#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



#أنه_العباس
************

طلع للمشرعـه العباس
تفرمن صولته الارجاس
علیهم صاح بن حیدر
أنه العباس المشڪّر

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
آنه ابْن الوصي حیدر والڪافل یسمّونـي
عـزمي مـن أبـوالحملـه أرد الجیش بفنونـي
ناوی الیوم اجیب المای وأگص روس الیمنعونـي
واعدت الحرم ارجع بالمای ویتانونـي

أروّی عیلتڪ یحسیـن
أضحّی بگطعة الچفین
فده اچفوفی لبوالأڪبر
أنه العباس المشڪّر

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
حمل عالگوم ابو فاضل حملة حیدر الڪرار
معروف بحرب صفیّـن سبع الگنطره المغـوار
صاح اشحدهه لحدودی تدنه گوم هالأشـرار
الیگرب ینگطع راسه و ادمومه تظل طشّار

الیدنه احدودی راسه ایطیر
واخلی الروس عثـره اتصیر
جثث عالگاع تتطشّـر
أنه العباس المـشڪّر

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
صارت ضَجّـه بالمیدان وجثث خلاهه متـوَذْره
وصل للمشرعه ویرید یوفی اوعوده للحـرّه
تِرس جوده ابوفاضل وچبده امن العطش جمـره
غرف بچفوفه غرفة مای لاچن ما شرب گطـره

تذڪّر گلب اخوه حسین
چبده تفطـِّرت نصّین
چفیل العیله و الخدّر
أنه العباس المشڪّر

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
تذڪّر عطَش ایتامه وحال حسین،المچنّـه
ذب المای من ایده وصاح اشلون اشربنّه
ابدما تقبل الغیره اشرب مای واتهنـّه
أدری تالی چبد حسین أبد مایرتوی منـّه

ینفسی ما أضوگ المای
خل ناری تگطع احشای
أخلـّی الچبده تتفطـّر
أنه العباس المشڪّر

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
أوَصل المای للعیله و نویت ارجع للمخیـّم
لحظه ولَن شفت غارات علی خیل و زلم تلتـم
اچفوفی اتگطّعن والعین رموهه ابسهم المحتـّم
صابوا راسی بالعامود والشیبه تگطّر دم

طحت والخیل داستني
وذر عالشاطی خلتني
ذبیح و جسمی اتوذر
أنـه العباس المشڪّر

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
ابیاحاله اجانی حسین شاف الچافل ابیاحال
حِظنِّی و صاح للخیمـه نِرد خلّینه یا ڪفّال
گتله ابیا عذر ارجع و شاهد حالة الأطفال
شگل لمدللة حیدر و آنه امگطّع الاوصال

اریدڪ للعقیله اتروح
تگلهه اعله النهر مطروح
أرد للخیمه ما اگدر
أنه العباس المشڪّر

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
بقلم الرادود یعقوب البوغبیـش



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA