2.مؤسسة منبريون لنشر القصائد🧿

#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤 الشاعر علاء الزيدي 🖤

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁

#رقيه

يـــارقيه بعد مانتلاكه يــــارقيه عذبتنه الناكه
الموت من يمي خذاج تعودت اشتم هواج
<><><><><><><><><><><><><><>
غصت اعيوني بدمعت اموادع كوه فاركنه الزمن
جنه من نمشي ايدج باايدي وحظن ابوج النه وطن
انه بت الكعد الفقره ابمظيفه
يارقيه انه خادمتج شريفه
جرحي مابطل تره بعدج نزيفه
وسيف الفراك الذبح بيه اعله كيفه
مانسيتج وياي لمن جنتي مانسيتج انتي اغله من اختي
من كثر ماكو بغلاج تعودت اشتم هواج
<><><><><><><><><><><><><><>
ليلت العاشر من تشابكنه عشنه ساعات الاالم
تهنه بالحومه كمنه نتصارخ حركو اعلينه الخيم
ايدج احتركت رقيه بنار الخيام
وانه كل ساعه اطيح اعثر بالاسهام
عالتراب احسين عمي شفته من نام
واحنه دلتنه اعله ابوج اثار العظام
والله حيره مطشرات اعظامه والله حيره عالتراب اعمامه
من لكيتيه ولكاج تعودت اشتم هواج
<><><><><><><><><><><><><><>
هجمو اعلينه كمنه نتراكض من اجه وكت الظلام
السلب ترجيتج مايخاف الله مايحب صوت الحمام
طفله ماكال وعمرهه اربع اسنين
نفسه هذا شفته لابس محبس حسين
كومي يم عمتنه كافي لا تونين
الدنيه ظلمه واعله كيفج لا تعثرين
شعدهه عمتي راحت الصوب النهر شعدهه عمتي اشو محنيت ظهر
بدمعتي اركض وراج تعودت اشتم هواج
<><><><><><><><><><><><><><>
الشمر سابينه بسوطه يظربنه علينه ماخله متن
الحبل طابع بيدج وبيدي الهسه من عنده نون
متنج ازرك يارقيه مثل متني
حيل خنكتني الخرابه اوعذبتني
لحظت اوداعج ثكيله وشيبتني
الشام ايالشام والله موتتني
انتي روحي وحيل بيج اتعلقت انتي روحي بفركتج يعني متت
طابع السوط ابكفاج تعودت اشتم هواج
<><><><><><><><><><><><><><>

الليل اخلصنه واشتم اثيابج دخان بيهن موعطر
جانت امنيتي ادعي تتحقق نندفن نفس الكبر
جرحي ديوان وخرابه وحزني خطار
واعتب اعله المكبره جي تاخذ ازغار
وكتي شو وياي شفته بالعكس دار
ذكرياتي وياج كلهه احتركت بنار
ذكرياتي بالحبل مجتوفه ذكرياتي كلهه شام وكوفه
مااعيش ابلا ظواج تعودت اشتم هواج
<><><><><><><><><><><><><><>
خيمه زوريني وشوفي احبابي كاعده بنص الصحن
بسمج اقرايه سوو اهنانه فاطمه وزينب اجن
الزهره وي زينب يحظرن هالعزيه
المجلسج يلـــــــــه تعالي يارقيه
حيـــــل اشبكج رايده بثنين اديه
خل اكحل شوفي بيج بهل المسيه
يالعزيزه البسمج ايحلفوني يالعزيزه انطي ذني اعيوني
النخاني جن نخاج تعودت اشتم هواج
<><><><><><><><><><><><><><>
تمت---علاء الزيدي

✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

250 viewsالناشر احمد الزوار, 05:34