#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤 الشاعر علاء الزيدي 🖤

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁


#الرضيع

در حليبي وألولي وغفه بعيني النعاس

راح اكمطه يزينب رظيعي ابلايه راس

عله نحره در حليبي \\\ يمه اكعد ياحبيبي

*************************

يمه عبدالله  ندهتك  اكعد اللعب     

 وين خدك ارد ابوسه راسي شيب

                      عله  مهدك شوفه ظهري يمه حدب

                      العمره ست وردات يمه فراكه يصعب

جرحك ابكلبي يمه اخيطه  وينفتك

ليش عبدالله زينب اشمن بي حرك

الجنت اشمه هوه عذيبي\\\ يمه اكعد ياحبيبي

****************************

يمه تعبك  راحه  بالنسبه  اليه

ومنتضرتك كاظه كماطك بديه

حرمله غافلني ابسهم المنيه

ليش محد شربك كطرت اميه

كبال كاروكك اكعد وناغيك  بدلال

ياجمال الله لحضاني اصيحلك تعال

عليك كل نوحي ونحيبي\\\ يمه اكعد ياحبيبي

******************************

اختنك  كمت منصيحلك  دليلول

نام يوليدي عدوك  ساكن  الجول

خيطتلك  زينب اهدومك  يمدلول

وصافنه ويايه عله نحرك مدري شتكول

تكلي فصلته بيدي انه اقماشه الجديد

وهسه تاليهه طفلج يردلي ابلا وريد

والحزن عازل نصيبي\\\ يمه اكعد ياحبيبي

****************************

انته سالفتي  ييمه  الما  املهه

بعدك ازغير فركتك مو محلهه

روحي طلعت كبل موعدهه واجلهه

الجنون  يصيبهه التفكد  طفلهه

شلون كلي يطفلي تحملت السهم

كوه اشوفك ترس عيني دخان الخيم

فراك وجهك زاد شيبي\\\ يمه اكعد ياحبيبي

*****************************

يمه يم كاروكك اكعد بيدي شمعه

وعالتراب افرش عباتي وابقه انعه

حيل مشتاكه تره لصوتك اسمعه

ناذره الماي بثوابك اله اوزعه

وين مااكعد ابجي عله وليدي الزغير

المثلك انته  يغالي  يلفونه  بحرير

لبني زينب ماي جيبي\\\ يمه اكعد ياحبيبي

*****************************

عله خد الايمن تعودت انيمك

وكبل لا تغفه بحنيني حيل اشمك

للسبي من امشي روحي تبقه يمك

وانه فوك الناكه  بدموعي  اكلمك

تنام متعوده يمه عله رجلي وبيك اهز

ياهو اليكلك اسم الله  يبني  من  تفز

من الجسد ياروحي غيبي\\\ يمه اكعد ياحبيبي

تمت

علاء الزيدي


✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

الشاعر ((علي حسن المنصوري))

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁

#الرضيع

💫لــــــــ مولاي عبدالله الرضيع ع💫
#لا_أريد_الماء_أريد_أمي

بطلت لا تسگوني ... لأمي بعجل ردوني
ردت ماي موسهم ... تروّيت بس ألم
-------+---------+---------+---------
من نشف صدر أمي ظلّت حايره
تعاين إعليه وشفافي مفطره
راحت لعمتي العقيله الطاهره
تگلها هذا وليدكم يالصابره

عبدالله ياحبيبي ...إعذرني نشف حليبي
أحس حيلي إنهدم ... تروّيت بس ألم
-------+---------+---------+---------
گمت أشوفن دمع عمتي عالخدود
وهيّه تنظر وجهي ذبّل كالورود
آنه أتاني عمي يرجع بيده جود
وعمتي تعرفي عمي راح ومايعود

ولوالدي ودَّوْني ... بلكت عذب ينطوني
عرفت طاح العلم ... تروّيت بس ألم
-------+---------+---------+---------
والدي إگبال المعسكر وإسمعوه
إنچان ذنبي گال طفلي إرحموه
گالهم إخذوه وإنتوا شرّبــــــوه
قسم إسقوه قسم گالوا لاتسقوه

وچن أحس نبله جتني ... وبنحري صوّبتني
شفت سال مني دم ... تروّيت بس ألم
-------+---------+---------+---------
شبگت أبوي وچن أحاچي بالعذاب
بويه فدوه لرگبتك كل الرگــــــاب
المصيبه من أرد لأمي الربــــــاب
شلون بيها وتنظر بنحري صواب

چاشنهي ذنبي إني ... وحر السهم چوّاني
أرد هيچ للخيم ... تروّيت بس ألم
-------+---------+---------+---------
گماطي إفتحته بديه من الوجع
ردت أطلعنه السهم بس ماطلع
گتله يابويه أحس نفسي إنگطع
بويه وبدمي أحس ثوبي نگع

چن گرّبت منيتي ... دمي ترسلي ريتي
بقه الماي بس وهم ... تروّيت بس ألم
-------+---------+---------+---------
وداعة الله وردني بويه منذبح
أرجع وألچم جرح أمي بجرح
راح تعبچ يمه يم گلب السمح
وراس أبنچ تالي ينشال برمح

وبرمح لو شالوني ... إعليچ تبقه عيوني
يمن بيچ گلبي هَمْ ... تروّيت بس ألم
-------+---------+---------+---------
خالي مهدي لاتلوليله بعد
خاف گلبچ ينجرح يم الولد
عليچ يايمه أحس گلبي إنمرد
يلّي ريجچ حار بعده ومابرد

سهمي ذبح أيامچ ... وإتطشرن أحلامچ
دليلچ ما سلم ... تروّيت بس ألم
-------+---------+---------+---------
# #علي_حسن_المنصوري




✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

#اكبر_قناة_لنشر_القصائد_مع_الالحان🔸🔸
https://telegram.me/joinchat/AAAAAD2cKU7dhy13L1EGYQ

#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

الشاعر ((علي حسن المنصوري))

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁


#الرضيع

💫لــــ مولاي الحسين ع💫
#سر_الغرام

محبوب عد كل الناس ،، ويحبه حته العباس
حسين الله أدرى بسرّك ،، الكون يدور بأمرك
_---________---_______
يا محور الحب والعشگ .. لون الغرام بلونك
الحَبَّك بالأول خالقك .. والله صبح مجنونك
وكل أنبياء الله ورُسل .. يابوعلي يحبونك
وحته رسول الله بعد .. هم سودنتّه عيونك

وحته أبوك الكرار ،، هم حَبَّبك وظل يغار
ينذر الله بذكرك ،، الكون يدور بأمرك
_---________---_______
وأمك الزهره فاطمه .. ذابت بحبك يحسين
چانت لگد ما عشگتك .. تسميك يانور العين
والحسن گلبه شگد يحب..چلمة الـ خويه بكل حين
وزينب شگد شالت عشگ .. بدلّالها هواي سنين
وأم البنين بيا حال ،، خليتها وضعنك شال
وشگد بقت تنتظرك ،، الكون يدور بأمرك
_---________---_______
آنه أعتقد يابوعلي .. إنته الخلقت الإحساس
ياگلب ما مثله گلب .. جنّنت حته العباس
تتنفس الناس الهوه .. وللهوه انته الانفاس
خليت اليحبك صدگ .. يحسين مرفوع الراس

وزينب شگد هامت بيك ،، حگ راسها يشيب عليك
بالعشگ طاحت بأسرك ،، الكون يدور بأمرك
_---________---_______
يحسين وعيونك تره .. سبحان المسويهن
چنهن بحر من رأفتك .. يغرگ اليصفن بيهن
متعودات اعله العشگ .. بنيّاتك مخليهن
يحبّنِّك وحگهن تره .. لگد ما إنته مداريهن

حگها رقيه من تموت ،، چي إلك ماتسمع صوت
خلّت نحرها بنحرك ،، الكون يدور بأمرك
_---________---_______
ما أدري شتسولف چنت .. وشگد غرام بگلبك
شحاچيتها حته أصبَحَتْ .. هيچ الرباب تحبك
يا حرب يا حر يا عطش .. المافكِّرَتْ بي صحبك
چم گلب ظامي بكربله .. بس يرتوي من يشربك

والماي يعطش سكته ،، بس التروّيــــه إنته
الباري يعرف قدرك ،، الكون يدور بأمرك
_---________---_______
ما أعظم الحب سيدي .. وحبّتك كل الوادم
بعاشورك نقيم العزه .. وما ننسه عرس القاسم
حبّيتك وما شايفك .. وأعتبر روحي خادم
يحسين وعدنه أمنية .. نشوفگ بوجه القائم

ننتظره يا بوسكينه ،، وطوّل غيابه علينه
يايوم يطلب ثأرك ،، الكون يدور بأمرك
_---________---_______
# #علي_حسن_المنصوري




✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

#اكبر_قناة_لنشر_القصائد_مع_الالحان🔸🔸
https://telegram.me/joinchat/AAAAAD2cKU7dhy13L1EGYQ

#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤 الشاعر لقمان البدران 🖤

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
#الرضيع ع

شَــاهَدته ودِلِـيلي امن الحِـزن شَــاط
رَاسَـــك عَالرمـح مَشـــدُود بـﮔـمَــاط
*
رَاس اِزغِــير مِتوَسِّـــد طَـرَف عُـــود
ونَظـَــر عَـينه السِـمَه الجَبار مَمــدُود
حَـر الشَـمس شَـﮔـَّــك جِـلـْـد الخــدُود
وذَاري التِـرب مَـر وخَـيـَّـطَه اِخيـَــاط
رَاسَـــك عَالرمـح مَشـــدُود بـﮔـمَــاط
*
شِـفـْـت الـوَرد ذابِــل فـوگ الشـفَـاف
وخَـيَال المُوت يمَّـه ابوَجهَـك اِنشَاف
ياعُـــود الرَبيــع النَــــدِي الشَــفـَّـاف
اِخِـذ رُوحي الذبُـول الشِـفـَّـه نِـﮔــَّــاط
رَاسَـــك عَالرمـح مَشـــدُود بـﮔـمَــاط
*
رَاسَــك مَارِهَــم فـوگ الرمـح لِـــيش
بـﮔمَـاطَـك يغــالي امرَبّـطـَــه الجـيش
مثل ﮔـلبي صُــبَح فاﮔـِـد جِنِــح رِيـش
ولا تَارِك غصِـن صَدري ولا حَــاط
رَاسَـــك عَالرمـح مَشـــدُود بـﮔـمَــاط
*
يـاجَـرح اليِـلِــﭼمَـك يمـَّــه يالـــــزِين
حَــز النَحـَـر لـُـو ﮔـَــطع الشَــــرايين
لُـو سِـــن النِـبَــت ياﮔــــرَّة العَــــــين
ونَـام وسَـوَّه مَجرَى اَنفاسَـك ابسَـاط
رَاسَـــك عَالرمـح مَشـــدُود بـﮔـمَــاط
***
ياجمـَّــار رُوحِــي وتَــالِـي الاحبـَــاب
وَي سِــيل الدمُـوم اليســـﮔي لِــترَاب
سِـيل ادمُوع يجـري ابعَــين المصَاب
مِن اُمـَّـــك الشَـــافـَــت حَـر الســيَاط
رَاسَـــك عَالرمـح مَشـــدُود بـﮔـمَــاط
—---------------------------------—
لقمان البدران

✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

الشاعر ((ناجي الصالحي))

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁


#الرضيع

عبدالله يا مــذبوح يبني يغالي
عبدالله يا مذبوح سوده الليالي
صارت حزينه ايامي لمن متت يا ضامي
يبني يغالي يبني يغالي
"""""""""
بعدك زغير وجازوك سهم المــــــنيه
عبدالله يمه يا حيف رحت مــــنديه
يالماشربت من الماي ســــــوده عليه
يوليدي بعدك بس نوح وصفك بديه
عبدالله يا مذبوح امك حــزينه
عبدالله يا مذبوح رحت مندينه
خابت ييمه احلامي لمن متت يا ضامي
يبني يغالي يبني يغالي
"""""""""""
حسراتي يا يمــه اهواي بعدك زدتهه
يالتارك امــك لاوين صعــــبه عفتهه
مذبوحــه يوليدي احلام يالماشفتهه
يالعمرك بســت اشهور روحي خذتهه
عبدالله يا مذبوح طفو شمعتك
عبدالله يا مذبوح سالت دمعتك
كلبي اعله شوفك حامي لمن متــت يا ضامي
يبني يغالي يبني يغالي
""""""""""
مــجبوره لْـۆ زدت النوح ما يهده وني
عبــدالله يا وردة ياس واخذوها مني
صــابك سهم يمه اشلون محتاره لني
مهــدك اصدله بيا حال يذبحني حزني
عبدالله يا مذبوح دمعي تفجر
عبدالله يا مذبوح عالفركه مكدر
جابوك اليه دامي لمن متت يا ضامي
يبني يغالي يبني يغالي
""""""""""""
اختك يعبدالله اتــــــنوح هايه رقيــــه
متعوده يمه اتناغيك وكت المــــــسيه
متعوده كل وكت اغروب اختك خطيه
ضلمــــــــه الليالي ابلاياك جانــت زهيه
عبدالله يا مذبوح سهمك رماني
عبدالله يا مذبوح فكدك عماني
لاحن ييمه اسهامي لمن متت يا ضامي
يبني يغالي يبني يغالي
""""""""""""
ضحكاتك اشافي الروح يا وردة امك
متعوده لْـۆ جاني الليل يا يمه اكلمك
ناغيلي يا يمه اشبــيك شنهو اليٱلمك
ضاع الحلم يا رجواي فاركني رسمــك
عبدالله يا مذبوح حلمي تبده
عبدالله يا مذبوح حزني تعده
طاح العمد بخيامي لمن متت يا ضامي
يبني يغالي يبني يغالي
"""""""""""""
تمت #بحمد الله #وتوفيقه #وبفضل اهل البيت ع
#بقلم المقصر #ناجي #الصالحي 📝
#ونسألكم #الدعاء #قناة #خادمكم




✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

#اكبر_قناة_لنشر_القصائد_مع_الالحان🔸🔸
https://telegram.me/joinchat/AAAAAD2cKU7dhy13L1EGYQ

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


#الرضيع صلوات الله عليه

#شور


عبدالله ... يوليدي
عبدالله... يوليدي
.
.

جنك ورك نعناع ومنعَّم
للشم ركبتك مو ذبح ترهم
ريحانة ايامي انت ولبلسم

عبدالله ماي .. جان او سماي
من عندي غاب .. ابني او ضواي

صاح القلب بجروحه ... يغالي
يل ما شفت مرجوحه ... يغالي
او روحي صفت مذبوحه .. يغالي
يايمه

مات بخيالي ... جلمة دَلالي
محّد بقالي ... ييمه

كلشي بعيوني ... ميّت يلوني
حتى ظنوني.. ييمه
.
.
.
آ يل بقه بريتي سمه عطرك
مو حنطة خاطر ينذبح نحرك
غالي انت واغلى امن الهوا صدرك

من عندي راح .. فوك الرماح
اشسوه الرضيع .. او دمه يباح
يا يمه

لسه اعله جفي احساسك... يلوليد
يل جنت أعد انفاسك.. يلوليد
شفت السهم من باسك .. يلوليد

ياروحي غايب .. والقلب ذايب
والدمع ساجب ... ييمه

كل نبضه بيه ... صارت عزية
ابروحي رزية ... ييمه
.
.
.
ليش السهم ياكل تفاصيلك
يوليدي جنت بماي أناغيلك
تالي العطش بايك نهر حيلك !

كل حسرة نار ... بيه او شرار
ابني ذبيح .. او دم لونه صار

بس ماي راد الغالي ...تفرهد
ما راد منصب عالي ... تفرهد
هي المصيبة اكبالي ... تفرهد

كبرت جروحي..عكبك يروحي
وازداد نوحي .. ييمه

ضايع جمالك ... او غابت خصالك
او ماكو بجلالك .. ييمه
.
.
.
يل تارس اعيوني ورحت مني
بَعدك صرت خشبة حطب جني
شمسوي والماي ابْعِدِك عني

يبن السليب ...ثوب النحيب
بشكلي او دماي .. الفكد الحبيب
يا يمه

شابك سهم مو حضني ... يمدلول
ليش بعجل عايفني ... يمدلول
بنار الهجر تحركني ... يمدلول


آ يا مُنيتي ... او يا ضوه بيتي
ترضه بأذيتي ... ييمه

اكماطك أشوفه .. كلسا واطوفه
روحي عطوفه .. ييمه
.
.
.
كاروك الفارغ كتل عمري
جن كسرة احسين انكسر ظهري
تدري بْمَعَزْتك يالولد تدري

كل فكري بيك .. وعيوني ليك
واتمنه اموت ... بس كون اجيك
يا يمه

فاركتك بْحسراتي ... بالاحزان
تجوي الحجر آهاتي .. بالاحزان
جنهن بحر دمعاتي ... بالاحزان

شكد بجيتك ... او للحومه اجيتك
ميت لكيتك ... ييمه

ظلمة حياتي .. حتى امنياتي
بُعدك مماتي.. ييمه
.
.
فاضل عباس الخزاعي

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


#الرضيع صلوات الله عليه


امخضر بجفه الورد..وبصدره عطر الياس
مو للذبح نحره او علي.. نحر الولد ينباس

عبد للريه الهوه
او هو لعيوني الضوه
.
.
.
اترف من الماي وجهه بالبراءة
والنده بْخدّه فقط يلكي سماءه
انطه للريحان نكهة من ردائه
او من ضحكته الكمر ماخذ كل ضيائه

عَبد نعمة امن الصمد
هو خصني بْهالولد
ابني جرحي والدوه
هو لعيوني الضوه
.
.
.
سَيَّر القلبي محطة او غاب عني
بسمة ايامي بغيابه فاركتني
ركضت الدنيا اعله دمه او عذّبتني
مال شم او مو ذبح اي والسما ابني

برمشه عينه امكحّله
بجفه مرسومه الهلا
راح من عندي او هِوَه
هو لعيوني الضوه
.
.
.
ابني جنه بمهده والله طير جنة
موش مالت سهم وِبْدمَّه إِيْتِحنَّه
جن فراشة تَرف وبْروحه المحنة
أزغير بعده بْعمره طفلي ما تهنّه

اسنينه من غبشه طفَت
او عيني دم عكبه اذْرفَت
أزغير عمره ونْحِوَه
هو لعيوني الضوه
.
.
.
عاف كاروكه او مشه موش اعله جدمه
طار للموت بْجناحه او فاض دمه
جانت احلامي اسمعه ايكول يمه
وافرح اهوايه او أبوسنه او أشمّه


يمه ما كال الولد
او بين جفيني انفكد
حيلي من بعده خِوَه
هو لعيوني الضوه
.
.
.
واهس اعيوني بْحياتي من جماله
عبد ما واحد ملك شَيْ من خصاله
حيره بالله اشلون يبقى بس خياله
او ابني حضني او حضن ابو بس الحلاله

اشلون يحضن للسهم
او طوله يصبح كله دم
والسهم منه ارتوه
هو لعيوني الضوه
.
.
.
فاضل عباس الخزاعي

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA

▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg