#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ

بت مسلم حميدة ،، و الكوفه بعيدة

يا بويه يغالي ، رد دلالي ، والله أريده

؛؛؛؛؛؛؛؛؛؛؛؛؛؛؛؛؛؛؛؛؛

رحت وين ، يا نظرها عيني ، يا وكت تجيني

تمر يمتى بيه

علامات ، دلت المغيبك ، يا صبح يجيبك

طويله المسيه

يخوفون ، گوم المعتنيهم ، مشبوهه إيديهم

يدورون أذيه

يغدرون ، بالضيف اليجيهم ، ليش تمر عليهم

ذيول آل أميه

يالبيدك رسالة ، نَص رب الجلاله

لحسين أشكي حالي ، رد دلالي ، و الله أريده

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

مراسيل ، إسمحلي أودي ، أحچيلك إشعندي

سوالف حزينه

گلت ليش ، غايب عني أمرك ، يا بويه أبشرك

وراك إحنه جينه

يمهيوب ، خصمك شنهو نوعه ، الله يجازي طوعه

أبد ما نِطت بينه

و الرجال ، عافوك إبإشارة ، من قصر الإمارة

يريحة نبينه

ما أعرف شجاها ، عافوا حتى طه

بس إسمك بقالي ، رد دلالي ، والله أريده

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

سلامات ، يا روحي و حنيني ، وينك و آني ويني

بعيدة المسافة

أجيلك ، لو إنت تجيلي ، هجرك هد لي حيلي

يغايب حسافه

يغدروك ، و إنت إبن الأطايب ، ميته و إنت غايب

و نهاري أخافه

اليصلون ، خلفك هم ذوله ، بيهم الف لوله

حقيقة و صلافه

و العلنوا ولائك ، يبدون بعدائك

بيهم ما اغالي ، رد دلالي ، والله أريده

؛؛؛؛؛؛؛؛؛؛؛؛؛؛؛؛

تره حسين ، يمسح راسي بيده ، و يكلي حميدة

سوه ويانا سيري

كلت ليش ، عمي بعينه دمعه ، يحجي مصاب اسمعه

و تبين مصيري

يتيمه ، و بارض الغاضريه ، راح أصبح سبيه

و نياحي أسيري

أعلنه ، لو امشي بسكوتي ، لو اتمنه موتي

وحك سكنه حيره

راح امشي سبيه ،، و الخاطر رقية

اصبر عالجرالي ،، رد دلالي ،، و الله أريده

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

يدفعوك ، من قصر الإمارة ، ضربوك بحجارة

حبيبي أعذرك

للحسين ، انت ناطي كل شي ، هيبة بهاي امشي

اله فدوه عمرك

شرف هاذ ، يالصنت الأمانه ، انه بنتك انه

صبح عالي قدرك

على الناس ، حصلت الصدارة ، گبه و چم منارة

راح يصير كبرك

قصر ال ضل حدودك ،، هدمته بصمودك

عالي و تبقى عالي ، رد دلالي ، و الله أريده

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

#بنت_مسلم
#علي_حسن_الكناني


▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_السيدة رقية__١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏

  .      🏴بـويـة لا موعـادتـك ☆ أفـرشت ســجـادتـك
😭
ــــــــــــــــــــــــــــــــــــــــــــــــــــــــ
#رقية #بنت #الحسين

رقية مخاطبة اخاها زين العابدين.ع..  


ياعلي راسمن فوك الرمح ☆
ياعلي سـتوه چنه منذبح ☆
هذا يشبة وجة أبوي "" "" يا علي

****

الشال راسة * خوية سأله * مودي گله الرأس وين

كلمة لجلي * خل ينزله * اردن أشوفن وجة زين

شو أحسه * بعده عايش * يبچي وعلية حزين

هذا يشبة * رأس أبونة * هذا لا هوه الحسين

      ياعلي الرمح ما ينحمل ☆
    ياعلي برأسه يدخل مو سهل ☆
      شنهو ذنبة والدي  ،،،،، ياعلي

****

علي خوية * جسمة وينة * انة ما شفتة من امس

كمت اشمن * عطر جسمة * ومو بعيد عليه أحس

خوية أوكف * ذاكة هوه * الحافر موتة رفس

صدره ذاكة * الچنت أشبكة * ليش حاركتة الشمس

         ياعلي ضل حبيبي عالتراب ☆
         ياعلي أمشينة خلبسة ثياب ☆
        عنه ما ودي اروح،،،،  ياعلي

"" "" "" "" "" "" ""

خلني أمشي * جوه رمحه * أمتلن رجلية شوك

ويه راسة * ارد اسولف * بوية كلشي سلبوك

أشچان ذنبك * يا حبيبي * ثنعش طبره طبروك

چنت أسمعك * تصيح ضامي * ماي گلي شربوك

ياعلي جاوب وذاني حيل ☆
ياعلي اهواية صعدن فوكي خيل ☆
ونسحكت وانه عطشان،،، ياعلي

"" "" "" "" "" ""

ليش أدية * مچتفيهه * ويني وين الحبل

من أذاني * دمي يجري * شكثر طحت من الهزل

رأس ابوية * أكبالي يمشي * يميل رأسه وينعدل

شفافة بيضه * وجه ذابل * العطش ما ينحمل

ياعلي ولو صعبة عدنه هاي ☆
ياعلي نزل أبونة نشربة ماي ☆
ناشفه ارياك الحسين،،،  ياعلي

"" "" "" "" "" "" "

مدري عدلة * مدري ميتة * ياعلي كلي متت

من اطيحن * كمت اصيحه * عليه راسة يلتفت

شفتة حرك * شفافه الية * وبس كلمتين أسمعت

يا رقية * أستعدي * نالتقي فوك الطشت

ياعلي تدري وشكال الحسين ☆
ياعلي اشلون أشبگچ ماكو أدين ☆
فوك راسة اتمنه اموت،،،  ياعلي


الشاعر أمير السعيدي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi