#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#_السبي
#_السلام_عليك_يا_أبا_عبدالله
__________________________

سلامي يا هوه أمانه
سلامي للي مانسانه
سلامي للگمر حمانه
سلامي للگمر حمانه

&&&&&&&&&&__________&&&&&&&&

ياهوه زعلانه منك من وكت حرگ العبي
لچن مجبوره اكلفك تحمل ارسايل سـبي
انچان ماتعرفني آني اخت ابو الغيره الابي
بلّغه مـني تحيه وگـله يـحرسـهه اجـنبي
رسايل من وسط مقلتي
رسايل انكتبت ابدمعتي
رسايل خالصه الرجانه

&&&&&&&&&&&______&&&&&&&

ياهـوه گـله الليالي البيض تضوي ابكل شهر
مـا اشـوف الـبدر كـامل وگـمر هاشــم عالنهر
كل خسوف يطول فتره بس خسوفه ظل دهر
يـاهـوه گـلـه العـفـتهه الـزمـن شـبعهه قـهر
زماني اسهامه وصلت للعظم
زماني سـلـط اشـباه الــزلم
زماني اشـگد صـلف لسانه

&&&&&&&&&&&________&&&&&&&

ياهوه ارجوك اعله هونك من تصل للمشرعه
خـايـفه تلچم جـروحـه لـو وصـلت الـمـصرعه
ادري بس يسمع ابأسمي نـحره من دم مدمـعه
چـان اسـمي مـايـفارگ لـيله وحـده مسمعه
اكابر. اخت ابوالغيره انه
اكابر لوعدو مني دنه
اكابر. اومايطخ لوانه

&&&&&&&&&&_________&&&&&&&&

يـاهـوه لـمـن تـصَلّه سـأله بس هالـمسأله
گله هم مشتاگ لاختك بت علي المدلله
مـن حسرته اني اجزم راح تهتز كربـله
خويه لاتهتم تراني الغيره بيه امأصله
تراني زلزلت عرش الكفر
تراني ملحمة حرب الخدر
تراني حافظه المكانه

&&&&&&&__________&&&&&&&&&&
ونسألكم الدعاء
خادم اهل البيت (احمد الخفاجي)
#_محرم_الحرام
#دد


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA