منچ طلبت المعذرة
دم قلبي وي دمچ جره
يا بت رسول الباري . يا بت رسول الباري
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
آنا الإمام المؤتمن خير الورى عنواني
يا شيعتي أقسم قسم حيل المصاب آذاني
وي الضلع قلبي إنكسر أنزف قهر خلاني
يا ويلي من هذا الزمن بايعهم و عاداني

يا روحي منچ أعتذر
من هجموا أصحاب الغدر
يا شمس تضوي بداري . يا شمس تضوي بداري
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
مو هينة عندي و ما شفت موقف يزيد بنوحي
لچن مصيبة فاطمة أعظم جرح بجروحي
وي عصرة الباب إصبَرِت بس چنها طلعت روحي
كل ما أريد أفزع ملك بآذاني يقره و يوحي

يا حيدر إختار الصبر
بأمرك مخير مو جبر
بس الدمع ظل جاري . بس الدمع ظل جاري
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
قوة و بسالات و عزم بالحرب هاي جنودي
و العندي لا مو من بشر من الله ماخذ زودي
عاهدت طه المصطفى و آنا الوفي بعهودي
لو ما وصية إمنالنبي محد يدوس حدودي

أطبگ الكاع أويه السمه
لو شفت دمعة فاطمة
مو طبعي أترك ثاري . مو طبعي أترك ثاري
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يا رب علي و رب فاطمة هون عليه مصابي
مو سهله عندي لو شفت تنعصر روحي إبابي
لو ليه صاحت يا علي يا ربِ شنهو جوابي
آنا الذخر وكت الشدد و إتسجلت بكتابي

لو ليه صاحت يا علي
يابا الحسن إحضر إلي
ساعتها شنهو أعذاري . ساعتها شنهو أعذاري
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
تجرحني دمعة فاطمة و أسمعها تترجاني
لا تسل سيفك يا علي و آنا الخِلَق يرعاني
هو اليشاهد حالتي و يشهد بعد عالجاني
ما أنسى ربي إبهالوضع و الباري ما ينساني

يا ربِ هذا الناصبي
يعصرني و يسب النبي
يا عالم إبأسراري . يا عالم إبأسراري
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
#الوصية
#علي_حسن_الكناني

🌺غير مسموح بازالة الرابط🌺

🌹منبريون .للقصائد.للنشر.للمقامات
.للالحان.تجدون.الروابط.في.الاسفل🌹👇👇👇👇👇👇👇👇

للإشتراك. ...
منبروبن للقصائد 1
1.@alziwat

🌷قناة الحان الناشر احمد الزوار🌷
2.@alziwar
منبروين للمقامات
3.@alziwartttttt
گروب منبروين للألحان 2
4.@alziwattt
🤗الرابط الخاص بالواساب🤗👇👇👇
https://goo.gl/pqwfeJ
🖓🖓🖓🖓🖓🖓🖓🖓🖓
منبروين للقصائد 2👇
https://telegram.me/alziwatt

#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

الشاعر ((علي حسن المنصوري))

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁

#ام البنين


💫#الوصية💫

وصيتي .. يالأربعه الطيبين
وصيتي .. زينب ويه الحسين
ولحد المنيه ،،، تحفظون الوصيه
••••••••••••••••••••••••••••••••••
آنه أم البنين أنتم بنيني شموع بيتي
يافرحة گلب أمكم ياذخري وتچيتي
أريدنكم تسمعوني ياتعبي بدنيتي
حسين وزينب الحره يولادي وصيتي

ييمه .. ذوله أولاد الإكرام
ييمه .. وإلهم إحنه خدام
ولأجل الزچيه ،،، تحفظون الوصيه
••••••••••••••••••••••••••••••••••
صح انتم ولد حيدر وحسين ابن ابوكم
بس حسين سيدكم لاتحسبونه أخوكم
أريدن تنحنون إلهم اذا يمهم دعوكم
واذا رادوا طلب إنتوا إعتونهم لا يجوكم

يعباس .. كلشي إنطي لحسين
يعباس .. حت لو راد چفين
بيوم الغاضريه ،،، تحفظون الوصيه
••••••••••••••••••••••••••••••••••
ياجعفر يعبدالله يعثمان ويعباس
بزينب ما أوصيكم إلها دنّگوا الراس
ربّت والنعم منها خل أسمع حچي الناس
وهذا حسين أريدنكم تفدوا لآخر أنفاس
يولدي .. حته لو تموتون
يولدي .. المهم الخدر مصيون
خدر الفاطمية ،،، تحفظون الوصيه
••••••••••••••••••••••••••••••••••
ياعباس وحچايه إلك وانته أهلها
تره زينب تأمن بيك لا تخيّب أملها
إفدي الراس وإفدي العين وإفدي چفوفك إلها
وآنه أدريك رفعة راس وكل شدة تحلها

يكافل .. خل عينك عله أختك
يكافل .. خدر الله برگبتك
يبن حامي الحميه ،،، تحفظون الوصيه
••••••••••••••••••••••••••••••••••
أريد بكربله باچر وجهي تبيضونه
ولأجل حسين سيدكم كلشي تقدمونه
تره حسين أعز من عدكم عندي تعرفونه
أريدن كون يم أمه راسي ترفعونه

أريدن .. تفدونه يولدي
أريدن .. يرد الغالي عندي
شگد غالي عليه ،،، تحفظون الوصيه
••••••••••••••••••••••••••••••••••
أحس بهاي روحتكم بعد ما بيها جيه
موتوا وخل يرد سالم إلنه ابن الزچيه
وأخاف حسين هم يوگع مثلكم عالوطيه
وأخافن زينب الحره ترجعلي سبيه

أتاني .. وأنشد آنه عنكم
أتاني .. ترجعون بظعنكم
وصيتي الأهم هيه ،،، تحفظون الوصيه
••••••••••••••••••••••••••••••••••
# #علي_حسن_المنصوري





✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

#اكبر_قناة_لنشر_القصائد_مع_الالحان🔸🔸
https://telegram.me/joinchat/AAAAAD2cKU7dhy13L1EGYQ