#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

الشاعر ((ناجي الصالحي))

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁


#زينب الحوراء

#دنيه ليل والاهل كلهم نيــــامه
#دنيه ليل وانه المن باليتــــامه
ريحه من نار الخيم بعباتي اشمهه
هايه ايتام وصعب وحــــدي المهه
""""""""
ياهي حيره . اشلون اجمع هاليتامه وانه وحدي
اشكد جبيره. محنتي يا ناس هاي والله يــــدري
امشي اسيره. وانه بس وحدي وارامل اه يدهري
مو زغــــيره.بس يتامه ازغار عندي وضاع خدري
#دنيه ليل وانه وحدي بهل مسيه
#دنيه ليل صعبه ليل الغاضــــريه
روحي متروسه الم يكتل المهه (اوجاعها)
هايه ايتام وصعب وحدي المهه
""""""""""
وين اروحن. الليل هل بين ضلامه وماكو خيمه
شرد اكولن. بالبراري اطفال تاهت يا هضيــــمه
كمت انوحن. واعثر بٱجساد اخوتي وهاي هيمه
كمت اشوفن. ماكو جثه م̷ــِْن الاهل ضلت سليمه
#دنيه ليل صعبه ماعدنه محامي
#دنيه ليل بالجثث تــعثر جدامي
جم يتيمه ابلا ابو ضايع حلمــهه
هايه ايتام وصــعب وحدي المهه
""""""""""
طفله تحجي.اتريد ابوهه وهل اجه وكت المسيه
وحده تبجي. بين اسكتهه حرت والكه البقــــــــيه
صعبه تمشي. ازغيره ما تحمل مشي بنتك رقيــه
شاب رمشي. خويه من الضيم الجره وضلع الزجيه
#دنيه ليل صعبه نكعد بالخرابه
#دنيه ليل والابو انسلبت ثيابه
والوجوه من الشمس ضايع رسمهه
هايه ايتام وصعب وحــــدي المهه
""""""""""
حالي يصعب. وانه اعــثر بالجثث وعيوني تدمــع
دمعي من صب. يشكي آلام المصيبه وياهو يسمع
كلبي يلهب. خويه من اسمع يتيمه روحــي تطلــع
انه زينب. صحت وين اهــل الحميه بلكي تفــــزع
#دنيه ليل والحزن هــدم كيانــــي
#دنيه ليل ابلا اهل ضليت اعانــي
دهري بسهامه رمه روحــــي ولجمهه
هايه ايتام وصعــــــــب وحدي المهه
""""""""""
شمس غابت. وابتده ليل المئاسي ويه السبايه
بٱلم صاحت. كل الاطفال ومشت برض المنايه
روحي راحت. ونار الاخيام احركت حتى العبايه
تون كامت. روحي عالضلو جثث كلهم ضحايه
#دنيه ليل محنتي كلش جبيره
#دنيه ليل ميسره وجنت الاميره
دهري من شوفت هلي عيني حرمهه
هايه ايتام وصعب وحــــــدي المهه
""""""""""
بقلم المقصر ناجي الصالحي ✏✏
ونسالكم الدعاء




✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

#اكبر_قناة_لنشر_القصائد_مع_الالحان🔸🔸
https://telegram.me/joinchat/AAAAAD2cKU7dhy13L1EGYQ