ولا خبر منك
ياهوّه اليوصلني منو الينقل خبر عنك
ما ترجع يماي العين يا بعد الأهل چنك
بين الآه والحسره
عبره تسابگ بعبره
يبويه وداعة الزهره
وحشه العمر من دونك ابد ماتغمض جفوني
…………………………………………………………………………………

رحت والروح هم اوياك راحت يا بعد روحي
وينك والدهر خوّان بويه وما خلص نوحي
ما تهده وحگ عيناك وانته بلسم جروحي
جروحي بعد ما تهده
دمعي موالف الخدّه
والمضموم هم بعده
بعد شيصير يالغالي بالفركه انخطف لوني
…………………………………………………………………………………

مشه ضعن الأهل عني والعبرات ما راحت
روحي ذابت بفرگاك گد اعليك ما ناحت
بدرب الضعن مشتاگه الك حسراتهه صاحت
ارجع لا تيتمني
عليله من صغر سني
هاي الدنيه تعبتني
شيظل بالگلب گلي لو وياك خيعوني
…………………………………………………………………………………

عليك بفاطمه الزهره أقسم بويه ارجعلي
تحييني يماي العين لو يالغالي توصلّي
إذا مالك بعد جيّه يا ضي النظر گلّي
تره الحسرات تاذيني
تاخذني وتوديني
ماتت دونك سنيني
هلي چا وين منواهم المن ما يخبروني
…………………………………………………………………………………

رسالة شوگ يالمعشوگ بالدمعات اهديها
من ارض المدينه بنوح والكربله وواديها
الك كل محتواها يكون روحي الهجر ياذيها
تخبرك يالأبو ترجع
بويه الگلبي لا تفجع
دونك باقيه اتلوع
مراسيلك خلص گلبي اشوكت بويه يوافوني
…………………………………………………………………………………

خادم الإمام الحسين عليه السلام

عمار هليل الواسطي

محرم الحرام ١٤٤٠ هجري

✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_العليله_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



يللـــه ننعه ونلطــــم اثنيناتنه النحبـــــه وراح مــــن بيناتنه
والچانــــو ويانــــــه يگعدون راحو بعد لا مــــــــا يرجعون
هاي هيه
ــــــــــــــــــــــــــ
شو گاعده ومـالچ خلگ راح النذرتيلــــه العشگ
المــــن بعــد مـــا تبچين وياي اريــــــــد تلطمين لا موحلم صارت صدگ
سافـــــر ابــوچ وما يرد وياه مشو اربــــــع ولد
وراحن خــــواتچ تدرين المن دمع تجــري العين فارگنه حتـــى الـ بالمهد

خلينه نتگابل ســـــــوه خلينه احبابنه وعافونـه وشظل بينه
ايا مصيبه ايا مصيبه

جيّه ما الهــم بعــــد ونشوفهم واحنه ما نگدر مسيه انعوفهم
نار الهجـــــــــر بينه ميدرون راحو بعد لا مــــــــا يرجعون
هاي هيه
ــــــــــــــــــــــــــ
معلـــولـــه ادري ابعلّتچ بس المصيبــــــــه خلّتچ
لازم تصبيــــن ادموع ما ينحمل هالموضوع ما ظل بعـــــد واحد الچ
كلهــــم مشـــــو يمدللـه ظل بيتچ ابــــــلا عايلـه
هم بيتـــــي ظل بلا ناس راح اويه اخوته العباس كلهــــــــم خذتهم كربله

وصارت ظلام بيوتنه ابلياهم ياريت انه وياچ رحنه وياهم
للغاضريه للغاضريه

مالهــــم رجعـــه بعد لبيوتهم گلبي يعلم يحدي بيهم موتهم
بغيابهـــــــم نتصبــــر اشلون راحو بعد لا مــــــــا يرجعون
هاي هيه
ــــــــــــــــــــــــــ

كل غالي من عدهم رحل ما ظل بعــــــد عدنه أمل
حتـــى الصبر لا ميفيد بالطيف لو مـره انريد بينـــــه يمـــــرون الاهل
باچـــــــر يجي منهم خبر عباس طايـــــــح عالنهر
وعطشان مذبوح احسين بخيامـــه نـــار اموجرين وزينب تلـــــم جسمه وذر

وامــــذبّحين اعله الثره أنصاره وعياله يحديهه الشمر واشراره
صعبه الرزيه صعبه الرزيه

يـــــــا رزية كربلـه والامهه
بيهه زينب تنسبي وايتامهه
وخوانهه صرعـــــه يظلون راحو بعد لا مــــــا يرجعون
هاي هيه
ــــــــــــــــــــــــــ
لا مـــــا يرجعـــــولچ تره باچـــــر ذبايـــــح عالثره
وحسين بآخــــــر أنفاس صدره بحـــــوافر ينداس زينب على التــــل تنْظره
ويصعد على صدره شمر ماكـــــــو ضلع مابي كسر
وبكـــل ضلع يسحگ حيل ما يكتفـي بسحگ الخيل ويطلّـــــــع اعظام الصدر

وحسين عينه اعله الخيـم مشبوحه حد ما يحــــــز راسه ويطلع روحه
الله أكبر الله أكبر

وزينب اعله حسين تبقه اعيونهه اي لحـــــــد ما للسبـــي يحدونهه
واخوتهه لــــــــو يمهه يشوفون راحو بعد لا مـــــــــــــا يرجعون
هاي هيه
ــــــــــــــــــــــــــ

اي هاي هيــــــــه وانتهت عشرتنه وياهـــــــم گضت
ظلينه بس احنــــه اثنين ونجيبهم هســـــه امنين شيرجــع ايــــام المضت
خلينـــــه نبقــــه بهالبچي تدرين ميفيـــــــــد الحچي
غالي بعد غالــــي ايروح مذبــــــــوح ودّع مذبوح چانـــو عليهــــــم ننتچي

وگلوبنه انشلعت عگب فرگاهم نتحلّـــــــم يرجعـــــون نتلگاهم
خلص صبرنه خلص صبرنه

هاي هيه وانتهـــــــــت ايامنه واحنه تحدينـــــــه بقت الامنه
غالي بعـــــــد غالـي يموتون راحو بعد لا مــــــــا يرجعون
هاي هيه
ــــــــــــــــــــــــــ


الشاعر
علي عبدالله المفرجي

تمت بعونه تعالى بتاريخ 12ـــ9ـــ2017 بغداد


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_العليلة_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏يا عليلة ترا الشمر ما يرحم.. عليل!!

‏‌ #فاطمة_العليلة⁩
  .      🏴
ــــــــــــــــــــــــــــــــــــــــــــــــــــــــ

#قصائد_العليله_ع
#الليله_الثالثه

يا حسين اوداعتـــك مابيه فــرگاك
بالضعن خليني اروحــن بويه وياك
____
يالعشــت دوم ابدلالك اغفه بحضانك جنت
من نويـت اتروح بويه الدنيا بعيوني طفت
ما كلت بنتي عليله اشـــلون لو عــنها رحت
راح اگضي الليل ونه وگول من هـسه متت
ميته روحي ابفرگتك ما اكدر انساك
بالضعن خليـًـــني اروحن بويه وياك
___
اسرج الخيل ابضعنكم بويــه اشيلنه الطفل
راح تاخذ كل خــــواتي وانه ما لاگيلي حل
تاكل ابروحـي المواجع والدمـــع يبقه يـهل
وانه أحــسك ما تردلي وفرگتـك بيها زعـل
راح اضـــل ابحسرتي اتناك وارجاك
بالضعن خليـًـــني اروحن بويه وياك
__
يا صدى ابروحـي اسمعــــه والدج لا ما يرد
يعني من هسه استعدي مايرد ضــعن الورد
كون اموتن هســـه احسن بعد شيضلي بعد
هل سفر مابيه رجــــعه والمن اعيوني تصد
عمري ورده وذبـــلت ذبلها مـجــفاك
بالضعن خليـًـــني اروحن بويه وياك
__
مومريضه واگدر امشي انتَ بس گلي تعاي
مااتعبك يكفي شوفك يابعدشوفي وضواي
شوفتك يحسين هيه سلـــوتي بويه ودواي
باجر اعطش شــوف بويه ماريدن بعد ماي
بعد شــــــيصبرني بويه ووين الگاك
بالضعن خليـًـــني اروحن بويه وياك
_
باجر الليل اشيخلصه والعـــــليله ابلايه ابو
عني لو راحت اضعونك بعد لعـــــيوني منو
اخ يا ليلي وغربتـــــي والأهــــل عني حدو
رايحين وحالي يكلف ويلي يحبابي المـشو
روحي كلها اترد اذا مر بيــها طرواك
بالضعن خليـًـــني اروحن بويه وياك

_
المقصر خادم الحسين ع ناجي ابو كيان الصالحي ونسالكم الدعاء لي ولوالدي ٢٠٢٣

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_العليلة_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏يا عليلة ترا الشمر ما يرحم.. عليل!!

‏‌ #فاطمة_العليلة⁩
  .      🏴
ــــــــــــــــــــــــــــــــــــــــــــــــــــــــ
#قصائد_العليله_ع
#الليله_الثالثه


موش اولامي الفراگ
موش اولامي الفراگ


____

ليلي وغربة أحزاني. بويه انخطفت الواني
يالجافيني يالمبعد بــــعدك فاطمه اتعاني
ما بيه هجر تـــدري هُــجرك يذبح بعمري
ماعندي صــبر بويه يمشي اوياك كل صبري
موش اولامي الفراگ
موش اولامي الفراگ
___

مو عله الهجر علتي بويـــه ارحم ابونتي
وين اصبر بعد عينك صعبه تنفهم قصتي
نبضت روحي والعشره. روحي احتاجتك حضره
يا بعد الگلب انته مــــــــنك شافيه النضره
موش اولامي الفراگ
موش اولامي الفراگ
__

بويه وسارت اضعونك. وانظر منخطف لونك
شو حسيت يا بويه. عطـــــشان ويذبحونك
ماشـــي للذبح جنك يعذيـــبي الـهوه منك
گلبي اعليك ناغزني. ما ترجــــــــع اعرفنك
موش اولامي الفراگ
موش اولامي الفراگ
____

روحي الفرگه تجويها. ناري مـــــن يطفيها
واعيوني بعد طولك. بــــويه البچي يعميها
هجرك ماله كل جاره كلبــــــــي تستعر ناره
انه الروحي يحسيني ضلـــت بويه محتاره
موش اولامي الفراگ
موش اولامي الفراگ
__

من هسه طلع شيبي. بويـــه وزايد انحيبي
يا روحي بعد خلج ايســـي روحـي اطيبي
راح اليفهم اعيونج. راحــــت كلمة اشلونج
من هسه الحمل يثكل اهلــج من يعوفونج
موش اولامي الفراگ.
موش اولامي الفراگ
__
الخادم المقصر ناجي ابو كيان الصالحي ونسالكم الدعاء لي ولوالدي ٢٠٢٣


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi