#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤 الشاعر علاء المياحي 🖤


▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁

#حميده بت مسلم ع
فتحة مجلس ليلة الخامسه

ليلة الخامس محرم نستمع
الحميده الليله يتكسر ضلع
.....................................
أنتـــــــــــي يا أول يتيمه اتفارك الليله الحنان
انتي ازغر ورده بيهن فاركت حضن الامان
زغيره من حقج لعب مو يذبح ابعمرج زمان
يا بدايات المواجــــــــع موعد الاحزان حان
ليلة الخامس محرم نستمع
الحميده الليله يتكسر ضلع
...................................................................
انتـــــــــي اول دمعه تجري بقافلة حزن ودموع
وانتــــــي اول شمعه تطفي المسلم ابين الشموع
الليله ضلعج ينكسر يزغيره مـــن بين الضلوع
كل صباح اتهل دموعج راح ابوج بلا رجوع
ليلة الخامس محرم نستمع
الحميده الليله يتكسر ضلع

جــــم وداع اتودعين احباب من دون الزغار
مــــــره من خلاج ابوج اودعج للغربه سار
مـــــره من طاح الحسين وشبو بصيوانه نار
لــــــــو وداع اخوانج وكل الاهل ذاك النهار
ليلة الخامس محرم نستمع
الحميده الليله يتكسر ضلع


علاء المياحي
الفاتحه لروح والدي

✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤الشاعر موسى الخادم 🖤


▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁

#حميده بنت مسلم ع
يا عمي امسحلي اعلى راسي ... ماظن يردلي اغلى ناسي

بالكــوفة اشاهــــد ينذبح

وبصدرة نازف جم جرح

مات الابو مات

…… ..

يابو رقـية انــه بــت مسلم حمـــــيدة

امسح على الراس ابجفوفك يالصميدة

يتمني يا عمي الدهر

شفت الابو نازف نحر

بحلامي ما جذب خبر

مات الابو مات

… .

ياعمي شاهدت الابو بحلامي مذبوح

ذبلانه شفتة امن العطش عالغبرة مطروح

ليه اعتنيت ابلا  وعــي

سايل على الخد مدمــعي

والصوت اجاني المسمعي

مات الابو مات

… ..

عاينـــتة مشبوح النظـــر عالغاضرية

يمكــن تــوجه زارك ابــدمعــة شجية

جفينة ليك امسلمة

كاتب وصيتة بالدمة

أعذرني يابن فاطمة

مات الابو مات

… ..

يمة اعتنيت ابلهفتي وشلتة اعلى صدري

قبلتة بجفوفة الوفي ودمعاتي تـــجري

بحضيني نيمتة ونمت

وكل ساعة ابوسنة كمت

هذا  الحلم انه احلمت

مات الابو مات

… ..

يا عــــمي يحسين اليتم قصة الليمة

ما اكـــدر اتخيلهة أتسمـــة اليتيمة

الماعدهة ابو اتثوب دمع

يلجمهة كل ساعة الظلع

ما يسر خاطرهة الوضع

مات الابو مات


…… ..

الحمد لله رب العالمين

اللهم صل على محمد وال محمد



✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#عندما وصلت رساله من مولانا #مسلم بن عقيل إلى #الأمام الحسين اخباره بأن الكوفه قد بايعته .. وكان في الرساله وابلغ سلامي الى ابنتي #حميده فقراءه السلام #مولانا الحسين عليه السلام الى #حميده.. فقالت حميده مخاطبه



ما تكفي هاي الرساله شنهي حاله الضل مبتعد
لا بالصدك من اجاني بطيف اتاني انطر يرد
گلبي عليه ممرود ليليه اگول يعود انطر يرد
____

رجعله مكتوب انتضر
من دمعي الأحمر خط حبر
گله تناطر جيتك ذبلت حميده
گله تموت أمن القهر
گضت لياليها سهر
ما تگدر اتوصف حزنها ارصن قصيده

يابو الصبر مات الصبر
وحالي تراده بجفاك
بالطيف ادور عن وصل
وگعد وهم ما الگاك

يا حچي يكفي واكتبه بيه اندبه ويرد الي
يكسر بگلبه ويجيني تشوفه عيني شقسم علي
دمعاتي احطها اشهود ليليه اگول يعود انطر يرد
____

گله حميده تنهظم
فراگك نحل الها العظم
حيل انهظم لو طفله تغفى بحضن ابوها
للغايب بذاك السفر
طولي انحنه حنية ظهر
بنيتك تحير اعليك ثق لو ناشدوها

لو يدري شگد ادعي اله
وجتفي من رفع ايدي مال
يرجع يشوف ابنيته
حالي تراده اليا حال

مايدري طفله وتعاني شگد تتاني يرجع حبيب
من كلشي بيها اتشافه ترد تعافه الغايب طبيب
ليليه همي يزود ليليه اگول يعود انطر يرد
____

شيوصله مكتوبي إله
واصف تعطل ما اجه
أَصف يوصل دمعي إله وي الرساله
يا مالك الينبض تعال
يابو المحنه والدلال
جفوني التطيح ابعثهن لمسلم دلاله

وبأخرها اكتبله عشك
وابعثله أمن حروف الشوك
ليش العشك أصبح حزن
وحچيِ المصيبه اليلوك

حچيِ المصايب اكتبه ليه ابعثه شنهي الغزل
گلبي التحمل نوايب شگد مصايب صاير وصل
حبل الدمع ممدود ليليه اگول يعود انطر يرد
____

مشتاگه اشمه أمن النحر
يا عمي دلالي انفطر
البنيه تدري بلا ابو يذبل عمرها
گله يرد باقرب وكت
يعگوب انه الثاني صرت
بنيتك عمر گله افگدت لا مو نضرها

طبگت رمش عمري انطبك
أمن اهدك نسيت اسنيني
بلياك يا بويه اصبحت
عن نفسي انشد ويني

بلياك من نفسي اضيعن بروحي اتيهن وحشه الفله
خاف اوصل وما تجيني يا حنيني بطف كربله
شكد ادعي بالمعبود ليليه اگول يعود انطر يرد
____

يا عمي أيس لو يرد
باب العتب ماريد اسد
لو عين تسكت گلبي شنهي إلي يصبره
يا عمي معذوره أمن اون
گلبي انترس من الحزن
كلشي صفه البيه يتانيه وينطره

البنيه تدري بلا ابو
مكسوره مابين الناس
ونعم من ما قصرت
ولا قصر عمي العباس

لاچن ابوي الأريده لزمت ايده تسوه الحياة
بلا ابو تظلم حياتي بذكرياتي لحد الممات
جفوني تغيرن سود ليليه اگول يعود أنطر يرد
__

حسين سعد البهادلي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA