#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

ابوذيات ليله العليله
........................

عليله رويحتي تفارك ابلها
وجنتي خلافكم من دم ابلها
ابنكم فاطمة وعيني وابلها
يسليها بجوار اهل الحميه

........
المصايب الما نسلت عليها نسلها
ابوها من مشه عنها نسلها
شريفه ومن نسل طاهر نسلها
مريضه سابيني بوداعك اليه
........

المرض سابيها ياوالي يتلها
وليل الهجر بحباله يتلها
ومصايبها بعد عينك يتلها
وكتها بالمرض ناره سريه

مرض وفراك يحبابي يسلني
ولا واحد على احوالي يسلني
اون وبالحزن وني يسلني
وحيده يا هلي لحكو عليه
........

هلي وليش بضعنكم مات ابوها
تموت الروح وحدي مات ابوها
انه محتاجه ابوها مات ابوها
وبعده الموت جان اهون عليه
........

كلبي ما شبع منكم ولا اني
وعكبكم يا وكت بويه ولا اني
رماني بسهم علاته ولا اني
وبعدكم ميته ترحمو عليه

يبويه الصار عني ارحلت والدار
بعدكم موحشه الاحوال والدار
بجفاكم وكتي من عيون والدار
وعميه خلافكم واصفك بديه
........
عميه ولا امل منكم يرد لي
وبعد ما ضل ابو عندي يرد لي
اريدك انته ترد لي يرد لي
عيونك واحضن جفوفك باديه
........
اطيبن لو ترد بويه تعلي
واسمعك مو شرط صوتك تعلي
علل بفراكك كليبي تعلي
بويه بغيبتك موتي اليه
........
الشاعر
اياد الفرح المهدوي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


وَدّعُوني مِن بعِد
مَاي ويوَدّع وَرِد
وذبلوني
ودعوني
***

آنه العَليله الّي طبيبي مَالِـﮔـه ادواي
عُودِي رِﭼيـﭻ وصُوبه يمشِي الموت عَناي
وناس التباريني ﮔـبل واتسَاهِر اوياي
خَلّوني وبـﮔـاع العِـطش نَـبتَه بلا مَاي
اﮔبَالي حَتفِي مِستِعد
مَاي ويوَدّع وَرِد
وذبلوني
ودعوني
***
مَذهُوله بالباب اوﮔـفِت والقافله اتسِير
وادعَيت مايمشي الزمَن ويصِير تأخِير
مِن لُوعِـتي وهَـم العَلَي ماعندي تفكِير
اﭼبيره الجرُوح وﮔلبي لا مايحمِل ازغير
بالمصَايب ينمِرد
مَاي ويوَدّع وَرِد
وذبلوني
ودعوني
***
اتبَاريهُـم اعيُوني بُقَت أهلِي المَيامين
ورَجّفني طيف اعليّه مَر زَيّدلي الونِين
وبين الحقـيقه والحلِم ﭼَنهُم امغَربين
وفوﮒ الخيُول العَابِره بلا رُوس ماشِين
وجسمي أصبَح يرتعِد
مَاي ويوَدّع وَرِد
وذبلوني
ودعوني
***
تِذكار مِن عدهُـم بقَى بعَين اليوَدعُون
ﭼَـف الودَاع المِرتفِع وَي دَمع العيون
والسَان حَال الفاجعه وصُوت اليكرهون
مِن ﮔـال أهلِـﭻ هالمِشوا لا مايردّون
شِفتي ميّت هَم يرِد
مَاي ويوَدّع وَرِد
وذبلوني
ودعوني
***
محّد بقَالي امن الأهَل كلهُم جفُوني
وظلّيت روحي امحَيره ودمعه ابعِيُوني
ﮔلـتلهُم اوياكم أرُوح وما خِـذُوني
عبد الله ﮔلتلهـُـم يظل واتعَـذِّرُوني
وزَاد بـﮔليبي الوَجِد
مَاي ويوَدّع وَرِد
وذبلوني
ودعوني

.....................................
لقمان بدران

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ



[ نعي الليلة الثالثة من محرم ]
ــــــــــــــــــــ
مرّن عالعليله اســـوالف إثگال
ماتت يوم أبـوها حَمَّــل وشال
كون اعله العليله الدمع لو سال
مو بچفوف كون إبصاع ينچـال
ــــــــــــــــــــ
مو بــس للعليله دمعــة العــين
هالليله البچي المفروض لحسين
صعب تِفِرد إبنيّه وتاخذ إثنـين
كون اعله العليله إنـموت مرتين
ــــــــــــــــــــ
گلبــك عالعليله علِّمـه إيذوب
صبر يعگوب عدهـا وعلِّة أيوب
ياخذها الغروب يجيبها إغروب
أبوها إيموت وهيه إتّاني مكتوب
ــــــــــــــــــــ
مهدي التقي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ



انه العليله دمعي اسيله
عالفارگوني يعمن اعيوني
دمعي اسيله انه العليله
...................................................
لوادري يلفون من دمع العيون چا دم بچيته
مااصبر اشلون ذبلت هالاعيون عالفارگيته
وأتهدم الحيل يا ونت الليل من ساهريته
وبهمي الاثگيل بالحسره والويل انه اشتكيته
وانه او ضنوني. يعمن اعيوني
دمعي اسيله انه العليله
...................................................
عيني اعلى بابي. تنطر احبابي تنطر محنه
او گلبي يرابي ابلوعت عذابي الكم يهلنه
وشتاگت الروح ماتحمل اجروح لابيه ونه
ياساعه وتروح مابين الاسفوح تتبع ضعنه
ماضن يجوني يعمن اعيوني
دمعي اسيله انه العليله
...................................................
تاخذني الاحلام الذيچ الايام. من عاشرتكم
عاشت بالاوهام. والهم والالام. روحي بفگدكم
انه اعلى بالي فكري اوخيالي ضلت صوركم
ابهاي الليالي يرحملي حالي عايش ذكركم
يمكن نسوني يعمن اعيوني
دمعي اسيله انه العليله
...................................................
لااجاني منكم طارش وصلكم. من الغاضريه
خايف عليكم گلبي اونطركم يهل الحميه
ابهي النوايب خاف الحبايب. شافو اذيه
وأگليبي ذايب هاي المصايب تصعب عليه
لا تتركوني يعمن اعيوني
دمعي اسيله انه العليله
...................................................
لشاعراهل البيت عليهم السلام
خالد عامر الزيادي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


#_ليلة_العليلة
#_أعظم_الله_لنا_ولكم_الأجر
:::::::::::::::::::::::::::::::::::::::::::::::::::::::::::::::

السلام على فاطمه العليله
السلام على فاطمه العليله
:::::::::::::::::::::::::::::::::::::::::::::::::::::::::::::::

يا سـلام الله عـلى الـكتلـتهـا نـظـرات
وخلن ابدرب العشك مـو لچمه لچمات
ماتـت الروح ابسفرهـم والـكـلـب مات
ابجـاهچ الليله ومقامچ عـدنـه حاجات ...
:::::::::::::::::::::::::::::::::::::::::::::::::::::::::::::::::::

عدنه وهوايه حوائج وانـتِ تـقـظين
حـتـمـاً وأبـداً عـليـنـه مـا تـبـخـلـيـن
والله لـو مـا حبكم احنه ابحسره ميتين
نموت بس يرجع يردنه مجلس حسين ..
::::::::::::::::::::::::::::::::::::::::::::::::::::::::::::::::::

يا كريمه بت كريم امن اهل الاكرام
أول الحـاجـات عـدنـه نبقـه خـدام
كون هالخدمه تدوم ابكل سنه وعام
رافعين الراس عالي ومـا نطـخ هـام ..
::::::::::::::::::::::::::::::::::::::::::::::::::::::::::::::::::::

ابجاهچ العند الله ندعي ثاني الاشياء
كـون عالفطره انـتوفـق مـو عالاهواء
ولا نكول افلان صاعد خاطف اضواء
من سلفنه الماضي ناخذ منهم انباء ..
::::::::::::::::::::::::::::::::::::::::::::::::::::::::::::::::::::

هوايه حاجات اللي منها هالكلب ذاب
مـا نـعـدد بـالـحـوائـج انـتـم ابـواب
كـلـمـن ابهـمّـه يجيكـم أبـد مـا خـاب
سـر إلـهـي ويّـه ربـنه صـرتو احـبـاب ..
:::::::::::::::::::::::::::::::::::::::::::::::::::::::::::::::::
لخادم اهل البيت(ع) علي فائز الخفاجي
#_محرم_الحرام
#_16


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

إلى فاطمه العليله ع🍂

تلهب بالگلب جمرة سفركم
بويه اليابلد طوح ظعــنكم
عفتوني وحزينه••رحتو اليامدينه
                        ««««((()))»»»»

فاطمه أنه العليله بويه محد ضل إليه
حته هالدار بغيابك  ظلمه يحسين وخليه
لوبچيت وإنت يمي تنشف دموعي الجريه
من رحت دمعي على خدي ومسح دموعي بأديه

على دروب السفر أكضي الليالي
وكل ظعن اليمر يبچي على حالي
أنشد ياظعينه«» رحتو اليامدينه
                           «««((()))»»»

روحي يعصرني حزنها  إمكيده بخوف إتركتني
إنكلبت الفركه ذيابه      ليلي كله إمحاوطتني
چن غزاله الدنيه لبوة      وبالمخالب كطعتني
بداري أحس وحشة مگابر   هذا حالي من عفتني
 
ميته من غبت بعدك  عساني
  غرگانه إبحر حـــــزني   تراني
    يالصرتو السفينه•••رحتو اليامدينه
                     «««((()))»»»

إنتم أتصور رجعتو  من يمر ظعن على بابي
أسأل عليكم دليلي  يسكت ومارد جوابي
وي طير إلي يهاجر  إلكم أنه أبعث عتابي
طفله وحدي وهم عليله  ليش عفتوني بعذابي
  
   عيني على الدرب وتنطر إلكم
      وعلى نجوم السحر أتبع أثركم
         ودلالي بونينه•••رحتو اليامدينه
                   «««««(((())))»»»»»

تمشي تسحك إنت دربي    بويه من خوفك عليه
بالورد تزرع طريقي    خاف شوكه تجرح إديه
ماأريد الدنيه بعدك      أطلب من الله المنيه
بويه لاتفجع دليلي       لاتهـــــاجر  رد  إليه
   
  حلم وفاركت يابويه عيني
      وللطف لو رحت ماظن تجيني
    گلبي إشتد حنينه•••رحتو اليامدينه
                    «««««(((())))»»»»»

من بعد صبري ونحيبي ردت اظعون الفواطم
بس حرم كلها ويتامه وبس عليل وياها سالم
أنشد بعمتي وأكلها  وينه چابدر الهواشم
وينه عبد الله والأكبر وين أبوي إوينه جاسم
   
ثاري إذبحو بالغاضريه
    وعمتي والحرم كلها سبيه
وصوتي إنحز وتينه•••رحتو اليامدينه
                     ««««(())))»»»»
الشاعر نسيم الحميداوي




ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


فاطمه العليله «ع»

شمع گلبي ذايب••• بفركتك يغايب
على باب الأماني؛؛؛؛   أنوح وأراقب
بديه وردتي••••على خدي دمعتي
           •••؛؛؛ •••؛؛ •••
على أوراق الشجر أكتب وأراسلكم
شوكت بويه تردون المنازلكم
روحي سافرت وي الظعن  إلكم
العليله بس جسد ضلت تراقبكم

اذا رد ضعنكم نذر وعلى بتكم
أطشن هلاهل ••••إورد انثرلكم
واحس من فرحتي••على خدي دمعتي
••••
عبد الله ورقيه وسكنه   كلها  إوياك
بس انه العليله على الجمر اتناك
بقت وحشه المنازل مقفره بلياك
مكدره وچن مقابر من عكب عيناك

سهرت الليالي •••عالفكدك يغالي
الصخر من ونيني •••يون على حالي
عفتني بحسرتي••• على خدي دمعتي
•••••؛؛؛؛؛؛ ••••
ورده بچفي إلك وتنطرك ترجع
وتلكاك يمــــته وتمسح المدمع
كل لحــضه التمر دلالي يتكطع
اصبر  روحي بعدك كلبي مايقنع

يندبك عذابي•••وتحس بمصابي
يريتك تدلي ••••وتدك إنت بابي
أتاني بلهفتي •••على خدي دمعتي
••••؛؛؛؛ ••••
رحت عني وعفتني الوحدي أتألم
وكضيت اليالي بجيتك انه احلم
إجه ناعي المصيبه بشر بن حذلم
سألته عــــن  الاكبر والأبو  والعم

يگلي بسؤالچ•••••بچيت على حالچ
صبحتي يتيمه ••••والاسود حلالچ
ركضت على عمتي•••على خدي دمعتي
••••؛؛؛؛؛ •••••
إجيت العمتي أركض والكلب مجروح
أكلها أشلون أعيش وعني ابوي ايروح
عليچ أقسم يعمه بالعرش   واللوح
صدك حسين أبوي بكربله مذبوح

عرفت إبچيها •••إنذبح لن وليها
وأثر للسلاسل •••أعاين بديها
صرخت بسكتي•••على خدي دمعتي
•••••؛؛؛؛؛ ••••
للشawi

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ
العليله ع

ابداري ارسمت صوركم
يحلى ابدمع رسمكم
يحلى بدمع رسمكم
يبويه يبويه
* * *
أعتب إشگد أعتب إعله الما خذوني
من كثر دمعي تره ابيظّت عيوني
بين لحظه ولحظه اگولن ها اجوني
اوصل الباب ولچن خابت ضنوني

لنه الهوه اعله بابي
وهنا كثر عتابي
وهنا كثر عتابي
يبويه يبويه
****
ياگلب جيّت أملهم يالله إنساه
بس امل واحد بقالي عايش اهنا
عالجدار ارسم ابوي بدمعة إل آه
بلكي يطلع والدي وتشابگ اوياه

من يطلع اشتكيله
حنّت الك عليله
حنت الك عليله
يبويه يبويه
****
كلكم ارسمكم صرت من دمعة الياس
ذيچه سكنه ويمها عمتي وذاك عباس
ارسم اويجرح دليلي ظل الاحساس
كل صوركم يا هلي ما بيها انفاس

تكبر بدة حسرتي
من دم تهل دمعتي
من دم تهل دمعتي
يبويه يبويه
****
من اجي الصورة رقيه اذكر ايام
ياهي منه الليله يم الوالد اتنام
يمته يتمايل رسمكم عايشه اوهام
شلون اعيشن عمري كله بين الاحلام

تجرحني ذكرياتي
غرگت دمع عباتي
غرگت دمع عباتي
يبويه يبويه
****
ذاك عبدالله بحظن إمه يلالي
بعده يرضع ليش اخذتو يالغوالي
وذاك لكبر شايل اعيون اليالي
دونه وحشه داري ما وچد خيالي

من دونه ضلمه داري
وتسري بدليلي ناري
وتسري بدليلي ناري
يبويه يبويه
****

الشاعر اياد الديراوي



ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

قصيدة في حق فاطمة العليلة (ع)


محتاجه كَعدة عائله واحبابي كلهه بكربله
ياوسفه راحو كل هلي
ياوسفه راحو كل هلي
.....................................
وكت العصر حين اليمر بيه اختنِك مِــن الهوه
عودي الذبل بعد المشو كل ساعه بالحركَه التوه
خلصت حياتي جن سجل يوم المشو عني انطوه
صحراء بيهه استوطنو كَالولي اسمهه نينوه
احساسي واني مدللـه
راح وبقيت ابمشكله
منهو اليكَلي ادللي ياوسفه راحو كل هلي
.....................................
تخنكَني وحشتهم واحس بحروف اساميهم عطش
كل ساعه باحساسي يمر يم عيني من عدهم نعش
حالي احس مثل المشت ميته وعمرهه اثمنطعش
بس انعصر ضلعي ابهجر حاديهم البيهم غبش
ولاشفته رد المنزله
تنتظره كلمة يا هله
لاردلي عباس وعلي ياوسفه راحو كل هلي
.....................................
حيلي انهدم بيه المرض ماخذلي حيلي وقوتي
انه العليله وشنتظر بفراكَ اخوتي محنتي
بالكَوه تطلع يــا بشر من البواجي كلمتي
واصرخ تعالولي ومشو محد سمعهه صرختي
وابعدت عني القافله
وانه ابأثرهم نازله
بِسْت التراب اليعتلي ياوسفه راحو كل هلي
.....................................
اربع حيـــاطين وصمت يملي الغرف بعد الاهل
كل من يعيش بهالوضع يـتـمـنـه والله الاجـــل
لا بي حسـين ولا كَـبـر يضويلي بالضلمه نزل
وكلهن خــواتي ابعدن بضعون اهل خير العمل
بالخد نهر دمعي اعتله
طحت ابمصيبه قاتله
تغلي ابوسط روحي غَلي ياوسفه راحو كل هلي
.....................................
كلتــلهم ابـيـوم المشو رجعولي من عدكم خبر
وآنه على الباب انتظر ضليت احس راح النظر
لا عمي ردلي ولا علي وعيـوني ضـلـت للسهر
جن طيراحس روحي بقت عطشانه واحتاج المطر
روحي الخيمهم راحله
كون الوكت بيهم حِله
محتاجه شبكَات الولي ياوسفه راحو كل هلي

الشاعر ياسر العارضي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


فاطمه العليله ع
-----------------
اريد اكتب رسالة شوك     يهلي وسأل عليكم
ارسله ويه ريح الهاب      بيكم جيه مـا بيكم
--------------------------------------------
بحروف الحــزن اكتب     كلام  وغربتي الشاهـد
رساله بدمعة عيونـــي      الحضرت سيدي الوالد
مليانــة بمحبــه  وشوك     كلبـــي عليكم ينـــــاشد
انـــي فاطمــــة واسال     عليكم واحـــد الـــواحد

مـن دار الالـــــم والآه     نسمة روحـي لهديكــم
ارسله ويه ريح الهاب      بيكم جيـــه مــــا بيكم
---------------------------------------------
شريــــان الكلب يــــابوي     من رحتو مشه وياكم
خــــذتو كــــل حيـاة البيه     شلـــون اتريد ينساكم
جنكم ما سمعتوا الصوت      منـــه بيـوم نــــاداكم
خذوني ويه الضعن يهلي     امشي بــــاثر ممشاكم

وتامـل وجـه الأخــــوان      زهـرة عمري لنطيكم
ارسله ويـــه ريح الهاب      بيكم جيـــه مــــا بيكم
---------------------
اخبركم غصن عمــري     ذبل من شجرته اتكطـع
تـــاه ولا فضه اليحويه     بعدكم مــــــاروه بمنبـع
خوفي عليك من الطف      تروح وبعد مــا تـرجـع
افكدك ونته نـور العين      يــــا حــزن البعد ينفــع

اجمع دمعــتـي تمنيـت      بجربة مــــاي ورويكــم
ارسله ويه ريح الهاب      بيكم جيـــه مــــا بيكـــم
-----------------------------------------
يــــا دار لاسكننــــــــه      واهنــه بعيشته وارضه
بعدكم يــا ضوه دنيـاي      يفـــرح كلبي مـا ارضه
تراه بلا رحم دهـــري      علي بالهم فرض فرضه
اريدك بويه رد ليـــــه       رد ليـــه ولــــو ومضه

دربي البيها اشوفنـــــه      وكتب يبـــــه اساميكـــم
ارسله ويه ريح الهاب      بيكم جيـــه مــــا بيكـــم
-----------------------------------
اختم اخـــــر حــــــروفي       سلام وبيه امل رجعه
اشوفك يمــــي يعيونـــــي      ومنـــي اتنشف الدمعه
يضل حبل الوصل يابوي      ريتـــك والله متكطعــه
ابرالك لحــــد مـــــاموت      وانت لكل درب شمعه

دعوه مــن كلب مجروح      الــــي ربــــي يخليكــــم
ارسله ويه ريـــح الهاب      بيكم جيـــه مــــا بيكـــم
-----------------------------------------
نسالكم الدعاء 
ابيو باقر المالكي  // 28/6/2024

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


لسان العليله مع والدها الحسين.. ع..

بويه شكثر نطرتك... لا ما ترد عرفتك
من روحتك شاب الكلب... ومشبوحه عيني عالدرب

****__

لمن مشه ذاك الظعن... وظليت وحدي بداري
هم وصلتك عني بعد... جم كلمه عن اخباري
بلباب منتظره تمر...وبلكلب تلهب ناري
ما نشفت عيوني ابد... بروحتك دمعي جاري

وشكثر اني ردتك... عايفني واني بنتك
وحالتي أصعب من صعب.... ومشبوحه عيني عالدرب

****__

منتظره كل ظني تجي... وترجعلي بويه سالم
يالشوفتك تشفي العلل.. وكلبي بمحبتك هايم
وبحالتك كلبي علم... وكلشي يدري وعالم
بالحلم شفتك بالحلم... فوك الترايب نايم

بالحلم لمن شفتك... متفطره بويه شفتك
والوحدك بين الحرب... ومشبوحه عيني عالدرب

****__

كل يوم اليمرني تره... يزيد المرض والعله
اشفه وأطيب من المرض... اطولك تره من اصدله
طفله وعفتني بالخطر... وحالتي لا مو سهله
يا كلبك الكلش ترف... حفرته ويلي النبله

كلبك الماكو منه... ما ظنه بعد يلمنه
والسهم بكلبك يطب... ومشبوحه عيني عالدرب


****__

نمت بمنامي وجن حلم...  شفته وابد لا موزين
متمدد انت عالترب... بحالك شصاير يحسين
ماتهم بجروحك ابد... للخيم مشبوحه العين
شفت  الجروح بكل كتر... يمكن عددهن الفين

جروحك شفتها كثره... اي وحك عطر الزهره
ومتمدد وفوك الترب... ومشبوحه عيني عالدرب

****__

شفت الشمر فوكك كعد... ومن كعد ادري شسوه
سب وشتم بعد الظحك ... ويكطع بنحرك هوه
وحظر لراسك جم رمح...هايه تراها بلوه
عطشان وتنادي بالم ... بس وسفه ما تتروه

من الكفه يذبحونك... وهواي يطعنونك
بالحومه جسمك منسلب... ومشبوحه عيني عالدرب

****__

بالنار وجوها الخيم... وما سلمت الكم خيمه
طلعت اطفالك نتحب... وعماتي طرن هيمه
والشمر ماعنده رحم.. ما يرحم اي يتيمه
وشدو اديهن بالحبل ... والشام اجه وظيمه

زينب صدك مسبيه... وسلبو تراجي رقيه
والخيم كلها تلتهب... ومشبوحه عيني عالدرب

****__

منتظر صالح الكعبي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

كعديه ...ل فاطمه العليله

لسان حال العليله

لمن مشيتو أظلم البيت
زادت اوجاعي الوحدي ظليت
كل لحظه ما فاركتو بالي....مشتاكه الكم يالغوالي

****__

من مشه ذاكه ظعنكم...الحزن سير عليه
زادت العله اعله كلبي...طفله يا أهلي شبديه
شعجب هيج انتم جفيتو...عني ما كلتو خطيه
لمن مشه ذاك الظعن
أظلم صفه كل الوطن
وجروحي اليه سيرن...وسيرت كل الاذيه

وياكم امشي شكد تمنيت
اخذوني بويه بدمعي ناديت
يالابد ما كلتو تعالي...مشتاكه الكم يالغوالي

****__

مو عليله جنت أني...الفركه خلتني عليله
جان كل الحيل بيه..وهيج صرت اني نحيله
والهظم من مر عليه...حرت منهو الاشتكيله

منهو البقالي اني منو
لا ام بقتلي ولا ابو
لا أخت ظل ولا أخو...وحته مايمي العقيله

مشتاكه اني وشوكي طافح
وشاب الكلب من النوايح
وعيوني عالخد تلالي...مشتاكه الكم يالغوالي

****__

بالدمع أسأل الباري...والضعن يهلي شيرده
هواي مشتاكه اني يهلي...الذاك اخوي الجنه ورده
لذاك عبدالله حبيبي...مشتاكه اهزن ذاك مهده

عبدالله شيرجعه الي
وشيرجع الاكبر علي
مشتاكه الكم ياهلي...والحزن كلبي يضده

شخبار اخوتي طمنوني
بس بعد لا ما يجوني
غالي الاخو ياناس غالي...مشتاكه الكم يالغوالي

****__

المشو احبابه عنه...ما ينام اليل طبعه
ينحني ظهره بمشيته...وبيده لازم يبقه ظلعه
ولمن اشتاك الخواتي...من دمه تنزل الدمعه

عافني كلهن ومشن
وبحالي والله ما درن
ياهلي حالي بالمحن...الراح من عندي شيرجعه

مشتاكه اكعد وي رقيه
وبجفوفها تلزم اديه
ما ترد ليه اعرفت تالي...مشتاكه الكم يالغوالي

****__

عمي ياعباس والله ...شكثر مشتاكه اني احضنك
شكثر مشتاكه الجفوفك.. فدوه بس طمني عنك
وياحسين شلونك انت...بويه وشخبار حظنك

يابويه شخبارك بعد
لتكلي داسوه الجسد
مو كافي هل كلبي انمرد...كون يمي واشمنك

ياللي عفتني بحزني وحدي
راح انتظر جيت المهدي
للمهدي راح اشكي اني حالي...مشتاكه الكم يالغوالي

****__

منتظر صالح الكعبي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ



قصيدة ( اغفه بحضانك ) إلى السيده فاطمه العليله عليها السلام


اغفه بحاضنك اشــوف العافيه
باﭽر بحضن المواجــع غافيـه
العله والفرگه ســوه   
لـو رحت راح الهوى

****

خلني بحضانك يبويه اغفه بس هذا المسه
مركب أحزاني تشوفه هسه يم شخصك رسه
طفله والدمعه أعلى خدي والزمن تدريه قسه
ريت روحي بحظن عطفك تطلع اليوم وعسى

كون يمك بويه اخلص اسنيني
ولا تظل بــس للمدامـع عيـني
يطفه بعيوني الضوه   
لو رحت راح الهــوى

****

باچر بحظن المواجـع بعــد عطفك يـا أِبـه
بنايبه مــن تغفه عيني وتَفــز بويـه بنائبه
الصاحب اللعلّه اونينه يــا فـرح اليصاحبه
عني لــو يبعــد ضعنكم خيّــم ابقى مسلّبه

النوح ينهش بويه تدري بروحي
ومو جرح ويطيب كثره جروحي
نوحي كلــه لنينوى    
لو رحت راح الهوى

****

بلا ابـو دار الحبـايب وحشـه حيــل ومظلمـه
يا عطش گلب اليفارگ بويه اش من الضمّه
خلّني بأحضانـك اشمن عطـر امــك فــاطمـه
باﭽــر أخيــول الاعــادي بالحوافــر تهَشمّه

حضنك الدافي يبويه شحاله
مــنْ تــرضه بكربله الخيّـالــه
بدمك الحافـــر روه     
لو رحت راح الهوى

****

بويــه اليفارگله واحد على الدرب يتأمله
وبيش يصبر بويه گلي من يفارگ عـايله
آنــه مــنْ علتــي انوحن لـو انوح لكربله
ريته گبل الطف ذبحني سهم نبلة حرمله

بيش اليفــارگ يصبـر روحـه
وحگه ما يبطل ونينه ونوحه
نــوح اليفـــارگ دوّهَ   
لو رحــت راح الهوى

****

العلّـه  والفــرگـه يبــويه باچــر يمّــرن علــيّ
تعمه بويه اعيوني بعدك يالـﭽنت لعيوني ضيّ
هسه اغفه بفَيّ حنـانك  بــاﭽـر انه بلايا فَــيّ
لا اخــت لا عمّـه يمي لا ابــو لا باقي خَـيّ

كربلــه تفرهدهم مــن اعيـوني
كون امـوت ولا اظــل لضنوني
نجتمع صعبه سوه     
لو رحت راح الهوى


الشاعر
موسى البديري
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

لسان حال فاطمة العليلة

انا العليلة والوكت    ارتاح   ما خلاني
وكت اليفرحني مشه  وكت المدامع جاني
أنا العليلة
انا العليلة
★★★★★
اتعذبت  وتحيرت وتلوعت   بعتابي
لمن مشوا عني أبعدوا  چنهم سعوا بمصابي
محد سئل من الاهل شنهي الحصل بحبابي

انا العليله اتلوعت  محد دره ابلوعاتي
ياطارش يروح الهلي   ويشرح جمر چوياتي
انا العليله
انا العليله
★★★★★
بدار الحزن  ضليت أون إلهم أحن  واتعذب
سيف الهظم حز العظم زاد الظلم   وتشعب
بلهم طحت وتمحنت  عمه صحت يازينب

انا العليله الياوكت   تنزف جروح جروحي
لكلشي نهايه وانتظر   ماكو نهايه النوحي
انا العليله
انا العليله
★★★★★
ايام العمر   وحشه تمر گلبي جمر من همي
لامن أكو  عم واخو   لامن أبو  ولا  أمي
وبحسرتي   وبغربتي  لاراحتي ولاعزمي

انا العليله من هلي بدار الحزن خلوني
زين ويضل من البچي شوف وضوه بعيوني
انا العليله
انا العليله
★★★★★
حال الگلب  كلش صعب  وحال الغرب  خلوني
صعب السهل  عگب الشمل  عيوني تهل اعيوني
همه الضوه   وشم الهوه الجرحي دوه  وعافوني

ايردون ياساعة الأهل  والله الصبر تعبني
ماهمني ياذيني المرض  فراگ الاهل كاتلني
انا العليله
انا العليله
★★★★★
بغربه صرت من الوكت بيكم چنت  اتگوه
هموم الزمن كلهن لفن  مثل المحن والبلوه
حال السعد  عني أبتعد  وعمري بعد مايسوه

أمودع الله يافرح    بالك تمر أبابي
ماحاجه تتعنه وتجي  راحوا أعز أحبابي
انا العليله
انا العليله

الشاعر حسن لعيبي الحريشاوي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ



[[أم البنين ع تحاور السيده فاطمه العليله ع]]

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

بخت جدچ يعلويه ويردون
ويرد الغالي وينور نزلنه

فدوه تروح لجله كل الاولاد
ويرد ريحانة الهادي لوطنه


يربي سالم ابن المصطفى يعود
بنور حسين تصبح داري جنه

اجابتها العليلة ع
بدمع جاري :

انه ادري بدعائج يمه مقبول
ولكن گلبي مامرتاح چنه

ييمه ليش عني مايسألون
ماگالو عليله هناك ألنه

انه الغاليه وهيجي يسوون؟!!
وادري بوالدي الكله محنه

أضن عارض عرضهم يم البنين
وموش بخير اضنهم يمه أهلنه

من الغاضريه نگطعت أخبار
ولاندري شني الصار بضعنه

گلبي ذاب گلبه من الفراگ
ونيران البعد يمه جونه


علي نذر(ن)لان عادو للاوطان
بحضن احسين اضل ماافارگنه


وعبد الله بسواد العين أخليه
وما ارمش اخاف يضيع منه


وراية عمي العباس كالثوب
يغطيني بدلاله والمحنه


لعلي الاكبر گليبي شكثر مشتاگ
وشكثر گلبي اله راد وتمنه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

جهاد البصيراوي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

نعي عن لسان العليله بعد استشهاد ابيها الحسين عليه السلام

ياشمل الاحبهم راح   
واجاني الليل والمدمع
شلون الروح بعد تهيد  
وتغفه العين لوتهجع
عليله وچملوا علتي  
شدّهه من الخبر اسمع
هلي راحوا ذبح كلهم  
وابوي على الثرى امگطع
گالوا منذبح عطشان     
گلبه من الضمه اتصدع
وعمامي الظلوا على الكاع 
حرگتهم شمس تلسع
چم حيد وبدر يضوي 
جسمه على الثرى اموزع
الطلعته بدر عمي راح     
بعينه السهم  مايطلع
وبالخيمه اسمعت گالوا  
زينب تنظر  المصرع
تحشمن بعد عباس        
ولا الها كمر  يفزع
عليها وج المخيم      
وجاها   جيش المدّرع
وين اتروح بالايتام         
ظلّت قهر  تتجرع
سلاّبه اجتها الگوم   
بغير  النهب  ماتقنع
اطفال الي كتلها الخوف 
بحر السوط تتلوع
گلبي شلون ماينهد   
وعلى اهلي شلون مايجزع
عليلة  ابلا اهل ضليت   
وشمل الراح مايرجع

الشاعر حسن لعيبي الحريشاوي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

(دموع العـليله)
الى سيدتي فاطمه (الـعـليلـه)عليها السلام
     (وزن الحدي التام )
🔸▪🔸▪🔸

دمعي يظل يجـري نهـر
شوگي الك صحره لمطر
گـد مابجيت بغيبتك.  ذبلت عـيوني من السهـر
بـابـه بـابـه        بـابـه بـابـه

🔸▪🔸▪🔸▪🔸▪🔸▪🔸
1
اول معاناتي ابتدت. خلت دموعي تصب دمه
من انضر الظعن الاهل. هـالمسـتعد للـمـوزمـه
من والدي جـاني الخبر. تبقى العليله فـاطـمـه
هـنا اول اسهـام الدهـر.  اتوجـهـت من كـربلـه

وصحت ابدمع ياوالدي
تتركـني لـيش الوحـدي
وانـي العـزيزه ابـنـيـتك. فراگك صعب ياسيدي
بـابـه بـابـه        بـابـه بـابـه

🔸▪🔸▪🔸▪🔸▪🔸▪🔸
2
اه الوداع شگـد صعب. من ودعت كل اخـوتي
ومنضر اخـياتي رسـم.  نهر الهجـر من دمـعتي
ودعت الاطفال واجت. رقـيه تـون وي عـمـتي
گالتلي عمتي اتوادعن.  وزادت عـلـيـه عـلـتـي

گــلـبـي عــلـم مــانـنـجـمـع
سكتنه ودمع يحجي لدمع
لمن سره ضعن الاهل. ضلمه ورحل منها الشمع
بـابـه بـابـه        بـابـه بـابـه

🔸▪🔸▪🔸▪🔸▪🔸▪🔸
3
من المـعـانات اصـبحت. لاعــايـشــه ولامـيـتـه
مـن والـدي عـندي أمـل. يرجـع خـبـر لـبـنـيـتـه
يطمني عن حال الاهل. شنهو الخبر عن سفرته
بنتك صفت حتى الهوه. هـم تنجـرح لوشـهگته

بويه الهوه المابي عطر
مـنك احـس جـنه جـمر
ادركـنـي بـويـه مـروتك. ماضل بعد عندي صبر
بـابـه بـابـه        بـابـه بـابـه

🔸▪🔸▪🔸▪🔸▪🔸▪🔸
4
حتى الحلم بعد الاهل. كـل لـيلـه جـايبلي خبر
لـيلـه يراويني الخـيم. ليله اشـوف ابشـع صور
من الحلم اصحه وافز. تبـدي مـعـانـات السـهـر
خوف ورعب گلبي انمله. وين التفت كلها خطر

راح الـدلال ابـغـيـبـتـك
ادركـني بـويه مـروتـك
كل ساعه بسهام الهجر. مذبوحه بويه ابنيتك
بـابـه بـابـه        بـابـه بـابـه

🔸▪🔸▪🔸▪🔸▪🔸▪🔸
5
جن ورده محتاجه المطر.  ذابل غصنها وملتوي
ولـواشـرب ابحور الارض.  بـعـدك ابـد مـاارتـوي
يالي اكسرت غصن الورد.  ماضن بعديرجع قوي
يالطـاوي فكـره رجـعـتك.  نار الهجر بيها انجوي

اخـــر ســلامــي لـلأهــــــل
ليش هيجي كل هذاالحصل
محـرومــه اظـل ابـغـربـتي. مثلي بشر محد حمل
بـابـه بـابـه        بـابـه بـابـه

🔸▪🔸▪🔸▪🔸▪🔸🔸▪🔸
           تمت بعون الله تعالى
          
      عقيل حسين الگـرعـاوي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

(فاطمه العليله)تستقبل بعالم الرئيه ضيفها الغالي
والدها الامام الحسين ع
➖➖➖
وزن القصيده
المستهل/ تجليبه +مقاصير الفجر
النص/ مقاصير الفجر +نصاري
⚫⚫⚫
(ضيف العليله)
➖➖➖➖➖

هـله بضـيف الطـيوف الـهـاجر الـواقِـع
سـتِريح ابنُص دِليلي گـلبي الك واسِـع
على احـوال العِـيال اسـألك جَـم سُـؤال

🔸🔹🔸🔹🔸🔹🔸🔹🔸
1
هله بريح الابو هله بحضن الدُفو
وحَـگـك روحـي مَّـلـت گـعـدَت الـبـاب
اريد اسـأل علـه الجِـفوني الكربله
شنو الغيبه الطـويله وشنهي الاسـباب
اسـألك عـالكفـل عَـلـَّيه هـم سـأل
مـن اطـبـاعـه يـتِـفَـگــد كـل الاحـبـاب
اشم طيفَه اليمُر واسولفلـه شكثُر
افز من حلمي واصحه بحضن الغـياب

يضل طيف الهَجُر بضلوعي يجويني
بكوابيس الطفـوف من اهلي يلفـيني
وانه اتوَّسـل تعال اسألك جم سُـؤال

🔸🔹🔸🔹🔸🔹🔸🔹🔸
2
غصن عودي لتوه وعلي ضاگ الهوه
وانــه بـذكــراكــم الـهـج لــيـل ونـهــــار
رقـيه من مشـت الگـلب مني خذت
اثــر بـوســــات مـنـهــا بـقــت تـذكـــــار
وينسمات التجي ادزلـهـــا حــجــي
يـاتـوأم روحــي بـيـج اشـصــار مـاصــار
ولايرجـع جـواب يبويه من العتاب
ونـذر يـومــيـه انــذر لـــوتـجـي اخــبــار

يبويه فَـضّـي خـلگـك تدري مجـروحـه
ونه بسـيف الصَـبُر والفَـرگـه مـذبوحـه
عـگـب ذاك الدَلال اسـألك جـم سُـؤال

🔸🔹🔸🔹🔸🔹🔸🔹🔸
3
بوريدي الدَم جِمَد بخيالي جن مهد
اهـز بي وابجـي وحـدي بعـالم الطيـف
يـعـــبـدالله تــــره بقـيت مـنـاطـره
تجـيني وروحـي افـدي اكرام للضـيـف
ولاكِــنـه الـحـلـــم يراويـنـي سـهـم
يـتـشــابـگ وي رگـبـتـك الـف يـاحـيـف
يبويه احجي لجره تـراني مـنـاطـره
مـطـر غـيمـه حـنانك جـاسـني الصـيـف

احـس گـمت امـن اشـبـگـك بويه تتألـم
عـطـر حـرگ المخـيم بالقـمـيص اشـتـم
يمـفـخـرة الـرجـال اسـألك جـم سُـؤال

🔸🔹🔸🔹🔸🔹🔸🔹🔸
4
عـلـيـه لاتـظُـــم الگـلُب شـابِع هظُم
عـن الـي راح اذكـره انـطـيـنـي رُئـيـاي
شفت عَمي الگُمَر اتجه صوب النهَر
والاطـفـال بـخـيـمـهُـم نـاطِــره الـمــاي
شفت نار بخـيَم وصياح من الحرَم
صرَخَـت عـمـتي العـقـيله راحو احمـاي
ولاصاحب بخَت فِـزَع مـن انـتَـخَـت
بـقـى يـبـاوع عـلـيـهــا الــراح والـجــاي

طلَعت روحي واردها بشَـهگَت اليقضـه
گـبـل لامـوت شـوفَـتـكـم ردت لـحـضـه
گـرَب موتي مُحال اسـألك جـم سُـؤال

🔸🔹🔸🔹🔸🔹🔸🔹🔸
5
يضل طيف الهَجُر يراويني شـكـثُر
وابوي بجـسمه اجـاني سهـام وجـروح
شغت من باوعِت بثيابه الدم شفِت
الأشـد من هـالمـصـيـبه راسـه مـذبـوح
وانه بـلايه وعـي تـلـگـيـتـه بـنـعــي
يـبـو روحــي عــفــت بـنـتـك بــلا روح
سمعت گوه كلام ينطقه امن لسهام
يبت روحـي اسـتعـدي المـوسـم النوح

انه بشوگي وحنيني جيت الج عطشان
البگـه ابـراسـج يبـويـه راحـت الولـيـان
عفـتهـا اعلـه الرِمـال اسألك جـم سُـؤال

🔸🔹🔸🔹🔸🔹🔸🔹🔸
6
صحيت امن لحلم وبقى بعيني رسم
ورحـت لأم البـنـين اوضـهـري مـكـسـور
شفـت مـأتم عـزاء وخـبر مـن كـربلاء
وشـفـت قـاروره يـمـهـــا بـالـدِمـه تـفـور
اجـاهـا بالـطـيوف خـبـر من الطفوف
ذخــر بـيـت الـرســـالـه شــافـت انـحـور
صـريعـه ابكـربلـه ودمـاهـم سـايـلـه
كِـسَـر ضَـهـري الـزَمـان ابعَـشره عـاشـور

يـبـويـه وداعـت الله يـالـخـذت كـلـشـي
احــلـفــك بـالــزجــيـه رد اخـــذ نـعـشـي
الـي شِــد الـرِحــال اسـألـك جـم سُـؤال

هـلـه بضـيف الطـيوف الـهـاجـر الـواقـع

🔸🔹🔸🔹🔸🔹🔸🔹🔸

تمت بعون الله تعالى

عقيل حسين الگرعاوي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ



قصيدة لفاطمة العليله روحي فداها
فاطمة العليله تسأل ام البنين ع
🔸🔸🔸

هسه وين. ضعن الأحباب المشو
هسه وين. وبـرُكُــــبـهـم نـوخــو
احجيلي ياام البنين. گلبي ذاب من الونين
هسه وين. هسه وين

🔸🔸🔸◽◽◽🔸🔸🔸
العليله
1
اشـتـيـاق الـبـالـگـلـب خـلـف حـراره
روحي وجـت خل يجي يطفيها ناره
امـنـيـتي ياام البـنـيـن اعـرف قـراره
يرجـعـلـنه لـويضـل شـنـهو اخـتـياره

ادري بي. والدي تأخره الضروف
ادري بي. بصحره ورده مايعوف
تعطش اشواگ وحنين. گلبي ذاب من الونين
هسه وين. هسه وين

🔸🔸🔸◽◽◽🔸🔸🔸
ام البنين
2
كفـي دمعـج يالعـلـيله شـوگـي يلهَب
بالمـنام بـطيفي شـفـته بكـربلـه طَب
وزينـب اديـر بنضـرهـا والـدمـع صَب
الساتر الله من الحلم شوضهري حدَب

گمت اشوف. سيوف وارماح ونبل
گمت اشوف. عـالخـدر ملتف حبل
والأطفال مگيدين. گلبي ذاب من الونين
هسه وين. هسه وين

🔸🔸🔸◽◽◽🔸🔸🔸
العليله
3
ليش تمـشي والمنايه اعـليكـم ادور
وانته نجمات وكواكب ضعنك اينور
قـابض الروح بقدومه شهـر عـاشور
من شفت منضرهلاله ضهره مكسور

گلبي نار. من شفت حمـرة السمه
گلبي نار. من امطرت مو مي دمه
وكلشي بالعالم حزين. گلبي ذاب من الونين
هسه وين. هسه وين
🔸🔸🔸◽◽◽🔸🔸🔸
ام البنين
4
كل اشـارات الهجر توحي بسفـرته
من الضلام الخـانگ الروح بعتمـته
من التسـألـه ومايجـاوب لـوسـألته
هـوه اليفـارگ جمالك شنهـو ضلـته

حسرة تبقى. مـنـها دلالـي انـطـعـن
حسرة تبقى. مامشيت ويه الضعـن
وعالهجر الله المعين. گلبي ذاب من الونين
هسه وين. هسه وين

🔸🔸🔸◽◽◽🔸🔸🔸
العليله
5
والله ماتكفي السوالف والعـتب فات
بـس رسـالـه لـوتـصـلـك بـيـهـا ابيات
انعى بيهن عالعفـتها تعيش مـأسـات
ولـيـش قـرأنـك عـزلـهــا مـن الأيـات

بلايه روح. مختصر نص الكتاب
بلايه روح. تنتضر مـنك جـواب
مروتك اليوم بسنين. گلبي ذاب من الونين
هسه وين. هسه وين

🔸🔸🔸◽◽◽🔸🔸🔸
ام البنين
6
يلّـي حمـلـت الضعـون بليلة ضلمه
بروحي وبروح العليله اتركت ثلمه
فـدوه الك اربع بـنـيـنـي والله يمه
ريتي مشـتاگه النسيمك ولـو شمه

شلون اعيش. وانته لعيوني ضوه
شلون اعيش. وانته نسمات الهوه
لاحياة ابلاحسين. گلبي ذاب من الونين
هسه. وين. هسه وين

🔸🔸🔸◽◽◽🔸🔸🔸
تمت بعون الله تعالى

عقيل حسين الگرعاوي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

فاطمة العليله ع
تتوسل فاطمة العليله بسحابة في السماء
وتقول لها
🔸🔸
ياسحابة.  نزلي مني ادموع عيني اخذيها
ياسحابة.  روحـي بيـهـا الكـربله مـطـريها
بلكن اتبرد غـليل. حرم واطفال وعليل
ياسحابة.  ياسحابة

🔸🔸🔸🔸🔸🔸🔸🔸🔸
1
ياسـحـابـة اعـلـيه نـزلـي واخـذي مـني
دموعي وعتابي وجروحي وصوت وني
گـلـبي حـار ويحمي بضلـوعـي وجوني
لـو وصـلـتي لـكـربلـه ادمـوعـي هـذني

هالمدامع.  رايده اتبرد گلب مسه الضمه
هالمدامع.  خـبريهـم من نواضـر فاطمة
الكم توزع سبيل.  حرم واطفال وعليل
ياسحابة. ياسحابة

🔸🔸🔸▫️▫️▫️🔸🔸🔸
2
كل احـاسيسي وضـنوني وقـلـة الشوف
توحي عطشانين احسكم برض الطفوف
واني مـاعندي وسـيلة معـاشـره الخوف
توسـلتلي بغـيمـه وابجي وگلبي ملهوف

توسلتها. عـندي احـباب وامـانة هـالدمـع
توسلتها. لووصلتي لكربله شرحي الوضع
گولي مدمعها يسيل  حرم وايتام وعليل
ياسحابة   ياسحابة

🔸🔸🔸▫️▫️▫️🔸🔸🔸
3
اشـعر الغـرگـني عطفه هسه عطشان
الهاجر وخلاني وحدي ابيت الأحزان
بياوسيله البيها اروي گـلوب الأحنان
فـارشـه امصـلايتي وادعـي يرحـمن

ياالهي  ياغياث امن العطش سلم لحبيب
ياالهي  دعـوت ابنيه وعـلـيلـه استجيب
مالها غيرك دليل   حرم وايتام وعليل
ياسحابة   ياسحابة

🔸🔸🔸▫️▫️▫️🔸🔸🔸
4
عندي عمات وخوات واخـوه واعمام
اوالدي ابأحضـانه العـب ونغـفه وانام
ليش هسه بكل طيوفي شابگه اسهام
ولـيش من كـربله اكـتب تطـلـع الشام

يادموعي  روحي مرسال وارجعيلي بخبر
يادموعي  زغـرت الدنيا وجرح حزني كبر
صيري للتايه دليل  حرم وايتام وعليل
ياسحابة   ياسحابة

🔸🔸🔸▫️▫️▫️🔸🔸🔸
5
راحــت ورجـعـت الـيه ردت اجـواب
هـاج دمعـاتج واحـملي فگد الأحباب
مـاتـرويهـم دمـوعـج كـفـي الأعـتاب
من بعد حضنج شبگهم حضن التراب

اعذريني  من رحت شفت لضمه ميبس لشفات
اعذريني  مودموعج البخل نهر الفرات
خان عباس الكفيل  حرم وايتام وعليل
ياسحابة  ياسحابة

🔸🔸🔸▫️▫️▫️🔸🔸🔸
6
خابت اضنوني اوبعد من ينتخيلي
مـابقـالي كـل وسيله اومـات حيلي
نذبح بعيوني الضوه اومانمته ليلي
هـذا مـرسـال السـحـابه مـنه ويلي

وضحتلي  كربله من العطش صارت رماد
وضحتلي  المصيبه المرت اتبجي الجماد
اومانفع دمعي اليهيل  حرم وايتام وعليل
ياسحابة   ياسحابة

  🔸🔸🔸▫️▫️▫️🔸🔸🔸
            تمت بعون الله
     عقيل حسين الگرعاوي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA