#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


#برنامج_محرم_الحرام_1442ه‍ 2020
#الشاعر_الميرزا_محمد_الساعدي
على غرار الحمد لله والشكر



شكراً الرب السمه چي خدمتچ فاطمه
وخدم حسين امامي وخدم حسين
================≈=================
شكراً الرب السمه اليجفي عن هاي انعمه
ياحسرته اتصب دمعته

هالأمر هذا الجلي الله منطيه العلي
وبعظمته هل نعمته

الله ايحبه الماعاف حسينه متمسك ظل بالعروه ودينه
والعافه خسران دنيه وأخريه
عين الباري اتحرسه الوياهم مالحظه ولا يوم الينساهم
صدگ مينسوه يم الهاشميه

بيدي اخذ حامي الحمه چي خدمتچ فاطمه
وخدم حسين امامي وخدم حسين
================≈=================
الخدمه بيهه معبري مو مشي أجري جري
هالخدامه للنشامه

شكراً الهذا الأمر الله منطينه العمر
والخدم ياخذ وسامه

ياخذ بالجنه هناك البشره تمر اتحنيهه اچفوفه الزهره
هنياله هنياله نادوه البريه
يامحلاه الماي ابچفينه ياخذ كل تعبه هنا وسنينه
كلمن خدم مخلص وظل للزچيه

ما أهم سيف ودمه چي خدمتچ فاطمه
وخدم حسين امامي وخدم حسين
================≈=================
ياسلام الله النبي گال وفيتوا العبي
والله هنياله الخدمنه

أفتخر بيكم صرت هناك بالمحشر درت
ذوله صانوا كل علمنه

حافظ علم الله الباري يريده يصبح يم باب الحاجه عيده
ويشوف ابوفاظل ويعمل عزيه
يتمنه يبترهن چفينه من شاف الحره وشاف حسينه
لكن بلا راس يم اخته السبيه

روحي صارت عالمه چي خدمتچ فاطمه
وخدم حسين امامي وخدم حسين
================≈=================
أي وحگ حيدر علي كل همومي تنجلي
ساعة الأمشي وأزوره

دنيه مابيهه حسن چن فرس مابي رسن
والضريح اصفه من ادوره

مالكهه الدنيه الحب الساده وتبرک من يطلع بالقاده
والدعاهم مايهم كل موزميه
مأمن روحه المايترك گومه أهل البيت ايعينونه بيومه
والتركهم ما أمن صبح ومسيه

والسهم ليه ارتمه چي خدمتچ فاطمه
وخدم حسين امامي وخدم حسين
================≈=================
من صدگ تدخل عدن انته كل عقلك يجن
فاطمه وبتهه تشوفك

گتله يمعذب الگلب گلي انته اشگد صعب
حتماً الزهره تعوفك

تعوفه الزهره المايؤمن بيهه نقطه بأول راس اتخليهه
ولا تجيه ولا تنظره الزينبيه
سامحني حچايه وأرد احچيهه نفسك يالمرتد شو عاميهه
أرجع اندبهم اهل بيت الحميه

گلبي ماصابه العمه چي خدمتچ فاطمه
وخدم حسين امامي وخدم حسين
================≈================
30/3/2020 الأثنين
07712631386 واتساب
#الشاعر_الميرزا_محمد_الساعدي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


#برنامج_محرم_الحرام_1442ه‍ 2020
#الشاعر_الميرزا_محمد_الساعدي
#قصيده_هوسات


(يحسين الطف هد كل حيلي)
( أنتم هيبه يرجال الطف )
================≈=================
كونك تنظر بيا حال أختك يابعد عيني
مسبيه مشت للشام راح الچان يحميني
الشمر كلساع يظربني ومسبيه يناديني

( حشمتك يالغالي الليله )
================≈=================
راجعلچ يبعد العين گليله اجاك الحيد
أجاك البالشدد معروف بهندس ظلمه چان يصيد
خل يختار ابن جوشن أقبض روحه بيش يريد

(من دون اچفوفي اقبض روحه)

================≈=================
نشمي ابن البطل عباس لا متخيب اضنوني
أعرفنك كلف وهديب بيك اليوم خيعوني
من السوط يابو الجود خويه مگطعه امتوني

(ناديته وشمرلي اعيونه)

================≈=================
ميقصر علي الكرار خله وياي خمسه احيود
حسين بأول المطلاع والعباس راعي الجود
جعفر يندب بعثمان وعبدالله ابد منعود

( نفديلچ كل المعموره )

================≈=================
تلاثين الف ذاك الجيش واحنه اتعدنه بيمينك
ساعات المنيه اثگال عدهن والله اليعينك
عدنه الموت راحة بال ماهمنه أبد دينك

( مو دين اليذبح بحسيني )

================≈=================
شكراً للأله الصان دينه بحب ابو فاضل
راعي المرجله العباس وبهايه أبد مازل
جربه الغيره ابوالنوماس حولهه غضب نازل

( بالطف صولاته معروفه )

================≈=================
23/3/2020 الأثنين
07712631386 واتساب
#الشاعر_الميرزا_محمد_الساعدي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#برنامج_محرم_الحرام_1442ه‍ 2020
#الشاعر_الميرزا_محمد_الساعدي
#نعي_للأخ


راح من اديه الأخو ياناس هالراح من اديه
غصبن عليه أظل الطم عمر غصبن عليه
گالوا سبيه انه بعد الأخو گالو سبيه
اعزاز ليه راحوا من اديه اعزاز ليه

صاحب الدار غرب يالحبايب صاحب الدار
يگوم ويطيح اخوي انظر لحاله ايگوم ويطيح
چنه ايصيح تعالي يالحبيبه چنه ايصيح
يالبعيدين يالبعيدين دلونه عليكم يالبعيدين

مسبيه للشام يريدونچ تره مسبيه للشام
ناس ظلام أحذريهم يخيتي ناس ظلام
أنتي الأعلام الهالنهضه الشريفه انتي الاعلام
وين مدفون دليني اعله گبرك وين مدفون

===============≈===================
6/5/2020 الأربعاء
#الشاعر_الميرزا_محمد_الساعدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


#برنامج_محرم_الحرام_1442ه‍ 2020
#الشاعر_الميرزا_محمد_الساعدي
#السيده_زينب ع



حامينه حامينه وينك يحامينه
شتاگينه شتاگينه ليك أحنه اشتاگينه
مهرك هذا يحاچينه بمبچاچ انتي تلچمينه
ليك احنه اشتاگينه
================≈=================
وين يالكلك وفه بيا كتر نايم
شلون بِعداك الزمن عني ياقايم
فرگة الخوه دمع گوم حاچيني
بصدرك اشسوه الشمر بالله دليني

نتناهه نتناهه طلتك نتناهه
سواهه سواهه غرب وسواهه
الليله هنانه التمينه لكن راحل والينه
ليك احنه اشتاگينه
================≈=================
جرحي شيطيبه بعد غربتك تفجع
خويه يسألني الولد هم بعد يرجع
ناس ماعدهم رحم عمه تدريهه
گلوبهم مثل الحجر رحمه مابيهه

خلاني خلاني انحب وخلاني
شمتاني شمتاني أرجعلي شمتاني
بالخيمات اتغطينه منهن ملبس سوينه
ليك احنه اشتاگينه
================≈=================
مايكفيني العمر لو خلص لطمه
راح عبدالله الولد وشأگل لمه
گوم ياغيرة علي تنحب اطفالك
شو أشوفنك وذر شنهي شجرالك

حزنانه حزنانه بنياته حزنانه
ويانه ويانه بالسبي ويانه
صاحن بويه انذلينه گوم أكعد ياحامينه
ليك احنه اشتاگينه
================≈=================
ناح كرار الأمل وناحت الزهره
والنبي أدمه المقل للي عالغبره
مگيد وناده علي سالمه عيونه
عمه طعنات الغدر شوهن اجفونه

حادينه حادينه أگرب يحادينه
چا وينه چا وينه سلوتنه چا وينه
ناداهن وين اسكينه خلهه اتقبل چفينه
ليك احنه اشتاگينه
================≈=================
شماله ويانه الزمن حيل أذانه
فرجه مابين البشر والله سوانه
علة دموعي شمل غاب طاريه
ياسلام اعله الوعد سالم النيه

ودعوهه ودعوهه چلماته ودعوهه
جيبوهه جيبوهه حنيته جيبوهه
خل نذكر جدنه ودينه وشوصاهم بحسينه
ليك احنه اشتاگينه
================≈=================
31/3/2020 الثلاثاء
#الشاعر_الميرزا_محمد_الساعدي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


#برنامج_محرم_الحرام_1442ه‍_2020
#الشاعر_الميرزا_محمد_الساعدي
قصيده فيها جميع المحافظات


يا هلا وكل الهلا بالمر علينه
وگاصد الحد كربله وروحه حزينه
===============≈===================
‌ ياهلا ببن الخصيب الچاي متعنيهه
البصري كل خطوه حسيني من گلب يحچيهه
ذبه رباط المعصيه عگال رافع ليهه

( رد زامط يالكافل بينه )
===============≈===================
ياهلا بذي قار كلهه الرافعه شماغ البخت
وبمشيهه تواسي زينب البربعينيته مشت
من أصل شجرة الطيب أهزوجة الغيره علت

( هالجتك ذي قار برايه عباس أگعد شوف الجايه )
===============≈===================
أهل ميسان اعتنوهه وصاحوا ابهمه وعزم
جبنه ويانه أهلنه الكوت أصحاب الحزم
ذول أحنه أهل الجنوب أنبين أفعال الزلم

( يحسين جيناك الليله منعوف صيوان العيله )
===============≈===================
جتك ازحوف السماوه والأحبه البالنجف
أتعالت اصوات الثجيله كونك اتشوف الهتف
روجه من بابل تعنت صبح معروف الهدف

( جتك وادم عياله أگعد ياشيخ الملعب )
===============≈===================
أستقبلوا الليله أهلنه امن الشمال اعنايه
گصدوا الباب المراد ويمه دگوا ثايه
طلعت اوياهم وفود اهل الكرم مشايه

( بغداد اتعنت وياه الجاي ايزور الكافل)
===============≈===================
من الشرق نادوا عليل اشلون ينگاد ابحبل
والغرب ظل خالي داره شلون طبوه النزل
كربله إيهود ومسيح الجوهه چيف المنچتل

(ضحه بكل أهله وحاشيته من اجل الحق موش الصيته)
===============≈===================
#الشاعر_الميرزا_محمد_الساعدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ

#برنامج_محرم_الحرام_١٤٤٣



عالم خدمة حسين من الله هدية
(ذو حظٍ) الينول وسام القضية
من اول دمعة العين .. يعني اختاره الحسين
(ذو حظٍ) الينول وسام القضية
       . . . . . . . . . . . . . . . .
خدمه اتشرف الاشراف يتمناها كل سلطان
الله انطاها بس للي ابكلبه امن الحزن نيران
البي جوية عطش أطفال الطابع بالصدر نيشان
اليكدر من يهل يعاشور يشم امن الخيم دخان
الخادم حاله معروف من يهل محرم
تشوفه بكل عزه ايسيل دموعه وتحزم
من يلطم بالايدين .. يعني اختاره الحسين
(ذو حظٍ) الينول وسام القضية
       . . . . . . . . . . . . . . . .
كبل لا يخلق الدنيا الباري بعالم الأشباح
ترك كلشي اختيار ايصير وعرض هالخدمه عالارواح
يهنيال الكتب اسمه وحملها فوك صدره وشاح
ربح بالخدمه من يومه وخسر من عرض عنها وراح
درب الخدمه مشوار . دمع . حركه . لوعه
الخادم اسم الحسين يكتبه بدموعه
مهما اتمر السنين .. يعني اختاره الحسين
(ذو حظٍ) الينول وسام القضية
       . . . . . . . . . . . . . . . .
كلما يهل شهر حسين يكثر عدد خدامه
الخادم يحضر ابلوعة جوية جمرة اخيامه
وبالمجلس تشوفه يلوب مثل ما لابت ايتامه
الخادم شاعر ورادود كلها تصير لطامه
العايش عمره عاشور يحس ابرقيه
يتمنه على الراس تجيه المنيه
الفاهم هالامر زين .. يعني اختاره الحسين
(ذو حظٍ) الينول وسام القضية
       . . . . . . . . . . . . . . . .
مثل الفاكده الخادم تشوفه بكل عزه يحضر
يواسي فاطمه ويلطم على الظلع وعلى المنحر
الخادم قدوة الأملاك المن أنفاسه تتعطر
يحذر بالتعامل كون وحتى بحجيه يتحذر
ما يجرحله انسان حذر في كلامه
يتسامح اويه الناس سمح مثل امامه
وبهاي الخصلتين .. يعني اختاره الحسين
(ذو حظٍ) الينول وسام القضية
       . . . . . . . . . . . . . . . .
يالتمشي اعله درب حسين وحسبت ارويحتك خادم
لازم تلتزم كلشي امزكي امصلي وصايم
بر بالوالدين وصير قدوه الكل بني آدم
صل رحمك وعين الناس بالك تنصر الظالم
اهده الباري الحسين وريده ورضيعه
ولازم تقتدي بهاي تتبعه وتطيعه
من تلتزم بالدين .. يعني اختاره الحسين
(ذو حظٍ) الينول وسام القضية
       . . . . . . . . . . . . . . . .
خادم أهل البيت عليهم السلام
عمار العيساوي الكربلائي


#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

____________
لمن يجد صعوبة بالحن اطلبه من
@moatmed2


▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


#برنامج_محرم_الحرام_١٤٤٣


محرم . آه يا شهر الجرح . والذبح . والهظم والألم
محرم . آه يا شهر الحزن . والمتن . والحرگ والخيم
بهظمك مهجنه ذايبه .. احا يشهر النايبه
                         محرم
         . . . . . . . . . . . . . . . . . . . .
يا شهر الحجبت اعله التراب ابدور
يالخليتنه نعيش العمر عاشور
النه وياك جفين وصدر مكسور
ولوعتنا اختمتها بخنصر المبتور
محرم . جيتنه ابلوعة امس . والشمس . تلهب اعله الجسد
محرم . جيتنه بشوغة شمع . والدمع . عالطفل والمهد
ابنار الرباب اللايبه .. احا يشهر النايبه
                         محرم
         . . . . . . . . . . . . . . . . . . . .
يا شهر الحرام وكل حرامك راح
بيك اطهر نحر صار اعله راس ارماح
اعله زينب بيك ظل يتبختر الذباح
وصدر حسين ما بين الحوافر طاح
محرم . يا صدر بيك انهشم . وما سلم . كلشي من عيلته
محرم . ثيابه سلبوها الخصم . والهظم . سلبوا اعمامته
لهاي المصيبه الراتبه .. احا يشهر النايبه
                         محرم
         . . . . . . . . . . . . . . . . . . . .
يا شهر الخذت من زينب اخوتها
يمن عالشاطي كاطع ايد رايتها
يشهر النايبه يا نار خيمتها
يالماخذ شباب وطافي شمعتها
محرم . گلي عالشاطي اشعفت . وشخذت . يا شهر يا كمر 
محرم . جود مظروب ابسهم . والعلم . ملتوي اعله النهر 
وبدر العقيله امغيبه .. احا يشهر النايبه
                         محرم
         . . . . . . . . . . . . . . . . . . . .
يا شهر الخيم بالنار محتركات
وعيله ابهيمه لا والي ولا خيمات
چل ليل الرعب وتوالت الحسبات
الاميره رقيه ليش اعله التراب اتبات
محرم . ليل وسياط وزجر . والصبر . يتنه جيّت الصبح
محرم . من يطر ليهم فجر . لليسر . نيتك تتضح
فجرك يطر بمصايبه .. احا يشهر النايبه
                         محرم
         . . . . . . . . . . . . . . . . . . . .
يا شهر اليتامه ابيا ذنب تنگاد
كل خمسه ابحبل رابطهم الجلاد
وبالكوفه الحرم وياهن السجاد
هظيمه يا شهر يشتمهم ابن ازياد
محرم . ينشتم حامي الحمه . وفاطمه . هم بعد تنشتم
محرم . ولا فزع ليهم فرد . واعتقد . ما نعدهم زلم
والغيره منهم غايبه  .. احا يشهر النايبه
                         محرم
         . . . . . . . . . . . . . . . . . . . .
زينب ياشهر من عندك اشافت
لحد الموت ما من جرحك اتعافت
اعله جسم حسين من حر الشمس خافت
تظلل له ابجسمها وعالنحر طافت
محرم . ياشهر بي ننصدع . وننفجع . عالحسين اشجره
محرم . زينب اشّافت هظم . وتنظلم . الجانت مخدره
ابهظمك مهجنه ذايبه .. احا يشهر النايبه
                         محرم
         . . . . . . . . . . . . . . . . . . . .
خادم أهل البيت عليهم السلام
عمار العيساوي الكربلائي



#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

____________
لمن يجد صعوبة بالحن اطلبه من
@moatmed2

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


#برنامج_محرم_الحرام_١٤٤٣



لزيارتك حنّيت .. لشباجك اشتاكيت
دمع ابظرف مرسال .. الطف كربله وديت
      . . . . . . . . . . . . . . . . .
يحسين الكلب ملهوف ومحتام ارد ازورنّك
و اوصل والزم الشباج ترد روحي امن اشمّنك
واكوم ابحرگة المشتاك واتحفّه واخونك
واعگد رايتك حاجه ماخيب امن اطلبنّك
يالتكرم الزوار .. يالما ترد خطار
ضامي وتروّي الناس .. لشوفك تراني اضميت
          . . . . . . . . . . . . . . . . .
يحسين ابصلاة الليل اذكر ليلة العاشر
واتذكر حرم واطفال تودعك والكلب شاجر
يطر الفجر واتخيل كلشي ابكسرة الخاطر
وكل ظهريه اتخيل ابصدرك يرفس الحافر
واتخيل ابعاشور .. فوك الرماح ابدور
ومتكطع الاعضاء .. فوك الترب ظليت
        . . . . . . . . . . . . . . . . . . .
اغص كلما شربت الماي واتذكر عطش جبدك
وانته اعله التراب الحار ضامي ومنفرش خدك
قليله امن اعتنيك ازحوف يمن المصطفى جدك
اريد اطلب طلب يحسين تقبلني عبد عندك
عبدك ! جبيره وياي ... خادم ! جبيره هواي
اقبلني كلشي الجان .. رأساً اكول ارضيت
        . . . . . . . . . . . . . . . . . .
ما احسب النفسي احساب يم اتراب اجدامك
انه المخلوق الك يحسين خادم خَدم خِدامك
لو بيدي اخلي الروح اتنام وتصحه بآلامك
واموت امن الجزع يحسين على اللي صار بايتامك
كون اعله صدري الخيل .. تسحك نهار وليل
ولا لحظه انته هناك .. من الالم ونيت
        . . . . . . . . . . . . . . . . . .
يالمنطي ابسبيل الله حتى البالمهد يرضع
ولسيوف القدر الاكبر امقدمه ابخطة المصرع
لو نوصل عشر معشار من همك اظن نجزع
الله يعين صبرك ذاك حتى الموت بي يفزع
لو تفنى كل الناس .. متوفي جف عباس
يحسين الك هالكون .. رايح فده اتمنيت
        . . . . . . . . . . . . . . . . . .
يحسين ولون عمرين عندي اكظيهن ابحزنك
ولو بيدي اعيش هناك خادم سيدي ابصحنك
وما ابطل النياحه اعليك ليل انهار اندبنك
يحسين واظل مشتاك كل يوم ارد ازورنك
شوكي الك يحسين .. ترجمته دمع العين
كلبي الك ملهوف .. ولزيارتك حنيت
  . . . . . . . . . . . . . . . . . .
خادم أهل البيت عليهم السلام
عمار العيساوي الكربلائي



#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

____________
لمن يجد صعوبة بالحن اطلبه من
@moatmed2

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ

#برنامج_محرم_الحرام_١٤٤٣




تعلمت الوفه . من ام البنين
عالدنيا العفه . من بعد الحسين
انا وحيُ الحسينِ للفراتِ جِئتُ مُرسل
انا بين النواويس ِ وبين النهرِ أُقتل
           . . . . . . . . . . . . . . .
وحي من حسين للشاطي صار بكربلا اوجودي
وكتله يا نهر ( اقرأ ) وابدي ابّسملة جودي
رايد معجزه مني اعجازي ابكطعة ازنودي
تصب بالجنه لو مريت ابخيمنه وتثبت اوعودي
مكتوب ابدمي . ومختوم الوعد
مر بمخيمي . وما تنشف بعد
ستجري تحتَ ظِل العرشِ بالفردوسِ فاقبل
انا بين النواويس ِ وبين النهرِ أُقتل
           . . . . . . . . . . . . . . .
تصفّح رايتي وطالع جم جف انطبع بيها
ازغار وبالعطش عكدوا الرايه ابّخت راعيها
اروي اطفالي وآنه ارويك بجفي مياهك ارويها
احط جفي عذب بالماي ومياه الكون احليها
آمن بالروي . والعن بالضمه
اصلك منطوي . مهر الفاطمه
ايا ماءَ الفراتِ ان نسيتَ العهد فسأل
انا بين النواويس ِ وبين النهرِ أُقتل
           . . . . . . . . . . . . . . .
قَسم بالشمعِ والعُرس ِ و وحك صينية القاسم
اذا ما تروي كلب حسين اتركك بالعذب حالم
اعطش اجروفك وتبقى نهر وسط الترب نايم
ومايك من تحت كبري يظل امحير وهايم
مايك يختفي . ما يبقاله اثر
والطف يكتفي . بجفيني نهر
انا زمزمُ والكوثر من كفيَّ تنهل
انا بين النواويس ِ وبين النهرِ أُقتل
           . . . . . . . . . . . . . . .
الحجر قاسي يوصفونه وانته الماي يعني اترف
لكن شفتك بهاليوم انته من الحجر اصلف
شنو ذنب اليتامه اتظل عطاشه بهيمة ارض الطف
بدال الماي جف تريد جفين انطي مو بس جف
آنه بهيبتي . وأعدت الحرم
اترس جربت . وارجع للخيم
بفضلِ اللهِ انّي ان نطقت َالقول افعل
انا بين النواويس ِ وبين النهرِ أُقتل
           . . . . . . . . . . . . . . .
خلص يانهر بلغتك بعد ترضاها ما ترضه
آخذ مايك وخلي جنودك دربي تعترضه
جيشك خل يصير آلاف ابيده بطوله وبرضه
لكن بالغدر ادري اصبح للنبل عرضه
راسي ينطبر . وارماح ونبل
لوما بالغدر . لا ما القتل
بغدرٍ قطعوا الكفينَ والعرش تزلزل
انا بين النواويس ِ وبين النهرِ أُقتل
           . . . . . . . . . . . . . . .
خادم أهل البيت عليهم السلام
عمار العيساوي الكربلائي





#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

____________
لمن يجد صعوبة بالحن اطلبه من
@moatmed2


▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


#برنامج_محرم_الحرام_١٤٤٣


اجينه بأيد وحده . عبيد نصير عنده . بالطفوف
دمانه تصير ايه . ونعلي اليوم رايه . بالجفوف
بهمم جباره .. اجينه انصاره .. بالطفوف
         . . . . . . . . . . . . . . . . . . . .
كلنه لحسين احنه جينه عبيده
اليوم  يقبله عبيد نريده
انقدم احنه اركاب قبل اوريده
ندري توقيع الشهاده بأيده
اجينه . الصفوه من الاخيار
اجينه . عبيد احنا ونصار
اجينه . ويحسبنا بتار ... اجينه
ايعرفنه الموت قاده . اليريد استشهاده . يلبيه
دعانه و لبينه . نطيح اليوم جينه . اعله رجليه
ونبوس اثاره .. اجينه انصاره .. بالطفوف
         . . . . . . . . . . . . . . . . . . . .
لابو الاكبر من نطينه احجايه
على اجتاف الموت نرفع رايه
عالتراب ادمانه تنزل ايه
حتى للاحرار تصبح غايه
دمانه . تظل تشتعل نار
دمانه . تخط احلى تذكار
دمانه . مشعل للاحرار .. دمانه
يروي الكاع دمنه . ويروينه عطشنه . بضمه نموت
فده لحسين كلنه . بعقيده اليوم صحنه فرد صوت
السبط نختاره .. اجينه انصاره .. بالطفوف
         . . . . . . . . . . . . . . . . . . . .
احنه زدنه اعله المراجل الغيره
حسين بايعناه ونرفض غيره
حبه خله اهل العقول بحيره
لا تظل تدور ابتفسيره
عشكنه . من عالم الذر
عشكنه . وقدمنه منحر
عشكنه . ونقدم اكثر .. عشكنه
لون عمرين عدنه . واذا الباري يردنه . اعله عمرين
نضحي بعمر ثاني . منتأخر ثواني . على حسين
بنفس مشواره .. اجينه انصاره .. بالطفوف
         . . . . . . . . . . . . . . . . . . . .
الدنيا من دونه طعم مابيها
بس وجوده هو المحليها
الكوم هاي الكوم مدري شبيها
الذله من دون السبط تشريها
وجوده . منبع للإصلاح
وجوده . يغني عن الراح
وجوده . ترخصله الارواح .. وجوده
حبيب ابن مظاهر . وكف لحسين ناصر . وتبعناه
يشيل بأيده رايه . وشعار اعليها ايه . كتبناه
نشن الغاره .. اجينه انصاره .. بالطفوف
         . . . . . . . . . . . . . . . . . . . .
عابس وجون وبرير ونافع
كالوا احنه عن عقيده اندافع
وباقي الانصار اجوا نفس الدافع
وكلها دون حسين توكف مانع
نداهم . احنه المضحين
نداهم . من اجل الحسين
نداهم . للباري راضين .. نداهم
نداهم جان واضح . تحدينه المذابح . والسيوف
الحرب للروح اسلم . ولا فد يوم نهتم . للحتوف
العده محتاره .. اجينه انصاره .. بالطفوف
. . . . . . . . . . . . . . . . . . .
خادم أهل البيت عليهم السلام
عمار العيساوي الكربلائي






#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

____________
لمن يجد صعوبة بالحن اطلبه من
@moatmed2

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ

#برنامج_محرم_الحرام_١٤٤٣



اودعك . عيوني صارت شمع . والدمع . عالوجن يحترگ
اودعك . يا عزيز الكلب . شي صعب . يولدي نفترگ
ذبت . شبت . رحت . عن ناظري
.........................   
لمن تروح . ياضوه العين . شسولف شكولن شعاتب ياوضع
كبالي شبيت . ومن صرت شاب . يجاسم اشوفك ذبيح ومنصرع
يبني للحومه اجيلك احني ايدك بيدي
وانه اخضّب راسي يمك بالدمه يوليدي
اون . واحن . رحت . عن ناظري
. . . . . . . . . . . . . . .
يبني جسام . حار التراب . واخاف اعله وجهك تطيح اعله الترب
وانته عطشان . امفطره اشفاك . ييمه ومصابك عليه شكد صعب
بعدك ازغير ومصابك يمرد ابدلالي
ايعز عليه من اشوفك منذبح يالغالي
هظم . ظلم . رحت . عن ناظري
.........................   

من الدموع . امطرزه اثياب . حسبت آنه ازفك واقدمك للعرس
خاب الحساب . وآنه ظليت . اريدك تردلي وامنّيها النفس
ادري حال الموت يبني بينك وما بيني
وادري طولك يا حبيبي ما اشوفه بعيني
وداع . ضياع . رحت . عن ناظري
. . . . . . . . . . . . .
تعب الايام . والسهر ذاك . فديته ييمه اعله شوفت مبسمك
عمري انطيه . لو ترد يوم . ييمه واشوفك واقبلك والزمك
نحّلت جسمي بغيابك وشتفيد اللوعه
واختنك كلبي ابعبرته ونعصر بظلوعه
بجرح . بذبح . رحت . عن ناظري
. . . . . . . . . . . . .
بين الاشفار . يبني مطروح . واصيحن يجاسم احتركت خيمتي
ادري مذبوح . لكن الروح . تحشمك تريدك تلبي الصرختي
خيمتك والحنه يبني والشمع واثيابك
احتركن وصارن لهيب ابوسط كلب احبابك
لهيب نحيب . رحت . عن ناظري
. . . . . . . . . . . . .
خادم أهل البيت عليهم السلام
عمار العيساوي الكربلائي





#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

____________
لمن يجد صعوبة بالحن اطلبه من
@moatmed2


▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


#برنامج_محرم_الحرام_١٤٤٣



همّه بيساري وغيره بيميني
اقسم لون صكيت جفيني
فنها الألوف اليوم تلويني .. وعلي وياي
. . . . . . . . . . . . . . .
جعفر الطيار عمي اللي انعرف
وحمزه تبييني ابميادين الشرف
بيرغ الكرار حين ابجفي رف
ادري لون اوجوه عدواني انخطف
لو زينب اتنخّت يكفالي
اكلب الشاطي الچالي عالچالي
وينه اليجيني ويوكف اكبالي .. وعلي وياي
. . . . . . . . . . . . . . .

الغيره تتواكد ابعرگي الهاشمي
كافل انه وظل گلب زينب ظمي
اتدللي يختي گلت واتبسمي
راح اجيبه اچتاف نهر العلگمي
اويه جيوشهم ملهوف للملگه
سيفي عواصف والعده ورگه
واليشرد امن الخوف اظن حگه.. وعلي وياي
. . . . . . . . . . . . . . .
اربعة آلاف حاطوا بالنهر
ليل صاروا والنهر مايه اعتذر
لازم اضوي المشرعه وآنه الگمر
وسيفي نار اجهنم ورمحي صقر
احدود الشريعه صارت احدودي
وآنه حطتها ابمدت ازنودي
لزينب ارد وممتلي جودي .. وعلي وياي
. . . . . . . . . . . . . . .
امتلكها المشرعه مو شي صعب
والنهر بالجود من كيفه يطب
كل شجاع ابكثره كالوا ينغلب
لكن ابأيدي صفه ازمام الحرب
والرايه لمن تنتخي ابسيفي
بالحومه يعني اتصرف ابكيفي
بعيونهم يخطف شبح طيفي .. وعلي وياي
. . . . . . . . . . . . . . .
والله لوما العهد انطيها الجفوف
حتى تتوازن ارض وادي الطفوف
بصرختي عدواني راح اتموت خوف
جان ما لحگوا يسلون السيوف
والقرروا بالطف يغدروني
ويه العهد وفّاي يدروني
لوما العهد ما جان لاگوني .. وعلي وياي
. . . . . . . . . . . . . . .
من شفتها الگاع مالت بالعدد
انطيت جفيني وكلت انطي بعد
جاني سهم النايبه بعيني گعد
وراسي من اگفاي مظروب ابعمد
لمن طحت طلعت مراجلهم
الجانوا يفرون امن اگابلهم
لجهنّم ابأيدي ادخلهم .. وعلي وياي
. . . . . . . . . . . . . . .
خادم أهل البيت عليهم السلام
عمار العيساوي الكربلائي



#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

____________
لمن يجد صعوبة بالحن اطلبه من
@moatmed2

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ

#برنامج_محرم_الحرام_١٤٤٣



صوت الغياره ابكربلا من يهتف
يعني الركاب اعله الترب خل ترعف
ارواج بعد أرواح للجنه اتزف
كتب مجد للتاريخ بالملحمه الكونيه
    . . . . . . . . . . . . . . . . .
رسموا ملامح للملاحم بالدم
لوحه الأجساد تصير والطف مرسم
كل هذا وبوجه السبط تتبسم
السبعين الف للسبعين قصة عدد وهميه 
       . . . . . . . . . . . . . . . . . . .
ما تنعد السبعين الف بالسبعين
من مدرسة حيدر تره أنصار حسين
درسوا بدر والنهروان وصفين
واستاذهم مالك جان بالجامعه الحربيه
      . . . . . . . . . . . . . . . . . . .
اتخرّجوا قاده وكربله اتانيهم
حاضرهم ايشع ابشمس ماضيهم
بذلوا الغالي من اجل واليهم
هالصفوه لا ما تنعاد ابكل الكره الارضيه
     . . . . . . . . . . . . . . . . . .
ينحني الروس ويرتفع طاريهم
كربله احتظنتهم وتفخر بيهم
امن الجنه صوت المرتضى امحييهم
والزهره من منطق نور اتكول الهلا ابسرّيه
      . . . . . . . . . . . . . . . . . . .
نال الضمه امن اجبودهم حد ما زال
ذل العطش بس ما تذل ليه ارجال
والأرض تهتز من تثور الابطال
والحومه تجفل وتخاف ابصولتهم الثوريه
       .  . . . . . . . . . . . . . . . . . . .
هالصفوه صوت الحك تره املبيته
حيّه ظمايرهم وابد مو ميته
رحله العمر بس كلمن وتربيته
واتربوا ابحب حسين بالتربيه القدسيه
        . . . . . . . . . . . . . . . . . . . .
خادم أهل البيت عليهم السلام
عمار العيساوي الكربلائي



#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

____________
لمن يجد صعوبة بالحن اطلبه من
@moatmed2


▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


#برنامج_محرم_الحرام_١٤٤٣





اودعك . عيوني صارت شمع . والدمع . عالوجن يحترگ
اودعك . يا عزيز الكلب . شي صعب . يولدي نفترگ
ذبت . شبت . رحت . عن ناظري
.........................   
لمن تروح . ياضوه العين . شسولف شكولن شعاتب ياوضع
كبالي شبيت . ومن صرت شاب . يجاسم اشوفك ذبيح ومنصرع
يبني للحومه اجيلك احني ايدك بيدي
وانه اخضّب راسي يمك بالدمه يوليدي
اون . واحن . رحت . عن ناظري
. . . . . . . . . . . . . . .
يبني جسام . حار التراب . واخاف اعله وجهك تطيح اعله الترب
وانته عطشان . امفطره اشفاك . ييمه ومصابك عليه شكد صعب
بعدك ازغير ومصابك يمرد ابدلالي
ايعز عليه من اشوفك منذبح يالغالي
هظم . ظلم . رحت . عن ناظري
.........................   

من الدموع . امطرزه اثياب . حسبت آنه ازفك واقدمك للعرس
خاب الحساب . وآنه ظليت . اريدك تردلي وامنّيها النفس
ادري حال الموت يبني بينك وما بيني
وادري طولك يا حبيبي ما اشوفه بعيني
وداع . ضياع . رحت . عن ناظري
. . . . . . . . . . . . .
تعب الايام . والسهر ذاك . فديته ييمه اعله شوفت مبسمك
عمري انطيه . لو ترد يوم . ييمه واشوفك واقبلك والزمك
نحّلت جسمي بغيابك وشتفيد اللوعه
واختنك كلبي ابعبرته ونعصر بظلوعه
بجرح . بذبح . رحت . عن ناظري
. . . . . . . . . . . . .
بين الاشفار . يبني مطروح . واصيحن يجاسم احتركت خيمتي
ادري مذبوح . لكن الروح . تحشمك تريدك تلبي الصرختي
خيمتك والحنه يبني والشمع واثيابك
احتركن وصارن لهيب ابوسط كلب احبابك
لهيب نحيب . رحت . عن ناظري
. . . . . . . . . . . . .
خادم أهل البيت عليهم السلام
عمار العيساوي الكربلائي




#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

____________
لمن يجد صعوبة بالحن اطلبه من
@moatmed2

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


#برنامج_محرم_الحرام_١٤٤٣





ظلمه الشريعه وهل كمر هاشم
موسى وعصاته صارت الصارم
والكل شرد من شاهدوا قادم
على الماي
    . . . . . . . .  . . . .
بحر جن الجيش من كثر الحشود
وبعصاة السيف طر ذيج الجنود
وامتلك شاطيها واحتل الحدود
والنهر لجفوف ابو فاضل يجود
راد النهر يتروة بشفافه
بس الكمر حد يمنته وعافه
ظلت صور مرسومه لاوصافه
على الماي
   . . . . . . . . . . . . . . .
عالمطهم لاح بعيون العده
ورايته الخضره يهزها ابساعده
خافوا امن الصوت لمن ردده
سيفي وي اركابكم حل موعده
هاي الرؤوس الظلمه تمليها
وبسيفي جاي اليوم اداويها
لأهل الظلم تذكار اخليها
على الماي
     . . . . . . . . . . . . . . . .
صال والصوله علي امحشمه النبي
اتخيل انته الزعل من الطالبي
هاشمي ٍ   علوي ٍ   غالبي
خله كل فرسانهم تحبي حبي
يا علي صاح وأظهر اعلومه
مظهر عجايب صار بالحومه
ولصالحه الحملات محسومه
على الماي
     . . . . . . . . . . . . . . . . .
اتمادوا وبيهم كرب وكت الحساب
مد فقاره ونصّت اكباله الركاب
صوته ناده لا مفر امن العقاب
الروس من الخوف غطاها التراب
مثل المناره اعله النهر واكف
بس شبح طيفه ابعينهم خاطف
اشجع شجاع امن الكمر خايف
على الماي
     . . . . . . . . . . . . . . .
روس فسدت واقترب وقت الحصاد
وعهد من الكافل ايبيد الفساد
كل ظلم ينعاد حيدر هم يُعاد
والكمر نفسه علي ابين العباد
حامل لواء المرتضى وباسه
وحي الحسين وروحه وانفاسه
للشاطي من طب نزّه احساسه
على الماي
    . . . . . . . . . . . . . . .
للاخوّه صار مظرب للمثل
مو عجيبه و والده خير العمل
اموقع اعهود القدر من الأزل
عين وجفوف وعمد بيهن قبل
وقع عهد للجود والرايه
وكاتب نصر لحسين بدمايه
للوفه صارت كبته امرايه
على الماي
     . . . . . . . . . . . . . . . .
خادم أهل البيت عليهم السلام
عمار العيساوي الكربلائي





#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

____________
لمن يجد صعوبة بالحن اطلبه من
@moatmed2

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


#برنامج_محرم_الحرام_١٤٤٣



من قتلوا الأنصار النشامى
للموت الاكبر أتقدم عمامه
وجسّد علي الكرار ... بيمينه والفقّار
           . . . . . . . . . . . . . . . .
من قتلوا صُحاب حسين ونادوا يا بني هاشم
وين الفارس اليضهر يقابل بكر ابن غانم
تناخوا كلهم ابفد صوت وأولهم وكف جاسم
لن حسين الاكبر صاح ابني اليبتدي لازم
اتبسم علي وسل سيفه بيمينه
زلزل لمن صد للحومه عينه
للحومه لمن دار ... بيمينه والفقّار
           . . . . . . . . . . . . . . . .
برز للحومه والفرسان جفلت من مراكزها
كالوا حيدره هذا لمن رايته هزها
الحومه تنطوي بيهم حين ابرمحه يوكزها
و ولد بكر ابن غانم صار تحت سيفه يذل عزها
جندلهم وناده وين ابوهم
شعدكم بعد فرسان ارسلوها
جاهم يريد الثار ... بيمينه والفقّار
           . . . . . . . . . . . . . . . .
برز بكر و وكف لكن جانت وكفته اذليله
بس بالخيمه ظل حسين بكلبه لأبنه يدعيله
اجت ليله تريد اعلوم بيها اتطمن العيله
كلها وخنكته العبره لأبنج ادعي يا ليله
طبت لعد خيمتها بحزنها
تدعي الإله وتطلب ابنها
عن ابني اريد اخبار ... بيمينه والفقّار
           . . . . . . . . . . . . . . . .
مثل ظربة علي بخيبر ظرب بكر اشطره نصين
وكبر واتجه صوب الخيم كاصد لابوه حسين
ارتمه ابحظنه وبده يشكي الضمه وثكل الحديد اثنين
كطرة ماي ترويني وارد الحومتي بهالحين
كله يالاكبر مثلك اعاني
ومثلك تره هم يابس لساني
اصبح ضماهم نار ... بيمينه والفقّار
           . . . . . . . . . . . . . . . .
ودع أمه وتوجه للحومه بضمه كلبه
ولاح ابظهر المطهم ومنهو المعترض دربه
الجيش ابصولته اتطشر بين الخوف والرهبه
تاريخ البطوله ابدم ركبته امقرر ايكتبه
جيش ال اميه بجدامه داسه
بس بغدرهم طبروله راسه
صار المهر محتار ... بيمينه والفقّار
           . . . . . . . . . . . . . . . .
تحير مهره من الدم النزف غطاها اعيونه
عكس درب الخيم . للجيش ركض واهمه ايتلكونه
برمح وبسيف وبخنجر غده الاكبر يوذرونه
توذر جسمه بالميدان بحوافرهم يطشرونه
فوك الترب والجد اعتناله
كأس اللي يروي بجفوفه شاله
للطف كتب تذكار ... بيمينه والفقّار
           . . . . . . . . . . . . . . . .
خادم أهل البيت عليهم السلام
عمار العيساوي الكربلائي







#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

________
لمن يجد صعوبة بالحن اطلبه من
@alfoatm1

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


#برنامج_محرم_الحرام_١٤٤٣







اودعكم .. وتشب نار ابظلوعي
اودعكم .. جمر تنزل دموعي
اسولفها بونيني .. هلي يمودعيني
         . . . . . . . . . . . .
ناحل بالمرض جسمي .. و اتوچّه ابمتن همي
واتگوّه اعله علتي وحيلي بايد وآنه اكابر
بلكت والدي يقبل .. وي عبد الله بالمحمل
اصعد حتى اناغيله وسويه وياه اسافر
اصيح اتريضوا واخذوني وياكم
يهلي مالي حيل اجروح فركاكم
صحت يهلي .. خذوني اخدم ظعنكم
صحت يهلي .. اموت من بعدكم
لمن يطفح حنيني .. هلي يمودعيني
         . . . . . . . . . . . .
من شال الظعن واسره .. نار بروحي متوجره
روحي اويه الظعن راحت تفر مثل الحمامه
وعيني اعله الاثر تتبع .. وعاميها جري المدمع
وانثر دمعي وادعي الله يردون ابسلامه
راحوا وآنه ابگه امتانيه اعله الباب
ومن ساعتها والبست الحزن جلباب
تركتوني .. هلي بداري غريبه
تركتوني .. بأمل جيه قريبه
اعله جيه امأمليني .. هلي يمودعيني
         . . . . . . . . . . . .
ادعي بكل صلا يهلي .. بلكت طارش ايردلي
واسمع عنكم اخبار التسر كلبي وتفرحه
ما منكم خبر جاني .. تكتب دمعة احزاني
مرسال الكم ابهم الكلب ويختمه جرحه
راح ارسل على اجناج الهوى اكتابي
بلكت يوصل الكم يهلي واحبابي
كتبت الكم .. كتاب اشرح عذابي
كتبت الكم .. واظل انطر جوابي
عجب ممجاوبيني .. هلي يمودعيني
         . . . . . . . . . . . .
اقره ابمصحف الباري  .. بلكي ايهدّي افكاري
تطلع سورة الرحمن الي كلما قريته
اقره بآية الاحزان .. (كلُ من عليها فان)
وتواكد جمر بيه يرب صحت ونخيته
ياربي الابو خيمه على ابنيته
كبل ليموت كون آنه الذي ميته
شلي بعمري .. اذا افكد حبيبي
شلي بعمري .. اذا يكظي ابنحيبي
تظل تتجاره عيني .. هلي يمودعيني
         . . . . . . . . . . . .
تضيگ انفاسي يوميه .. واكثر بالمغربيه
واشعر كلبي يتكطع على حسين واخوتي
كل اعمومتي اعله الراس .. لكن يختلف عباس
لو ميت واصيحه ايفز يلبيلي نخوتي
ما ادري الطفوف امحضّره اجروحي
اخذت كل عزيز وغالي ابروحي
اذا يرجع .. ظعنهم جمره بيه
اذا يرجع .. بلا اختي رقيه
ابفكدها افكد سنيني.. هلي يمودعيني
         . . . . . . . . . . . .
خادم أهل البيت عليهم السلام
عمار العيساوي الكربلائي





#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

________
لمن يجد صعوبة بالحن اطلبه من
@alfoatm1

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


#برنامج_محرم_الحرام_١٤٤٣





صوت مذبوح اعتله ابنحر الرضيع
شلي بسنيني التجي ونحرك كطيع
من الوريد ابعث سلام
وغافيه اعليك السهام
     . . . . . . . . . . . . . . .
يا سلام الله اعله نحرك ناده نحري
ضامي لكن يبتسملك دومه ثغري
ابلا وجودك ما اريد اسنين عمري
خلي حافرهم يدوس اظلوع صدري
زغير صدري ويكفي بس حافر يدوس
راسي يصفه اعله الرماح اويه الرؤوس
عالرمح يبدي الكلام
وغافيه اعليك السهام
     . . . . . . . . . . . . . . .
زغير لكن فاهم الطف والجرالك
شفت الاكبر من رجع ضامي اعتنالك
لونك تغير احسه من اشتكالك
ومن رجعت امن الشريعه اشجان حالك
بيها لمن فرفحت مو من ضماي
شفت ظهرك منحني واشتد بجاي
حالك وحيلك حطام
وغافيه اعليك السهام
     . . . . . . . . . . . . . . .
بويه أشد من الذبح دمعة عيونك
من شفت جاسم وكع وانخطف لونك
بويه جنت اتمنه اشيل السيف دونك
واوكع اموذر كبل ليوذرونك
لو يجي الجمال يكطع خنصر ايدي
والشمر يرفسني ويحز ابوريدي
وبيه ينهي الانتقام
وغافيه اعليك السهام
     . . . . . . . . . . . . . . .
بويه من بعد الحرب راح اجي بكترك
بلايه راس آنه احط نحري اعله نحرك
بويه ادري فاطمه راحت تحضرك
وادري راح ايوسدوني فوك صدرك
فوك صدرك راح انام
وغافيه اعليك السهام
     . . . . . . . . . . . . . . .
بويه دمي خل يسيل ابنهر دمك
بلكي تبرد حسرة من حسرات امك
بلكي بويه اجبر ظلعها من تظمك
يا سلام الله على الزهره وعلى اسمك
بويه رب العالمين اعليك صلى
وانت صرت المحور الهالكون كله
الك من الله سلام
وغافيه اعليك السهام
     . . . . . . . . . . . . . . .
خادم أهل البيت عليهم السلام
عمار العيساوي الكربلائي






#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

________
لمن يجد صعوبة بالحن اطلبه من
@alfoatm1

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ

#برنامج #محرم لسنة1442هـ
#لسان #حال زينب عليها السلام
إصدار امنياتي
___
ليل وشمر. صعبه الامر. واتوقع اشلون
بين الغرب. والله صعب. ما تلحگ ام عون


—————


مابين لوعه من الصغر ومشتته افكاري
نار الخيٰــم اهـــــون اذا قارنة وي ناري
دمعاتي ما تنشف ابد يا مدمعي الجاري
بعد الاهل ضل الدمع بس للحزن ياري
محني الظهر. وين الگمر. تحدينه اجناب
ضاگ الهوه. مات الضوه. كافلنه من غاب


————


ماتت أحلامي وماشفت من دنيتي بس هم
من عفت اخويه عالـــترب عباس الامشيم
نار الشماته بالكلب بعدك بقٰــــــــت تثلم
موحش الليل إبلا گمر باجـــــر فلا اسلم
باجر ضرب. نار ولهب. بمتوني يا ناس
وسفه وعلي. اخت الولي. تسبيني ارجاس


——————


مابيه حيل اعله المشي واعثر بكل خطوه
والناگه هزله يا خلـــٰـــگ جاوين الامروه
انه الحرس بعدك الأخو ضليت للنسوه
تجرحــني نضرات العدو يا ويلي عالخوه
عيني اسهرت. واتمرمرت. واسمع يگولون
لوعدها اخو. لوعدها ابو. يمته يحضرون


————————


اعزاز گلبـــــي سافرو واعيوني تربي الهم
راحو وماضلي امـــــــل ارجــــع واگابلهم
فوگ التراب إبلا غسل هم عيني تنظرهم
ونات گلبي تنسمع عافـــــــوني اي چنهم
حيره وألم. ليل وشتم. واخواني ميتين
راعي اللوه. راح الدوه. يرجعلي امنين


——————


عالناگه عباس اصعـدت والتحدي شمات
وابالي اضننك عــــدل عباســــي ما مات
مابيه خويه عالســــٌـــبي واگطع مسافات
شحچي شسولف يا وضـع خويه ومعانات
حتئ الصبح. خله جرح. والحسبه بالليل
يهل الشيم. اكثر الم. من هاجت الخيل


——————
تمت بحمد الله وتوفيقه
المقصر دوماً : ناجي ابو كيان الصالحي
ونسألكم الدعاء


▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_اولاد  مسلم_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏اولااد ازغار 😭
  .      🏴
ــــــــــــــــــــــــــــــــــــــــــــــــــــــــ

قصيدة اولاد مسلم عليهم السلام
#برنامج _محرم_1440

23

احنه اولادك يمسلم حرگو خيمنه
اتوجهينه للشريعه نروح يم عمنه
يشوف حالتنه
الگوم لحگتنه
اتوجهينه للشريعه نروح يم عمنه
✿✿✿✿✿《 1 》✿✿✿✿✿
نركض من النار ردنه عمنه نشوفه
لكن الائلمنه شفنه فاگد چفوفــه
احنه ماندري ابونه غدرته الكوفه
الگوم مارحمونه وحنه نركض بخوفه
اتوجهينه للشريعه نصيح ابو فاضل
السيف مانگدر نحمله صعبه انقاتل
تفــور غيرتنـه
الگوم لحگتنه
اتوجهينه للشريعه نروح يم عمنه
✿✿✿✿✿《 2 》✿✿✿✿✿
احنه ردنه حسين خالي يحضر ويانه
بلايه چفينه ابو فاضل ماتلگانه
احنه اولادك يمسلم نذكر اربانه
مثله نتمنه الشهاده بدنيه خوانه
مثل مسلم ذاك ابونه وفه بعهوده
ناس نفس الناس تغدر والله موجوده
وسفه غدرتنه
الگوم لحگتنه
اتوجهينه للشريعه نروح يم عمنه
✿✿✿✿✿《 3 》✿✿✿✿✿
نركض من النار خفنه الجمر يچوينه
بهيمه صرنه بلايه والي بعد اهالينه
غيرت العباس عمنه اتوصفت بينه
ازغار بس ندري الشهاده لايگه اعلينه
خويه يبراهيم نمضي الحتف نتلگه
الاجل لجل الدين گلي نحبه ونعشگه
هناك فرحتنـه
الگوم لحگتنه
اتوجهينه للشريعه نروح يم عمنه
✿✿✿✿✿《 4 》✿✿✿✿✿
اخبار وصلت عن ابونه وصاحبه هاني
گال لجل حسين اضحي بروحي وزماني
مايشوف الجنه كلمن والله غدراني
الشاري ارباب الضلاله اوسفه باعاني
احنه مثله اتمسكينه بدين هادينه
اولاد مسلم مايهمنه الصار هاوينه
نريد جتنـــــه
الگوم لحگتنه
اتوجهينه للشريعه نروح يم عمنه
✿✿✿✿✿《 5 》✿✿✿✿✿
احنه نشتاگ الحميده نريد شوفتها
صعبه لويم الشريعه ذبحو اخوتها
ليش تتيتم حميده الدنيه خلتها
شابهت دمعت رقيه اليوم دمعتها
اتيتمت وسفه اختنه اخلاف والدها
واحنه هم منها مشينه من يظل عدها
احنه خسرتنـه
الگوم لحگتنه
اتوجهينه للشريعه نروح يم عمنه


✏خادم العتره
الَشُاعٌر الَحًسِيِنِيِ فُرحًانِ الَبًزٍوٌني




الناشر عباس التميمي:
قصائد حسينيه مكت

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi