#قصائد_العليلة

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤 غيبتك ياحسين طويله
وفاطمه بنتك عليله🖤

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁


#تجليبه


علي خويه يالاكبر رايده وياك -- عليله ولاصبر وأصبر على فرگاك


--


علي خويه يالاكبر خل اسولفلك -- خويه اهلي نفسهم همه هم اهلك


ايعيفوني عليله شلون مو أهلك -- وأموت بدار موحش خويه هم يرضاك


--


يرضاكم يالاكبر من اظل وحدي -- أشكبرني وهاكثر احمل هظم چبدي


ما أگدر وحگ المرتضى جدي -- يومي لاعشت خويه عگب عيناك


--


فرگاكم صعب وآنه عزيزتكم -- وتطيب خاطري لوشفت لمتكم


مهيوبه يخويه ابهاي هيبتكم -- مكسورة گلب ما اظل اترجاك


--


ابلياكم أظلن بس جسد لاروح -- وعبد الله يخويه اوياك هم ايروح


دليلي على أغيابه مو يظل بالنوح -- و جفني اعليه بعد مايغمض ابممشاك


--


اتنطر يخويه لو بعد هيهات -- تعال أسمع ونيني وأسمع الآهات


ودمع عيني چواني بيه احس جمرات -- تجافيني وأختك ماتريد أجفاك


--


دنياكم يالاكبر لارحم بيها -- لأختك فاطمه ايتيمه تخليها


متهزك لمن تسمع بواچيها -- هم ترجع بعد للدار واتلگاك


--


سيد عدنان الحمامي



✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_مسلم_بن_عقيل

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤من سفير إحسين إطلب حاجتك وإلمُصابه خلها تجري دمعتك🖤


▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁


#تجليبه

سفيرالحق»


«تجليبه»


مسلم لمن ثــــار بالكوفــــه

يعلم ماله انصار بالكوفــــه

سلم امره لبن الزهره

مسلم لمن ثـــــار بالكوفــــه

*
مسلم يوم طب الكوفــــــــــــــــه يعرفها

هاي الناس دوم البيعـــــــــــــــه تخلفها

اشبــــــاه الزلـــم حيدر الـــــــواصفـــها

والأطمــــــــــــــاع عن العدل تحرفــــها

مـاعدها كل راي واقعها

ويـّـألــم اهــواي واقعها

اتخالف فكره لبن الزهره

مسلم لمن ثـــــار بالكوفــــه

*
فكراحسين لمن خلفته الكوفـــــــــــــــه

ابن عمـــــــه ابد هالفكر ميعوفــــــــــه

لبس لامة جهاده خلـــــي اتشوفـــــــــه

حمل راية علي اوبتاره بچفوفــــــــــــه

مسلــم المعروف بحروبه

مايعرف الخوف بحروبه

يعرف قدره لبن الزهره

مسلم لمن ثـــــار بالكوفــــه

*
انحراف الناس بأرض الكوفـــه اتوسع

مسلم شاف غيــرالحرب مــاينفـــــــــع

عزم روس الخيانــــه ابصارمه يگطع

عن اهدافــــــــه مسلم ابدا مايرجــــــع

اطبــــاع الكـرار حاملها

والغيره اوبتـــار حاملها

ناذر عمره لبن الزهره

مسلم لمن ثـــــار بالكوفــــه

*
مسلم ثـــار عالــم بالعواقب چــــــــا ن

يضل وحده غريب ابســــــــاحة الميدان

اهل كوفـه تعوفـــــــــــه نكرت الأحسان

اهل دنيــــــــــه انسلب منعدهم الأيمان

تبعت الشيطـــان هالوادم

منـــها الغدربـان هالوادم

هاي المره لبن الزهره

مسلم لمن ثـــــار بالكوفــــه
*

ابد مـاهـــــــاب ويد اوكثرة العسكــــر

عنده اطباع من عمــــــه الفحل حيد ر

يخنگ انفوس مسلم صوتـــــــه لوكبر

يخلي الجيش كلـــــه ابخوفـــــه يتعثر

احسين اللي رباه للشده

وامسلمـــه الواه للشده

اده النصره لبن الزهره

مسلم لمن ثـــــار بالكوفــــه

*
حمل حملة علـــــــــي مسلم ابو الغيره

اوحجرسجيل سيفه امطر علـــه الديره

خله الجيش طاح ابوهلــــــــه اوبحيره

اوبالميدان مالــــــــــــــه ناصرايجيره

كل الناس اعليـه ينظرها

بالحجرترميـــــه ينظرها

منهويخبره لبن الزهره

مسلم لمن ثـــــار بالكوفــــه

*
ياهواليـــــــــوم يگصد يخبـر المظلوم

يگلـــــــــــه طاح مسلم بالحفيره اليوم

اوبسيف الغدر حزت وريده الگـــــــــوم

عله امصابه اومصابك هل دمعنه ادموم

وابهاذي العزيات ننعاكم

واللوعــه اوآهات ننعاكم

تجري العبره لبن الزهره

مسلم لمن ثـــــار بالكوفــــه

*


العامري




✿كروب مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

#القناة_الرسمية_لنشر_جميع_قصائد_الشعراء

https://telegram.me/joinchat/AAAAAD2cKU7dhy13L1EGYQ

#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار


الشاعر (( ولائيه وافتخر ))
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁

#نزله ⚫️لعلـي الأكبـر⚫️
#تجليبه
*لسان حـال امـه ليلى*

{يـوليدي يالاكبر تبجي هاي العيـن}
{عمـرك يـالولد مـاوصّل العشريـن}
&*&*&*&*&*&*&*&*&
اريدنـك تظـل يـوليـدي لا لتروح
بعدك يـاعلي يظـل الگلب مجروح
ي شبـه المصطفى انته يروح الروح
◐عليك العيـن حزنانـة غّربت لاوين◐
❉❉✶✶❉❉✶✶❉❉
انـه امـك واريـد اربـاي يوليدي
تظلم كـل حياتي وماعّيد ابعيدي
حرمتينـي يـدنيـه منـه شتريدي
◐اصيحن يالولد وينك ينور العين◐
❉❉✶✶❉❉✶✶❉❉
ليـلـة اليـوم خـلونـة نــواسيها
اعلة ابنها العين مابطلّت بواجيها
اجـت كـل الحـرم دارت حواليها
◐وحظركافل خدرزينب واخوه احسين◐
❉❉✶✶❉❉✶✶❉❉
أون اعليـك يبنـي ونــة الثكله
يبو طول الحلو مثلك بعد ملگه
صعب فرگاك خله بالگلب حرگه
◐رحت يمة امن ايدية وخذاك البين◐
❉❉✶✶❉❉✶✶❉❉
اتحطمـت يــا علـي ويـاك امالي
مـاجنت انـه اشوفـن موتك اگبالي
تعـال ارجـع ييمـة وعايـن الحالي
◐غّربـت وشلـت آ يـالولد يحنين◐
▂▂▂▂▂▂▂▂▂▂▂▂▂▂▂▂▂▂
{تــمت بـعون اللـہ}
18/8/2017
✍🏻 #ولائــية_وافتــخر
🚫غير مبرئ الذمة امام اللـہ والزهراء من يحذف اسم الشاعرة🚫


✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الامام_الحسن_ع

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁




#تجليبه

مسموم يبن الزهره == وإعليك نجري العبره
ــــــــــــــــــــــــــــــــــــــــــــــــــ ـــــــــــــــ
مسموم الحسن هاليوم ياشيعه == نواليه إو أبد مولانه مَنْبيعه
أبو إمحمد جفانه اليوم توديعه == إلَه بالروح آهات إو تجُر حسره
ــــــ
إلَه بالروح آهات إو الم يسري == عبرات إو عيون إتسيل دم تجري
مظلوم الحسن مهموم ياعمري == غدروه النواصب وإنتهى عمره
ــــــ
غدروه النواصب وإنكشف غيهم == إنصاف إو عدل أبداً فلا عدهم
باجر بالحشر ويّاه موعدهم == يشكي للأله الصار من أمره
ــــــ
يشكي للأله الواحد القهّار == أفعال المشوا عالغَي علاهم عار
رادوا دنيه مليانه إبظلُم أشرار == سمّوه الحسن وإينازع إبجمره
ـــــــ
سمّوه الحسن وإينازع الآهات == وخوه إحسين يجريها وإيصُب عبرات
والحوراء شافت بالحسن ويلات == تحس بالنار كامت تسعر إبصدره
ـــــــ
تحس بالنار زينب من تشوف إحسين == يهل دمعه على المسموم ماي العين
يودّع للأخو إيوصّيه أبو الطيبين == يومك ياأبو اليمّه صعب فجره
ـــــــ
يومك ياأبو اليمّه أشد وأصعب == أمشّي إعليك أمّي لاتظل تنحب
ما ريدن تراوي جبدي الزينب == تظل إختي تنوح إو تنطبر طبره
ـــــــ
تظل إختي تنوح إو تنزل إعليها == مصايبنه يخويه إو من يواسيها
يوم إتروح عن زينب يواليها == تظل مهمومه من يطفي الزمن بدره
ـــــــ
تظل مهمومه زينب من توَدّعها == عن النوح يامذبوح تمنعها
بس آهات زينب راح تسمعها == يبو الأكبر قلبها إينوح بي صبره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
مع تحيات شاعر اهل البيت / جابر النجفي


✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_استشهاد_الامام_الهادي/(21/3/2018)

#مہؤسہسہهہ_مہنہبہريہونہ_للآلحہآنہ_آلحسـينهہ

▁▁▁▁▁▁▁▁▁▁▁▁▁▁▁▁▁▁▁▁▁▁▁▁


#تجليبه

بسامره التقي إبن الرضا مسموم === سمّـــــوه النواصب وإبغدر مذموم
ــــــ
سمّوه النواصب والهُدى إينادي == بسامره النقي إنْسَم علي الهادي
أزوره ريت وآخذ منّه إمـــــرادي == وأعزّي المُنتظر بالهادي هذا اليوم
ــــــ
وأعزّي المُصطفه والغانمه الزهره == وأعـــزّي المُرتضه والطاهره العتره
وظل دايم على الهادي أجُر حســـره == شباب إو غاب مولانه إو مضه مهموم
ــــــ
شباب إو راح مولانه غريب الدار == بسامـــره وحيد إو روحه تلهب نار
بعيدين الأهل والشر لفاه إو دار == والشيعـــه إبحزن ظلّوا يغايب دوم
ـــــ
والشيعه إبحزن ظلّوا على الأبرار == ﮔضــوا كُلهم ضحايا الشر عليهم دار
ما بين القتل والسم مضوا أحرار == آخرهــــم إمامي الغايـــــب الموسوم
ــــ
آخرهم إمامي الغاب عن عيني == بس عايش ﻋﺷﮓ أخضر يروّيني
أعزّيه إبحزن هاليوم ماذينـــي == أريده يحضر المأتم يجي الجيدوم
ــــــــ
أريده يحضر المأتم يصب عبــره == على جدّه إو يشوف الشر هدم ﮔبره
على فعل النواصب يشتعل صدره == ياخــــذ ثار أجداده الولي المعصـــوم
ــــــ
ياخذ ثار أجداده إو يُصب النــار == على الأوغاد أعداءه إو ينادي الثار
وإحنه إوياه نرفع رايته المغوار == نصير إجنود وإبجيشه النصر معلوم
ـــــــــ
نصير إجنود وإبجيش الولي القايم == ننـادي إبصوت ياأم الحســـن فاطـــم
ناخذ ثار ﺿﻟﻌﭻ نفني كُل غاشم == ناخـــذ ثــــار إولادﭺ نزيل إغيـــوم
ــــــ
ناخذ ثار إولادﭺ نزيل الشــــر == ننادي إبصوت عالي ياعلي حيدر
عزانه اليوم عالهادي الولي الأطهر == نسيــــــر إعلى الولايه والعهد مرسوم
ــــــــــــــــــــــــــــــــــــــــــــــــــ ـــــــــــــــــــــــــــــــ
مع تحيات شاعر اهل البيت / جابر النجفي




⚫️مؤسسة منبريون للالحان رقم 1
@ahmed_alziwar1

⚫️مؤسسة منبريون لنشر القصائد 2
@ahmed_alziwar2

⚫️مؤسسة منبريون للمقامات3
@ahmed_alziwar3

⚫️مؤسسة منبريون للنعي4
@ahmed_alziwar5

⚫️اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_محرم_1441

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

ليلة القاسم ع............... محرم 1441
#تجليبه

يجاسم يمه وحدي لا تخليني
يظل حتى الهوى ابلياك ياذيني
جسّام    دمعي يهل           فرگاك    يكتل كتل

ـــــــــــــــــ ❁ ❁ ❁ ❁ ❁ ❁ ــــــــــــــــــ

يجاسم يالسكنت اظنوني وعيوني
أنا بلياك انام ودمعي بجفوني
تمنيتك ييمه وياليدفنوني
تجي وبچفك اتغمض إلي عيني
جسّام   دمعي يهل         فرگاك    يكتل كتل

ـــــــــــــــــ ❁ ❁ ❁ ❁ ❁ ❁ ــــــــــــــــــ

تموت الأم اذا غاب الولد عنها
وحيد الأمه وامه غيره ما عدها
تگله يمه والحسره اشيبردها
اذا رحت وعفتني الوحدي حاچيني
جسّام     دمعي يهل          فرگاك    يكتل كتل

ـــــــــــــــــ ❁ ❁ ❁ ❁ ❁ ❁ ــــــــــــــــــ

اموت ولا افارگ نظرة اعيونك
شلي بعمر الأعيشه ابحسره من دونك
يروح امك يذبحوني اليذبحونك
يمن فدوه السنينك جاسم سنيني
جسّام     دمعي يهل          فرگاك     يكتل كتل

ـــــــــــــــــ ❁ ❁ ❁ ❁ ❁ ❁ ــــــــــــــــــ

يجاسم والله اموت من استمع ونك
واعيشن باقي عمري هايمه بحزنك
تصير الدنيا سوده لو طبگ جفنك
وتظل اتجيبني الحسره وتوديني
جسّام      دمعي يهل          فرگاك        يكتل كتل

ـــــــــــــــــ ❁ ❁ ❁ ❁ ❁ ❁ ــــــــــــــــــ

گمت ادعي يرب وادموعي همّاله
يربي وليدي إحميه بالنبي وآله
إحفظه من العدى من ايمينه وشماله
احلفك يا إلهي بحسن وحسيني
جسّام     دمعي يهل            فرگاك       يكتل كتل

ـــــــــــــــــ ❁ ❁ ❁ ❁ ❁ ❁ ــــــــــــــــــ

الخادم المقصر فراس موحان الساعدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)

https://tttttt.me/joinchat/Dw92Dj9pmspPx7OpNRYqtA

#قصائد_الامام السچاد__١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏
ويلي عل سجاد ويلي .. الليله مسموم
  .      🏴
ــــــــــــــــــــــــــــــــــــــــــــــــــــــــ
❇️ قصائد #محرم_الحرام
مجلس الامام السجاد عليه السلام

#وزن #تجليبه

من نار الحزن مو من لهيب السم
چبدك يبو الباقر ذاب وتألم
------------
جِرَعت السم يبو الباقر ابغدر اعداك
اولهيبه الما طفه ذوّب صميم احشاك
لچنّ الصاب گلبك سيّدي وأرداك
كُثر ما شفت من دهرك مصاب وهم
-----------
اشكثر أمطر سحاب الضيم والأحزان
عليك وخِلَص عمرك نايبه واشجان
حرّمت اعلى گلبك نعمة النسيان
اوّجبت الدموع وذكريات الغم
-----------
إذا حرّمِتْ تنسه شراح تتذكّر
يا هم يا ألم يا لوعه يا منظر
من ذيچ المآسي شراح تتصور
حِمَم لو نزلت اعلى جبال تتهدّم
----------
صوَر خلت بگلبك للحزن آثار
من جور السهام و غدرة الأشفار
ضِمه وخوف اليتامه والخيم والنار
جثث عل أرض صرعه اتغسِلت بالدم
----------
هالآلام تتبعهه غُصَص وآلام
كَيود وجامعه وحيره ابحَرم وايتام
جَرِح مجلس الكوفه ومجلس أرض الشام
وجَرِح سبي الحراير أبد ما يلتَم
-------------
من هاي المصايب ما بُرَدْ وجدك
على افراش الممات اهمومَك اتوسدك
وگبل ما يسري جمر السم وسط چبدك
بسيوف الشماته انصاب وتخذّم
-----------
عقيل الكاظمي / بغداد





▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi