#قصائد_وفاة_السيدة_زينب_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c
🌹ألَا بِذكر زَينَب تُفجعُ القُلوب..💔
ــــــــــــــــــــــــــــــــــــــــــــــــــــــــ

#الليالي_الزينبية

صباح الموت زينب . حيل گرب . ليچ موتچ
صباح ادموع طاحت . كلها صاحت . وين اخوتچ
عذابچ گد عذاب . الرضيع ابلا رباب
وين اخوتچ . وين اخوتچ


ملك الموت اجيتج مستحي وخجلان
ومن عباس اخوچ استأذنت حيران
صعب اقبضها روحج وانتي دون اخوان
تضل عطشانه خوة العدها اخو عطشان

ياعجب . عمرچ ذهب . دمعة وتعب . موتچ گرب . وين الأهل چا وين
لا أبو . يحظر واخو . مات الدفو . ها چا منو . يحظر يسد العين

ولا أم تبچي يمچ . ماتت امچ . وانتي طفلة
ولا عباس يگدر . هسه يحظر . من يگله
الگمر هالليلة غاب . الرضيع ابلا رباب
وين اخوتچ . وين اخوتچ
____
صباح الدمعة واشگد هالصبح أذاچ
صباح الحسرة راعي الغيرة مو وياچ
انه ملك المماة او مادريت اللگاچ
بلا والد واخو لا أم تجي تنعاچ

ياحزن . شايل حزن . بيتچ يون . حتى الغصن . مات وخذتة الريح
ياصبر . ضاع العمر . فرگة وهجر . محد يمر . يمچ يخويه ايصيح

دموع اهواي عندچ . حيل خدچ . ذوبتة
الطفوف اهواي خلت . گلبچ انفت . عذبتة
خذه اعزازچ تراب . الرضيع ابلا رباب
وين اخوتچ
__
أخاف اقبضها روحچ بس منو ليشيل
يزينب هسه جثتچ والدموع اتسيل
منو ايچفنچ يزينب يمشي بيچ ابليل
على لحدچ ترب يالحرة منهو ايهيل

اتحسرت . من دورت . بيتچ شفت . اثياب وگلت . هذي ثياب إحسين
باقي من . طف الحزن . ثوب وردن . كل ثوبة اظن . ابگبرچ تظل تردين

ثياب إحسين ردتي . ابگبرچ انتي . يدفنوها
إذا ماشفتي نحره . اتشمي عطرة . اتفهموها
عشگ لا مو سراب . الرضيع ابلا رباب
وين اخوتچ . وين اخوتچ
____
قريت ابوجهچ اشگد رايده العباس
يجيچ اهنا بو فاضل عندچ ادري احساس
قبل موتچ چفوفة رايده تنباس
عله اتراب الگبر ردتي يحط الراس

للگمر . ابيتچ أثر . ارسمتي صور . يم النهر . جود ويدور ماي
والعلم . گوة انرسم . ثاري القلم . نبلة وسهم . حضنت صدر مولاي

عله العباس يامة . من سهامة . اشگد بچيتي
رسمتي اچفوف شالت . ماي صاحت . ما رويتي
حملتي اشگد عتاب . الرضيع ابلا رباب
وين اخوتچ . وين اخوتچ
____
دريت آخر ثواني رايدة اتشوفين
رقية وسكنة بيدچ رايدة اتحضنين
على عبدالله شفتچ واشكثر تبچين
للاكبر يالعقيلة گاعدة اتحنين

ابكربلة . فوگ الفلة . متچتلة . ناسچ بله . دفن وگبر محفور
عالترب . ظل چم گلب . دمهم يصب . بين الغرب . خلصتي كل عاشور

ينوگ اهواي إنتي . اشگد صعدتي . بالسباية
ابخرابة اشگد گعدتي . وما فرحتي . للنهاية
ابخرابة وماكو باب . الرضيع ابلا رباب
وين اخوتچ . وين اخوتچ

حيدر الحلفي


▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://tttttt.me/+seH5Q_Y3xPw2NzIy
▪️كروب الالحان رقم 2
https://tttttt.me/+eAjWA-W1XTk5MmYy